Ons benodig die wysheid van God

Waar iemand se lewe gebroke is soos ’n riet wat geknak is, sal Hy dit nie
verbreek nie,
en waar dit swak is soos ’n lamppit wat rook, sal Hy dit nie uitdoof nie  -
Matt. 12:20.
Die offerande wat U wil hê, is berou; o God, U sal nooit ’n mens verwerp wat
opreg
berou het en nederig is nie - Ps.51:19. Hy maak gebroke harte weer heel en
verbind
hulle wonde (Ps.147:3). My naam is Die Heilige God. Ek woon in ’n hoë,
heilige plek,
maar Ek woon ook by mense wat hulle sonde erken en nederig is, want Ek gee
sulke
mense weer nuwe krag - Jes.57:15,16. Die verdwaaldes sal Ek opsoek en die
wat oral
versprei was, sal Ek  terugbring. Die wat seer gekry het, sal Ek verbind en
die wat siek
is, sal Ek weer gesond maak. Ek sal die wat sterk en gesond is ook oppas
soos dit hoort
Es.34:16. Hou moed, moenie bang wees nie, want julle God kom… julle… red -
Jes.35:4.
“God is geen man dat Hy sou lieg nie; of 'n mensekind dat dit Hom sou berou
nie. Sou
Hy iets sê en dit nie doen nie, of spreek en dit nie waar maak nie?’ Num
23:19.

Die Nag is op ons!

‘Julle (ek en jy) sal Sy getuies wees…’ -- Is ons?

