Die Koning Kom..

Van die einde van die aarde af hoor ons lofgesange: Glorie aan die regverdige! Maar ek sê: Ek teer weg, ek teer weg, wee my! Die ontroues handel troueloos, en in troueloosheid handel die ontroues troueloos.

Die skrik en die kuil en die strik oor jou, o bewoner van die aarde!

En hy wat vlug vir die skrikgeroep, val in die kuil; en hy wat uit die kuil uitklim, word in die strik gevang. Want die sluise uit die hoogte het oopgegaan, en die fondamente van die aarde bewe.

Die aarde word geheel en al verbreek, die aarde is geheel en al aan wankel, die aarde word geheel en al geskud.

Die aarde waggel geheel en al soos 'n dronkaard en swaai heen en weer soos 'n naghut; en sy oortreding is swaar op hom; en hy sal val en nie weer opstaan nie.

En in dié dag sal die HERE besoeking doen oor die leërskare van die hoogte in die hoogte en oor die konings van die aarde op die aarde; en hulle sal opgesluit word soos gevangenes opgesluit word in 'n kuil en bewaar word in 'n kerker; maar ná baie dae sal daar op hulle ag gegee word.

En die maan sal rooi word van skaamte, en die son sal skaam wees; want die HERE van die leërskare sal regeer op die berg Sion en in Jerusalem, en voor sy oudstes sal daar heerlikheid wees.” Jes 24:16-23

Kyk na die aardskuddings reg oor die wêreld:  http://www.emsc-csem.org/Earthquake/world/?view=1

Voeg hierby die oorloë in 67 lande van die wêreld waaraan 729 militêre en militante terroristegroepe dood en verwoesting saai.
50 lande waarin Christine brutaal vermoor en vervolg word.
En die 29 miljoene mense, meesal vroue en kinders, wat oor die wêreld heen ontvoer en as seksslawe verkoop is.
En waarom sou Danie Botha skielik ‘n lied sing: Dis die Laaste Uur?

HOOP:
Matt 7:24... “Elkeen dan wat na hierdie woorde van My luister en dit doen, hom sal Ek vergelyk met 'n verstandige man wat sy huis op die rots gebou het. En die reën het geval en die waterstrome het gekom en die winde het gewaai en teen daardie huis aangestorm, en dit het nie geval nie, want sy fondament was op die rots.

Ons geestelike huis moet op die Rots Jesus Christus gebou wees, dan bly ons staande tot die einde toe. Matt 10:22

Kyk weer hierna:
Ek is ‘n man van 73 (Joël 2:28) en ek droom ek stap op die Tempelberg in Jerusalem (ek was laas daar in 1973) en in die droom tel ek ‘n silwer muntstuk van die grond af op.
Die muntstuk, byna soos ons ou sikspens, had agterop die woorde en syfer “0 value”
       Dit het verstom want nog nooit in die geskiedenis van die wêreld het ‘n land ‘n munstuk gemunt met ‘n 0 waarde nie. Selfs ons ou kwartpennie, die oortjie, had ‘n waarde.
       ‘n Berig oor hierdie vreemde munt het in die Israelse koerante verskyn en vandaar het dit gou wêreldwyd versprei, in die hoop dat iemand ‘n verduideliking oor die vreemde munt het. Daar was geen verduideliking nie.
       Muntversamelaars egter, het mekaar byna verdring met aanbiedinge om die vreemde munt met sy 0 waarde te bekom... eers in duisende toe tienduisende, toe miljoene.
       Die hoogste bod net voordat die droom geëindig het, was R3 biljoen rand. Die waarde van die munt is veel groter as wat geld ooit kan koop.
       Dit is ‘n EINDTYD WAARSKUWING... “Want die HERE doen niks tensy Hy sy raadsbesluit aan sy knegte, die profete, geopenbaar het nie.” Amos 3:7

       Die HERE het nog altyd die wêreld gewaarsku van toekomende veroordelings... so is Noag gewaarsku oor die komende vloed: “En God sê vir Noag: Die einde van alle vlees het volgens my besluit gekom; want die aarde is deur hulle vervul met geweld. En kyk, Ek gaan hulle saam met die aarde verdelg.” Gen 6:13
       Abraham en Lot is gewaarsku oor die uitdelg van Sodom en Gomorra (Gen 18:17; 19:14), Moses en die 10 plae van Egipte (Ex 7:1), Amos en die val van Sirië, Filistia, Tirus. Edom, Ammon, Moab, Juda en Israel (Amos 1 & 2)

       In Esegiël sê die HERE: “Nou is die einde oor jou....” Eseg 7:3 en verder.
Daar was n tyd toe Isreal, God se volk Hom geterg het, deur afgode te aanbid pleks van Hom. Hulle het dit wat geen lewe in gehad het nie bokant Hom gekies en dit aanbid. En die Bybel sê dat God het Sy volk VERKOOP het.

Hier sien mens dieselfde, regoor die wêreld vertrou mense op alles behalwe op God en het SILWER en GOUD hulle god geword. En die waarskuwing is: Die Einde is hier.
Waar hulle die silwer muntstuk met geen waarde, op die strate gooi, en hulle goud sal ‘n voorwerp van afsku wees; hul silwer en hul goud sal hulle nie kan red in die dag van die grimmigheid van die HERE nie; hul siel sal hulle daarmee nie versadig of hul ingewande daarmee vul nie, want dit was die struikelblok tot hulle ongeregtigheid. Eseg 7:19

       Waarom wil so baie mense die silwer munt met 0 waarde bekom?
       “En Ek sal dit in die hand van vreemdes oorgee as roof en aan die goddelose van die aarde as buit, dat hulle dit ontheilig.

       “Ook sal Ek my aangesig van hulle afwend, en hulle sal my skat ontheilig: inbrekers sal daar inkom en dit ontheilig.” Eseg 7:21-22

       Die Here laat dit toe, dit wat hulle afgod was, word nou die put waarin hulle val.
       Selfs die leiers van die mense en die lande is binnekort hulpeloos. Die HERE het gesê dat kort voor sy Koms sal dit gaan soos in die dae van Noag en Sodom en Gomorra en reeds gaan dit veel erger.
       Daar is oorloë in 67 lande van die wêreld en 729 regerings en militante terroristegroepe neem daaraan deel.
       Christene word op die mees afgryslikste maniere in 50 lande vermoor. Dit het begin met onthoofding, die jongste is om met tenks oor hulle te ry.
       Daar is meer as 29 miljoen slawe in die wêreld, die meeste van hulle vroue, jong meisies en kinders wat ontvoer en as seksslawe verkoop word.
       In Sirië op die grens van Israel is ontsettende lugaanvalle. Onder die aanvallers is Rusland, Iran (Persië), Saoedi Arabië, Turkye en ander.
       Die droom in hierdie geskrif, speel af in Jerusalem, die middelpunt van die wêreld, die stad wat dien as barometer in Eindtyd profesieë.
       Die silwer munt se waarde is 0. Ons leef in die Laaste Uur. Joh 2:18
Die laatreëns, ‘n magtige Herlewing, val reeds. Dis tyd om te Getal vol te maak. Bring die gerwe in.

  Die Koning Kom! – Sjibbbolet

   https://www.youtube.com/embed/TLUgEXI9RYI?rel=0

‘Ek sal veg...’ William Booth

‘Ek sal veg...’

Terwyl vroue ween, soos wat hulle nou doen... sal ek veg

Terwyl kindertjies honger ly soos nou... sal ek veg

Terwyl manne in en uit die tronke beweeg soos wat hulle nou doen... sal ek veg

Terwyl daar ‘n dronkaard oor is,

‘n arme verlore meisie op straat ronddwaal,

terwyl daar een siel in duisternis sonder die lig van God is... sal ek veg

Ek sal veg tot op die bitter einde... – Genl William Booth

https://www.youtube.com/watch?v=8w_JYcNCXPw

Oh Boundless Salvation is deur Booth geskryf.

Hy was die stigter van die Heilsleër.

Sy begrafnis is in 1912 deur 260 000 van sy bekeerdes bygewoon.

Wees vir elke goeie werk, volkome toegerus...

