Die lappieskombers sindroom

Kompromie is halwe waarhede en is dus leuens. Deur te komprimeer lieg mens vir jouself, gaan jy met halwe waarhede, leuens, deur die lewe. Niks is eg nie. Dis soos om met ‘n diamantring van geslypte glas te spog en te sê dis ‘n egte diamant.

          Kompromie, soos ook ander euwels, werk deur soos goeie suurdeeg. Jou hele lewe is later vals, maar ‘n vals wat later as nuwe waarheid dien en vir jou al hoe meer reg lyk.

          Jy wou ‘n nuwe saak aanpak. Jy had fantastiese Skrif as bevestiging. Jy het ook ’n sterk lys van beginsels saamgestel want jou ondervinding het jou baie wyshede geleer. Jy wil nie weer dieselfde foute beleef nie... want jy weet: “Daar is 'n weg wat vir 'n mens reg lyk, maar die einde daarvan is weë van die dood.” Spr 14:1

          Met die wegspring lyk alles nog in orde. Dan begin die feite deurskemer...maar jy weier om dit te aanvaar en begin met regverdiging.

Die waarheid word verwater en morele waardes daal. Dan kom die verskonings: “Dis darem nie so erg nie.”  “Mens moenie so eng lewe nie.” “Ek sal maar toegee.” “Dis nie hoe dit moet wees nie, maar ek sal daarmee kan saam lewe.” Later word die toegee al hoe meer en groter,  nog later ook slim stories oor tiendes en standaarde.

Jou hele lewe word soos ‘n lappieskombers. Jy hekel telkens net n nuwe mooi blokkie aan om die waarheid te verdoesel en die leuen al te pragtig as waarheid te vertoon. Jy het, soos baie van ons, nie geduld met God beoefen en gewag vir bevestiging langs die pad nie.

          Die volle raad van die Woord van God word verontagsaam. Sulke mense begin vir jou goed vertel wat die Bybel sou sê oor watter onderwerp ook al, terwyl dit nie in die Bybel voorkom nie of hulle haal alles buite konteks aan want alles moet by hulle “nuwe waarheid” inpas. Kyk dan hoe pragtig vertoon die lappieskombers al.

          Op skool, op universiteit en in die werkplek is kompromie fataal. In die gemeente veroorsaak dit onderstrominge met hartseer resultate. Verhoudings sukkel gou op krom kieries aan.

          Kort voor lank hou mense vas aan die gedagte dat hulle die reg het om die Woord op hulle manier te verstaan en hoe dit behandel en hanteer moet word. Hoe later hoe kwater en mense begin hul eie idees by die Woord voeg en nog later vind die skeuring plaas.

          In sommige gevalle begin wysbegeerte (filosofie) en die Bybel vermeng. Dit word ‘n gevaarlike situasie soos wat hierdie dwaling van kompromie, die lewens van ander onskuldiges oorneem, veral by jongmense.... soos kinders wat alles glo wat hulle ouers sê.

          Bybelse waarhede word oor- of onderbeklemtoon. Dit open weer die deure van sielkundige idees soos humanisme, relativisme en ander dwalinge.

          Jesus sê: “Want elkeen wat kwaad doen, haat die lig en kom nie na die lig nie, dat sy werke nie bestraf mag word nie.

          “Maar hy wat die waarheid doen, kom na die lig, sodat sy werke openbaar kan word, dat hulle in God gedoen is.” Joh 3:20-21

          Ons volg in Jesus se voetspore. Hy het nooit enige kompromie aangegaan nie. Sy lewe had geen grys areas nie. Diegene wat hulle skuldig maak aan kompromie, sal  nie hulself voor die Regterstoel van God kan verdedig nie.

          “Maar daar kom 'n uur, en dit is nou, wanneer die ware aanbidders die Vader in gees en waarheid sal aanbid; want die Vader soek ook mense wat Hom só aanbid.  (Hy soek juis nie diegene wat komprimeer nie)

“God is Gees; en die wat Hom aanbid, moet in gees en waarheid aanbid.”  Joh 4:23-24

          Diegene wat skuldig is aan kompromie sal noodgedwonge hul saak by God moet bely en in nederigheid die pad van die Waarheid moet begin stap. Ons is te naby aan die Einde om soos geestelike pierewaaiers te lewe.

          Paulus waarsku: “Maar ek vermaan julle, broeders, in die Naam van onse Here Jesus Christus, om almal eenstemmig te wees, en dat daar geen skeuringe onder julle moet wees nie, maar dat julle verenig moet wees dieselfde gesindheid en in dieselfde mening.” 1 Kor 1:10

          Dieselfde gesindheid en om verenig te wees, is nie moontlik te midde van kompromie nie.

          As jy in hierdie netwerk vasgevang is, kom dadelik daaruit en laat jou nooit weer met ‘n slap riem vang nie. - Wekroep

Nie so nie..

.

Daar was ‘n tyd wat mense aanvaar het, hulle sal in die Hemel kom deur middel van ‘n Christelike begrafnis.

            Die volgende word vir die waarheid vertel, maar ons kon nie bewyse daarvoor kry nie.

Die plaaslike leraar kry ‘n versoek om iemand te begrawe. Die oorledene was kerklik egter glad nie betrokke nie. ‘n Gesprek met die lidmaat wat kom vra het vir die kerklike begrafnis vind toe plaas.

            Leraar : Sê my, het die oorledene gebid terwyl hy geleef het?

            Lidmaat : Nee, hy het nooit gebid nie.

            Leraar : Goed dan bid ons ook nie by sy begrafnis nie. Het hy darem Bybel gelees?

            Lidmaat : Nee, hy het nooit Bybel gelees nie.

            Leraar : Nou goed, dan sal ons maar ook nie Bybel lees by die begrafnis nie! En sê my, het hy darem gehou daarvan om saam met die gemeente te sing?

            Lidmaat : Nee, hy het nooit saam met die gemeente kom sing nie.

            Leraar : Ek verstaan. Nou ja dan gaan ons ook maar nie sing by sy begrafnis nie! Laat ek net seker maak, het hy hoegenaamd sy voete in die kerk gesit?

            Lidmaat : Nee, hy het nooit kerk toe gekom nie.

            Leraar : Reg, as hy dan soos ‘n hond geleef het, begrawe hom dan soos ‘n hond…

            Die volgende Sondag was daar nie plek vir geen mens in die kerk nie. Die plek was oorvol, die mense het selfs buite saamgedrom

            Vandag sal hierdie taktiek nie werk nie want mense loop met allerlei dwaallere en wanopvattinge rond. Daar is net een pad Hemel toe, deur die Wedergeboorte. Dit behels die volgende:



1. Ek moet besef dat ek ‘n sondaar is.

“ALMAL het gesondig, en dit ontbreek hulle aan die heerlikheid van God.” – Rom. 3:23.

“As ons sê dat ons geen sonde het nie, mislei ons onsself.” – (1 Joh. 1:8,1;  Kon. 8:46;  Jer. 17:9-10).



2. Ek moet besef dat die loon van die sonde die dood is. (Rom. 6:23).

“Hulle sal straf ondergaan, ‘n EWIGE VERDERF….” –  (11 Thes. 1:9.

“Hy wat in die vlees saai, sal…. VERDERF MAAI….” –  (Gal. 6:8).



3. Ek moet besef dat ek magteloos is om myself te red.

“UIT DIE WERKE VAN DIE WET sal GEEN VLEES voor GOD GEREG-VERDIG word nie….” –  (Rom. 3:20).

“NIEMAND kan ooit ‘n BROEDER LOSKOOP nie, hy kan aan GOD SY LOSPRYS NIE GEE NIE….” –  (Ps. 49:8,9;  Jak. 2:10).



4. Ek moet besef dat Jesus Christus die enigste Verlosser is.

“Ek is DIE WEG, die WAARHEID en die LEWE:  Niemand kom na die Vader BEHALWE deur MY nie….” –  (Joh. 14:6).



5. Ek moet berou hê oor my sondaarskap en dit voor God bely.

“Kom dan tot INKEER en BEKEER julle….” – (Hand. 4:12;  25:18)

“As ons, ons sondes BELY….  Hy is getrou en regverdig om ons sondes te vergewe en ons van al ons ongeregtighede te REINIG.” – (Joh. 1:9).



6. Ek moet Christus deur die Geloof aanneem as my persoonlike Verlosser.

“Almal wat Hom AANGENEEM het….  Het hy mag gegee om kinders van God te word….” – (Joh. 1:12;  Joh. 3:16,30;  Hand. 13:38,39;  Rom. 10: 9,10).



As ek gered is – Wat Dan?



1. Dan is ek ‘n Nuwe Skepsel.

“As iemand in Christus is, is hy ‘n NUWE SKEPSEL….  Ou dinge het verby gegaan….  Het alles NUUT GEWORD.” –  (1Kor. 5:17).



2. Dan het ek die Ewige Lewe.

“Hy wat in die Seun glo, het die EWIGE LEWE….” – (Joh.  3:36;  6:47;  1 Joh. 5:12)



3. Dan het ek Sekerheid van my Verlossing en my Ewige Behoud.

“Die GEES self GETUIG saam met ons gees dat ONS KINDERS VAN GOD IS.” – (Rom. 8:8).

“Ek gee hulle die Ewige Lewe en hulle sal NOOIT VERLORE GAAN  tot in Ewigheid nie….” – (Joh. 10:29; Filip. 1:6; Joh. 5:10-13;  Jes. 43:1 – 8.



4. Dan moet my Geestelike Lewe Altyddeur groei.

“Julle moet TOENEEM in die GENADE en KENNIS van onse Here ….” – (11 Pet. 3:18).

“Word met die GEES VERVUL.” – (Efes. 5: 18b).

“Jaag die HEILIGMAKING na….” (Heb. 12: 14;  1 Pet. 1:15-16.

Hiervoor is GEREELDE GEMEENSKAP met die HEILIGES, DAAGLIKSE BYBELSTUDIE en INNIGE GEBEDSGEMEENSKAP MET GOD, onontbeerlik.



5. Dan moet ek God en my Naaste Dien.

Deur my GEDRAG -- (1Kor. 6: 19,20;  Filip. 2:15).