Gegroet in die naam van Jesus Christus wat ons geroep het om knegte van die Allerhoogste te wees!
            Julle sal my getuies wees tot aan die uiterste van die aarde. Hand 1:8 Christus sê as ek en jy Hom voor die mense bely, dan bely Hy ons voor die Vader. Getuig, bely ons nie, kan ons geestelike lewe ook nie beweeg of groei nie en beroof ons onsself van ryke seëninge.
            Die tyd raak min. Om te getuig, is die voorreg van elke Wedergebore Gelowige, maar baie Gelowiges word koud of onverskillig deur die koue ontvangs van hul getuienis.
            Die boodskap van verlossing is vir beide siel en liggaam bedoel en God wat ons verordineer het om getuies te wees, het belowe om Sy Woord aan ons te vervul en te bevestig.  Heb  2:3-4
            “Hoe sal ons ontvlug as ons so ‘n groot Saligheid verontagsaam wat, nadat dit eers deur die HERE verkondig is, aan ons bevestig is deur die wat dit gehoor het, terwyl God nog saam getuig het deur tekens en wonders en allerhande kragtige dade en bedelinge van die Heilige Gees volgens Sy wil?”
            “Hy het vir hulle gesê:  Gaan die wêreld in en verkondig die Evangelie en maak siekes gesond.”  Daar is sommige wat vir God wil werk, maar wat vrees dat Hy nie Sy beloftes sal vervul nie.  Ai!
            Hulle is huiwerig om vir ‘n sieke te bid want netnou gebeur daar niks! Die onus om te genees berus nie by my en jou nie, maar by God. Dis Sy belofte, nie myne en joune nie. Al wat ons moet doen is om die hande op te lê. Daardie oomblik is ons hande bloot die verlengstuk van Jesus Christus se hande.
            Dit is net omdat jy nie in die geloof uitgestap het nie, omdat jy nie ‘n vaste vertroue in die Woord van God het nie, omdat jy God se Almag misken.
Sy Woord is onfeilbaar. Hy het gesê ons is die instrument en die uitbou en onderhou van Sy Koninkryk wat deur Sy krag en genade bewerk word. Die onus is op Hom, nie op my en jou nie. Al wat ons moet doen is om te gaan vertel en te doen.
Ons kan geen siel red nie, net Jesus Christus kan. Al wat ons moet doen is om tyding van Heil te bring. Niks kan groei as die saad nie gesaai word nie.
            Jesus Christus het in die arena van wêreld se godsdienste gestap as Uitdager.  As die Seun van God het Hy hulle uitgedaag.
            Die Hemelse uitdaging staan nog.  Baie godsdienste, illusies en dwalinge, het die wêreld se belangstelling gewek, maar kon nooit werklik bevredig nie.
            So lank as wat God se Woord vasstaan, sal daardie uitdaging bly staan. Ander godsdienste was reeds oud en verbygaande toe Jesus in die wêreld as ‘n hulpelose babatjie gebore is.  Selfs die godsdiens wat reiniging van sondes deur vuur voorgestaan het, dit is die aanbidding van die son, die vuurgod, kon die natuur aan die mens nie verander nie.
            Die stemme van die stigters van vele anti-Christiese godsdienste is nog nooit weer van anderkant die graf gehoor nie. Hulle dood het ‘n volslae einde aan hulle lewens gebring.
            Die Seun van God, beklee met glorieryke Heiligheid, Goddelike geregtigheid, Hemelse reinheid, het in hierdie bose wêreld gekom en die Ewige Lewe, die opstanding uit die dode, gemeenskap met God, kom aankondig. Jesus Christus het ons waarlik vrygemaak van sonde en siekte.  Halleluja!
            Jesus Christus het nie in die wêreld gekom om apologie vir Sy bestaan aan te teken nie, of om ‘n woonplek te vra nie;  Hy het as die vervulling van die Belofte gekom.
            Die lewe van Jesus Christus word in elke gelowige gebore wanneer hy die Wedergeboorte ontvang, deur die bloed wat op Golgota gestort was.  Deur die wedergeboorte word hierdie mens nou ‘n werktuig in die hand van God, ‘n Getuie van God se Genade en Liefde.
            “Soos Hy is, is ons ook in hierdie wêreld.” 1 Joh  4:17
            In ons dag is daar baie mense wat nie ware gelowiges is nie, maar slegs nominale Christene, papier Christene, wat die hele week hulle eie gang gaan, maar op Sondae probeer om die Tien Gebooie te gehoorsaam.
            Hierdie mens probeer deur ‘n uiterlike vorm van vroomheid God te dien, maar hulle godsdiens is tevergeefs.  Jesus Christus en die Heilige Gees in aksie ontbreek in hulle lewens.
            Jesus Christus het nie gekom om goeie sedes te bewerkstellig nie, maar onsterflikheid aan die mens te skenk. Hy belowe:  “Ek sal hom opwek op die laaste dag, Ek sal hom die Ewige Lewe gee.  Die dode in Christus sal eerste opstaan.”
            Geen ander godsdiens behalwe die Christelike Godsdiens, belowe en verseker die Ewige Lewe nie.  Wie kon ooit die Ewige Lewe belowe voordat Jesus Christus gekom het?  Watter sterfling kon?  Dit was net die Seun van God self, uit die Hemel, met die kennis van onsterflikheid en die Ewige Lewe wat kon waag om so ‘n klimaks vir die mens voor te hou.
            Want in Hom was LEWE, en die Lewe was die lig van die mense.  Hy het ook gesê:  “Hy wat leef en in My glo, sal nooit sterf nie.”
            Vandag is Jesus Christus die mens se enigste hoop. Geen duiwelse mag op aarde kan die mag weerstaan wat Jesus Christus as ‘n erfenis aan die weergeborene nagelaat het nie.
            Baie sogenaamde Christene het hulle vertroue in God en ook in die Woord van God verloor! Dis soos die saad wat op die rotsagtige plekke geval het.
            Die saligheid bestaan dus daarin dat God die sondige mens tot ‘n nuwe mens herskape, alleen maar daarin dat God die wêreld liefhet. Joh 3:16
            God se hele verlossingsplan is reeds voor die grondlegging van die wêreld vasgestel.  En aan elke verloste mens gee God deur Jesus Christus mag (gesag) om die duiwel te weerstaan.
            Jesus Christus het die sonde-vraagstuk opgelos deur Homself as ons Bloed-offer op Golgota te offer.
            Nou word ek en jy as vrygekooptes geroep om te getuig aangaande dié heerlike feit, dat daar deur die gestorte Bloed vergifnis van sondes is, en dat deur Sy wonde daar genesing vir ons gees, siel en liggame gekom het.
            Toe Jesus uit die graf opgestaan het, het hy in Sy opstandingskrag te voorskyn gekom.  Hy wat bo alle owerheid en mag en krag is en wat alle dinge onder Sy voete onderwerp en Hom as Hoof  bo alle dinge aan die gemeente gegee het.  Hy gee aan my en jou hierdie mag, hierdie gesag, om die werke van die duiwel te verbreek.
            Staan op in die Geloof! Gaan en verkondig die werke van God!  Hy sal dit bevestig waar die voorwaardes nagekom word. Die HERE wil en sal Sy Woord bevestig.
            Hy sê in Jes 50: 2-3: “Is my hand werklik te kort om te verlos of is daar in my geen krag om uit te red nie?  Kyk, deur My dreiging maak Ek die see droog... Ek beklee die Hemel met swartheid.”
            Ons is dus geroep om getuies van die Evangelie te wees, waarin die mag van Jesus Christus en die Volle Raad van die Godheid uiteengesit word.
            Neem die bonatuurlike uit ons godsdiens en jy kry ‘n godsdiens so dood soos die heidense godsdienste.
            Neem die Evangelie van Jesus Christus uit hierdie wêreld en ons sal spoedig ook ‘n volk van kannibale, seksuele kranksinniges en moordenaars wees.
            Die mense veroordeel wonderwerke en genesings, en verwater so die Christen se getuienis:  Hulle leef sogenaamd in ‘n tyd waar wonderwerke geëindig het.
            Loof die HERE, ons ondervind meer en meer elke dag, die bevestiging van die Woord van God;  die waarheid dat Hy Sy Woord gestuur het om te genees, word elke keer bevestig.
            Die HERE sal altyd ‘n getuienis eer.  Kyk na Henog.  Hy het met God gewandel en is deur God weggeneem om by Hom te wees.
            En daar is Elia wat 450 heidense priesters uitgedaag en oorwin het. En Daniël wat geweier het om voor mense te buig wat sy getuienis sou beskadig het.  God het die bekke van die leeus gesluit sodat sy getuienis nog indrukwekkender kon wees.
            Alhoewel ons geroep is om die lydingsdoop te deurloop, mag ons nie die mens of ‘n gesag gehoorsaam wat vereis dat ons God se insettinge moet oortree nie.
            Op Golgota is daar voorsiening vir Goddelike genesing gemaak.  Watter soort Evangelie sou ons sonder die Groot Geneesheer, Jesus Christus, gehad het?
            Ons getuienis behoort in die eerste plek so te wees dat Christus deur ons lewens te voorskyn kom, sodat die getuienis van ons wedergeboorte mense tot sonde oortuiging sal bring.
            In die tweede plek moet ons nie bang wees om die beloftes van God in ons bediening te gebruik nie. Die Bybel verklaar onomwonde dat ons deur die gestorte bloed van Christus, verlossing van sonde het en dat ons deur Sy wonde genees is.
            Hy belowe ook dat as ons hande op die siekes lê, hulle gesond sal word.  Hy het dit belowe. Hy sê Hy is ‘n waarmaker van Sy Woord. Waarom sou ek en jy dan twyfel.
            In Jak. 1:6-7 sê die HERE dat iemand wat twyfel … “moenie dink dat iets, van die HERE kan ontvang nie.”  Ja, nie eers  “iets” nie.
            Dus, weier om te twyfel. Twyfel is nie van die Hemel nie. Die duiwel saai twyfel. Verdryf hom van jou af in die kragtige naam van Jesus Christus, staan vas, en weier om te twyfel.
            Toe Jesus Christus op Golgota gesterf het, het Hy elke sondaar verseker dat hy ‘n geleentheid gebied word om ‘n kind van God te word.
            John Lake het die opstanding van Christus so beskryf:  Een dag het Dawid op die berg gesit en sy skape opgepas, toe Sy gees hom weggevoer het na die ruimtes van God.  Hy sien die toekomstige gebeure en roep uit: “U het opgeklim na die hoogte, U het gevangenes weggevoer, U het geskenke onder die mense geneem, ja ook wederstrewiges om daar te woon, o, HERE God.” Ps 68:19
            En toe met ‘n triomfantelike geroep sê hy:  “Hef op julle hoofde, o poorte, ja verhef julle ewige deure dat die Ere-Koning kan ingaan.” Ps 24:7
            Toe Christus daardie handskoen in die arena gewerp het, het ‘n oorlog tussen twee koninkryke ontstaan.  Dit was ‘n stryd tussen lig en duisternis in die Hemel en op die aarde.  Jesus Christus het aan die hele wêreld getoon dat Hy waarlik die Oorwinnaar is.
            Die môre van Sy opstanding het Hy as Held, Oorwinnaar oor Satan, dood en hel, sonde en siekte, opgestaan.
            Daar is mense wat twis oor wie Christus sou doodgemaak het. Die waarheid is dat niemand Hom doodgemaak het nie. Golgotha is God se  meesterstuk. Jesus Christus het self besluit  op watter oomblik Hy sou sterf, Sy laaste asem sou uitblaas.
            Die Hoofman oor  Honderd wat in daardie stadium nog reg voor die kruis gestaan het, het homself boeglam geskrik toe hy sien wat gebeur – dat hierdie man aan die kruis nie ure lank soos ander aan die kruis gaan hang en natuurlik gaan sterf nie.
            Die Hoofman word ook die eerste mens om na die kruisiging openlik te bely: “Waarlik, dit was die Seun van God!”
            Kind van God, jy het ‘n getuienis.  Satan sou jou graag daarvan wou beroof.  Staan op, roep dit uit.  Staan op, en laat jou lig skyn want die Lig het gekom en die heerlikheid van die HERE gaan oor jou op!  Want kyk die duisternis kom, maar die HERE sal oor jou skyn en Sy heerlikheid sal oor u gesien word.
            Daar staan geskrywe dat terwille van Sy naam, jy vervolg sal word. Ons herhaal: dit is ‘n belofte, nie ‘n waarskuwing nie. Jy het uit die koninkryk van die Satan oorgestap na die Koninkryk van God. Jy het daardie oomblik ‘n vyand van die Satan en Sy Koninkryk geword. Hy besef ook dat as jy begin getuig, jy verdere en groter skade aan sy koninkryk gaan aanrig.
            Sy grootste verweer is om bindinge in ons gees te bring sodat ons nie kan getuig nie, sodat ons getuienis nie sy koninkryk verdere skade kan berokken nie.
            Daarom  het die (oorlogs)lied “Voorwaarts Christen-stryders, voorwaarts om te stry…” asook die lied “Staan op, staan op vir Jesus, o helde van die Kruis!” sulke geweldige impak.
            As dit ooit vir jou voel jy is iewers besig om ‘n ronde te verloor, sing dan luidkeels hierdie liedere want inderdaad is ons in ‘n stryd gewikkel, maar  met die groot verskil, dat dit uit en uit ‘n oorwinnaarstryd is. Ons weet reeds dat ons gewen het.
            Is jy siek, voel jy ellendig, het jy probleme: Wel, as jy jou dan nie daar kan uit bid nie, sing jouself daar uit! Moet jou deur niks laat onderkry nie. Lewe bo die omstandighede en weier om onder die omstandighede te lewe.
            God het getuies dwarsdeur die eeue benodig.  Daar is die bekende geval van Jona.  God het hom beveel om in Ninevé die Evangelie te verkondig, maar hy het na die see gevlug.  God het vir hom gesê:  “Maak jou klaar, gaan na die groot stad Ninevé en preek vir hulle want hul boosheid het voor my aangesig opgestyg.”
            In Sy groot liefde en genade wou God deur Sy getuie die stad waarsku, maar treurig om te sê, Jona het weggevlug.  Op die see het ‘n sterk wind opgekom en die skip het water geskep.  Die lot is toe gewerp om te bepaal wie vir die storm verantwoordelik was en die lot het op Jona geval.
            Die bevelvoerder het bevel gegee dat die bemanning hom in die see moes gooi en ‘n groot vis het Jona ingesluk.  Jona het uit die ingewande van die vis tot sy God gebid:  “Ek is weggestoot uit U oë, tog sal ek weer U heilige tempel aanskou... toe my siel in my versmag het, het ek aan die HERE gedink... Ek sal aan U offer met ‘n stem van lof.  Wat ek beloof het sal ek betaal.  Die heil behoort aan die HERE.”
            Moet  ek en jy dan ook eers die ingewande van ‘n groot vis smaak, voordat ons gaan luister en die boodskap begin uitdra!
            Daarna het die vis Jona op die strand uitgespuug. Daarna het hy aan Ninevé se inwoners gaan sê dat die stad binne 40 dae verwoes sou word.  Maar die koning en die inwoners het berou gehad en God het die stad gespaar.
            Ja, hierdie ontsettende werklikheid kan in ons dag ook plaasvind. As ons soos Ninevé  se inwoners ook onsself verootmoedig en in gees en in waarheid na God terugkeer, dan kan die profesieë van ons tyd ook deur die HERE omgekeer word. Maar dis ek en jy wat die volk moet waarsku.
            Dan kan ons die Satan en sy demone se uitdaging weerstaan, want ons is met die Heilige Gees gevul en het krag van omhoog ontvang. Ons is meer as oorwinnaars!
            Omdat Jesus in ons plek gesterf het, het God wettiglik gelas dat geen sonde of siekte ooit oor ons sal heers nie. Maar God benodig die getuienis van Sy volgelinge om andere van Sy groot program van liefde vir die mensdom te vertel.
            Die groot waarheid oor die kwessie van getuig, word deur  miljoene Christene reg oor die wêreld bevestig, en dit is: Hoe meer ons getuig, hoe sterker word ons geestelik, hoe meer Lig is daar om die duisternis te verdryf.
            Sal jy nou die uitdaging aanvaar?  Sal jy uit ‘n slawerny van sonde en siekte en van ongeloof en twyfel uitstap?
            Sal jy die uitdaging aanvaar en in die lewens-arena in die Naam van Jesus Christus instap om die magte van die hel en die duiwel op vlug te jaag?
            Sal jy as held, opstaan vir Jesus?
            Glo, in die Naam van Jesus Christus dat jy ‘n heerser oor die Satan en sy demone is.  Glo dat jy vry is omdat Christus het jou vrygemaak het.
            Verban die demone van onheil, siekte en depressie in jou eie lewe, in die lewe van jou gesin, van jou familie, ja, verban hierdie onheile uit die Liggaam van Jesus Christus.
            Aanvaar die uitdaging en word soldaat in God se Weermag!
            Hou die Bloedbevlekte Banier van die Oorwinnaar van Golgota op.
            Kom uit die duisternis in die lig in.
            Trek  die hele wapenrusting van God aan!
            Mense het baie verskonings waarom hulle nie sogenaamd kan getuig nie. Die Skrif trek egter ‘n finale streep deur alle verskonings.
            Eseg. 3:18-19 lees: “As Ek aan die Goddelose sê: Jy sal sekerlik sterwe – en jy (Christen) waarsku hom nie en spreek nie om die Goddelose vir sy Goddelose weg te waarsku om hom in die lewe te hou nie, dan sal hy, die Goddelose, deur sy ongeregtigheid sterwe; maar, sy bloed sal  Ek van jou hand eis!
            “Maar as jy die Goddelose waarsku, en hy hom nie van sy Goddelose weg bekeer nie, dan sal hy deur sy ongeregtigheid sterwe; maar jy, jy het jou siel gered!”
            Getuig, getuig, getuig, waarsku die Goddelose en red jou eie siel! Wees soos Paulus wat  in Rom. 1 vers 16 sê: “Want ek skaam my nie oor die Evangelie van Christus nie, want dit is ‘n krag van God tot redding vir elkeen wat glo.” Daardie redding beteken vrymaking, veiligheid en genesing.
            Paulus sê: “…vir elkeen wat glo.” Wat beteken dit in die praktyk? Eenvoudig die volgende: Petrus kom by die man by die poort en sê aan die verlamde  “… staan op en loop.” As die man nie probeer opstaan het nie sou hy nooit geloop het nie.
            Die blinde man moes die speeksel-modder wat Jesus aan sy oë gesmeer het in die bad van Siloam gaan was. Hy het dit gedoen en gesien.
As hy begin twyfel het en gesê het: nee wat, dis sommer twak. Waar het mens nou gehoor iemand smeer speeksel-modder aan jou oë? Maar dan sou hy nie begin sien het nie. As hy sy oë op ‘n ander plek gaan was en as die plek waarheen hy gesê was om te gaan (ongehoorsaamheid) dan sou hy ook nie gesien het nie.
            Geloof vra dus gehoorsaamheid en handeling. Nadat Jesus die brode en die vissies aan die dissipels gegee het om uit te deel, het die dissipels tot by die voorste ry mense moes stap en dit begin uitdeel. Veronderstel hulle sou net daar bly staan het en gesê het: Nou hoe op aarde kan ons vyf duisend man, hul vroue en hul kinders met die bietjie kos voed? Dan sou daar niks gebeur het nie.
            Geloof vra daardie vaste vertroue, daardie gehoorsaamheid om te stap na die eerste ry mense en te begin uitdeel, en toe kom God se vermenigvuldende krag in werking en nie net is almal gevoed nie, daar bly toe nog brokstukke ook oor. Geloof sê soos Dawid: Met U loop en ‘n bende storm, met my God spring ek oor ‘n muur!” 2 Sam. 22:30.
            Toe jy ‘n nuwe motor gekoop het, het die verkoopsman aan jou ‘n bossie sleutels van die motor oorhandig. Jy het nie gevra  of dit wel die betrokke motor se sleutels was nie, jy het in die geloof die verkoopsman se woord aanvaar, soveel-so dat jy selfs die sleutel in die aansitter gedruk en gedraai het en vir geen oomblik gewonder het of die motor aan die gang sou kom nie.
            Jy gaan sit elke Sondag op ‘n stoel in die kerkdiens, sonder om eers die stoel deur te kyk of dit nie dalk sal meegee wanneer jy daarop gaan sit nie. So moet ons geloofslewe ook wees, ‘n totale aanvaarding, ‘n totale vertroue op God se Almag.
            Die verhaal word vertel van die man wat  vir ‘n omstander gevra het of die omstander glo dat hy ‘n kruiwa op ‘n kabel oor die Niagra-waterval kon stoot. Die omstander het  gesê nee, sy glo nie hy sal dit kan doen nie.
            Die man het die kruiwa toe tot by die oorkant oor die kabel gestoot en weer terug, waarna hy  weer vra of die vrou nou glo hy kan dit doen.
Sy het ja geantwoord. Die man sê toe: “Nou maar klim dan in die kruiwa dat ek  dit weer doen,” en sy wou nie. Die een oomblik het sy geglo en die volgende oomblik gewantrou.
            Wanneer jy dus getuig, getuig jy van die onfeilbare Almagtige God. Plaas jou volle vertroue in Hom. Hy is die waarmaker van Sy Woord. Glo dit. Verkondig dit. Getuig!
Lees asseblief Dawid se lof en danklied in 2 Sam. 22. Lees dit hardop en maak dit jou eie lof en danklied. —  Sjibbolet

