Gees se gawes laat vrug van Gees groei

Genadiglik het elke Christengelowige verskillende en afsonderlike genadegawes van die Heilige Gees ontvang.
            Die klem lê op die genade van die gawes. Soms ontvang een persoon meer, of minder, gawes as ’n ander.

            Baie kere beskik baie van ons oor dieselfde gawes – alles geskenke uit die hand van God. Gawes wat strek van wysheid, die mate van geloof, onderskeidingsvermoë, tot die vermoë om in tale te kan praat en om dit uit te lê, om wonders te kan doen.

            Gawes wat deur die Heilige Gees aan ons uitgedeel is soos wat Hy (die Heilige Gees) dit goedgedink het. Gawes wat Hý aan ons individueel en afsonderlik gegee het om geestelik reg te kan funksioneer.

            Tog moet ons nie die gawes met die vrug van die Gees verwar nie. Dit wat vanuit hierdie verskeidenheid gawes uitvloei, is die vrug van die Gees.

            Waar die gawes onder gelowiges verdeel word, is al nege aspekte wat die vrug vorm – die een kan nie sonder die ander nie – deel van elke Christengelowige. Hoe meer ons die gawes gebruik, hoe groter en ryper en voller sal die vrug wees.

            ’n Lewe vol van die Heilige Gees vertoon die vrug van die Gees waar liefde, blydskap, vrede, lankmoedigheid, vriendelikheid, goedheid, getrouheid, sagmoedigheid en selfbeheersing sigbaar uitgeleef word.

            Daarom gebruik die Heilige Gees ons gawes om die vrug te laat groei. Dit is as’t ware die oes op die gawes.

            Laat elkeen dan ons gawes gebruik om die vrug te dra, want ’n boom sal aan sy vrug(te) geken word . . . – Ds Johannes de Bruyn, GK, Harrismith

‘En toe Hy op die Olyfberg gaan sit het, kom die dissipels alleen na Hom en sê:

Vertel ons, wanneer sal hierdie dinge wees,
en wat is die teken van U Koms
en van die voleinding van die wêreld?’

“En Jesus antwoord en sê vir hulle: Pas op dat niemand julle mislei nie.
“Want baie sal onder my Naam kom en sê: Ek is die Christus! en hulle sal baie mense mislei.
“En julle sal hoor van oorloë en gerugte van oorloë. Pas op, moenie verskrik word nie, want alles moet plaasvind, maar dit is nog nie die einde nie.
“Want die een nasie sal teen die ander opstaan en die een koninkryk teen die ander; en daar sal hongersnode wees en pessiektes en aardbewings op verskillende plekke.
“Maar al hierdie dinge is 'n begin van die smarte.
“Dan sal hulle jul aan verdrukking oorgee en julle doodmaak; en julle sal deur al die nasies gehaat word ter wille van my Naam.
“En dan sal baie tot struikel gebring word en mekaar verraai en mekaar haat.
“En baie valse profete sal opstaan en baie mense mislei.
“En omdat die ongeregtigheid vermeerder word, sal die liefde van die meeste verkoel.
“Maar wie volhard tot die einde toe, hy sal gered word.” Matt 24:3-13

Wanneer mens die grusame werklikhede in die gesig staar, dan begryp mens Jesus se verduideliking soos hierbo vervat... Daar is tans oorlog in 66 lande in die wêreld. In 22 lande word Christene wreed en grusaam vervolg, onthoof, doodgeskiet, word vroue en dogters van alle ouderdomme herhaaldelik verkrag en in die internasionale mensehandel aan die hoogste bod verkoop word om meesal as seksslawe te dien. Dit word bereken dat 29 miljoen vroue en kinders reeds so verkoop is. Kyk hoeveel organisasies wêreldwyd probeer mensehandel hokslaan:  https://en.wikipedia.org/wiki/List_of_organizations_that_combat_human_trafficking

Behalwe dat elke genoemde land sy eie leërmag het, is daar is altesame 692 militêre guerrilla en separatiste groepe betrokke. Elke land met detail oor die vegtendes is beskikbaar by http://www.warsintheworld.com/?page=static1258254223 Mens het tyd nodig om die webblad van ‘n kant af deur te werk, maar doen dit gerus.
 

Hierdie vrouesoldaat is lid van die FARC (Revolutionary Armed Forces of Colombia) revolusionêre mag in Columbië. Die FARC woon permanent in die woude en slaan
daar vandaan af toe. Hulle het sporadies ‘n skietstaking, maar bly op gereedheidsgrondslag. Ander vegtendes in Columbië is die National Liberation Army (ELN) since
1964 Los Urabeños paramilitary group since 2001

cid:image006.jpg@01D186F2.A8453310
Vroue soldate is algemeen in die Israelse leër- en lugmag

Alles wat Jesus byna 2 000 jaar gelede op die Olyfberg aan die Dissipels vertel het, is reeds aan die gebeur. Behalwe dat Christene vermoor word vir hulle geloof, mag Jesus se naam in talle lande nie meer in die openbaar gebruik word nie... dit gee kwansuis aanstoot. Die outydse Evangeliese opelugdienste sal jou vandag in die tronk laat beland. Vals profete is oral, veral in Amerika. Die vervolging van Christene word wyd vertoon. Oral is video materiaal beskikbaar. Die miljoene mense wat oor die wêreld heen vlug gaan deur hel. Groot getalle sterf op die vlug. Mamma’s moet kindertjies soms tot drie maande land dra op die vlug. Moeders kraam selfs op die vlug, selfs is oorvol rubberbote of die stormsee.


Vier en twintig Siriese soldate word hier deur die Islamitiese Staat tereggestel in die ruïnes van die amfiteater in Palmyra in Sirië (photo credit:WELAYAT HOMS / AFP)

Aardskuddings: Daar is 49 000 skuddings jaarliks in die wêreld wat tussen 3 en 3.9 en hoër op die Richterskaal meet. http://www.statisticbrain.com/earthquake-statistics/ Dis of die Aarde moeisaam regop bly en dreig om te disintegreer.

Hongersnood: Altesame 795 miljoen mense in die wêreld ly honger. Daar is genoeg kos in die wêreld maar armoede is die grootste oorsaak. Met elke verkiesing belowe die politici werk aan die armes in die hoop op stemme in die verkiesings, maar werk bly ‘n ydele droom.
http://www.worldhunger.org/articles/Learn/world%20hunger%20facts%202002.htm#Does_the_world_produce_enough_food_to_feed_everyone

Pessiektes kom oral voor en antibiotika begin op baie plekke ontoereikend word.
http://therealnews.com/t2/index.php?option=com_content&task=view&id=31&Itemid=74&jumival=11872

Inderdaad het die leuen die waarheid vervang. Jeremia was so ontsteld oor die verval onder die volk dat hy gewens het hy het ‘n gastehuis in die woestyn sodat hy daar net met verbygaande reisigers te doen sou hê en nie langer met die volk nie. Luister wat sê Jeremia:

“Ag, het ek in die woestyn maar 'n herberg vir reisigers gehad! Dan sou ek my volk verlaat en van hulle af wegtrek; want hulle is almal owerspelers, 'n hoop ontroue mense.
“En hulle span hulle tong, soos hulle boog, met leuens, en nie volgens waarheid is hulle magtig in die land nie; want van boosheid tot boosheid gaan hulle voort, maar My ken hulle nie, spreek die HERE.
“Pas op, elkeen vir sy vriend, en vertrou op geen broer nie; want elke broer is net 'n onderkruiper, en elke vriend gaan om met kwaadsprekery.
“En hulle bedrieg elkeen sy vriend en praat nie die waarheid nie; hulle het hul tong geleer om leuens te praat, hulle maak hul moeg met verdraaiery.
“Jou woning is in die midde van bedrog; deur bedrog weier hulle om My te ken, spreek die HERE.
“Daarom, so sê die HERE van die leërskare: Kyk, Ek smelt hulle en toets hulle; want hoe sou Ek anders handel vanweë die dogter van my volk?
“Hulle tong is 'n moordpyl; dit spreek bedrog; met die mond spreek hulle van vrede met hul naaste, maar in hul binneste beraam hulle listige planne.
“Sou Ek hieroor aan hulle geen besoeking doen nie? spreek die HERE. Of sou my siel hom nie wreek op 'n nasie soos hierdie een nie?” Jer 9:2-10

Gelowiges sal EENDRAGTIG moet saamstaan in gebed, in Gees en in Waarheid in hierdie laaste uur. Vergewe mekaar, vat hande en hou vas tot die Basuin blaas Liefde bedek Al die oortredinge. Spr 10:12. Volbring die Koninklike Wet  “As julle ewenwel die Koninklike Wet volbring volgens die Skrif: Jy moet jou naaste liefhê soos jouself – dan doen julle goed.” Jak 2:8/ Komaan, doen goed!

Om te kan volhard tot die einde toe gaan ons mekaar bitter nodig hê. Die oues van dae onder ons sal onthou hoe ons mekaar na die laaste oorlog gedra het. As daar siekte was het die vroue in die straat saamgespan en gesorg dat die sieke verpleeg word, klere gewas en gestryk word en dat daar kos vir die gesin was. Mense het gehelp waar hulle kon met ‘n koppie meel hier en ‘n koppie olie daar. Ondersteuning van watter aard ook al, was ‘n gegewe, ook gebed. Ons het mekaar se laste gedra, vir mekaar gebid. Ons was so na aan mekaar, die wind kon nie eers tussen ons deurkom nie. Job 41:7

Ons ontvang heelwat pos en baie mense beleef angs en vrees oor die gebeure reg oor die wêreld, ook hier in Suid-Afrika, maar: “As hierdie dinge begin gebeur, kyk dan na bo en hef julle hoofde op, omdat julle verlossing naby is.” Luk 21:26

Kyk hoe Wedergebore Arabiere en Jode saam lofliedere sing:  https://www.youtube.com/watch?v=BT50-Kuj2UY  Hulle verwag die Heiland... Jesus is op pad.

Bring die siele in, bid vir Herlewing. Ons los nie die soom van die HERE se kleed voordat die magtigste Herlewing in die geskiedenis nie oral uitbreek nie.

