Verwagting:- Dit gaan weer gebeur!

In Mattheus word ‘n vrou genees nadat sy aan Jesus se kleed geraak het. Jesus self het erken dat sy genees is.

            Skriftuurlik was haar genesing nie moontlik nie. Sy kon op geen Bybelse strofe staatmaak nie. Daar het niks in die Skrif bestaan oor Jesus se kleed nie, en hoekom sou daar? ‘n Kleed is ‘n kleed. Dit het niks met genesing te doen nie. Daar staan wel geskryf: “... niks sal vir julle onmoontlik wees nie.” Matt 17:20; Matt 19:26
“Jesus het omgedraai en haar gesien en gesê: Hou goeie moed, dogter, jou geloof het jou gered. En die vrou het gesond geword van daardie uur af.” Matt 9:22. Daar staan baie in die Skrif oor geloof, maar niks oor Jesus se kleed nie.
            En kyk hierna: “En daar is meer en meer Gelowiges in die HERE bygevoeg, menigtes van manne sowel as vroue, sodat hulle die siekes op die strate uitgedra en op bedde en draagbare gelê het, met die bedoeling dat, as Petrus kom, al was dit net sy skaduwee wat op iemand van hulle sou val.
            Ons is op die vooraand van ‘n magtige Herlewing wat sal bestaan uit gevallenes wat na die HERE terugkeer, Wedergeboortes en wonderwerke.
“En die menigte van die stede in die omtrek het ook in Jerusalem bymekaargekom en siekes gebring en mense wat deur onreine geeste gekwel was; en hulle is almal genees.” Hand 5:14-17
Dit moes darem maar erg gelyk het, byna soos ‘n oorlogsone: “… sodat hulle die siekes op die strate uitgedra en op bedde en draagbare gelê het, (waarom?) met die bedoeling dat, as Petrus kom, al was dit net sy skaduwee wat op iemand van hulle sou val.
            Die aanvaarbare manier vir genesing volgens die Skrif, is om die sieke te seën met olyfolie en die hande op te lê.
            Maar kyk nou hierna: “En God het buitengewone kragte deur die hande van Paulus gedoen, sodat selfs wanneer doeke of voorskote wat aan sy lyf was, op die siekes gelê is, die siektes van hulle gewyk en die bose geeste van hulle uitgegaan het.”
            Voordat doeke en voorskote in hierdie geval in die prentjie gekom het, was daar geen Skrif of lering dat so iets gedoen kan word en of dit ooit moontlik kon wees nie.
            Op ‘n dag spuug Jesus in die grond en maak bietjie modder wat hy aan ‘n blinde man se oë smeer en hom stuur om sy oë in die Bad van Siloam te gaan was.
            As die blinde dit nie gedoen het nie, of as hy sy gesig op ‘n ander plek gaan was het, sou hy nie gesien het nie. Hy moes ook gehoorsaamheid leer.
            In Lukas is die verhaal van die blinde man van Jerigo. Hy het genesing versoek en Jesus het gesê: “Jy sien,” en toe sien hy.
            As die twee blindes mekaar eendag sou ontmoet het en die een het van sy modderstorie en die Bad van Siloam vertel, sou die ander sy storie vertel het en die twee sou waarskynlik aan die stry geraak het oor wie is deur wie genees, en net daar sou ons die eerste kerkskeuring beleef het.
            God is soewerein. Sy liefde oorheers alles. Hy sal help, altyd, maak nie saak wat die omstandighede is nie. Al bestaan daar nie Skrif voor nie, God sê Hy kyk nie na wat ons doen nie, maar hy kyk na die motief van ons hart.
            Bid ernstig vir 22 April se massa Dag van Gebed om 2nm op die plaas “Wilde Als” digby Bloemfontein.
·       Dit word versoek dat alle kerke in die dorpe en stede daardie Saterdagmiddag sal oop wees sodat almal wat nie die
reis na Bloemfontein kan onderneem nie, presies om 2nm in hul kerke sal begin bid. Die hele volk word opgeroep.
“Die HERE is groot en baie lofwaardig, en sy grootheid is ondeurgrondelik.
Die een geslag prys U werke by die ander, en hulle verkondig U magtige dade.
Ek wil spreek van die glans van U heerlike majesteit en van U wonderbare dade.” Ps 145:3-5
Charles Finney sê oor Oorwinnende gebed: “Die vurige gebed van ‘n regverdige het groot krag.” Jak. 5: 16

Gered deur een letter

Lady Huttington was 'n Christenvrou. Tydens 19e eeu  se Herlewing in Engeland, was sy 'n beroemde vrou. Een dag vra iemand haar, hoe het dit gekom, dat sy wat so 'n hooggeplaaste en bekende vrou is, tot bekering gekom het.

 

Haar antwoord: "Deur een letter." "Deur één letter! Hoe was dit?"

Sy glimlag. "Ja. In die Here se Woord, by 1 Kor 1:26, het ek gelees: 'Dink maar net, broers, aan wat julle was toe julle geroep is. Volgens die opvatting van mense was daar nie baie geleerdes of baie invloedrykes of baie mense van aansien onder julle nie...'"

Die Engelse vertaling: "For see your calling, brethern, how that not many wise men after the flesh, not many mighty, not many noble, are called..."

Sy het verduidelik: "It says: 'Not many noble are called. That 'm' saved my soul; for if He had said: 'Not any noble,' I must have been damned. So God blessed the little letter 'm' before any to the salvation of my soul.'"

            Ja, dit sou 'n verdoemende woord gewees het as daar gestaan het, "not any", dit wil sê "geen" invloedrykes, is geroep nie. In geen posisie of toestand, of dit hoog of laag is, niemand word uitgesluit van die verlossingsboodskap van Christus nie.

            Richard Baxter het geskryf: "Ek is bly die HERE het gesê elkeen wat Hom aanneem sal gerede word. As Hy gesê het Richard Baxter, sou ek gedink het Hy verwys na ‘n ander Richard Baxter, maar wanneer sê elkeen, dan sluit dit my, die slegste van al die Baxters, ook in.”

            Niemand is te gering om by Jesus welkom te wees nie. Hy het almal ontvang. Hyself is laer as enige ander mens gebore. Gebore in 'n stal en Sy wiegie 'n krip. Hy het laer as enige ander mens gesterf. As misdadiger sterf Hy tussen twee rowers aan 'n kruis.

            Oor Homself het Hy gesê: "Ek is sagmoedig en nederig van hart." Matt 11:29. En tog is Hy ook Koning op Sy Hemelse troon.

            Iemand sê nou anderdag: “Jesus sal my nie wil hê nie, ek het te veel sonde.”

            “Kom nou en laat ons die saak uitmaak, sê die HERE: al was julle sondes soos skarlaken, dit sal wit word soos sneeu; al was dit rooi soos purper, dit sal word soos wol.” Jes 1:18

Gees se gawes laat vrug van Gees groei

Genadiglik het elke Christengelowige verskillende en afsonderlike genadegawes van die Heilige Gees ontvang.
            Die klem lê op die genade van die gawes. Soms ontvang een persoon meer, of minder, gawes as ’n ander.

            Baie kere beskik baie van ons oor dieselfde gawes – alles geskenke uit die hand van God. Gawes wat strek van wysheid, die mate van geloof, onderskeidingsvermoë, tot die vermoë om in tale te kan praat en om dit uit te lê, om wonders te kan doen.

            Gawes wat deur die Heilige Gees aan ons uitgedeel is soos wat Hy (die Heilige Gees) dit goedgedink het. Gawes wat Hý aan ons individueel en afsonderlik gegee het om geestelik reg te kan funksioneer.

