Die einde is te naby

Twee diere moet mens dadelik van ontslae raak: Die bobbejaan agter die bult en die ou koeie in die sloot. Party mense gaan haal ‘n bobbejaan agter die bult wanneer daar nie eers ‘n bobbejaan is nie.

            Dis ‘n sonde om ou koeie uit die sloot op te grawe. “So ver as die ooste verwyderd is van die weste, so ver verwyder Hy ons oortredinge van ons. “ Ps 103:12,

            Noord en suid is 21 000km uitmekaar, maar die afstand tussen oos en wes is onmeetbaar. Hy werp ons sondes in die dieptes van die see. Miga 7:19

            As jy bely dat jy kind van God is, dan grawe jy nie ou koeie uit die sloot op nie, dan gaan haal jy geen bobbejaan agter die bult nie. Jy meng in met Christus se handewerk. Dis nie jou plek nie! Waar is jou plek dan?

            “En word nie aan hierdie wêreld gelykvormig nie, maar word verander deur die vernuwing van julle gemoed (hoekom?), sodat julle kan beproef wat die goeie en welgevallige en volmaakte wil van God is. “ Rom 12:2

“Dink nie aan die vorige dinge nie, en slaan geen ag op wat vroeër gebeur het nie.

“Kyk, Ek gaan iets nuuts maak; nou sal dit uitspruit; sal julle dit nie merk nie? Ja, Ek maak 'n pad in die woestyn, riviere in die wildernis.

“Die wilde diere van die veld sal My eer, die jakkalse en die volstruise; want Ek gee waters in die woestyn, riviere in die wildernis om my volk, my uitverkorene, te laat drink.

“Die volk wat Ek vir My geformeer het, (let op) hulle sal my lof verkondig.” Jes 43:18-21

Los die bobbejane en die ou koeie, verkondig eerder God se lof!

            “Bedink die dinge wat daarbo is, nie wat op die aarde is nie (hoekon?) “Want julle het gesterwe, en julle lewe is saam met Christus verborge in God.” Kol3:2-4

            Sommige het veel te sê oor pas gereddes: “Maar hy doen nog dit en sy maak nog dat...” Wat het dit met jou te doen? Jy sondig want jy meng jou in met God se handewerk, want daar staan geskrywe: “Hy wat 'n goeie werk in julle begin het, sal dit voleindig tot op die dag van Jesus Christus.” Fil 1:6

            Werk jy maar jou eie heil uit met vrees en bewing. Fil 2:12. Dink sommer aan jou eie gedagtes en twyfel wat niemand kan sien nie en dus nie van weet nie... maar God weet alles.

            “Bid, en vir julle sal gegee word; soek, en julle sal vind; klop, en vir julle sal oopgemaak word.

            “Want elkeen wat bid, ontvang; en hy wat soek, vind; en vir hom wat klop, sal oopgemaak word.” Matt 7:7-8

            Soek beteken... soek totdat jy vind. Klop beteken... klop totdat oopgemaak word.

            As jy merk dat iets iewers nie reg is nie, dan bid jy vir daardie persoon of saak en jy bly verder stil... voordat dieselfde ding jou nie ook oorkom nie.

            “Broeders, as iemand ewenwel deur een of ander misdaad oorval word, moet julle wat geestelik is, so een reghelp met die gees van sagmoedigheid, terwyl jy op jouself let, dat jy ook nie versoek word nie.

“Dra mekaar se laste en vervul so die Wet van Christus.” Gal 6:1-2. Wat is die Wet van Christus?

“As julle ewenwel die Koninklike wet volbring volgens die Skrif: Jy moet jou naaste liefhê soos jouself – dan doen julle goed.” Jak 2:8

Die Einde is te naby om jouself te besoedel en jouself te vernietig. – Wekroep

Die man steek die donker vol gate

Dis donkeraand. Die verlamde seuntjie sit voor sy slaapkamer se venster. Hy verkyk hom aan die man wat die lampe van paal tot paal in die straat aansteek.

            Toe sy ma hom gereed wou maak om te gaan slaap, vra sy: “Waarna staar jy so aandagtig deur die venster?” Hy antwoord: “Ek kyk na die man hier buite wat gate in die donker nag in steek.”

Die Diamantstad Kimberley had sy eerste elektriese straatligte in 1882 en was die eerste stad in Afrika met elektriese straatligte. In daardie stadium had London steeds gaslampies vir straatligte.

            In die dae voor elektriese straatligte, moes die gas- of paraffienlampe, met sononder een vir een, deur 'n lampaansteker aangesteek word, en die volgende oggend, weer gedoof word.

            Die Sunday School Times vertel van so 'n lampaansteker, 'n onverskillige jongman, wat een aand, op sy rondte om die lampe aan te steek, by die Heilsleër se opelugdiens verbyloop, die Evangelie hoor en tot bekering kom.

Sy geestelike lig is daardie aand deur Jesus aangesteek. Een van sy vriende, 'n ware drinkebroer, spot later met hom, omdat hy nou so godsdienstig geword het, dat hy nie meer met die 'manne' wil uitgaan en jolyt hou nie.

            "Jy weet wat my werk is," sê Jesus se nuwe volgeling vir sy vorige maat. "Soggens voor sonop, begin ek straatop gaan om lampe dood te maak. Dan lê die straat, soos ek vorder, donker agter my. Dit is hoe my lewe eers was, 'n donker verlede. Kyk ek vorentoe, sien ek 'n lang ry skynende ligte voor my. Dit is hoe my toekoms nou lyk, na ek Jesus in my lewe laat inkom het."