“Maar weet dit dat daar in die laaste dae swaar tye sal kom – 2 Tim. 3:1, skryf Paulus aan Timotheus, en noem dan in die daarop volgende strofes verskeie voorbeelde van hoe die swaar tye daar sal uitsien.
            Hierdie swaar tye gaan gepaard met spanning wat in ons tyd in meeste gevalle aan uiterstes grens. Die 680 000 arm-blankes in kampe in die Transvaal is tekenend hiervan.
            Daar is oorlog in 67 lande van die wêreld. Oral sterf onskuldige mense.
            Hierdie spanning vernietig gesinne, huwelike, gemeenskappe, en dwing van die grootste maatskappye in die wêreld om spesiale maatreëls te tref om hul werknemers te beskerm en daarvoor te laat behandel. In sommige gevalle lei dit tot gesinsmoorde.
            Die steeds toenemende spanning van uiterstes raak meer mense se lewens as pandemies. Hospitale en mediese spreekkamers loop oor van mense wat aan spanning verwante siektes ly.
            In sommige opsigte reeds, is strofe 12 ook besig om in vervulling te gaan:  En almal wat ook Godvrugtig wil lewe, sal vervolg word! Christene word tans in 50 lande van die wêreld wreed vervolg.
            Vervolging in watter vorm ook al, bring sy eie soort spanning en meesal ook erge spanning. Spertye bring spanning. Perfeksionisme bring spanning.  Om iemand geestelik te dra bring spanning. Ondraaglike werksituasies bring spanning. Droogte bring spanning.
            Skuld bring spanning, so ook onvergewensgesindheid, leuens, bedrog, dit alles veroorsaak ‘n binding in ‘n mens se gees. Jou lewensbestaan is abnormaal.
            In 2 Kor. 11:27-28 praat Paulus oor spanning wat hy persoonlik beleef het en verwys hy onder meer na slapelose nagte en daaglikse bekommernis.
            Ons het almal al dae van druk en uitsonderlike hoë druk beleef, maar Paulus gaan voort en vertel dat hy vasgestaan het en GOD hom daarvan verlos het... 2 Tim. 3:11 lees: “Watter vervolginge het ek nie al almal verdra nie!  En die HERE het my uit almal verlos!”
            As Paulus kon vasgestaan het, dan kan ons ook. Maar dit sal dieselfde onwankelbare geloof van ons vereis as wat ons by Paulus sien – aldus 2 Tim. 4:7: “Ek het die Goeie stryd gestry...”
            Deurbrake kom nie altyd maklik nie, maar wanneer mens aanhou vertrou, aanhou met klop, dan kom die deurbraak die een of ander tyd wel.
            Dit bring ook (onnodige) spanning wanneer ons meen dat ons nie genoeg het nie. Ons vrees tekorte.
Ons gaan ten gronde weens ‘n gebrek aan kennis en dit omdat ons nie moeite maak om ons Bybels te bestudeer nie. Gaan met ‘n notaboek en pen kerk toe en maak aantekeninge. Word ‘n Skrifstudent.
            As ons wel die kennis opdoen, dan is die volgende aan uit Ps 37:18-19, 25 baie betekenisvol:
            “Die HERE ken die dae van die opregtes, en hulle erfdeel sal tot in ewigheid bly. Hulle sal nie beskaamd staan in die slegte tyd nie, en in die dae van hongersnood sal hulle versadig word. Ek was jonk, ook het ek oud geword (let op), maar nooit het ek die regverdige verlate gesien nie, of dat sy nageslag brood soek nie.”
            Koning Dawid sou nie die bogenoemde geskrywe het, as hy nie self getuie daarvan was nie.
            GOD sal ons nie verlaat nie. Hy sal Hom ook nie aan ons onttrek nie. Sy Liefde, Genade en Guns, skenk Hy aan ons.
            Een keer was Dawid onseker oor sy verhouding met GOD en toe vra hy in Psalm 8:5 “Wat is die mens dat U aan hom dink, en die mensekind dat U hom besoek?”
            Dis ‘n vraag wat ons ook kan vra: “Wie is ons (ek en jy) as nietige mens, as gras van die veld, dat die Almagtige GOD aan ons sou dink?
            1 Petrus 5:7 lees: “Werp al julle bekommernisse op Hom (hoekom?) want Hy sorg vir julle!”
            Asook Ps 55:23: “Werp jou sorg op die HERE en Hy sal jou onderhou;  Hy sal nooit die regverdige laat wankel nie.”
            En dan is daar Ps 9:10: “So is die HERE dan ‘n rotsvesting vir die verdrukte, ‘n rotsvesting in tye van benoudheid.”
            En strofe 11: “En hulle wat U Naam ken, sal op U vertrou, omdat U diegene wat U soek, nie verlaat nie, o’ HERE!”
            GOD behoed en bewaar ons. Hy dra ons, wat die omstandighede ook al mag wees. Al wat dit vra is dat ons dit sal erken, bely en glo en Hom daarvoor eer – in Gees en in Waarheid aanbid, Sy Naam grootmaak! Bid jy in Gees en in Waarheid?
            Dan maak dit nie saak hoe hoog die prys van wat ook al word nie, GOD sal die inkomste voorsien. Hy sal ons nooit verlaat nie.
            Lees asseblief al 17 strofes van die hele 2 Tim 3. Die onheil is ook rondom ons, maar GOD belowe: “Die hele Skrif is deur God ingegee en is nuttig tot lering, tot weerlegging, tot teregwysing, tot onderwysing in die geregtigheid (hoekom?), sodat die mens van God volkome kan wees, vir elke goeie werk volkome toegerus.”
            Wat sê onse GOD vandag aan ons? Eenvoudig: Moet julle nie bekommer nie. Ek die HERE GOD is in beheer! – Sjibbolet

Die Wedergeboorte...

Ons neem ‘n bewuste besluit om van die teenswoordige wêreld oor te stap na die Goddelike wêreld, van die tydelike materiële na die Ewige Geestelike.
Met ons Wedergeboorte het ons ‘n nuwe skepping geword. “Daarom, as iemand in Christus is, is hy 'n nuwe skepsel; die ou dinge het verbygegaan, kyk, dit het alles nuut geword.” 2 Kor 5:17
  Wat behels hierdie werklikheid. As jy nie weet wie jy werklik is nie, kan jy nooit die volheid van die oorvloedige lewe in Christus ondervind nie.
  As Wedergeborenes hoor ons, ons lewe lank, ons is ‘n nuwe skepping. Ons hoor ook dat die ou dinge verby gegaan het. Ook hoor ons dat alles nuut geword het. Verstaan ons werklik wat dit beteken? Is ons nie net beter mense nie?
  ‘n Nuwe fusie, of versmelting, of samesmelting het plaasgevind. Maria vra hoe sou sy swanger sou word, en die Engel antwoord: “Die Heilige Gees sal oor jou kom en die krag van die Allerhoogste sal jou oorskadu. Daarom ook sal die Heilige wat gebore word, Seun van God genoem word.” Luk 1:35
  Toe dit gebeur vervleg die Heilige Gees en Maria se gees om Jesus te skep. Die DNA van die een het versmelt met die DNA van die ander.
  Dis presies wat gebeur wanner ons Wedergebore word. Ons onheilige gees word geheilig deur die Heilige Gees. Dis soos wanneer die DNA van ‘n moeder en ‘n vader vervleg in ‘n nuwe samestelling om ‘n baba, ‘n nuwe skepping, voort te bring.          
Soos wat die Heilige Gees met ons gees vervleg het, of dan ‘n fusie plaasgevind het, ‘n versmelting, het my gees en die Heilige gees een geword, dus ‘n nuwe skepping. Dit skep dan Christus in my.
  My liggaam is ook geheilig want dit is nou ‘n tempel waar Christus inwoon. Ek het nou ‘n hemelse DNA, ‘n Goddelike natuur.
  1 Kor 6:17 verklaar: “Maar wie die Here aanhang, is (let op) een gees met Hom.” Hierdie openbaring is nog die hele tyd voor ons oë, maar die werklikheidsbesef dring nou eers tot ons deur.
Dit is Christus in my: “… naamlik die verborgenheid wat van die eeue en geslagte af verborge was, maar nou geopenbaar is aan sy heiliges (en en jy), aan wie God wou bekend maak wat die rykdom van die heerlikheid van hierdie verborgenheid onder die heidene is, dit is Christus onder julle, die hoop van die heerlikheid.” Kol 1:17-18  
  Die geestelike DNA is in my menslike gees ingebrand en veroorsaak dat ek nou deel is van God se Goddelike natuur. Ek is inderdaad ‘n nuwe skepping. Soos wat die Heilige Gees en my gees verenig het in ‘n versmelting die een met die ander, is ek Wedergebore. Ek is nie net ’n nuwe ek nie, maar ‘n Christus wese, ‘n totaal nuwe skepping.      
  Ek word een met God, Ek het Sy goddelike natuur en karakter binne my. Ek is ‘n nuwe skepping met nuwe begeertes , ‘n nuwe lewensuitkyk. My identiteit is getransformeer. Ek is nou heilig, geregverdig en skoon.
By die Weergeboorte ontvang ons ook die Ewige Lewe. “Hy wat in die Seun glo, (let op) het die Ewige Lewe; maar hy wat die Seun ongehoorsaam is, sal die lewe nie sien nie, maar die toorn van God bly op hom.” Joh 3:36
Volg dan ‘n leefwyse soos iemand wat reeds die Ewige Lewe het en bou daaraan.
Kyk weer: “Voorwaar, voorwaar Ek sê vir julle, wie my woord hoor en Hom glo wat My gestuur het, het die Ewige Lewe en kom nie in die oordeel nie, maar het oorgegaan uit die dood in die lewe.” Joh 5:24
Ek en jy is ‘n God (YAWEH) skepping.
Kyk na die mag wat aan ons gegee word: “Voorwaar Ek sê vir julle, alles wat julle op die aarde bind, sal in die Hemel gebonde wees; en alles wat julle op die aarde ontbind, sal in die Hemel ontbonde wees.” Matt 18:18
Jou leefwyse as Wedergeborene verander: “Bedink die dinge wat daarbo is, nie wat op die aarde is nie.” Kol 3:2
Kyk weer: “Beklee julle dan, as uitverkorenes van God (ja, ons is nou God se uitverkore volk), heiliges en geliefdes (hoe?), met innerlike ontferming, goedertierenheid, nederigheid, sagmoedigheid, lankmoedigheid.
“Verdra mekaar en vergewe mekaar as die een teen die ander 'n klag het; soos Christus julle vergeef het, so moet julle ook doen.
“En beklee julle bo dit alles met die liefde wat die band van die volmaaktheid is.
“En laat die vrede van God, waartoe julle ook in een liggaam geroep is, in julle harte heers, en wees dankbaar.
“Laat die woord van Christus ryklik in julle woon in alle wysheid. Leer en vermaan mekaar met psalms en lofsange en geestelike liedere, en sing in julle hart met dankbaarheid tot eer van die Here.
“En (let op) wat julle ook al doen in woord of in daad, doen alles in die Naam van die Here Jesus en dank God die Vader deur Hom.” Kol 3:12-17
“Hulle (ekn jy) is nie van die wêreld nie, net soos Ek nie van die wêreld is nie.” Joh 17:16
Selfs ons burgerskap het verander: “Want ons burgerskap is in die Hemele, van waar ons ook as Verlosser verwag die HERE Jesus Christus.” Fil 3:20
Ons durf ons nie soos wêreldlinge gedra nie: “Laat julle lig só skyn voor die mense, dat hulle julle goeie werke kan sien en julle Vader wat in die Hemele is, verheerlik.” Matt 5:14-16
Ons leef nie meer onder die Wet van Moses nie, ons lewe nou onder die Koninklike Wet: “As julle ewenwel die Koninklike Wet volbring volgens die Skrif: Jy moet jou naaste liefhê soos jouself – dan doen julle goed.” Jak 2:8 asook Matt 22:36-40
En waarvoor lewe ons nou? Om die Evangelie uit te dra en die Koninkryk te bou. “Maar julle, broeders, is nie in duisternis, dat die dag julle soos 'n dief sou oorval nie.
“Julle is almal kinders van die lig en kinders van die dag; ons is nie van die nag of die duisternis nie.
“(let op) Laat ons dan nie slaap soos die ander nie, maar laat ons waak en nugter wees.” Matt 5:4-6
Wanneer ons waak, nugter is en die HERE verwag, sal Sy koms ons nie oorval soos ‘n dief in die nag nie.
Intussen bid ons ernstig vir ‘n magtige Herlewing, is ons hef aan: Voorwaarts Christenstryders, geklee in ons volle wapenrusting. Efes 6:11 – Sjibbolet