            Tog moet ons nie die gawes met die vrug van die Gees verwar nie. Dit wat vanuit hierdie verskeidenheid gawes uitvloei, is die vrug van die Gees.

            Waar die gawes onder gelowiges verdeel word, is al nege aspekte wat die vrug vorm – die een kan nie sonder die ander nie – deel van elke Christengelowige. Hoe meer ons die gawes gebruik, hoe groter en ryper en voller sal die vrug wees.

            ’n Lewe vol van die Heilige Gees vertoon die vrug van die Gees waar liefde, blydskap, vrede, lankmoedigheid, vriendelikheid, goedheid, getrouheid, sagmoedigheid en selfbeheersing sigbaar uitgeleef word.

            Daarom gebruik die Heilige Gees ons gawes om die vrug te laat groei. Dit is as’t ware die oes op die gawes.

            Laat elkeen dan ons gawes gebruik om die vrug te dra, want ’n boom sal aan sy vrug(te) geken word . . . – Ds Johannes de Bruyn, GK, Harrismith

Wat se Hosea oor 22 April?

Hosea 4: “Hoor die woord van die HERE, o kinders van Israel! Want die HERE het 'n regsaak met die inwoners van die land, omdat daar geen trou en geen liefde en geen kennis van God in die land is nie.
Hulle sweer en lieg en moor en steel en pleeg owerspel; hulle breek in, sodat bloedbad aan bloedbad raak. (Ook geestelike owerspel, soos vriendskap met die wêreld)
Daarom treur die land, en alles wat daarop woon, kwyn weg: die wilde diere van die veld en die voëls van die hemel, ja, ook die visse van die see kom om.
Laat net niemand met ons twis of ons berispe nie! Nogtans is jou volk soos die wat met die priester twis!
Daarom sal jy struikel bedags, en ook die profeet saam met jou struikel in die nag, en Ek sal jou moeder te gronde laat gaan.
My volk gaan te gronde weens gebrek aan kennis; omdat jy die kennis verwerp het, sal Ek jou verwerp, sodat jy vir My die priesteramp nie sal bedien nie; omdat jy die wet van jou God vergeet het, sal Ek ook jou kinders vergeet.
Hoe meer hulle vermenigvuldig het, des te meer het hulle teen My gesondig. Ek sal hulle heerlikheid in skande verander.
Hulle lewe van die sondoffer van my volk, en na dié se ongeregtigheid verlang hulle siel.
Daarom sal dit met die priester gaan soos met die volk – Ek sal by hom besoeking doen oor sy weë en hom vergeld na sy dade.
Dan sal hulle eet, maar nie versadig word nie; hulle sal hoereer, maar nie uitbreek in menigte nie; want hulle het nagelaat om die HERE te vereer.
Hoerery en wyn en mos neem die hart weg.
volk raadpleeg sy hout, en sy staf moet hom die inligting gee; want 'n gees van hoerery het hulle verlei, en deur hulle hoerery het hulle van hul God afvallig geword.
Hulle offer op die bergtoppe en laat rook opgaan op die heuwels, onder die eike en populiere en terpentynbome, omdat die skaduwee daar goed is. Daarom pleeg julle dogters hoerery, en julle skoondogters bedryf owerspel.
Ek sal oor julle dogters geen besoeking doen omdat hulle hoereer nie, en ook nie oor julle skoondogters omdat hulle owerspel bedryf nie; want die manne sonder hulleself af met die hoere en offer met die tempelhoere. So kom dan die volk wat geen verstand het nie, tot 'n val.”
As jy hoereer, o Israel, laat Juda hom tog nie skuldig maak nie! Kom dan nie na Gilgal nie, en gaan nie op na Bet-Awen nie, en sweer nie: So waar as die HERE leef!
Want Israel is wederstrewig soos 'n wederstrewige koei; nou sal die HERE hulle laat wei soos 'n lam in die oop veld.
Efraim is gekoppel aan die afgode: laat hom staan!
As hulle drinkery verby is, dan hoereer hulle te meer. Hulle vorste is versot op skande.
Die wind bind hulle in sy vleuels, sodat hulle oor hul offers beskaamd sal staan.”

Jak 4:4-5 voeg by: “Egbrekers en egbreeksters, weet julle nie dat die vriendskap van die wêreld vyandskap teen God is nie? Wie dan 'n vriend van die wêreld wil wees, word 'n vyand van God.
Of meen julle dat die Skrif tevergeefs sê: Met jaloersheid begeer die Gees wat in ons woon?”

“Ag, as my volk maar na My wou luister, Israel in my weë wou wandel!
 Gou sou Ek hul vyande onderwerp en my hand teen hul teëstanders uitstrek.” Ps 81:14-15

Op 22 April word die volgende van die volk verwag: “As my volk, oor wie my Naam uitgeroep is, hulle verootmoedig en bid en my aangesig soek en hulle bekeer van hul verkeerde weë, dan sal Ék uit die hemel hoor en hulle sonde vergewe en hulle land genees.” 2 Kron 7:14

En verder:

“Bekeer jou, Israel, tot die HERE jou God, want jy het gestruikel deur jou ongeregtigheid.
Neem woorde met julle, en bekeer julle tot die HERE; sê aan Hom: Vergeef alle ongeregtigheid, en neem aan wat goed is; dan sal ons as offerdiere ons lippe aanbied.
Assur kan ons nie red nie, op perde wil ons nie ry nie en tot die werk van ons hande nie meer sê: Onse God nie! Want by U vind die wees ontferming.
Ek sal hulle afkerigheid genees, hulle vrywillig liefhê, want my toorn is van hulle afgewend.
Ek sal vir Israel wees soos die dou, hy sal bloei soos 'n lelie en sy wortels uitslaan soos die Líbanon.
Sy lote sal uitsprei, en sy prag wees soos dié van 'n olyfboom en sy geur soos die Líbanon.
Die wat onder sy skaduwee sit, sal weer koring laat groei; en hulle self sal bloei soos die wingerdstok; die roem daarvan sal wees soos die wyn van die Líbanon.
Efraim, wat het Ek nog met die afgode te doen? Ek het hom verhoor en hou my oog oor hom. Ek is soos 'n groen sipres; uit My word jou vrug gevind.
Wie wys is, laat hom op hierdie dinge let! Wie verstandig is, laat hom dit erken! Want die weë van die HERE is reg; en die regverdiges sal daarop wandel, maar die oortreders daarop struikel!” Hos 14:2-10
“Geloofd sy YAWEH, die God van Israel, van ewigheid tot ewigheid! En laat die hele volk sê: Amen. Halleluja!” Ps 106:48

Vergifnis

“En as jou broeder teen jou sondig, gaan bestraf hom tussen jou en hom alleen. As hy na jou luister, dan het jy jou broeder gewin; maar as hy nie luister nie, neem nog een of twee met jou saam, sodat in die mond van twee of drie getuies elke woord kan vasstaan.

“En as hy na hulle nie luister nie, sê dit aan die gemeente; en as hy na die gemeente ook nie luister nie, laat hom vir jou wees soos die heiden en die tollenaar.

“Voorwaar Ek sê vir julle, alles wat julle op die aarde bind, sal in die hemel gebonde wees; en alles wat julle op die aarde ontbind, sal in die hemel ontbonde wees.


“Weer sê Ek vir julle: As twee van julle saamstem op die aarde oor enige saak wat hulle mag vra, dit sal hulle ten deel val van my Vader wat in die hemele is.” Matt 18:15-19

Wat se Jeremia oor 22 April 2017?