"Dis goed en wel," antwoord die vorige maat, "maar dis nie lank nie of jy maak die laaste lamp ook dood en dan is dit ook maar weer donker. Waar is jy dan met jou danige Jesus?"

"Dis waar," antwoord die lampwerker, "maar dan kom die son op en ek het nie meer lampe nodig om vir my lig te maak nie. Jesus is nou die lig in my lewe en na my laaste dag, op aarde, gaan ek na Hom toe in Sy ewige Hemel."

            Die Nuwe Testament beklemtoon hierdie bemoedigende waarheid. "Die volk wat in duisternis woon, het 'n groot lig gesien... vir hulle het die lig opgegaan." Matt 4:13-16.

"Vroeër was julle die ene duisternis, maar nou in die HERE is julle lig. Leef dan as mense van die lig. Uit die lig kom alles voort wat goed en reg en waar is." Efes 5:8

Dit is elke geredde mens se verwagting van die ewige Hemel: "Die stad het nie die son en maan nodig om hom te verlig nie, want die heerlikheid van God het hom verlig en die Lam is sy lamp." Openb 21:23

Op 'n dag doof elkeen van ons se lewenslig. Vir elkeen in wie se lewe die Here Jesus as Verlosser ingekom het, kom die son van Ewige Lig dan op.

  Intussen is daar ‘n getal om vol te maak. Is jy die Lampaansteker vir Jesus in jou lewensstraat?

Kyk hoe donker is hierdie land van ons. Daar is ‘n paar Gelowiges wat gate in die duisternis steek, maar vele meer is nodig. As jy bely dat jy kind van God is, dan word verwag dat jy ‘n lampaansteker sal wees.

“Julle is die lig van die wêreld. 'n Stad wat bo-op 'n berg lê, kan nie weggesteek word nie; en 'n mens steek ook nie 'n lamp op en sit dit onder die maatemmer nie, maar op die staander, en dit skyn vir almal wat in die huis is.

“Laat julle lig só skyn voor die mense, dat hulle julle goeie werke kan sien en julle Vader wat in die Hemele is, verheerlik. “

Komaan, steek die donker vol gate. – Wekroep

Dawid se harp is terug…

“Loof die HERE met die siter; psalmsing tot sy eer met die tiensnarige harp.” Ps 33:2

 
https://mk0breakingisralps2c.kinstacdn.com/wp-content/uploads/2018/08/Davids-Harp.png

Micah (links) en Shoshanna Harrari met die twee harp modelle wat hulle bou. (Foto: harrariharps.com)

Die Tempel van Salomo was gevul met die musiek van 4 000 harpe. Die Harrari-egpaar wei hulle lewens daaraan om die harp, die nasionale musiekinstrument van Israel, na die land terug te bring, betyds vir die bou van die nuwe Tempel.

“Die bloeisels word gesien in die land, die sangtyd het aangebreek, en die tortelduif laat sy stem hoor in ons land.” Hooglied 2:12

Hulle het onlangs ‘n video vrygestel oor die vervulling van die  Psalm… ‘n Joodse kind wat terugkom in Israel en ‘n harp in ‘n wilgerboom vind waar haar voorvaders destyds tydens hul exodus dit opgehang het.

            Die verhaal van Micah and Shoshanna Harrari is ‘n kristallyn van die Joodse exodus. Hulle het hulle lewensverhaal aan Breaking Israel News vertel. Hulle het oor die aarde heen rondgedwaal opsoek na ‘n plek  wat hulle nooit kon kry nie. Vroeg in die 70’s was hulle in die VSA. Hulle het gebly net waar hulle kon plek kry en het soms onder die sterrehemel geslaap. Hulle was opsoek na wat hulle beskryf het as die “perfekte plek”.

Vir hulle sou die “perfekte plek” ‘n pragtige plek wees. Hulle het wel by pragtige plekke uitgekom maar hulle was altyd rusteloos.  Een keer beland hulle in ‘n woud in Colorado sonder krag en lopende water. Hulle ontspanning was die lees van boeke.

Toe kom die winter en ‘n massiewe sneeustorm begrawe hul tent sodat hulle vasgekeer was. Hulle had genoeg kos en water, maar hulle het reeds al die boeke klaar gelees.

Na drie dae  het hulle benoud begin raak. Uit pure desperaatheid begin hulle ‘n Bybel lees wat hulle altyd by hulle gehad het, maar nooit gelees het nie. “En daar was ons saam met Abraham en Sara, ons eie familie, in die tent,” vertel Shoshanna.

“ Dit was opwindend. Ons het die Bybel (Heilige Boek) elke dag gelees en ons was veral beïndruk met Hashem (God) se woorde. Toe ons by die profete kom het een boodskap die heeltyd uitgestaan: Hashem sou die Jode terugbring in hulle land en hulle sal nooit weer ontwrig word nie. Dit het ons verstom. Elke keer wat ons dit gelees het, het ons besef dit is ‘n uitnodiging om na die land van ons voorvaders te gaan, ons  vaderland.

 “Ons het niks van Israel af geweet nie, maar dit het soos die regte plek geklink. Ons het gedink ons kan  ‘n kar en ‘n donkie kry om soos Abraham en Sara rond te trek. Die boodskap was duidelik,  maar ons sou nog etlike jare lank ronddwaal.

“Ons het ‘n ruk in Vermont gebly. Een nag het ons albei skielik wawyd wakkeregeword en besef ons moet trek. Die volgende dag is ons oor die Atlantiese Oseaan. Ons is na Portugal. Weer was ons teen middernag gewek: Ons moes aanbeweeg.”