Die werking van die Heilige Gees in ons en selfs deur ons, is vir ons onbegryplik, maar ons kan ons hart oopstel en die Gees gehoorsaam. Die Heilige Gees is in ons guns. Ons moet ons seile span vir die wind van die Hemel. Hoe span ons, ons seile?

Ons moet EENdragtig wees, oopgestel en gehoorsaam. Ook moet ons biddend wees en EENdragtig in die gebed. “Die vurige gebed van die regverdige het groot krag” Jak.5:16. ‘n Vroulike dier word dragtig, dis ‘n swangerskap. Ons moet EENdragtig wees, saam die swangerskap dra.

Ons moet in afwagting leef, die wind van die Hemel verwag. As ons waarlik in afwagting leef vir die Heilige Gees en die Wederkoms, dan lewe ons in Hoop soos in toekomsfeit, en nie soos in “ek wens” nie.  Matt 21:22; Luk 24:49.

Ware afwagting vereis geloof. Kom ons bid in afwagting van die Hemelse Wind vir die grootste Herlewing wat Suid-Afrika en die wêreld nog ooit beleef het. Hand 2:38.

Laat ons almal aanmoedig om, kom wat wil,  ons hand aan die ploeg te hou. Luk 9:62

As jy weet van iemand wat ‘n Bybel  opreg benodig en kan gebruik besoek www.thesower.org.za  
As iemand geestelike hulp of gebed verlang, skryf aan: belindapaar@gmail.com    
Ons het nou ook Beraders in Bloemfontein en Durban aan te beveel.

Bid asseblief deurentyd vir ‘n magtige geestelike Herlewing in SA  – Sjibbolet


 Preview YouTube video Jews & Arabs worship together in Nazareth, Israel.Jews & Arabs worship together in Nazareth, Israel.

Attachments area
Preview YouTube video Jews & Arabs worship together in Nazareth, Israel.

Jews & Arabs worship together in Nazareth, Israel.

Die Man met die Meetsnoer- Sagaria 2:1-13

 