Jeremia sê: “Ag, was my hoof maar water en my oog 'n fontein van trane! Dan sou ek dag en nag beween die wat verslaan is van die dogter van my Volk. (Dis darem ‘n bitterlike groot hartseer)
“Ag, het ek in die woestyn maar 'n herberg (gastehuis) vir reisigers gehad! Dan sou ek my volk verlaat en van hulle af wegtrek; want hulle is almal owerspelers, 'n hoop ontroue mense. (Dan kon hy ontslae wees van die Volk en hulle euwels en sou hy net met verbygaande reisigers hoef te werk)
Wat doen die volk dan wat Jeremia so erg ontstel?
“Hulle span hulle tong, soos hulle boog, met leuens, en nie volgens waarheid is hulle magtig in die land nie; want van boosheid tot boosheid gaan hulle voort, maar My ken hulle nie, spreek die HERE.
“Pas op, elkeen vir sy vriend, en vertrou op geen broer nie; want elke broer is net 'n onderkruiper, en elke vriend gaan om met kwaadsprekery.
“En hulle bedrieg elkeen sy vriend en praat nie die waarheid nie; hulle het hul tong geleer om leuens te praat, hulle maak hul moeg met verdraaiery.
“Jou woning is in die midde van bedrog; deur bedrog weier hulle om My te ken, spreek die HERE.
“Daarom, so sê die HERE van die leërskare: Kyk, Ek smelt hulle en toets hulle; want hoe sou Ek anders handel vanweë die Dogter van my Volk?
“Hulle tong is 'n moordpyl; dit spreek bedrog; met die mond spreek hulle van vrede met hul naaste, maar in hul binneste beraam hulle listige planne.
“Sou Ek hieroor aan hulle geen besoeking doen nie? spreek die HERE. Of sou my siel hom nie wreek op 'n nasie soos hierdie een nie?” Jer. 9:1-9
Daarom: Op 22 April 2017 sal die Volk die HERE God YAWEH vra om hierdie Suid-Afrika te besoek!

Nuutste oor die BFN beplanning
‘n Groep leiers was gister (Donderdag) bymekaar by n inligtingsessie van Angus Buchan oor die “IT'S TIME – Dis Tyd” nasionale gebed wat op 22 April 2017 op n plaas naby Bloemfontein plaasvind. Dit is duidelik dat die omvang van die hele saamtrek so groot is dat dit net deur ons Almagtige God kan gebeur.
Tot op hede is daar al meer as 18 miljoen reaksies in twee weke op sosiale media oor die saamtrek, wat dit seker die meeste maak wat al ooit vir enigiets in Suid- Afrika was... Party negatief maar meeste positief.
Voorspellings toon dat daar baie meer as ‘n miljoen gelowiges bymekaar gaan kom. Daar gaan meer as 350 000 voertuie wees. Meer as 700 toilette is reeds beskikbaar gestel en daar het vandag n persoon onderneem om nog n klomp te gee. Honey Sucker trokke sal omtrent 600 000 liter afval moet wegneem.
Die area waar almal bymekaar kom om te sit is 2km lank en ‘n half km breed.
Al die busse in en om Durban is reeds vol bespreek om mense aan te ry. Daar is reeds ‘n trein wat van Kaapstad af loop net vir die saamtrek.
Van die boere in die omgewing van die saamtrek gaan hul grond beskikbaar maak vir mense om te kamp. Kaartjies kan bespreek word op i-tickets. God is Groot! Ons eer Sy Naam.
·       Let op: Die tyd vir die saamtrek het verander om 12:00nm te begin en 14:00nm af te sluit. Dus moet ons beplan om baie vroeër daar aan te kom. Oom Angus sê dit is om mense die geleentheid te gee om voor donker in die pad te kom terug huis toe.
Alles dui daarop dat dit die grootste geleentheid in die geskiedenis van SA gaan wees. Plek by die saamtrek is daar meer as genoeg. Mense moet asseblief hul eie stoele, sambrele, kos en water bring.

Die Skoenpoetser... ‘het jy God lief?’

So 50 jaar gelede en vroeër kon mens in Kaapstad, en veral in Adderleystraat op die sypaadjie op ‘n stoel gaan sit terwyl ‘n skoenpoetser, jou skoene skoonmaak en blink vryf. Dit was ook in talle ander lande ‘n daaglikse gesig.


            Sommige skoenpoetsers was volwasse mans, ander was jeugdiges.
Die pragtige verhaal word vertel van 'n skoenpoetser  wat een dag in die straat 'n prokureur, wat hy leer ken het, se skoene skoonmaak. Terwyl hy met sorg die man se skoene blinkmaak vra hy: "Mr. Bartlett, het jy God lief?”
Prokureur Bartlett was 'n waardige persoon, maar hy was nie 'n uitgesproke Christen nie. Taamlik geskok antwoord hy: "Hoekom vra jy my dit?"
Die seun vertel van sy probleem. Hy en sy mense woon in 'n bouvallige gebou wat gesloop moet word, en die inwoners moet nou ander blyplek kry. Sy ma het nie vaste werk nie, sy ouma is verlam en sy enigste inkomste is om mense se skoene skoon te maak.
Hy vervolg op sy  manier van praat: "Ek wiet nie wat om te doen’ie. Gister het ek twie manne hoor praat. Die iene seg virrie anner: God sal ienigiemand wat vir Hom lief is help as hulle vi’ Hom seg hulle is innie moeilikheid. Ek het toe gedink om vi’ iemand wat vir God lief is, te vra om vi’ my te bid.’
Die enigste raad wat die verbouereerde regsman kon gee, was dat hy maar net moet vra en hy sal wel iemand kry wat hom sal help. Hy gee die outjie 'n pond en haas hom weg.
Maar na 'n dag van selfondersoek en verwyt, daag hy die aand vir die eerste keer, wat die mense kon onthou, by die biduur op. Hy vertel openlik van sy gesprek met die seuntjie sonder om homself te verskoon.
Die predikant wat die biduur lei, vertel die voorval 'n paar aande later in 'n predikante vergadering. 'n Ander predikant daar weet toe van 'n jongman, wat deur die dieselfde vraag so ontwaak het, dat hy na die HERE toe gekom het en gered is.
Toe sê die derde leraar dat 'n man, wat geweet het hoe om die seun te antwoord, het die seun na sy studeerkamer toe geneem het. Net daar word besluit om die saak verder te voer.
Die seun en sy gesin is met goeie woonplek en versorging gehelp en hulle het vir die seun gereël om behoorlik skool toe te gaan, waar hy soveel belofte vir goeie opleiding getoon het, dat 'n prokureur hom onder sy sorg geneem het om as regsgeleerde opgelei te word.
Hy het 'n bekwame en simpatieke regsman en helper van die jong skoenpoetsertjie geword. Hy self het 'n toegewyde Christen geword, omdat hy iemand raakgeloop het wat vir hom 'n woord by die Hemelse Vader kon doen.
God se werke in ons lewens is breed en ryk. Ons moet net by God uitkom met ons nood.
            “Moenie bang wees nie klein kuddetjie, want dit was die wil van julle Vader om die Koninkryk aan julle te gee." Luk 12: 32
            “Want so sê die Hoë en Verhewene wat in die Ewigheid woon, Heilig is sy Naam: Ek woon in die hoogte en in die heilige plek en (ook) by die verbryselde en nederige van gees, (hoekom?) om te laat herlewe die gees van die nederiges en te laat herlewe die hart van die verbryseldes.” Jes 57:15
            Hou nooit op om te bid nie, veral nie as jy vir God lief is nie!

‘Moenie bang wees nie’

In Mei 1969 het Lord Caradon, die Britse gesant by die Verenigde Nasies, tydens 'n samekoms van die Amerikaanse Bybelgenootskap, vertel van die tyd toe hy tydens 'n stormagtige politieke tyd, goewerneur van Ciprus was.