Deur my gawes – (1Pet. 4: 10; Tit. 2:14;  Tit. 3: 8; Efes. 2: 10;

Jak. 2:20).

Deur my GETUIENIS –  (Hand. 2: 4, 11; Eseg. 3: 17,18).

Want ek is gered om VRUG TE DRA (Joh. 15:  16) om te VERKONDIG  (1 Pet. 2: 9), om TE GETUIG (Hand. 1: 8).



6. Dan moet ek My Ganse Lewe God Verheerlik.

(1 Kor. 6: 20; 1 Kor. 10: 31 ; Kol. 3: 23.



As ek ongered bly – Wat Dan?



1. Dan is ek nog in sonde.

“As julle nie glo nie….  Sal julle in julle sonde sterwe.” – (Joh. 8: 24;  1 Kor. 15: 17).



2. Dan sal ek die Ewige Lewe nooit sien nie.

“Maar hy wat die Seun ongehoorsaam is, sal die Lewe nie sien nie en die toorn van God bly op Hom.”  -- (Joh. 3:36;  Hebr. 10:26-31.



3. Dan leef ek voort in ‘n bange onsekerheid, ‘n knaende onrus en ‘n verskriklike verwagting.

“Geen vrede sê my God, vir die goddelose nie…. Maar ‘n verskriklike

verwagting van oordeel en ‘n vuurgloed wat die teenstanders sal verteer.

– (Jes. 57:21; Heb. 10:27).



4. Dan sal ek geestelike nooit groei nie en is my siel geleidelik besig om te verhard en te sterwe.

“Daarop het Nabal se hart in sy binneste gesterwe en hy was soos ‘n klip. – (1 Sam. 25:37; Rom. 6: 23).



5. Dan beteken ek vir God en my naaste niks; ek is onvrugbaar en maak onvrugbaar.

“Kap hom uit, waarvoor maak jy die grond onvrugbaar?” – Luk. 13:7;  Joh. 15: 2 en 6).



6. Dan is my ganse lewe tot oneer van God en ek verwerp sy plan vir my lewe.

“Ek wou…. Maar julle wou nie.” – (Matt. 23: 36; Jes. 65: 2). – Wekroep

Die Nuwe Seisoen…

Hoekom dring die HERE aan daarop om in Gees en in Waarheid aanbid te word? Joh 4:23

Ons moet ‘n paradigma skuif met ons gemoed maak.

Paulus sê: Word vernuwe in julle gemoed. Let op: “En word nie aan hierdie wêreld gelykvormig nie... maar (Let op) word verander deur die vernuwing van julle gemoed, sodat julle kan beproef wat die goeie en welgevallig en volmaakte wil van God is.” Rom 12:2

Die Skrif leer ons, ons burgerskap is in die Hemel. Fil 3:20

Ook dat Christus en die Heilige Gees inwonend in ons is. 1 Kor 3:16

Ook dat ons reeds die Ewige Lewe ontvang het. Joh 3:16

Ook dat ons saam met Hom in Hemelse plekke sit. Efes 1:3; Efes 2:6

Ook dat ons die melkera moet verlaat om by vaste spyse uit te kom. 1 Kor 3”2-3


M.a.w., geestelik is ons letterlik Hemelwesens. Ons praat dan selfs ‘n ander taal, ‘n Hemelse taal.

            Dis wanneer mens die aardse kerklike godsdiens – beteken nie ons word kerkloos nie – verlaat en oorstap na die geestelike, dat ons geestelik begin groei, ons dink en doen anders, ons het noue kontak met die Gees. Ons is veel rustiger.

            Ons praat nie meer negatief nie, dink nie negatief nie. Ons mors nie tyd nie en laat nie ander toe om ons tyd te mors nie. Ons begin sien in die geestelike. Ons beleef Engele. Ons beleef Jesus. Nagmaal gebruik ons dikwels, sommer in ons kantoor, ons is nie meer gepla oor ‘n Paasnaweek nie. Dis mensgemaak. Ons doen dit soos Jesus ons geleer het: So dikwels as ons dit gebruik. Die nagmaal word nou ‘n heilige oomblik waar selfs Engele betrokke is.

            Ons leef in besliste afwagting op Jesus se Koms. Ons lees en bestudeer ons Bybels deur ‘n nuwe bril. Ons lewe in Christus is nou ‘n ware gebeurtenis, ‘n belewenis.  Ons is deurentyd bewus van Hom en die Engele. Wonderwerke is ‘n normale deel van ons lewe.  Ons harte gaan uit na sondaars.

            Ons berei ons voor as Bruid vir die grootste Huwelik en Bruilof ooit.

            Wat is ‘n mens se gemoed? Woon Jesus en die HG nou tussen jou longe, in jou hart? Om gemoed te beskryf moet mens dink aan wat alles met jou gebeur wanneer jy verlief is. Waar is die verliefdheid, waar is jou hartseer, sekerlik nie in jou fisiese hart nie. Dié klop onskuldig voort. Jou hele wese is so verlief dat jy haas normaal kan dink. Jy skryf liefdesbriefies, maar sukkel met die woorde. Dis ‘n ander dimensie.

            Die kerk era is wêreldwyd besig om te verdwyn. Die Evangelie gaan nou langs ander weë verkondig word:


Op die basis van Each-one-reach-one

Via Christelike boekwinkels

Via ‘n koerant en tydskrifte

Via huisgemeentes (dit paddastoel behoorlik oorsee en is reeds hier ook aan die uitbrei)

Via Christelike koffiewinkels en –restaurante

Via geestelike musiek,


Ons leer by Paulus: Ek het julle met lis gevang omdat ek slim was. 2 Kor:12:16 – Wekroep 

‘Die wat siele win, is wys’

“Die vrug van die regverdige is 'n boom van die lewe, en.” Spr 11:30



IN 2 Konings 5:1-27 vind ons die verhaal van Naaman. Naaman was ‘n groot en vername man. Hy was:


·       geëer deur sy meester,

·       geseën deur die Vader, en

·       beskou as ‘n man vol dapperheid



`           Een ding het egter teen hom getel. Hy was melaats en melaatsheid is:



·       ‘n soort sonde,

·       dit is vuil, afstootlik, grusaam,

·       dit skei mense en ly tot skeiding tussen gelowiges en die Vader, en

·       dit veroorsaak ‘n skeiding in die gemeenskap.



Daar is baie mense vandag wat as “goed” bestempel word, terwyl hulle eintlik nog sondaars is. Hulle is:



·       getroue kerkgangers,

·       betaal hul tiendes getrou,

·       doen baie vir die minderbevoorregtes,

·       hulle is goed, maar nie goed genoeg nie, en

·       hulle is vol geregtigheid, maar kort God se geregtigheid.



Die meisietjie wat gevange geneem was, het persoonlike berading gedoen. Sy:



·       kon gesê het “ek kan niks doen nie. Ek is ‘n gevangene”,

·       kon gesê het  “ek wens ek kan vir Jesus werk”,

·       kon gewonder het waarom sy nie ‘n roeping van die Vader ontvang het nie,

·       kon gesê het dat sy in verkeerde geselskap is,

·       kon gemeen het dat sy die verkeerde werk het,

·       kon gemeen het dat sy ‘n mislukking is weens haar omstandighede, en

·       nogtans het sy teenoor haar vyande getuig.



En dan vra mens jouself af: waar beweeg ek en wat doen ek in die omstandighede waarin ek myself bevind, want:



·       Is ons bereid om vir ‘n vyand te bid,

·       vir ‘n vyand die hande op te lê,

·       gehoorsaam te wees aan Jesus se opdrag om die Evangelie uit te dra,

·       te getuig in die omstandighede waarin ons, ons daagliks bevind, en

·       te getuig ten spyte van kerkverband en kultuurgrense?



Die meisietjie het haar taak getrou volvoer, Sy het:



·       veroorsaak dat ‘n hoofstuk in ‘n Bybelboek geskryf is,

·       sy het geweier om ontmoedig te word deur haar omstandighede,

·       sy het haar plig gedoen, alhoewel niemand toegekyk het nie,

·       sy het geweier om haarself te bejammer,

·       sy het geglo haar getuienis of taak sou beloon word,

·       sy het nie besef haar getuienis sou die ore van ‘n koning bereik nie,

·       sy het bewys dat ‘n mens se getuienis resultate oplewer, en

·       sy het geglo en ook gesien dat die Vader se Woord nie leeg terugkeer nie.



Naaman was die enigste melaatse wat in die land genees is:



·       maar, dit was nie die Vader se skuld dat ander nie ook vertel was nie,

·       die Vader se Wil was en is vandag nog, dat elke gelowige die meisietjie se voorbeeld sal navolg,

·       ander het dus nie hul lig laat skyn nie,

·       sommige het toegelaat dat omstandighede hul geestelike lewe oorheers,

·       baie meer mense kon genees gewees het, as meer gelowiges getuig het oor die Vader se wonderwerkende krag, en

·       vir sommiges was gesê dat siekte seëninge is.



Ongeestelike metodes is gebruik om genesing te bewerkstellig. Die koning van Sirië:



·       het ‘n amptelike brief aan die koning van Israel gestuur,

·       hy wou God aan tradisie vasbind,

·       hy het geld gestuur om Naaman se genesing te koop,

·       hy het boonop die verkeerde man gestuur,

·       hy het nie geweet dat die Geestelike dinge deur die Gees bewerkstellig word nie,

·       Sy hart was nie reg teenoor God nie (Handelinge 8:21), en

·       hy was in ‘n dal van bitterheid en in die bande van ongeregtigheid (Handelinge 8:23).



Naaman wou met alle mag sy genesing bekom:



·       hy het gedink Elisa sal sy hande op sy kop lê en hom genees,

·       hy het gedink hy kon vir sy genesing betaal,

·       hy wou sy genesing deur geregtigheid verdien, en

·       hy het gemeen sy naam en stand in die lewe verdien ‘n spesiale diens.



Naaman was baie teleurgesteld en word toe krities. Hy:



·       openbaar  ‘n kritiese gees,

·       dat hy nie die aangename man is wat so baie mense gedink het hy is nie,

·       hy het gemeen dat hy mishandel was, dat daar teen hom gediskrimineer is,

·       hy het heelwaarskynlik ook gemeen Elisa se optrede het hom van kosbare werkstyd beroof, en

·       Naaman was gewoond daaraan om voorkeur te geniet want sy tyd was kosbaar.