Op 14 Mei vanjaar, Israel se onafhanklikheidsdag, had die land ‘n rekord bevolking van 8,345,000 inwoners. Sonder die woestyn beslaan die land 26 849 vk meter, sowat ‘n vyfde van die grootte van die Vrystaat.
            Die Joodse bevolking beslaan 6,251,000 (74.9%).
Altesame 1,730,000 (20.7%) is Arabiere en die res bestempel as “ander” beslaan 364,000 (4.4%).
Met onafhanklikheid in Mei 1948 was daar net 806,000 inwoners.
            Die bevolking het die afgelope jaar met 364,000 mense toegeneem.
            Israel het die hoogste geboortesyfer in die ontwikkelde wêreld. Die gemiddelde aantal kinders in die wêreld is 1.7 per moeder. In Israel is dit 3 kinders per moeder.
            Die jongste statistiek toon ongelukkig dat 1 uit 5 Israeli’s onder die broodlyn lewe.
            Van die 14.2 miljoen Jode in die wêreld, lewe 43% in Israel.
            Altesame 27,993 nuwe Joodse immigrante is die afgelope 12 maande in Israel verwelkom... uit die Oekraïne 6,996, Frankryk 6,377, Rusland 5,040 en die VSA 3,208.
            Van die huidige Joodse inwonertal van 6,251,000 is 75% in Israel gebore.
            Die afgelope jaar is daar 176,000 baba’s gebore.
Oor dieselfde tydperk het 44,000 Israeli’s van alle ouderdomme gesterf.          
            Meeste van die 27,993 nuwe Joodse immigrante die afgelope jaar was tienderjariges.
            Immigrante vestig hulle veral in Ten Aviv en Netanya. Net minder as die helfte van die Jode in die land woon in Jerusalem en Tel Aviv.
            Altesame 60% van die Arabiere woon in die Noorde.
            Jerusalem en die Sentrale deel had ‘n rekord groei van 2.5% die afgelope jaar. Tel Aviv se groei het 0.08% behels.
            Tel Aviv is egter dig bevolkste streek met 7,552 mense per vk meter. Die dig bevolkste stad is Bnel Brak met 22,145 mense per vk meter.
            Bible Guidance se kommentaar op Sagaria 2:1-13, is soos volg:
            Sagaria 2. Die Messias Kom in Jerusalem Woon
            Die volgende naggesig handel oor God se toekomstige seëninge oor die herstelde Israel:
            Die man met die meetsnoer (2:1-13)
            Die goddelike oordele oor die nasies, soos in die vorige gesig geopenbaar, sal gevolg word deur God se vergroting en beskerming van Jerusalem. Die herstel en uitbreiding van die stad is reeds vir Sagaria se tyd beloof, maar hierdie beloftes dui meer spesifiek op die eindtydse uitbreiding daarvan nadat die Messias se koninkryk geopenbaar is. Aspekte wat beklemtoon word, is die stad se toename in grootte, die aantal inwoners daarvan, die vlak van sy rykdom, die geestelike herlewing van sy inwoners, en sy veiligheid.
            Vir ons as Christene is profesieë van hierdie aard ook baie belangrik omdat dit God verheerlik en die vestiging van Sy koninkryk beklemtoon, asook die groot oorwinning oor die magte van die duisternis. Ons is nie op Israel of Jerusalem afgunstig wanneer ons hierdie boodskappe lees nie, omdat die fokus nie op Israel is nie, maar op God en sy heerlikheid. Jerusalem is die stad wat deur God verkies is om sy Naam daar te vestig tot in Ewigheid (1 Kon. 9:3; 11:36). Hy het Israel verkies om sy verlossing deur hulle en hulle beloofde Messias aan die hele wêreld te openbaar (Jes. 9:6-7; 49:5-6; Joh. 4:22; Rom. 9:4-5), en het ook sy Woord aan hulle toevertrou (Rom. 3:1-2). In die lig van die groot betekenis wat hierdie feite vir die hele mensdom het, het Sagaria gesê: “Swyg alle vlees voor die HERE! Want Hy verhef Hom uit sy heilige woning” (2:13).
            Die man met die meetsnoer is ongetwyfeld dieselfde persoon as die ruiter op die rooi perd in die eerste gesig. Dit is die Messias voor sy menswording, wat as die Engel van die Here in sommige van hierdie gesigte verskyn het. Hy het gekom om Jerusalem op te meet om sy grootte, rykdom en geestelike standaard te bepaal omdat Hy groot planne vir die stad het (2:11). Sy boodskap is eerstens aan die jongman, Sagaria, gerig (2:4), daarna aan Israel (2:6-12), en laastens aan die hele mensdom (2:13).
            Weens die menigte van mense sal Jerusalem ‘n stad sonder mure wees (2:4). Hierdie profesie is nie in Sagaria se tyd vervul nie, en ook nie in die jare wat direk op sy bediening as profeet gevolg het nie, daarom het dit op die Messiaanse era betrekking wanneer groot en wonderlike dinge in Jerusalem sal gebeur.
            Die stad sal as gevolg van goddelike seëninge ver buite sy vorige grense uitbrei, en gevolglik ‘n oop stad sonder mure wees. (Bedoelende, asof die stad nie mure het nie.) As gevolg van die Here se teenwoordigheid sal die stad geen versterking of beskerming nodig hê nie. Die Here sal vir die stad soos ‘n vurige muur rondom wees, en tot heerlikheid daarbinne (2:5). Hierdie belofte kyk vooruit na die Here se persoonlike teenwoordigheid deur die Messias, gedurende sy duisendjarige vrederyk op aarde. Esegiël het die toekomstige terugkeer van die Here se heerlikheid na die tempel gesien (Eseg. 43:2-5), maar Sagaria het ‘n gesig gehad van die Here se heerlikheid wat die hele stad sal vervul (2:5) én ook die land (2:12; vgl. 14:20-21).
            Esegiël se beskrywing van die heerlikheid van die Here in die tempel in Jerusalem is merkwaardig en sluit by die naggesig van Sagaria aan: “Toe het hy my gelei na die poort, die poort wat na die ooste kyk. En kyk, die heerlikheid van die God van Israel het van die oostekant af gekom; en die geruis daarvan was soos die geruis van baie waters, en die aarde het geglans van sy heerlikheid... En die Gees het my opgeneem en my in die binneste voorhof gebring; en kyk, die heerlikheid van die HERE het die huis vervul. En ek het Een gehoor wat met my spreek uit die huis... En Hy het vir my gesê: Mensekind, dit is die plek van my troon en die plek van my voetsole waar Ek vir ewig sal woon onder die kinders van Israel; en die huis van Israel sal my heilige Naam nie meer verontreinig nie, hulle en hulle konings” (Eseg. 43:1-7).
            In die lig van die voorspoed en seëninge wat aan Jerusalem beloof is, en ook in die lig van die oordele wat oor die val van Babilon geprofeteer is, is die Jode wat steeds in ballingskap was, aangemoedig om na Jerusalem terug te keer, waar hulle veilig kon woon: “Op, op, vlug uit die Noordland... Op, o Sion, red jouself, jy wat woon by die dogter van Babel” (2:6-7). Babilon het inderdaad twee jaar later geval, maar die herstelde Babilon sal finaal val wanneer die Messias kom (Op. 18). Israeliete wat in Babilon woon, sal weer ontruim word kort voordat die stad val: “Gaan uit haar uit, my volk, sodat julle nie gemeenskap met haar sondes mag hê en van haar plae ontvang nie... Met ‘n vaart sal Babilon, die groot stad, neergegooi word en nooit meer gevind word nie” (Op. 18:4,21). Die herstel van die Jode in hulle eie land in Sagaria se tyd was net ‘n voorspel tot die groot, eindtydse herstel van Israel in hulle land, wat met die geweldige vyandigheid van die omringende nasies gepaard sal gaan.
            Jesaja het soos volg op die finale herstel van Israel uitgebrei: “En in dié dag sal die HERE weer vir die tweede keer sy hand uitstrek, om die oorblyfsel van sy volk los te koop wat sal oorbly uit Assirië en Egipte en Patros en Kus en Elam en Sinear en Hamat en uit die kuslande van die see; en Hy sal ‘n banier ophef vir die nasies en bymekaar laat kom die seuns van Israel wat verdryf is, en versamel die dogters van Juda wat verstrooi is, uit die vier hoeke van die aarde” (Jes. 11:11-12; vgl. Jer. 23:3-8).
            In Sagaria 2:8-9 verwys die gesant wat deur die Here uitgestuur is, na die Messias, die Een wat ook as die Engel van die Here beskryf word: “Want so sê die HERE van die leërskare: Hy het my gestuur agter heerlikheid aan na die nasies wat julle uitgebuit het; want wie julle aanraak, raak sy oogappel aan. Want kyk, Ek sal my hand oor hulle swaai, sodat hulle ‘n buit word vir hulle knegte. Dan sal julle weet dat die HERE van die leërskare my gestuur het.” In hierdie gedeelte in die Ou Testament sien ons duidelik dat die eerste Persoon in die Drie-enige Godheid, die HERE van die leërskare, die tweede Persoon aanspreek, wat die Messias of Gestuurde is (vgl. Joh. 20:21). Ons lees ook van die derde Persoon in Jesaja: “Die Gees van die Here HERE is op My, omdat die HERE My gestuur het om ‘n blye boodskap te bring” (Jes. 61:1).
            In hierdie gesig van Sagaria word die Engel van die Here gestuur om die Babiloniese onderdrukkers van Israel te straf. Dié profesie sal sy finale vervulling tydens die wederkoms van Christus hê, wanneer Hy die vyande van Israel en van Jerusalem sal verdelg (14:3,12-13). Die herstelde Babiloniese ryk van die eindtyd (Op. 18), asook die Babiloniese alliansie van valse godsdienste (Op. 17), sal in die komende dag van die Here deur goddelike oordele verdelg word. Wanneer hierdie magtige Koning, die Messias, vir die tweede keer kom, sal Hy nie die nederige Dienskneg wees wat sy lewe vir die redding van sondaars afgelê het nie. Hierdie keer sal Hy in mag en heerlikheid kom om sy vyande te verdelg en sy volk Israel te red en te verheerlik. Sagaria beskryf Hom in sy volle Godheid wanneer hy sê: “In dié dag sal sy voete staan op die Olyfberg... Dan sal die HERE my God kom, al die heiliges met U!” (14:4-5).
            Dit sal ‘n dag van groot blydskap in Israel wees: “Jubel en wees bly, o dogter van Sion! Want kyk, Ek kom om in jou midde te woon, spreek die Here” (2:10). Die oorblyfsel van Israel sal die Messias aanvaar (12:10), van hulle sonde en ongeregtigheid gereinig word (13:1), en volmaakte vreugde ervaar wanneer Hy die troon van Dawid in Jerusalem herstel: “En opgerig is deur goedgunstigheid ‘n troon, en daarop sit een in getrouheid in Dawid se tent, ‘n regter wat die reg soek en gou is in geregtigheid” (Jes. 16:5; vgl. Hand. 15:16-17).
            By die Wederkoms van Christus sal die oorblyfsel van die nasies ook gered word (Matt. 24:29-30) en almal die Messias dien wat uit Jerusalem sal regeer. Hulle sal rou bedryf voor Hom soos wat Israel ook sal doen wanneer hulle gered word (12:10). Hierdie nasies sal dan ook aan die Messias behoort en Hom van harte dien: “Baie nasies sal hulle in dié dag by die Here aansluit, en hulle sal My tot ‘n volk wees; en Ek sal in jou midde woon. Dan sal jy weet dat die Here van die leërskare My na jou toe gestuur het” (2:11; vgl. 8:21-22).
            Jerusalem sal tydens die duisendjarige ryk van die Messias die sentrum vir wêreldsake wees (2:12). Behalwe dat dit die hoofstad van Israel sal wees, sal Jerusalem in die millennium ook die hoofstad van die hele wêreld wees. Jesaja sê: “En aan die einde van die dae sal die berg van die huis van die HERE vasstaan op die top van die berge en verhewe wees bo die heuwels, en al die nasies sal daarheen toestroom. En baie volke sal heengaan en sê: Kom laat ons optrek na die berg van die HERE, na die huis van die God van Jakob, dat ons sy weë kan leer en ons in sy paaie kan wandel. Want uit Sion sal die wet uitgaan en die woord van die HERE uit Jerusalem. En Hy sal oordeel tussen die nasies en regspreek oor baie volke; en hulle sal van hul swaarde pikke smee en van hul spiese snoeimesse; nie meer sal nasie teen nasie die swaard ophef nie, en hulle sal nie meer leer om oorlog te voer nie” (Jes. 2:2-4; vgl. 24:23).
            Wat ‘n wonderlike toekomsverwagting het Israel en die nasies nie! “Swyg, alle vlees voor die HERE! Want Hy verhef Hom uit sy heilige woning” (2:13). Ons moet egter duidelik begryp dat die toekomstige heerlikheid wat aan ‘n geredde oorblyfsel van Israel en die nasies gebied is, slegs deur ‘n minderheid van die mensdom geniet sal word. Die meeste mense in Israel én onder die nasies is boos en onbekeerlik. Selfs in relatief goeie tye het God in die meeste Israeliete geen behae gehad nie en hulle as gevolg van hulle sonde en ongeloof geoordeel (1 Kor. 10:5). Sagaria bevestig die feit dat die meeste van hulle in die komende verdrukking sal omkom (13:8). Dieselfde geld ook vir die nasies, onder wie net ‘n klein minderheid hulle weg deur die nou poort sal vind wat na die hemel lei (Matt. 7:13-14).
            Die sleutelteks in Sagaria 2 is die volgende: “En die HERE sal besit neem van Juda as sy erfdeel op die heilige grond [letterlik: die Heilige Land] en Jerusalem weer verkies” (2:12). Daar is nie eers die geringste moontlikheid dat hierdie belofte vergeestelik en op die kerk toegepas kan word nie. Die geestelike herstel van ‘n oorblyfsel van Israel as ‘n volk sal in die Heilige Land gebeur, wat deur die Here as ‘n ewige besitting aan die stamvaders van die volk gegee is (Gen. 13:14-15; 26:3; 28:13). Vir hierdie wonderlike belofte om vervul te word, moet Israel in die eindtyd, voor die koms van die Messias, in hulle land herstel word. Die terugkeer van Israel na die land van hulle vaders het reeds die stadium bereik waarin 5,5 miljoen van die 13 miljoen Jode in die wêreld in hulle eie land terug is. Hulle is nou net soveel as die Amerikaanse Jode, en sal spoedig die grootste konsentrasie Jode in die wêreld wees. Dit sal besluite wat hulle neem en verbonde wat hulle namens die internasionale Jodedom sluit, wettig en bindend maak.
            Sagaria gee ‘n duidelike en gevoelvolle beskrywing van Israel se rouklag ná die koms van die Messias (12:10-14), wat tot gevolg sal hê dat ‘n heilige volk in die Heilige Land sal leef (13:1-2; 14:20-21). Jerusalem, as die middelpunt van Israel se godsdienstige en politieke lewe, sal as die basis van hulle toekomstige teokratiese regering geheilig word. Die Here sal Jerusalem weer verkies en dit met veel meer heerlikheid beklee as wat die geval tydens Salomo se bewind was:
            “Ontwaak, ontwaak, beklee jou met sterkte, o Sion, trek jou sierlike klere aan, o Jerusalem, heilige stad!” (Jes. 52:1). “Nasies sal trek na jou lig, en konings na jou stralende opgang... Die seuns van hulle wat jou verdruk het, sal gebukkend na jou toe trek; en almal wat jou verag het, sal hulle neerbuig by jou voetsole; en hulle sal jou noem: Stad van die HERE, Sion van die Heilige van Israel... Van geweld sal in jou land nie meer gehoor word nie – van geen verwoesting of verbreking in jou grondgebied nie; maar jy sal jou mure Heil noem en jou poorte Lof” (Jes. 60:3,14,18).
            Die toekomstige heerlikheid van Jerusalem staan in skerp kontras met die vertrapte toestand van die stad gedurende die tye van die nasies. Die Here Jesus het gesê: “Jerusalem sal vertrap word deur die nasies totdat die tye van die nasies vervul is” (Luk. 21:24). Geredde lede van die nasies moet geen deel in die vertrapping en minagting van hierdie stad hê nie. Ons moet weet dat Jerusalem bestem is om die fokuspunt van die Messias se regering in die millennium te wees. In daardie tyd sal die geredde Israel én die geredde lede van die nasies uitroep: “Die HERE is groot en baie lofwaardig in die stad van onse God, sy heilige berg! Skoon deur sy verhewenheid, die vreugde van die hele aarde, is die berg Sion aan die noordekant, die stad van die Groot Koning!” (Ps. 48:2-3).
            Sagaria sê: “So sal dan baie volke en magtige nasies kom om die HERE van die leërskare in Jerusalem te soek en die aangesig van die HERE om genade te smeek” (8:22). Hulle “sal jaar na jaar [na Jerusalem] optrek om te aanbid voor die Koning, die HERE van die leërskare, en om die huttefees te vier” (14:16).
            Sien jy uit na hierdie wonderlike toekoms van Israel, Jerusalem en die hele Heilige Land? Indien wel, dan rus die verpligting op jou om Israel jaloers te maak oor die wyse waarop jy die God van Abraham, Isak en Jakob deur die Messias dien (Rom. 11:11). Bid ook vir hulle herstel na hulle eie land, en vir die Here se beskerming en seën oor Jerusalem. Die psalmis sê: “Bid om die vrede van Jerusalem; mag hulle wat jou liefhet, rustig lewe!” (Ps. 122:6).

Hou nooit op getuig nie!

Joh 6:1-15: "Hier is 'n seuntjie met vyf garsbode en twee vissies; maar wat is dit vir so baie mense?Daarna het Jesus die brood geneem, God daarvoor gedank en dit uitgedeel aan die dissipels … " (vs. 8,10).

Die uitgesproke ongelowige William Hone het op 'n dag 'n seuntjie met groot aandag sy Bybel sien lees. "Hoekom mors jy jou tyd met daardie nuttelose boek?" vra Hone. Die kind het kinderlik, beleefd geantwoord: "Dit is al wat my siek moeder kan troos, Meneer. Ek soek 'n deel wat ek vanaand vir haar kan lees as sy nie kan slaap nie." Diep geraak het William Hone besluit om self die Bybel te lees. Dit het tot sy bekering gelei.



