RSA Christene kan hele land transformeer

Maar, God kan nie mismoedige mense gebruik nie!

Alhoewel mens dit nie aan die daagliks nuusblaaie en TV sal agterkom nie, is die Christendom die grootste beweging in die wêreld. Wanneer na die ontsaglike groei en impak van die Christendom wêreldwyd gekyk word, dan kan dit maklik beskryf word as “Die grootste storie wat ooit misgeloop is,” aldus dr. Peter Hammond van United Christian Action.
         
In die 2000-sensus het net meer as 32 miljoen inwoners van Suid-Afrika verklaar dat hulle Christene is.
            Hierdie Christene beskik oor ‘n dinamika potensiaal wat SA oornag kan transformeer.
            In Josua 1 is Moses dood. Die groot volksleier het weggeval. Dit was natuurlik dat die volk mismoedig sou wees.
            Maar luister:  God kan nie mismoedige mense gebruik nie!
            Kyk na die mismoedige Elia in 1 Kon,. 18:4-8. Let op die kontras tussen die Elia van Karmel en die Elia van die jenewerboom.
            In ons dag is die wekroep tot moed!
            “Maak jou dan nou klaar, trek deur hierdie Jordaan”.  Die wagwoord vir oorwinning is altyd  “Vorentoe.”  Onthou, daar is meer glas in die voorruit as in die truspieëltjie!
            God het aan Moses bevel gegee om deur die Skelfsee te trek (Ex. 14:13-16);  nou gee Hy opdrag aan Josua om deur die Jordaan te trek na die Land van die Belofte.  Baie mense kyk na Kanaän, maar wil dit nie waag om die land binne te trek nie.
            Kyk na Josua 1:3-5 oor inspirasie tot moed, en dan strofe 6 vir aansporing tot moed, en 7 vir die geheim van moed, en 8 vir die handboek tot moed, en 9 vir die rede vir moed, en 10-15 om moed te skep en 16-18 hoe moed reageer op moed.
Suid-Afrikaanse Christene sit aan die verkeerde kant van die Jordaan.  God se volk bestaande uit meer as 34 miljoen Suid-Afrikaners – 27.6 miljoen Swart, 2,9 miljoen Bruin, 204 800 Indiër, 3,6 miljoen Wit en 231 239 “ander” – hou die toekoms van ‘n totaal nuwe SA in hulle hande.
            Wat sou dit 34 miljoen Suid-Afrikaners baat om in ‘n sensus te verklaar dat hulle Christene is, maar God is nie in aksie in hulle lewens nie! Nie in aksie in hulle gemeenskappe nie!
            Dr Hammond kyk op sy beurt na die wêreldtoneel en wys onder meer op die volgende:
            “Die Kerk van Jesus Christus is ‘n wêreldwye beweging met verteenwoordigers in elke land van die wêreld.  Die Koninkryk van God het meer burgers as enige ander bevolking in die wêreld.
            “Dit het baie meer werknemers en “kliënte” as Coca-Cola, of Microsoft of General Motors.
            “Die gekombineerde wêreldwye bates van die Christendom beloop ver meer as die “Fortune 500” maatskappye.  Amerikaners gee 10 keer meer aan kerke en Christen-organisasies as wat hulle aan sport bestee.
            “Kerkbywoning in ‘n betrokke jaar is by verre meer in vergelyking met die getalle wat sportbyeenkomste bywoon.
            “Die Bybel is steeds die boek met die grootste verkope in die wêreld.  Geen ander boek kon nog ooit in die geskiedenis naby die Bybel se verkope kom nie.
            “Die Bybel word elke jaar in 18 tale nuwe tale vertaal. Agt uit elke tien mense op die aarde het reeds toegang tot die hele Bybel in hul eie taal.
            “Nege uit tien mense op die aarde het reeds in hul eie taal toegang tot die Nuwe Testament.
            “Mense van meer as 2 600 tale het reeds gedeeltes van die Bybel in hul eie tale beskikbaar.
            “Die Evangelie word in 250 tale deur middel van die radio verkondig. In die jaar 2000 is reeds 99% van die wêreld se bevolking met die Evangelie bereik deur middel van die radio, TV, kasetbande en video’s.
            “Die rolprent wat die meeste vertalings ondergaan het en deur die meeste mense al gesien is, is die JESUS film. Meer as 750 miljoen mense in 217 lande het al na die rolprent gaan kyk.
            “Op die oomblik is die JESUS film in 99% van die tale van die wêreld beskikbaar. “Slaan julle oë op en aanskou die lande dat hulle al wit is van die oes.”  Joh. 4:35.
            “Hierdie ongekende prestering is nog te meer besonders wanneer mens in ag neem dat na Jesus Christus se Hemelvaart, daar net 120 mense was wat bymekaar gekom het om te bid.
            “Binne ‘n paar dae is 3 000 siele bygevoeg.  Na drie eeue en tydens die vervolging deur die Romeinse Ryk, was daar reeds 10 miljoen belydende Christene.
            “Teen die einde van die eerste millennium het belydende Christene tot 50 miljoen aangegroei. Teen 1 800 het die lidmate van alle denominasies – Katoliek, Ortodoks en Protestants – tot 215 miljoen aangegroei.
            “In 1886 berig Pierson in sy navorsingswerk The Crises of Missions dat Bybelvertalings  in net 100 jaar se tyd van 50 tot 250 aangegroei het; sendingrade het van 7 tot 100 toegeneem en manlike sendelinge van 170 tot
3 000. Geldelike bydraes het van $250 000 tot $10 miljoen toegeneem en nuwe bekeerlinge van 50 000 tot 2.5 miljoen.                                                                
            “In 1795 het William Carey die moderne sendingbeweging begin en binne die bestek van ‘n eeu was daar in 1900 reeds 500 miljoen Christene wêreldwyd.
            “In die jongste eeu tot 2000 het die getalle aangegroei tot 2 biljoen.
            “Statistiek kan misleidend wees en die vraag kan tereg gevra word hoeveel van hierdie bekeerlinge waarlik wedergeborenes is?  Net God sal weet.
            “As  daar egter net ‘n fraksie van hierdie getalle waarlik ‘n intieme verhouding met God het, dan is dit steeds ‘n reuse getal.
            “Daar is niks in die wêreld wat vergelyk kan word met die groei van die Christendom nie, ook nie wat die sending betref nie, en nog minder wat die geestelike honger betref.
            “In 1970 het twee-derdes van die wêreld se Christene in Europa en Amerika gewoon.  Nou woon 75% van die wêreld se Christene in die nie-Westerse wêreld.
            “In Afrika was daar in 1900 altesame 10 miljoen Christene. Nou is daar 300 miljoen.
            “In Latyns Amerika was daar in 1900 altesame 50 000 Protestante.  Nou is daar 100 miljoen Protestante in Suid- en Sentraal Amerika.
            “In Sjina is daar daagliks 25 000 nuwe bekeerlinge, ten spyte van streng vervolging.
            “Die woorde van Christus gaan in vervulling: “…op hierdie rots sal Ek my gemeente bou en die poorte van die doderyk sal dit nie oorweldig nie.”  Matt. 16:18
            “Die groot uitdaging vir die Christendom vandag is die dringende noodsaaklikheid van Bybelse lering.  Die Woord word oppervlakkig geëvangeliseer en diepte aan lering ontbreek.
            “Dit is veral vanuit Afrika waar ‘n organisasie soos United Christian Action ernstige pleidooie ontvang vir Christen boeke, nuusbriewe, traktate, kasetbande en radioboodskappe asook vir leierskap-opleidingskursusse.
            “Die ongebruikte potensiaal van die Christendom in die wêreld om die ganse aarde te transformeer, is onberekenbaar.
            “In die verlede het Godvresende Bybelse gelowige Christene ‘n einde gebring aan al die onheile soos kannibalisme, kinder-prostitusie, menslike brandoffers, slawerny, ens.
“Dink net wat kan gedoen word as die wêreldwye mannekrag van die Christendom met al sy geriewe en materiaal gemobiliseer kan word tot gebed en verootmoediging!
“En as God genadiglik ‘n Heilige Gees vervulde wêreldwye herlewing boonop laat plaasvind, sal die resultate asemrowend wees.
“Benjamin Franklin het gesê dat wie ook al die beginsels van die Christendom in die openbare sektor inbring, sal die beeld van die wêreld in totaliteit verander.
“Franklin het gesê die potensiaal is daar om die wêreld ingevolge die beginsels van die Bybel te regeer en bygevoeg:  Die Kerk is meeste van die tyd ‘n slapende reus, maar as die Kerk van Christus opgewek word dan sal reformasie en herlewing die ganse wêreld ten goede toe verander.”          