Naaman sou heelwaarskynlik voor sy tyd gesterf het, as hy nie betyds geleer het:



·       dat God nie altyd op die grondslag van tradisie werk nie,

·       dat God bereid was om Hom op ‘n besondere manier te genees, en

·       dat hy eers sy hart met God moes regkry.



Naaman het eers sy genesing gekry:



·       toe hy besef dit baat nie om op sy eie werke en geregtigheid te steun nie,

·       toe hy besef dat hy op God moet vertrou en nie op sy eie goeie naam nie,

·       toe hy besef dat dit God se krag was wat die werk moes doen en dat hy niks in eie krag kan vermag nie,

·       toe hy besef dat God hom nie om sy goeie werke, reputasie, goeie naam of roem nie, en

·       toe hy besef dat kinderlike geloof hom sou deurdra.



Wanneer ons kyk na die maniere waarop mense in Bybelse tye genees is, dan vind ons:



·       dat 90% sonder handoplegging genees is,

·       dat 95% sonder aanwending van olie genees is,

·       dat hulle sonder lang gebede genees is, en in die meeste gevalle onmiddellik,

·       dat tradisie en rituele vebreek is,

·       dat genesing gekom het op maniere wat die mense dit hoegenaamd nie verwag het nie, en

·       die Gees van God was nooit deur ‘n besondere metode of patroon gebind nie.



Soms moet meer as een gawe in werking tree om genesing te bewerkstellig:



·       ‘n bediener van die Woord het soms die gawe van wysheid nodig om die gawe van kennis te kan toepas,

·       die gawe van geloof moet eers in werking wees voordat die gawe van gesondmaking in werking kan tree,

·       Petrus had die gawe van onderskeiding in die geval van die towenaar Simon, wat genesing verlang het,

·       in Naaman se geval het Elisha die woord of gawe van onderskeiding en wysheid openbaar, en

·       Naaman kon ook net genees word as hy gehoorsaam was.



Elisha was gehoorsaam aan die Stem van God. Hy het geweet:



·       Dat as Naaman ses keer in die rivier sou doop, hy nie sou genees nie. Dit moes sewe keer gedoen word,

·       Dat as Naaman sewe keer in ‘n ander rivier homself gaan doop het, hy ook nie sou genees nie,

·       God se Wil is nie die van die mens nie. Die mens wik, maar inderdaad, God beskik,

·       volle gehoorsaamheid was al wat Naaman kon genees, en

·       Naaman se trots moes eers in nederigheid omskep word voordat hy genees kon word.



God kyk in die mens se hart. God het geweet:



·       Dat hy wat God is, nie die eer sou kry as Elisha sy hande op Naaman gelê het nie,

·       Baie mense sal sou ewe maklik na ‘n toordokter as na ‘n bedienaar van die Woord gaan,

·       Naaman moes op die genade van God, en nie die genade van die mens vertrou nie,

·       God sal nooit die eer wat Hom toekom met ‘n ander deel nie,

·       Naaman wou genees word soos dit met ander mense gebeur, en

·       dit kos meestal meer as net die vra om gebedsgenesing om genesing te verkry, en

·       God is alwys.



Mense wat Naaman se optrede openbaar, beweeg op die vleeslike in plaas van die geestelike vlak:



·       met die verstand probeer hulle Goddelike genesing en God se wonderwerkende krag uitwerk,

·       hulle sou redeneer dat as water kan red en genees, dan kan ek dit in my eie kerk laat doen,

·       hulle wil hulself leer hoe om die dinge van God te gebruik,

·       hulle wil hul eie kerk se norme en rituele handhaaf, eerder as die van die Vader,

·       hulle beweer hulle moet in olie, handoplegging, ens. Glo,

·       hulle moet agter genesingsdienste of ‘n genesingsdoekie aangaan, en

·       hulle meen hulle moet hul eie pad  deurwerk op en eie meriete staatmaak.



Hoe sal ons dan weet wat die Vader se wil vir ons is?

Wel, dis eintlik maklik. Vertrou op die Vader vir die antwoord en kort voor lank sal mens weet dat jy weet!

Soos ‘n skip wat ‘n hawe in ‘n donker nag moet binnevaar, so sal al die liggies aankom en mens sal weet dat jy weet dat jy in Sy wil is.

Ons eie denke moet ons uit die pad uitkry, ons sake met die Vader en met ons naaste in orde kry en die Vader vertrou. Hy is en bly ‘n waarmaker van Sy Woord.



Naaman het sy volmaakte genesing ontvang toe hy ontdek dat:



·       hy eers soos ‘n kind moet word,

·       dat hy gehoorsaam moet wees en wel in die betrokke rivier nie meer en nie minder nie as sewe keer homself moes doop,

·       toe hy insien dat hy nie genesing kon koop nie, hy kon dit nie verdien nie, nie daarvoor werk nie, hy kon dit ook nie op meriete bekom nie,

·       toe hy insien dat hy hulpeloos voor God staan,

·       toe hy soos ‘n kind die eenvoudige dinge begin glo en aanvaar,

·       toe hy insien dat God  sy medewerkers gebruik om aan ander opdragte te gee, en

·       dat mens nie God se weë met die verstand beredeneer nie.



Mense wat genesing vir hul gees en liggaam verlang, moet besef dat:



·       God is almagtig en baie groter as ‘n genesingsdiens,

·       God se hande baie verder ryk as die van ‘n prediker,

·       God kan duisend mense net so maklik soos een mens genees, en

·       Mense moenie wag om elkeen afsonderlik voor gebid te word nie. – Wekroep

Bemoedig en versterk jouself

Dawid en sy mense het pas wreed onder die hande van die vyand deurgeloop... ”Toe Dawid met sy manne die stad inkom, lê dit daar met vuur verbrand, en hulle vroue en hulle seuns en hulle dogters was as gevangenes weggevoer.

            “Daarop het Dawid en die manskappe wat by hom was, hulle stem verhef en geween totdat daar geen krag meer in hulle was om te ween nie.

            “Ook Dawid se twee vroue, Ahínoam uit Jísreël, en Abígail, die vrou van Nabal, die Karmeliet, was as gevangenes weggevoer.

            “En Dawid het dit baie benoud gehad, want die manskappe het gepraat om hom te stenig; want die siel van al die manskappe was verbitterd, elkeen oor sy seuns en sy dogters; maar ... Dawid het homself versterk in die HERE sy God.” 1 Sam 30:3-6

            Hy en sy manskappe was erg geskok. Hulle stad is ‘n puinhoop, hulle diere en vroue en kinders is ontvoer. Hulle ween totdat hulle nie meer krag het om te ween nie.

            Hoeveel van ons was nie al by daardie ontsettende laagtepunt in ons lewens nie! Boonop dreig Dawid se eie manne om hom te stenig want hulle meen Dawid was onverantwoordelik om die stad onbewaak te gelaat het.

            Dan leer Dawid ons ‘n les van wysheid... Hy bemoedig en versterk homself in die HERE.

Hy kom tot bedaring – emosie is ‘n erge vyand – hy beoefen geloof in sy God en hy bemoedig en versterk homself in die krag en voorsienigheid van sy God, in God se beloftes en Sy getrouheid om Sy beloftes in stand te hou...

            Verder is daar sy verbond met God, hy onthou ook God se genade, Sy goedheid en guns, hy dink aan al sy vorige ondervindinge met God en hy glo God sal aan hom ‘n openbaring gee.

            In ons geval vandag sou ons as bemoediging en versterking dalk Efes 6:10 gebruik: “Eindelik, my broeders, word kragtig in die HERE en in die krag van sy sterkte.”

            En ook 2 Tim 2:1 “2:1 Jy dan, my seun, wees sterk deur die genade wat in Christus Jesus is.” Asook vele ander strofes.

            Baie Gelowiges doen elke dag Bybelstudie en het altyd hul notaboek en pen byderhand. Hulle bemoedig en versterk hulself maklik en gou uit die Woord deur hulle aantekeninge.

            Ja, jy kan die predikant of ‘n ander Gelowige bel in die hoop van simpatie en bemoediging, en as jy hulle nie in die hande kry nie is jy gou op moedverloor se vlakte.

            Doen wat Dawid gedoen het... versterk en bemoedig jou uit God se Woord. Die Woord staan vas en is vir Ewig.

            En dan is daar Habakuk... onheil dreig. Pleks van vrees en in benoudheid oral raad soek, trap hy vas en sê: “Alhoewel die vyeboom nie sal bloei en aan die wingerdstokke geen vrug sal wees nie, die drag van die olyfboom sal teleurstel en die saailande geen voedsel oplewer nie, die kleinvee uit die kraal verdwyn en geen beeste in die stalle sal wees nie – nogtans sal ek jubel in die HERE, ek sal juig in die God van my heil.

            Hoekom? “Die HERE HERE is my sterkte, en Hy maak my voete soos dié van herte, en Hy laat my tree op my hoogtes. Vir die musiekleier op snaarinstrumente.” Hak 3:17-19

            Ook hy bemoedig homself uit God se optredes in die verlede en Habakuk besef: As alles weg is, is God nie weg nie. Hy besef mens sal nie van brood alleen leef nie, maar van God se Genade en barmhartigheid.

            Die dag kom dat die Messias ons kom haal en dan tel aardse besittings in elk geval niks. Net die geestelike en die Ewigheid sal die deurslag gee. Ons sal wees waar Jesus is.

            Ons gaan al hoe meer moeilike tye beleef. Bemoedig en versterk jouself uit God se Woord, uit Sy Verbond met ons en Sy Beloftes.

            “Spreek onder mekaar met psalms en lofsange en geestelike liedere; en sing en psalmsing in julle hart tot eer van die Here, terwyl julle God die Vader altyd vir alles dank in die Naam van onse Here Jesus Christus, en aan mekaar onderdanig is in die vrees in eerbied teenoor God) van God.” Efes 5:19-21

Luister, ons burgerskap is in die Hemel. Fil 3:20. Geestelik is ons reeds daar... Maar God, wat ryk is in barmhartigheid, het ons deur sy grote liefde waarmee Hy ons liefgehad het,  ook toe ons dood was deur die misdade, lewend gemaak saam met Christus – uit genade is julle gered – en saam opgewek en (let op) saam laat sit in die Hemele in Christus Jesus.” Efes 2: 4-6

Moenie op hierdie aarde bymekaarmaak nie. Dis alles onnodige bagasie. Wees nie aardsgebonde nie. - Wekroep



Dawid en sy mense het pas wreed onder die hande van die vyand deurgeloop... ”Toe Dawid met sy manne die stad inkom, lê dit daar met vuur verbrand, en hulle vroue en hulle seuns en hulle dogters was as gevangenes weggevoer.