Voor in sy Bybel het hy geskryf:

The proudest heart that ever beat,
hath been subdued in me;
The wildest will that ever rose,
To scorn thy cause or aid thy foes,
Is quelled, my God, by Thee.

Thy will, and not my will, be done;
Henceforth I'd be forever Thine;
Confessing Thee, the Living Word,
My Savior Christ, my God, my Lord,
Thy Cross shall be my sign!”
― William Hone 1780-1842

Die verhaal is waar. Hone het een van die grootste Geestelike skrywers van sy tyd geword. Die krag was nie in die seuntjie nie, maar in die lewende Woord van God. Christus gebruik my en jou as instrumente om sy onvoltooide werk op aarde te voltooi.

Paulus: “My rede en my prediking was nie in oorredende woorde van menslike wysheid nie, maar in die betoning van gees en krag, sodat julle geloof nie in wysheid van mense sou bestaan nie, maar in die krag van God.”: 2 Kor 4-5

Getuig elke dag en bid om ‘n magtige Geestelike Herlewing in Suid-Afrika.

Ons sal krag ontvang wanneer die Heilige Gees oor ons kom

“Julle sal krag ontvang wanneer die Heilige Gees oor julle kom, en julle sal My getuies wees in Jerusalem sowel as in die hele Judéa en Samaría en tot aan die uiterste van die aarde.” Hand 1:8
“En hulle is almal vervul met die Heilige Gees en het begin spreek in ander tale, soos die Gees aan hulle gegee het om uit te spreek.” Hand 2:4
“Hulle het hul toe die hande opgelê, en hulle het die Heilige Gees ontvang.” Hand 8:17
“Maar hy was vol van die Heilige Gees en het die oë na die Hemel gehou en die heerlikheid (glorie) van God gesien en Jesus wat staan aan die regterhand van God.” Hand 7:55
Maar nie almal was die Heilige Gees eensgesind nie: “Julle hardnekkiges en onbesnedenes van hart en ore, julle weerstaan altyd die Heilige Gees; net soos julle vaders, so ook julle.” Hand 7:51
“En hy het gesê: Kyk, ek sien die Hemele geopend en die Seun van die mens aan die regterhand van God staan.
“Maar hulle het met 'n groot stem geskreeu en hulle ore toegestop en soos een man op hom aangestorm.
“En hulle het hom buitekant die stad uitgewerp en hom gestenig; en die getuies het hulle klere neergelê by die voete van 'n jongman met die naam van Saulus.
“En hulle het Stéfanus gestenig terwyl hy die Here aanroep en sê: Here Jesus, ontvang my gees!
“En hy het op sy knieë neergeval en met 'n groot stem uitgeroep: Here, reken hulle hierdie sonde nie toe nie! En met dié woorde het hy ontslaap.” Hand 7:57-60
            God duld dit egter nie en Saulus, die moordenaar, word op die Damaskuspad deur die HERE gekonfronteer, ‘n konfrontasie wat nie een van ons graag sal wil deurloop nie.
            Charles G. Finney se naam word gedurig met die herlewing van meer as ‘n eeu gelede verbind. Hy was ’n regsgeleerde, maar na sy oorgawe aan die Here het die Here hom op buitengewone wyse met die Heilige Gees vervul.
Sy prediking was daarna vol krag en baie mense het tot bekering gekom. In die Elim Evangel beskryf hy sy ervaring met hierdie woorde wat herinner aan die uitstorting van die Heilige Gees op die eerste dissipels op Pinksterdag:
“As I turned and wanted to take a seat by the fire, I received the mighty Baptism of the Holy Spirit. The Holy Spirit descened upon me in a manner that seemed to go through me, body and soul. I could feel the impressions like a wave of electricity going through and through me. Indeed, it seemd to come in waves and waves of liquid love; for I could not express it in any other way. I wept aloud with joy and love; and I do not know, but I should say I literally bellowed the unuttterable gushings of my heart.”
Sy kragtige verkondiging van die Evangelie en die herlewings wat gevolg het oral waar hy gepreek het, het ’n stempel geplaas op die egtheid van hierdie ervaring.
            Die prediker, D. L. Moody, het ’n soortgelyke kragtige ervaring van die vervulling met die Heilige Gees gehad.
            Moody het sy ondervinding met die doping van die Heilige Gees soos volg beskryf: "My heart was not in the work of begging," he said. "I could not appeal. I was crying all the time that God would fill me with His Spirit. Well, one day, in the city of New York –  oh, what a day! –  I cannot describe it, I seldom refer to it; it is almost too sacred an experience to name. I can only say that God revealed Himself to me, and I had such an experience of His love that I had to ask Him to stay His hand.
“I went to preaching again. The sermons were not different; I did not present any new truths, and yet hundreds were converted. I would not now be placed back where I was before that blessed experience if you should give me all the world –  it would be as the small dust of the balance."
Ander werkers van die Here, wat net so bruikbaar en geseën in die Here se diens was, het weer nie so ’n dramatiese ervaring gehad nie. Die prediker en skrywer, F. B. Meyer, wat net so kragdadig deur die Here gebruik is en wat nou nog sy baie boeke gebruik en seën, skryf in The Overcomer soos volg oor sy ervaring van die volheid van die Heilige Gees:
“I left the prayer meeting and crept out into the lane, away from town. As I walked I said, ‘O my God, if there is a man who needs the power of the Holy Ghost to rest upon him it is I; but I do not know how to receive Him. I am too tired, too worn, too nervously down, to agonized.’ In my heart a voice said: ‘As you took forgiveness from the hand of the dying Christ, take the Holy Ghost from the hand of the living Christ.’ I turned to Christ and said, ‘Lord, I breathe into me a breath in this whiff of warm night air, so I breathe into every part of me Thy blessed Spirit.’”
Hy gaan voort om te getuig dat hy nie gevoel het die Here se hand word op hom gelê, of ’n vuurvlam val op hom, of dat hy ’n gedruis uit die Hemel gehoor het nie, maar deur geloof, sonder emosie, sonder opgewondenheid, het hy vir die eerste keer, en daarna keer op keer, die volheid van die Heilige Gees vir hom in sy hart toegeëien. Sy vrugbare arbeid daarna het ook in sy geval die egtheid van sy vervulling met die Heilige Gees bekragtig.
Charles H. Spurgeon vertel:
“There is another thing to be done as well, and that is to pray; and here I want to remind you of those blessed words of the Master, "Every one that asketh receiveth; and he that seeketh findeth; and to him that knocketh it shall be opened. If a son shall ask bread of any of you that is a father, will he give him a stone? Or if he ask a fish, will he for a fish give him a serpent? Or if he shall ask an egg, will he offer him a scorpion? If ye then, being evil, know how to give good gifts unto your children: how much more shall your heavenly Father give the Holy Spirit to them that ask him?"
You see, there is s distinct promise to the children of God, that their heavenly Father will give them the Holy Spirit if they ask for His power; and that promise is made to be exceedingly strong by the instances joined to it. But he says, "How much more shall your heavenly Father give the Holy Spirit to them that ask him?"
“The Lord must give us the Spirit when we ask Him, for He has herein bound Himself by no ordinary pledge. He has used a simile which would bring dishonour on His own name, and that of the very grossest kind, if He did not give the Holy Spirit to them that ask Him.”
Paulus skryf aan die Efesiërs: “Ek bid dat Hy deur sy Gees uit die rykdom van sy heerlikheid (Glorie) aan julle die krag sal gee om innerlik sterk te word, dat Christus deur die geloof in julle harte sal woon en dat julle in die liefde gewortel en gegrondves sal wees” (Ef.3:16). “...laat die Gees julle vervul...” (Ef.5:18). Ons kan nie in eie krag die geringste werk in die Here se koninkryk met vrug en seën verrig, sonder die krag van die Heilige Gees in ons hart nie. Vra Hom vrymoedig vir die volheid van sy Heilige Gees.
            Komaan, strewe na die volheid van die Heilige Gees. Bid dat God ons ‘n magtige geestelike Herlewing sal stuur. – Sjibbolet

Wat het van jou Getuienis geword?

Julle sal my getuies wees tot aan die uiterste van die aarde (Hand 1:8). En Christus sê as ons Hom voor die mense bely, dan bely Hy ons voor die Vader. Getuig, bely ons nie, kan ons geestelike lewe ook nie beweeg of groei nie en beroof ons onsself van ryke seëninge.