Lord Caradon is in 1990 op 82-jarige leeftyd oorlede. Sy drie broers
was ook deur die jare Britse parlementslede.

Sy pa het hom ondersteun en vir hom uit Engeland 'n kabel gestuur: "In alles word ons verdruk, maar ons is nie terneergedruk nie; ons is oor raad verleë, maar nie radeloos nie; ons word vervolg, maar nie deur God verlaat nie, op die grond neergegooi, maar nie vernietig nie." 2 Kor 4:8
Hy het sy pa in ‘n ander kabel geantwoord: "Ons verheug ons ook in die swaarkry, want ons weet: swaarkry kweek volharding, en volharding kweek egtheid van geloof, en egtheid van geloof kweek hoop; en die hoop beskaam nie, want God het Sy liefde in ons harte uitgestort deur die Heilige Gees wat Hy aan ons gegee het." Rom 5:3-5
            In die Christen se lewe kom daar teëspoed en teleurstelling. Soos 'n vaardige tuinier weet hoe om sy rose te snoei, sonder om dit te beskadig, weet God ook hoe Hy vir ons toetse moet stuur, om ons op te bou, vrugbaarder te maak, maar ons nie te beskadig nie.
“Sunday School Times” haal aan van die chirurg wat 'n delikate operasie aan iemand se oor moes doen. Hy sê vir sy pasiënt: "Ek mag jou seermaak, maar ek sal jou nooit beseer nie.” Die Groot Geneesheer, Jesus Christus, praat net so mooi met ons, as ons net wil luister.
            Dikwels kry ons Dawid in 'n toestand van nood en beproewing. Altyd is sy toevlug na God toe, vertrouend in Sy goedheid. "Uit die benoudheid het ek die HERE aangeroep; die HERE het my verhoor in die ruimte." Ps 118:5
            "Moenie bang wees nie... As jy deur water moet gaan, is ek by jou, deur riviere, hulle sal jou nie wegspoel nie... vuur... sal jou nie skroei nie. Jes 1:1,2
            “Waak, staan in die geloof, wees manlik, wees sterk. Laat alles by julle in liefde geskied.” 1 Kor 16:13-14

Die weggooikind

Elizabeth Barrett se ouers het haar onterf en alle bande met haar gebreek, toe sy met Robert Browning getroud is.
Van haar kant het sy haar verhouding met haar ouers probeer red. Elke week het sy vir hulle geskryf, vir hulle vertel hoe lief en hoe nodig sy hulle het, hoe sy na hulle verlang, hoe dit met haar in haar huwelik gaan, watter mooi vooruitsigte sy en haar man het.
 

Elizabeth Barrett, Browning

            Sy het ‘n wonderlike huwelik beleef. Haar man was besonder goed vir haar. Hulle het ‘n huis vanuit die adelstand bewoon, tesame met huishoudster wat na Elizabeth moes omsien. Sy het een van Brittanje se grootste skryfsters en digters geword.
Vir tien jaar het sy nooit van haar ouers gehoor nie. Toe op 'n dag kry sy deur die pos 'n groot kartondoos van hulle af. Uitgelate van blydskap maak sy die groot doos – 'n versoeningsgeskenk het sy gedink – opgewonde oop.
In die doos was al die briewe, meer as 500, wat sy in die tien jaar aan hulle geskryf het. Nie één was oopgemaak nie!
Hierdie liefdesbriewe van Elizabeth Barrett het 'n onskatbare deel van die Engelse klassieke literatuur geword. Maar die doel waarvoor sy dit geskryf het en die pragtige einde wat die storie kon gehad het, is nooit bereik nie, enkel omdat die ouers nie een van die briewe gelees het nie.
            Haar vader het tot op sy sterfbed geweier om haar te vergewe omdat sy gaan trou het.
            Elizabeth was nooit ‘n sterk gesonde vrou nie en op 55-jarige ouderdom is sy een dag in haar man se arms, na die Paradys.
Ons verhouding met ons Hemelse Vader is ook gebreek – van ons kant af. In Sy groot liefde het ons Vader ook aan ons geskryf. Die Bybel is God se brief aan ons, hoe lief Hy ons het, hoe Hy vir ons die pad terug na Hom toe voorberei het, hoe ons na Hom toe kan kom.
'n Hele boek, hoofstukke op hoofstukke, bladsye en bladsye, verse op verse. Hy verlang na ons versoening met Hom. Hy skryf oor Sy liefde vir ons, wat Hy vir ons wil doen, hoe dit tussen ons en Hom moet wees. "Alles wat vooraf in die Skrif opgeteken is, is tog opgeteken om ons te leer sodat ons deur die standvastigheid en bemoediging wat die Skrif ons gee, vol hoop kan wees." Rom 15:4
            Die groot oorsaak van geestelike armoede, swakheid, duisternis, is die ongeopende Bybels. As ons die Bybel met soekende hart lees, verlig die Heilige Gees ons hart en ons leer deur die Here Jesus Christus, God ken as ons Vader wat ons liefhet en vir ons sorg.
            Hy het ons so lief dat Hy ons nie verwyt nie, maar van harte begeer om saam met Hom in die Paradys te wees.