Die hemel is nog oop

Dis reg voor jou...

'n Jong predikant ry een aand, na 'n diens in 'n minder gegoede deel van die stad, in 'n stampvol bus, huis toe. Met sy Bybel onder sy arm vasgeknyp, staan hy saam met ander in die gang want die bus is eintlik oorvol.

Van die passasiers, duidelik 'n ruwe jongklomp, begin met hom gekskeer. Een roep, bo die ander geraas van die bus uit na hom toe: "Haai, prediker, hoe ver is dit Hemel toe?"

Sy maats lag luidrugtig. Die ander mense in die bus is doodstil. Almal wag vir sy antwoord.

Die prediker draai na sy trotseerder toe. Hy antwoord met 'n vriendelike, maar duidelike stem: "Dis reg voor jou Meneer.”

In 2 Kor 6-2 staan dit duidelik: “Kyk, nou is dit die regte tyd, nou is dit die dag van redding."
Die tronkbewaarder van Filippi het dit vir Paulus en Silas gevra: "Menere, wat moet ek doen om gered te word?" Hulle antwoord was: "Glo in die Here Jesus, en jy sal gered word..." Hand 16:30,31

Al is al die deure toe, die Hemel is vir tyd en wyl altyd oop. As almal dit tog net wil raaksien.
Self die moordenaar op die Kruis langs Jesus, het dit gesien en is saam met Jesus Paradys toe.
Die dag kom vinnig nader dat die Hemel toegesluit sal word en niemand sal meer kan ingaan nie.

Kom intussen binne, jy is meer as net welkom.

Nou vir Groot Herlewing

“Want Ek sal water giet op die dorsland en strome op die droë grond; Ek sal My
Gees op jou nageslag giet en My seën op jou nakomelinge.”  – Jes 44:3

Menige Suid-Afrikaner is beswaard oor die toestand waarin ons, ons bevind. Maar let op, ons het die mag en die gesag om die situasie om te keer. Daarom was daar Saterdag ‘n groot en suksesvolle nasionale biddag in Bloemfontein,
            Soos daar tye van verkwikking in die enkeling se lewe kom wanneer hy of sy na lange wag daarom gebid het omdat daar ‘n droogte in sy siel was, net so kom daar tye van kragtige Herlewing in die lewe van die Gelowiges na tye van verslapping en nadat die kinders van die HERE Sy aangesig aanhoudend gesoek het en gewillig was om die prys van selfopoffering te betaal.
            Nou moet ons almal landwyd bid vir ‘n Magtige Herlewing, een soos hier beskryf word deur ds FJ Liebenberg:
            In die jare vanaf 1859 ‘n baie kragtige werking van God se Gees in SA plaasgevind, wat die gevolg was van lang, maar ernstige gebedsvoorbereiding deur menige kind van God wat bekommerd gevoel het oor die lae geestelike toestand van sovele in die Kerk van Christus, omdat die Gees van God as’t ware direk tot die kinders van die HERE begin spreek het oor hul sondige toestand.
            Maar ook was die roering in Suid-Afrika tot ‘n mate die gevolg van berigte oor groot herlewings in Amerika en Brittanje in die jare 1857-1858.
            Die kenmerke van hierdie opwekking was dat mense sommer direk vanuit die Hemel deur God se Gees tot oortuiging van sonde gekom het. Die Gees het so kragtig gewerk  dat mense nie hulself kon verhelp om selfs in die openbaar tot God om genade te roep nie!
            In ander gevalle het verlorenes gesmeek: Help my, wat moet ek doen om gered te word?
            Liefde vir verloregaande siele was nog ‘n kenmerk van hierdie opwekking.
            Die herlewing het vinnig opgevlam en uitgebrei en dit het nie lank geduur nie, of die Gees van God het ook in Brittanje, Ierland en Wallis begin werk.
            Hierdie heerlike nuus het SA begin bereik en die kinders van die Here  het verlang na ‘n dergelike en nodige herlewing.
                        In die Kerkbode van Augustus 1859 kom ‘n oproep tot gebed onder leiding van di. Faure, Morgan en Cameron namens die Zuid-Afrikaansche Evangeliese Bond aan Evangelie-dienaars van alle kerkgenootskappe.
            Onder meer staan daar: Dat ‘n herlewing in die Godsdiens nodig en ernstig te begeer is, is ‘n feit wat niemand in twyfel sal trek nie, wat enigsins bekend is met die geestelike toestand van die kerke in hierdie hele kolonie. Dat sodanige opwekking teweeg gebring kan word alleen deur ‘n oorvloedige uitstorting van die Heilige Gees en dat die Gawe van die Heilige Gees beloof is in antwoord op gebed, is waarhede wat duidelik in die Skrif geleer word.
            Daar word besluit: Dat ‘n reeks preke gelewer word op agtereenvolgende Sondae oor die Goddelike persoonlikheid, die ampte en die werk van die Heilige Gees, dog, meer besonderhede van die groot behoefte wat daar teenswoordig bestaan aan die ernstige gebed in die binnekamer en in die openbaar om ‘n algemene uitstorting van die Gees op die siele van individuele Christene, op die gemeentes waar hulle aanbid, en op die belydende Kerk van Christus.
            Die redakteur van Die Kerkbode het ses artikels geskryf oor gebed, ‘n verwerking van biskop J.C. Ryle oor die onderwerp. Ook is geskryf oor die uitstorting van die Heilige Gees.
            In Oktober van daardie jaar, verskyn ‘n brief, deur 14 van ons ouere en mees bekende predikante waarin hulle melding maak van die merkwaardige Geestelike opwekking in Amerika en elders, asook: Onder onmiskenbare tekens word die Heilige Gees daar oor duisende uitgestort. Die verbasendste omkerings het plaasgevind.
            Die brief sluit met die volgende oproep:

·       “Ons bid u, pleit op die beloftes van God, grond u geloof en u verwagting daarop. Ons wek u ernstig op om gelowig en vuriglik elke week een uur, dit sy saam met andere of in die binnekamer, God te bid dat Hy ook ons land genadiglik mag besoek en ons die seën van die uitstorting van die Heilige Gees mag gee, soos Hy dit op die oomblik besig is om uit te stort op ander dele van die aarde.”