          Om te getuig, is die voorreg van elke wedergebore gelowige, maar baie gelowiges word koud of onverskillig deur die koue ontvangs van hul getuienis.
          Hierdie boodskap van verlossing is vir beide siel en liggaam bedoel en God wat ons verordineer het om getuies te wees, het belowe om Sy Woord aan ons te vervul en te bevestig.  (Heb 2:3-4).
"Hoe sal ons ontvlug as ons so 'n groot saligheid verontagsaam wat, nadat dit eers deur die Here verkondig is, aan ons bevestig is deur diegene wat dit gehoor het, terwyl God nog saam getuig het deur tekens en wonders en allerhande kragtige dade en bedieninge van die Heilige Gees volgens Sy wil?"
          "Hy het vir hulle gesê: Gaan die wêreld in en verkondig die Evangelie en maak siekes gesond." Daar is sommige wat vir God wil werk, maar wat vrees dat Hy nie Sy beloftes sal vervul nie.
Dit is net omdat jy nie in die geloof uitgestap het nie, omdat jy nie ‘n vaste vertroue in die Woord van God het nie. Sy Woord is onfeilbaar. Hy het gesê ons is die instrument en die uitbou en onderhou van Sy Koninkryk word deur Sy krag en genade bewerk. Die onus is op Hom, nie op jou en my nie. Al wat ons moet doen is om te gaan vertel.
God sê Hy is waarmaker van Sy woord.  Ons is nie die waarmaker nie. Ons getuig en Hy, deur Sy Heilige Gees, bevestig dit.
Daar is diegene wat nie Christene wil word nie omdat hulle bang is om hul by 'n verlore saak te voeg. Weens die sondes van sogenaamde Christene (iemand noem hulle “papier” Christene) wil sommiges nie graag bekend staan as kinders van God nie. Dit is egter geen verlore saak nie. Dit is die enigste saak wat die moeite werd is om by aan te sluit.
Hy is die enigste God wat jou uitdaag en sê: Toets My of Ek nie ‘n waarmaker van My Woord is nie!
          Die Seun van God, beklee met glorieryke Heiligheid, Goddelike geregtigheid, Hemelse reinheid, het in hierdie bose wêreld gekom en die Ewige Lewe, die opstanding uit die dode, gemeenskap met God, kom aankondig. Jesus Christus het ons waarlik vrygemaak van sonde en siekte.  Halleluja!
          Die lewe van Jesus Christus word in elke gelowige gebore wanneer hy die wedergeboorte ontvang, deur die bloed wat op Golgotha gestort was. Deur die wedergeboorte word hierdie mens nou 'n werktuig in die hand van God, 'n Getuie van God se Genade en Liefde.
          "Soos Hy is, is ons ook in hierdie wêreld." (1 Joh 4:17)
          In ons dag is daar baie mense wat nie ware gelowiges is nie, maar slegs nominale Christene, papier Christene, wat die hele week hulle eie gang gaan, maar op Sondae  probeer om die Tien Gebooie te gehoorsaam.
          Want in Hom was LEWE, en die Lewe was die lig van die mense.  Hy het ook gesê: "Hy wat leef en in My glo, sal nooit sterf nie."
          Vandag is Jesus Christus die mens se enigste hoop. Geen duiwelse mag op aarde kan die mag weerstaan wat Jesus Christus as 'n erfenis aan die weergeborene nagelaat het nie.
          Jesus Christus het die sonde-vraagstuk opgelos deur Homself as ons Bloedoffer op Golgotha te offer.
          Nou word jy as vrygekoopte geroep om te getuig aangaande dié heerlike feit, dat daar deur Sy gestorte Bloed vergifnis van sondes is, en dat deur Sy wonde daar genesing vir ons liggame gekom het.
          Staan op in die Geloof! Gaan en verkondig die werke van God! Hy sal dit bevestig waar en wanneer ek en jy Woord uitdra.
          Hy sê in Jes 50: 2-3: "Is my hand werklik te kort om te verlos of is daar in my geen krag om uit te red nie? Kyk, deur My dreiging maak Ek die see droog... Ek beklee die Hemel met swartheid."
          Ons is dus geroep om getuies van die Evangelie te wees, waarin die mag van Jesus Christus en die Volle Raad van die Godheid uiteengesit word.
          Neem die bonatuurlike – die Geesvervulde lewe – uit ons godsdiens en mens kry 'n godsdiens so dood soos die heidense godsdienste.
          Die Here sal altyd 'n getuienis eer. Kyk na Henog. Hy het met God gewandel en is deur God weggeneem om by Hom te wees.
          En daar is Elia wat 450 heidense priesters uitgedaag en oorwin het. En Daniël wat geweier het om voor mense te buig wat sy getuienis sou beskadig het. God het die bekke van die leeus gesluit sodat sy getuienis nog indrukwekkender kon wees.
          Alhoewel ons geroep is om die lydingsdoop te deurloop, mag ons nie die mens of ‘n gesag gehoorsaam wat vereis dat ons God se insettinge moet oortree nie.
          Op Golgotha is daar voorsiening vir Goddelike genesing gemaak. Watter soort Evangelie sou ons sonder die Groot Geneesheer, Jesus Christus, gehad het? Ons getuienis behoort in die eerste plek so te wees dat Christus deur ons lewens te voorskyn kom, sodat die getuienis van ons wedergeboorte mense tot sonde oortuiging sal bring.
          In die tweede plek moet ons nie bang wees om die beloftes van God in ons bediening te gebruik nie. Die Bybel verklaar onomwonde dat ons deur die gestorte bloed van Christus, verlossing van sonde het en dat ons deur Sy wonde genees is.
          Hy belowe ook dat as ons hande op die siekes lê, hulle gesond sal word. Hy het dit belowe, nie jy en ek nie. Hy sê Hy is ‘n waarmaker van Sy Woord. Waarom sou ons dan twyfel.
          In Jak 1:6-7 sê die Here dat iemand wat twyfel …”moenie dink dat hy iets, van die Here kan ontvang nie.” Ja, nie eers “iets” nie.
          Dus, weier om te twyfel. Twyfel is nie van die Hemel nie. Die duiwel saai twyfel. Verdryf hom uit jou lewe in die kragtige naam van Jesus Christus, staan vas, en weier om te twyfel.
          Toe Jesus Christus op Golgotha gesterf het, het Hy elke sondaar verseker dat hy 'n geleentheid gebied word om 'n kind van God te word.
John Lake het die opstanding van Christus so beskryf: Een dag het Dawid op die berg gesit en sy skape opgepas, toe Sy gees hom weggevoer het na die ruimtes van God.  Hy sien die toekomstige gebeure en roep uit: "U het opgeklim na die hoogte, U het gevangenes weggevoer, U het geskenke onder die mense geneem, ja ook wederstrewiges om daar te woon, o, Here God."  (Ps 68:19).
          En toe met 'n triomfantelike geroep sê hy: "Hef op julle hoofde, o poorte, ja verhef julle ewige deure dat die Ere-Koning kan ingaan." (Ps 24:7)
          Toe Christus die aardse arena betree het, het 'n oorlog tussen twee koninkryke ontstaan. Dit was 'n stryd tussen lig en duisternis in die Hemel en op die aarde. Jesus Christus het aan die hele wêreld getoon dat Hy waarlik die Oorwinnaar is.
          Die môre van Sy opstanding het Hy as Held, Oorwinnaar oor Satan, dood en hel, sonde en siekte, opgestaan.
          Ek en jy is vandag Hy. Ons as wedergeborenes het oorwin! Dis nou ons taak om Christus se onvoltooide werk te voltooi.
          Mense het baie verskonings waarom hulle nie sogenaamd kan getuig nie. Die Skrif trek egter ‘n finale streep deur alle verskonings.
          Eseg. 3:18-19 lees: “As Ek aan die Goddelose sê: Jy sal sekerlik sterwe – en jy (Christen gelowige) waarsku hom nie en spreek nie om die Goddelose vir sy Goddelose weg te waarsku om hom in die lewe te hou nie, dan sal hy, die Goddelose, deur sy ongeregtigheid sterwe; maar, sy bloed sal  Ek van jou hand eis!
          “Maar as jy die Goddelose waarsku, en hy hom nie van sy Goddelose weg bekeer nie, dan sal hy deur sy ongeregtigheid sterwe; maar jy, jy het jou siel gered!”
          Getuig, getuig, getuig, waarsku die Goddelose en red jou eie siel! Wees soos Paulus wat in Rom 1:16 sê: “Want ek skaam my nie oor die Evangelie van Christus nie, want dit is ‘n krag van God tot redding vir elkeen wat glo.” Daardie redding beteken vrymaking, veiligheid en genesing.
          Paulus sê: “…vir elkeen wat glo.” Wat beteken dit in die praktyk? Eenvoudig die volgende: Petrus kom by die man by die poort en sê aan die verlamde  “… staan op en loop.” As die man nie probeer opstaan het nie sou hy nooit geloop het nie.
          Geloof vra dus gehoorsaamheid en handeling. Nadat Jesus die brode en die vissies aan die dissipels gegee het om uit te deel, het die dissipels tot by die voorste ry mense moes stap en dit begin uitdeel. Veronderstel hulle sou net daar bly staan het en gesê het: Nou hoe op aarde kan ons vyf duisend man, hul vroue en hul kinders met die bietjie kos voed? Dan sou daar niks gebeur het nie.
          Geloof vra daardie vaste vertroue, daardie gehoorsaamheid om te stap na die eerste ry mense en te begin uitdeel, en toe kom God se vermenigvuldende krag in werking en nie is almal gevoed nie, daar bly toe nog brokstukke ook oor. – Sjibbolet

Wie is Israel werklik?

HIERDIE SKRYWE MOET SAAM GELEES WORD MET WANNEER DIE VYEBOOM BOT.

Israel is nie die volk wat vandag in die land Israel woon nie, hulle is Jode van die Huis (Volk) van Judah. Ek en jy as gelowiges, ons is Israel.
            Reg oor die wêreld is skrifontleders, predikant en evangeliste angstig dat Eseg. 38 en 39 in vervulling moet gaan. Maar eers moet Eseg. 37 in vervulling  gaan.
            Ons hoor die eerste keer die naam Israel in Genesis: “Toe sê Hy: Jy sal nie meer Jakob genoem word nie, maar Israel; want jy het geworstel met God en met die mense en het oorwin.” Gen 32:28
            Die land Israel moes eintlik ‘n ander naam gehad het want die naam Israel skep verwarring. Die wêreld en die Christendom, sien die Jode aan as die Volk Israel, terwyl hulle Jode en nie Israeliete is nie.
            Die Eerste Minister Benjamin Netanyahu, wil die land ‘n amptelike Joodse Staat verklaar. Dit sal baie help.
            Mens minag nie die Jode met hierdie waarheid nie. Hulle is Jode en hulle het die volste reg om daar te woon en hulself te regeer en die Hebreeuse taal te besig.
           Vorentoe kom die huise (volke) van Judah en Israel weer saam en al 12 stamme is weer verenig in Eseg 37.
            Die volgende berig toon hoe die Jode op die naam Israel besluit het:
Why Israel’s first leaders chose not to call the country ‘Palestine’ in Arabic
National archive reveals a debate on the eve of independence over whether Arabic speakers should refer to the the new Jewish state as ‘Filastin,’ ‘Sayoun’ or ‘Eesra’il’
BY MATTI FRIEDMAN April 11, 2013


David Ben-Gurion, flanked by the members of his provisional government, reads the Declaration of Independence in the Tel Aviv Museum Hall on May 14, 1948 (photo credit: Israel Government Press Office)
David Ben-Gurion, flanked by the members of his provisional government, reads the Declaration of Independence in the Tel Aviv Museum Hall on May 14, 1948 (photo credit: Israel Government Press Office)

Days before the establishment of the State of Israel in May 1948, Zionist officials met to decide what the new country would be called in Arabic, a document released Thursday by the state archive shows.

The document mentions three options: Palestine, or Filastin; Zion, or Sayoun; and Israel, or Eesra’il.

The three officials — who included Bechor-Shalom Sheetrit, later a prominent Cabinet minister — were working under two assumptions: That an Arab state was about to be established alongside the Jewish one in keeping with the UN’s partition resolution the year before, and that the Jewish state would include a large Arab minority whose feelings needed to be taken into account.