As ons struikel, of selfs val

Wanneer mens as Christen struikel, en selfs te val, is ‘n ander Christen veronderstel om jou op te help, maar in Suid-Afrika en seker elders ook, moet jy nie durf struikel of val nie want ander sogenaamde Christene is gou by om jou te skop en te vertrap. Dit moet veral nie gebeur dat iemand van aansien, soos ‘n predikant, ‘n skoolhoof, sakeman, struikel en val nie.
            “Wat gebeur wanneer ‘n Christen sondig?” Die Bybel leer in 1 Joh 1:8-9 “As ons sê dat ons geen sonde het nie, mislei ons onsself en die waarheid is nie in ons nie. As ons, ons sondes bely, Hy is getrou en regverdig om ons die sondes te vergewe en ons van alle ongeregtigheid te reinig.”
As Christene kan dit gebeur dat ons struikel en uiteindelik sondig. Wat ons verskillend maak van die tydperk voor ons Wedergeboorte, is dat ons nou ‘n nuwe natuur het. Dit grief ons om te sondig. Ons wil nie sondig nie. Ons wil ‘n lewe van geregtigheid lewe, maar wat gebeur wanneer ons tog sondig?
Moet ons nou weer gered word? Is dit wat die Bybel leer? As dit so is dan het ons geen sekuriteit nie, en in sommige gevalle sou ons erger daaraan toe wees as die wêreld. Ten minste word die wêreld nie gefolter deur ‘n sonde gewete nie.
As gelowiges is sonde nie ons fokus van belangstelling nie. Heb 10:2 lees dat deur die offer van Jesus die Gelowige  geen bewussyn meer van sondes moet hê nie. Met ander woorde, sonde moet nie die fokuspunt in ons lewens wees nie. God moet ons fokus wees.
            Rom 4:2 lees “Want as Abraham uit die werke geregverdig[regverdig verklaar is] is, het hy iets om op te roem, maar nie teenoor God nie.”
As die saligheid gebaseer was op meriete, die dinge wat ons doen, dan sou ons kon spog. Ons sou kon sê, “HERE, ek waardeer werklik wat U aan die kruis gedoen het, maar onthou tog die dinge wat ek gedoen het!”
God het die saligheid op so ‘n wyse ingestel dat daar spogtery of glorie vir die mens sou wees nie. Die enigste spogtery en glorie is die van Jesus Christus, aldus Rom 3:27. Die geskenk van die Ewige Lewe is inderdaad ‘n geskenk en kan nie verdien word nie. Rom 6:23
            Rom 4:2 sê dat as Abraham deur sy eie aksies geregverdig sou word, dan sou hy rede had om te kon spog, maar dit is nie wat gebeur het nie.
Hoe sê die Skrif word iemand gered? Deur sy eie optrede, deur sy eie werke? Was dit oor dinge wat hy gedoen het of nie gedoen het nie, of is dit eenvoudig omdat hy geglo en vertrou het of God deur geloof?
Die Bybel sê in Rom 4:3 “Abraham het in God geglo, en dit is hom tot geregtigheid gereken.” Wat is my behoud en verhoed dat ek vergaan, al sou daar ook kere wees dat ek faal? Dit is dat Jesus al my sonde op die kruis gedra het deur my geloof in Hom (en nie my eie werke nie) is ek geregverdig (Regverdig gemaak voor God)
            Rom 4:6 lees “Soos Dawid ook die mens salig spreek aan wie God geregtigheid toereken sonder werke.” Dawid van die Ou Testament sê daar sal ‘n dag kom deur ‘n nuwe verbond wanneer God geregtigheid sal gee sonder dat die mens daarvoor gewerk het.
Dan sê hy in strofe 7 “Welgeluksalig is hulle wie se ongeregtighede vergewe en wie se sondes bedek is.” Dit is die sleutel: “Welgeluksalig is die man aan wie die HERE die sonde nie toereken nie.” Dit sê nie dat Hy dit dalk, of dalk wel nie toereken nie. Dit sê “Welgeluksalig is die man aan wie die HERE die sonde nie toereken nie.” Dit is wat in die Grieks genoem word as ‘n uitdruklike negatief. Let op: Dit sê God sal nooit, nooit ooit, sonde op ons rekening plaas nie. Dit is die Goeie Nuus van die Nuwe Verbond!
            Heb 10:16 lees “ Want nadat Hy tevore gesê het: Dit is die verbond wat Ek met hulle sal sluit ná dié dae, spreek die Here verder: Ek sal my wette gee in hulle hart, en in hulle verstand sal Ek dit inskrywe.. en deel van die ooreenkoms is strofe 17 “en aan hulle sondes en hulle ongeregtighede sal Ek nooit meer dink nie.” Wat laat jou standhou in geregtigheid en in die regte verhouding, al sou jy ook sondig en nie geleentheid kry om dit te bely nie? Jou geloof in Jesus Christus. Sy naam is Jesus en Hy red mense van hul sondes. Matt 1:21
“En waarom sien jy die splinter in die oog van jou broeder, maar die balk in jou eie oog merk jy nie op nie?
“ Of hoe sal jy vir jou broeder sê: Laat my toe om die splinter uit jou oog uit te haal, en kyk, in jou eie oog is die balk!
“Geveinsde, haal eers die balk uit jou oog uit, en dan sal jy goed sien om die splinter uit die oog van jou broeder uit te haal.
“Moenie wat heilig is, aan die honde gee nie; en gooi julle pêrels nie voor die varke nie, sodat hulle dit nie miskien met hulle pote vertrap en omdraai en julle verskeur nie.” Matt 7:3-6 (ook Matt 24:10; Rom 14:12-13)
“Want ons almal struikel dikwels. As iemand in woorde nie struikel nie, is hy 'n volmaakte man, in staat om ook die hele liggaam in toom te hou.” Jak 3:2
Om ‘n Christen te wees, is om te groei in heiligmaking. Niemand skryf matriek sonder om by Graad R te begin nie. Uiteindelik is dit moontlik om nie meer te struikel nie: “Daarom, broeders, moet julle jul des te meer beywer om julle roeping en verkiesing vas te maak; want as julle dit doen, sal julle nooit struikel nie.” 2 Pet 1:10

Die volgende Wêreldwye Herlewing begin straks in Suid-Afrika

Dag Hammerskjold, voormalige Sekretaris-generaal van die VN, het kort voordat hy op 18 September 1961 in ‘n vliegramp in die Kongo gesterf het, gesê:
            “Ek sien geen hoop vir die wêreld nie. Ons het so hard probeer en so tragies misluk. Tensy die wêreld in die volgende paar jaar ‘n geestelike hergeboorte ondergaan, is ons verlore.”
            Daardie hergeboorte waarvan Hammerskjold na verwys het, is net in en deur Jesus Christus te vinde! Bid ernstig vir Herlewing.
 