Hulle het in die rigting van Israel beweeg en in 1982 in Griekeland aangekom. Op ‘n voorgevoel is hulle na ‘m skeepsredery se kantore om te hoor van ‘n skip na Israel. Daar sou een oor ‘n uur vertrek. Hulle is holderstebolder aan boord.

            Hulle het ‘n paar dae later in Israel aan wal gestap. Al wat hulle had was die adres van ‘n vriend van ‘n vriend van ‘n vriend in Jerusalem. “Ons het aan die deur geklop en onsself voorgestel, nie wetende dat dit Rosh Hashanah die (Joodse Nuwejaar) is nie.”

Hulle het in Tiberias langs die See van Galilea gaan woon. Hulle was tuis.  Micah het ‘n skrynwerkers besigheid begin. Shoshanna wou altyd ‘n  harp hê en Micah het besluit hy maak eers vir haar ‘n harp. Micah is ‘n opgeleide luitmaker, iemand wat snaarinstrumente bou of restoureer. Weens hul nomadiese leefstyl het hy egter nooit daarby uitgekom nie.

Maar hoe sou Dawid se harp lyk? Hulle hoor toe van tekeninge wat ontdek is by Megiddo wat ouer as 3 000 jaar is. Niemand het egter die afgelope meer as 2 000 jaar so ‘n harp gebou nie.

Lang storie kort, Micah bou vandag net harpe en het groot bestellings van die Tempelinstituut ontvang om harpe vir die nuwe Tempel te bou. Hulle het ook besluit om ‘n video te vervaardig wat die rol van Dawid se harp in Geula, ‘n woonbuurt in Jerusalem, weerspieël soos geïnspireer in die Psalms.

            “By die riviere van Babel, daar het ons gesit, ook geween as ons aan Sion dink.

            “Aan die wilgerbome wat daarin is, het ons, ons siters opgehang.

            “Want daar het hulle wat ons as gevangenes weggevoer het, van ons die woorde van 'n lied gevra en hulle wat ons verdruk het, vreugde, deur te sê: Sing vir ons 'n Sionslied.

            “Hoe sou ons die lied van die HERE kan sing in 'n vreemde land?” Ps 137:1-4  https://www.youtube.com/watch?v=y-U5rKY6vtc

            Soos wat die Jode moes vlug het hulle hul harpe 2 000 jaar gelede aan die wilgerbome gehang sodat hulle dit weer sou vind by hulle terugkeer. Wie het kon dink dat dit 2 000 jaar sou duur. Die harpe het intussen vergaan.  Nou het Shoshanna en Micah dit teruggebring. “Die hele doel was om weer met Hashem kontak te maak. Ons wou die harp en sy musiek terugbring in die wêreld,” het sy gesê.

            Die Harraro’s se webblad: https://www.harrariharps.com/?fbclid=IwAR0GFvI30e9p_T0POIzajQhKNsZ9gMGgp9Yd60QOZqej5iuD1Roe5tTMohk


Intussen het nog skrynwerkerondernemings oopgemaak en harpe word nou reg oor die wêreld heen verkoop. Die Harrari’s se webblad het al meer as 30 000 besoeke gehad.

            Die grootste en belangrikste tekens van die naderende Wegraping, is gebeure rondom die Jode. Hulle is reeds 70 jaar terug in Israel. Hulle keer steeds weekliks terug. Talle profesieë oor die Jode en Israel het reeds in vervulling gegaan. Nuutste gebeure is in lyn met Eseg 38 3n 39.

            Voorbereidings is aan die gang om die Tempel te herbou. Die rooi os is terug. Die gespikkelde skape is terug.  Nou is die harp terug en duisende harpe word vervaardig. Die shofar word steeds gereeld by seremonies gebruik en kan by Gelowiges se wonings reg oor die wêreld gehoor word. Van die mooiste shofars word van koedoehorings uit Suid-Afrika vervaardig.


            Maar Jesus het elke keer wanneer hy oor die Tekens gepraat het, afgesluit met: Maar totdat hy kom, moet ons dissipels wees en siele wen. Is jy betrokke? – Wekroep     

Preview YouTube video Jeff & Sheri Easter, Charlotte Ritchie - Rivers Of Babylon (Live)

Psalm 23

Dawid sê nie die HERE “is ‘n Herder,” of “die Herder,” nie. Dis vir hom ‘n persoonlike saak...”Die HERE is MY Herder.

            Dawid was ‘n skaapwagter. Hy het die intieme verhouding tussen skape en hulle herder skitterend begryp. Hy sien en beskryf die verhouding tussen ons as skape en die HERE die herder.

            Skape het die manier om af te dwaal, weg van die herder af. Ons ook. Jesaja (53:6) sê: “Ons almal het gedwaal soos skape, ons het elkeen sy eie pad geloop; maar die HERE het die ongeregtigheid van ons almal op Hom laat neerkom.”

            Wanneer skape afdwaal word hulle deur allerlei gevare berei...bv. as ‘n skaap op sy rug beland kan hy nie vanself weer op sy voete kom nie en sterf die skaap omdat sy pensgewig sy longe toedruk en hy nie kan asemhaal nie. Wat gewoonlik gebeur is dat die res van die trop onmiddellik instorm en die een op sy rug terug op sy pote help. Slaag hulle nie, help die herder, dws, as die herder dit sien.         As een van ons afdwaal en in probleme beland, moet die ander Gelowiges so iemand ook ophelp (pleks van beskinder). Bid vir mekaar. Jak 5:16. Dra mekaar se laste. Gel 6:2.