            “Om ‘n verslag te gee van die hele verloop van die herlewing in SA, sal te lank neem. Ons berig derhalwe net oor ‘n paar gemeentes om ‘n beeld te gee van hoe die Heilige Gees gewerk het.
            “Die opwekking het net na ‘n Worcester-konferensie met groot krag op Montagu, waar daar toe nie ‘n predikant was nie, uitgebreek. Sonder om dit te besef, was hierdie gemeente reeds vir ‘n jaar lank deur die HERE vir die opwekking voorberei. Hier was gewoonlik net drie mense in ‘n biduur.
            “Januarie is ‘n biduur begin wat vroeg op ‘n Sondag plaasgevind het. Die Sondagdienste wat vroeër swak bygewoon was, het dadelik begin verbeter en die belangstelling in die Woord het begin toeneem.
            “Daar was ‘n groter drang om te bid en ‘n groter liefde na God se Woord. Mense het begin stroom na die bidure. Bidvertrekke het spoedig te klein begin word. Daar is toe besluit op afsonderlike bidure vir mans, vroue, seuns en meisies.
            “Bidure is later daaglikse gehou, soms meer as een keer per dag. Daar was ‘n kragtige werking van God se Gees in so baie harte. Mense het in hulle nood uitgeroep:

·       Wat moet ek doen om gered te word!

“Beraders het dae aaneen gewerk sonder rus. Bejaardes en jongmense, Blank sowel as Bruin, was aangeraak. Daar was haas geen huis op die dorp wat nie betrokke was nie. Bevooroordeeldes is self ook deur die Gees aangegryp. Die hele samelewing het verander, en is letterlik omgekeer.
“Worcester het dit ook belewe. Dit het in die Breërivier en Goudini begin en deurgedring na die dorp en ander wyke van die gemeente. Soms in die eensaamheid en soms in die openbare bidure het daar van die kragtigste werkinge van die Gees geskied. Oud en jonk het gedring gevoel om na die bidure te gaan.
            “Oor wat op die dorp gebeur het, vind ons ‘n beskrywing van in die Kerkbode van 31 Augustus 1905:
            “Op ‘n Sondagaand was ons weer bymekaar, sowat 60 van ons. Ek het ‘n vers laat sing, ‘n gedeelte uit die Skrif voorgelees, ‘n gebed gedoen, en daarna soos ons gewoonte was, geleentheid gegee aan wie ook al ‘n vers wou voorlees en wou voorgaan in gebed.
            “’n Bruinmeisie van 15 jaar het agter in die saal opgestaan en wou weet of sy ‘n vers kon opgee.
            “Na huiwering het ek op aandrang van die Gees van die HERE haar toegelaat om dit te doen. Dit was Gesang 39 vers 4.
            “Daarna het sy haar hart in ‘n roerende gebed uitgestort.
“Onder die gebed was dit asof daar ‘n geruis in die verte hoorbaar was wat al luider geword het en al hoe nader gekom het, totdat dit wou voorkom asof die hele saal beweeg word.
            “Met enkele uitsonderings het almal wat aanwesig was begin bid. Dit was  ‘n oorverdowende ‘geraas’.
            “In daardie tyd was ds Andrew Murray predikant op Worcester. Dieselfde Sondagaand het hy ‘n diens by ‘n gemeente in Engels waargeneem. Ouderling Jan Rabie het by ons saal verbygekom en die “lawaai” gehoor. Hy het dadelik vir ds Murray gaan roep.
”Ds Murray het na vore gestap en my laat verstaan dat ek van my knieë af moes opstaan. Hy vra toe wat gebeur het, en het daarna ‘n ent in die saal tussen die mense ingeloop en so hard hy kon gebied:  Mense bly stil!
            “Maar die gebede het eenvoudig aangehou. Weer het hy hardop geroep: “Mense ek is julle predikant van God gestuur, bly tog stil!”
“Dog, daar was niks aan te doen nie. Die mense het hom nie gehoor nie. Hulle het aangehou met bid en om genade en ontferming geroep. Ds Murray sê toe ek moet ‘n vers laat sing: Help die siel wat radeloos Skrei,  maar dit het ook nie gehelp nie, die biddery het net aangehou.
“Ds Murray sê toe God is ‘n God van orde en hier is alles wanorde, en daarmee het hy die saal verlaat.
“Van toe af is die bidure elke aand gehou. Die bidure het soms tot drie-uur in die more geduur en dan was sommige nog traag om die saal te verlaat. Al singende het hulle dan deur die strate geloop.
“Die saaltjie het gou te klein geword en ons moes na die skoolgebou verhuis. Ook dit het te klein geword toe die mense van buite die dorp begin instroom om die bidure by te woon.
“Die eerste aand in die groter gebou was ds Murray voorsitter. Nadat hy gelees, ‘n paar opmerking gemaak en gebid het, het hy geleentheid vir gebed gegee. Onder die gebed het die gedreun in die verte weer hoorbaar geword en spoedig was die hele vergadering aan die bid.
“Ds Murray het weer onder die mense ingeloop om “orde” te probeer handhaaf…
“’n Vreemdeling wat by die deur alles gadegeslaan het, het saggies na ds Murray gestap en aan hom gesê: “Wees versigtig wat u doen; dit is die Gees van die HERE wat hier werk. Ek het so pas van Amerika af teruggekom en wat hier gebeur is presies wat ek daar met die herlewing gesien het.
“In ‘n ander deel van die gemeente op die plaas Aan De Doorns, het die Here ook so wonderlik gewerk.
“Daar was drie persone wat deur God gebruik was: Mnr Jan Naudé, seun van mnr Dawid Naudé, die eienaar van die plaas, mej. Van Blerk, ‘n susterskind van mnr Dawid Naudé, en ou Saul Pieterse, ‘n Bruinman wat bekend gestaan het as Saul die Profeet.
“Hierdie mense het vir ‘n baie lang tyd ernstig om herlewing gebid.
“Op ‘n sekere aand in hierdie tydperk het die Gees van die HERE sommer skielik op kragtige wyse onder die Bruinmense begin werk. Dit het so erg daaraan toegegaan dat mej. Van Blerk na buite gehardloop het om hulp te gaan soek.
“Sy moes hierna dorp toe weens haar fisiese afgematheid, maar na ‘n week was sy weer terug. Die Bruinmense het haar halfpad gaan ontmoet weens hulle dors na saligheid.
“Bidure was in die Naudé-woning elke maand volgens gewoonte gehou, maar toe begin die mense in die buurt die bidure toe te stroom en wat elders gebeur het, het ook hier gebeur. Die Gees het hom eenvoudig nie laat keer nie!
“Die biduurgangers was Blankes en Bruinmense. Daar was ‘n lieflike gees onder hulle. “Een aand het ds. Murray gekom en probeer om die mense tot “orde” te roep, maar net nadat hy gepraat en daar weer geleentheid vir gebed gegee was,  het die almal sommer oral in gebed en smeking om genade uitgebreek.
“Ou Saul spring toe op en sê aan ds Murray en mnr Naudé: Gooi nou die damwal as julle kan, waarmee hy honend bedoel het: Julle wil mos die Gees keer, doen dit nou as julle kan.
“Op die plaas het feitlik almal tot bekering gekom. Berigte van die Herlewing het versprei sodat mense met waens en motors van ander gemeentes na die plaas gekom het om dit te beleef het. En daar het menigeen vir die eerste keer die Lig gevind.
“Dit word vertel dat mense soms net wanneer hulle aan die deurknop geraak het, so deur God se Gees oortuig geraak het van sonde, dat hulle platgeval en uitgeroep het:

·       God, wees my arme sondaar genadig!

“Die boerdery moes drie maande lank gestaak word vanweë die toeloop van mense wat gehelp moes word. Hier het wyle ds Rabie ook vir God gevind en besluit om na die Kweekskool te gaan.
“Dit was wonderlike tye hierdie. Vrugte was wonderlik en blywend. Ander plekke waar die HERE ook lieflik gewerk het was Wellington en Calvinia. Lidmate van albei gemeentes wat in daardie stadium ook nie predikante gehad het nie, het die herlewing op  Montagu, besoek en so die herlewingsvuur na hul onderskeie dorpe teruggeneem.
“Waarlik, wanneer die HERE werk dan gebruik Hy diegene wat gewillig is om Hom geheel en al te vertrou en te gehoorsaam.
“Oor die herlewing op Graaff-Reinet, skryf Die Wekker van 1 Mei 1861: Kan u glo dat die opwekking werklik hier is en dat God se Gees waarlik uitgestort word op Graaff-Reinet? Ook hier was die kreet:

·       Wat moet ek doen om gered te word!

