Ons moet die Getal eers volmaak – dan volg die Wederkoms

”Die HERE vertraag nie die belofte (van sy Wederkoms) soos sommige dit vertraging ag nie, maar Hy is lankmoedig oor ons en wil nie hê dat sommige moet vergaan nie, maar dat almal tot bekering moet kom.” 2 Pet 3:9
            Die HERE sal sy Belofte gestand doen, vir seker, maar eers wanneer ons, ek en jy, die getal volgemaak het.
            Die volmaakte getal is 144 000... 12 x 12 x 1000. Let op... 12 000 uit elke van die 12 stamme van Israel – 2 stamme uit die Huis (volk) van Juda en 10 stamme uit die Huis (volk) van Israel. Saam staan die 12 bekend as Israel.
            Met ons menslike verstand renedeer ons, daar is op die oomblik 22.9 miljoen Jode in die wêreld. Altesame 6.4 miljoen van hulle woon in die land Israel.
Heeltemal tereg het die Eerste Minister, Benjamin Netanyahu al vele kere gesê: “We are a Jewish State.”
            Iemand wat goed is met somme, kan gaan uitwerk dat as 6 miljoen Jode nie in die Joodse volksmoord gesterf het nie, hoeveel Jode daar vandag sou wees.
            In die Anglo Boere-oorlog sterf meer as die helfte van die kinders in die Boere Republieke, altesame 24 000. Saam met hulle 3 000 Boervroue en sowat 11 000 mans. Gaan maak ook die som dat as daardie mense nie gesterf het nie, hoe groot ons vandag sou wees.
            Daar is sowat 2 biljoen Christene in die wêreld en dit neem steeds toe. Mens sou kon sê daar is genoeg om ons getal vol te maak.
            Maar die 144 000 dui bloot vomaaktheid aan, net soos wat die syfer 7 op ‘n volgetal van tyd dui (en die satan se 6.66 daaraan kortskiet) en die syfer 8 ‘n nuwe begin aandui. Mens kan dus voortgaan met 12 x 12 x 12 x 12, ens.
            Dit dui egter steeds op volmaaktheid, ‘n volmaakte getal en die getal moet vol kom.
            As jy nou hier lees en jy is nog nie deel van die 144 000 dan sal jy vandag nog moet besluit, ‘n besluit wat jou hele lewe en lewenspad gaan verander.
            Gaan lees weer hoe die dissipels 5 000 man en hulle vroue en kinders met ‘n paar vissies en broodjies gevoer het.
            Een van die grootste matesis-wonderwerke in die wêreld vind ons by Moses en die Israeliete in die woestyn.
            Ons beleef  die verskil tussen vlees en gees, tussen geloof en ongeloof.
Sowat 3,5 miljoen mense moes 40 jaar lank in ‘n woestyn versorg word.  Volgens ‘n militêre strateeg sou Moses, as hy nie in die geloof gewandel het nie,  moes sorg vir:

•          1 500 ton voedsel per dag
•          Twee goedere treine van 1,6km in lengte sou die kos moes aanry
•          4 000 ton brandhout per dag sou nodig wees om kos te kook
•          Verskeie  goedere treine van 8km in lengte sou die hout moes aanry
•          Hulle sou 20 miljoen liter water benodig het want daar was geen mere of riviere in die woestyn nie
•          ‘n Trein met tenkwaens van 18.8km in lengte sou die water moes aanry
•          As hulle dubbel-gelid deur die Rooi See sou beweeg, sou die tou 1 280km lank gewees het.
•          Die tog deur die Rooi See sou 35 dae en nagte geduur het
•          Daar moes dus ‘n breë opening van sowat 4.8km gewees het sodat die Israeliete 5 000 in gelid in een nag kon deurbeweeg
•          Elke keer wat hulle gekamp het, het die kamp ‘n area van 1 200 vk  km beslaan, ‘n area van 48km in die lengte en 40km wyd – so groot soos die Groter Bloemfontein?

Hierdie lysie sou vir elke dag oor ‘n tydperk van 40 jaar moes gegeld het.
            Dink jy Moses het aan al hierdie dinge gedink voordat hy vertrek het?  Sekerlik nie.
Hulle het ook geen materiaal gehad om nuwe sandale en klere van te maak nie.  Hulle sandale en klere het 40 jaar lank gehou.
Die groter wonderwerk is dat die kinders se sandale saam met hulle voete groter geword het.
            Moses het God geglo.  Hy het geweet God sal na al hierdie dinge omsien.
            Die verskil tussen om in die vlees en in die gees te wandel, is enorm en onvergelykbaar, soos toe die vissies en broodjies aan 5 000 man en hulle vroue en kinders uitgedeel was.  Dit verbyster mens se verstand, maar om die dinge van God te verstaan skakel mens juis jou verstand af.
            Ons het presies dieselfde God vandag as wat die Israeliete destyds gehad het.  God het nie verander nie en sal nooit verander nie.
            Ons probleme lyk vir ons soms so oneindig groot, maar dink dan daaraan wat God kan doen!
            Skep moed, ons het dieselfde God.
            Ons moenie God by ons planne en strategieë inskakel nie.  Kom ons skakel liewer by Sy plan in want dan onderneem Hy in alles.
            Laat ons onverskrokke voortgaan om die siele in te bring en die getal vol te maak.
Die 144 000 is in Jesus Christus vrygespreek. Daarom dra hierdie 144 000 die teken van die Vader en die Lam.
 Dit is die uitverkore volk! Toe die skape en die bokke van mekaar geskei is, het Jesus as die goeie Herder Sy skape geneem die ewige saligheid in. Hulle name is in die Boek van die Lewe verseël, hulle het die kroon van die lewe ontvang, hulle is God se eiendom, hulle is die 144 000.
Die 144 000 is simbolies. Twaalf stamme sal in God se Ewige Koninkryk die nuwe aarde bewoon. Die getal twaalf die simbool van volheid. Elke stam sal twaalf keer vol wees — weer die simbool van volheid. Elke stam sal ook in duisende verteenwoordig wees.
Sien ook die simboliek in hoevele kere ons moet vergewe...  sewentig maal sewe keer. Matt 18:27. Dit beteken “vir altyd”.
Die 144 000 wys dus op die volk van God, wat in sy volheid en totaliteit in die Ewigheid sal regeer. Maar dit sê nog meer. Soos 12 x 12 x 1 000 vir ons 144 000 gee dus — 'n presiese getal, so sal 'n presiese getal die Ewigheid beërwe.  Niemand wat tot dié getal behoort sal verlore gaan nie.
Elkeen wat daarby hoort sal daar wees om die Lam te volg waar Hy gaan. Elkeen wie se naam verseël is in die boek van die Lewe is deel van die 144 000.
Kom, help dat ons die getal volmaak. Bid vir ‘n magtige Herlewing, bid vir siele om in te kom, reik uit na verlorenes en bring die gerwe in. – Sjibbolet

Voordat ons bid vir reen.....

Dink....

"As julle in my insettinge wandel
en my gebooie hou en dit doen,
sal Ek julle reëns gee op die regte tyd,
en die land sal sy opbrings gee,
en die bome van die veld sal hulle vrugte gee.
En die dorstyd sal vir julle aanhou tot die druiwe oes,
en die druiwe oes sal aanhou tot die saaityd,
en julle sal jul brood volop eet
en veilig in julle land woon.
Ook sal Ek vrede gee in die land,
sodat julle sal lê en rus
sonder dat iemand julle skrikmaak;
en Ek sal die wilde diere uit die land laat verdwyn,
en geen swaard sal deur julle land trek nie."
Liv 26:3-6