            Skape is basies hulpeloos en is afhanklik van hulle herder.  Skape kan nie hulself verdedig nie. Dawid het selfs sy lewe gewaag om y skape te verdedig:

            “Daarop sê Dawid aan Saul: U dienaar het vir sy vader die kleinvee opgepas, en as daar 'n leeu of 'n beer kom en 'n stuk kleinvee uit die trop wegdra, dan gaan ek uit agter hom aan en verslaan hom en ruk dit uit sy bek uit; en as hy my aanval, gryp ek hom aan sy baard en verslaan hom en maak hom dood.” 1 Sam 17:34-35

            Jesus het verklaar dat Hy ons Herder is en het sy lewe vir ons afgelê. Hy kyk na ons. Hy sê sy skape luister na Sy stem. Wanneer die skape luister en saamwerk gaan dit goed met hulle.

            Volgens Ps 23 word daar baie mooi na gehoorsames gekyk, maar let op wat sê die HERE in Ps 32 “U is 'n skuilplek vir my; U bewaar my vir benoudheid; U omring my met vrolike gesange van bevryding. Sela.

            “Ek wil jou onderrig en jou leer aangaande die weg wat jy moet gaan; Ek wil raad gee; my oog sal op jou wees.

            “Wees nie soos 'n perd, soos 'n muilesel wat geen verstand het nie, wat 'n mens moet tem met toom en teuel as sy tuig, anders kom hy nie naby jou nie.

            “Die goddelose het baie smarte, maar hy wat op die HERE vertrou, met goedertierenheid sal Hy hom omring.

            “Wees bly in die HERE en juig, o regverdiges! En jubel, alle opregtes van hart!”

            ‘n Herder moet altyd sy skape “lei” en nie aanjaag nie. Hulle ken Sy stem. Hulle volg hom.

            Let op, Dawid sê al gaan ek deur ‘n vallei van doodskaduwee... hy sê nie ons gaan deur ‘n vallei van die dood nie. Hy verwys telkens na krisisse, maar sy volle vertroue as getroue skaap is op sy Herder.

            Die boodskap is baie betekenisvol: Wanneer jy deur ‘n krisis gaan, lees Ps 23 en loop oor van vertroue op die Herder, onse HERE Jesus. – Wekroep

“Kyk op, julle verlossing is naby!”

 Die See van Galilea, met aan die oorkant die Golan Hoogtes. Dit loop diep na agter en beslaan 1 800vk km.

Hoe naby is die groot oorlog van Eseg 38 en 39? Kyk net oor die Israelse grens. Pleks van Sirië, is daar nou Rusland, Iran en Turkye.

            Sirië bestaan nog in naam, maar die nasie is tot niet. Die feit dat Rusland, Iran en Turkye nou daar is, is betekenisvol want dit berei ‘n nuwe tydvak voor wat 2 000 jaar gelede oor geprofiteer is... die Gog en Magog Oorlog.

             Esegiël het destyds geprofiteer dat geallieerde magte (Eseg 38:2-6) Israel vanuit die noorde gaan binneval. Dit sal ‘n ontsettende groot leërmag wees, gelei deur ‘n man met die naam Gog. Die nasies wat betrokke sal wees, is:


Rosh – Rusland

Magog – Kazakhstan, Uzbekistan, Turkmenistan, Tajikistan,  en  Afghanistan

Persië – Iran

Cush – Soedan

Put – Libië Meshech, Tubal, Gomer, and Beth-togarmah –  Turkye


            Die magtigste van hierdie nasies, is Rusland, Iran en Turkye. Dié drie is reeds in Sirië en gesetel op Israel se noordgrens, die Golan Hoogtes. Esegiël het juis gesê die inval kom uit die noorde. Eseg 38:15; Eseg 39:2

Nooit tevore was hierdie drie lande tegelykertyd op Israel se noordgrens saamgetrek nie. Nooit in die geskiedenis van die wêreld het hierdie drie lande ‘n geallieerde mag gevorm nie.

            Die afgelope 20 jaar is Rusland en Iran al bondgenote. In 1995 het die Russiese  ministerie van Atoom Energie, ‘n ooreenkoms met Iran gesluit om Iran se Bushehr Kernkrag Eenheid te voltooi. Dit is tydelik in 1979 gestaak weens die Islamitiese revolusie. Die twee volkere het egter voortgegaan om hegter ekonomiese en militêre bande te smee.

            Rusland en Iran is vandag besig om Pres Bashar Assad se regering te versterk. Al wat oorgebly het van Sirië is sy regering en die 110 terroristegroepe wat die Siriese regering omver wil werp. Rusland en Iran beveg hierdie terroristegroepe.

            En Turkye? Erdogan bring saam met hom die weermagte van 57 Moslem state, met die doel om Israel te vernietig, aldus Erdogan. In 2010 het Turkye en Rusland talle ooreenkomste onderteken, onder meer dat Rusland vir Turkye ‘n eie kernbasis sal vestig.

            Dit beteken die slagordes is opgestel vir die vervulling van Eseg38 en 39. Nou kan mens dophou hoe al hoe meer gebeure in plek sal begin val vir wat sommige noem: Die Derde Wêreldoorlog. Meer nasies sal ook nou in plek skuif.

            Daar is die verwagte vredesooreenkoms van Trump tussen Israel en sy vyande, ‘n verdrag wat van korte duur sal wees. Nogtans wil niemand die verdrag onderteken nie.