“Die Sondagaand na die Nagmaal het die HERE wonderlik gewerk. Spotters is deur die HERE getref toe hulle bloot uit nuuskierigheid daar aangekom het.
“Die biduur het vanaf Sondagaand  tot Dinsdag 12nm geduur en boere het die middag eers na hul plase teruggekeer.”
            Dan skrywe ds. Liebenberg: Dis is genoeg om u te laat verlang dat God in Sy teerste liefde ook vir ons in hierdie dae opnuut sal ontmoet op ‘n ewe kragtige wyse. En, o, hoe nodig is dit nie! Maar dan sal daar ‘n steeds groter wordende aantal bidders moet opstaan wat bereid sal wees om aan die voorwaardes te voldoen naamlik: Hulle sal moet opoffer en tyd maak vir gebed.
            Ons het ‘n soortgelykje herlewing vanaf 1970 to 1980 in Suid-Afrika beleef.
Die antwoord is om by bestaande gebedsvure aan te meld of om nuwes, ja, sommer in jou huis, te begin… vandag nog. Ons het ‘n Herlewing nodig, meer as ooit te vore. Hierdie keer gaan dit in SA begin en soos ‘n kragtige veldbrand deur die wêreld woed! Dit is wat Suid-Afrika so broodnodig het:  Verootmoediging, ‘n regmaak met God, en Herlewing!

Die weggooikind

Elizabeth Barrett se ouers het haar onterf en alle bande met haar gebreek, toe sy met Robert Browning getroud is.
Van haar kant het sy haar verhouding met haar ouers probeer red. Elke week het sy vir hulle geskryf, vir hulle vertel hoe lief en hoe nodig sy hulle het, hoe sy na hulle verlang, hoe dit met haar in haar huwelik gaan, watter mooi vooruitsigte sy en haar man het.
 

Elizabeth Barrett, Browning

            Sy het ‘n wonderlike huwelik beleef. Haar man was besonder goed vir haar. Hulle het ‘n huis vanuit die adelstand bewoon, tesame met huishoudster wat na Elizabeth moes omsien. Sy het een van Brittanje se grootste skryfsters en digters geword.
Vir tien jaar het sy nooit van haar ouers gehoor nie. Toe op 'n dag kry sy deur die pos 'n groot kartondoos van hulle af. Uitgelate van blydskap maak sy die groot doos – 'n versoeningsgeskenk het sy gedink – opgewonde oop.
In die doos was al die briewe, meer as 500, wat sy in die tien jaar aan hulle geskryf het. Nie één was oopgemaak nie!
Hierdie liefdesbriewe van Elizabeth Barrett het 'n onskatbare deel van die Engelse klassieke literatuur geword. Maar die doel waarvoor sy dit geskryf het en die pragtige einde wat die storie kon gehad het, is nooit bereik nie, enkel omdat die ouers nie een van die briewe gelees het nie.
            Haar vader het tot op sy sterfbed geweier om haar te vergewe omdat sy gaan trou het.
            Elizabeth was nooit ‘n sterk gesonde vrou nie en op 55-jarige ouderdom is sy een dag in haar man se arms, na die Paradys.
Ons verhouding met ons Hemelse Vader is ook gebreek – van ons kant af. In Sy groot liefde het ons Vader ook aan ons geskryf. Die Bybel is God se brief aan ons, hoe lief Hy ons het, hoe Hy vir ons die pad terug na Hom toe voorberei het, hoe ons na Hom toe kan kom.
'n Hele boek, hoofstukke op hoofstukke, bladsye en bladsye, verse op verse. Hy verlang na ons versoening met Hom. Hy skryf oor Sy liefde vir ons, wat Hy vir ons wil doen, hoe dit tussen ons en Hom moet wees. "Alles wat vooraf in die Skrif opgeteken is, is tog opgeteken om ons te leer sodat ons deur die standvastigheid en bemoediging wat die Skrif ons gee, vol hoop kan wees." Rom 15:4
            Die groot oorsaak van geestelike armoede, swakheid, duisternis, is die ongeopende Bybels. As ons die Bybel met soekende hart lees, verlig die Heilige Gees ons hart en ons leer deur die Here Jesus Christus, God ken as ons Vader wat ons liefhet en vir ons sorg.
            Hy het ons so lief dat Hy ons nie verwyt nie, maar van harte begeer om saam met Hom in die Paradys te wees.

‘As die fondamente omgegooi word, wat kan die regverdige doen?’

Die mens en die kerk is in die spervuur. Al is dit die tekens van die Eindtyd, sit ek en jy met die hoop vir die toekoms in ons hande.
Ons beleef nou die tyd waar gebeurtenisse mekaar snel opvolg. Ons is op die rand van ‘n magtige Herlewing. Saam daarmee gaan die poorte van die hel wyd oop.
Let op, hier kom skeiding tussen die Ekklesia en die kerk, sterker gestel, tussen ware Geestelike Gelowiges en vormgodsdienstiges. Daar is geen plek vir huigelaars en geveinsdes nie.
Lukas beskryf dit so: “Hy sal sy dorsvloer (die kerk) deur en deur skoonmaak en sy koring saambring in sy skuur [die Wegraping van die gelowiges] maar die kaf (die goddeloses in die groot verdrukking) met onuitbluslike vuur verbrand” (Luk. 3:17).
Ons leef duidelik in die laaste uur. Die wêreld oor steun al hoe meer predikers en Christenorganisasies die siening dat die Wegraping baie naby is. Die kerk kan nie langer net gehoor word nie, dit moet ook gesien word. Ons is vrygekoop, nie om te doen wat ons wil nie, maar wat ons moet.
Daar is kort-kort berigte oor Herlewings oral op die aarde.
            Dawid in Ps 11:3 vra indringend: “As die fondamente omgegooi word, wat kan die regverdige doen?”
            Die fondamente: Zimbabwe kan nie meer gered word nie, sê prof. Willie Breytenbach, Afrikakenner aan die US (Netwerk24).
            Die SA regering én die ANC berei hom reeds voor vir die moontlikheid dat Zimbabwe kan ineenstort en vlugtelinge oor die grens na Suid-Afrika toe kan stroom, berig Netwerk24.
            “Die departement van internasionale betrekkinge en samewerking het in Desember begin om sy gebeurlikheidsbeplanning vir só ‘n scenario te verfyn in die aanloop tot verwagte maatskaplike en politieke onstuimigheid in Zimbabwe.”
            Dr. Andries Bezuidenhout, ’n sosioloog verbonde aan die Universiteit van Pretoria sê: “As swart nasionalisme die pad van Afrikanernasionalisme stap, kan ons verwag dat ’n nuwe generasie eers ná die uitwoed van hierdie fase erns sal maak met die heropbou van die land.
“As die huidige oplewing van swart nasionalisme in Suid-Afrika dieselfde pad volg as wat Afrikanernasionalisme van weleer gevolg het, kan ’n mens dalk ’n beter voorspelling maak van wat moontlik in die toekoms kan gebeur. Dit beteken ook dat ons eers oor sowat vier dekades weer oor versoening sal kan praat,” aldus Netwerk24
Die TLU sê: “Die aantal moorde op plase en kleinhoewes in Suid-Afrika het sedert 2011 toegeneem. Dít is ‘n groot bron van kommer vir die Transvaalse Landbou-unie (TLU), wat na verwagting volgende week in Pretoria sy syfers vir plaasmoorde en –aanvalle van Januarie tot Junie vanjaar bekend gaan maak.”
            Die fondamente van die huwelik, Christelike godsdiens, gesinslewens (die pilare van ‘n volk), taal, kultuur word aan flarde geruk met geen ontsag vir die Bybel en God drie-enig nie.
            Ontsag vir gesagstrukture binne en buite die kerk is haas denkbaar. Binne en buite die huwelik word alle morele standaarde vertrap.                
            Kinder en gesinsverwaarlosing van verskillende erge grade is nou die norm.
            Die arme Dawid vra die vraag: Wat moet die regverdiges doen wanneer die fondamente padgee? Hy vra nadat hy in strofe 1 gesê het om te vlug is nie die oplossing nie. Om te vlug is ongeloof, is twyfel.
            As jy moet skuil, skuil by God.
Ons het berusting daarin dat God alles weet Ps. 10:14: "U het dit gesien; want u aanskou moeite en verdriet". Ps 10:14. God sien die hartseer wat jou getref het, toe die fondamente in jou eie huis en samelewing tuimel.
            “Terwyl al hierdie dinge dan vergaan, hoedanig moet julle nie wees in heilige wandel en godsvrug nie? – julle wat die koms van die dag van God verwag en verhaas, waardeur die hemele deur vuur sal vergaan en die elemente sal brand en versmelt.
            “Maar ons verwag volgens Sy belofte (en Hy is en bly ‘n waarmaker van sy Woord) nuwe hemele en 'n nuwe aarde waarin geregtigheid woon.
            “Daarom, geliefdes, terwyl julle hierdie dinge verwag, beywer julle dat julle vlekkeloos en onberispelik voor Hom bevind mag word in vrede.”
            Daar is oorloë in 67 lande van die wêreld. Christene word ernstig vervolg in 50 lande. Altesame 715 militêre magte en terroriste organisasies is betrokke. Brutale onthoofding in die strate is algemeen. Net gister is berig hoe mense nou in kokende water gegooi word wat bly kook totdat hulle dood is. Die mees brutale geweld in menseheugenis is aan die gang.
            Laat ons sorg dat ons klere sonder vlek of rimpel is, silwerskoon en laat ons met reikhalsende verlange uitsien na die Wegraping. Terwyl ons lofliedere tot die HERE sing:
            “Halleluja! Loof God in sy heiligdom, loof Hom in sy sterk uitspansel!
“Loof Hom oor sy magtige dade, loof Hom na die volheid van sy grootheid!
“Loof Hom met basuingeklank, loof Hom met harp en siter; loof Hom met tamboeryn en koordans, loof Hom met snarespel en fluit; loof Hom met helder simbale, loof Hom met klinkende simbale! Laat alles wat asem het, die HERE loof! Halleluja!” Ps 150:1-6
In kort: Met die fondamente omgegooi, maak ons gereed vir die Wegraping en bring ons die laaste van oes in. – Sjibbolet
·       Sien ook die volgende artikel


Final Peace Treaty - Key To God's Prophetic Clock
By Tom Olago, Prophecy News Watch

The potential signing of a Middle East Peace Treaty between Israel and the Palestinians – and by extension the Arab world – would be a highly significant event on God's prophetic calendar.