Die Tong van die Wyse is genesing

“Daar is een wat onverskillig woorde uitspreek soos swaardsteke, maar die tong van die wyse is genesing.” Spr 12:18
            Thomas lig sy kop van die kussing af op. Hy is seker hy het 'n gesnik gehoor. En nou hoor hy dit duideliker. Iemand kreun. Hy beter gaan kyk. In die skemerte van die kamer loop hy versigtig deur toe. Die vertrek waar hy nou instap, lyk vreemd. Hy word bang.
Dié kamer is ligter en hy sien drie figure op die vloer lê: 'n seun van so ses jaar oud, 'n dogter van seker tien, en 'n vrou. Om hulle is plasse bloed. Daar is nog iemand in die kamer.
Dié een praat skielik, met 'n harde, onverbiddelike stem met Thomas: "Sien jy nou hoeveel leed jy veroorsaak het?" "Ek?" roep Thomas verbaas uit. "Dis nie ek nie! Ek sal nie so iets doen nie!"
"Ken jy hierdie mense?" vra die vreemdeling en wys met sy hand na die figure op die vloer. Thomas kyk en trek sy asem hard in. Dis sy ma en boetie Hansie en sussie Edna."
“Kyk na die wond aan haar skouer," beveel die man. Thomas sien dit is 'n lelike sny in Edna se skouer. Dit kon die spiere in die skouer dalk beseer het. "Mm...maar..." stotter Thomas. Dan word hy kwaad. "Wie het dit gedoen?"
"Kyk na die seun se gesig," beveel die man. Thomas sien 'n yslike, bloeiende sny al langs Hansie se wang af.
"Kyk na jou ma," beveel die stem weer. "Daardie steek onderkant jou ma se linkerarm het amper haar hart getref." "Ons moet hulp kry! Van wanneer af lê hulle al hier?" roep Thomas uit.
"Van vanmiddag af toe jy hulle daar in die tuin so aangerand het," sê die man onverbiddelik.
"Ek het dit nie gedoen nie!" skreeu Thomas nou. "Ek het nie eers 'n mes nie en ek sal mos nie so iets doen nie."
"O, ja. Jy het 'n gevaarlike dolk. Ek was by toe julle vanmiddag in die tuin die blombeddinkies geskoffel het. Onthou jy nie? Edna wou jou met die emmer water help, en jy het haar toegesnou: 'Gee pad hier! Ek het nie 'n ou meisiekind soos jy se hulp nodig nie!'
Met daardie dolksteek het jy haar arm so 'n wond gegee, dat sy jou nie gou weer sal kan of wil help nie. En onthou jy toe Hansie....."
"Hou op!," skreeu Thomas. "Wie is jy?" "My naam is Gewete," sê die stem.
"Ek onthou," kreun Thomas, "maar ek het tog net met hom geraas. Hy het my so gepla. Ek het nie eers aan hom geraak nie. Ek kon hom tog nie so gesteek het nie. Ek het nie 'n mes nie!"
"Jy het 'n gevaarlike dolk. Jou tong. 'Praat sonder om te dink kan soos gevaarlike dolksteke wees (Spr 12:18).'
En: 'Sy tong ...sy woorde... is swaarde wat reg is om te steek...' (Ps 55:21)." Gewete gaan meedoënloos voort: "Toe jy vir jou ma gesê het...." "Asseblief, asseblief, moet dit nie sê nie!" huil Thomas nou.
Voordat Gewete kan antwoord, voel hy iemand trek hom aan sy arm. Hy rek sy oë oop en kyk vas in sy ma se vriendelike, liefdevolle gesig.
"Toe, toe, opstaan ou seun, dis tyd...." Thomas vryf sy oë. Hy het gedroom. Ag, hy het net gedroom! Hy gooi sy arms om sy ma se nek en gaan hartlik aan die huil. "Ekskuus, Mamma. Ekskuus, Mamma...." en hy snik sy droom teen haar nek uit.
            "Begryp julle nie...? Wat by die mond uitkom, kom uit die hart..." Valse getuienis (leuens), kwaadpratery (vloek, slegsê, verwyt, afjak, skinder en so meer). As ons hart reeds aan die Here behoort, moet die Heilige Gees dit beheer.
Die beheer wat die HERE op ons hart kry en handhaaf beskryf Paulus so: "Dit het Hy gedoen deur die Wedergeboorte wat die sonde afwas, en deur die Heilige Gees wat nuwe lewe gee. God het die Heilige Gees oorvloedig op ons uitgestort deur Jesus Christus ons Verlosser" (Titus 3:5,6).
            Dit kom gereeld tydens berading aan die lig: Onskuldige vroue en kinders wat gereeld deurloop onder ‘n stortvloed van vloeke uit die mond van ‘n ongeredde pa. Hulle vertel van verbale mishandeling, soms gepaard met drank misbruik, en absolute verguising.  
            Die arme vrou wil vlug, maar waarheen. Die vrees van alleen op straat sit met kinders en die gevare daaraan verbonde, bring keer op keer ‘n groter onbekende vrees. Dan maar die hel by die huis probeer verduur.
            Die omgekeerde is ook waar: ‘n Vrou wat soos ‘n viswyf tekere gaan. Vir die man is dit maklik. Hy verdwyn eenvoudig. Meeste van hulle vind ook nog al gou ‘n “beter” heenkome.
            Die ware oplossing is en bly Jesus Christus. As jy van so ‘n huishouding weet, dan weet jy dit juis omdat jy daar moet gaan ingryp met die vrymakende genesende Evangelie. Ons as Wedergeborenes het ‘n roeping om ‘n verskil te maak.
            Daardie vloeke (en selfs aanrandings) is ‘n front. Agter daai fronte skuil gewoonlik ‘n diepe seer en hartseer. Daar is altyd ‘n rede.
            Die Wederkoms kan nie plaasvind te midde van sulke verskeurde huishoudings nie. Dis tyd vir restourasie. Dis ons almal se roeping nie net die van sekeres nie. Bid soos nog nooit te vore nie. Gee om vir die verlorenes en maak so seker jy sal nie eendag verantwoording vir hulle moet doen nie. Eseg 3:17-21 – Sjibbolet  

‘Hy wat sy sonde bely... en laat staan, sal barmhartigheid vind’

‘Hy wat sy oortredinge bedek, sal nie voorspoedig wees nie;
maar hy wat dit bely en laat staan, sal barmhartigheid vind.’ Spr 28:13

“Elía was 'n mens net soos ons, en hy het ernstig gebid dat dit nie moes reën nie, en dit het op die aarde drie jaar en ses maande lank nie gereën nie; en hy het weer gebid, en die Hemel het reën gegee en die aarde het sy vrug laat uitspruit.
“Broeders, as een onder julle van die waarheid afgedwaal het en iemand hom bekeer, laat hy weet dat die een wat 'n sondaar van sy dwaalweg bekeer, 'n siel uit die dood sal red en 'n menigte sondes sal bedek.” Jak 5:17-20