            “Daarop het Dawid en die manskappe wat by hom was, hulle stem verhef en geween totdat daar geen krag meer in hulle was om te ween nie.

            “Ook Dawid se twee vroue, Ahínoam uit Jísreël, en Abígail, die vrou van Nabal, die Karmeliet, was as gevangenes weggevoer.

            “En Dawid het dit baie benoud gehad, want die manskappe het gepraat om hom te stenig; want die siel van al die manskappe was verbitterd, elkeen oor sy seuns en sy dogters; maar ... Dawid het homself versterk in die HERE sy God.” 1 Sam 30:3-6

            Hy en sy manskappe was erg geskok. Hulle stad is ‘n puinhoop, hulle diere en vroue en kinders is ontvoer. Hulle ween totdat hulle nie meer krag het om te ween nie.

            Hoeveel van ons was nie al by daardie ontsettende laagtepunt in ons lewens nie! Boonop dreig Dawid se eie manne om hom te stenig want hulle meen Dawid was onverantwoordelik om die stad onbewaak te gelaat het.

            Dan leer Dawid ons ‘n les van wysheid... Hy bemoedig en versterk homself in die HERE.

Hy kom tot bedaring – emosie is ‘n erge vyand – hy beoefen geloof in sy God en hy bemoedig en versterk homself in die krag en voorsienigheid van sy God, in God se beloftes en Sy getrouheid om Sy beloftes in stand te hou...

            Verder is daar sy verbond met God, hy onthou ook God se genade, Sy goedheid en guns, hy dink aan al sy vorige ondervindinge met God en hy glo God sal aan hom ‘n openbaring gee.

            In ons geval vandag sou ons as bemoediging en versterking dalk Efes 6:10 gebruik: “Eindelik, my broeders, word kragtig in die HERE en in die krag van sy sterkte.”

            En ook 2 Tim 2:1 “2:1 Jy dan, my seun, wees sterk deur die genade wat in Christus Jesus is.” Asook vele ander strofes.

            Baie Gelowiges doen elke dag Bybelstudie en het altyd hul notaboek en pen byderhand. Hulle bemoedig en versterk hulself maklik en gou uit die Woord deur hulle aantekeninge.

            Ja, jy kan die predikant of ‘n ander Gelowige bel in die hoop van simpatie en bemoediging, en as jy hulle nie in die hande kry nie is jy gou op moedverloor se vlakte.

            Doen wat Dawid gedoen het... versterk en bemoedig jou uit God se Woord. Die Woord staan vas en is vir Ewig.

            En dan is daar Habakuk... onheil dreig. Pleks van vrees en in benoudheid oral raad soek, trap hy vas en sê: “Alhoewel die vyeboom nie sal bloei en aan die wingerdstokke geen vrug sal wees nie, die drag van die olyfboom sal teleurstel en die saailande geen voedsel oplewer nie, die kleinvee uit die kraal verdwyn en geen beeste in die stalle sal wees nie – nogtans sal ek jubel in die HERE, ek sal juig in die God van my heil.

            Hoekom? “Die HERE HERE is my sterkte, en Hy maak my voete soos dié van herte, en Hy laat my tree op my hoogtes. Vir die musiekleier op snaarinstrumente.” Hak 3:17-19

            Ook hy bemoedig homself uit God se optredes in die verlede en Habakuk besef: As alles weg is, is God nie weg nie. Hy besef mens sal nie van brood alleen leef nie, maar van God se Genade en barmhartigheid.

            Die dag kom dat die Messias ons kom haal en dan tel aardse besittings in elk geval niks. Net die geestelike en die Ewigheid sal die deurslag gee. Ons sal wees waar Jesus is.

            Ons gaan al hoe meer moeilike tye beleef. Bemoedig en versterk jouself uit God se Woord, uit Sy Verbond met ons en Sy Beloftes.

            “Spreek onder mekaar met psalms en lofsange en geestelike liedere; en sing en psalmsing in julle hart tot eer van die Here, terwyl julle God die Vader altyd vir alles dank in die Naam van onse Here Jesus Christus, en aan mekaar onderdanig is in die vrees in eerbied teenoor God) van God.” Efes 5:19-21

Luister, ons burgerskap is in die Hemel. Fil 3:20. Geestelik is ons reeds daar... Maar God, wat ryk is in barmhartigheid, het ons deur sy grote liefde waarmee Hy ons liefgehad het,  ook toe ons dood was deur die misdade, lewend gemaak saam met Christus – uit genade is julle gered – en saam opgewek en (let op) saam laat sit in die Hemele in Christus Jesus.” Efes 2: 4-6

Moenie op hierdie aarde bymekaarmaak nie. Dis alles onnodige bagasie. Wees nie aardsgebonde nie. - Wekroep

Die Liefde moet heers

Petrus waarsku: “En die einde van alle dinge is naby; wees dan ingetoë en nugter (hoekom?), om te kan bid.” 1 Pet 4:7

            Dit sê Petrus 2 000 jaar gelede, maar hy besef daar gaan ‘n tydsverloop plaasvind en voeg by: “Maar laat hierdie een ding julle nie ontgaan nie, geliefdes, dat een dag by die HERE soos duisend jaar is en duisend jaar soos een dag.

            “Die HERE vertraag nie die belofte soos sommige dit vertraging ag nie, maar Hy is lankmoedig oor ons en wil nie hê dat sommige moet vergaan nie, maar dat almal tot bekering moet kom.”
2 Pet 3: 8-9

            Petrus sê ook dat ons hierdie tydsgaping soos volg moet vul: “Maar bo alles moet julle mekaar vurig liefhê, want die liefde sal 'n menigte sondes bedek.

            “Wees gasvry jeens mekaar sonder om te murmureer.

“Namate elkeen 'n genadegawe ontvang het, moet julle mekaar daarmee dien soos goeie bedienaars van die veelvuldige genade van God.

“As iemand spreek, laat dit wees soos woorde van God; as iemand dien, laat dit wees soos uit die krag wat God verleen, sodat God in alles verheerlik kan word deur Jesus Christus, aan wie die heerlikheid en krag toekom tot in alle Ewigheid. Amen.” 1 Pet 4:8-11

            Ons sien hoe Eindtydse gebeure reg oor die wêreld afspeel. Ons weet wat aangaan, maar die  wêreld raak benoud.                                                 

            Die Jode is bv. terug in Jerusalem en die rebelle nasies van die wêreld maak gereed vir oorlog teen die Jode.  Alles wat geprofiteer is, gaan in vervulling.

            Ons is in die eindvak van dit wat Petrus na verwys het. Maar let tog op na hoe ons hierdie interim tydvak moet optree.

            Laat die Liefde heers. – Wekroep

        

Ons soek na traktaatjies

Die Clyderivier is ‘n groot en belangrike handels- en skeepsbou roete  in Brittanje en is sowat 180km lank.

Op een van die Clyderivier se vakansiebote staan ‘n man traktaatjies en uitdeel, vertel “A Message of God.” `n Man van Glasgow neem `n traktaatjie en merk op: “Ek is nie gekant teen hierdie soort ding wat jy nou doen nie, maar ek is bevrees dit rig nie veel goeds uit nie. In my jonger dae het ek dit ook gedoen, maar ek het nooit enige vrug op my pogings gesien nie.”

Die jongman word effens moedeloos, want die man wat met hom praat, lyk na ‘n ordentlike man wat moontlik self ‘n Gelowige is.

Hy trek sy skouers op, glimlag verleë, en sê: “Ek het deur die lees van ‘n traktaatjie tot bekering gekom.”

Die man van Glasgow stel dadelik belang. Hy bly staan en vra die jongman verder uit.

            Die jongman vertel hom hy was 12 jaar oud, toe hy een wintersaand by ‘n sendingsaal verbystap. Buite staan ‘n man om mense in te nooi om die diens by te woon en vir elkeen gee hy ‘n traktaatjie. Hy neem die traktaatjie en gaan in om na die preek te luister. Die preek ontstel hom en maak hom bekommerd oor sy siel.

Tuisgekom, lees hy die traktaatjie. Dit was ‘n duidelike stap vir stap beskrywing van hoe ‘n mens met jou sondebesef by Christus as Verlosser kan uitkom.

Hy het daar in sy kamer by sy bed gekniel en Jesus as sy Verlosser aangeneem. Daardie aand, vertel die jongman vir die Glasgowman  het hy die Messias gevind en leef nou vir Hom en daarom, in sy vrye tyd deel hy traktaatjies uit sodat ander ook, soos hy, gered kan word.

“Waar het dit alles gebeur?” vra die Glasgowman. Die jongman noem die straat en sendingsaal se naam en ook wanneer dit alles gebeur het.

Die man raak bewoë, vee oor sy oë en gryp die jongman se hand. “Toe ek ‘n jong Christen was, was dit my werk om by daardie saal se deur te staan, mense in te nooi en traktaatjies uit te deel.

“Weet jy, ek dink ek onthou jou. Ek het met jou gepraat en jy het die traktaatjie geneem, bietjie geweifel en toe in die saal binnegegaan.

“Maar ek het intussen moed opgegee. En nou, na byna 20 jaar, wys die HERE vir my dit was nie tevergeefs nie! As God my lewe spaar, gaan ek my ontrouheid bely en weer vir Hom begin werk.”

Vraag is: Hoeveel meer mense kon nie gered gewees het as die man aangehou het om traktaatjies uit te deel nie? Ons durf nooit opgee nie want sy Woord is lewendig en Hy belowe Sy woord sal nooit leeg terugkeer nie.

Traktaatjies het feitlik uitgesterf, maar daar  is deesdae opnuut navraag daarna. Kyk tog asseblief in julle boekrakke, laaie, kaste, of julle nie nog van vervloë dae se Afrikaanse traktaatjies daar vind nie en stuur dit asseblief aan ons. – Wekroep

“Laat daar lig wees!”