·       “As My volk – van meer as ‘32m’ in SA – oor wie My naam uitgeroep is, hulle verootmoedig en bid, dan sal Ek uit die Hemel hoor en hulle sonde vergewe en hulle land genees.” – 2 Kron. 7:14.

God sê in Matt. 12:30 aan die meer as 34 miljoen Suid-Afrikaanse Christene: “Hy wat nie met my is nie, is teen MY; en hy wat nie saam met versamel nie, verstrooi.”
Hoe kan meer as 34 miljoen Suid-Afrikaanse Christene sê hulle is aan Sy kant, maar hulle laat na om die bitterste vyand  van onheil en misdaad teen te staan! Hoekom hoor ons nie die Christen-stem in alle sektore van die gemeenskap nie en nog minder in die raadsale?
Alle ware manne behoort ‘n besluit te neem, want ‘n verskriklike stryd is nou aan die gang en ‘n vloek sal rus op diegene wat neutraal staan.
Die tyd van powere pogings om SA uit sy misdaadhel te red is verby. Die vloedgolf van permissiwiteit, moord, roof, verkragting kapings, louheid, kan net deur die Christendom hokgeslaan word.
God het aan ons ‘n ruggraat gegee, nie ‘n wensbeentjie nie.
Nou het ons moed en deursettingsvermoë nodig, verootmoediging en gebed.
“Daarom, rig die slap hande en die verlamde knieë weer op;
“en maak reguit paaie vir julle voete, sodat wat kreupel is, nie uit lit raak nie, maar liewer gesond gemaak word.” Heb. 12:12-13. –  Sjibbolet

Kom, elkeen moet saai...

Joh 12:20-33: "As 'n koringkorrel nie in die grond val en sterwe nie, bly hy net een; maar as hy sterwe, bring hy 'n groot oes in" (vs. 4).

In die Encyclopaedia Britannica word van 'n merkwaardige eksperiment vertel wat by Wolverhampton, Engeland, gedoen is. Een koringkorrel is geplant, wat verskillende halms met are opgelewer het. Die koringkorrels wat van hierdie een koringplant geoes is, is almal getel en weer geplant. Amper 'n akkertjie koring het toe opgekom. Die proses is herhaal. Na twee jaar is nagenoeg 32 500 koringkorrels geoes. Almal afkomstig van die een koringkorrel wat oorspronklik geplant is.

So moet elkeen wat bely dat hy of sy ‘n Gelowige is die Woord saai. Herders kry nie lammer nie, skape lam. Die herder versorg sy skape en pas hulle op, maar dis die skape, ek en jy, wat die twee-, drie-  en vierlinge moet inbring.

'n Morawiese sendeling, George Smith, het na 'n Afrikagebied toe gegaan om sendingwerk te doen. Hy het net 'n kort rukkie kon bly, want deur die samewerking van vyandelike elemente, soos bv. toordokters, moes hy sy sendinggebied verlaat. Hy het net een bekeerling gehad: 'n middeljarige en armoedige vrou.

Hy het hom in sy nuwe omgewing aan alles onttrek en voortdurend gebid vir die uitbreiding van die Evangelie in daardie Afrikastreek waar hy wou werk en, soos hy gedink het, gefaal het. Hy is in sy eensame kamer, in gebedsposisie, dood gevind.

Met die honderdjarige herdenking van die Morawiese Sendinggenootskap het 'n groep sendelinge by die streek waar die Smith sendingwerk probeer doen het, uitgekom. Hulle het daar 'n bejaarde vrou aangetref: George Smith se enigste bekeerling. Sy het vir hulle die verslete Bybel gegee wat hy agtergelaat het.

'n Sterk Christengemeente van 13 000 mense het in die gebied gewoon. Almal vrug van die getuienis van daardie een bekeerling wat George Smith agtergelaat het. Haar voortgaande getuienis vir die Here, die gedurige lees van die Bybel en, ek glo, ook sy volhardende voorbidding vir hulle, het so 'n oes opgelewer. "…die woord wat uit my mond kom…sal nie onverrigter sake na My toe terugkeer nie, maar dit sal doen wat Ek gedoen wil hê en tot stand bring waarvoor Ek dit uitgestuur het" (Jes.55:11).