         
Dag Hammerskjold, voormalige Sekretaris-generaal van die VN

Een oggend, vroeg in 1970 in WIlmore, Kentucky, sonder enige vooraf waarskuwing het ‘n geestelike wolkbreuk vanuit die Hemel die kampus van Asbury Kollege getref.
            Dit sou die gewone kapeldiens om 10vm gewees het. Die diens wat normaalweg 50min duur, het dag en nag dwarsdeur vir 185 uur aangehou. Uiteindelik het dit daarvandaan deur die VSA versprei en verder en verder tot in Suid-Afrika.
            Dis vanjaar 47 jaar gelede wat daardie magtige Charismatiese Herlewing uitgebreek het. Dit het tien later ten einde geloop. ‘n Nuwe Herlewing, wat waarskynlik die laaste gaan wees voor die Wegraping, is op hande. Die eerste druppels val al. Oral in SA word mense gered.
            Die laaste Herlewing, die grootste in die geskiedenis van die wêreld, kan maklik in SA ontstaan en hiervandaan wêreldwyd versprei. Die nuwe Herlewing gaan veel groter wees as die een van 1970. Koffiefontein in die Vrystaat beleef ook reeds die eerste druppels. Dit het met vier mense begin en nou 2½ jaar later is meer as 300 mense gered.
            Nou, 47 jaar later het die lewe soos ons dit geken het, dramaties en ook traumaties verander. Al die tekens is daar dat die Koms van die HERE voor die deur is. Ons staan  op die vooraand van die groot geestelike Herlewing in menseheugenis. Dit word ook genoem die Laatreëns.
            ‘n Terroriste revolusie spoel oor die aarde met Christene wat op grusame wyses vermoor word. Die wêreld word gekenmerk aan revolusie. Daar is oorlog in 67 lande van die wêreld, met altesame 747 gorilla-. terroriste- en militêre magte wat daaraan deelneem. Christene word wreed vervolg in 50 lande van die wêreld.
            Ons sit vrolik in die kerkbanke terwyl die wêreld brand. Die wêreld dreig om te disintegreer. Op talle plekke het dit reeds gedisintegreer… daar is geen sedelike norme meer nie, geen dissipline meer nie.
            Miljoene Christene en ander vlug voor die geweld oor die wêreld heen. Talle lande sit met kernwapens, genoeg om die wêreld drie keer te vernietig.        
Die kenmerke van ‘n Revolusionêr is, hy is toegewyd. Sy eie belange, alle besittings en gevoelens bestaan nie. Sy hele wêreld is vasgevang in ‘n enkele eksklusiewe belang, in een gedagte en een passie – die revolusie! Hy sal sterf vir die revolusie.
            Hierdie kwaliteit van toewyding het nie by die kommunis of die Islamitiese Staat ontstaan nie. Dit was Jesus Christus wat gesê het: “As iemand agter My aan wil kom, moet hy homself verloën en sy kruis opneem en My volg.
            “Want elkeen wat sy lewe wil red, sal dit verloor; maar elkeen wat sy lewe om My ontwil verloor, sal dit vind.” Matt 16:24-25
            Al wat die Islamitiese Staat doen is om Jesus se revolusionêre beleid vir hul eie ideologie aan te wend. Hulle hang dus ‘n vals godsdiens aan.
            Die revolusie wat Jesus begin het, is vandag nog steeds die grootste en omvangrykste, met die Bybel steeds die grootste verkoper.
            Ons het vasgevang geraak in aardse besittings, eie belang... so erg dat die Bybel in hierdie dae praat van die groot afval as een van die eind tekens voor die Wederkoms. Die vakuum wat ons optrede laat ontstaan het, word nou gevul deur die ideologie, die valse ideologie, van ander revolusionêre.
            Rondom ons is ‘n wêreld wat oorloop van stukkende mense, stukkend weens onkunde. Ons loop verby die tronke en die hospitale en die boemelaars.
            Sommige van ons het sy ryk geword, ons leef asof vir altyd hier gaan wees. Dis nie so nie. Elkeen van ons het ‘n finale afspraak.
            Die jaar 2017 het begin. Wat jy ook al vir 2017 beplan het, by een lewensbelangrike vraag kan jy nie verbykom nie: Wat gaan jy in 2017 vir God doen —  ‘n opdrag wat jy nie durf ontduik nie.
            God het in elke Wedergeborene die gees van ‘n pionier geplaas — ‘n eindelose revolusionêre geestelike onrus wat met ‘n stormsee vergelyk kan word.
            Dis ‘n honger na geregtigheid om die Groot Taak te volbring!
            As jy jou daarop beroem dat jy ‘n Christen is, dan vereis die HERE dat jy Hom dien. Jy is een van die werkers wat die Koninkryk moet help bou.
            Te veel mense wat hulle op hulle Christenskap beroem wag vir die Wederkoms, vir beter dae, murmureer en is tevrede met die krummels wat van die tafel afval.
            Hulle sit en wag vir ‘n “nuwe openbaring” in plaas daarvan om lampe op te steek, ‘n pad deur die duisternis oop te dwing met aggressiewe gebed, of Christus se kleed te gryp en nie te laat los nie, nie voordat hulle nie genees is en weer op oorwinningsgrond staan nie.
            Hulle wag vir ‘n geestelike Moses om op die toneel te verskyn. Ander wag vir Elia, in plaas daarvan om self tot die stryd toe te tree met ‘n salwing van doel en einddoel, met ‘n gees van eindelose revolusionêre geestelike onrus soos wat ons geestelike vaders had.
            Die Koninkryk van God word gekenmerk aan: Inval, oorwin, onderwerp, verander, verklaar, aankondig, herstel, bevestig, hervorm, vestig, verdeel, onthul, verkry en in besit neem. Oorwinning!
            Te veel Christene lewe in die verlede. Hulle borduur gereeld aan ekstatiese oomblikke van die verlede en regverdig so hulle louheid.
            Hulle durf nie nuwe grondgebied aan deur God se teenwoordigheid en in gehoorsaamheid, ware onderwerping, geestelike groei en nuwe verhoudinge nie. Hulle het lou geword.
            Sommige van diegene wat dit op die vooruitstrewende pad waag, doen dit in huiwering en nie in oortuiging nie en let gedurig op by watter uitgange hulle moontlik hul pligte kan ontvlug.
“Ag, as U maar die Hemele wou skeur, wou neerdaal, dat die berge wankel voor U aangesig – soos vuur die houtjies aan die brand steek, vuur die water laat opborrel – om u Naam aan U teëstanders bekend te maak, sodat nasies voor U aangesig kan bewe wanneer U vreeslike dinge doen waar ons nie op gehoop het nie – as U maar wou neerdaal, sodat die berge wankel voor u aangesig!
“Van ouds af tog het niemand dit gehoor of verneem nie, geen oog het ‘n God gesien wat werksaam is vir wie op Hom wag nie, behalwe U.” Jes. 64:1-4.
            God soek na ‘n geslag wat die liedere van Sion kan sing, ‘n geslag van pioniers. Pioniers dien nie God met bemiddeldheid nie, hulle dien Hom voluit. Hulle laat geen hindernis langs die pad hulle onderkry nie.
            Pioniers skep nie vir hulself ‘n afgebakende gebied nie en hulle steur hulle nie aan die hol geklank van menslike murmurering wat vra: Waar is die belofte van sy verlossing nie?
            Pioniers sing nie liedere van treurmare en verdriet nie, hulle sing die liedere van Sion! Hulle is belas met ‘n eindelose revolusionêre geestelike onrus, ‘n onrus wat nie tot ruste sal kom voordat God se geregtigheid nie oor die aarde seëvier nie!
            “By die riviere van Babel, daar het ons gesit, ook geween as ons aan Sion dink.
            “Aan die wilgerbome wat daarin is, het ons, ons siters opgehang.
“Want daar het hulle wat ons as gevangenes weggevoer het, van ons die woorde van ‘n lied gevra en hulle wat ons verdruk het, vreugde, deur te sê: Sing vir ons ‘n Sionslied.
“Hoe sou ons die lied van die HERE kan sing in ‘n vreemde land?
“As ek jou vergeet, o Jerusalem, laat my regterhand dan homself vergeet!
“Laat my tong kleef aan my verhemelte as ek aan jou nie dink nie, as ek Jerusalem nie verhef bo my hoogste vreugde nie.” Ps. 137:1-6
            Dis tyd vir die Volk van God om op te staan want oor die aarde heen word ‘n opmars van die duisternis beleef wat alles sal verswelg as ons nie in die bres gaan staan nie, en dit doen ons met die wete dat die Lig die duisternis sàl verdryf!
            Op die vlaktes van huiwering, is die beendere van ‘n ontelbare menigte besig om te verbleik, omdat hulle op die drumpel van hulle oorwinning, gaan sit het om te rus, en terwyl hulle gerus het, het hulle versleg en gesterf.        
            Een van die natuurwette is dat as mens nie gesond eet en genoeg oefening kry nie, dan sal jy ook inderdaad versleg en vroegtydig sterf.
            “Daarom, rig die slap hande en die verlamde knieë weer op; en maak reguit paaie vir julle voete, sodat wat kreupel is, nie uit lit raak nie, maar liewer gesond gemaak word. Heb. 12:12-13.
            Dis tyd om op te staan! Ons is die geslag wat na vore moet tree met ‘n nuwe lied, ‘n brandende revolusionêre passie vir heiligheid om:

•          Die Blye Boodskap te bring aan die ootmoediges
•          Om die gebrokenes van hart te verbind
•          Om vir die gevangenis vrylating uit te roep
•          Om uit te roep ‘n jaar van welbehae van die HERE en ‘n dag van wraak van onse God
•          Om al die treurendes te troos
•          Om vir die treurendes in Sion te beskik dat aan hulle gegee word: Sieraad vir as, vreugde-olie vir treurigheid en ‘n Gewaad van lof vir ‘n verslae gees sodat hulle genoem kan word terebinte van geregtigheid, ‘n planting van die HERE, tot Sy verheerliking
•          Ons sal die ou puinhope bou, die verwoeste plekke uit vroeër dae weer oprig en die verwoeste stede weer nuut maak wat woes was van geslag tot geslag.