Hou die Strandligte brandend

In ‘n donker stormnag, toe golwe soos berge aangerol gekom het en geen ster in sig was nie, is ‘n skip naby die Cleveland hawe soos ‘n speelding in die stormsee rondgegooi.
            “Is jy seker dit is Cleveland,” het die kaptein gevra? Net ‘n enkel liggie was van die Lighuis af sigbaar.
            “Honder persent seker,” het die skipper bo die storm se gedruis geskreeu.
            “Waar is die strandligte?”
            “Dit brand nie meer nie, kaptein,” het die skipper geantwoord.
            “Sal jy die hawe kan haal,” wou die kaptein weet.
            “Ons moet...  anders sterf ons almal kaptein!”
            Met ‘n sterke hand en ‘n dapper hart het die ou skipper die wiel gedraai, maar tevergeefs, in die duister en die verraderlike stormsee het hy die hawe se ingang gemis.
            Die skip het op die rotse te pletter geloop en baie lewens het in ‘n watergraf gesterf.
            “Broers, die Meester sal na die Lighuis omsien, maar ons moet die strandligte aan die brand hou,” het D.L. Moody gesê.
            Wanneer ‘n skip sink of strand, help die Lighuis se lig nie meer nie, dan moet daar mense langs die strand met ligte beweeg en dit op die golwe skyn. Aan die een kant help dit drenkelinge om te besef waar veiligheid is waarheen hulle moet probeer swem of met reddingsbote heen vaar.
            Dit help egter ook die mense op die strand om ‘n hulpelose in die golwe te sien en redders in te stuur om hulle te red.
Die ligte op die strand is van kandinale belang in geval van ‘n seeramp. Mens durf nooit opgee op lewe nie. Hou die ligte reg deur die nag aan die brand.
Skrywer het saam met ander tydens twee seerampe so deur die nag langs die strand uitgekyk vir drenkelinge.
            Skrywer was een keer self op ’n visboot in ‘n donker stormsee vasgekeer. Dit was die ligte langs die strand wat ons na veiligheid gelei het, alhoewel dit ure geneem het om veiligheid te bereik.
            So sterf daar gereeld drenkelinge op die lewenssee. Kyk net hoe rof, ontstuimig en verraderlik het die lewenssee geword. Ons as Gelowigers is die enigste wat hulle kan red. Ons moet ons ligte langs die lewensstrand laat skyn, nou, veral in die moeilike tye,en die storms wat voorlê.
            Ons moet Jesus se onvoltooide werk klaarmaak, die getal volmaak. Dis my en jou taak.
            Die strandligte moet ten alle tye in hierdie donker sondewêreld brand. God hanteer die Lighuis, ons hanteer die strandligte... soos die volgende pragtige lied dit weergee....

Let the lower lights be burning

Brightly beams our Father’s mercy,
From His Lighthouse evermore,
But to us He gives the keeping
Of the lights along the shore.

Refrain:
Let the lower lights be burning!
Send a gleam across the wave!
Some poor fainting struggling seaman
You may rescue, you may save.

Dark the night of sin has settled,
Loud the angry billows roar;
Eager eyes are watching, longing,
For the lights along the shore.

Trim your feeble lamp, my brother;
Some poor seaman, tempest-tossed,
Trying now to make the harbour,
In the darkness may be lost.

With the Saviour as your pilot
Your have conquered wind and wave
Let His brightness shining through you
Be a beacon light to save.

http://www.bing.com/videos/search?q=let+the+lower+lights+keep+burning+lyrics&qpvt=let+the+lower+lights+keep+burning+lyrics&FORM=VDRE#view=detail&mid=79FC48FB863F3254B97779FC48FB863F3254B977

What Happened after This Family Prayed before Their Meal at an Oklahoma Restaurant
We see a lot of people paying it forward, buying for other people."

(Oklahoma)—Check, please. (Photo/KFOR)



A family was going about their morning at a local breakfast restaurant in Oklahoma, bowing their heads to thank God for their sausages, eggs and pancakes.

After their meal, they expected their bill when their waiter handed them a note instead: "Because you prayed, we paid. Continue to raise your sons in Christ. God Bless."

The gesture about had the mother in tears, KFOR reports.

"We see a lot of people paying it forward, buying for other people. Especially coming holiday time, we see a lot of that, we do. Because we have really good customers," the restaurant's assistant manager tells the news site.

Paying it forward is a growing trend at restaurants and drive-thrus, as one person paying for another behind them sparks a spirit of giving among customers.

Take an experience last month as an example: A high-school football team decided to pay it forward after another man blessed them with a meal.

"The guy told us to say, 'God bless them,' so we made sure we told them and they were like 'no, God bless him,'" the restaurant owner told ABC News. Members of the team then paid for other customers.

The phenomenon also occurred at a Florida Starbucks, where 378 people paid for the person behind them, inspired by the generosity of the previous customers. 

EEN in Jesus Christus

Die Indian Christian vertel, dit is Sondagoggend in Kiangsu, Sjina, gedurende die Tweede Wêreldoorlog. Kiangsu is reeds deur die Japanese magte ingeneem.
Die diens word in 'n klein Sjinese kerkie gehou. Die kerkie is feitlik stampvol, want die Christene het in hierdie swaar tye behoefte aan 'n salwing van God se nabyheid.
Skielik is daar spanning in die gemeente en onderdrukte uitroepe van vrees word gehoor. Vroue klem hul babas teen hulle vas. Mans kom regop in hul sitplekke.
'n Japanese soldaat het by die oop kerkdeur ingestap en loop nou af in die paadjie na die preekstoel toe. Die soldaat stap tot by die tafeltjie voor in die kerk.
Sigbaar vir almal haal hy geld uit sy sak en hy sit 'n bydrae op die tafeltjie neer. Alle vrees bedaar en 'n bewussyn van verligting word voelbaar in die kerkie toe hy sê: "Ek is ook 'n Christen. Ek verlang om saam met julle te aanbid."
Hy maak die liedereboek oop en noem 'n lied. Kan ons dit sing, asseblief?" vra hy met 'n glimlag. Die lied is "Blest be the tie that binds." Almal staan op en die Chinese en die Japanees sing hartlik saam:

Blest be the tie that binds
Our hearts is Christian love.
The fellowship of kindred minds
Is like to that above.

Before our Father's throne
We pour our ardent prayers
Our fears, our hopes, our aims are one
Our comforts and our cares.

We share each other's woes,
Our mutual burdens bear
And often for each other flows
The sympathizing tear.

When we asunder past
It gives us inward pain,
But we shall still be joined in heart,
And hope to meet again...

https://www.youtube.com/watch?v=iTJ0T6-O9CY

Meer as 260 000 Christene, het Genl William Booth, die stigter van die Heilsleër, se begrafnis in 1912 in Londen bygewoon. Toe die kis in die graf begin sak het sy seun Bramwell daardie massa mense gelei in die sing van Blest be the Tie that binds.
            Wat bring die eenheid tussen Christene? "Want julle is almal kinders van God deur die geloof in Christus Jesus." Gal 3:28
Dit is die groot droefheid wat uit verskeie van die sendbriewe spreek, wanneer die apostels oor twiste, eiesinnigheid en spanning in die gemeente moet skryf.
Paulus skryf aan die Efesiërs: "...wandel waardig die roeping waarmee julle geroep is, met alle nederigheid en sagmoedigheid met lankmoedigheid, terwyl julle mekaar in liefde verdra en ernstig strewe om die eenheid van die Gees te bewaar deur die band van die vrede." Efes 4:1-3.
“As julle ewenwel die Koninklike wet volbring volgens die Skrif: Jy moet jou naaste liefhê soos jouself – dan doen julle goed.
‘’Maar as julle partydig is, doen julle sonde en word deur die wet as oortreders bestraf.” Jak 2:8-9
Ons moet regmaak want ons moet gereed wees. Die tyd raak min. – Sjibbolet
Attachments area
Preview YouTube video Blest Be the Tie That Binds with lyrics

Blest Be the Tie That Binds with lyrics

https://www.youtube.com/watch?v=iTJ0T6-O9CY&authuser=0

Triomf of Trauma!

Die Triomfantelike kerk....




Skrywer stap by ‘n kerkgebou verby en binne sing die mense:



“Hou my trou, Here Jesus, hou my trou

Hou my trou,Here Jesus, hou my trou.

Daar’s stryd wat ek moet stry,

daar’s oorwinning te verkry.

Gee my krag, elke dag, hou my trou.”



En vrae ontstaan: Hoekom moet die HERE my trou hou wanneer die Skrif juis leer dat ek ‘n getroue dienskneg  moet wees, en Hy belowe Hy is  bly getrou? En, as mens altyd ‘n stryd het om te stry, wanneer breek die oorwinning aan... wanneer verander ons van ‘n strydende kerk na ‘n triomfantelike kerk?

          Wat beteken “Maar God sy dank wat ons altyd laat triomfeer in Christus en wat die reuk van sy kennis deur ons oral versprei,” 2 Kor 2:14 dan?

          Ons lewe in die tyd van profetiese vervullings. Twee daarvan gaan die hele mensdom en die lewe op aarde dramaties en traumaties verander: Die verdrukking wat aandstonds oorgaan tot die sewejarige Groot Verdrukking, en die Wederkoms van Christus, ons Verlosser en Saligmaker!

          Dramaties dog ook traumaties vir diegene wat God in Sy volheid nog nie ken nie, maar in triomf vir diegene wat, net soos die natuur Sy Wederkoms met reikhalsende verlange afwag!

          Die keuse berus by ons: Triomf of trauma!