Die droogte van verlede jaar duur voort. Die Weerburo sê daar is nie tekens van reën nie. Damme is leeg of byna leeg. Die ondergrondse watertafel word gedreineer. Reën is ‘n seën vanuit die Hemel, maar die HERE kan Sy seën nie laat giet op ‘n sondige aarde nie. Bestudeer die 58 strofes oor reën by http://bible.knowing-jesus.com/topics/Rain
            Daar is mense, selfs boere, wat in kerke en selfs op kerkrade sit en hul gewone Afrikaanse omgangstaal bedags is besmet van vloek- en skelwoorde. Baie van hulle gebruik die naam van die HERE ook ydellik, maar hulle sit by die nagmaaltafel aan en drink oordele oor hulself. Sou God ons as onskuldig laat voortgaan? Sekerlik nie. Daar is ‘n hele rits onheile waarmee Christene hul besig hou... goed wat nie eers onder ons genoem moet word nie.  
            In die dag van ellende berus die antwoorde op gebed... nederige gebed, ‘n gebroke en teer hart wat sy saak met God regmaak... nie net die onreg teenoor die HERE en teenoor  mekaar bely nie, maar ook laat staan!
            Te midde van die ellende dra geloof en hoop ons. Dit open God se hand van genade en seën. “As jy met jou mond die Here Jesus bely en met jou hart glo dat God Hom uit die dode opgewek het, sal jy gered word; want met die hart glo ons tot geregtigheid en met die mond bely ons tot redding.” Rom 10:9-10. Sommige bely maklik, maar glo nie met die hart nie.
            In hierdie tyd van ellende het ons nie formele gebede nodig nie, maar gebed van geloof. As jy iets teen iemand gesondig het, bely dit, gaan maak reg. As jy moet teruggee, gee terug. Kry jou hande skoon... “Bely mekaar julle misdade en (let op) bid vir mekaar (hoekom?), sodat julle gesond kan word. Die vurige gebed van 'n regverdige het groot krag.” Jak 5:16. So iemand bid in afwagting van die antwoord.
            Die Wederkoms gaan vir seker plaasvind. Volgens die tekens van die tye, kan dit enige oomblik wees. Leef in afwagting. Sorg dat jy sonder vlek of rimpel is, sonder skuldgevoelens, met ‘n rein gewete.
            Ons hou die toekoms in ons gebede. -- Sjibbolet

‘Gaan die mens die Aarde verlaat?’

Die vraag word gevra deur fisikus en ateïs, Stephen Hawking, en hy voeg by:
“Die mensdom het geen toekoms as hy nie na die buitenste ruim uitwyk nie.”

Hawking sê vandeesweek die lewe op aarde is in ‘n gedurige toenemende risiko van totale uitwissing. Dit kan gebeur deur ‘n skielike kernoorlog, of ‘n generies ontwikkelde virus. Hy sê die mensdom se enigste hoop is om na die ruimte uit te wyk.
“Ons dae op die aarde is getel,” sê Hawking. In sy nuwe boek “How to build a Spaceship” sê hy die aarde het ‘n gevaarlike plek geword weens die gevaar van oorlog en peste.
Hawking is nou 73 jaar oud en sê die aarde word bedreig deur globale verwarming, kernwapens en generies ontwikkelde virusse.
Die Amerikianse Senaat het pas $19.5 biljoen bewillig om bemanning na die Rooi Planeer te stuur en neergelê dat dit binne 25 jaar moet gebeur.


Elon Musk

Die groot uitdaging is om Mars te kolonialiseer. Nasa wil binne 20 jaar Mense op Mars plaas, maar die biljoenêr entrepreneur Elon Musk wat SpaceX in 2002 gestig het, sê sy maatskjappy is gereed om oor agt jaar die eerste mense daar te plaas en ‘n kolonie te begin. Die vuurpyl wat hulle gaan gebruik is drie keer vinniger as die huidige Falcon 9 vuurpyle en sal vloeibare metaangas en vloeibare suurstof as brandstof gebruik.
Elon Musk is op 28 Junie 1971 in Pretoria gebore. Sy ma Maye (gebr. Haldeman),  kom van Kanada af en sy Pa Errol is ‘n Suid-Afrikaner. Elon woon deesdae in Los Angeles, Amerika.
            Die ruimteskip wat sy maatskappy ontwerp en gebou het, is in staat om veel verder as Mars te beweeg en Musk gaan ook bereid wees om ruimtemanne na plekke veel verder as Mars te vervoer. Die reis na Mars sal op die oomblik 28 maande duur. Diegene wat daarheen trek, sal nie kan terugkom nie. Musk poog egter om die reis na Mars veel goedkoper aan te bied.
            Musk was reg deur sy kinderlewe erg geboelie, een keer so erg dat hy in ‘n koma was toe hy by ‘n stel trappe afgestamp en aangerand is totdat hy sy bewussyn verloor het.
            Intussen kyk Nasa ook na moontlikhede van ‘n moontlike nadere planeet.
            Hawking druk homself soos volg uit oor God en die godsdiens: In an interview published in The Guardian, Hawking regarded the concept of Heaven as a myth, believing that there is "no heaven or afterlife" and that such a notion was a "fairy story for people afraid of the dark". In 2011, when narrating the first episode of the American television series Curiosity on the Discovery Channel, Hawking declared: We are each free to believe what we want and it is my view that the simplest explanation is there is no God. No one created the universe and no one directs our fate. This leads me to a profound realization. There is probably no heaven, and no afterlife either. We have this one life to appreciate the grand design of the universe, and for that, I am extremely grateful.” In September 2014 he joined Starmus Festival as keynote speaker and declared himself an atheist.
            Uiteindelik sal dit net die skatrykes wees wat na ander planete kan probeer vlug. Die meerderheid van ons sal maar hier moet bly. En wat sal dit kos en hoe lank sal dit nie neem om ‘n infrastruktuur op Mars te skep nie?
            Ons het egter nuus vir Hawking. Wanneer hy vra of die mensdom die aarde gaan verlaat, dan sê die Gelowiges duidelik “ja”. En sluit daarby in die Gelowiges wat in Christus gesterf het. Ons gaan nie vlug nie, ons gaan verhuis en nie na Mars waar daar niks is nie, maar na die Nuwe Jerusalem waar alles reeds vir ons voorberei is. En dit sal nie 28 maande duur nie, maar in ‘n oogwink en boonop gratis.
            Ons sal bid dat God Hawking se oë en ore open. Dis waarom ons gered is… om die Koninkryk te bou!
            Hier kom Hawking as wetenskaplike en verklaar die aarde is by die punt van vernietiging. Vele ander wetenskaplikes stem saam wanneer hulle na watervoorraad, besoedeling, kosskaarste, oorlog, toenemende geweld en talle ander dinge kyk, dinge wat die Bybel vir ons uitwys as die tekens van die Eindtyd.
            Daar kan egter steeds siele gered word voordat die Basuin blaas. Ons Verlosser, Jesus Christus, se Opdrag was:
Gaan dan heen, maak dissipels van al die nasies, en doop hulle in die Naam van die Vader en die Seun en die Heilige Gees; en leer hulle om alles te onderhou wat Ek julle beveel het.” Matt 28:19
•    Nadat die Here dan met hulle gespreek het, is Hy opgeneem in die Hemel en het Hy gaan sit aan die regterhand van God.” Mar 16:19
•    Maar hulle het uitgegaan en oral gepreek, en die Here het saamgewerk en die woord bevestig deur die tekens wat daarop gevolg het.” Mar 16:20
•   En gaan preek en sê: Die Koninkryk van die Hemele het naby gekom. Maak siekes gesond, reinig melaatses, wek dooies op, dryf duiwels uit. Julle het dit verniet ontvang, verniet moet julle dit gee.” Matt 10:7-8

Komaan, ons het goed gedoen tot dusver, maar dis ons taak om die getal vol te maak. – Sjibbolet

Red wat te redde is....

Bring die reddingsboeie

‘n Lighuis sonder lig weens ‘n verraderlike nagstorm op see,  skep ‘n gevaarlike, soms dodelike situasie, veral ook as die skip se radar die gees gegee het, soos wat al gebeur het.



            Die Edmund Fitzgerald, ‘n vragskip wat yster vervoer het, het in 1975  hom te pletter geloop toe sy eie radar en die lighuis by Whitefish Point nie ‘n vernietigende storm kon weerstaan nie. Altesame 29 mense het gesterf.
            Ons beleef huidig Jes 60:2 “Want kyk, die duisternis sal die aarde oordek en donkerheid die volke; maar oor jóu sal die HERE opgaan, en sy heerlikheid sal oor jou gesien word.”
            Dis my en jou taak om die Lig van die reddende Evangelie van Jesus Christus hoog en brandend te hou.
            “Julle (ek en jy) is die lig van die wêreld. 'n Stad wat bo-op 'n berg lê, kan nie weggesteek word nie; en 'n mens steek ook nie 'n lamp op en sit dit onder die maatemmer nie, maar op die staander, en dit skyn vir almal wat in die huis is.
            (en nou die opdrag) “Laat julle lig só skyn voor die mense, dat hulle julle goeie werke kan sien en julle Vader wat in die Hemele is, verheerlik.” Matt 5:14-16
            In 1914 het die RMS Empress  met 1 477 passasiers aan boord, vertrek vanaf Quebec na Liverpool, ‘n afstand van 4 500km. Die reis het net vier dae op die oop see geduur



Die RSAM Emperor was 185m lank (so 1¾ lengtes van ‘n rugbyveld) en 22m
breed. Dit had ‘n gemiddelde spoed van 20knope.