They rejected the name Palestine, they wrote, because they thought that would be the name of the new Arab state.

“It is likely that the Arab state that will be established in the Land of Israel will also be called Palestine in the future, which could cause confusion,” the officials wrote.

They rejected the name Zion, or Sayoun, seemingly because the words “Zion” and “Zionist” already had a pejorative meaning in the Arab world. Calling the country Zion “would cause real difficultly for the Arab citizen in the Jewish state,” the document says.

In the end, they opted for the most straightforward option: Eesra’il, or Israel.

Israel was aanvanklik 12 stamme, maar toe kom daar probleme en Judah (2 stamme) en Israel (10 stamme) se weë skei.
            Weens die aanbidding van ander gode is hulle van geestelike hoereerdery beskuldig en toe volg God se skeibrief:
            “En Ek het gesien toe Ek uit oorsaak van die owerspel van die afkerige, Israel, haar verstoot en haar, haar skeibrief gegee het, dat die ontroue, haar suster Juda, nie bevrees was nie, maar gegaan en ook self gehoereer het.” Jer 3:8
            Sien ook die volgende gebeurtenis: “Toe gryp Ahía die nuwe mantel wat hy aangehad het, en skeur dit in twaalf stukke,
            “en hy sê vir Jeróbeam: Neem vir jou tien stukke, want so spreek die HERE, die God van Israel: Kyk, Ek gaan die koninkryk uit die hand van Salomo afskeur en aan jou die tien stamme gee;
            “maar die een stam (Judah, wat Levi insluit) sal syne wees ter wille van my kneg Dawid en ter wille van Jerusalem, die stad wat Ek verkies het uit al die stamme van Israel –  omdat hulle My verlaat en hul neergebuig het voor Astárte, die godin van die Sidoniërs, voor Kamos, die god van die Moabiete, en voor Milkom, die god van die kinders van Ammon, en nie gewandel het in my weë deur te doen wat reg is in my oë, naamlik my insettinge en my verordeninge, soos sy vader Dawid nie.
            “Ek sal ewenwel die koningskap as geheel nie uit sy hand neem nie, maar Ek sal hom as vors aanstel al die dae van sy lewe ter wille van my kneg Dawid wat Ek verkies het, wat my gebooie en my insettinge gehou het.
            “Maar uit die hand van sy seun sal Ek die koningskap neem en dit aan jou gee, die tien stamme;
            “en aan sy seun sal Ek een stam gee, sodat my kneg Dawid altyd 'n lamp kan hê voor my aangesig in Jerusalem, die stad wat Ek vir My verkies het om my Naam daar te vestig;
            “en Ek sal jou neem, en jy sal regeer oor alles wat jou siel begeer, en jy sal koning word oor Israel.” 1 Kon 11:30-37
            Israel is dus die naam van ‘n Volk en nie van ‘n land nie. Dit verhoed natuurlik niemand of sy land Israel, of enige Bybelse naam, te noem nie.
            Israel is ‘n geestelike naam wat beteken “Wie saam met God heers.”
            God het hierdie geestelike naam ook aan Jakob se afstammelinge gegee: “Dan moet jy vir Farao sê: So spreek die HERE: My eersgebore seun is Israel. Daarom beveel Ek jou: Laat my seun trek, dat hy My kan dien. Maar jy het geweier om hom te laat trek. Kyk, Ek sal jou eersgebore seun laat sterwe.” Ex 4:22-23
            God het nie aan Farao gesê om Jakob te laat gaan nie, maar al sy mense. God het die naam Israel vir Sy volk Israel gegee.    
            Kyk na die volgende interessantheid in Hos 11:1 “Toe Israel 'n kind was, het Ek hom liefgehad, en uit Egipte het Ek my seun geroep.”
            Met wie het God hier gepraat? Was dit die fisiese Israel?” Teen hierdie tyd het Israel sovele kere verkeerd getrap dat God straks met iemand anders gepraat het?
            “En toe hulle teruggegaan het, verskyn daar 'n Engel van die HERE in 'n droom aan Josef en sê: Staan op, neem die Kindjie en sy moeder en vlug na Egipte, en bly daar totdat ek jou sê; want Herodes gaan die Kindjie soek om Hom dood te maak.
            “Hy het toe opgestaan, die Kindjie en sy moeder in die nag geneem en na Egipte vertrek.” Matt 2:13-14
            Koning Herodus wou Jesus doodmaak, daarom dat God aan Josef gesê het om met Jesus en Maria na Egipte te vlug. Was God hier besig om van Jesus (as Israel) te praat? Ons lees die volgende strofe:
            Matt 2:15 “En hy was daar tot die dood van Herodes, sodat die woord vervul sou word wat die Here gespreek het deur die profeet: Uit Egipte het Ek my Seun geroep.”
            Hierdie is ‘n fantastiese waarheid: Matteus Haal direk aan uit Hosea en sê dat die Israel wat van gepraat word in Hosea was Jesus Christus – weer ‘n geestelike aanwending van die naam Israel.
            Strofes in die Ou testament wat na die fisiese Israel verwys het, word in die Nuwe Testament simbolies geestelik vir Jesus aangewend (hoekom?) want Israel is nie langer die “saad” nie, maar Christus is... Gal 3:16 “Nou is aan Abraham die beloftes toegesê en aan sy saad. Hy sê nie: En aan die sade, asof dit op baie sien nie, maar op een: En aan jou saad, dit is Christus.”
            Jesus Christus is nou die saad en almal wat in Hom glo is sy Uitverkore Volk.
            Net terloops, in die Ou Testament bid mens jou sondes op ‘n dier af en offer die dier en soos wat sy bloed in die vlamme vernietig word, is jou sondes vergewe.       Toe kom die owerspel en God se skeibrief. Onder die wet het dit beteken dat iemand wat owerspel gepleeg het, soos bv ‘n vrou, kon nie weer trou voordat haar man nie gesterf het nie.
            So kon Israel ook nie weer met God versoen word, voordat die man, Jesus Christus, nie gesterf het nie.
            In die Ou Testament het Israel as God se Uitverkore Volk bekend gestaan.  “As julle dan nou terdeë na my stem luister en my verbond hou, sal julle my eiendom uit al die volke wees, want die hele aarde is myne.
            “En júlle sal vir My 'n koninkryk van priesters en 'n heilige nasie wees. Dit is die woorde wat jy aan die kinders van Israel moet meedeel.” Ex 19:5-6
            Hierdie woorde word nou in die Nuwe Testament gesê van die Christene. “Maar julle is 'n uitverkore geslag, 'n koninklike priesterdom, 'n heilige volk, 'n volk as eiendom verkry, om te verkondig die deugde van Hom wat julle uit die duisternis geroep het tot sy wonderbare lig,
            “julle wat vroeër geen volk was nie, maar nou die volk van God is; aan wie toe geen barmhartigheid bewys is nie, maar nou bewys is.” 1 Pet 2:9-10
            Petrus praat nie hier met Jode soos wat baie dink nie. Hy praat met die mense “wat uit die duisternis geroep is tot sy wonderbare lig.”
            God se volk bestaan nie meer uit fisiese stamme nie, maar is een geestelike volk, Israel: “Daar is nie meer Jood of Griek nie, daar is nie meer slaaf of vryman nie, daar is nie meer man en vrou nie; want julle is almal een in Christus Jesus.” Gal 3:28
            As jy Wedergebore is, is deel van God se Uitverkore Volk: “En as julle aan Christus behoort, dan is julle die nageslag van Abraham en volgens die belofte erfgename.” Gal 3:29
            Ons as Huis (Volk) van Israel moet vir die Huis van (Volk) van Juda bid sodat die skille van hulle oë sal afval, dat hulle gered word want hulle moet gered word om by ons te aansluit.
            Hulle leef steeds onder die Wet en sê hulle is Jode omdat hulle besny is, maar die bordjies is intussen heeltemal verhang: “Want nie hy is 'n Jood wat dit in die openbaar is nie, en nie dít is besnydenis wat dit in die openbaar in die vlees is nie;
            “maar hy is 'n Jood wat dit in die verborgene is, en besnydenis is dié van die hart (Wedergeboorte), in die gees, nie na die letter nie. Sy lof is nie uit mense nie, maar uit God.” Rom 2:28-29
            Dit is die verstommende Waarheid van die Bybel... enigiemand kan nou ‘n Jood of dan Israel wees as hy besnydenis van die hart in Jesus Christus ondergaan het.
            Jode is reg oor die wêreld, ook in Suid-Afrika, besig om gered te word en noem hulself Messiaanse Jode.
            God se Uitverkore Volk is hulle wat Wedergebore is.
            Rom 9:6-8 lees “Dit wil sê, nie hulle is kinders van God wat die kinders van die vlees is nie, maar die kinders van die Belofte word gereken as die nageslag.”
            Let op, ons wat gered is, moet God in Gees en in waarheid aanbid. Joh 4:23  “Maar daar kom 'n uur, en dit is nou, wanneer die ware aanbidders die Vader in gees en waarheid sal aanbid; want die Vader soek ook mense wat Hom só aanbid.
“God is Gees; en die wat Hom aanbid, moet in gees en waarheid aanbid.”            Die oomblik toe ons Wedergebore is, het ons reeds die Ewige Lewe ontvang en daarom dien ons God in gees en in waarheid. As jy nog nie geleer het om in gees te aanbid en God te dien nie, mis jy byna die hele lewe. Komaan, word ‘n Dissipel, en wees nie net ‘n gewone Christen nie.
In die gees kan jy God en die Engele belewe.
            Almal wat God nou in gees en waarheid aanbid, is die WARE Israel...  “Want óns is die besnydenis, ons wat God in die Gees dien en in Christus Jesus roem en nie op die vlees vertrou nie.” Fil 3:3
            Nog ‘n belangrike punt is die geslagregisters van Israel: “En die hele Israel is in geslagsregisters opgeneem, en kyk, hulle is opgeskrywe in die boek van die konings van Israel.”1Kron 9:1
            Maar skielik het hier geslagsregisters geen betekenis meer nie: “Soos ek jou versoek het toe ek na Macedónië op reis was, moet jy in Éfese wag om sekere persone te beveel dat hulle geen ander leer moet leer nie, en hulle nie besig hou met fabels en eindelose geslagsregisters nie, wat net twisvrae bevorder meer as stigting van God wat in die geloof is.
“Maar die doel van die gebod is liefde uit 'n rein hart en 'n goeie gewete en 'n ongeveinsde geloof waarvan sommige mense afgedwaal en hulle afgewend het na onsinnige praatjies; hulle wil leraars van die wet wees, alhoewel hulle wat hulle sê, of die dinge wat hulle beslis beweer, nie verstaan nie.” 1 Tim 3: 1-7
            Nee, ons hou nie meer geslagsregisters nie, daar is nou net een geslagsregister... die van die Volk van Israel... die Wedergeborenes wie se name in die Boek van die Lewe opgeskrywe is!
            Let nou op: “Want as jy afgekap is van die olyfboom wat van nature wild was, en teen die natuur op die mak olyfboom ingeënt kan word, hoeveel te meer kan hulle dan wat dit van nature is, op hul eie olyfboom ingeënt word?
            “Want ek wil nie hê, broeders, dat julle hierdie verborgenheid nie moet weet nie, sodat julle nie eiewys mag wees nie: dat die verharding ten dele oor Israel gekom het totdat die volheid van die heidene ingegaan het;
            “en so sal die hele Israel gered word, soos geskrywe is: Die Verlosser sal uit Sion kom en sal die goddelooshede van Jakob afwend;
            “en dit is van my kant die verbond met hulle as Ek hulle sondes wegneem.” Rom 11:24-27
            Paulus, ‘n Jood,  spreek ‘n wens uit rakende die Jode: “...as ek tog maar net my eie volk jaloers kan maak en sommige uit hulle kan red!” Rom 11:14
            3:10 en julle jul met die nuwe mens beklee het wat vernuwe word tot kennis na die beeld van sy Skepper,
            Kol 3:11 “...waar daar nie Griek en Jood, besnedene en onbesnedene, barbaar, Skith, slaaf, vryman is nie, maar Christus is alles en in almal.
            En dan die 11e strofe “Beklee julle dan, (let op) as uitverkorenes van God, heiliges en geliefdes, met innerlike ontferming, goedertierenheid, nederigheid, sagmoedigheid, lankmoedigheid.”
            Die Jode het Jesus verwerp en daarom sê Jesus toe aan hulle: “Het julle nooit in die Skrifte gelees nie: Die steen wat die bouers verwerp het, dit het 'n hoeksteen geword. Hy het van die Here gekom en is wonderbaar in ons oë?
            “Daarom sê Ek vir julle: Die koninkryk van God sal van julle weggeneem en aan 'n volk gegee word wat die vrugte daarvan sal dra.” Matt 21:42-43
            Jesus moes verdwyn en die Jode sorg dat Hy gekruisig word toe hulle sê hulle: “Laat sy bloed op ons en op ons kinders kom!” Daardie oomblik het die Jode ‘n vloek oor hulself uitgespreek.” Matt 27:25. Hulle het ook die Evangelie verwerp en baie verwerp dit steeds.
            “Maar Paulus en Bárnabas het vry-uit gespreek en gesê: Dit was noodsaaklik dat die woord van God aan julle eers verkondig moes word. Aangesien julle dit egter verwerp en julleself die ewige lewe nie waardig ag nie – kyk, ons wend ons tot die heidene.
            “Want so het die Here aan ons bevel gegee: Ek het U 'n lig van die nasies gemaak, sodat U tot redding sal wees tot aan die einde van die aarde.
            “En toe die heidene dit hoor, was hulle bly; en hulle het die woord van die Here geprys; en daar het gelowig geword almal wat verordineer was tot die ewige lewe.
            “En die woord van die Here is deur die hele land verbrei.” Hand 13:46-49
            Dit bring ons nou hier in die Eindtyd, by die vervulling van Eseg 37. Die vallei van doodsbeendere is Israel wat in die grootste geestelike herlewing in die geskiedenis gaan ontwaak en hulle ware identiteit gaan besef en aanneem.
            Dit is ook die tyd wat Juda die ware Lig sal sien, want die “twee stukke hout gaan een stuk hout word.” Die twaalf stamme is dan ‘n eenheid as die nuwe geestelike Israel.
            Terselfdertyd sal die satan verwoed probeer keer dat sy koninkryk skade betrokke word, maar ons het hom reeds in Christus oorwin. – Sjibbolet