          Ons bevind ons in ‘n tydvak waar meer profesie as tevore in vervulling gaan.  So bevind ons ook onsself veel nader aan die tyd van die Groot Verdrukking en die Wederkoms.

          Die eerste tekens van verdrukking is reeds duidelik oor die wêreld sigbaar.  Die opmars van antichristiese magte en invloede, asook terrorisme en oorlog, is sterk aan die toeneem, soos Christene brutaal in die strate onthoof word.

          Oor die wêreld heen, ook in ons eie land, smeul die onheil.

          Waarom sou iemand dink dat hy of sy hierdie dinge kan ontvlug? Sommige sluit hulle eenvoudig af vir hierdie gebeure. Hulle lees nie koerante nie, luister of kyk nie na nuusuitsendings nie. Die feit dat mense met hulle gedagtes die werklikhede probeer ontvlug, is die grootste klug van ons tyd.

          Ander besluit om kompromieë aan te gaan. Hulle lees darem so hier en daar die Bybel en gaan soms na ‘n kerkdiens. Gebed is dan en wan. Gesprekke met God is daar nooit.

          Maar min dien die waaragtige God met hulle hele hart, hulle hele siel en hulle hele verstand!

          Inderdaad leef ons in die tyd van die Laodisense, die tyd van menslike geregtigheid waar mense dink hulle regte word deur verdrae en wette beskerm.  Mense eet steeds soos Eva van die Boom van die Kennis in plaas van die Boom van die Lewe!

          Net een ding beskerm ‘n mens se regte, en dit is die bloed van Christus.

          2 Pet. 1:19 lees: “Ons het die profetiese woord wat baie vas is (onwankelbaar is), waarop julle tog ag moet gee soos op ‘n lamp wat in ‘n donker plek skyn (vir hoe lank?) totdat die dag aanbreek en die morester opgaan in julle harte.”

          God hou sy hand oor die Planeet Aarde. Hy sal nie Sy profetiese woorde rakende die mensdom en die planeet verander nie. Hy het verklaar dat sekere gebeure gaan plaasvind en geen niemand kan dit wysig nie.

          Nogtans is daar ‘n keuse vir die mensdom. Hy kan die oordele wat kom ontvlug deur veilig in Jesus hoede  te skuil, of hy gaan voort op die pad van die ewige verderf.

          God sê in Jer. 29:11 “Want Ek weet die gedagtes wat Ek oor julle koester, gedagtes van vrede en nie van onheil nie (hoekom?), om julle ‘n hoopvolle toekoms te gee.”

          Niks wat op hierdie planeet gebeur, kan vir God onkant betrap nie. Selfs ‘n mossie val nie na die aarde sonder dat Hy daarvan bewus is nie.

          God sê in Jes. 46:11-10 “Dink aan die dinge wat tevore was, van ouds af, dat Ek God is, en daar is geen ander nie; Ek is God, en daar is niemand soos Ek nie; wat van die begin af verkondig die einde, en van die voortyd af wat nog nie gebeur het nie; wat sê:  My raad sal bestaan en al wat My behaag, sal Ek doen.”

          Nog voordat die satan sy aanvalle kan loods, het God reeds ‘n plan om Sy Bruid (die Wedergeborenes) triomfantelik en in grootse glorie uit die toenemende verderf uit te lei.

          Jes. hoofstuk 59 is getiteld “Geen verlossing sonder bekering.”  En dan Sy belofte in strofe 20: “Vir Sion kom Hy as Verlosser en vir diegene wat hulle bekeer van oortreding in Jakob.”

          Dit is nie in God se guns dat ons verslaan word nie. Ons word bloot verslaan wanneer ons God se Woord ignoreer.

          Sy Woord sê  bv. in Jes. 54:17 “Elke wapen wat teen jou gesmee word, sal niks uitrig nie; en elke tong wat teen jou opstaan in die gereg, sal jy weerlê.”

          Vir wie sê Hy dit? “Dit is die erfdeel (dit is maar ‘n klein deeltjie van ons totale erfporsie) van die knegte van die Here, en hulle geregtigheid wat uit My is.”

          Soos wat ons ‘n Testament nalaat om ons kinders te laat erwe, so het Christus Sy Nuwe Testament vir ons as Sy kinders nagelaat. Daarin is ons totale erfporsie vervat.

          2 Kor. 2:14 lees: “Maar God sy dank wat ons altyd laat triomfeer in Christus en wat die reuk van Sy kennis (hoe?) deur ons, oral versprei (hoekom?) want ons is ‘n aangename geur van Christus tot eer van God (waar?) onder diegene wat gered word en onder diegene wat verlore gaan; vir die laaste, ‘n reuk van die dood tot die dood, maar vir die eerste, ‘n reuk van lewe tot die lewe.”

          Is jy tot hierdie dinge bekwaam?

          Elke profesie oor die geboorte, sterwe en opstanding van Christus het presies plaasgevind soos wat vroeër geprofeteer is. Net so sal die profesie oor die Groot Verdrukking en Sy Wederkoms, waarna selfs die natuur met reikhalsende verlange uitsien, beslis ook plaasvind.

          Dit is waarom Petrus ons waarsku om nou te let op die profesieë sodat ons nie onkant betrap word nie, sodat ons genoeg olie in ons lampe sal hê.

          Iemand het ‘n mooi kaart teen die muur in sy kantoor aangebring wat lees:  “Dalk Vandag – Perhaps Today”.  Besoekers wil telkens weet wat dit beteken, dan antwoord hy triomfantelik: “Dalk vind die Wederkoms vandag plaas en ek herinner myself daaraan deur dit elke dag te lees.”

          Soos wat ‘n perd met ‘n toom en leisels in toom gehou word, so kan ons onsself elke dag in toom hou, deur onsself elke dag aan Sy Wederkoms te herinner, want, inderdaad kan dit ter eniger tyd plaasvind.

          Intussen arbeid ons vreugdevol aan ons dagtaak en in die uitdra van die Evangelie. Al weet ons dat die Wederkoms more gaan plaasvind, dan plant ons vandag ook weer ‘n boom.

          Rom. 13:11-14 lees:  “… omdat ons die tydsomstandighede ken, dat die uur vir ons reeds daar is om uit die slaap wakker te word; want die verlossing is nou nader as toe ons gelowig geword het.

          “Die nag het ver gevorder en dit is amper dag.  Laat ons dan aflê die werke van die duisternis en die wapens van die Lig aangord.

          “Laat ons welvoeglik wandel soos in die dag, nie in brassery en dronkenskap, nie in ontug en ongebondenheid nie, nie in twis en nydigheid nie.

          “Maar beklee julle met die Here Jesus Christus, en maak geen voorsorg vir die vlees om sy begeerlikhede te bevredig nie.”

          Die keuse tussen Triomf of  Trauma is jou eie!

Dank die HERE God vir die groot Herlewing wat op pad is.  – Sjibbolet

Enige dag, enige uur... wees net gereed

 