want die Empress het telkens vir die res van die reis van die veilige St Lawrence Rivier gebruik gemaak.
            Die Empress met ‘n opgeleide bemanning van 420 lede het in daardie stadium al 95 keer oor die Atlantiese oseaan gevaar.
            Aan boord was ook 171 lidmate van die Heilsleër op pad na ‘n konferensie in die Royal Albert Hall in Londen. Met die Empress se vertrek uit die hawe in Quebec het die groot orkes van die Heilsleër die lied gespeel: God sy met julle tot ons weer ontmoet.
            Die Empress had agt dekke en was toegerus met die nuutste radio netwerk. Die eerste nag was ‘n rustige reis. By Pointe-au-Père waar die rivier 50km wyd is, is die skeepskapteins, soos gewoonlik omgeruil.
            Die kaptein het ‘n ander skip sien aankom. Toe sak die mis met mening toe. Beide kapteins het hul posisie verklaar. Die Empress het tot stilstand gekom om seker te maak die aankomende skip vaar verby hom. Agt minute later was daar ‘n oorverdowende slag soos wat die aankomende Noorweegse SS Storstad die Empress tussen sy twee skoorstene aan stuurboordkant         getref het.
            Die gat in die Empress was sewe meter lank en vyf meter breed, die grootste gedeelte daarvan onder die waterlyn. Die Empress se elektriese krag, alle ligte en die radiostelsel was dood. Die Storstad was kort gelede met ‘n versterkte staalneus toegerus om deur swaar ys te kon beweeg.
            Daar was geen lighuis naby nie, ten spyte daarvan dat daardie deel van die rivier soms toe was met digte mis. Die Empress het binne 14 minute gesink... te min tyd om al die slapende passasiers en bemanning uit hul kajuite te bevry of om enige reddingsbote neer te laat. Altesame 1 012 mense het in ‘n watergraf gesterf, onder hulle 148 van die 171 lidmate van die Heilsleër.
            Meer passasiers het in hierdie ramp gesterf as met die Titanic, behalwe dat die Titanic ‘n veel groter bemanning gehad het.
            Terwyl sommige na die Storstad kon swem het die Storstad sy reddingsbote vinnig neergelaat en meer as 400 mense opgepik. Een man het al die pad tot op die strand geswem. Baie kinders is dood en in sommige gevalle het ‘n hele huisgesin omgekom.
            Dit was Kanada se grootste seeramp tot op datum.
            En op die lewenssee waar ons onsself bevind gaan miljoene dit nie maak tensy ons reddingsboeie na hulle uitgooi nie. Doen dit, red wat te redde is. Daar is haas meer tyd oor.
            Jesus Christus se laaste opdrag voor sy vertrek na die Hemel, was: Gaan dan heen, maak dissipels van al die nasies, en doop hulle in die Naam van die Vader en die Seun en die Heilige Gees; en leer hulle om alles te onderhou wat Ek julle beveel het.” Matt 28:19
•    Nadat die Here dan met hulle gespreek het, is Hy opgeneem in die Hemel en het Hy gaan sit aan die regterhand van God.” Mar 16:19
•    Maar hulle het uitgegaan en oral gepreek, en die Here het saamgewerk en
     die woord bevestig deur die tekens wat daarop gevolg het.” Mar 16:20
•   En gaan preek en sê: Die Koninkryk van die Hemele het naby gekom. Maak siekes gesond, reinig melaatses, wek dooies op, dryf duiwels uit. Julle het dit verniet ontvang,
     verniet moet julle dit gee.” Matt 10:7-8 – Sjibbolet
           

‘n Interessante Siening oor die Wegraping

Het jy al ‘n feitelike werklike prent in jou verbeelding probeer vorm oor die Wegraping. Dink net: Dié (Wedergeborenes) wat in Christus    gesterf het, gaan wêreldwyd eerste opstaan.
            “Want die Here HERE (Jahweh) doen niks tensy Hy sy raadsbesluit aan sy knegte, die profete, geopenbaar het nie.
            “Die Leeu (van Judah) het gebrul, wie sal nie vrees nie? Die Here HERE (Jahweh) het gespreek, wie sal nie profeteer nie?Amos 3:7-8
            Skrywer en sakeman Alton Ragan van Oklahoma, Amerika, het na jare lange studie van die Bybel hierdie openbaring oor die Wegraping gekry.


Alton Ragan

            Dit gaan geen geheime gebeurtenis wees nie.
            “Want (1) die Here self sal van die Hemel neerdaal,
2) met 'n geroep, met die stem van 'n Aartsengel;
en (3) met geklank van die basuin van God;
en (4) die wat in Christus gesterf het, sal eerste opstaan;
(5) Daarna sal ons wat in die lewe oorbly, saam met hulle in wolke weggevoer word die HERE tegemoet in die lug;
en (6) so sal ons altyd by die Here wees.” 1 Thes 4:16-17
            Twee afsonderlike dinge gebeur hier: Diegene wat in Christus gesterf het staan op, en ons ander word daarna verander.
            Dit gaan drama wees. Ek  dink nie die grafte sal oopgaan nie want dis nie nodig nie. Die dooies staan op in ‘n hulle verheerlikte geestelike liggame.
Net daarna word ons wat leef se liggame omgeskakel in geestelike liggame.
            Met Jesus se sterwe het die grafte egter wel oopgegaan: “... en die grafte het oopgegaan en baie liggame van die ontslape heiliges het opgestaan. En ná Sy opstanding het hulle uit die grafte uitgegaan en in die Heilige stad, Jerusalem, ingekom en aan baie verskyn.” Matt 27:52-53
            Gaan dit weer so gebeur, dat wanneer hulle opstaan – want opstaan gaan hulle vir seker – ook tussen ons wandel en aan sommige herkenbaar wees? Dit sal wonderlik wees, maar ons sal maar moet wag en sien. Alton  is egter oortuig die dooies in Christus staan op en beweeg tussen ons rond. En ons en hulle sal mekaar erken.
            Paulus sê: “Maar, broeders, ek wil nie hê dat julle onkundig moet wees met betrekking tot die ontslapenes nie, sodat julle nie treur soos die ander wat geen hoop het nie. Want as ons glo dat Jesus gesterwe en opgestaan het, dan sal God ook so die wat in Jesus ontslaap het, saam met Hom bring.” 1 Thes 4:13-14
            En dan, weg is ons almal in ‘n oogwink.
            Mens kan nie in die vlees die Hemel binnestap nie. “Maar dit verklaar ek, broeders, dat vlees en bloed die koninkryk van God nie kan beërwe nie; ook beërwe die verganklikheid nie die onverganklikheid nie.
            “Kyk, ek deel julle 'n verborgenheid mee: Ons sal wel nie almal ontslaap nie, maar ons sal almal verander word, in 'n oomblik, in 'n oogwink, by die laaste basuin; want die basuin sal weerklink, en die dode sal onverganklik opgewek word; en ons sal verander word.
            “Want hierdie verganklike moet met onverganklikheid beklee word, en hierdie sterflike moet met onsterflikheid beklee word.
            “En wanneer hierdie verganklike met onverganklikheid beklee is en hierdie sterflike met onsterflikheid beklee is, dan sal vervul word die woord wat geskrywe is: Die dood is verslind in die oorwinning.
            “Dood, waar is jou angel? Doderyk, waar is jou oorwinning? 1 Thes 4:50-55
Die skok en trauma van diegene wat agterbly, wil mens liewer nie eers aan dink in daardie stadium nie want, ons moet nou reeds dink aan al die ongereddes en in Goddelike liefde vir hulle by God intree. Maak nie saak wat hulle sê en wat hulle doen nie, wees geduldig en lief vir hulle want Jesus het hulle lief. Elkeen van ons is onder Goddelike verpligting om die oes in te bring.
Met die meeste van ons moes die HERE darem baie geduld gebruik. Waar is ons geduld?
            Let op: ‘n Drama vind plaas in drie bedrywe. Hier gaan ook drie bedrywe wees:
1)    Jesus kom met ‘n geroep, met die stem van ‘n Aartsengel en die Basuin van God.

2)    In die tweede bedryf staan die dooies wat in Christus was op,

3)    In die derde bedryf is ons almal wat leef omgeskakel in geestelike wesens en vertrek ons in ‘n oogwink.