Jy kan Christus belewe!

Die tyd raak min. Daar is ‘n hele rits werklikhede wat ons lewens drasties sal verander.
            Ons is nie alleen nie. Ons is God se eiendom. Jesus Christus tree elke dag vir ons in by die Vader. Ons is omring deur Heilige Engele.
            Die Wederkoms van Jesus Christus is baie naby, maar jy kan ook gehaal word terwyl jy jou trollie in die supermark stoot, jou motor bestuur, rustig slaap, in die tuin werk, of straks terwyl jy luister hoe ander skinder.
            Ons kan elke dag met Jesus praat en ons kan hom hoor antwoord. Dit is ‘n belewenis… wanneer Christus en die geesteswêreld vir jou ‘n werklikheid word.
            Omdat elkeen van ons se einde so onverwags is, moet ons ‘n heeltemal ander lewensdstyl handhaaf.
            Ons moet lewe met die besef dat ons enige oomblik gehaal kan word.
            Die volgende werklikheid is reeds besig om plaas te vind: “En in die laaste dae, spreek God, sal Ek van my Gees uitstort op alle vlees, en julle seuns en julle dogters sal profeteer, en julle jongelinge sal gesigte sien, en julle ou mense sal drome droom.
“En ook op my diensknegte en diensmaagde sal Ek in dié dae van my Gees uitstort, en hulle sal profeteer.
“En Ek sal wonders gee bo in die Hemel en tekens onder op die Aarde, bloed en vuur en rookdamp.
“Die son sal verander in duisternis en die maan in bloed voordat die groot en deurlugtige dag van die Here kom.
“En elkeen wat die Naam van die Here aanroep, sal gered word.” Hand 2: 17-20
            Ek en jy, die mens, is uniek tussen al GOD se skeppinge. Ons het ‘n materiële liggaam, ‘n siel en ‘n gees. “God is Gees; en die wat Hom aanbid, moet in gees en waarheid aanbid.” Joh 4:24
Het jy al begin om Hom in gees te aanbid? Dis ‘n belewenis. Jy sal nooit weer anders will ewe nie. Jy kyk skielik verby hierdie tydelike wêreld die Ewigheid in.
Jy besef dat nie hoef te wag vir die einde voordat jy die Ewige lewe gaan ontvang nie. Jy besef jy het reed die Ewige Lewe. Jy is reeds op ‘n ander pad.
Hoe aanbid ons die HERE in gees? Hoe aanbid ons Hom in waarheid? In die gees beteken op leiding van die Heilige Gees. In waarheid is dat alles in jou lewe waarheid sal wees, ‘n Israeliet sonder bedrog. Ons aanvaar ook die Waarheid van die hele Skrif.
Jy is nie wie jy dink jy is nie. Jou ware identiteit is iets heel anders as wat hierdie tydelike wêreld van jou maak.
“Want uit genade is julle gered, deur die geloof, en dit nie uit julleself nie: dit is die gawe van God.” Efes 2:8
Ons kan na die Wedergeboorte weer geestelik met GOD verkeer. “Daarom, as iemand in Christus is, is hy 'n nuwe skepsel; die ou dinge het verbygegaan, kyk, dit het alles nuut geword.” 2 Kor 5:17
Die Bybel doen telkens ‘n beroep op ons om nederig te wees. Baie Christene het ‘n verkeerde persepsie hieroor en meen dat as hulle hulself verkleineer, hulle nederig is.
            So verstaan hulle dat wanneer die Skrif sê ons moet die HERE “vrees” dit beteken dat hulle vir GOD bang moet wees. Vervang egter die woord “vrees” met die woord “respekteer” en eensklaps is hulle persepsie omgekeer.
            Die sonde van ons tyd is wanpersepsies. Dit veroorsaak ‘n binding in ‘n mens se gees. Dit veroorsaak dat ons onder omstandighede lewe in plaas van bo die omstandighede. Kom ons kyk nou wat sê GOD, wie is ek!

•          Ek is GOD se kind want, ek is wedergebore, nie uit verganklike saad nie, maar uit onverganklike, (hoe?) deur die Lewende Woord van God wat tot in Ewigheid bly (1 Pet. 1:23);
•          Ek is ‘n nuwe skepsel, omdat ek nou in Christus is (11 Kor. 5:17);
•          Ek is verlos van die mag van die duisternis en ek is oorgebring na die Koninkryk van die Seun  van Sy Liefde (Kol.1:13);
•          Ek is losgekoop deur Christus van die vloek van die Wet (Gal.3:13);
•          Ek is deur GOD uitverkies nog voor die grondlegging van die wêreld (Efes. 1:4);
•          Ek is verlos deur Jesus se bloed (Efes. 1:7);
•          Ek is ‘n geroepe Heilige (Rom. 1:7);
•          Ek deel in Sy erfenis (Kol. 1:12);
•          Ek is triomfantelik (Openb. 21:7);
•          Ek is dood vir die sonde (Rom. 6:2);
•          Ek is ‘n uitverkorene (Kol. 3:12);
•          Ek is bevestig tot die einde toe (1 Kor. 1:8);
•          Ek is deur die Waarheid vrygemaak (Joh. 8: 31-33);
•          Ek is besny met ‘n besnydenis wat nie met die hande verrig is nie (Kol. 2:11; Det: 10:16; Filp. 3:3; Rom: 2:28-29);
•          Ek is met Christus gekruisig (Gal. 2:20);
•          Ek is gered deur die bloed van Jesus (1:14);
•          Ek lewe saam met Christus (Efes. 2:5);
•          Ek is saam met Jesus opgewek (Rom. 2:12);
•          Ek is ‘n getroue navolger van Jesus Christus (Efes. 5:1);
•          Ek is die Lig van die wêreld (Matt. 1:14);
•          Ek is die sout van die aarde (Mat. 5:13);
•          Ek het ‘n heilige roeping (2 Tim. 1:9);
•          Ek is meer as ‘n oorwinnaar (Rom. 8:37);
•          Ek is gewortel en opgebou in Hom en bestig in die geloof (Kol. 2:7);
•          Ek weet al my behoeftes is vervul (Phil. 4:19);
•          Ek het lewe en oorvloed (Joh. 10:10);
•          Ek is tot alles in staat deur Christus wat my die krag gee (Fil. 4:13);
•          Ek jaag na die doel om die prys te verkry (Fil. 3:14);