            Wanneer die groot inval plaasvind, sal geen land Israel kom help nie... maar God gaan! Eseg 38:18-23

            Daar is intussen ook ‘n interessante verwikkeling op die Iran en Irak grens aan die opbou... die VSA is in direkte konfrontasie met Iran. Iran wil Israel ook vanaf Irak aanval. Nou kan hulle nie. Die VSA het reeds twee nuwe basisse daar ingerig.

            Dit blyk dat Pres Trump se onlangse onttrekking van sy troepe aan Sirië, bloot ‘n set was om die ander rolspelers onder die wip in te trek. Alles dui op ‘n groot oorlog.

            Dit beteken die Wegraping is baie naby. Nogtans, ons mag die Tekens van die Tye interessant vind, maar God sê; “Kyk na julle eie harte. Maak seker dat julle my Woord met toewyding uitleef.” Paulus voeg by: “Elkeen van ons sal dus oor homself aan God rekenskap moet gee. Rom 14:12

Dis jou goeie reg om hierdie Wekroep te ignoreer. Feit is en bly: “Jesus kom! Die Bruidegom is onderweg. Klee julleself en wees gereed om uit te gaan en Hom te ontmoet. Kyk op, julle verlossing is naby!” Luk 21:28 – Wekroep

Sy moes kies: Lewe of Dood

Die 12-jarige Lianna lê in die gras langs die pad en veg verbete om die lewe. Sy is brutaal vermink en verkrag deur twee mans en langs die pad gelaat vir dood.

Kort na die grusame aanval is ontdek dat sy swanger is. Toe dokters voorstel dat sy die swangerskap beëindig het hierdie dapper meisietjie dit geweier. Op 12-jarige ouderdom het sy begryp hoe waardevol ‘n lewe is.


Liana kus haar pragtge dogter. Foto Life Action News

Sy het die dokter net een vraag gevra: “Sal ‘n aborsie my pyn verlig en my help om van die verkragting te vergeet?” Die dokter het “nee” geantwoord.  Liana het geweet, sy sal die baba behou. Sy het gesê: “Die baba het my nodig en ek het die baba nodig,

Lianna se dogter is nou 23 jaar oud en ma en dogter is ontsettend lief vir mekaar. Hulle reis nou saam oor die wêreld heen  en tree op as motiveringsprekers en verkondig Lewe. Liana het ook haar eie organisasie genaamd:Lief vir Lewe. Hulle staan ook vroue by wat mishandel en misbruik is.

Sy het dit nie maklik gehad met die swangerskap nie. Die verkragting het bly spook. Nou sê sy: “Ek het my dogter se lewe gered en sy het my lewe gered. Sy het nuwe betekenis aan my lewe gegee.”

Waar iemand se lewe gebroke is soos ’n riet wat geknak is, sal Hy dit nie verbreek nie, en waar dit swak is soos ’n lamppit wat rook, sal Hy dit nie beskadig nie. Mat 12:20.

Die offerande wat U wil hê, is berou; o God, U sal nooit ’n mens verwerp wat opreg berou het en nederig is nie. Ps.51:19

Ma (links) na sy gewig verloor het, en dogter. Foto: LovingLife.org

Hy heel die gebroke harte en verbind hulle wonde. Ps 147:3. My naam is Die Heilige God. Ek woon in ’n hoë, heilige plek, maar Ek woon ook by mense wat hulle sonde erken en nederig is, want Ek gee sulke mense weer nuwe krag Jes 57:15,16

Die verdwaaldes sal Ek opsoek en die wat oraloor versprei was, sal Ek terugbring. Die wat seer gekry het, sal Ek verbind en die wat siek is, sal Ek weer gesond maak. Ek sal die wat sterk en gesond is ook oppas soos dit hoort Es 34:16. Hou moed, moenie bang wees nie, want julle God kom… julle red. Jes.35:4 – Wekroep

Die Hoop beskaam nie, nooit nie

·       Op spesiale versoek kyk ons dieper na Habakuk se optrede.

Die Heilige Gees  is besig om oor die aarde en die nasies te beweeg. “Want die aarde sal vol word met die kennis van die heerlikheid van die HERE soos die waters die seebodem oordek.” Hab 2:14

            Habakuk gee die toon aan. Hy sê: “Alhoewel die vyeboom nie sal bloei en aan die wingerdstokke geen vrug sal wees nie, die drag van die olyfboom sal teleurstel en die saailande geen voedsel oplewer nie, die kleinvee uit die kraal verdwyn en geen beeste in die stalle sal wees nie –  nogtans sal ek jubel in die HERE, ek sal juig in die God van my heil.

            “Die HERE Here is my sterkte, en Hy maak my voete soos dié van herte, en Hy laat my tree op my hoogtes. Vir die musiekleier op snaarinstrumente.” Hab 3:17-19

            Hy skilder ‘n prentjie soos ons daagliks van hoor in die huidige droogte en sê: “Al is alles tot niet...nogtans sal ek jubel in die HERE.”

            Hy sê nie dan “sal” hy jubel, of “weer” jubel nie, hy gebruik die woord “nogtans” (desnieteenstaande) sal hy jubel. M.a.w. hy jubel altyd in die HERE, of dit nou goed of sleg gaan. Daar is net te veel kere wat die HERE belowe om in te gryp. Mens kan of murmureer en sink of jy kan op God se beloftes staatmaak.

            Waarom die swaar smekende gebede vir uitkoms? Ons weet God SAL beslis uitkoms gee. Hoop, in die Bybel beteken nie “ek wens” nie. Dit beteken “toekomsfeit”. Daarom hoop ons op die HERE, ons hoop op die toekoms, ons hoop op die Wederkoms. Omdat ons weet dat ons weet dat ons God ons nie in die steek sal laat nie, sê  ons, vol van die geloof: “Die hoop beskaam nie, nooit nie.”