Laat die Wedergeborenes opstaan en vorentoe beweeg met ‘n juigkreet en gejubel soos in Voorwaarts Christenstryders. Laat ons die siele in ons huise, ons gemeenskappe en in ons dorpe en stede vir die Koninkryk opeis. Laat ons huwelike en gesinslewe weer vir die HERE ‘n sieraad wees, die gemeentes ‘n plek waar die verbryseldes verbind, getroos en vernuwe kan word.
“Luister na My, julle wat die geregtigheid ken, volk in wie se hart my wet is, wees nie bevrees vir die smaad van mense en skrik nie vir hulle skimptaal nie; want die mot sal hulle opeet soos ‘n kleed, en die wurm sal hulle verteer soos wol; maar my geregtigheid sal vir ewig bestaan en my heil van geslag tot geslag.
            “Ontwaak, ontwaak, beklee U met sterkte, arm van die HERE! Ontwaak soos in die dae van die voortyd, onder die geslagte van lank gelede. Is dit nie U wat Rahab neergekap, wat die seemonster deurboor het nie?
            “Is dit nie U wat die see, die waters van die groot wêreldvloed drooggemaak het nie, wat van die dieptes van die see ‘n pad gemaak het vir die deurtog van die verlostes nie?
“So sal dan die losgekooptes van die HERE teruggaan en na Sion kom met gejubel, en ewige vreugde sal op hulle hoof wees; vreugde en blydskap sal hulle verkry; kommer en gesug vlug weg. Jes. 51:7-12.
Werk...  want die nag is op ons.
Bid ook vir die groot Christen Volksaamtrek op  22 April 2017 by Bloemfontein.

Some Modern Day "Esthers" Who Are "Turning the Tables" on Evil Leaders

Modern-day Iran is part of ancient Persia and its threat against Israel bears all the hallmarks of the
Haman spirit, with successive leaders promising to wipe the Jewish state off the map and underscoring
their saber-rattling by boasting of missiles capable of reaching Tel Aviv in seven minutes.

As Iran’s supreme leader calls for a ‘holy intifada’ to eradicate Israel, Jews everywhere can be encouraged that the tables were turned on a man from the same part of the world when he made a similar threat.


Esther Film (Photo via Destination Yisra'el)

As we approach the annual Jewish feast of Purim, we recall the plot to destroy all Jews living in the ancient and far-reaching Persian Empire. The man behind it was Haman, political aide to King Xerxes, but thanks to the intervention of Queen Esther, his plan was ultimately foiled and the gallows he had constructed for his Jewish enemy Mordecai (cousin and guardian of the beautiful young Queen) was used for him instead.

In the same way today, those who side with the Islamic world in opposition to Israel are building their own gallows.

Describing Israel as a “cancerous tumour”, Iran’s supreme leader Ayatollah Khamenei said the international community was heading toward confrontation with the “Zionist regime”.[1]

But as Barry Segal of the Jerusalem News Network put it: “Actually, it is Iran that is heading towards a confrontation with the international community with its support of global terrorism, its nuclear ambitions, and its unrelenting hateful tirades against Israel and the USA.”[2]

Mordecai had learned of the 500 BC plot to destroy the Jews and managed to persuade Esther to approach the King on behalf of her people, even though it was against protocol to do so without being summoned.

“Do not think that because you are in the king’s house you alone of all the Jews will escape,” Mordecai warned. “For if you remain silent at this time, relief and deliverance for the Jews will arise from another place, but you and your father’s family will perish. And who knows but that you have come to your royal position for such a time as this?” (Esther 4.13f)

So Esther resolved to risk her life for her fellow Jews, saying: “If I perish, I perish.” (v16)

Modern-day Iran is part of ancient Persia and its threat against Israel bears all the hallmarks of the Haman spirit, with successive leaders promising to wipe the Jewish state off the map and underscoring their sabre-rattling by boasting of missiles capable of reaching Tel Aviv in seven minutes. And all the time they continue to work towards nuclear capability.

But, as with Haman, their plans will be ultimately brought back on their own heads as the Bible makes clear that, in the last days, many nations will attack Israel and come under God’s judgment as a result. (See Joel 3.2 & Zechariah 14.2f)

Thankfully, some modern-day Esthers are standing up to the bully-boys. America’s new Ambassador to the UN Nikki Haley, speaking of that body’s Security Council, says its “double standards are breathtaking”. Declaring that the U.S. was determined to stand up to the UN’s anti-Israel bias, she said the prejudiced approach to Israeli-Palestinian issues “bears no relationship to the reality of the world around us.”[3] (The Trump administration has indicated that it may pull America out of the UN Human Rights Council due to its Israel bias[4], which even outgoing Secretary-General Ban Ki-moon has admitted to have been the case).[5]

Also showing Esther-like qualities is America’s new First Lady Melania Trump who boldly led a Florida rally in the Lord’s Prayer.

Watching an old Hollywood movie on the subject, One Night with the King, reminded me of how, just after retiring from full-time work in the newspaper industry, I felt the Lord say that I had been called to the kingdom “for such a time as this”, confirming an earlier call to be a “helper of Israel” in these last days by writing the truth about Middle Eastern affairs.

England’s own Esther has emerged in the form of a beautiful young lady called Aisling Hubert, who is having to pay a heavy price for standing up for the unborn, eight million of whom have been killed since the UK Abortion Act was passed 50 years ago. Aisling launched a private prosecution against two doctors who had been secretly filmed offering gender abortion. But the Crown Prosecution Service ruled that pursuance of the case was not in the public interest, and the doctors were awarded costs. An undisclosed settlement has been reached, and it is “a large sum”.

Aisling has been supported throughout her ordeal by the Christian Legal Centre. Do get in touch with them if you wish to help by visiting www.christianconcern.com/aisling

Mary, the mother of Jesus, performed an Esther role in carrying the Messiah, whom the devil tried to destroy at birth as Herod ordered the killing of Bethlehem’s infant boys in a desperate bid to prevent his crown from passing to the new king. (Revelation 12.4, Matthew 2.16)

In the end her soul was pierced by a sword, in fulfilment of Simeon’s prophecy (Luke 2.35), as she watched her innocent young son being crucified, aged just 33.

Yet in the fulness of God’s perfect time, and just a generation before the Jews would be scattered abroad by Roman brutality, Jesus himself stepped forward to die on behalf of his people, and of all who would, metaphorically speaking, mark the doorposts of their hearts with the blood of the Lamb.

“But he was pierced for our transgressions, he was crushed for our iniquities; the punishment that brought us peace was on him, and by his wounds we are healed.” (Isaiah 53.5)

Truly, Jesus (Yeshua in Hebrew) is the Jewish Messiah who has come to the rescue of his people in these last days. Welcome him in advance of that great day when his feet will stand on the Mount of Olives, east of Jerusalem. (Zechariah 14.4)

U stok en U staf vertroos my

In 1849 het dr. Alexander Duff, die man wat die suksesvolle Dr Duff meisies hoërskool in Kalkutta, Indië gestig het, was hy naby Simla aan die voet van die reuse Himalajagebergte op ‘n sendingreis.