God het in elke saad die lewenskrag volgens sy soort geplaas. Saad wat in 'n houer op 'n rak gestoor word, kan nie daardie krag vrystel nie. Die eis is: in die grond val, sterwe, groei en vrugdra. God se Woord is saad – Jesus het die gelykenis van die saaier vertel en gesê: "Die saad is die woord van God." - Die woord wat verswyg word, bly alleen. Die woord wat uitgestuur word, dra vrug. Die koringkorrels wat so oorvloedig 'n oes kan voortbring, is ook mense, die diensknegte van die Here, wat hulleself, soms met opoffering, beskikbaar stel om gebruik te word. In die bekeerde mens is 'n godskrag, die inwonende Heilige Gees, wat uit die aanbieding van die bekeerde mens se lewe en getuienis, krag, talente, besittings, die wonder van bekering ook in ander kan laat ontkiem.

GEBED: Here, vandag gee ek myself aan U oor en begin ek saai.

Die Liefde moet die swakkes dra...

“Jy moet jou naaste liefhê soos jouself.” Matt 22:39

“Want die hele (Koninklike) wet word vervul in een woord, naamlik: Jy moet jou naaste liefhê soos jouself.” Gal 5:14

“As julle ewenwel die Koninklike wet volbring volgens die Skrif: Jy moet jou naaste liefhê soos jouself – dan doen julle goed.” Jak 2:8

“En op ons wat sterk is, rus die verpligting om die swakhede te dra van die wat nie sterk is nie, en nie onsself te behaag nie.
Want elkeen van ons moet die naaste behaag met die oog op wat goed is tot stigting.
Want ook Christus het Homself nie behaag nie, maar soos geskrywe is: Die smaadhede van die wat U smaad, het op My geval.
Want alles wat tevore geskrywe is, is tot ons lering tevore geskrywe, sodat ons deur lydsaamheid en bemoediging van die Skrifte hoop kan hê.
En mag die God van lydsaamheid en bemoediging aan julle gee om eensgesind onder mekaar te wees ooreenkomstig die wil van Christus Jesus,
sodat julle die God en Vader van onse Here Jesus Christus eendragtiglik uit een mond kan verheerlik.
Neem daarom mekaar aan, soos Christus ons ook aangeneem het, tot heerlikheid van God.” Matt 15:1-7

“Dra mekaar se laste en vervul so die wet van Christus.” Gal 6:2

“Bid vir mekaar, sodat julle gesond kan word. Die vurige gebed van 'n regverdige het groot krag.” Jak 5:16

Kom ons doen dit want ons moet...

Gebruik net die Betroubare Kompas

1 Kor 1:4-9: "God is getrou, Hy wat julle geroep het om verenig te lewe met sy Seun, Christus Jesus, ons Here" (vs. 9).

Seevaartuie gebruik meesal ‘n GPS en ander elektroniese toerusting om rigting aan te dui, maar jare gelede, selfs in sommige gevalle vandag steeds, gebruik seevaartuie ‘n kompas om op koers te bly.

Daar is baie omgewingsfaktore wat ons van koers af kan dwing, maar ons moet seker maak dat ons altyd die HERE se kompas, die Bybel, maar ook die Heilige Gees, gebruik om op koers te bly op pad na die Nuwe Jerusalem.

Voor die slag van Edge Hill het Lord Ashley gebid: "O Here, U weet hoe besig ek vandag sal wees. As ek U vergeet, vergeet U my tog nie." In tye van menslike swakheid, wanneer omstandighede ons oorweldig en ons gevoelens ons in die steek laat, kan ons steeds op God vertrou. "…as ons ontrou is – Hy bly getrou …" (2 Tim. 2:13).

GEBED: Here, vandag vertrou ek meer op wat U vir my in U Woord sê, as wat ek in my denke aanvoel.

Van swaarkry na Heerlikheid

 

2 Kor 4:16-18: "Ons swaarkry in hierdie lewe is maar gering en gaan verby, maar dit loop vir ons uit op 'n heerlikheid … wat ewig bly" (vs. 17).

Die dag van Lee Oswald se sluipmoord op pres. John Kennedy, is 'n polisieman, J. D. Tippit, ook doodgeskiet. Pas na Tippit se ontslag as soldaat uit die V.S.A.-leër in 1946, het hy na sy tuiste in Red River County, Texas, V.S.A. teruggekeer. Hy het een aand ‘n meisie, Marie, saamgeneem na 'n Herlewingsdiens toe wat op hulle dorp gehou is.

Hulle vriendskap het van daardie aand af verdiep, totdat dit op 26 Desember van daardie jaar op 'n huwelik uitgeloop het. Totdat hulle in 1952 na Dallas verhuis het, was hulle meelewende lidmate van hulle kerk in Red River County. Tippit het by die polisie aangesluit om beter vir sy groeiende gesin te kon sorg. In die nuwe dorp, te midde van baie bedrywighede, het hulle lewe vir die Here afdraend begin loop. In 1962 het hulle hul lewens opnuut aan die Here oorgegee en aktiewe, werkende lidmate van hulle kerk in Dallas geword. Hulle seun Allen, en dogter Brenda, het in daardie tyd ook die Here gevind.

Na Tippit se dood, die dag met die sluipmoord op pres. Kennedy, het Marie Tippit haar troos by God gesoek. Sy getuig: "The experiences that have come during this period of bereavement have drawn me closer to God than I have ever been before. I could never have got through the experiences of the past months without God's presence and power."

Om naby aan die Here te lewe vrywaar ons nie van leed, beproewing en teleurstelling nie, maar ín die beproewing is dit ons behoudende krag. Sonder die Here kan ons in so 'n seermaaktyd in ons lewe, dalk totaal ontspoor en 'n afdraend pad volg. 'n Ou liedjie sê: "In die skadu van beproewing vind ek Jesus." As ons beproewing vir ons 'n verdieping van ons geestelike lewe en groter bruikbaarheid vir die Here meebring, verander die beproewing in 'n seën.

Vir Marta en Maria, het die siekte en dood van hulle broer, 'n dieper kennis van Jesus en 'n inniger liefde vir Hom meegebring. Vir húlle was die troos die werklike teruggee van 'n lewende broer. Met dieselfde krag waarmee Jesus Lasarus aan sy susters teruggegee het, wek Hy deur sy Heilige Gees in die gelowige hart ook nuwe lewe, nuwe geloof, nuwe troos op. "Hy gee die vermoeides krag, Hy versterk dié wat nie meer kan nie…dié wat op die Here vertrou kry nuwe krag" (Jes. 40:29,31). "Moenie bang wees nie, Ek is by jou, moenie bekommerd wees nie, Ek is jou God, Ek versterk jou, Ek help jou, Ek hou jou vas, met my eie hand red Ek jou" (Jes. 41:30).