Binne ‘n kwessie van ure voor Jesus Christus se Kruisiging, vind ‘n allerbelangrike gesprek plaas. “En toe Hy gaan sit het op die Olyfberg, regoor die tempel, vra Petrus en Jakobus en Johannes en Andréas Hom afsonderlik:
            “Vertel ons, wanneer sal hierdie dinge wees, en wat is die teken wanneer al hierdie dinge volbring word?” Mark 13:3-4
            Hier word die koers van die menslike geskiedenis uitgestippel.
            Jesus voorspel met merkwaardige akkuraatheid die verloop deur die eeue tot en met sy Wederkoms.
            Ons sou getuie wees dat die pad nie maklik en ons las nie lig sou wees nie. Ons sou getuie wees van die ontstaan van sektes en vals goddienste binne en buite die kerk, ook van etniese en sosiale konflik, rampe in die natuur en vervolging van Gelowiges uit alle oorde.
            Jesus het geweet dat ten spyte van alles wat sou gebeur, Sy Evangelie deur die hele wêreld verkondig sou word en dat diegene wat volhard tot die einde toe, gered sal word.
            Die nuus van die pad wat voorlê, was mistroostig, maar die toekoms van die volgelinge van Jesus rooskleurig, triomfantelik. Hy laat weet vir ons sy Wederkoms vind plaas in krag en glorie tesame met al sy Engele.
            Jesus het baie gebeure uitgestippel wat sy Koms vooraf sou gaan, maar bygevoeg dat die dag en die uur van sy Koms die weet net die Vader.
            Jesus bemoedig ons en waarsku om ten alle tye gereed te wees vir sy Koms. Miljoene wat reeds gesterf het, wis toe ook nie hul dag en tyd om te gaan nie. So weet ons wat in die lewe is ook nie ons dag en uur nie. Ons word egter bemoedig om deurentyd gereed te wees. Is ons?
            Ons is vandag getuies van een regering wat opstaan teen ‘n ander, van massa bewapening met veral kernwapens, van oorlog in 65 lande van die wêreld waar sowat 650 militêre, paramilitêre en groot getalle terroriste organisasies oorlog maak asook 22 lande waar Gelowiges weekliks brutaal vermoor word.
            Ons is getuies van rampe in die lug, op land en see, aardskuddings wat toeneem, vuurspuwende uitbarstings, droogtes, oorstromings, hongersnood.
            Gelowiges word onskuldig aan die regbanke oorgelewer. Probleme tussen ouers en kinders neem toe, selfs vyandigheid en moord.
            Altesame 29 miljoen mense is al gesteel, gekaap, ontvoer, meeste van hulle vroue, jongmeisies en meisietjies en aan die sekshole van die wêreld gesmous.
            Haat teen Gelowiges is aan die toeneem, ook teen die Jode, die Huis (Volk) van Juda). Gelowiges, en ook ander, vlug in hulle miljoene reg oor die wêreld heen na veiligheid.
            Die kerk en die Ekklesia skei. Die afval beloop miljoene mense. In Frankryk en Duitsland wil Moslems nou leë Roomse Katolieke en Protestante kerkgeboue betrek. In sommige gevalle het hulle reeds ingetrek.
            In Frankryk is daar 2 500 moskees met 300 in aanboud, maar hulle benodig 5 000 moskees vir die sowat 6 miljoen Moslems.
            In Duitsland staan 400 Roomse kerkgeboue toe asook 100 Protestantse kerkgeboue. Dit word verwag dat nog 700 Roomse kerkgeboue binne die volgende paar jaar gaan sluit.
            Daar is nou 40 mega-moskees in Duitsland, 160 gewone moskees en 2 600 Moslem gebedsale. Islam is besig om die dominerende geloof in Frankryk te word. Dit neem die hele Europa in.
            In Brittanje het 8 000 Metodiste kerkgeboue sedert 1960 al gesluit, tesame met 1 700 Anglikaanse kerkgeboue. Nog 4 000 kerke in Brittanje gaan hule deure in die volgende vyf jaar sluit.
            Daar is nou 1 700 Moskees in Brittanje, meeste daarvan was voorheen kerke en is in moskees omskep. Die tendens speel hom reg oor Europa af.  
            Jesus het daardie dag ondermeer gesê: “Voorwaar Ek sê vir julle, hierdie geslag sal sekerlik nie verbygaan voordat al hierdie dinge gebeur het nie.” Mark 13:30. Die geslag wat Hy na verwys het, is ons geslag, ons wat nou leef wanneer al hierdie onheile in volle swang is.
            Al Israel se vyande is al sowat vier weke lank in Sirië saamgetrek, onder meer 12 verskillende lugmagte. Dis glo om die Islamitiese Staat te verslaan, maar die Islamiete wen steeds veld in Sirië.
            Sommige vegtendes steun Pres Assad en ander wil hom onttroon.
            Die vermoede bestaan dat die betrokkenes dalk skielik hulself op Israel kan toespits wat tot die vervulling van Eseg.38 en 39 kan lei.
            Verlede week het die Konings van die Ooste, Sjina, Japan en Suid-Korea skielik hul trilaterale verhouding “volledig herstel”. Hulle gaan nou gereeld vergader. Sjina is ook in Sirië betrokke. Intussen het Sjina en Taiwan na 60 jaar vrede gemaak.
            Intussen word in die “Telegraph”gewaarsku dat ‘n klein insident in die Suid-Sjinese see tot oorlog tussen Amerika en Sjina kan lei. Die waarskuwing kom nadat ‘n Amerikaanse oorlogskip dit naby die Sjinese mensgemaakte eilande gewaag het. Dis provokasie, sê Sjina.
            So bou die haat dag en nag op tussen groot en klein moondhede. Van vrede is daar geen sprake nie.
            So kan enige van ons vandag reeds Huis toe gaan.
            Ons gebed vir hierdie dag en tyd moet wees: HERE help my dat ek nie geestelik aan die slaap val nie, dat ek wakker en wakend en gereeds sal wees!
             Daar is egter 'n Getal wat volgemaak moet word. Bring die siele in en bid ernstig vir 'n omvankryke Herlewing. – Sjibbolet

Die Evangelie van die Boggelrug

In 1972 bid skrywer vir die eerste keer in sy lewe vir iemand met ‘n gebrek...  ‘n man met ‘n groot boggelrug. Dit was omtrent ‘n ondervinding om vir die eerste keer in jou lewe vir iemand te bid en dan boonop vir ‘n boggelrug.
            Hy was ‘n onverwagte besoeker wat hulp kom soek het.
            Waar sou mens die geloof vandaan haal om vir 'n boggelrug te bid? ‘n Klein opmerking van ‘n prediker het die moed verskaf... wanneer ons vir iemand bid, dan is dit in die eerste plek nie ons nie, maar Jesus self wat genees.
            By handoplegging word ons hande maar net die verlengstuk van Jesus se hande... want ons is geroep om Jesus se werke op aarde voort te sit.
            Die groot besef was, as ek vir iemand die hande oplê en bid, dan is die onus op Jesus wat die genesing betref want ekself kan niemand genees nie.
            Dit was ‘n vreemde gevoel, gewaarwording, belewenis... om jou hande op ‘n boggelrug te lê.
            Maar toe mens begin bid, verander die hele situasie. Jy bid en jy weet dat dit weet, God genees want Hy is ‘n Waarmaker van Sy woord.
            Daar is vir die arm gehawende werklose man gebid nadat hy Jesus Christus as Saligmaker aangeneem het.... wonderwerk nommer een.
            Voordat hy opgewonde gegroet en uitgestap het, boggelrug en al, is hy van geld, kos, klere en ‘n Bybel voorsien.
            Die volgende dag en weke en maande daarna het verby gegaan sonder taal of tyding van die onverwagte besoeker van anderdag.
            In die vierde maand stap nog ‘n onverwagte besoeker by my kantoor in. Die man had die mooiste glimlag, netjies aangetrek, skoon en geskeer, fier en regop.
            Ek stel myself voor en bied hom ‘n sitplek aan. Hy kyk my stil aan en vra toe: “Onthou meneer my dan nie?”
Ek vra om verskoning, want ek het hom nie geken of erken nie.
            Hy sê triomfantelik: “Kyk meneer, by boggelrug is weg, Jesus het my genees...  ek het net kom dankiesê.” Hy het intussen ook ‘n goeiewerk gekry.
            En ek kyk en soos ‘n ongelowige Thomas voel ek... dis inderdaad die verslonste man wat die boggel had. Ons het mekaar vasgegryp en die HERE geloof.
            Toe dink ek aan aan Sondag 5 September 1971, toe Pastoor  Ray Stedman van die Peninsula Bible Church in Palo Alto, Kalifornië, sy preek “The Way To Wholeness” wou toelig.
            Hy vertel: 'n Klein boggelrugseuntjie het saam met al sy maats 'n paar Bybelverse gememoriseer. By 'n aanddiens kry die kinders geleentheid om hul tekse voor te dra.
Die Boggelruggie wou soos die ander, ook op die verhogie voor die preekstoel klim, om sy tekse voor te dra. Hy struikel op die verhoog.
Een van die seuns in die gehoor sien dit en skreeu: “Hi kreupel, hoekom kry jy nie daai vrag van jou rug af nie”
Mens kon 'n speld hoor val, toe die seuntjie stop en in trane uitbars. 'n Man staan in die middel van die gehoor op en stap na die verhoog toe. Hy sit sy arms om die seun.
Hy sê: "Ek weet nie watter soort mens so iets sou sê nie, maar ék wil net sê, die dapperste persoon in hierdie saal vanaand, is hierdie seuntjie. Hy is my seun en ek is trots op hom."
Met daardie woorde buig hy af en tel die seuntjie op en dra hom na sy sitplek toe.
Pastoor Stedman sluit af met hierdie woorde: “Dit is presies wat God vir ons doen. Ten spyte van ons gekneusde boggelrug gebroke lewens, doen ons steeds ons bes, maar wanneer ons in die proses struikel en selfs val, sê die HERE Jesus: “Jy is myne, Ek is trots op jou en baie lief vir jou.”
            Die Here se Woord bevestig hierdie beskerming van die Here vir almal wat Hom wil dien. "Die Here my God help my; wie sal my dan skuldig verklaar?" Jes 50:9.
"Daarom kan ons met vertroue sê: 'Die Here is my helper, ek ken geen vrees nie; wat kan 'n mens aan my doen?” Hebr 13:6. Laat ons met ons gebreke en al die HERE dien en Sy werk doen.
            Sê soos Dawid: "Die Here is my sterkte en my beskermer, op Hom het ek vertrou. Hy het my gehelp. Daarom is ek bly en wil ek Hom loof met my lied." Ps 28:7.
            Die HERE is ook gereed om alle soorte boggelrue, versperrings, siektes, kneusings, ens.,  te genees en mense vry te maak:
            “Maar Hy is ter wille van ons oortredinge deurboor, ter wille van ons ongeregtighede is Hy verbrysel; die straf wat vir ons die vrede aanbring, was op Hom, en deur sy wonde het daar vir ons genesing gekom.” Jes 53:5 – Sjibbolet