Eendag lei sy roete teen die berg op, al langs ’n nou voetpad wat teen ’n steil rant uitgekap is. Hy sien hoe ’n herder met sy kudde met die voetpad langs die berg afkom.
Die voetpad loop een kant, naby ’n diep afgrond langs, verby. Die herder loop voor en sy skape volg. Elke nou en dan gaan die herder staan en kyk terug hoe sy skape hom volg.
In sy hand hou hy ’n stok, langer as hyself, vas. Om die een punt van die stok was ’n metaalband met ’n ronde haak aan, gedraai. Om die ander punt was daar ook ’n metaalband gedraai, maar ’n plat, swaar yster, steek daar uit.
Dr. Duff staan aangedaan na die herder se manier van doen en kyk. As een van die skape teen die berghang probeer uitklouter, haak hy die haak om die skaap se agterbeen en trek die skaap versigtig terug op die voetpad.
Dieselfde as ’n skaap dit te naby die afgrond waag.
Dr. Duff vra die herder hom oor die plat, ysterdeel, van sy stok.
“Hiermee slaan ek enige ongedierte of iets wat die skape bedreig,” verduidelik die herder selftevrede.
“Voel,” nooi hy en gee sy stok in dr. Duff se hande. Die slaandeel van die stok was swaar. Hy kon ’n wolf of jakkals daarmee sleg seermaak, straks  doodslaan. Hy gebruik dit veral snags dikwels, vertel die herder. Dit is die tyd wanneer ongediertes kom om die skape kwaad aan te doen.
            Dr. Duff dink aan Psalm 23 en verstaan wat die herder se stok en staf regtig beteken.
Dit is hoe ons groot en goeie Herder ons bewaar. Met die stafdeel trek Hy ons terug op die regte koers, met die stokdeel verdedig en beskerm Hy ons teen gevaar.
“Die goeie herder lê sy lewe af vir sy skape. ’n Huurling… as hy ’n wolf sien kom, los hy die skape en hardloop weg, en die wolf vang die skape en jaag die trop uitmekaar… Ek is die goeie Herder. Ek ken my skape… en Ek lê my lewe af vir die skape.” Joh.10:11-15
            Mens voel sommer verlig en veiliger nou dat jy weet wat die stok en die staf se rol is.
            “… ek sal geen onheil vrees nie… (want) u stok en u staf dié vertroos my.” Ps 23:4
            Vandag se skaapwagters gebruik skaaphonde. So sien ek eendag op ‘n plaas by Redelinghuys ‘n boer en sy honde wat ‘n trop boerbokke aankeer.
            Skielik spring ‘n boerbok kortom en vlieg byna oor die sand en tussen die besembosse deur soos wat hy hol na waar ook al.
            Die boer het nie eers omgekyk nie, hy het net ‘n kortaf bevel aan een van die honde gegee, toe sit die hond die bok agterna. Die hond het die bok so 50m later ingehaal en probeer aankeer terug na die trop nie, maar die bok wou nie.
            Toe storm die hond op die bok af en gee die bok net een harde byt in sy binneboud. Die bok het in die lug geklim van die pyn en toe hy grondvat toe hol hy soos nog nooit om terug by die trop te kom.
            Ek het my verkyk aan die verskynsel en toe beleef ek die volgende in my gees:
            Die HERE sê Hy hou sy hand oor ons en niks kan ons uit Sy hand uitruk nie... maar as jyself uit sy hand uitspring en eie koers kies... dan sê Hy vir sy skaaphond, die satan: “Sa, vat hom.”  En kort voor lank is jy terug in die trop.
            Luister dus liewer na die Herder en bly op koers.
            Onthou die groot Volksaamtrek op 22 April op ‘n plaas buite Bloemfontein wanneer Angus Buchan die volk sal toespreek/aanspreek en meer as een miljone Christen volksgenote tot God sal roep om die land te normaliseer.

            “Cancel every other meeting and make sure you are there. I really believe this is the last chance that we will have in South Africa to bring normality back to this beloved nation.” – Angus Buchan

Skaakmat...

Jare gelede, in die beroemde Louvre Museum in Parys was daar ‘n skildery met die titel "Skaakmat". Dit het die satan uitgebeeld wat smalend oor sy skaak -opponent uittroon, omdat hy sy opponent se siel gewen het omdat hy die spel gewen het. Die opponent word uitgebeeld as 'n jong man, sy kop gebuig in vernedering –  hy's verslaan en verslae. Sy gesig is vertrek van pyn – en die satan grynslag oorwinnend. Daar's 'n paar stukkies oor op die skaakbord en die woord "Skaakmat" dui aan die spel is verby want die koning is vasgekeer en kan nie meer gered word nie.
            Die skildery is geskilder deur Friedrich Moritz August Retzch. Dit is vandag in privaat handee nadat dit in 1999 deur Christie’s op ‘n veiling verkoop is.
            ‘n Skaakkampioen stap eendag deur die Louvre en stop by die sataniese skaakspel. Doodstil staan hy vir lank en bekyk die prent, toe hy skielik uitroep: "Dit is 'n leuen, dit is 'n leuen!" Ander mense in die galery het kom kyk wat aangaan. “Wat is die leuen?” vra hulle.
            Die Kurator van die museum daag op. "Meneer, is hier 'n probleem, kan ek help?"
            Die man kyk die kurator in die oë en sê: "Ek is die Franse skaakkampioen, ek sê vir jou dit is 'n leuen!" Die kurator was nog steeds verward - wat is 'n leuen? Die man wys na die skaakbord en sê: "Die skilder sal die skildery moet verander, of hy sal die titel moet verander. Kyk, die spel is nie oor nie. Dit is 'n leuen, dit is nie skaakmat nie, die koning het nog 'n skuif!"



·        ‘n Klein seuntjie met 2 vissies en 5 broodjies en duisende mense wat gevoed moet word. Dit lyk soos skaakmat, maar dit is 'n leuen, want die Koning het nog 'n skuif, en hulle tel 12 mandjies kos na die tyd op.
·       'n Man met die naam Daniël word gegooi in 'n kuil vol honger leeus. Dit lyk soos skaakmat, maar dit is 'n leuen, want die Koning het nog 'n skuif oor!
·       Jesus kom by die graf van Lasarus. Hy's al vier dae dood. Die graf ruik al. Dit lyk soos skaakmat, maar dit is 'n leuen want die Koning het nog 'n skuif oor!



·       Die vrou by die put, moet deur mans met klippe dood gegooi word. Dit lyk soos skaakmat, maar dit is 'n leuen want die Koning het nog 'n skuif oor. "Gaan en moenie langer sondig nie!"
·       Die moordenaars saam met Jesus aan die kruis. Dit lyk soos skaakmat, maar dit is 'n leuen, want die Koning het nog 'n skuif oor. “Vandag sal jy saam met my in die paradys wees”.
·       Op die Paasfees word die Lam geslag. Die mense skreeu veroordelend - "Kruisig Hom, kruisig Hom”. Hulle spot Hom en slaan Hom. Hulle spoeg hom en kap Hom met spykers vas aan 'n kruis. Jesus skreeu met 'n hortende asemteug en gebarste lippe dit uit:  “Eloi, Eloi lama sabagtani - my God, my God waarom het U my verlaat". Eenkant staan mense en sê: “Ja, ander kon Hy red, maar Homself kan Hy nie red nie”. Dit is verby, skaakmat, gaan maar huis toe...  satan leun smalend oor die skouer van die mens, alles is verby, maar dan kom Opstanding Sondag en ek en jy weet. Dit het gelyk soos skaakmat, maar dit was 'n leuen, want die Koning had nog 'n skuif oor!
·       Ons land is in 'n gemors. Moorde vind oral plaas (Daar was 17 plaasmoorde in 28 dae in Februarie 2017). Vroue en kinders word wreed vermoor en verkrag.  Mense verloor hul werke, huise, huwelike, lewens, selfrespek, morele waardes, harte en verstand... Jou lewe is 'n gemors. Jy soek, jy klop, jy roep... Jy huil, jy lag, jy raak kwaad... Jy voel leeg. Jy voel verlore. Jy soek jou voetspore, maar vind verdwaalde paaie. satan staan en lag. Dis verby. Sluk daai pil, trek die sneller, gee daai tree oor die rand... Vrees is aan die orde van die dag. Vrees bepaal jou kom en jou gaan. Vrees vir jou lewe, vrees vir jou medemens, vrees vir jouself, vrees vir jou gedagtes, vrees vir jou omstandighede, vrees vir môre, vrees vir die herinnering van gister, vrees vir die omstandighede van vandag. VREES... Maar luister, die spel is nie oor nie! Die Koning, ons Koning, het nog 'n skuif oor!
Mag hierdie boodskap julle bemoedig want: Die KONING, ons Koning, het die laaste skuif. Sien met rykhalse daarna uit.
·       Bid ernstig vir 22 April 2017 wanneer Angus Buchan die volk in Bloemfontein gaan toespreek/aanspreek.