GEBED: Here, vandag skuil ek in beproewing by U.

Bely jy Jesus voor die mense?

Matt 10:28-32: "Elkeen dan wat My sal bely voor die mense, hom sal Ek ook bely voor My Vader wat in die hemele is" (vs.32).

'n Amerikaanse prokureur kom met groot opgewondenheid by sy huis aan. Toe hy sy vrou groet, sê hy vir haar: "Vroutjie, wees saam met my bly. Ek is vanaand by die diens wat ek bygewoon het, Wedergebore. Kom ons hou sommer nou ons eerste aandgodsdiens."

"My man, ek is so bly saam met jou, maar in die sitkamer sit drie prokureurs vir jou en wag om 'n saak te bespreek. Ons kan saambid, maar ons sal dit nou eers sommer in die kombuis moet doen."

Haar man reageer baie beslis. "My vrou, ek het Jesus nog nooit in my huis ingenooi nie, en ek sal hierdie eerste keer, Hom regtig nie kombuis toe vat nie." Hiermee stap hy sitkamer toe. Sy vrou trippel onseker saam. Toe hy in die sitkamer kom, groet hy sy kollegas met 'n wuif van die hand en sê: "My vriende, heel eerste wil ek graag vir julle sê, ek het vanaand die Here Jesus Christus as my Verlosser en Here aangeneem. Sal julle asseblief nou saam bid. Ek wil die Here dank dat Hy uiteindelik in my lewe en daarom ook in my huis ingekom het."

Die drie manne buig hulle koppe en sluit die oë en die nuwe volgeling van die Here Jesus dank eers die Here vir sy eie redding en bid toe vir vriende om hom spoedig te volg.

Die nuwe bekeerling wat Christus dadelik na sy sitkamer toe geneem het en Hom voor sy vriende bely het, het voortaan hierdie uitgesproke getuienis gehandhaaf. Ek haal die oorsproklike skryfwer aan: "This new convert made a clear-cut confession of Christ as his Lord and lived to witness for Him. He became Chief Justice of the United States Supreme Court, John McLean."


Dis Jesus van ons verwag: Om Hom in die openbaar te bely... mondelings maar ook deur ons leefwyse. "Elkeen dan wat My sal bely voor die mense, hom sal Ek ook bely voor My Vader wat in die hemele is." God eer hierdie gesindheid ook, deur vir Sy nuwe kinders weë vorentoe oop te maak.

GEBED: Here, vandag en elke dag voortaan, bely ek U voor die mense.

Dis tyd om jou lamp vol te maak

 

Die Joodse feesvierings genaamd  Hanukkah  vind  gereeld in Desember plaas en duur altyd agt
dae lank. Deel van die oorwinningsfees is om elke aand net een kers aan te steek sodat daar aan
die einde van die agt dae, agt kerse sal brand.

Dit gedenk die terugwin van die Tempel in Jerusalem, of dit wat daarvan oorgebly het nadat die
Assiriërs die Tempel geruïneer het.  Nie net het die Makkabeërs oorwin nie, maar hulle het ook
weer alles gereinig en het weer die ewige fakkel aan die brand gesteek.

Daar was egter net genoeg olie beskikbaar om een dag te brand,  maar die olie het agt dae lank
gebrand voordat  nuwe olie bekom kon word. Dit word vandag nog as ‘n grootse wonderwerk
beskou, en dit is wat gevier word: Die terugwin van die Tempel en die wonderwerk toe die olie
wat net een nag sou brand, agt dae lank gebrand het.

Die fees word by die huise gevier en nie in die sinagoges nie.  Dit is was waarskynlik die eerste
keer in die geskiedenis dat ‘n volk ‘n oorlog gevoer het ter wille van godsdienstige vryheid.

Die Jode gee oor hierdie dae ook geskenke aan mekaar. Dit  is om liefde aan mekaar te betoon.
Tydens die agt dae word ook net kosse geëet wat in olie gaan gemaak is. Olie is en bly ‘n sleutel
simbool.

En ons, ons vier Kersfees, die geboorte van die Messias, maar hoe vier ons dit?  Kersvaders is
gelukkig aan die verdwyn. Ouers leer hulle kinders dat ons aan mekaar geskenke gee as simbool
van God se Jesus-geskenk aan ons. Ons gee die geskenke uit liefde vir mekaar.

Ons hou selfs Kersdienste, maar dit word treurig bygewoon. Die baie uitspattige drankpartye
dui op hoeveel siele nog gered moet word. Moenie daaroor kla nie, begin bid, ook vir die Jode.
Siele moet ten alle koste bereik word.

“My pa is die Kondukteur”

 

Jes 43:1-7: "Moenie bang wees nie, Ek is by jou" (vs. 7).

'n Man het 'n klein dogtertjie dopgehou wat stoksiel alleen op 'n bus deur die stad ry. Sy het geen tekens van onrus of spanning getoon nie. Hy het oorgeleun na haar toe en vir haar gevra: "Meisie, is jy dan nie bang om so alleen in die bus te ry nie?" Sy kyk om na hom toe en antwoord vrolik: "Nee Oom, niks kan met my gebeur nie. My pa is die kondukteur van die bus en hy hou sy oë op my."

Ons kan ons voorstel hoe die pa, wat kondukteur van die bus is en met sy werk besig is, kort-kort kyk of dit nog met sy dogtertjie goed gaan. So 'n vertroue in ons Hemelse Vader en die wete dat Hy wat oor hierdie wêreld waarin ons leef regeer, aan ons dink en ons in die oog hou, bring gerustheid in ons hart. Kom ons glo dit met blydskap.

'n Bewustheid van ons Hemelse Vader se teenwoordigheid en sorg oor ons is nie nét 'n geruste gevoel nie, maar 'n wéét op grond van die versekering wat Sy Woord ons gee. Telkens verbind die Here se Woord God se sorg oor Sy kinders in hierdie wêreld ook werklik met 'n pa of ma se gevoel en besorgdheid oor hulle kind.