STILTETYD – Ons kragkamer

 

Walter B. Knight geestelikie skrywer,  vertel van twee manne wat 'n groot fabriek besoek. Hulle word oral rondgewys. Die groot vertrekke waar die groot masjiene draai en maal en werk en 'n groot gedreun veroorsaak. Alles gesinchroniseerd tee hoë snelhede.
Die gids neem hulle toe na 'n ander kamer toe. In hierdie vertrek is dit doodstil. Nie 'n geluid word gehoor nie.
"Hier gaan nie veel aan nie," sê die een man. Die gids gelimlag. "Hierdie is die fabriek se belangrikste kamer," sê die gids. "Dit is is van hierdie kamer af waar die krag vandaan kom, om die fabriek se masjiene te laat draai. Ons noem dit die Stilkamer (Quiet Room), dit is ook die Kragkamer (Power Room), genoem."
 Walter Knight merk hieroor op: "Ek het gewonder waar kom ons krag vandaan om te doen wat ons moet doen. Het ons 'n Stilkamer? Het ons 'n Stilkamer nodig? En 'n Kragkamer?
Ek is seker byna almal sal sê: Ons het 'n Kragkeamer nodig. Ons het 'n plek nodig waar ons die Here kan ontmoet en met Hom praat oor ons sake en behoeftes. Ja, ons het 'n plek nodig waar ons die Wil van die Here oor ons kan leer ken en dan die krag kry om dit te gaan doen soos ons dit kan vermag. Ons lewens sal vrugteloos en vol foute wees indien ons nie tyd deurbring in die Stilkamer, wat dan ook ons Kragkamer word, waar die Here ons ontmoet en in ons harte seën nie. "
"... verligte oë van julle verstand, sodat julle kan weet wat die hoop van Sy roeping... en wat die uitnemende grootheid van Sy krag is vir ons wat glo..." Efes 1:18,19. – Sjibbolet

Die Belangrikste Taak Ooit!

 

Tydens die Amerikaanse Burgeroorlog ry 'n man te perd, toe hy deur 'n wag, wat sy geweer op hom rig, voorgekeer word. "Wie is jy?" wil die wag weet."
“'n Vriend," antwoord die man.
"Kom nader en gee die wagwoord."
"Lincoln," antwoord die ruiter, seker van homself.
In die Amerkaanse Burgeroorlog was dit 'n algemene wagwoord. Stadig antwoord die wag: "Verkeerde wagwoord! As ek jou nie geken het nie, het jy nou met jou lewe geboet. Ten koste van my eie lewe spaar ek jou joune. Gaan terug en kry die regte wagwoord." Die ruiter bedank hom, draai om en ry terug.
Na 'n ruk kom hy terug met die regte wagwoord: "MASSASHUSSETS", sê hy. Die militêre wag reageer: "Dis reg. Ry voort."
            Die ruiter hou sy perd steeds in. "Ek kan nie net voortry nie," sê hy. "Ek het  'n boodskap vir jou. Ten koste van jou lewe het jy myne gespaar. Nou...  sê vir my, het jy die regte wagwoord vir die Hemel?"
"Ja, ek het," antwoord die wag sonder huiwering. "Wat is dit?" wil die perderuiter weet. "Jesus Christus, Meneer," antwoord die wag met 'n glimlag.
"Waar het jy dit geleer?" wil die man op die perd, nou bietjie verbaas, weet. "Meneer," antwoord die wag, nou baie op sy gemak. "in jou Sondagskoolklas destyds in Pennsylvania."
            Sjibbolet, die naam van ons Bediening,  is ook ‘n wagwoord. Die doel van die woord is eksklusief sowel as inklusief: ‘n Persoon wie se wyse van spraak ‘n sjibbolet skend is geïdentifiseer as ‘n buitestander en is dus uitgesluit van die groep. (Hierdie fenomeen is deel van die spreekwoord “Moenie iemand op sy baadjie takseer nie” – ‘n neiging oënskynlik verskans in menslike erkenning, en die gebruikstaal om sosiale groepe te onderskei).
            Die begrip van die wagwoord is aangeteken in Rigters. Die woord sjibbolet is ‘n oud-volkere Hebreeuse dialek wat beteken “oor of graankorrel” en sommige meen ook dat dit “waterstroom” beteken het. Sommige spreek dit uit met die “sj” en andere bloot met die “s”.
            Die woord sjibbolet word die eerste keer gebruik in Rigters 12:4-6 “Daarop versamel Jefta al die manne van Gílead om teen Efraim te veg; en die manne van Gílead het Efraim verslaan, omdat hulle gesê het: Julle, Gileadiete, is vlugtelinge van Efraim, in die midde van Efraim en Manasse.
            “En Gílead het die Efraimiete van die Jordaan-driwwe afgesny; en as die vlugtelinge van Efraim sê: Ek wil deurgaan –  dan vra die manne van Gílead vir hom: Is jy 'n Efraimiet? As hy sê: Nee, dan vra hulle hom:
“Sê bietjie: Sjibbolet!
“En as hy sê: Sibbolet! en nie ag gee om dit reg uit te spreek nie, dan gryp hulle hom en maak hom by die Jordaan-driwwe dood. So het daar dan in dié tyd van Efraim twee en veertig duisend man geval.”
Ek en jy sal nie ‘n wagwoord nodig hê vir die Hemel nie. Ons name staan in die Boek van die Lewe aangeteken en ons word daar verwag. Hulle kyk juis uit vir ons.
Staan jou naam daar? Staan jou gesin, jou familie, jou vriende se name daar? En die name van die mense in jou gemeenskap? Jou belangrikste taak ooit, wag op jou.
"... die woord van die kruis is wel dwaasheid vir die wat verlore gaan, maar vir ons wat gered word, is dit die krag van God..." 1 Kor 1:18
Druk hierdie geskrif en versprei dit van huis tot huis, van mens tot mens, en bid vir 'n magtige Herlewing! – Sjibbolet

Bely jy Jesus voor die mense?

Matt 10:28-32: "Elkeen dan wat My sal bely voor die mense, hom sal Ek ook bely voor My Vader wat in die hemele is" (vs.32).
         'n Amerikaanse prokureur kom met groot opgewondenheid by sy huis aan. Toe hy sy vrou groet, sê hy vir haar: "Vroutjie, wees saam met my bly. Ek is vanaand by die diens wat ek bygewoon het, Wedergebore. Kom ons hou sommer nou ons eerste aandgodsdiens."
         "My man, ek is so bly saam met jou, maar in die sitkamer sit drie prokureurs vir jou en wag om 'n saak te bespreek. Ons kan saambid, maar ons sal dit nou eers sommer in die kombuis moet doen."
         Haar man reageer baie beslis. "My vrou, ek het Jesus nog nooit in my huis ingenooi nie, en ek sal hierdie eerste keer, Hom regtig nie kombuis toe vat nie." Hiermee stap hy sitkamer toe. Sy vrou trippel onseker saam. Toe hy in die sitkamer kom, groet hy sy kollegas met 'n wuif van die hand en sê: "My vriende, heel eerste wil ek graag vir julle sê, ek het vanaand die Here Jesus Christus as my Verlosser en Here aangeneem. Sal julle asseblief nou saam bid. Ek wil die Here dank dat Hy uiteindelik in my lewe en daarom ook in my huis ingekom het."
         Die drie manne buig hulle koppe en sluit die oë en die nuwe volgeling van die Here Jesus dank eers die Here vir sy eie redding en bid toe vir vriende om hom spoedig te volg.
         Die nuwe bekeerling wat Christus dadelik na sy sitkamer toe geneem het en Hom voor sy vriende bely het, het voortaan hierdie uitgesproke getuienis gehandhaaf. Ek haal die oorsproklike skrywer aan: "This new convert made a clear-cut confession of Christ as his Lord and lived to witness for Him. He became Chief Justice of the United States Supreme Court, John McLean."