            Iemand bel. Dan antwoord jv so: “Ek wag vir die reën. Dit kom beslis. As ek dit nie geweet het nie dan was ek lank nie meer ‘n boer nie.  Soos Habakuk jubel ek voor die HERE. Ek is gereed vir die reën en ek is gereed  vir die Wederkoms, watter ook al eerste gebeur. Sorg dat jy en jou mense ook gereed is. Goedheid en guns.”

            Wat Habakuk beskryf, is ‘n ontsettende ramp, maar te midde van die ramp is hy vol hoop... so sterk dat hy selfs jubel voor die HERE.

            In die wêreld waarin ons leef maak dit nie sin nie. Habakuk het ‘n totale verlies gelei... maar dit is die wonder van geloof in God. Let ook op, ons blydskap moenie van omstandighede afhang nie.  Ons moet blydskap beleef wat ook al die omstandighede mag wees.

            Te midde van erge rampspoed het mens ‘n keuse: Of die ramp oorweldig jou tot in die afgrond, of jy jubel in die HERE. As jy toelaat dat die ramp jou oorweldig, dan sal alles net erger word en nie beter nie. Hoe gaan ons positief bly wanneer alles verkeerd loop?

            Ons gehoorsaam die opdrag:  Word VERNUWE in julle GEMOED (DENKE)! Rom. 12:2. Hierdie vernuwing is dringend noodsaaklik en is ons sleutel tot ‘n oorvloedige geseënde toekoms.

            Ons lewe beslis in die Eindtyd. Die rukkie wat oor is besef ons, ons kort ‘n nuwe gesindheid, een wat besef dat waarde lê in die toekoms en om dit te bereik moet ons s toekomsmense wees.

            Net nog twee dinge: Hy sê hy sal jubel voor die HERE, die God van sy “heil” (verlossing)     en

Hy sê: Die HERE Here is my sterkte, en Hy maak my voete soos dié van herte (klein bokkies), en Hy laat my tree op my hoogtes. Vir die musiekleier op snaarinstrumente. Hy sing dit sommer spelende op snaarinstrumente. As jy nie so iets het, speel CD’s... en jubel.  Let op hoe interessant word dit nou: Laat ons dan (wanneer?) gedurig deur Hom aan God 'n lofoffer bring (wat is ‘n lofoffer?), dit is die vrug van die lippe wat sy Naam bely.

“Vergeet die weldade en mededeelsaamheid nie, want God het 'n welbehae aan sulke offers.” Heb 13:15-16. Ons bring nie meer diere-offers nie, maar lofoffers met ons lippe asook weldade soos om boere in nood by te staan. – Wekroep  

Die HERE het jou nodig... meld aan

Ons kan nie langer in die kerkbanke sit en ons verbeel ons dien die HERE nie. Elke man, vrou en jongmense word benodig in die grootste en omvangrykste Herlewing van alle tye waarin ons triomfantelik die laatoes moet inbring.

Sedert die skepping van die mens het die Almagtige God deur die eeue bewys gelewer oor watter waarde Hy heg aan ‘n enkele persoon, EEN MAN, EEN VROU op hierdie aarde.

            God werk deur mense. Daar is altyd ‘n persoon betrokke. Het Hy al deur jou gewerk?

            Aan EEN man, Adam, word die mag gegee om al die diere van die aarde te noem soos hy wil. Die invloed van die val van dieselfde Adam word vandag nog oor die ganse aarde deur die ganse mensdom gevoel.

            EEN man, Noag, word verkies om die ark te bou, om sodoende ‘n spruit vir die menslike geslag aan die lewe te hou.

            EEN man, Abraham, word geroep uit Ur van die Galdeërs om die vader  van  alle gelowiges te word en die vader van die geslag waaruit Jesus Christus gebore sou word. So is Abraham ons voorvader en al sy seëninge behoort vandag ook aan ons.

            En let op, Abraham en Sara en Sagaria en Elizabeth moes beide op hoë ouderdom vir die HERE ‘n taak verrig.  Die HERE gebruik selfs oumense.

            EEN man, die hakkelende Moses, word geroep om die hele volk Israel, uit Egipte uit te lei en vir veertig jaar deur die woestyn te neem. Hy tree op as skakel tussen God en die volk.

            “En ek het onder hulle ‘n man gesoek wat ‘n muur kan bou en voor My aangesig in die bres kan staan vir die land, sodat Ek dit nie verwoes nie, maar Ek het niemand gevind nie.” – Eseg. 22-30

            Toe God die volk wou verdelg, tree Moses  –  EEN MAN  –  op as voorbidder dat die  volk gespaar sou word.

            Na hom volg weer  EEN  man, Josua, en dan elkeen van die Rigters op hul beurt, die profete  Nehemia, Daniël  en andere  wat  as  EENLINGE opgetree het tussen God en die volk, en wat het hulle nie alles uitgerig nie!

            Die Nuwe Testament begin met Maria. God het haar nodig gehad om Jesus voort te bring. Dan is daar die optrede van Johannes die doper, as voorloper van Christus.

            Toe was daar Jesus Christus, die grootste leraar, prediker, profeet en hervormer wat die wêreld ooit geken het, en dit bo en behalwe Sy liefdevolle Middelaars- en Versoeningswerk.

            Na Jesus volg die apostels waaronder Petrus a toe weer Paulus  –  EEN man na die ander.