Ons daaglikse omgang met Sy Woord is noodsaaklik om hierdie gedurige wete van, en geloof in, Sy sorg oor ons lewend te hou te midde van wêreldse en teensprekende omstandighede. "…julle Vader weet wat julle nodig het, nog voordat julle dit van Hom vra" (Mat.6:8).

"Sion sê: 'Die Here het my verlaat, die Here het my vergeet.' Kan 'n vrou haar eie baba vergeet, haar nie ontferm oor die kind wat sy in die wêreld gebring het nie? Selfs al sou so iets kon gebeur, Ek sal jou nie vergeet nie." (Jes.49:14,15). Ons is kind van God deur Christus: "…die wêreld het Hom nie erken nie…sy eie mense (die Jode) het Hom nie aangeneem nie …maar aan almal wat Hom aangeneem het, dié wat in Hom glo, het Hy die reg gegee om kinders van God te word" (Joh.1:10-12).

Dit is 'n mens se eie keuse as hy sonder God se sorg en toesig deur hierdie lewe wil gaan, maar dit is 'n gevaarlike keuse. Moses het die veilige weg gevolg. Die Here vra hom: "Moet Ek self saamgaan en vir jou vrede gee?" Moses was baie gou om te antwoord: "As U nie self saamgaan nie, moet U ons nie van hier af laat wegtrek nie" (Eks. 33:14,15) En ook net goed, want baie gou het probleme opgeduik wat net God vir hom kon oplos. Dit was ook die gerusstellende belofte van die Here Jesus na Sy opstanding aan Sy dissipels, en daarom ook aan ons: "En onthou: Ek is by julle al die dae tot die voleinding van die wêreld" (Mat.28:20).

GEBED: Here, vandag leef ek in die blye wete: U oë is op my.

Wag – en weier om te twyfel

Die gesig sal nog duur tot op die vasgestelde tyd; maar dit spoed voort na die einde en sal nie teleurstel nie.

As dit dalk vertoef,wag daarvoor, want alte seker sal dit kom en nie versuim nie. – Hab. 2:3

In die boekie Expectation Corner van Adam Slowman wandel Slowman deur GOD se skatkamers. Een van

die skatkamers is die Vertraagde Seëninge Kantoor, waar GOD in Sy wysheid sekere dinge wat voor gebid

word terughou tot op ‘n bestemde tyd.

Dit neem baie van ons soms te lank om te besef dat vertraging nie weiering beteken nie.

Baie van ons pluk ons seëninge nog groen in die mandjie, soms lank voordat dit ryp is.

Jes. 30:18 …Welgeluksalig is almal wat op Hom wag

Die HERE waak oor ons struikelgang en Hy sal nooit toelaat dat ons bo ons kragte beproef word nie.

Ons durf nie in Sy Liefde twyfel nie. Ons moet onsself ophef en Sy naam grootmaak in lofprysinge want

die antwoorde en die oorvloed is beslis op pad.

Jes. 40:28-31 … Die wat op die HERE wag, kry nuwe krag; hulle vaar op met vleuels soos die arende;

hulle hardloop en word nie moeg nie, hulle wandel en word nie mat nie.

En dan die belangrikste: Weier om te twyfel, want hy wat twyfel moenie dink dat hy iets van die

HERE kan ontvang nie. Jak. 1:7

Die werklikheid is dat die Christen geen keuse in ‘n aangeleentheid moet hê as suiwer om positief te

bly en op God te vertrou nie.

Die teenkant van die saak is dat as ons nie positief bly en God 100% vertrou nie, dan twyfel ons en

dan kan ons niks – nie eers iets nie – van die HERE verwag nie.

Ons bid dan en vra God se wil. Hy kan nee sê of Hy mag ja sê. Die belangrikste daarna is God se

tydskedule. As dit Sy wil is sal Hy sy Woord gestand doen en die antwoord gee. Vir seker!

As ons egter intussen begin twyfel, dan gebeur niks want God laat hom nie bespot nie. Of ons glo

en vertrou Hom as ‘n waarmaker van sy Woord, of ons bevraagteken Hom of ons twyfel.

Besluit nou en besluit finaal: Ek gaan God vertrou, ek gaan nooit weer twyfel nie! –Sjibbolet

Die besluit is jou eie!

Dit is hoe eenvoudig dit is: Die besluit is jou eie – wil jy wen, of wil jy verloor!

Gal. 6: 7-10 stel elkeen van ons voor die ‘n keuse: Lewe of Verderf:

·        Moenie dwaal nie, GOD laat Hom nie bespot nie

·        Want net wat die mens saai, dit sal hy ook maai

·        Hy wat in sy vlees saai, sal uit die vlees verderf maai!

·        Hy wat in die Gees saai, sal uit die Gees die Ewige Lewe maai

Die keuse is jou eie. Saai in die vlees – daardie dinge wat jou vernietig, jou vlees vernietig, soos ook om onwaardig
by die Nagmaaltafel aan te sit.

Daardie dinge wat jy weens oortuiging van die Gees, in jou diepste wese weet, is verkeerd, skadelik. Daardie dinge
wat ‘n binding in jou gees veroorsaak sodat jy nie met GOD en almal rondom jou in die Lig kan wandel nie.

Die sinneloosheid wat jy aan jouself opdis met allerlei praatjies en verskonings, net om jou onreinhede te regverdig,
terwyl jy goed weet, jy is met verkeerde dinge besig.

Die valse troos  wat jy self opdis: Maar ek dien mos die HERE, ek probeer my bes, almal is nie volmaak nie, ag, julle
verstaan nie, ek is soos ek is en ek vind geen probleem daarmee nie.

Die keuse in jou eie: Kies vlees en jy sal voorwaar verderf maai. Jy gee jou eie vlees aan die verderf oor. Die besluit
is jou eie.

GOD dwing weliswaar niemand nie, maar Hy laat Hom ook nie bespot nie. Moenie vir Hom probeer verskonings
aanbied waarom jy nie dinge van die verderf kan of wil los nie. Jy sal Hom nie kan bluf nie.

Hy weet dat jy weet dat Hy weet jou lewe is ‘n klug. Jy probeer aan Hom vertel dat soet en bitter water uit dieselfde
fontein kan voortvloei, terwyl Hy juis daarop wys dat so iets onmoontlik is. Jak 3:11

Kompromie is die sonde van ons tyd. GOD haat kompromieë. Kompromieë sê dit is verkeerd maar ek is darem op
die goue middeweg.