‘n Drama eindig altyd in ‘n vraag, hierdie keer oor presies wat diegene sal moet deurmaak wat agterbly en hoe hulle nogtans gered kan word asof deur vuur heen? 1 Kor 3:15
            Wat gebeur voor die Eerste bedryf begin?
Die saal is volgepak van mense, hulle oë gevestig op die toe gordyne (van die Hemele) voor hulle. Hulle sit daar in afwagting vir die Engele om die groot gordyne oop te skuif.
En dan...die gordyne skuif oop: Jesus se roep en die basuin. Die ganse mensdom gaan dit hoor!
  Die wêreldlinge sal weet dat hulle weet dat ‘n Goddelike ingryping die aarde getref het.
In Amerika het sekere koerante bespiegel wat hul koerantopskrifte daarna sou wees.
Honderde duisende mense het verdwyn – Die Withuis blameer terroristegroepe, ens.
  Profesië en werklike gebeurtenisse oor die wêreld heen toon dat die Wegraping voor die deur is.
Daar is tans oorlog in 67 lande in die wêreld. In 50 lande word Christene wreed en grusaam vervolg, onthoof, doodgeskiet, word vroue en dogters van alle ouderdomme herhaaldelik verkrag en in die internasionale mensehandel aan die hoogste bod verkoop om meesal as seksslawe te dien. Dit word bereken dat 29 miljoen vroue en kinders reeds so verkoop is, aldus die VN.
Behalwe dat elke genoemde land sy eie leërmag het, is daar altesame 692 militêre guerrilla en separatiste groepe betrokke.
Alles wat Jesus byna 2 000 jaar gelede op die Olyfberg aan die Dissipels vertel het, is reeds aan die gebeur. Behalwe dat Christene vermoor word vir hulle geloof, mag Jesus se naam in talle lande nie meer in die openbaar gebruik word nie... dit gee kwansuis aanstoot. Die outydse Evangeliese opelugdienste sal jou vandag in die tronk laat beland. Valse profete is oral, veral in Amerika.
Die vervolging van Christene word wyd vertoon. Oral is video materiaal beskikbaar. Die miljoene mense wat oor die wêreld heen vlug gaan deur hel. Groot getalle sterf op die vlug. Mamma’s moet kindertjies soms tot drie maande land dra op die vlug. Moeders kraam selfs op die vlug, selfs is oorvol rubberbote. Matt 24:3-13
Die lys van onheil is nogal lank, soos aardbewings, vloede, tsunamis en ander. En wanneer dit so gaan, moet ons opkyk.
Dit maak nie saak of Alton reg of verkeerd is nie. Feit is die dooies gaan beslis opstaan en die Wegraping gaan beslis plaasvind…en… daar is nog tyd vir jou om saam te gaan. Skryf aan ons, ons help graag.
Leef in afwagting. “Maar daar kom 'n uur, en (let op) dit is nou, wanneer die ware aanbidders die Vader in gees en waarheid sal aanbid; want die Vader soek ook mense wat Hom só aanbid.
“God is Gees; en die wat Hom aanbid, moet in gees en waarheid aanbid. Joh 4:23-24
Diegene onder ons wat reeds in die Gees kan bid, beleef wonderbaarlike gesigte, soos om selfs Engele te kan waarneem.
En laastens: “Laat ons die belydenis van die hoop onwankelbaar vashou, want Hy wat dit beloof het, is getrou; en laat ons (let op) op mekaar ag gee om tot liefde en goeie werke aan te spoor; en laat ons ons onderlinge byeenkoms nie versuim soos sommige die gewoonte het nie, maar laat ons mekaar vermaan, en (let op) dit des te meer namate julle die dag sien nader kom.” Hebr 10: 23-25 – Sjibbolet

Pa: Veel Meer as ’n Broodwinner

Pa: Veel Meer as ’n Broodwinner
Deur dr. Kevin Smith

Tot baie onlangs het alle literatuur oor ouerskap die hele kwessie van moe­derskap geïdealiseer en vaderskap heeltemal oor die hoof gesien. Met die nuut­ste navorsing oor die gesin het daar ’n baie besliste skuif plaasgevind en die persepsie is nou dat vaders ’n baie groot bydrae t.o.v. sowel kinder- as volwasse-ontwikkeling kan lewer (Mary Pickard-verslag, 1998).

Die gemeenskap besef uiteindelik dat vaders net so ’n belangrike rol speel ten einde die gesonde ontwikkeling van hul kinders te verseker. Hul rol strek veel verder as bloot dié van tradisionele stereotipe broodwinner. Navorsing wys toenemend op die voordele van kinders met gesonde vader-kind-verhoudings. Volgens George Rekers, professor in Neuropsigiatrie en Gedragswetenskappe, Navorsingsdirekteur vir Kinder- en Adolessentpsigiatrie en voorsitter van die Fakulteit Sielkunde aan die University of South Carolina School of Medicine, is daar ’n definitiewe korrelasie tussen ’n positiewe en volhoubare verhou­ding met die vader en ’n goeie selfbeeld, hoë selfvertroue in persoonlike en sosiale interaksie, hoë morele volwassenheid, verminderde tienerswangerskappe, groter interne beheer en hoër loopbaanaspirasies.

Vaders wat liefdevol, sorgsaam en aktief betrokke is by die grootmaakproses se kans op goed-aangepaste kinders is veel groter as die wat nie betrokke by hul kinders is nie. Die vernietigende gevolge van ongesonde vader-kind-verhoudings is nét so goed gedokumenteer. Die afwesigheid van ’n vader lei by seuns tot toenemende aggressie en/of vroulikheid. Maritsa van Loggerenberg, ’n sosiale werker by St Albans Maksimum Veiligheidsgevangenis in Port Elizabeth, beraam dat ongeveer 90% van al die gevangenes met wie sy werk, sonder ’n vaderfiguur grootgeword het.

Alhoewel die media dikwels op die negatiewe fokus, het daar ook die afgelope paar dekades positiewe veran­deringe plaasgevind t.o.v. persepsies van die vader se rol. Die tradisionele beeld van die vader as ’n emosioneel-verwyderde broodwinner en streng dissiplinêre gesagsfiguur het plek gemaak vir ’n vaderfiguur wat ook ’n opvoedingsrol in die kinders se lewens speel. As Christene verwelkom ons hierdie positiewe verandering. Die Woord van God verminder vaderskap nooit tot ’n enkele funksie of metafoor nie, maar beklemtoon tog sommige van die belangrike rolle wat vaders behoort te aanvaar. Ek wil graag vyf hiervan noem.

Pa as pastorale begeleier
Theodore Hesburgh het eerste die woorde wat deesdae ’n beradingspreuk is, geui­ter: ‘Die belangrikste ding wat ’n pa vir sy kinders kan doen, is om hul ma lief te hê.’ So waar en belangrik as wat hierdie woorde is, is daar iets belangriker wat deur die Woord van God uitgelig word – Die belangrikste wat ’n pa vir sy kinders kan doen, is om die “Here jou God met jou hele hart lief te hê,” Deut 6:4-5 en “Herhaal hierdie woorde oor en oor vir julle kinders.” Deut 6:7.

Indien ’n pa die leiding neem en God liefhet en dien, is dit hoogs waarskynlik dat die kinders sy voorbeeld sal volg. Navorsing deur die Christian Business Men’s Committee het gevind dat ’n pa wat ’n aktiewe gelowige is, se kinders ’n 75% groter kans het om ook aktiewe gelowiges te wees. Wanneer slegs die ma ’n gelowige is, is die kans dat die kinders die Here dien, slegs 15%. As Christen-pa’s is ons geroep om pastorale begeleiers in ons huise te wees – mans wat God passievol liefhet en dien en wat hul gesinne in aanbidding van die Here Jesus Christus kan lei.

Pa as lewensafrigter
Onderrig van veral seuns is ook Pa se verantwoordelikheid. Dit sluit die onderrig van die weë van God (Deut 6:4-9), maar ook die onderrig van praktiese lewensvaardighede – goeie maniere, werksetiek, morele waardes, verhoudings met vrouens, gesinsfinansies en sakevernuf in. (Spr 1-9). Vaders behoort lewensafrigters te wees. Die hedendaagse slaggat is om hierdie ‘afrigtings­rol’ aan die kerk, die skool of selfs die televisie oor te laat. Vaders voel hopeloos ontoereikend toegerus vir hierdie be­langrike taak as lewensafrigter en los dit dus veel eerder vir ‘opgeleide, professionele mense’.

Ons vergeet egter in die proses dat ons vir ons jong kinders amper soos God is. Jou dogter glo elke woord wat jy sê en jou seun klou vas aan absoluut alles wat jy sê en doen. Vir jou kinders is jou gesag feitlik net soos God s’n. God het dit so beskik, want hy het pa’s geroep as die ‘lewens­afrigters’ in hul kinders se lewens. Sommige pa’s, egter, verwar ‘afrigting’ met ‘kritiek’. Ek onthou die televisie-onderhoud wat ek eens met ’n wêreldgehalte sportman gekyk het. As kind het sy pa hom verskriklik gedryf om die hoogste sport te bereik. Na elke wedstryd sou sy pa hom na die park neem en elke iedere foutjie wat begaan is, uitwys en hom tot sononder dril om dit uit te skakel.

Hy onthou: ‘Die meeste seuns het voor die wedstryd ’n hol kol op die maag gekry; myne het altyd na die wedstryd gekom omdat ek geweet het wat wag.’ Hy het verder onthou dat dit vir hom baie erger en meer stresvol was om sy pa na die tyd in die oë te kyk as enige span waarteen hulle te staan sou kom. God roep vaders op om afrigters te wees, nie kritici nie, om op te bou en nie af te breek nie!

Pa as bemoediger
Elke seun verlang na sy pa se goedkeuring en versekering dat hy trots is op hom en ’n dogter verlang sy goedkeuring in alles. Ma s’n is verseker – dis maklik om haar goedkeuring en trots te kry. Pa s’n is egter heeltemal ’n ander storie. As seun was dit vir my uiters noodsaaklik dat my pa trots op my sou wees. Ek het tog geleef met die gevoel dat hy was – en dit het my met moed en selfvertroue gevul.

’n Baie goeie vriendin het ook daarna verlang dat haar pa haar sou vertel dat sy pragtig is en dat hy bly is dat sy sy dogter is. Sy het egter nooit sy onvoorwaardelike, heelhartige goedkeuring en aanvaarding ervaar nie – en haar hart smag nou nog daarna.