            En verder deur die geskiedenis van die Kerk het God van tyd tot tyd die EEN man gebruik om Sy doel te bereik. Daar was manne soos Luther, Calvyn,  Wesley, Murray, Moody, Hudson Taylor, Billy Graham, George Fuller,   Torrey,  Finney, John Lake  en andere wat as EENLINGE opgetree het en uitgeblink het in die werk van God en wonderlike getuienisse vir Hom op aarde geskep het.

            Maar, wat van die behoefte in hierdie tyd waarin ons, ons bevind? Ons het nou, soos seker nog nooit tevore nie, die hulp en beskerming van die Allerhoogste aan alle kante nodig.

            Wat van jou, jy wat nou hier lees? Al gewonder waarom jy juis hierdie boodskap nou moet lees?  Is dit blote toeval dat jy hierdie artikel lees? God soek ‘n man! Toevallig – toe val die lig – ook ‘n VROU. Vroue het ook groot rolle in die bou van die Christelike Kerk vertolk. Gemeentes is in hulle huise gestig. Meer as 180 vroue het leidende rolle in die Bybel vertolk, meer as 30 van hulle in die Nuwe Testament.

            Van hulle was en is vroue soos Marilyn Hicks, Paula White, Patricia King, Kathryn Kuhlman, Cathrine Booth, Joyce Meyer, Jennifer LeClair, Rachel Oakes en talle ander

            Dit is nodig dat manne en vroue VANDAG na die stem van die HERE luister en sonder verdere versuim na vore tree en aanmeld vir diens –  heldediens – waardeur hierdie volk gered en vrygekoop sal word!

            Christene is besig om in toenemende maat by die geledere van verskeie  gebedsforums en verootmoediging byeenkomste in te skakel. Hulle reageer op die stem van EEN, die Heilige gees.

            Hulle het Sy stem gehoor. Hulle het reageer. Hulle is nou voorbidders vir die volk. Hulle tree in vir die volk, vir ons kinders, vir ons toekoms, vir die bou van die Koninkryk van God en die uitbreiding daarvan.

            God soek gereeld manne en vroue wat ‘n bres vir Hom kan slaan, ‘n bres vir die Volk kan slaan. Manne en vroue met durf en daad, wat soos Koning Dawid sal sê: “Met my God spring ek oor ‘n muur.”

            God het manne en vroue nodig in die tronke, in die hospitale onder die armes, die boemelaars, by jou bure, by die skole, die ouetehuise.

            Bemoedig mense, lê vir hulle hande op, bid vir hulle. Gee kos en klere.

            Sal God so ‘n man, so ‘n vrou, ook in jou vind? Sal jy gehoorsaam wees aan Sy roepstem? Die Heilige Engele staan ons in alles by.

            Nee, dis nie die werk van die predikante (herders) nie. Herders kry nie lammers nie, net skape kry lammers. Herders se taak is om die skape so goed te voed (op te lei) dat hulle selfs twee-, drie- en vierlinge aanbring!

            Moenie dink aan hoe ver jy tekort skiet nie. Abraham het ‘n voorspoedige en vol lewe gelei toe die HERE hom die opdrag gegee het dat hy moes oppak en trek, en dit boonop deur die woestyn, die vreemde in.

            Waar hy en sy mense gewoon het, het dit baie goed met hulle gegaan. En toe die opdrag, om met alles – vroue, kinders, babas, diere, groot en klein, deur die woestyn te trek sonder dat hy geweet het waarheen.

            Abraham het gladnie geweet waarheen by moes trek nie, maar hy het  geweet saam met Wie hy trek!

            Jy sal nie in jou eie krag optree nie. God sal jou  toerus met krag. Hy het dit met almal voor jou gedoen en Hy gaan dit weer met almal van ons doen.

            “Nie deur krag of geweld nie, maar deur My Gees, sê die HERE van die leërskare.” –  Mal. 4:6

            God soek ‘n MAN en ‘n VROU wat die muur van gebed sal bou  “wat gedurig die hele dag en die hele nag nie sal swyg nie… en Hom nie met rus sal laat nie, tot Hy Jerusalem (Sy gemeente)  bevestig en maak tot ‘n lofoffer op die aarde.” – Jes. 62:6,7, “want die Here – Sy oë deurloop die aarde(hoekom?) om diegene kragtig te steun wie se hart onverdeeld op Hom gerig is…..”2 Kron. 16:9

            God soek na ‘n Man, ‘n Vrou.  Is jy bereid om aan te meld? Sê vandag nog vir die HERE: “Ek meld aan vir diens. Laat U wil geskied.” – Wekroep

Nog ses maande, dan hongersnood...

Suid-Afrika is deel van 16 Suider Afrikalande  wat onder ‘n alles vernietigende droogte deurloop. By 400 Noord-Kaapse boere sit die wolf reeds voor die deur. Die droogte is by verre groter as wat vermoed was. Mens en dier kan nie sonder kos en water oorleef nie.

            Elise Tempelhoff van NETWERK24 berig: Altesame  45 miljoen mense in Suider-Afrika sal binne die volgende ses maande honger ly.

            Dít word toegeskryf aan die veranderende klimaat. So het die VN se Voedsel-en-landbou¬organisasie (FAO) en die Wêreldvoedselprogram (WFP) drie weke gelede gister in ’n gesamentlike verklaring gesê.

So wag die wolf voor die deur. Dis baie laat...

Volgens die FAO gaan ’n rekordgetal mense in die 16 lande in die Suider-Afrikaanse Ontwikkelingsgemeenskap binnekort “ernstige kostekort” ervaar.