Helaas, ook die goue middeweg is veroordeel, want was jy maar koud of was jy maar warm, maar louwarm op die
goeie middeweg word jy uitgespuug – dis die goue helleweg.

Die besluit is jou eie!

Saai uit die Gees en jy kies Lewe!

·        Laat ons nie moeg word om goed (en reg) te doen nie

·        Want op die regte tyd sal ons maai as ons nie verslap nie

·        Laat ons dan, terwyl ons geleentheid het, aan almal goed doen

·        Veral aan die huisgenote van die Geloof.

Volgens Gen. 8:22 sal saaityd en oestyd voortduur tot en met Sy Wederkoms. Dis ‘n Verbond wat ons met Hom
het. Dit geld vir die landbouer, maar dit is ewe veel van toepassing op wat ons in die daaglikse lewe saai.

Ons moet nooit moed opgee oor die oes nie want GOD vergeet nooit van saad wat gesaai word  nie.

Die grootste leuenaar is misleiding. Dis ook GOD se eerste waarskuwing in die gelese gedeelte: Moenie dwaal
nie!

Misleiding beteken dit wat ‘n valse indruk skep, of dit nou deur voorkoms of deur ‘n standpunt is.

In die Tuin van Eden sien ons duidelik die valse indruk geskep deur ‘n standpunt. Die standpunt was vals, die
indruk was vals.

Misleiding is satan se magtigste wapen, daardeur het regerings al tot ‘n val gekom.

Hy ag dit sy taak om jou wys te maak dat die “goeie” saad wat jy saai nie ‘n opbrengs sal lewer nie. Hy weet
ook dat as jy vasstaan en uit die Gees saai, jy beslis die goeie sal maai. Met jou verkeerde gesindheid het jy ‘n
ontsettende gevaar vir Sy eie Koninkryk word.

Naas misleiding  is moegheid, gebrek aan uithouvermoë. Sy Woord is die lamp vir jou voet, sonder die lamp sal
jy sekerlik moeg word. Die keuse is jou eie: Brand jou Lamp? Het jy genoeg olie?

As jy in Sy Woord bly, bly Hy in jou. As jy nie in Sy Woord bly nie, bly Hy nie in jou nie en uiteindelik maai jy
verderf.

In Jes. 40:28-31 sê GOD Hy word nie moeg of mat nie. Hy wil ook nie hê ons moet moeg of mat word nie, en
belowe dan deur Sy groot genade en Liefde vir ons:

Hy gee die vermoeide krag en vermenigvuldig sterkte vir die wat geen kragte het nie.

Hy aanvaar heeltemal dat jy moedeloos kan word. Hy sê dan ook: die jonges word moeg en mat en die
jongmanne struikel selfs, maar:

Die wat op die HERE wag, kry nuwe krag; hulle vaar op met vleuels soos die arende; hulle hardloop en word
nie moeg nie, hulle wandel en word nie mat nie.

Die besluit is jou eie!

Saai in die vlees en jy eindig in die verderf, maar saai in die Gees en sou jy moeg en mat word, maar die wil
openbaar om in Sy Woord te bly, dan neem Hy jou hand, hy hef jou op, jy ontvang nuwe krag, jy hardloop
selfs en word nie moeg nie.

Let op na die oplossing: Diegene wat op die HERE wag! Neem Sy Woord en gaan wag op Hom.

Hoe belangrik is dit vir jou om die goeie te kan oes? Wil jy werklik die goeie in die lewe en hierna oes?

Wees dan op die uitkyk vir die rowers van misleiding, moeg- en matheid en sonde.

Moenie met ander begin twis oor wat is sonde en wat nie. Die HERE sê Hy het die werk in jou begin en Hy
sal dit voleindig. Praat met Hòm daaroor. Moenie regverdiging vir jou verkeerde dade by vriende soek nie,
die misleiding sal net vererger en jy het uiteindelik ‘n goeie verskoning:  Ja, niemand weet of dit reg of
verkeerd is nie en totdat iemand dit nie kan bewys nie, gaan ek voort op my pad.

So maklik is dit nie. GOD laat Hom nie bespot nie. Hy nooi jou ook om die saak met Hòm uit te maak, nie
met iemand anders nie.

Hy lewer weereens die teenprestasie in 1 John. 1:9 wanneer Hy belowe:

As julle, julle sondes bely – Ek is getrou en regverdig om die sondes te vergewe (en nie net dit nie) maar
om julle van alle ongeregtighede te reinig.

Die besluit is jou eie?

Lees maar Jeremia 5 en let op strofe 25: “Julle ongeregtighede het hierdie dinge afgeweer en julle sondes
het die goeie van julle teruggehou.”

Nou weet jy waarom dit met sommige Gelowiges so goed en vooruitstrewend gaan, en waarom ander op
krom kieries deur die lewe aansukkel.

Die Besluit is jou eie. Waarom sou jy so dwaas wees om die vleespad na die verderf  te bewandel, as jy
daagliks in oorwinning kan lewe!

Onthou: Die besluit is jou eie!

Niemand anders gaan, of kan, vir jou besluit nie, niemand gaan jou dwing nie. Die besluit is jou eie!

Hoekom word ons nog siek as God ons gesondheid belowe?

 

Deur dinge wat ons aan onsself doen soos rook en drink, deur vloeke, deur satan wat ons aanval, juis omdat ons nie glo nie, en deur die kits kosse wat ons eet en die manier waarop ons kos voorberei ens. Ons lewens het so gejaagd geraak in ‘n jagtog na wind en rykdom dat ons nie meer ordentlike en gesonde kosse inneem nie.

Emosionele bagasie wat ons vir ewig met ons saamdra veroorsaak dat ons liggame wegkwyn onder siektes. Ons word in die Woord gewaarsku daarteen dat ons, ons gemoed (denkwyse) moet verander sodat ons die welgevalle en volmaakte wil van God in ons lewens kan sien. Rom 12:1-2

Jesus sê self in Mrk 7:20-23 “Wat uit die mens uitgaan, dit maak mens onrein. Want van buite, uit die hart van die mense, kom die slegte gedagtes, egbreek, hoerery, moord, diewery, hebsug, boosheid, afguns, lastering, hoogmoed,dwaasheid. Al hierdie booshede kom van binne uit en maak die mens onrein”.

Wat is ‘n vloek?