Dis wat Jesus van ons verwag: Om Hom in die openbaar te bely... mondelings maar ook deur ons leefwyse. "Elkeen dan wat My sal bely voor die mense, hom sal Ek ook bely voor My Vader wat in die hemele is." God eer hierdie gesindheid ook, deur vir Sy nuwe kinders weë vorentoe oop te maak.
            Mense word nie gered om Hemel toe te gaan nie. As dit so was dan kon ons mos maar net na ons Wedergeboorte gesterf het.
            Ons is gered om Jesus Christus se werk wat Hy op aarde begin het, te voltooi. Nie die predikante nie… maar ek en jy.
            Herders kry nie lammers nie, skape kry lammers.
            Wanneer ons gered is sê Hebr 6:1 “Laat ons nie stilstaan by die eerste dinge wat aangaande Christus verkondig word nie, maar verder gaan na die volle inhoud van die boodskap.”
            Na die Wedergeboorte stap ons in die krag van die Heilige Gees, doen ons Woordkennis op en begin ons die HERE se opdragte een na die ander uit te voer.
Ons het dit nodig want ons moet siele wen, bid en getuig.
            Die bekende prediker C.H.Spurgeon, het dit so gestel: Na 'n mens na Jesus gekom het, vorder geloof 'n bietjie verder en KLEM aan Christus vas. Geloof begin Christus aansien in Sy voortreflikheid en aanvaar Hom en neem Hom aan en beskou Hom as 'n ware Verlosser en is oortuig van Sy volkome vermoë om te red.
 Nou gaan geloof nog verder en dit LEUN op Christus.
Die laste van sorge, droefheid en kwelling word op Sy geseënde skouers gelê.
Geloof kan nou nederig, maar vasbeslote, alles wat Christus is en alles wat Hy bewerk het, toeëien... ons maak dit ons eie.
Onthou, by die Wedergeboorte het jy die Ewige Lewe ontvang. Jy is ‘n “nuwe skepsel” in Christus. Nou leef, doen en praat en dink jy anders as voorheen. Daardie nuwe mens moet geestelike gevoed word.
            “Deur Christus het julle… die Evangelie van julle verlossing gehoor en tot geloof gekom. In Christus het die Heilige Gees julle as die eiendom van God beseël.” Efes 1:13
"Laat ons tot God nader met 'n opregte hart en met volle geloofsekerheid Laat ons styf vashou aan die hoop wat ons bely, want God is getrou: Hy doen wat Hy beloof het.” Hebr 10:22
"… verlang sterk soos pasgebore kindertjies na die onvervalste melk van die Woord, dat julle daardeur kan opgroei…" 1 Pet 2:2

Gee jou hand aan die HERE ...

 

Soos destyds toe Koning Jehiskia die hele volk Israel en Juda genooi het na ‘n nasionale Pasga, so word ons vandag opnuut vanaf ons afgedwaalde weg na Sy Heiligdom genooi met die uitnodiging: Om ons Hand aan die HERE te gee. 2Kron 30:8
            Hande speel ‘n groot rol in die Bybel. Die woord hand of hande kom 1 600 keer in die Bybel voor.
            Hand of hande speel ‘n positiewe, maar ook ‘n negatiewe rol.
            Negatief:  Matt 26:23 (Lees van strofe 20 tot 24) “Toe antwoord Hy en sê: Hy wat sy hand saam met My hand in die skottel insteek, hy sal My verraai.”
            Dis hoe Jesus Christus geweet het wie hom gaan verraai, toe Judas nie langer eerbied teenoor sy naaste betoon het nie, en sommer sy hand ook in die skottel gesteek het wanneer hulle kos uit die skottel geneem het.  Dit was in hulle dae ook onmanierlik om nie te wag dat iemand eers klaar kos neem, voordat jy jou beurt kry nie.
            Positief:  Met ons hande seën ons die HERE in aanbidding, seën ons mekaar, seën ons, ons kinders.  Mens slaan nie ‘n kind of selfs ‘n hond met jou hand nie, daarvoor gebruik mens ‘n neutrale voorwerp.  Slaan ‘n hond met jou hand en hy, net soos ‘n kind, verloor respek vir jou.
            Gal. 2:9  “…en toe hulle merk die genade wat aan my gegee is, het Jakobus en Céfas en Johannes, wat as pilare geag is, aan my en Barnabas, die regterhand van gemeenskap gegee…”
            Ons verwelkom iemand in die gemeente met die regterhand van gemeenskap.  Ons stuur hulle ook uit met die regterhand van gemeenskap.
            Om iemand die hand te gee, is ook jou woord van eer, en jy durf dit nie verbreek nie.
            “As jy 'n gelofte aan God gedoen het, stel nie uit om dit te betaal nie, want daar is geen welgevalle in dwase nie. Betaal wat jy belowe.
“Dit is beter dat jy nie belowe nie as dat jy belowe en nie betaal nie.
“Laat jou mond nie toe om op jou liggaam 'n sondeskuld te laai nie, en sê nie voor die gesant van God: Dit was 'n vergissing nie. Waarom moet God toornig word oor jou stem en die werk van jou hande verwoes?” Pred 5:3-5
Nou word ons genooi: Kom na God se Heiligdon en gee Hom jou hand.
Die uitnodiging kom as gevolg van ons hulpeloosheid. Die volk het afvallig geword en is op ‘n pad weg van die HERE af. Die volk is magteloos om homself te red. God wil die volk ophelp... daarom Sy uitnodiging: Gee jou hand aan die HERE.
Ons het al sovele kere probeer om weer orent te kom, maar tevergeefs. Ons is hulpeloos, vasgeval in verskeie soorte omstandighede waaruit net God ons kan haal... kom ons gee Hom ons hand.
Ons het die punt bereik waar ons vasberade besluit:  Ek waag geen tree verder, as U nie met my gaan nie.
Die Koning het ook die volk aangespreek oor hulle moedswilligheid... verhard nie julle nek nie, moenie koppig wees nie. Eie plannetjies het ons nog iewers gebring. Nou is daar net een oplossing: Laat ons, ons hand aan die HERE gee.
Kom ons kry die saak reg tussen ons en die HERE. Die Koning Kom, daar is haas nie meer tyd oor nie.
Die HERE raai ons aan om ons hand aan Hom te gee sodat Hy ons kan teruglei na die weg op pad na die Nuwe Jerusalem.
Iemand kan net gered word, wanneer hy sy hand in die hand van sy redder sit. Ons het afdgedwaal en ons sukkel om na die regte pad terug te keer, maar as ons, ons hand aan die HERE gee sal ons gered word, gereed vir Sy Koms!
Toe ons getrou het, het ons mekaar die hand gegee, die hand van trou waarmee ons ‘n verbond gesluit het. Hoeveel van ons is steeds trou? Gee ons nog om?
Ons het die Wedergeboorte deelagtig geword, die Heilige Gees ontvang... is ons hand nog in God se hand? Die HERE belowe in Joh 10:28 Hy bly getrou! En ons?
Ons is God se Heiligdom, laat ons onsself bymekaar maak en ons hand vir die HERE gee. Kom ons hou vir ‘n tyd op met preek en kom byeen en gee ons hand vir HERE. Ons is almal genooi. Jy is ook genooi... –  Sjibbolet

‘Ek wil graag die Ewige Lewe hê’

‘n Vreemde man vra eendag aan ‘n prediker in Suid-Afrika: “Kan u my straks sê waarom ek pas die hele Bybel deurgelees het? Ek vra want ek begryp dit nie. Ek was nog nooit in ‘n kerk nie, het nog nooit die Bybel gelees nie... en nou skielik lees ek die ganse Bybel deur.”
            Die prediker het geantwoord: “iemand baie naby aan jou en jou vrou bid gereeld vir die redding van julle siele.”
            Die man: “Waar kom u daaraan?
            Prediker: “U het my ‘n vraag gevra en ek het terselfdertyd vir die HERE vir die antwoord gevra, dis hoe ek dit weet.”
            Die vreemde man het gegroet en sy gang gegaan.
            Die volgende aand was die vreemde man terug: “Pardon, toe u gistermiddag gesê het iemand bid vir ons, het iets my bygeval. Kyk, hier is ‘n brief van my suster van oorsee, hier skryf sy: ‘Ons bid gereeld vir die redding van julle siele.’
            “Wat beteken dit tog,” wou hy weet.
            Die prediker het hom die pad na Saligheid verduidelik en hy het aandagtig geluister, gegroet en vertrek.
            ‘n Week later is hy terug. Die prediker groet en vra waarmee hy kan help.
            Die man: “Ek wil ‘n Christen word.”
            Prediker: “Waarom?”
            Die man: “Want ek wil die Ewige Lewe hê.”
            Prediker het hom binne genooi en saam het hulle langs mekaar elk by ‘n stoel gekniel. Die prediker wag, want hy verwag die vreemde man gaan nou Jesus as Saligmaker aanneem, maar dis doodstil.
            Die man leun skielik oor na die prediker en fluister: “Luister, hoe moet ek Hom aanspreek? Ek ken Hom nie en ek het nog nooit met Hom gepraat nie.”
            Die Prediker het geglimlag en gesê: “Laat ek eers met Hom praat, dan sal jy hoor hoe ek dit doen, dan sal ek aan jou oorgee om self jou saak met Hom uit te praat.”
            Prediker bid toe: “Vader, in die naam van Jesus, dankie dat ek en Herman voor u genadetroon mag kniel. Herman ken u nie, maar hy wil graag met U praat.”
            Prediker fluister toe aan Herman, nou mag jy maar voortgaan.
            En so is die vreemde man, Herman, gered.