John Eldredge, skrywer van ‘Wild at Heart’ glo dat elke seun nodig het om van sy pa te hoor dat hy dit in hom het om ’n ware man te word en elke dogter moet van haar pa hoor dat sy pragtig is en werd is om bemin te word. Indien hulle nie hierdie bevestiging van hom kry nie, sal hulle dit op ander plekke gaan soek. Dit maak nie saak hoe oud ons is of hoe ver ons van ons pa’s af weggedryf het nie, ons verlang nog steeds na hul goedkeuring. ’n Spaanse pa se verhouding met sy seun het so gespanne ge­raak dat die seun weggeloop het. Sy pa het besluit om hom te gaan soek. Hy het maande lank gesoek – sonder enige sukses. Uiteindelik, in ’n laaste poging om sy seun te kry, het hy ’n advertensie in die Madrid-koerant geplaas. Dit het gelees: ‘Liewe Paco, ontmoet my Saterdag om 12-uur voor die koerantkantoor. Alles is vergewe. Ek is lief vir jou. Pa.’

Twaalfuur die betrokke Saterdag was 800 Paco’s daar om Pa se liefde en goedkeu­ring te ervaar! ’n Deel van God se opdrag aan pa’s is om hul kinders van hul heelhartige goedkeuring en steun te verseker. Ons seuns moet weet dat ons trots is op hulle – hulle moet weet dat hulle vir ons die beste seuns in die wêreld is en dat hulle dit beslis in hulle het om ware mans te word. Kom ons laat ons dogters voel dat hulle prinsesse is – pragtig en waardig om bemin te word.

Pa as wetstoepasser
Dissipline is ’n aspek van die pa se liefde wat ons moontlik nog in hierdie generasie kan verloor. My predikant het onlangs van die VK teruggekeer met ’n skokkende verslag oor die gebrek aan dissipline onder kinders. Die Bybel is baie duidelik: “Hy wat sy seun nie dissipline leer nie, het hom nie regtig lief nie. As hy hom liefhet, sal hy hom dissiplineer.” Spr 13:24.

As liefdevolle pa’s is dit ons plig om toe te sien dat die toepaslike reëls in die huis geld. Hoe dit ook al ons harte skeur – en dit behoort - sal dit net erger wees indien ons dit nie doen nie. Na jare se hantering van rebelse tieners, het die Houston Polisie die volgende saamgestel: Reëls om misdadige kinders groot te maak.

Begin al kleintyd – gee die kind alles wat sy/haar hart begeer. So word hulle groot en glo die wêreld skuld hulle alles.

Wanneer hulle vloekwoorde gebruik, lag daaroor. Dit sal hulle laat dink hulle is oulik. Dit sal hom/haar ook aanmoedig om ander woorde aan te leer wat jou later uit jou sinne sal skok.

Tel alles op wat hulle laat rondlê – boeke, skoene, klere. Doen alles moontlik vir hulle, so sal hulle leer om alle verantwoordelikheid te ontduik.

Laat hulle enigiets lees. Maak net seker jou eetgerei is skoon en kiemvry, maar laat hulle enige gemors waarop hulle hul hande kan lê, lees.

Kies die kind se kant teen bure, onder­wysers en selfs die polisie. Hulle is almal tog bevooroordeeld teenoor jou kind.

Ons moet wrede, roekelose, outoritêre dissipline verwerp, maar indien ons die regte dissipline ignoreer, faal ons om ons kinders op God se manier lief te hê. Kinders floreer indien hul pa’s hulle lief genoeg het om Goddelike grense te stel en toe te sien dat dit konsekwent en met sorg toegepas word.

Pa as kameraad
Indien hulle voor die keuse gestel word, sal ons kinders beslis tyd saam met Pa bo enige speelgoed kies. Hulle wil veel eerder ons tyd as ons geskenke hê. En laat ons nou maar nie onsself bluf nie: gehaltetyd beteken ook genoeg tyd! Gehalte-oom­blikke vind plaas indien ons genoeg tyd saam met ons kinders spandeer.

Charles Francis Adams, ’n politieke fi­guur en diplomaat uit die 19de Eeu, het dagboek gehou. Eendag het hy geskryf: ‘Het vandag saam met my seun gaan visvang – dag gemors.’ Sy seun, Brook, het ook dagboek gehou en op dieselfde dag die volgende inskrywing gemaak: ‘Vandag saam met Pa gaan visvang – die lek­kerste dag van my lewe!’ Tyd saam met ons kinders mag moontlik voel asof dit gemors is, maar slegs die ewigheid sal kan wys dat dit moontlik ’n belegging met die grootste opbrengs was.

Toekomsbelegging
Navorsing aan die Cornwall Universiteit het getoon dat gemiddelde pa’s ongeveer 38 sekondes per dag aan hul kinders afstaan waarin hulle onverdeelde aandag kry en ongeveer 20 minute per dag verdeelde aandag. Dieselfde kinders spandeer 54 uur per week voor die televisie. Verdere navor­sing het getoon dat die gemiddelde kerkgaande tiener ongeveer twee minute per dag in gesprek met hul pa’s spandeer. 25% van hierdie tieners verklaar dat hulle nog nooit ’n sinvolle gesprek met hul pa’s gehad het nie, m.a.w. ’n gesprek waar daar op hulle belange en behoeftes gefokus word nie. Ons kinders het ons nodig om daar vir hulle te wees – om na hulle te luister, om saam met hulle te lag, om net eenvoudig by hulle te wees.

Hulle wil graag hê ons moet vir hulle sê, deur die tyd wat ons aan hulle afstaan, dat hulle ons grootste prioriteit is, belangriker as die koerant, die tuin, rugby, die werk en selfs kerkaktiwiteite. Ek het hier slegs bo­langs aan die Bybelse rol van pa’s geraak. Ek kon nog baie ander fasette byvoeg – Pa as beskermer, voorsiener, gebedstryder – maar as ons as pa’s net bogenoemde vyf rolle aanvaar, wat ’n belegging sal dit nie wees in die lewens van ons kinders nie! God het hulle aan ons sorg toevertrou! – Die artikel het ‘n tyd gelede in die tydskrif “Juig” verskyn en word met Juig se toestemming  asook die toestemming van dr. Kevin Smith, verder versprei. http://www.juig.co.za/

Kerk! Dis tyd vir Herlewing!

Tragies, dog ook ironies, soek die wêreld  na die HERE God YAWEH, maar die Christene sit aan die slaap in die kerkbanke, rustig in hul tradisie en botheid.
Volgens opnames   deur die Gordon-Conwell Teologiese Seminarie is daar sowat 43 000 soorte kerke in die wêreld. Die tempo waarteen dit groei gaan beteken dat daar in 2025 altesame 55 000 soorte kerke gaan wees.

Baie van hulle beskik natuurlik nie oor die Waarheid nie. Sommige is gestig weens tweespalt en skeuring.

Die wêreldling skud sy kop. So baie soorte kerke is vir hulle ‘n Babelse verwarring. Hoe kan so baie mense een boek, die Bybel, so deurmekaar verstaan... veral, wanneer die HERE sê dat ‘n kind dit sal verstaan.

Volgens tradisie is dit die predikant se werk om die siele in te bring. Hoe gouer hierdie klug nek-om gedraai word, hoe gouer gaan ons die getal volmaak vir die Wederkoms.
Herders versorg die skape, maar herders kry nie lammers nie. Dis die skape, ek en jy, wat moet lam. Met goeie sorg lam ons sommer twee- drie- en vierlinge... en word dit ons nommer een prioriteit in die lewe... om siele te wen.

Die wêreld vra en moet weet hoe kom mens by God uit. Die wêreldlinge kyk na ons leefstyl, hulle soek na modelle van gesaghebbende Christen leefwyses. Hulle wil God sien. Hulle wil God hoor.
Die wêreld het nie inligting oor God nie. Kan God hulle persoonlike probleme help oplos. En ook wêreldprobleme? “Geregtigheid verhoog 'n volk, maar die sonde is 'n skandvlek vir die nasies.” Spr 14:34
“Maar soek eers die Koninkryk van God en sy geregtigheid, en al hierdie dinge sal vir julle bygevoeg word.” Matt 6:33

Hoor 2 Kron 7:13-15 “As Ek die Hemel toesluit, dat daar geen reën is nie, of as Ek die sprinkaan beveel om die land af te eet, of as Ek pes onder my volk stuur, en my volk, oor wie my Naam uitgeroep is, hulle verootmoedig en bid en my aangesig soek en hulle bekeer van hul verkeerde weë, dan sal Ék uit die Hemel hoor en hulle sonde vergewe en hulle land genees.”
En kyk wat voeg die HERE hier by: “Nou sal my oë oop wees en my ore luister na die gebed van hierdie plek (Suid-Afrika).”
Wat baat dit om te beweer ons is Christene, maar die wêreld sien God nooit in aksie in ons lewens nie.”

Altesame 36 miljoen mense in SA het verklaar dat hulle Christene is. Waar is hulle? Hoekom is hier nie ‘n Christen regering nie? Hier is Christen politieke partye, maar die Christene steun dit nie. M.a.w., daar is ‘n oop deur, maar bitter min stap daardeur.

Ons toon geen honger na God nie, geen bekommernis oor die verlorenes nie. Weet jou buurman dat jy Wedergebore is en wat Wedergeboorte is? Bid jy vir jou bure?
Die wêreldlinge haas na ‘n afgrond en ons keer hulle nie. Ons durf nie passief net toekyk nie. Ons staan skuldig voor God. Eseg 3:17-21

Herlewing is om dit wat eens lewendig was en in ‘n geestelike slaap verval het, weer te laat herlewe. Eseg 1: 1-14 verleen ‘n skitterende woordbeeld van die toestand.
Jy het redes en verskonings hoekom jy nie vir die HERE kan presteer nie. Jy is soos die man met die verdorde hand. Dis boonop jou regterhand wat verdor is, sê Lukas. Jou rede en verskoning is nie perfek nie want die HERE staan voor jou en sê: “Steek jou hand uit.” As daai man nie sy hand uitgesteek het, was hy nooit genees nie, het hy vir homself, sy gemeenskap en die HERE, niks beteken nie.