Vloek beteken om “te bind” In Hebreeuse beteken die woord om “te bind”, om kragteloos te maak, weg te neem wat veronderstel is om daar te wees, om vermoë weg te neem of the beperk. Om in sonde te leef is om jou kragteloos te maak, Jy skep grense vir jouself wat jou beperk om te gaan waar God jou wil hê
.
Ongehoorsaamheid veroorsaak outomatiese beperkings op jou lewe, jy maak jouself onbekwaam.

Deut 28:1-68 Maar as jy nie luister na die stem van die Here jou God, om sorvuldig te hou al Sy gebooie en Sy instettinge wat Ek jou vandag bevel nie, DAN sal al hierdie vloeke oor jou kom en jou inhaal….”

Maar sê die Woord dat my gemoed of emosies my kan siek maak? Kom ons kyk na net ‘n paar verse uit die Woord.

Spr 17:22 ‘n Verslae gees laat die gebeente uitdroog.
Spr 14:13 Ook onder gelag kan die hart ly, en die einde van so blydskap is bekommernis.
Pred 11:10 En weer verdriet uit jou hart, en hou die kwale weg van jou liggaam.
Luk 21:26 Jou hart beswyk van vrees.
Jer 4:18 Jou handel en jou wandel het dit aan jou gedoen, dit is jou boosheid, ja bitter is dit. Dit raak tot aan jou hart.
Job 5:2 Want verbitterheid vermoor die dwaas, en naywer maak die domme dood.
Ps 6:8 My oë het dof geword van verdriet, dit het swak geword.
Ps 107 Depressie het hulle in die duisternis en doodskaduwee gesit, gevang in elende en ysters.
Rom 3:13-17 Bitteheid verwoes jou en die mense om jou.
Hand 8.23 Bitterheid hou jou gevange.


Wat van satan kan hy ons ook aanval of vloeke oor ons bring?

Die bekendste vers in die Bybel is sekerlik Ef 6:12 Want ons worstelstryd is nie teen vlees en bloed nie (mens nie) maar teen die owerhede, teen die magte, teen die wèreldheersers van die duisternis van hierdie eeu, teen die bose geeste in die lug.

1 Joh 2:10& 11 Hy was sy broer liefhet, bly in die lig, en in hom is geen oorsaak van struikeling nie, (11) maar hy wat sy broer haat, is in duisternis, en weet nie waarheen hy gaan nie, omdat duisternis sy oë verblind. Sien ook Tit 3:3-5.

Ons almal ken die verhaal van Job en wat satan aan hom gedoen het, maar Jesus se ook vir ons (Joh 10:10) Die dief kom om te steel te slag en te verwoes, Ek het gekom dat hulle lewe en oorvloed kan hê”

 Dan die verhaal van die Kananese vrou Mark 15: 21-28 Waar sy vir Jesus sê my dogter is erg van die duiwel besete.

Gebed:

Dankie Vader dat ons weet U Woord se dat die werke van satan gebind is en dat hy geen mag oor my het nie soos geskryf in Mat 18:18 Dankie dat ek by U kan skuil soos geskryf in Ps 91, en dankie dat my siel verkwik word deur U soos in Ps 23 en dat net goedheid en guns my sal volg al die dae van my lewe. Dankie dat Jesus gekom het dat ek oorvloedig kan lewe, in Jesus Naam
Amen

Dra gebedsgenesing nog krag in vandag se tyd?

 

Ons is so vinning om dokter toe te hardloop as ons siek word (ek ingesluit), en dit is nie verkeerd nie, God het vir ons dokters, en kennis gegee om ons gesond te maak, maar wat se God moet ons doen as ons siek is?

Jak 5:14

(14) Is daar iemand siek onder julle? Laat hom die ouderlinge van die gemeente inroep, en laat hulle oor hom bid nadat hulle hom in die Naam van die Here met olie gesalf het.

Hoeveel van ons gaan kerk toe vir genesing? En wanneer iemand vir ons bid, glo ons dat ons werklik genesing ontvang? Kyk wat se die volgende twee verse.

(15) En die gebed van die geloof sal die kranke red, en die Here sal hom oprig. Selfs as hy sonde gedoen het, sal dit hom vergewe word.

(16) Bely mekaar julle misdade en bid vir mekaar, sodat julle gesond kan word. Die vurige gebed van ‘n regverdige het groot krag.

Ons het niks bereik in die lewe sonder die genade van God nie, jou pos of amp wat jy beklee is vir jou gegee as jou doel hier op aarde, ons is nie geroep vir die hemel nie, ons is gekies vir die aarde, ons werk is hier, God het nie nog engele in die hemel nodig nie, nee Hy het jou hier op die aarde nodig en Sy opdrag is om die Evangelie te verkondig aan alle mense, is genesing nie deel van die Evangelie nie?

God sê:

Ex 15:26 “Ek is die Here wat jou gesond maak” 

1 Pet 2:24 Deur die wonde van Jesus IS jy genees.

Mat 8:17 Jesus het ons krankhede op Hom geneem en ons siektes gedra.

Gal 3:13 -14 Christus het ons losgekoop van die vloek van die wet, deur vir ons ‘n vloek te word,

Ex 6:7 sodat die seën van Abraham na ons kan kom.

Wat is die seen van Abraham?

Gen 26:4&5 …. In jou geslagte sal al die nasies van die aarde geseën word, omdat Abraham na My stem geluister en My ordening, My gebooie, My insettinge en My wette onderhou het.

Gebed:

Dankie Vader vir U  Woord wat waarheid is en doen wat U behaag. Dankie vir Jesus reeds my siekte op Hom geneem het sodat ek genesing kan ontvang. Dankie vir die genesing wat NOU in my liggaam plaasvind. Aan U kom al die eer en lofprysing, in Jesus Naam Amen

Voorspoedige 2015

Maak vandag, 'n dag in jou lewe vir nuwe dinge…

Dinge van hoop en liefde en oorwinning in Jesus’ Naam.

Jou verlede met sy teleurstellings, foute, verkeerde keuses, ontnugtering en hartseer moet nou plek maak
vir lente in jou lewe. Alles moet nuut word.

Sit al jou ou bagasie in 'n sak, in 'n groot sak, pak daai sak self, noem elke ding by sy naam wat jy daar in sit,
moenie iets vergeet nie en sit dit vandag, sommer nou, by Jesus se voete. En sê vir HOM, "Ek is nou klaar
met my verlede, my hartseer, my tekortkominge, my....... Dankie HERE dat U vir my voorspoed beplan en
ek vat dit. En ek dank U daarvoor. En as ek enige tyd weer terug kyk na my ou sak, herinner my asseblief dat
ek klaar is daarmee."