Description: Mahatma Gandhi
“You Christians look after a document containing enough dynamite to blow all civilisation to pieces, turn the world upside down and bring peace to a battle-torn planet. But you treat it as though it is nothing more than a piece of literature.”

“I like your Christ, I do not like your Christians. Your Christians are so unlike your Christ.” ― Mahatma Gandhi

Die Wederkoms ten spyt – Koop die TYD uit...

 

Die Midde-Ooste is ‘n kruitvat. Talle tekens dui op die spoedige terugkeer van Jesus Christus. Baie  Gelowiges wil weet hoe die Wederkoms gaan afspeel. Dit wat egter vanuit die Hemel gaan gebeur, kan nie een van ons iets aan doen nie. Dis buite ons beheer. Maar daar is wel ‘n aspek waar ons almal dringend betrokke by moet raak.

Die Here vertraag nie die Belofte soos sommige dit vertraging ag nie, maar Hy is lankmoedig oor ons en wil nie hê dat sommige moet vergaan nie, maar dat almal tot bekering moet kom.” 2 Pet 3:9

Dit beteken net een ding: Werk want die nag is op ons.

Ons gee hopeloos te veel aandag aan die Wegraping, ‘n gebeurtenis waaroor ons geen seggenskap hoegenaamd het nie. Ons hou ons besig om te bepaal hoe die Einde gaan plaasvind. Dit was nie ‘n opdrag van die HERE nie.

“Die wat bymekaargekom het, vra Hom toe en sê: Here, gaan U in hierdie tyd die koninkryk vir Israel weer oprig?
En Hy antwoord hulle: Dit kom julle nie toe om die tye of geleenthede te weet wat die Vader deur sy eie mag bepaal het nie; maar julle sal krag ontvang wanneer die Heilige Gees oor julle kom, en julle sal my getuies wees in Jerusalem sowel as in die hele Judéa en Samaría en tot aan die uiterste van die aarde.” Hand 1:6-8. Is jy ‘n getuie?

Jesus het vertel wanneer die Einde gaan kom, behalwe vir die dag of die uur want dit wis Hyself nie, maar hy het wel ‘n opdrag gegee wat ons ten alle koste moet uitvoer.

1.
“Daarom, geliefdes, terwyl julle hierdie dinge verwag, beywer julle dat julle vlekkeloos en onberispelik voor Hom bevind mag word in vrede.
En ag die lankmoedigheid van onse Here as saligheid, soos ons geliefde broeder Paulus ook met die wysheid wat aan hom gegee is, aan julle geskryf het, net soos in al die briewe. Hy spreek daarin oor hierdie dinge, waarvan sommige swaar is om te verstaan, wat die ongeleerde en onvaste mense verdraai, net soos die ander Skrifte, tot hul eie verderf.
Noudat julle dit dan vooruit weet, geliefdes, moet julle op jul hoede wees dat julle nie miskien meegesleep word deur die dwaling van sedelose mense en wegval uit jul eie vastigheid nie.
Maar julle moet toeneem in die genade en kennis van onse Here en Saligmaker, Jesus Christus. Aan Hom kom die heerlikheid toe, nou sowel as in die dag van die ewigheid. Amen.” 2 Pet 3:14-18

2.
“Gaan dan heen, maak dissipels van al die nasies, en doop hulle in die Naam van die Vader en die Seun en die Heilige Gees; en leer hulle om alles te onderhou wat Ek julle beveel het.” Matt 28:19

“Die Here vertraag nie die Belofte soos sommige dit vertraging ag nie, maar Hy is lankmoedig oor ons en wil nie hê dat sommige moet vergaan nie, maar dat almal tot bekering moet kom.” 2 Pet 3:9. Hy gee nog geleentheid, vir oulaas, vir ons as Gelowiges om die Getal vol te maak.

Wag eerder op die HERE om Sy wonderbare Belofte in jou lewe in vervulling te laat gaan: “En in die laaste dae, spreek God, sal Ek van my Gees uitstort op alle vlees, en julle seuns en julle dogters sal profeteer, en julle jongelinge sal gesigte sien, en julle ou mense sal drome droom. En ook op my diensknegte en diensmaagde sal Ek in dié dae van my Gees uitstort, en hulle sal profeteer.” Hand 2:17-18

Wanneer jy die Heilige Gees ontvang, ontvang jy die gesag om te kan bid vir ‘n magtige Herlewing.

Daar is nie meer tyd oor om die foute van die predikant of die kerk of ander lidmate raak te sien nie. Nou moet jy net Jesus raaksien. “Of weet julle nie dat julle liggaam 'n tempel is van die Heilige Gees wat in julle is, wat julle van God het, en dat julle nie aan julleself behoort nie? Want julle is duur gekoop. Verheerlik God dan in julle liggaam en in julle gees wat aan God behoort.” 1 Kor 6:19-20

Komaan, ons staan voor ‘n uitdaging. – Sjibbolet

Ons sal krone dra

 Die Victoriakruis vir dapperheid is in 1857 die eerste keer deur koningin Victoria self in Hydepark, Londen, toegeken. Die King's Business haal 'n insident in dié geskiedkundige gebeurtenis aan.
Een van die leër se veterane, gruwelik in die oorlog vermink, het nie soos die ander flink na die Koningin kon marsjeer nie. Weens sy erge wonde en verminking, het erg sukkelend na die Koningin aangesukkel om sy medalje te ontvang.

Die Koningin kyk na hom, gooi die medalje neer, draai haar rug op hom, bedek haar gesig in haar hande en gaan bitterlik aan die huil. Die verminkte man het heeltyd doodstil bly staan.
Uiteindelik kom die Koningin tot bedaring, vee haar oë met haar sakdoek droog en speld die medalje teen die man se bors vas. Sy sê vir hom 'n paar woorde.

Hy antwoord met 'n stralende gesig: "God bless Your Majesty; we'd bear it all again for Queen and country."

Hieroor maak King's Business die opmerking: "It was not the medal itself that brought joy to the soldier's heart, but the fact that his service for the Empire was recognized at the hand of his sovereign."

            Die Bybel beloof ook beloning, bo die gawe van die Ewige Lewe, aan almal wat in die HERE se Koninkryk gewerk het: "...elkeen se werk sal aan die lig kom. Die dag wanneer Christus kom, sal dit duidelik word ...as iemand se bouwerk bly staan, sal hy beloon word; as iemand se werk verbrand, sal hy nie beloon word nie, en tog sal hy self gered word..." 1 Kor 3:13-15.

Petrus skryf die beloning sal 'n kroon van heerlikheid wees: "...wanneer die Opperherder kom, sal julle die heerlikheid as onverganklike kroon ontvang". 1 Pet 5:2,4.

Die beloning gaan wonderlik wees, maar dat ons die HERE se erkenning sal ontvang, maak dit heerlik. Stefanus het by sy steniging uitgeroep: "...ek sien...die Seun van die mens wat aan die regterhand van God staan." Hand 7:56

Watter prys is vandag te hoog vir ons as ons dink aan die wonder om uit Jesus se deurboorde hand 'n kroon te ontvang!

We shall wear a Crown

Bugle calls are ringing out,
Forward is the battle shout,
See where floats the conqu’ring sign,
Onward to the war divine!

Refrain
And when the battle’s over, we shall wear a crown,
We shall wear a crown, we shall wear a crown!
And when the battle’s over, we shall wear a crown
In the new Jerusalem!
Wear a crown, wear a crown, away over Jordan!
And when the battle’s over, we shall wear a crown
In the new Jerusalem!

Sound the charge against the foe,
Lay the hosts of error low;
In His name, victorious King,
Let the song of triumph ring!