...en toe was daar lig. Gen 1:3

“En Jesus het weer met hulle gespreek en gesê: Ek is die lig van die wêreld; wie My volg, sal sekerlik nie in die duisternis wandel nie, maar sal die lig van die lewe hê.”
John 8:12

            God het nie die duisternis vervloek, gebind of bestraf nie. Hy het die Lig gebied en dit het die duisternis verdryf.

            Christene is geneig om met groot bohaai geestelik oorlog te voer en dan hoor mens van bind en vervloek, bestraf en uitdryf. Hoekom nie net Lig spreek nie? Ons het die gesag om Lig te spreek oral waar ons kom en in wie ook al se lewe of huishouding. So wen ons ‘n oorlog sonder om te veg.

            Om Lig te kan spreek moet ons (genoeg) olie in ons lampe hê! Met te min olie trap ons dieselfde stel af as die dwase lampdraers.

            Ons wag op die Bruidegom se koms. Het ons (genoeg) olie in ons lampe? Leef ons paraat en in afwagting?

            Kennis en wysheid uit die Woord bring die olie, so ook jou persoonlike wandel met Jesus, so ook jou liefde teenoor almal rondom jou.

“Maar as ons in die lig wandel soos Hy in die lig is, dan het ons gemeenskap met mekaar; en die bloed van Jesus Christus, sy Seun, reinig ons van alle sonde.” 1 Joh 1:7

            Eers het Jesus gesê Hy is die lig, maar toe Sy volgelinge begin aanwas, sê Hy: “Julle (ek en jy) is die lig van die wêreld.”

En Hy verduidelik: “'n Stad wat bo-op 'n berg lê, kan nie weggesteek word nie.”

En voeg Hy by: “...en 'n mens steek ook nie 'n lamp op en sit dit onder die maatemmer nie, maar op die staander, en dit skyn vir almal wat in die huis is.

Let  op: “Laat julle lig só skyn voor die mense, (hoekom?) dat hulle julle goeie werke kan sien en julle Vader wat in die Hemele is, verheerlik.” Matt 5:14-16

            Hoeveel van jou lig is onder ‘n emmer versteek?  Mens moet vra... “Want daar is niks verborge wat nie openbaar sal word nie, en daar is niks weggesteek nie of dit moet in die lig kom.” Mark 4:22.

            Komaan, spreek Lig. Wees Lig. Met genoeg Lig kan geen onheil teen jou of in jou teenwoordigheid standhou nie.

            En dink weer mooi na om ten duurste predikers te nooi om julle gemeente te help bou.  Spreek Lig: Lig binne die gemeente en lig buite die gemeente ook in die woonbuurte. Wees Lig en spreek lig en daar sal Lig wees.

Hier is nog groter perspektief: “Ek is die wynstok, julle die lote. Wie in My bly, en Ek in hom, hy dra veel vrug; want sonder My kan julle niks doen nie.

En dan, baie, baie belangrik: “As iemand in My nie bly nie, word hy uitgewerp soos die loot en verdroog, en hulle maak dit bymekaar en gooi dit in die vuur, en dit verbrand.” Joh 15:5-6

Komaan, spreek Lig, daar’s ‘n oes om in te bring: – Wekroep

Kom, staan saam met Jesus op uit die graf

Waarheen is Jesus toe hy op Golgota aan die kruis gesterf het? Let op: “Want Christus het ook eenmaal vir die sondes gely, Hy die Regverdige vir die onregverdiges, om ons tot God te bring – Hy wat wel gedood is na die vlees, maar lewend gemaak deur die Gees; (en nou) in wie (die Gees) Hy ook heengegaan en gepreek het vir die geeste in die gevangenis.

Wie was hierdie geeste? “Hulle wat eertyds ongehoorsaam was toe die lankmoedigheid van God een maal gewag het in die dae van Noag, onderwyl die ark gereed gemaak is, waarin weinig, dit is agt, siele deur water heen gered is.”

          Die siele in die gevangenis was die ongereddes wat al in die dae van Noag nie die HERE wou volg nie en lank reeds in die Doderyk was.

Die regverdige God het die Evangelie wat my en jou gered het, ook aan daardie mense in die Doderyk gaan gee sodat hulle ook geleentheid kon kry om weens die bloed van Jesus, gered te kon word.

Vandag het ons die Nagmaal waar die brood ons herinner aan Jesus se gestorwe liggaam en die wyn aan Sy bloed.

Ons het egter ook die doop: “Waarvan die teëbeeld, die doop, ons nou ook red, nie as 'n aflegging van die vuilheid van die vlees nie, maar as 'n bede tot God om 'n goeie gewete – deur die opstanding van Jesus Christus.”

Die doop en die wyn en brood kan ons nie red nie, maar is teëbeelde van wat gebeur het. Die doop is die teëbeeld van die begrafnis. Ons word begrawe en staan saam met Jesus op uit die graf.

Die volgende is ons letterlike heengaan na die Hemel: “Wat heengegaan het na die Hemel en aan die regterhand van God is, terwyl Engele en magte en kragte aan Hom onderwerp is. “ 1 Pet 3:18-22. Ons wag met reikhalsende verlange op Sy terugkeer.

          Twee strofes wat die doop as teëbeeld van die Sy begrafnis en opstanding weergee, is: Kol 2:12 “Omdat julle saam met Hom begrawe is in die doop, waarin julle ook saam opgewek is deur die geloof in die werking van God wat Hom uit die dode opgewek het.”

          Asook Rom. 6:3-6 “Of weet julle nie dat ons almal wat in Christus Jesus gedoop is, in sy dood gedoop is nie?

          “Ons is dus saam met Hom begrawe deur die doop in die dood, sodat net soos Christus uit die dode opgewek is deur die heerlikheid van die Vader, ons ook so in 'n nuwe lewe kan wandel.

“Want as ons met Hom saamgegroei het deur die gelykvormigheid aan sy dood, sal ons dit tog ook wees deur dié aan Sy Opstanding;

“aangesien ons dit weet dat ons oue mens saam gekruisig is, sodat die liggaam van die sonde tot niet gemaak sou word en ons nie meer die sonde sou dien nie.”

Die Nagmaal gebruik ons by herhaling want dit is so voorgeskryf. Die doop pas ons net eenmalig toe. Die brood en die wyn het op Jesus betrekking, maar die opstanding het op my en jou betrekking.

“Net so ook die beker ná die ete, met die woorde: Hierdie beker is die Nuwe Testament in my bloed; doen dit, so (let op) dikwels as julle daaruit drink, tot my gedagtenis.

“Want so (let op) dikwels as julle hierdie brood eet en hierdie beker drink, verkondig julle die dood van die Messias totdat Hy kom.” 1 Kor 11:25-26

          Ons word egter nie “dikwels” gedoop nie want ons het opgestaan nadat ons die ou “ek” begrawe het. Dis ‘n triomfantelike oomblik!

          Christus leef en die Wedergeborenes leef en ons leef om Christus se werk op aarde voort te sit en die getal vol te maak. Die Messias is nie meer op die kruis of in die graf nie, maar sit as majesteit op sy Troon in die Hemel.

          Daar word te min gefokus op die Opstanding. Ons het hopeloos te min liedere daaroor. Dis ‘n triomfantelike gebeurtenis... self die Engele in die Hemel jubel.

          “As julle dan (let op) saam met Christus opgewek is, soek die dinge daarbo waar Christus is en aan die regterhand van God sit.

          “Bedink die dinge wat daarbo is, nie wat op die aarde is nie.

          “Want julle het gesterwe, en julle lewe is saam met Christus verborge in God.

          “Wanneer Christus, wat ons lewe is, geopenbaar word, dan sal julle ook saam met Hom in heerlikheid geopenbaar word.” Kol 3:1-4 – Wekroep

Is Jesus in jou gemeente?

Die boemelaar sluip die kerk binne en gaan sit in ‘n leë bank agter in die kerk. Na ‘n ruk kom ‘n ouderling na hom toe ek sê: “Jy kan nie hier wees nie, jy ontstel die kerkgangers.”

            Boemelaar: “Ek sal nie steur nie, ek wil net luister.”

            Ouderling: “Jy moet liewer gaan.” En die boemelaar verlaat die kerkgebou.

            Voor die kerkgebou het hy in sy vodde op die trappies gaan sit en bitterlik begin huil. Toe vat ‘n sterk hand aan sy skouer.

            Hy kyk op en dis Jesus en Jesus sê vir hom: “Moenie so ontsteld wees nie. Ek probeer al vir baie jare in hierdie kerk inkom.”

            Dit was die rede waarom Eerw William Booth as predikant van die Metodistekerk bedank het om die Evangelie aan die boemelaars, die prostitute, die bedelaars, die mense met stukkende harte, en ander, in die strate te bring.

“Want so sê die Hoë en Verhewene wat in die ewigheid woon, Heilig is sy aam: Ek woon in die hoogte en in die Heilige plek en (waar nog?) by die verbryselde en nederige van gees (hoekom?), om te laat herlewe die gees van die nederiges en te laat herlewe die hart van die verbryseldes.” Jes 57:15

Booth het na jare se straatwerk die Heilsleër in 1865 gestig en dit bestaan vandag nog.

            Booth se begrafnis in 1912 in Londen, is bygewoon deur 250 000 van sy volgelinge.

Die 250 000 en honderde duisende meer is gered weens die werk van Booth se volgelinge. Hulle het gewerk op die basis van wyle ds Dawie Pyper  se strategie:” “Each One Reach One.”

Dis wat Wedergeborenes vandag nog moet doen: Elkeen moet ‘n volgende een bereik.

Hoeveel siele het jy al vir Jesus bereik?

“Waar twee of drie in my Naam vergader, daar is Ek in hul midde.” Matt 18:29

Is Jesus in jou gemeente. Beleef jy Sy aanwesigheid daar?

Hy wil graag daar wees. Verwelkom Hom in julle midde. –  Wekroep

Die verskil tussen ‘n Gelowige en ‘n Dissipel

Let op na Jesus se opdrag: “Gaan dan heen...