Daar is kerkraadslede wat liewer nooit in ‘n kerkraad moet dien nie. Of hulle doen niks, of hulle manipuleer ander en selfs die predikant. Die kerkrade skiet ver te kort aan die uitleef en onderwerping van die Koninklike Wet (Jak 2:8)

Baie kerke sit vandag vol mense, maar mense wat leeg is. Hulle het ‘n selfgenoegsame gees, ‘n apatiese hart en ‘n dooie ongehoorsame leefstyl. Kan hierdie bene weer herleef? Mense kom kerk toe toe, maar beleef niks. Sulke mense is geestelike lyke, mense met verdroogde beendere, verdorde hande en verlamde knieë.

            Hierdie toestand word gekenmerk aan die volgende:
·       Daar is nie meer ‘n behoefte aan Bybelstudie en gebed nie

·       Geestelike gesprekke is vir jou ‘n verleentheid en jy vermy dit

·       Wanneer jy sonde begin rasionaliseer

·       Wanneer jy kerk bywoon en wel Skrif aanhaal, maar dit het geen uitwerking op jou leefstyl nie

·       Wanneer jou lewe oor geld gaan, oor aardse besittings

·       Wanneer dit  nou nie meer pla dat ander verarm en geestelik verlore is nie

·       Wanneer die aanbiddingsdiens jou nie meer opgewonde maak nie

·       Wanneer jy nie meer daardie blye versekering het nie

·       Wanneer jy jou oorgee aan klaagliedere pleks van lofliedere

En ons neem dit waar wanneer die gemeente:

·       Begin swaar trek weens die effek van die moderne samelewing

·       Wanneer die gemeentes versplinter, rondval en die eenheid kwyn

·       Wanneer ons skielik wonder waarheen baie van die lidmate is

·       Wanneer  gemeentelede in ‘n staat van hopeloosheid verval

·       Wanneer die probleme in die kerk so groot word dat ons nie weet waar en hoe om te begin om dit reg te ruk nie

·       Wanneer die predikant vir alles geblameer word

Esegiël het vir sulke mense, sulke dooie beendere gepreek en herlewing het uitgebreek.
“Die mens sal nie van brood alleen lewe nie, maar van elke woord wat deur die mond van God uitgaan.” Matt 4:4
            Herlewing kom deur gebed. 2 Kron 7:14
            Diegene wat die Wil van die HERE doen, wat die Koninklike Wet gehoorsaam (Jak 2:8) hoef nooit oor sukses te twyfel nie.
            Die dooie beendere het begin lewe toe Esegiël God se opdrag uitgevoer het. Alle dooie beendere kan herleef. God sê dit en dis geprofiteer.
            Erken die doodsheid in ons lewens. Bely alle sonde en verkeerdhede. Laat ons onsself verbly in ons Wedergeboorte en laat ons weer toetree tot ure van aanbidding.
            Lees Ps 32 op jou knieë. Doen dit... Herleef! Ons kan nie in hierdie toestand verkeer – vol vlekke en rimpels – wanneer Jesus kom nie.

            “Skep vir my 'n rein hart, o God, en gee opnuut in die binneste van my 'n vaste gees.
            “Verwerp my nie van u aangesig nie en neem u Heilige Gees nie van my weg nie.
            “Gee my weer die vreugde van u heil, en ondersteun my deur 'n gewillige gees.
            “Ek wil die oortreders U weë leer, dat die sondaars hulle tot U kan bekeer.
            “Red my van bloedskuld, o God, God van my heil! Laat my tong u geregtigheid uitjubel.
            “Here, open my lippe, dat my mond U lof kan verkondig.
            “Want U het geen lus in slagoffer nie, anders sou ek dit gee; in brandoffer het U geen behae nie.
            “Die offers van God is 'n gebroke gees; 'n gebroke en verslae hart sal U, o God, nie verag nie! Ps 51:12-19
            Herskep en hervestig geestelike gemeentes; Openb 3:15-21 en strofe 22: “Aan hom wat oorwin, sal Ek gee om saam met My te sit op my troon, soos Ek ook oorwin het en saam met my Vader op sy troon gaan sit het.”
            Net in Israel is daar al 271 Messiaanse gemeentes. Sulke gemeentes van geredde Jode kom wêreldwyd, ook in SA, voor. Die vyeboom bot nie net nie, dit dra reeds vrug! Ons leef in die Laaste Uur!
            Leef in oorwinning. Leef bo en nie onder die omstandighede nie!
            “Daarom, rig die slap hande en die verlamde knieë weer op; en maak reguit paaie vir julle voete (hoekom?), sodat wat kreupel is, nie uit lit raak nie, maar liewer gesond gemaak word.

“Jaag die vrede na met almal, en die heiligmaking waarsonder niemand die Here sal sien nie; en pas op dat niemand in die genade van God veragter nie; dat geen wortel van bitterheid opskiet en onrus verwek en baie hierdeur besoedel word nie.” Hebr 12:12-15 – Sjibbolet    

Die Hysbakman

 

’n Handelsreisiger moes uit die aard van sy werk dikwels in hotelle tuisgaan. Hy het dan gereeld vir die hysbakman gevra: ”Jy ry gedurig op en af, gaan jou laaste rit op aarde boontoe wees?” Dit het hom aanleiding gegee om met die man ’n gesprekkie oor sy ewige bestemming aan te knoop en vir Christus te getuig.
            Dit laat mens dink aan Paulus se woorde: “...  omdat ek slim was, het ek julle met lis gevang.” 2 Kor 12:16
            Op ’n dag vra hy dit vir ’n jongman wat in die hysbak diens doen. Die hysbakman antwoord: "Ek hoop dit sal boontoe wees.”
“As jy in die Here Jesus Christus glo, sál dit boontoe wees,” verseker die verkoopsman hom.
Die jongman kyk hom verbaas aan en sê: “Elke verstandige mens glo tog aan Christus Jesus.”
“Ja, maar nie almal glo in Hom nie,” vervolg die reisiger. Hierop antwoord die hysbakman: “Wel, ék sien geen verskil tussen aan Hom te glo of in Hom te glo nie.” Die hysbak het die vloer bereik waar die man se kamer was. Hy gee die jongman ’n drukkie op die skouer en stap sonder ’n verdere woord uit.
            Die middag wil hy weer die hysbak gebruik. Hy druk die hysbakknoppie en toe die hysbakdeur oopskuif, is dit dieselfde jongman van die oggend wat in die hysbak staan.
            “Gaan die hysbak af na die eetkamervloer toe?” vra die verkoopsman. “Verseker,” antwoord die jongman.
Die man bly buite staan en kyk na die vervaardiger se handelsnaam wat teen die hysbak se agterkant vertoon word, en sê: “Ek ken daardie firma. Ek glo aan hulle hysbakke, so ek dink ek sal die hysbak gebruik.”
Hy bly egter buite staan. Die hysbakman kyk verwonderd na hom en vra: “Wil u na die eetkamer toe gaan?"
"Ja, sekerlik. Ek moet mos net aan jou hysbak glo en dan sal ek by die eetkamer uitkom?” antwoord die man, maar bly steeds buite staan.
Effens ongeduldig sê die jongman: “Ek is eintlik bietjie haastig. Kom in asseblief.”
Die man kyk hom in die oë: “So? Om by die eetkamer te kom, moet ek aan jou hysbak glo, maar dit is nie genoeg nie, ek moet ook in die hysbak glo en inklim om die nut te ervaar?”
Die jongman knik met sy kop. Die man stap in en die hysbak begin ondertoe gly. Dan sê die jongman “Ek sien dit nou. Ek moet nie net aan Christus glo nie. Ek moet ook in Hom glo, dan sal ek gered word!”
Om in Christus te glo is om Hom aan te neem deur eenvoudige geloof. Glo dat Jesus vir jou sondes gesterf het, dat Hy op die derde dag opgestaan het as jou Redder om jou dag na dag te dra en dat Hy terugkom om jou te haal.
Die Christendom is mense wat aan Christus glo, soos die Mohammedane mense is wat aan Mohammed glo en Boeddhiste mense is wat aan Boeddha glo. Maar ewige redding berus nie op net ’n verstandserkenning nie, maar redding berus op die persoonlike vertroue in die hart, en (let op) belydenis van die mond... dat Christus Jesus my Verlosser is wat ek aangeneem het en in Wie ek vertrou dat Hy my sondes aan die kruis gedra het en uit Wie se opstanding ek die ewige lewe ontvang het.
“As jy met (let op) jou mond bely dat Jesus die Here is, en (let weer op) met jou hart glo dat God Hom uit die dood opgewek het, sal jy gered word. Met die hart glo ons, en ons word vrygespreek; en met die mond bely ons, en ons word gered. Die Skrif sê tog: ‘Niemand wat in Hom glo, sal teleurgestel word nie.” Rom.10:9,10
            “Maar nou het Hy net een keer in die voleinding van die tye verskyn om deur sy offer die sonde weg te neem. ’n Mens is bestem om net een maal te sterf, en daarna kom die oordeel.” Hebr 9:26-27 – Sjibbolet