Fight the fight of faith and love,
Looking unto Him above;
Loyal soldiers, do and dare,
Your Commander’s joy to share.

Jy is gered om die Koninkryk te bou

Die gawes van die Heilige Gees  is
vir alle wedergeborenes beskore 

Die gawes en bediening van die Heilige Gees wat deur die kerke verwaarloos word meesal verlore gegaan het, is die Here Jesus nou besig om te herstel. Hy is besig om Sy wysheid
en Sy mag en Sy gesag oor Sy eiendom te herstel.
            Die rede?  Die laatoes moet ingebring en die Bruid moet gereed gemaak vir die asemrowende ontmoeting met die Bruidegom!
            Ons, elke Geesvervulde gelowige, het een of meer gawes en bedieninge. Alle gelowiges word geroep om Hom te dien en is die vermoë gegee om die werk te doen. Niemand
is uitgesluit nie. Of jy dit weet of nie  –  jy is word toegerus deur die Heilige Gees om sekere pligte te vervul.
Jy is geroep, uitverkies en bonatuurlike mag en gesag gegee om daardie gawes en bedieninge te gebruik tot eer en verheerliking van Sy Naam en ter uitbreiding van Sy
Koninkryk.
Met Sy wysheid en Sy sterkte kan jy groot dinge doen. Jy kan – volgens Jesus Christus –  die "groter dinge" doen as wat die Here Jesus self gedoen het.  Christus het  met
“groter” meer, bedoel.  Ja, ons sal meer dinge doen as wat Hy gedoen het.  Is dit nie wonderlik nie.
Elke gawe is 'n teken dat die Here deur jou en my, met behulp van Sy medewerking, werk. Onthou, ons is tot alles in staat deur Christus wat ons die krag daartoe gee!
Daar is nege bonatuurlike gawes van die Gees, wat die Here aan die mens gee en wat Hy uitdeel soos Hy wil.  1 Kor 12
Hulle kan in drie groepe verdeel word:

·       Drie gawes van openbaring ('n woord van wysheid, 'n woord van kennis en onderskeiding van die geeste. 1 Kor 12: 8-10)
·       Drie gawes van Krag (die gawe van geloof, die gawes van genesing en die werkinge van wonders, verse 9-10)
·       Drie gawes van geïnspireerde uitinge (verskeidenheid van tale, die uitleg van tale en die gawe van profesie, vers 10).

Hierdie is verskillende gawes, maar dit is dieselfde Gees wat aan elkeen afsonderlik uitdeel soos Hy wil. Hy gee gewoonlik een of meer aan elkeen wat met die Gees vervul is  (Rom 12: 6-8), met ander woorde een of meer gawes kom in die Geesvervulde gelowige se lewe tot openbaring.
Hoe weet mens dat jy byvoorbeeld die gawe van gesondmaking het?  Maklik. Begin net vir siekes bid.  Elkeen van ons het gawes geërf. Die Here sal die gawes wat ons het
bevestig.
            Hierdie nege gawes word gegee om eer en heerlikheid aan die Gewer te bring, en om in die behoeftes van die mens te voorsien. Hulle word gegee as tekens en wonders om
die gelowiges en ongelowiges te oortuig dat die Here in hul midde werk.
            Ons Here Jesus werk dus saam met en deur mense. As Hy Sy gawes aan Sy medewerkers toebedeel, dan gee Hy hulle mag en gesag om die tekens en wonderwerke te doen
om sodoende die sondige wêreld te bemoedig en te oortuig.
            As die Geesvervulde gelowige een of meer van hierdie gawes van die Gees openbaar, dan openbaar hulle wat ons noem bonatuurlike kennis of bonatuurlike uitinge. Dis
egter nie bonatuurlik vir die ware kind van God nie, maar ‘n normale Christelike lewenstyl.
Nogtans wéét dinge wat die natuurlike – die ongelowige mens – mens nie weet nie; hulle doen dinge wat die natuurlike mens nie kan doen nie;  hulle sê en bedink dinge
wat die natuurlike mens nie kan sê of bedink nie. Die onderskeid lê tussen die vleeslike en die geestelike vlak.
            Elke gawe is Jesus Christus in aksie en is 'n manifestering van Sy mag en wysheid.  Die werkinge van die gawes voorsien in die mens en die kerk van Christus se behoeftes.
Dit dien tot die mens se saligheid, vervulling, genesing en verlossing van die bose. Dit is die pad van heiligmaking.
            Hierdie groot en magtige gawes is die wapens waarmee die Vader Sy medewerkers toerus.  As ons in Sy weë wandel en onsself aan die Heilige Gees oorgee om die gawes
te manifesteer is daar geen rede om bose magte, demone, te vrees nie. Die hoofdoel van die gawes is om die werke van Satan af te breek en om die koninkryk van God uit te brei.
            Ons het deurentyd hierdie twee magte en kragte wat teenoor mekaar staan. Die Satan met sy gevalle engele en demoniese magte sal tot aan die einde van dae voortgaan
soos ‘n brullende leeu om te verslind wie hy ook al kan.
            Om aan God se kant te staan, beteken om die volle wapenrusting aan te trek, dit is, die lering wat ons in hierdie skrywe aan u deurgee.
            Vir diegene wat die gawes openbaar, word die bonatuurlike "natuurlik". Die onmoontlike word "moontlik".  Ons verwag die onverwagte.  Ons sê en doen dinge soos die
Here Jesus sou sê en doen.
Wat ons die werkinge van die gawes noem, is in werklikheid die manifestasie van die Here Jesus Self, wat in ons woon en deur ons werk. Daarom is genesings en wonders
vandag moontlik  –  daarom is hulle noodsaaklik om die wêreld te oortuig dat Jesus nog lewe.
            Die Here beveel ons: "Maak siekes gesond, reinig melaatses, wek dooies op, dryf duiwels uit." Matt 10:8
         
HEILIGE GEES AS GODDELIKE PERSOON

Skriftuurplase oor die Gees as 'n Goddelike Persoon:

Johannes 16: 1-5               So is Hy openbaar deur Christus
Handelinge 5: 1-11           So is Hy erken deur die Apostels
1 Korinthiërs 12: 4-11      So word Hy gesien in die mededeling van die gawes
Mattheus 28:19                 Gelyk aan die Vader en die Seun in die doop-bediening
2 Korinthiërs 13:14           Gelyk aan die Vader en die Seun in die seën

Skriftuurplase oor die Gees as 'n Goddelike Persoon:

Johannes 16: 8-11               Hy oortuig
Johannes 3:5                       Hy verkwik die siel
2 Thes. 2:13                        Hy maak heilig
Hebreërs 3:7                       Hy roep
1 Johannes 2:20                  Hy salf
Jud. 20                                Hy help in gebed
Romeine 8:26                     Hy help in ons swakhede
Handelinge 9:31                 Hy troos
Johannes 16:13                   Hy lei in alle waarheid
Johannes 16:14                   Hy verheerlik Christus
Efesiërs 4:30                       Bedroef die Gees nie
Handelinge 7:51                 Weerstaan die Gees nie
1 Korinthiërs 12:11            Sy soewereiniteit

DIE HEILIGE GEES AS  TROOSTER

Skriftuurplase oor die Gees as Trooster

Lukas 12: 1-12                   Troos in tyd van beproewing
Handelinge 7: 54-60          Lei in die sterwensuur
Handelinge 13:44-52        Gee blydskap in diens
Romeine 5:5                      Stort Goddelike Liefde uit
Romeine 8: 1-28                In die lewe en Gebed
Romeine 15: 5-25              Werksaam in die Christelike lewe
Johannes 14: 13-26            Belowe en verduidelik
Johannes 14:16-17             Belofte as 'n blywende Teenwoordigheid
Handelinge 9:31                Troos die Gemeente
Handelinge 11:24              Vul, gee geloof en vrugbaarheid

HEILIGE GEES AS LEERMEESTER EN GIDS

Skriftuurplase oor die Gees as Leermeester en Gids

Jes. 11: 1-5                          Soos in die lewe van Christus gesien
Johannes 14: 13-26             Karakter
1 Korinthiërs 2: 9-14          Die wat Hy beskerm
Lukas 2:25-32                     Leiding na Christus toe
Lukas 4: 1-13                      Lei na die plekke van toetsing
Eseg. 27: 1-14                     Openbaar die geestelike nood

Skriftuurplase oor die Gees as leraar en Gids

Johannes 14:26                  Hy lei
Johannes 16:13                  Hy lei in die hele waarheid
Johannes 16:14                  Hy openbaar dinge van Christus
Romeine 8:14                     Leiding bewys van kindskap
Galasiërs 5:18                    Leiding en geestelike vryheid

 Sjibbolet