“maak Dissipels” van al die nasies,

en doop hulle in die Naam van die Vader en die Seun en die Heilige Gees;

en “leer hulle” om alles te onderhou wat Ek julle beveel het.” Matt 28:20

Jesus het gesê “maak” dissipels. Ons kan niemand Wedergebore maak nie. Dis die werk van God en die Heilige Gees, maar Dissipels moet “gemaak” word.

            Ons word gered en ons is Gelowiges, maar om ‘n Dissipel te word is ‘n proses, ‘n leerproses.

            Wie ken dit nie: “Want so lief het God die wêreld gehad, dat Hy sy eniggebore Seun gegee het, sodat elkeen wat in Hom glo, nie verlore mag gaan nie, maar die Ewige Lewe kan hê.” Joh 3:16. Nie “kan” hê nie, “sal” hê.         

            Die strofe praat met die Christen, die Gelowige. Om te weet en kerk toe te gaan, maak jou nie ‘n Gelowige nie. Jy moet “glo”

En jy moet Christus as Saligmaker aanneem. Dan begin die reis na Dissipelskap.

In die verhaal van die “Verlore Seun” kom die seun uiteindelik daar tussen die varke tot sy sinne en besef dat selfs sy vader se huurlinge is beter af as wat hy is en besluit hy sal terugkeer na syvader en aan sy vader sê: ”Vader, ek het gesondig teen die Hemel en voor u, en ek is nie meer werd om u seun genoem te word nie; (let op) ‘maak’ my soos een van u huurlinge.” Luk 15:19 

            Jesus sê: “Kom agter my aan, en Ek sal julle vissers van mense “maak”.

            Jesus sê aan die ryk jongman in Matt 19: “Gee jou rykdom aan die armes en volg my.” Die jongman se probleem was sy besittings het hom gehad. Niks verkeerd om miljoene in die bank te hê nie, maar as die miljoene jou het, het jy groot probleme.

            Gelowiges verwag altyd alle goedheid en guns van die HERE af, maar let nooit op wat die HERE van hulle verwag nie. As jy geluk soek, wees heilig en die geluk kom vanself. “Maar soek (let op) eers die Koninkryk van God en Sy geregtigheid, en al hierdie dinge sal vir julle (let op) bygevoeg word.” Matt 6:33

            Ons kan nie net verbruikers Christene wees nie. Geloof sonder die werke is dood. Jak 2:26. Om verstandelik te glo, bereik niks. Dis die geloof en die werke-aksie wat die antwoord oplewer. Geloof is dus 50% met die ander 50% die uitvoering daarvan.

            “Deur die geloof het Noag, toe hy 'n goddelike waarskuwing ontvang het met eerbiedige vrees die ark gereed gemaak.

Let op, die geloof en die aksies in Hebr 11: “Deur die geloof het Abraham, toe hy geroep is, gehoorsaam weggetrek na die plek wat hy as 'n erfenis sou ontvang; en hy het weggetrek sonder om te weet waar hy sou kom.

            “Deur die geloof het hy as vreemdeling gaan woon in die land van belofte soos in 'n vreemde land en in tente gewoon met Isak en Jakob, die mede-erfgename van dieselfde belofte. “

“Deur die geloof het Sara self ook krag ontvang om bevrug te word; en toe sy oor die leeftyd was, het sy gebaar, omdat sy Hom getrou geag het wat dit beloof het.”

            “Deur die geloof het Abraham, toe hy op die proef gestel is, Isak geoffer...

“Deur die geloof het Isak vir Jakob en Esau geseën met die oog op die toekoms.

“Deur die geloof het Jakob op sy sterfbed altwee die seuns van Josef geseën.

“Deur die geloof het Josef aan die einde van sy lewe melding gemaak van die uittog van die kinders van Israel en bevel gegee aangaande sy gebeente.

“Deur die geloof is Moses ná sy geboorte deur sy ouers drie maande lank weggesteek, omdat hulle gesien het dat die seuntjie mooi was; en hulle het nie die gebod van die koning gevrees nie.

“Deur die geloof het Moses, toe hy grootgeword het, geweier om die seun van Farao se dogter genoem te word.

“Deur die geloof het hy Egipte verlaat sonder om die toorn van die koning te vrees, want hy het volgehou soos een wat die Onsienlike sien.

“Deur die geloof het hy die pasga gehou en die besprenkeling van die bloed, sodat die verderwer hulle eersgeborenes nie sou aanraak nie.

“Deur die geloof het hulle die Rooi See deurgegaan soos oor droë grond, terwyl die Egiptenaars, toe hulle dit probeer, verdrink het.

“Deur die geloof het die mure van Jérigo geval nadat daar sewe dae lank omheen getrek was.

“Deur die geloof het Ragab, die hoer, nie saam met die ongehoorsames omgekom nie, omdat sy die spioene in vrede ontvang het.

“En wat sal ek nog meer sê? Want die tyd sal my ontbreek as ek van Gídeon, Barak en Simson en Jefta, Dawid en Samuel en die profete sou verhaal, wat deur die geloof koninkryke oorweldig het, geregtigheid uitgeoefen, beloftes verkry, bekke van leeus toegestop.”

            So kan jy alles van Jesus weet en glo, maar jou geloof word eers werklikheid wanneer jy Jesus as jou Saligmaker aanneem, later ‘n dissipel word en Hom dien.       

            Jy glo jy gaan op laerskool en later op hoërskool deurkom, maar as jy nie die werke by jou geloof voeg en getrou studeer nie, gaan daar niks van kom nie.

            Jy is ’n Gelowige, maar jy moet aksie daarby voeg en ‘n Dissipel word. Die Dissipel wil weet hoe hy of sy God kan behaag. Die Dissipel dien die HERE op die mees angeleë tye, ook wanneer dit swaar en moeilik is. ‘n Dissipel vra nie vrae nie, hy bring offers.

            Die dissipel leef nie meer van melkkos nie. “En ek, broeders (Gelowiges), kon met julle nie spreek soos met geestelike (Dissipels) mense nie, maar soos met vleeslike, soos met klein kinders in Christus.

“Ek het julle met melk gevoed, nie met vaste spys nie, want julle was nog nie daartoe in staat nie, en julle is nou nog nie daartoe in staat nie, omdat julle nog vleeslik is; want aangesien daar onder julle jaloersheid en twis en tweedrag is, is julle nie vleeslik nie en wandel julle nie na die mens nie?” 1 Kor 3:1-3

Die Dissipel het ‘n persoonlike verhouding met God. Hy is n leier. Hy is verantwoordelik. Hy stel God en die Godssaak altyd eerste. Hy is ‘n volwasse volgeling van Jesus. Gelowiges wil gesien word, Dissipels wil nie gesien word nie. “Want as ek die Evangelie verkondig, is dit vir my geen roem nie; want die dwang is my opgelê, en wee my as ek die Evangelie nie verkondig nie!

“Want as ek dit vrywillig doen, het ek loon; maar as ek dit onwillig doen, is 'n rentmeesterskap (moet ek rekenskap gee) aan my toevertrou.” 1 Kor 9:16-17.

As Koningskind is jou motief groter as dit wat jy doen! God kyk altyd na die motief van ons harte. Die Christen doen alles wat hy wil en verwag God moet hom seën. Die Dissipel wag en doen wat God van hom verlang want dan is hy beslis uit en uit geseënd. Die Dissipel soek eers die Koninkryk van God.

Die Dissipel sê: U wil geskied... in die Hemel, so ook op die aarde. “Want hoewel julle vanweë die tyd leraars (Dissipels) behoort te wees, het julle weer nodig dat 'n mens julle die eerste beginsels van die woorde van God moet leer, en julle het weer behoefte aan melk en nie aan vaste spys nie.

“Want elkeen wat melk gebruik, is onervare in die Woord van geregtigheid, omdat hy 'n kind is.

“Maar vaste spys is vir volwassenes, vir die wat geestesvermoëns besit deur die gewoonte geoefen, om goed van kwaad te onderskei.

Let op: “Daarom moet ons nie bly by die begin van die prediking aangaande Christus nie, maar na die volmaaktheid voortgaan sonder om weer die fondament te lê van die bekering uit dooie werke en van die geloof in God.” Hebr 5:12 - 6:1

Laat hierdie boodskap almal bemoedig en aanspoor om Dissipels te word sodat ook julle Dissipels kan maak. – Wekroep

Ons is wandelende Tabernakels

Die Wedergeboorte is ‘n Hemelse wonderwerk, ‘n geestelike gebeurtenis sonder weerga. Selfs die Engele in die Hemel Jubel van blydskap. Dawid het hom min gesteur aan wat mense oor hom dink. Hy wou altyd weet wat God van hom dink. So het hy ten spyte van foute, steeds nader aan God beweeg.

            Mens kom die eerste keer in ‘n Pinksterdiens. Die gelowiges sing en klap hande, ander met hulle hande in die lug, hulle harte en tonge jubel voor die HERE… en jy as vreemdeling staan daar soos ‘n strykplank… menssku.

            Maar as jy jou tone in jou skoene wikkel, is jy elk geval net so skuldig, so val maar liewer in, jou oë op Jesus gerig.

            Dawid se troon is die permanente troon wat Jesus op gaan sit. Dawid is ook van dieselfde bloedlyn as Jesus. Wat aanbidding betref, het God nie die tabernakel van Saul of die tabernakel  van Moses gebruik nie. God het die tabernakel van Dawid gebruik.

            Let op: “Daarna sal Ek terugkom en die vervalle hut van Dawid weer oprig, en wat daarvan verwoes is, sal Ek weer oprig en dit herstel, sodat die oorblyfsel van die mense die Here kan soek, en al die nasies oor wie my Naam uitgeroep is, spreek die HERE wat al hierdie dinge doen.” Hand 15:16-17

            In Jerusalem het Dawid ‘n tent gehad met die flappe omhoog. Die heidene kon die tabernakel daarbinne sien. Daar was net een offer van diere. Al die ander offers was lof en aanbidding.

            Toe Christus op Golgota sterf, is die voorhangsel in die tempel geskeur, nie een steen het op die ander bly staan weens die aardskudding wat gevolg het nie. Dit was die einde van die aardse tempel era.