In this regard, it would almost seem like there is currently some invisible hand influencing the urgency and pressure towards a Middle East peace deal.

On Friday the 3rd of June, the French hosted a meeting of almost 30 foreign ministers, including Secretary of State John F. Kerry, to seek international consensus on a way to move talks forward. Ironically, the primary actors - Israel and Palestine - were not invited.

This fact appears to be a glaring warning to both sides that international frustration at the lack of progress with peace talks has reached a boiling point. Some analysts fear that this could be the beginning of an imposed or 'arm-twisted 'peace upon the parties rather than the parties themselves coming to mutually agreeable terms.

Such a final treaty could actually be signed as soon as November 2016, based on timetable projections, in what observers consider would involve a UN resolution backed by international law compelling Israel and the Palestinians to abide by it.

Easier said than done - after all, there are reasons why similar initiatives have failed repeatedly over the years. One major sticking point has always been the control of Jerusalem. Israeli Prime Minister Benjamin Netanyahu accepts the two-state solution in principle, but adamantly refuses to re-divide Jerusalem or relinquish Israeli sovereignty over it.

On the other hand, PA Chairman Mahmoud Abbas insists that a peace treaty must involve Jerusalem as the Palestinian capital.

Another bone of contention is the proposal to have Israel withdrawing from all the lands it had captured during the 1967 war, including East Jerusalem and the Golan Heights. The land for peace exchange serves as the foundation of the Arab League's peace plan, which was launched in 2002.

That Arab Peace Initiative called for a two-state solution based on an Israeli withdrawal to the pre-1967 armistice lines and making East Jerusalem the Palestinian capital in return for "normal relations in the context of a comprehensive peace with Israel."

That outcome would be a dream come true for the Palestinians - in their eyes a great source of joy and vindication over the hated Jewish people.

But Israel will have none of it, instead laying claim to their own historic ownership of Jerusalem and the need to ensure their own security by retaining militarily strategic lands captured in the 1967 six-day war.

Based on a recent jns.org report, one Likud minister asked Netanyahu what he would do if Arab states were not willing to revise the initiative. "If the Arab states grasp the fact that they need to revise the Arab League proposal according to the changes Israel demands, then we can talk," Netanyahu replied. "But if they bring the proposal from 2002 and define it as 'take it or leave it,' we'll choose to leave it."

Given this long-standing impasse, is there any reason to be optimistic about the chances of a permanent and mutually acceptable truce this time around?

Possibly. One reason is that this time around there will be a presidential election in the U.S. The Obama administration has made clear it supports Israel giving up land for peace but under 'the right conditions'.

One 'right condition' might just include Obama wanting to leave behind a legacy of helping push the peace process forward - or better still, help seal the deal - as one of his last acts in office.

Another potential scenario is that diplomats will go beyond Israeli-Palestinian issues and make it part of a much larger Arab-Israeli peace, encompassing both Palestinians and the Arab League.  The allure of peace with the entire Arab world may just be the one thing that would tempt Israel to cross red lines it has vowed never to cross.

The Biblical viewpoint adhered to by many eschatologists predicts a final "peace covenant" based on Daniel 9:27: "And he (the "prince that shall come"; AntiChrist) shall confirm the covenant with many", to which Israel would be a signatory.

The idea of "confirming" suggests guaranteeing or enforcing an existing treaty, one that has already been put forward - such as the Arab Peace Plan.  The idea that it involves "many" suggests such a treaty would be much more comprehensive than just the Palestinians.  The Arab League represents over 22 countries and would certainly qualify as "many".

The prophet Daniel details several other elements to this treaty, one of them being that it will be for seven years. One analysis of the Bible narrative states that Daniel had a vision from God that foresaw a period of 70 weeks of years in Israel's future history.

After 69 weeks the Messiah is killed, "but not for Himself". Daniel's prophecy then goes into hibernation and the clock stops. It is said that almost 2000 years have gone by and yet there is still one unfulfilled week seven years - determined or allotted to Daniel's people (the Jews) and the Holy city (Jerusalem) before the end comes.

According to another common interpretation of Bible prophecy, the countdown of the final week of years will resume when the Antichrist signs a seven-year peace agreement or covenant with Israel. From that point, there are exactly seven years left before the end of the great Tribulation and the end of the world.

This will be the time known as Daniel's 70th week, which is also described at great length in the Book of Revelation.  Will the upcoming treaty currently in the works involve a seven-year timetable?

Whatever the exact timing, Scripture reveals that the eventual peace treaty that is signed will only be a temporary peace, leading to the deadliest time on earth that man has ever known.

According to Jesus Own words, "For then shall be great tribulation, such as was not since the beginning of the world to this time, no, nor ever shall be." (Matthew 24.21)

Is the recent French-led initiative going to culminate in the Biblically prophesied peace treaty? Potentially - but no matter what form the final treaty will take, it is noteworthy that PA Chairman Abbas wants a specific time frame for implementation. This could well be a reason for the seven-year time-bound scenario.

One concession that Israel would almost certainly push for as part of any final agreement would be to achieve their long-held desire to build the Third Temple. The Temple must also be rebuilt as the AntiChrist will desecrate it at some point during the Great Tribulation period (II Thessalonians 2:4).

The challenge is how that could possibly be done in a manner that would be acceptable to the predominantly Muslim Arab world. Muslims consider the Dome of the Rock and the Al-Aqsa mosque - both of which sit on the Temple Mount area - as highly sacred to Islam.

In a recent Times of Israel article, Sue Surkes quotes Israel Chief Rabbi David Lau on this. Lau said he would like to see the Jewish temple rebuilt on the Temple Mount in Jerusalem and that  there was no need to remove any of the Muslim shrines on the Temple Mount, where there was plenty of room for "Jews, Christians, Muslims, everyone," he told the Knesset Channel.

In addition, there is a potentially significant political change in Israel that would further favor a push towards rebuilding the Third Temple on the Temple Mount. As Adam Berkowitz recently reported in an article for breakingisraelnews.com:

"An unlikely series of events has brought Temple Mount rights activist Rabbi Yehuda Glick to the position of Likud's newest member of Knesset. American-born Glick will bring a powerful voice to the Israeli government that may help move Israel towards a new era of serving God and bringing the Temple Mount to its proper place as a house of prayer for all nations. Indeed, his role may even have been foreseen by the Bible".

Berkowitz's view is that Yehudah Glick's devotion to Jerusalem and his unlikely Knesset appointment carry all the signs of fulfilled prophecy: "It is not every day that a headline can so closely resemble a Biblical verse. In this case, the new Likud appointment comes straight from the book of Zechariah (Chapter 12 Vs 5)".

However, the lingering million-dollar question is: what happens if either or both parties reject the peace accord?

If the Palestinians and the Arab world were to reject it, they may very well initiate a war as a final solution or last resort - arguing that endless years of talks have achieved nothing and that even persistent high-profile international mediation has proved useless.

Could we see a war against Israel, sparked by global frustration and aimed at forcing them to hand over the pre-1967 lands if they will not concede them at the negotiating table?

Obama may also be eager to grasp at the opportunity to stamp a powerful and lasting presidential legacy on his way out of the White House, by choosing not to veto a plan to force Israel to sign a peace treaty.

Could it be that the gathering of a confederation of nations against Israel, as prophesied in Psalms 83, will finally take place because a well-crafted peace treaty falls through? So much so, that the anti-Israel nations would go so far as to attempt to destroy Israel completely?

Psalms 83:4 says "They have said, Come, and let us cut them off from being a nation; that the name of Israel may be no more in remembrance". Perhaps only after failing to defeat Israel (as insinuated in the rest of the Psalm) would the final seven-year treaty be signed - probably in a revised form.

The Jews, however, may find that the proposed peace treaty asks too much from them in exchange for too little. In which case, they may opt for the 'Samson Option' - choosing to defend Israel even at the cost of bringing down the entire world in a 3rd world war.

Israel may calculate that the world has never gone to war against her simply because it cannot afford to - and that they would not be the first ones to blink in the event that tensions escalate to the boiling point.

In an alternative scenario, knowing how keen Obama is to seal a Middle East peace deal even if it would be to Israels disadvantage - the UN may push for a deal while Obama still has the power to help push it through by November 2016. After all, theres no telling how much a Clinton or Trump presidency might complicate things in 2017.

It is also likely that a third-party,  considered to be 'neutral' - such as the U.N or perhaps NATO - would enforce such an agreement and provide the security required for its perceived success.

When would the timing of the peace treaty be? In Matthew 24: 30-36, Jesus said that the generation that saw the rebirth of Israel as a nation in the end times would not pass, "till all these things be fulfilled" including the events immediately preceding the second coming of Jesus Christ.

The question then arises how long a generation would be. Scholars originally considered it to be 40 years, but time has since disproved that theory.

According to khouse.org, a generation as described in the Bible begins at conception and ends at death (Genesis 17:6-9; Psalms 22:30; Jeremiah 1:4,5; Acts 13:36; Joshua 24:29-31). Consequently, the average lifespan of a group of people living at about the same time constitutes the length of that generation.