            Mens hoor baie dat Christene sê: Onder die omstandighede gaan dit so en so. Ons is egter nie veronderstel om onder die omstandighede te lewe nie, maar juis bo die omstandighede — op oorwinningsgrond!
            In 11 Kor. 2:14 lees ons: Maar dank GOD, want Hy laat ons altyd triomfeer in Christus. Boonop laat Hy die geur van Sy kennis oral deur ons versprei.
            Die “Amplified”-vertaling sê:  … Hy lei ons om altyd te triomfeer! Ons moet net bereid wees om ons te laat lei.
            Om nederlae te aanvaar, is om GOD se beste vir ons te verbeur. Te veel Christene lewe vandag as Verbondsvolk met veel minder as wat GOD se regte en voorregte vir hulle inhou.
            Om te triomfeer is ons geboortereg. Jes. 54:17 lees: Elke wapen wat teen jou gesmee word, sal niks uitrig nie; en elke tong wat teen jou opstaan in die gereg, sal jy weerlê. (Hoekom?) Want dit is die erfdeel van die knegte van die Here en hulle geregtigheid wat uit My is, spreek die Here.
            Waarom sou enigeen van ons ‘n nederlaag aanvaar wanneer  triomf ons legitieme reg is?
            Die Skrif sê GOD laat ons  altyd, en nie net soms nie, triomfeer. Dit beteken dit is nie GOD se Wil dat ons ooit ‘n nederlaag moet ly nie.
            Natuurlik is daar Christene wat nie altyd triomfeer nie, maar dis hul eie skuld as hulle ‘n nederlaag aanvaar. As ons onder druk toegee, dan is dit nie GOD se skuld nie.
Om altyd te kan triomfeer, beteken dat ons moet vasstaan in die geloof, moet weier om te twyfel, moet weier om ‘n nederlaag te aanvaar. Dit beteken dat ons tot volle wasdom in Christus moet groei.
Psalm 78:8-9,41 lees: dat ons nie koppig en wederstrewig moet word en ‘n onvaste hart en ontroue gees teenoor God moet openbaar nie. Want dit het die kinders van Efraim gedoen en toe  hulle die nederlaag aanvaar het deurdat  hul gewapende boogskutters omgespring het op die dag van oorlog.  En vers 41 sê: … hulle het GOD versoek en die Heilige van Israel gekrenk!
            Dis tog nie wat ek en jy wil doen nie. GOD wou hê dat hulle moes triomfeer maar hulle het teenspoed aanvaar. As ons weier om op te gee, dan sal ons beslis triomfeer!
            Die grootste fout wat ‘n mens kan maak is om gedurig te vrees dat jy ‘n fout gaan maak.
            Ps 27:13-14 lees: Wat sou tog gebeur het as ek nie geglo het dat ek die goedheid van die Here sal sien in die land van die lewendes nie, en,  Wag op die Here! Wees sterk en laat jou hart sterk wees! Ja, wag op die Here!
            Dit beteken die goedheid van GOD is die manifestasie van die teenwoordigheid van GOD.
            Ps 41:12 lees: Hieraan weet ek dat U ‘n welbehae in my het: dat my vyand oor my nie juig nie (triomfeer nie).
            Daar is geen wyse waarop die satan, ons kan verslaan nie, beslis nie wanneer ons in GOD se guns wandel nie!
            Ps 5:13 lees: Want U seën die regverdige, o Here, U omring hom met welbehae soos met ‘n skild!
            Ons durf dus nie nederlae aanvaar nie. Ons slagspreuk moet wees: Nooit gee ek op nie! Onthou, om altyd te triomfeer, is ons erfenis.
            Let op hoe Paulus vir die Liggaam van Christus, dit sluit my en jou in, gebid het wat betref ons erfenis:
Kol. 1:9-14 … en die Vader mag dank wat ons bekwaam gemaak het om deel te hê aan die erfdeel van die heiliges in die lig!
            Bekwaam gemaak beteken deur aan ons volmag te gegee het, of ons te gemagtig het, om aan ons gesag te gegee het.
            Strofe 13 lees: Hy het ons verlos uit die mag van die duisternis en oorgebring na die Koninkryk van die Seun van Sy liefde.
            Kol. 2:15 lees: Nadat Hy die owerhede en magte uitgeklee het, en hulle in die openbaar ten toon gestel het en daardeur ook oor hulle getriomfeer het!
            Ons is dus as Sy kinders almal bemagtig, die gesag gegee, om te triomfeer. Dit is ons erfenis. Dit is ons reg. Ons triomfeer oor alle omstandighede. Ons is meer as oorwinnaars!
            Die HERE het ons geseën met alle geestelike seëninge. Efes 1:3
            Ons kan geen nederlaag ly as ons ‘n openbaring het van die verlossingswerk wat Jesus Christus op Golgotha vir ons bewerk het nie. Golgotha is GOD se meesterstuk.
            Niemand het Jesus vermoor nie want aan niemand is so ‘n voorreg ooit gegee nie. Nee, Hy blaas self Sy asem uit en Hy gee self Sy gees oor in die hand van die Vader.
            En die Hoofman oor Honderd skrik en met verwondering sê hy: Waarlik, dit was die Seun van GOD. Hoekom? Want dit was die eerste keer dat hy gesien het iemand besluit self wanneer om te sterf.
            Ja, Christus het selfs die dood oorwin en ons het dit ook reeds gedoen want geen Christen sterf nie, elkeen vertrek bloot na ‘n nuwe, ewige, lewe. Ja, ons moet selfs ons persepsies oor die “dood” verander.
            Wanneer ons wegdoen met persepsies en met feite en werklikhede werk dan begin ons ook besef wat die verskil is tussen wasdom en onvolwassenheid. Dan besef ons wat die verskil is tussen melk en vaste spys – Hebr. 5:12-14.
            Rom. 8:20 lees: Want die skepping wag met reikhalsende verlange op die openbaarmaking van die kinders van God. Die Grieks dui aan dat die woord kinders hier “volwasse” kinders bedoel.
            Die Ou Testament is letter en die Nuwe Testament is Gees. In 1 Kor. 3 vanaf vers 1, sê Paulus: Ek kon met julle nie spreek soos met geestelike mense nie, maar soos met vleeslike, soos met klein kinders in Christus.
            En verder: Ek het julle met melk gevoed, nie met vaste spyse nie, want julle was nog nie daartoe in staat nie, en julle is nou nog nie daartoe in staat nie (hoekom nie?) omdat julle nog vleeslik is (hoekom is julle nog vleeslik?) omdat daar onder julle nog jaloersheid, twis en tweedrag is.
            In Heb. 5:12 sê Paulus: Want hoewel julle vanweë die tyd reeds leraars behoort te wees, het julle weer nodig dat mens julle die eerste beginsels van die Woord van God moet leer, en julle het weer behoefte aan melk en nie aan vaste spyse nie.
            En verder: Want elkeen wat melk gebruik, is onervare in die Woord van geregtigheid, omdat hy ‘n kind is. Maar vaste spyse is vir die volwassenes, vir die wat geestesvermoëns besit (hoe verkry mens dit?) deur die gewoonte geoefen om goed van kwaad te onderskei.
            En verder: daarom moet ons nie bly by die begin van die prediking aangaande Christus nie, maar na die volmaaktheid voortgaan sonder om weer die fondament te lê van die bekering uit dooie werke en van die geloof in God.
            Wat is dan die pad van die volmaaktheid? Eenvoudig. Efes. 5:1: Wees navolgers van God, soos geliefde volwasse kinders, wandel in liefde, soos Christus ons ook liefgehad het, en Efes: 4:1 … wandel waardig die roeping waarmee julle geroep is, met alle nederigheid en sagmoedigheid, met lankmoedigheid, terwyl julle mekaar in liefde verdra, en, ernstig strewe om die eenheid van die Gees te bewaar deur die band van vrede.
            Dit verkry ons deur sensitief na die leiding van die Heilige Gees te luister, deur die Woord in diepte te bestudeer.
            Elkeen van ons, sê Efes. 4:7, is die genade gegee volgens die mate van die gawe van Christus, daarom moet ons voortgaan op die pad van volmaaktheid sodat ons ook  kan word apostels, profete, evangeliste en herders (hoekom?) om, soos Efes. 4:12, die heiliges toe te rus vir hulle dienswerk, tot opbouing van die liggaam van Christus, totdat ons almal kom tot die eenheid van die geloof en ons ook almal kom tot die kennis van die Seun van God, tot ‘n volwasse man, tot die mate van die volle grootte van Christus.
Lees weer die voorafgaande paragraaf stadig deur. En dan lees jy verder vanaf vers 14: sodat ons nie meer kinders sou wees nie, wat soos die golwe geslinger en heen en weer gedryf word deur elke wind van lering, deur die bedrieëry van die mense, deur sluheid en listigheid tot dwaling te bring…
            Sommige Christene kan so maklik ander oordeel aan sogenaamde sondes wat sigbaar is. Dit veroorsaak ‘n binding in hulle gees en hulle kan nie geestelik groei nie. Terloops: GOD sê Hy het die werk in elkeen van ons begin en Hy sal dit voleindig. Ons durf dus nie tussenbeide tree nie.
            Dieselfde Christen is dalk groter in die skuld, want, terwyl die ander Christen se sigbare “sonde” (wat dalk nie eers sonde is nie) uitgewys word het eersgenoemde ‘n onsigbare sonde: ja, hy of sy is soos Jak. 1:6-7 sê: hulle sondig deur te twyfel. En dan is daar die waarskuwing dat iemand wat twyfel moenie dink dat hy iets van die Here kan ontvang nie.
            As jy skuld het aan so ‘n onsigbare sonde soos twyfel, rig dan jouself op, bely dit by die HERE, weier om langer te twyfel, en groei voort na wisdom en dien die HERE in Gees en in Waarheid. – Sjibbolet