            Wanneer iemand Wedergebore word vind die grootste wonderwerk ooit plaas. Christus en die Heilige Gees word daardie oomblik inwonend in my en jou wat beteken die Tabernakel is nou in ons. Ons is inderdaad Nuwe Skepsels.. 2 Kor 5:17 en Gesante van God. 2 Kor 5:20.

            Jesus het voor die Kruisiging vertel die aardse tempel gaan afgebreek en in drie dae herbou word. Die heropbouing is nog steeds aan die gang. Ons elkeen wat gered word se liggaam is nou die Tempel en binne die besonderse Tempel is die Tabernakel wat Christus en die Heilige Gees huisves.

            “En Salomo het 'n huis vir Hom gebou. Maar die Allerhoogste woon nie in tempels wat met hande gemaak is nie.” Hand 7:47

            “Kom na Hom toe, die Lewende Steen wat deur die mense wel verwerp is, maar by God uitverkore en kosbaar is; en laat julle ook soos lewende stene opbou, tot 'n geestelike huis, 'n heilige priesterdom (hoekom?), om geestelike offers te bring wat aan God welgevallig is deur Jesus Christus.” 2 Pet 2:4-5

            Ons is wandelende Tabernakels . Ons stig nie kerke nie, ons laat toe dat ons soos lewende boustene inmekaar gemessel word tot ‘n geestelike huis (volk). Natuurlik mag ons vir onsself groot genoeg geboue oprig om onderdak te kan aanbid, maar ons bou nie kerke nie. Ons is die Kerk.

            As individu is ons egter wandelende Tabernakels. Ons beweeg tussen mense en hulle leer Jesus as Verlosser ken weens ons gedragspatrone en bediening.

            Let op: “Julle is die lig van die wêreld. 'n Stad wat bo-op 'n berg lê, kan nie weggesteek word nie; EN 'n mens steek ook nie 'n lamp op en sit dit onder die maatemmer nie, maar op die staander, en dit skyn vir almal wat in die huis is.

            “Laat julle lig só skyn voor die mense, dat hulle julle goeie werke kan sien en julle Vader wat in die Hemele is, verheerlik.” Matt 5:14-16

            Wedergeboorte is ‘n buitengewone Goddelike geestelike wonderwerk. Jy is dan nie meer jy nie, jy is ‘n Nuwe Skepsel uit die hand van God, ‘n wandelende Tabernakel, ‘n pelgrim op pad na die Nuwe Jerusalem en jy kyk hoeveel mense jy langs die pad kan help en met jou saamneem.  – Wekroep

Ek sal offer wat U vra!

Ere sy die Lam van God!

Dit was middernag of daarna, die huis was stil, ons het almal geslaap, ek en my vrou en ons baba dogter, toe daar skielik ‘n verblindende lig in die kamer is. Die lig was soos brandende magnesium. Die helderheid onbeskrylik.

            Ek het in die lig gestaan met ons dogtertjie in my arms. Die HERE het duidelik tot my gespreek en gevra: Is ek bereid om my dogter aan hom te offer, dan neem Hy haar nou saam met Hom.

            Die lig was werklik oogverblindend Ek het was buite myself van skrik. My vrou het rustig voortgeslaap. Ek het besef ek beweeg in die Gees. Dit moet dieselfde lig wees wat vir Saulus op die pad na Damaskus in blindheid neergevel het.

            My antwoord was: “HERE wie is ek om aan U nee te sê. Ek sal nie eers waag om te soebat, HERE moenie my kind wegneem nie. As U haar wil neem, dan offer ek haar vrywilliglik.”

            Die volgende oomblik was die lig weg. Ek kon God nie sien nie, maar ek het Hom duidelik gehoor en ook myself in die gesprek met Hom gehoor.

            Die woonstel was dadelik weer in donker gehul. Ons dogtertjie het rustig geslaap en so ook my vrou. Ek daarenteen  het lank wakker gelê en besef, as God besluit Hy kom iemand haal, moet ons bereid wees om daardie persoon op te offer.  Ek het ook besef ons durf nie waag om iemand liewer te hê as vir Hom nie.

            Maar die gedagte dat ek byna nie meer ‘n kind gehad het nie, was tog ontstellend. Die skok was so geweldig dat ek die ander kinders net na hulle geboortes almal aan die HERE teruggegee het, net soos Hannah haar kind aan die HERE teruggegee het.

            Dit bring ons by Abraham wat sy wonderkind, Isak, moes gaan offer het. EK weet presies wat hy deurgemaak het. Hy het nie terug gepraat of enigsins teengestribbel nie. Hy het daardie oggend met die pakesel en met Isak na die berg begin stap.

            Abraham was ‘n ou man gewees. Isak was ‘n wonderwerk uit die hart van God... en nou wou God die kind terugneem. Woorde kan nie beskryf hoe jammer ek die arme Abraham gekry nie. Ek sou ook nie woorde gehad het om hom te troos nie.

            Die kruks van die twee verhale is eerbied en gehoorsaamheid.

            Daar is ‘n derde so ‘n verhaal... toe God die Vader sy seun Jesus geoffer het, en Jesus dit in gehoorsaamheid volbring het. En dit was juis vir my en vir jou gedoen sodat ons gered kon word.

            As jy dit nog nie gedoen het nie, offer jouself op aan God en neem Jesus aan as jou Verlosser. Offer daarna letterlik alles wat jy het, op aan Hom.  As jy geestelike hulp of gebed verlang. Stuur ‘n e-pos aan sjibbolet.buro@gmail.com

‘n Moedige Evangelis en Volgeling van die Messias in Israel

My naam is Jakob Damkani, en ek is in 1952 naby die See van Galilea gebore in ᾿n godsdienstige Joodse familie van die stam van Juda.

Deur die genade van God is ek in 1977 Wedergebore en eers daarna het ek my ware, godgegewe identiteit verstaan en ervaar wat dit werklik beteken om ᾿n ware Jood te wees.

Sedert die wonderlike dag van my Wedergeboorte het ek alles uit my verlede as verwerplik beskou. Deur die genade van die Here, en met Sy hulp, wil ek niks weet nie behalwe Hom wat gekruisig is, vir wie God uit die dood opgewek het.

            “Trumpet of Salvation to Israel is in 1984 as ᾿n evangelisasiebeweging gestig met die doel om Jeshua teen enige koste te verkondig aan die verlore skape van die huis van Israel. Deur God se genade en krag wat in ons werk, is ons nie skaam vir die Evangelie nie, en vrees ons ook geen weerstand teen die Evangelie nie, “want dit is ᾿n krag van God tot redding vir elkeen wat glo, eerste vir die Jood en ook vir die Griek.” Rom 1:16


Ons regering weet nie hoe om te definieer wie almal Jode genoem moet word nie. Ons wat uit die Gees van God gebore is, weet egter vir seker dat buiten Jeshua niemand regtig weet waaroor ware, Bybelse Judaïsme gaan nie.

            My roem is in die God van my vaders van wie alle seëninge kom. Alle heerlikheid, eer, lof en bewondering behoort net aan Hom, en Hy het in my die bereidwilligheid gewerk om my lewe af te lê. Net vir Hom alleen sal ek myself verloën, my kruis opneem, Hom navolg, en die vrees in die hart van die kerk in Israel verbreek.

Ek het nie te veel aan die gevare gedink wat aan Evangelisasie in Israel verbonde is nie. Ek weet dat God my geroep het om Hom te volg en die opgestane Here Jesus aan sy verbondsvolk te verkondig. Ek het net geweet dat ek dit moes doen, en was seker dat Hy my krag sou gee vir my diens aan Hom.

            Nadat ek na Israel teruggekeer het (ek was agt jaar lank in Amerika) het ek in my ouerhuis in Holon gewoon saam met my jonger suster, Carmella. My ander broers en susters was toe reeds getroud en het in hulle eie huise gewoon.

My geliefde moeder was 69 jaar oud en het nog steeds as skoonmaker in verskeie huise gewerk. Een nag is sy skielik Hemel terwyl sy gewerk het.

My geliefde pa wat vir meer as 50 jaar lank met my ma getroud was en agt kinders onder uiters moeilike omstandighede saam met haar grootgemaak het, het skielik sy vrou verloor vir wie hy baie lief was. Van daardie oomblik af was hy nie meer homself nie.

In sy gebrokenheid is hy skielik deur een of ander demoniese mag oorgeneem wat teen my te velde getrek het. Hy het begin om my te vloek en vir my ma se dood te beskuldig. Hy het ook die Here gelaster en gedreig om my Nuwe Testamente en ander boeke, asook evangeliese literatuur wat ek versprei het, te verbrand.

Na ᾿n paar lang weke waarin ek hierdie hewige aanvalle verduur het, het ek besluit om te trek. Ek het my pa se huis verlaat omdat ek nie langer sy godslastering en aanhoudende dreigemente om my boeke te verbrand, kon vat nie.

Ek het baie goed geweet dat dit nie my pa was wat gevloek en die Here se naam belaster het nie, maar Satan self wat my werk in Israel probeer stop het.

Al die aanvalle, geweld, aanrandings en bloedvergieting wat ek in die strate van Israel verduur het, het my nie gekeer om die Evangelie met andere te deel nie, en ek het met my hoë roeping voortgegaan, maar nou het die duiwel desperaat probeer om my te stop deur my ma se dood te gebruik, asook my pa se intense verbittering teenoor my.

Ek het nie teen vlees en bloed geveg nie, en al my gebede en vas het nie die toestand verander nie.

Ek het hierna in verskillende huise geslaap. Sekere broeders in die Here het my graag gehuisves; Ilan Zamir het my in hierdie tyd so geseën, asook my suster Frieda en andere.

Ek het aangehou om vir my liewe pa te bid en het hom dikwels in Holon besoek. Ek het besef dat hy baie probleme ervaar. My liefde vir hom, en ook my bekommernis oor hom, het toegeneem maar ek het nie geweet hoe om hom te help nie.

            In hierdie tyd het die Here op ᾿n wonderbaarlike manier aan my die geld voorsien om ᾿n huis te koop. Dit is in Jaffa geleë, slegs drie minute se stap van waar Petrus sy gesig gehad het.

Hierdie visioen het daartoe gelei dat Petrus vir die eerste keer die Evangelie aan nie-Jode gaan verkondig het – aan ᾿n man met die naam van Cornelius.