The article concluded this to be 70-80 years based on Psalm 90. On that basis, counting 70 to 80 years from the date of the birth of Israel in 1948 would propel us to 2018 - 2028, providing a ten-year time frame within which the last seven years prior to the return of Christ could run.

Does that mean that no peace treaty is possible prophetically before 2018? That would depend on whose definition of a generation is more accurate.

Other experts are persuaded that a generation actually lasts 40-70 years, in which case the peace treaty deadline could be May 14, 2018 - making 2016 to 2017 a distinct possibility for a peace settlement timeframe.

For Christians, regardless of the exact timing, the imminence of a Middle East peace treaty is all exciting, and pregnant with spiritual significance: The Antichrist is about to be revealed. The Third Temple will be rebuilt soon. Jesus is coming back again.

And no matter whether we hold the pre-Tribulation, mid-Tribulation or Post-Tribulation view,  it won't be long before the believer in Christ will start to begin an eternity with God in a sin-free, perfect paradise called the New Heaven and the new Earth (Rev 21:1). – ends

Die skrikwekkende werklikheid van die Hel

 

EN....Ons Goddelike Roeping om die
Goddeloses te waarsku!

As dit moontlik was sou mens graag elke Bybelstudie student vir die eerste 24 uur van sy kursus na die Doderyk wou stuur.
            Daar sal hulle met die aanvang van hul kursus met die naakte realiteite van die Hel kon kennis maak, sou hulle die onherroeplike oordeel van die kermende en berouvolle smart en ellende van die verlorenes kan aanskou.
            Dit sou ons wou doen om hulle te motiveer met die besef dat as iemand nie Wedergebore is nie, God nie dien nie, dan wag ‘n ewige skrikwekkende Hel op hom en haar.
            Dit is egter nie moontlik om die studente daarheen te stuur, maar ons neem  jou saam na ‘n plek baie naby daaraan, die voorportaal van die Hel — die Dodesel.
            Ons doen dit in die hoop dat die wedergeborenes sal besef dat hulle ‘n roeping het om uit te reik na die verlorenes met wie hulle daagliks in kontak is.
            Ons, die Wedergeborenes, is verder onder verpligting want, die Here sê in Eseg 3 vers 18: “As Ek aan die godlose sê: Jy sal sekerlik sterwe en jy – Wedergeborene – waarsku nie die goddelose nie, en spreek nie om die  goddelose vir sy godlose weg te waarsku nie,  dan sal die godlose deur sy  ongeregtigheid sterwe, maar… sy bloed sal van jou hand geëis word.” Hoe verskriklik tog!
            Maar God is regverdig en Hy voeg by: “Maar… as jy die godlose waarsku, en hy hom nie van sy godlose weg bekeer nie, dan sal hy deur sy ongeregtigheid sterwe, maar jy het jou  siel gered.”
            Dis hoe regverdig die Vader is!
            Dit is of eenkant toe of anderkant toe. Die Bybel maak geen plek vir kompromieë nie. Vir huigelaars en geveinsdes is daar nie plek in hierdie arena nie.
            Die doodstraf geld weliswaar nie langer in SA nie, maar diegene wat in die dodesel was, beskryf dit as die “Voorportaal van die Hel.”

“Dit is seker die ergste wat ‘n menslike wese kan verduur,” het Margaret Rheeder gesê wat in 1964 vier maande in die dodesel was.
            “Bedags gaan dit aan, maar snags kan ek nie slaap nie. Ek huil en bid die nagte om. Ek weet nie wat gaan gebeur nie, maar ek hoop en vertrou dat God my uit hierdie aaklige dodesel gaan lei,” het sy gesê.
            Margaret, wat haar man vermoor het deur gif op sy toebroodjies werk toe te smeer, het geweier om die dodesel te verlaat die oggend toe hulle haar gaan haal het om gehang te word. Sy moes met geweld daaruit gesleep word.

Maria Lee was 124 dae in die dodesel. Sy het volgehou dat sy onskuldig is, maar het sonder bystand die gang na die galgkamer afgestap. Terwyl sy by die ander selle verbygeloop het, het die lied “Bly by my Heer” uit die selle opgeklink.  Sy het saam gesing.
            Op die valdeur se merkie het sy saggies “Rus my siel, jou God is Koning” gesing. Sy het net “Jesus” uitgesnik toe die galgtou oor haar kop afsak.  Sekondes later is sy die ewigheid in.

Duncan Moodie het die dodesel soos volg beskryf: “In die dodesel is niks in die menslike verstand normaal of blywend nie. In jou ontsteltenis gaan gedagtes in vlietende sekondes verby. Net soos die sand in ‘n uurglas, loop alles vinnig uit om nie weer herroep te word nie.
            Daar is net een beeld wat jou immer en helder voor die gees staan, soos vanoggend se droom – jou kinderdae.”
            Moodie was ontsettend bang vir die dood. Later is vertel dat hy na die galg gedra moes word.

Marthinus Rossouw wat Baron Dieter von Schauroth in 1961 vermoor het, se pa, mnr Gawie Rossouw, het gesê: “Ek het hom in die dodesel besoek. Dit was verskriklik.  Dit voel asof jou hare van jou af rys. Ek weet nie hoe my seun die dodesel kan trotseer nie. Dis eenvoudig vreeslik.”

Clarence Gordon van Buuren wat opgehang is weens die moord op Myra Joy Aken, het vertel: “In die skadu van die galg, waar ek my laaste dae in stilte en bepeinsing deurbring, dink ek aan die onberekenbare verdriet en skande wat ek op my dierbares geplaas het. Ek het bitter berou, maar berou kom te laat.
            “Die vrees vir die dood is nie so erg as die afwagting in hierdie verskriklike sel nie.”

Jan Hendrik Munnik wat gehang het oor die moord op ‘n 15-jarige meisie, het  gesê: “Die hel en al sy magte kan nie so nimmereindigend wees soos die dae, veral die laaste drie, wat ek in die dodesel deurgebring het nie.”
            Munnik het sy dae in die dodesel so deurgeworstel dat beamptes gevrees het dat hy heeltemal ineen sou stort.

Alfred Percival von Zelt, wat ook gehang is, moes die volle tydperk van sy verblyf in die dodesel inspuitings kry om hom van ‘n algehele senu-ineenstorting te red.

Coenraad Bezuidenhout wat die dubbele moord op Martha Saayman en haar 17-jarige dogter gepleeg het en daarna homself verwond het, het sy dae vol smart en pyn in die dodesel deurgebring voordat hy gehang is.
            “Ek kan met niks anders as my lewe betaal vir die wrede moorde wat ek op Anna en haar moeder gepleeg het nie,” het hy in die dodesel geskryf.
            “Maar mag die dood, wat vir my geen verskrikking inhou nie, tog spoedig aanbreek. Hier is ‘n mens so naby en tog so ver van die dood. Elke asemhaling in die dodesel is soos ‘n druppel gif wat jy drink en wat jou uiteindelik doodmaak.”

‘n Pa – sy naam kan nie genoem word nie om die kind te beskerm – wat sy 10-jarige dogtertjie verkrag het, was rasend van verdriet en het diepe berou in die dodesel getoon.
            “Ek sien gedurig die gesiggie van my kind voor my. Snags kan ek nie slaap in die helderverligte dodesel nie.
            “Die dodesel is ‘n plek van verterende vuur wat binne ‘n mens brand. Dit brand die lewe uit jou uit. Hier is jy gevoelloos, sonder gedagtes met ‘n besmette gewete.”
            Hy het nie snags geslaap nie. Met uitgestrekte hande het hy telkens na die dak gegryp. Dan weer het hy sy hande al langs die mure gevryf en uiteindelik het hy nog ‘n keer gekniel en hardop gehuil en gebid.
            “Die brandpyn in my murg en gees verlaat my nooit nie. Dis ‘n verterende, onuitblusbare vuur,” het hy sy laaste dae in die dodesel beskryf.

            Ons vertoef nog ‘n wyle in die voorportaal van die hel.
            Die betroubaarheid van ‘n sterwende se laaste woorde is sonder gelyke. Selfs leuenaars praat dan die waarheid.
            Een blik op iemand se sterfbed verraai dikwels meer as al die belangrike woorde en dade van sy hele lewe.
            Wanneer ‘n mens die dood in die oë kyk, val maskers weg en staan ons naak voor God. Menigeen moet dan erken dat hy op sand gebou het. Hulle het hulself aan sinsbedrog oorgegee en ‘n leuengees gevolg.
            Aldous Huxley skryf in sy boek “A Beautiful New World” dat ‘n mens alle dinge so moet beoordeel asof jy dit vanaf jou sterfbed sien. “Leer ons om ons dae so te tel dat ons ‘n wyse hart mag bekom” se die Bybel in Ps. 90:12.