"En ek het 'n nuwe Hemel en nuwe Aarde gesien...die heilige stad, die Nuwe Jerusalem... en HY(die HERE)
sal by hulle (ons) woon... En God sal al die trane van hulle (julle) oë afvee, en daar sal geen dood meer wees
nie; ook droefheid en geween en moeite sal daar nie meer wees nie."

"Kyk, Ek maak alles nuut."

"Aan die dorstige sal Ek gee uit die fontein van die water van die Lewe, verniet. Hy sal oorwin, sal alles
beërwe; en ek sal vir hom 'n God wees, en hy sal vir My 'n seun, ‘n dogter, wees." Openb 21:1-7

Maak vandag, die eerste dag van die res van jou lewe, pak daai sak en moenie weer terugkyk nie.

Hou vas aan God se belofte vir jou lewe: Net SY Goedheid en Guns volg jou in 2015.

Toe glo sy haar pa....

Lukas 11:9-13: "As julle wat sleg is, dan weet om vir julle kinders goeie dinge te gee – die Vader in die hemel nog baie meer!"

Eerw. John Bisango, van Houston, vertel in sy boek, The Power of Positive Praying, dat sy vyfjarige dogtertjie, Melodye-Jan, hom kom vra het om vir haar 'n pophuis te bou. Hy het dadelik instemmend geknik en toe verder gegaan met die boek wat hy besig was om te lees.

Eenkeer kyk hy deur sy studeerkamer se venster en hy sien Melodye-Jan heen en weer tussen die agterplaas en die huis hardloop met arms vol speelgoed, poppe, borde, koppies, totdat sy 'n hoop speelgoed in die agterplaas opgestapel het.

Hy vra sy vrou daaroor. Sy antwoord met 'n glimlaggie: "Jy het belowe om vir haar 'n pophuis te bou en sy het jou geglo. Sy is nou net besig om haar daarvoor in te rig." Hieroor skryf hy: "You would have thought I'd been hit by an atom bomb. I threw aside that book, raced to the lumber yard for supplies, and quickly built that little girl a doll house."

Dan vra hy wat hom beweeg het om so vinnig die pophuis te gaan bou. En hy gee die antwoord, in sy eie woorde: "Her daddy had given his word, and she believed it and acted upon it. When I saw her faith, nothing could keep me from carrying out my word."

JAK 2:17  “Net so is ook die geloof, as dit geen werke het nie, in sigself dood.”
JOH 14:12  “Voorwaar, voorwaar Ek sê vir julle, wie in My glo – die werke wat Ek doen, sal hy ook doen; en hy sal meer werke doen as dit, omdat Ek na my Vader gaan.”-Sjibbolet

Volheid van die Heilige Gees

Geskryf deur Manie Colyn.

Ef. 1:1-14: "Deur Christus het ook julle deel geword van die volk van God toe julle die waarheid wat aan julle verkondig is, die evangelie van julle verlossing, gehoor en tot geloof gekom het. In Christus het die Heilige Gees wat deur God belowe is julle as die eiendom van God beseël" (vs. 13).

Charles G. Finney se naam word gedurig met die herlewing van meer as 'n eeu gelede verbind. Hy was 'n regsgeleerde, maar na sy oorgawe aan die Here het die Here hom op buitengewone wyse met die Heilige Gees vervul. Sy prediking was daarna vol krag en baie mense het tot bekering gekom.

In die Elim Evangel beskryf hy sy ervaring met hierdie woorde wat herinner as die uitstorting van die Heilige Gees op die eerste dissipels op Pinksterdag: "As I turned and want to take a seat by the fire, I received the mighty Baptism of the Holy Spirit. The Holy Spirit descened upon me in a manner that seemed to go through me, body and soul. I could feel the impressions like a wave of electricity going through and through me. Indeed, it seemd to come in waves and waves of liquid love; for I could not express it in any other way. I wept aloud with joy and love; and I do no know, but I should say I literally bellowed the unuttterable gushings of my heart."

Sy kragtige verkondiging van die evangelie en die herlewings wat gevolg het oral waar hy gepreek het, het 'n stempel geplaas op die egtheid van hierdie ervaring. Die prediker, D. L. Moody, het 'n soortgelyke kragtige ervaring van die vervulling met die Heilige Gees gehad. Ander werkers van die Here, wat net so bruikbaar en geseën in die Here se diens was, het weer nie so 'n dramatiese ervaring gehad nie.

Die prediker en skrywer, F. B. Meyer, wat net so kragdadig deur die Here gebruik is en wat nou nog sy baie boeke gebruik en seën, skryf in The Overcomer soos volg oor sy ervaring van die volheid van die Heilige Gees:

"I left the prayer meeting and crept out into the lane, away from town. As I walked I said, 'O my God, if there is a man who needs the power of the Holy Ghost to rest upon him it is I; but I do not know how to receive Him. I am too tired, too worn, too nervously down, to agonize.'

In my heart a voice said: 'As you took forgiveness from the hand of the dying Christ, take the Holy Ghost form the hand of the living Christ.' I turned to Christ and said, 'Lord, I breath into me a breathe in this whiff of warm night air, so I breathe into every part of me Thy blessed Spirit.'"

Hy gaan voort om te getuig dat hy nie gevoel het die Here se hand word op hom gelê, of 'n vuurvlam val op hom, of dat hy 'n gedruis uit die Hemel gehoor het nie, maar deur geloof, sonder emosie, sonder opgewondenheid, het hy vir die eerste keer, en daarna keer op keer, die volheid van die Heilige Gees vir hom in sy hart toegeëien. Sy vrugbare arbeid daarna het ook in sy geval die egtheid van sy vervulling met die Heilige Gees bekragtig.

Paulus skryf aan die Efesiërs: "Ek bid dat Hy deur sy Gees uit die rykdom van sy heerlikheid aan julle die krag sal gee om innerlik sterk te word, dat Christus deur die geloof in julle harte sal woon en dat julle in die liefde gewortel en gegrondves sal wees" (Ef.3:16). "...laat die Gees julle vervul..." (Ef.5:18). Ons kan nie in eie krag die geringste werk in die Here se koninkryk met vrug en seën verrig, sonder die krag van die Heilige Gees in ons hart nie. Vra Hom vrymoedig vir die volheid van sy Heilige Gees.

GEBED: Here, vandag vra ek U vir die vervulling van u Heilige Gees en ek ontvang dit. – Manie Colyn