Dit was 2000 jaar gelede toe die apostels in verwondering was oor die bekering van heidene. Hoe is dit dat die situasie intussen omgekeer is, want nou is dit die kerk wat in verwondering is wanneer ᾿n Jood vir Jeshua aanneem?

            Van Jaffa af het die Evangelie na die heidenwêreld uitgegaan en nou, na 2000 jaar, wil die Here van Jaffa af die Evangelie na sy eie Joodse volk terugbring. Hierdie huis het ᾿n basis geword vir die ontwerp en voorbereiding van traktaatjies, boeke en video-kassette in Hebreeus, waarin Jeshua in sy Joodse verband voorgestel word deur van die Ou Testament af na die Nuwe te beweeg. Ons verskaf al ons gedrukte materiaal gratis aan die hele liggaam van Christus in Israel.

            Deur die genade van God het Trumpet of Salvation daarin geslaag om 200 000 kopieë van die boek Lama Davka Ani? (Why Me?) te druk en te versprei. Soos wat ons begroting dit toelaat, plaas ons artikels in Israel se nasionale koerante waarin Jeshua in sy Joodse verband vanuit die Ou Testament verkondig word. Die reaksie is oorweldigend; mense bel en skryf om vir Nuwe Testamente en ander materiaal aan te vra.

            Trumpet of Salvation to Israel is soos ᾿n spoorwegstasie; ᾿n groot aantal mense uit verskillende rigtings kom besoek ons om oor die Here te praat, en ook oor wat dit vir Jode beteken om in Jeshua te glo. Hier by Trumpet of Salvation maak ons seker dat voordat mense ᾿n oorgawe maak, hulle besef wat die kosteberekening vir ᾿n ware geloof is. Baie Israeli’s kom tot die geloof, en wat ᾿n voorreg is dit om hulle as dissipels te onderrig totdat hulle die druk deur hulle families en die breër samelewing kan weerstaan.

Daarna plaas ons hulle uit in die liggaam van ons Here ooreenkomstig hulle plekke van herkoms.

            Aan God al die eer! Aan Hom alleen behoort die heerlikheid! In elke gemeente in Israel is daar Israeli’s wat tot geloof gekom het as gevolg van die werk van Trumpet of Salvation to Israel. Glo jy dat as jy Wedergebore is jy ook ᾿n roeping het?

Dit is ons plig, geliefdes, om te reageer op die liefde van God wat ons van die kruis van sy Seun af roep. As jy net sal begin om Hom te volg en jou lewe te lei volgens die eise van Jeshua en sy koninkryk, sal jy die mees opwindende en kleurvolle lewe lei waarin geen trane, smarte of pyn jou daarvan sal weerhou om die Koning na te volg nie, want Hy het waarlik jou siel lief.

            Dink aan hierdie wonderlike waarheid: die Here het aan sy dissipels die opdrag gegee om die Evangelie tot aan die eindes van die aarde uit te dra. Noudat die Evangelie die vier hoeke van die aarde bereik het, bring God sy verbondsvolk soos droë bene na die Beloofde Land toe terug. Die Joodse volk is nog steeds dood in hulle sondes en God is besig om hulle, soos in die tyd van die rigters, in ᾿n hoek te dryf.

Hierdie keer doen Hy dit egter nie deur middel van die Ammoniete, Edomiete of Moabiete nie, maar deur hulle Moslem bure. In werklikheid is die hele wêreld teen Israel, hulle voel verstote, moedeloos en is besig om hoop te verloor.

Israel kom aan die einde van hulleself, en dit mag wees dat God nie nou vir Gideon, Debóra of Simson as segspersone gebruik nie, maar lede van nie-Joodse nasies wat die opdrag het om Israel jaloers te maak.

                        Dit lyk of Israel as ᾿n volk altyd by ᾿n kruispad te staan kom. Solank as wat hulle aanhou om hulle rug op Jeshua te keer, sal hulle aanhou om in die verkeerde rigting te draai. God het nie meer vir Moses, Samuel, Jeremia, Paulus, Petrus of Johannes om sy werk op aarde te doen nie, maar Hy het vir jou, wat deur sy Gees gebore is, wie of waar jy ook al mag wees.

            Vir meer as 20 jaar het die Here Trumpet of Salvation to Israel gebruik om Joodse en nie-Joodse gelowiges op te lei, te bemoedig uit te daag en te mobiliseer om die Joodse Evangelie op ᾿n Joodse manier aan Jode te verkondig.

Deur God se genade maak ons dissipels van baie Israeli’s wat tot  die geloof gekom het, leer hulle die basiese beginsels van hulle nuutgevonde geloof en bevestig hulle in die waarheid van God.

Ons help hulle om te verstaan dat hulle lewe nou oor God en sy koninkryk moet gaan. Ons bemoedig hulle en help hulle om teenkanting deur hulle families, en ook deur die godsdienstig ortodokse Jode, te kan weerstaan. Ons help hulle om ᾿n Messiaanse gemeente te vind waarby hulle maklik kan inskakel, en lewer so ᾿n bydrae om die Messiaanse Joodse gemeenskap in Israel op te bou.

         

·       Vir nuusbriewe en meer inligting oor, tree met hulle in verbinding by: trumpsal@netvision.net.il

Die wandel saam met God

Loof en Prys Hom! 

Die HERE God JAWEH moet die belangrikste persoon in elke Gelowige se persoonlike lewe en huis wees. Jou hele dag moet om Hom draai... in alles wat jy doen en elke besluit wat jy neem.

As ons voortdurend seëninge uit die hand van die HERE wil ontvang dan moet ons voortdurend erkenning aan Hom gee. Herinner jou siel daaraan om God te aanbid, te loof en Sy naam groot te maak.

Memoriseer Ps 103. Die “o” soos in “O my siel” is eintlik ‘n uitroepteken en moet dus harder uitgespreek word.

            Hy vergewe ons, genees ons, Hy’t ons vrygekoop, Hy bekroon ons, gee aan ons vrede... sodat ons jeug hernuwe kan word.

            Ons moet die HERE meer aanbid, Sy naam groot maak... ere sy die Lam van God tot aan die hoogste Hemele!

            Hy het Sy ALLES vir ons gegee, dis tyd dat ons ook ons ALLES vir hom moet gee. Hy gee aan ons liefde, genade, goedheid en guns.

            Ps 103, wat ook bekendstaan as die Berg Everest van Psalms, word wêreldwyd die meeste aangewend om God te loof. Gelowiges as enkelinge of as groepe sing die Psalm en meesal op eie geskepte wysies. Luister hierna:

https://video.search.yahoo.com/search/video?fr=yhs-invalid&p=psalm+103#id=50&vid=a00d4f66d07dfaab1ac17247e9dc5357&action=view

            Sommige sing dit biddend, ander sing dit triomfantelik soos ‘n oorwinningslied. Ander lees dit hardop met musiek van hul eie keuse in die agtergrond. Hulle memoriseer dit en sing dit oral.... in die huis, by die werk, in die motor, by die viswaters. God is oral so hulle sing dit oral.

            Daar is ‘n vertaling wat lees: “Ek wil die HERE loof.” Die korrekte is “Loof die HERE...”

Ps 103 – 'n Psalm van Dawid

1. Loof die HERE, o my siel, en (letterlik) ALLES wat binne-in my is, Sy heilige Naam!

2 Loof die HERE, o my siel, en vergeet geeneen van Sy weldade nie!

3 Wat al jou ongeregtigheid vergewe, wat al jou krankhede genees (Halleluja),

4 wat jou lewe verlos(!) van die verderf, wat jou kroon met goedertierenheid en barmhartighede,

5 wat jou siel versadig met die goeie, (hoekom?) sodat jou jeug weer nuut word soos dié van 'n arend.

6 Die HERE doen geregtigheid en reg aan almal wat verdruk word.

7 Hy het aan Moses Sy weë bekend gemaak, aan die kinders van Israel Sy dade.

8 Barmhartig en genadig is die HERE, lankmoedig (nie kort van draad soos ons soms is nie) en groot van goedertierenheid (ons moet ook aan almal net goed wil doen).

9 Hy sal nie vir altyd twis en nie vir ewig die toorn behou nie.

10 (let op): Hy handel met ons nie na ons sondes en vergeld ons nie na ons ongeregtighede nie. (hoekom nie?)

11 Want so hoog as die Hemel is bo die aarde, so geweldig is Sy goedertierenheid oor die wat Hom vrees.

12 So ver as die ooste verwyderd is van die weste, (‘n onmeetbare afstand) so ver verwyder Hy ons oortredinge van ons.

13 (let op): Soos 'n vader hom ontferm oor die kinders, so ontferm die HERE Hom oor diegene wat Hom vrees (respekteer, eer).

14 Want Hy, Hy weet watter maaksel ons is, gedagtig dat ons stof is.

15 Die mens -  soos die gras is Sy dae; soos 'n blom van die veld, so bloei hy.

16 As die wind daaroor gaan, is dit nie meer nie en Sy plek ken hom nie meer nie.

17 Maar(!) die goedertierenheid van die HERE is van Ewigheid tot Ewigheid oor die wat Hom vrees (respekteer, eer), en Sy geregtigheid vir kindskinders (jou kinders en hulle kinders),

18 (voorwaarde) vir die wat Sy verbond hou en aan Sy bevele dink om dié te doen.

19 Die HERE het Sy troon in die Hemel gevestig, en Sy koninkryk heers oor alles.

20 Loof die HERE, Sy Engele, kragtige helde (leer meer oor die rol van Engele in ons lewens) wat Sy woord volbring, in gehoorsaamheid aan die stem van Sy woord!

21 Loof die HERE, al Sy leërskare, Sy dienaars (let op) wat Sy welbehae doen!

22 Loof die HERE, al Sy werke, op al die plekke van Sy heerskappy! Loof die HERE, o my siel!

PSALMS 150:1-6

Halleluja! Loof God in sy heiligdom, loof Hom in sy sterk uitspansel!

Loof Hom oor sy magtige dade, loof Hom na die volheid van sy grootheid!

Loof Hom met basuingeklank, loof Hom met harp en siter;

loof Hom met tamboeryn en koordans, loof Hom met snarespel en fluit;

loof Hom met helder simbale, loof Hom met klinkende simbale!

Laat alles wat asem het, die HERE loof! Halleluja!