·       Voltaire, die beroemde spotter, het ‘n ontsettende einde gehad. Sy verpleegster het gesê: “Vir al die geld in Europa wil ek nooit weer ‘n ongelowige sien sterf nie!” Hy het die hele nag om vergifnis uitgeroep.
·       David Hume, die ateïs, het geskreeu: “Ek is in die vlamme!” Sy wanhoop was skrikwekkend om te aanskou.
·       Cesare Borgia, die staatsman: “Ek het in my lewe vir alles voorsorg getref, net nie vir die dood nie. Nou moet ek volkome onvoorbereid sterf”!
·       Karel IX (Frankryk): “ Ek is verlore! Ek besef dit duidelik!”
·       Mazarin: “My siel, wat word van jou?”
·       Hobbes, die filosoof: “Ek staan voor ‘n verskriklike sprong in die duisternis!”
·       Thomas Scott, die voormalige voorsitter van die Britse Hoërhuis: “Tot op hierdie oomblik het ek gemeen dat daar geen God en geen hel is nie. Nou weet ek en ek voel dat al twee bestaan. Ek is aan die verderf oorgelewer deur die regverdige oordeel van die Almagtige!”
·       Lenin was kranksinnig toe hy oorlede is. Hy het tafels en stoele om vergifnis gevra vir sy sondes.
·       Jagoda, hoof van die Russiese geheime polisie: “Daar moet ‘n God wees. Hy straf my weens my sonde!”
·       Jaroslawski, president van die Internasionale Ateïstiese Beweging: “Verbrand al my boeke! Aanskou die Heilige! Hy wag al lank vir my – Hy is hier!”
·       Boeddha: “Ek het nie my doel bereik nie!”

·       Jesus Christus: “DIT IS VOLBRING!”

            As jy vandag getuig dat jy kind van God is, dan is en bly jy onder ‘n Goddelike verpligting om jou getuienis uit te dra in woord en in daad.
            Die opdrag is vandag aan elke kerkgenootskap, elke gemeente, elke lidmaat: Waarsku die goddelose teen sy goddelose weg sodat sy bloed nie van jou hand geëis sal word nie!
            Ons is nie gered om Hemel toe te gaan nie, ons is gered om die Koninkryk van God te bou. Daar is diegene wat  beweer dat hierdie taak uitsluitlik aan die herders van gemeentes opgedra is. Nee, elkeen van ons is geroep tot diensbaarheid.
            Herders kry nie lammers nie, skape wel. Die herder beskut sy skade en leer hulle.
            Daarom is daar ook aan elkeen van ons toerusting gegee om die taak mee te verrig. Predikante is niks meer as voltydse ouderlinge nie.
            Daar staan ook nie geskryf dat ons geboue moet oprig, dit kerke moet noem en dan daar binne bidure moet hou waarin ons bid en smeek: “Here, stuur die siele in,” nie.
            Die opdrag is elke keer dat daar uitgegaan moet word om die siele in te bring, uit te vaar na die diep kant van die lewe toe en  nette der nette vol in te bring.
            “Maar hulle het uitgegaan en oral gepreek, en die Here het saamgewerk en die Woord bevestig deur die tekens wat daarop gevolg het.” (Mar 16:20)
            “Soos die Vader My gestuur het, stuur Ek julle.” (Joh 20:21)
            Die Bybel leer dat die Vader die Wedergeborene as ‘n werkende vennoot in Sy planne en werke beskou. God en Abraham tesame het ‘n groot “nasie” (Israel) geskep. God en Moses het saamgespan om vir ons die Tien Gebooie te gee wat die grondslag van alle siviele en sedelike wette vandag is. Dit is deur God en Moses tot stand gebring.
            Jesus self was ‘n vennoot van die Vader in die werk van verlossing. Hy sê:  “Het u nie geweet dat Ek in die dinge van My Vader moet wees nie?” (Luk 2:49).
            Paulus, die ywerige en bekwame sendeling, versoek alle Christene om te onthou dat ons gered is om te dien. “Wees nie traag in die ywer nie, wees vurig van gees, dien die Here.” (Rom 12:11).
            Ons kan ware kinders van God wees, maar die vraag is of ons, ons  lewens  in totaliteit aan Hom oorgegee het. Is ons nog in beheer van sekere sektore van ons lewe, of is God  Heer en Meester van ons ganse  bestaan? Hy sê Hy is ‘n jaloerse God. Hy wil volle beheer hê. Hoe gouer dit gebeur, hoe  gouer begin ons floreer.
            Die rede hoekom ons nie by die sterwe in Christus uitkom en waarom ons nie groei en floreer nie, is omdat ons nie self die Bybel bestudeer nie. Ons gaan eerder ten gronde weens ‘n gebrek aan kennis.
            So sit ons dan ook keer op keer onwaardig by die Nagmaaltafel aan en kan nie begryp waarom ons sake nie floreer nie.
            Ons kan nie verstaan waarom oordele ons tref nie, maar ons waag dit om onwaardig by die Nagmaaltafel aan te sit. Ons het met ‘n Lewende God te doen, nie soseer met ‘n ritueel nie.
            As ons die Vader aktief dien, dan kan ons ook verwag om die Vader aktief in ons lewens te sien, dan kan ons God se seëninge verwag, dan kan ons oorvloed verwag.
            Wanneer ons onsself aan God oorgee, begin ons ‘n sake vennootskap met God. Ons word “medewerkers van God”. ‘n Vennootskap met God is ‘n saak waarin God die kapitaal voorsien en ons die arbeid. Hy voorsien die wysheid, die mag en die middele (finansies, ens.) en ons verskaf die diensbaarheid.
            Daardie vennootskap word ook weerspieël in ons huwelike. ‘n Huwelik is ‘n drieledige Verbond tussen man, vrou en God. ‘n Verbond is ‘n kontrak, dit mag nie verbreek word nie en God  sê self dat, wat Hy saamgevoeg het mag geen mens skei nie. Wat op die aarde gebind is, is ook in die Hemel gebind. Die huwelik is ‘n Goddelike instelling.
            So is ons Wedergeboorte ‘n Goddelike instelling. Ons moet weier dat enigiets of enigiemand daardie verhouding, daardie Verbond, tussen ons en ons Skepper, ons Vader, verbreek.
            God wil Homself betuig en Hy het ons uitverkies as ‘n kanaal deur wie Hy Sy mag en besluite kan betuig.
            Ons is geroepe diensknegte en getuies – medewerkers  –  God voltooi Sy werk deur van ons gebruik te maak.
            “Ek sal jou die sleutels van die Koninkryk van die Hemele gee, en wat u ook op die aarde mag ontbind sal in die Hemel ontbonde wees, en wat jy op die aarde bind sal in die Hemel gebind wees.” (Mat 16:19).
            God is die enigste Eienaar van Sy saak. Hy besit die planeet Aarde (Psalms 24:1;  50:10), ook al die rykdomme (Hagai 2:8); Hy besit jou en my lewens (Rom 14:8); God, in Sy goedertierenheid het elke mens ryklik bedeel met sekere gawes, talente en moontlikhede. Die dinge moet nie selfsugtig of tot ons eie voordeel aangewend word nie, maar tot verheerliking van God en die vestiging van Sy Koninkryk.
            “Doen alles tot verheerliking van God.” (1 Kor 10:31).
            “Julle behoort nie aan julleself nie, want julle is duur gekoop. Verheerlik God dan in jul liggaam en in jul gees wat aan God behoort.” (1 Kor 6:19-20). Ons is rentmeesters van die gawes wat God ons gegee het.
            Ons is rentmeesters van ons tyd. “Koop die tyd uit omdat die dae boos is.”  (Efes 5:16)
            Moenie jou tyd verkwis nie. Ons is rentmeesters van ons talente. Jesus het ‘n harde oordeel uitgespreek oor die man wat uit vrees sy talent begrawe het. Lees aandagtig Mat 25:28-30.
            Ons is rentmeesters van ons geld. Geld is ‘n gawe van God en moet tot Sy eer gebruik word. Lees 1 Tim 6:10.
            Ons is ook rentmeesters van die Evangelie. Die roeping om die grootste nuus op Aarde te verkondig, is aan die verlostes gegee.
            “Julle sal krag ontvang wanneer die Heilige Gees oor julle kom.”  (Hand 1:8).
            Die Heilige Gees is die Gees van God. God woon en leef in die gelowige. “Elkeen wat bely dat Jesus die Seun van God is, God bly in hom en hy in God.” (1 Joh 4:13-17). Die Heilige Gees is Krag. Hy is die Krag van God in die lewe van elke gelowige.    
Die doping in die Heilige Gees is die werking van die Heilige Gees in die gelowige se hart soos op die dag van Pinkster, m.a.w. bekragtiging tot diens. Dis ‘n Geskenk!
            Nêrens in die Woord van God is daar ‘n aanduiding dat Hy Sy magtige seëning op Pinksterdag beëindig het nie, maar die belofte lees steeds: “Want die belofte kom julle toe en jul kinders en almal wat daar ver is, die wat die Here onse God na Hom sal roep.”  (Hand 2:39)
            Voor die dag van Pinkster het die dissipels uit vrees vir die owerhede gevlug. Na Pinkster het hulle die troon van die Romeinse Ryk geskud. (Hand 17:6).
            Maar hulle het hierdie seën nie vir hulself gehou nie. Hulle het uitgegaan en gespreek en duisende het hulle bekeer. Hulle het geleef en gesterf tot verheerliking van die Evangelie en het die hele wêreld geskud.
            God verlang manne en vroue vandag wat gevul is met die Heilige Gees om soortgelyke werke te doen, en meer werke te doen as wat Hyself gedoen het.
            Is jy gereed daarvoor?
“Daarom, rig die slap hande en die verlamde knieë weer op; en maak reguit paaie vir julle voete, sodat wat kreupel is, nie uit lit raak nie, maar liewer gesond gemaak word.” Hebr 12:12-13  – Sjibbolet

As jy weet van iemand wat ‘n Bybel  opreg benodig en kan gebruik besoek www.thesower.org.za      
As iemand geestelike hulp of gebed verlang, skryf aan: belindapaar@gmail.com      
Nog Beraders is landwyd beskikbaar.
Bid asseblief deurentyd vir ‘n magtige geestelike Herlewing in SA  – Sjibbolet