“Daar is nou sowat 11 miljoen mense in nege lande in hierdie streek wat honger ly en ’n krisis ervaar met toegang tot kos. Dié mense woon in Angola, Zimbabwe, Mosambiek, Zambië, Madagaskar, Malawi, Namibië, eSwatini (voorheen Swaziland) en Lesotho.

Die organisasies het ’n dringende beroep op die internasionale gemeenskap gedoen om finansiering beskikbaar te stel en te help om “klimaatskokke” in dié streek die hoof te bied en gemeenskappe te help om dit te weerstaan.

Margaret Malu, die WFP se waarnemende streekdirekteur vir Suider-Afrika, sê dié streek ervaar nou die ergste droogte in 35 jaar terwyl die plantseisoen reeds begin het.

“Ons moet die honger van miljoene mense probeer afweer, maar ook in gemeenskappe belê om weerstand te kan bied teen meer en erger droogtes, vloede en storms,” sê sy.

Sy wys daarop dat klimaatsverandering chaos veroorsaak in ’n streek waar groot en kleiner boere geheel en al van reën afhanklik is. Die groeiende probleem met honger, wat sowel stedelike as landelike gemeenskappe ervaar, word vererger deur stygende kospryse, grootskaalse verliese aan vee en toenemende werkloosheid.

Die VN sê in die verklaring die FAO en die WFP het hul pogings om in te gryp verskerp en beplan om 11 miljoen mense met kos, asook beter boerderymetodes en water- en grondgebruik by te staan. Die organisasie is tans ook besig om boere se vee teen siektes in te ent.

“Die reën wat te laat kom, lang droogtes, twee massiewe siklone en ekonomiese uitdagings is ’n resep vir ’n ramp,” sê Alain Onibon, die FAO se koördineerder in Suider-Afrika.

Volgens hom sal dit boerderygemeenskappe minstens twee tot drie goeie groeiseisoene neem om weer op die been te kom.

Luidens die verklaring styg Suider-Afrika se temperature tans twee keer vinniger as die internasionale gemiddelde en die lande wat die hardste getref gaan word, is die Demokratiese Republiek van die Kongo, Malawi, Mosambiek, Tanzanië, Zambië en Zimbabwe.

Waar lê die oplossing. Hoegemaak dat dit begin reën soos in vanmelewe se tyd: Tien dae sonder ophou?

Ons murmureer, ons bid so swaarmoedig.        Alles ten spyt moet ons soos Habakuk maak en jubel.  Habakuk sê: “Alhoewel die vyeboom nie sal bloei en aan die wingerdstokke geen vrug sal wees nie, die drag van die olyfboom sal teleurstel en die saailande geen voedsel oplewer nie, die kleinvee uit die kraal verdwyn en geen beeste in die stalle sal wees nie – nogtans sal ek jubel in die HERE, ek sal juig in die God van my heil.

            “Die HERE God is my sterkte, en Hy maak my voete soos dié van herte, en Hy laat my tree op my hoogtes. Vir die musiekleier op snaarinstrumente.” Hab 17-19

            Ten spyte van wat ook al, jubel Habakuk. Hy was altyd bly. Hy het nooit murmureer nie.

            Altyd beteken presies wat dit sê soos in: Wees altyd bly.

Dog, hoe is mens bly en dankbaar wanneer daar fout is, wanneer dinge verkeerd loop, wanneer jy onrustig is, of seer het of hartseer is? Kyk verby al hierdie seer. Waarde lê in die toekoms.

            Eenvoudig, ons is bly omdat ons weet dat wat ons omstandighede ook al is, die Almagtige God, ons God, het reeds die antwoord.

            “Wees altyddeur bly.

            “Bid en Jubel sonder ophou.

            “Wees in alles dankbaar, want dit is die wil van God in Christus Jesus oor julle.”
1 Thes 5:16-18

            Dalk moet alle gemeentes die preke vir ‘n tyd lank op Sondae stop en die hele diens gebruik in lofprysinge, aanbidding en gebed, dalk ook sommer daar op die dorre plase.  Waar twee of drie in Sy naam vergader, daar is Hy. Verwelkom Hom met ‘n vreugdekreet en jubelende sang vergesel deur musiekinstrumente. – Wekroep

Volharding bring oorwinning

Daar waar jy werk is jou opleidingskool vir dit wat die HERE jou voor voorberei.

            Rondom jou is baie leermeesters. Sommige leer jou van liefde en vooruitgang. Ander toets jou geduld, jou uithouvermoë, jou bereidheid om geleer en  geskaaf te word. Jy sien baie se optredes teenoor jou as onregverdig, vermetel, vernietigend, vernederend. Party dae maak niks sin nie.

            Jy bid al hoe lank vir ‘n ander werk. Wat laat jou dink dat dit daar “beter” sal gaan? Wat is dan aan die gang? Hoekom moet jy so swaar trek, roep jy benoud? En die HERE antwoord:

            “Ek wil jou onderrig en jou leer aangaande die weg wat jy moet gaan; Ek wil raad gee; my oog sal op jou wees.” Ps 32:8

            Hoekom? En die HERE antwoord: “Want Ék weet watter gedagtes Ek aangaande julle koester, spreek die HERE, gedagtes van vrede en nie van onheil nie, om julle 'n hoopvolle toekoms te gee.”

            Wanneer dinge volgens jou verkeerd loop. Herinner jouself net daaraan jy is in ‘n opleidingskamp. Die HERE is besig met jou en berei jou voor vir jou veel groter taak. Een persoon sê nou anderdag: Voel my soms ek gaan deur ‘n vallei van doodskaduwee.

            Jy gaan nie deur die dood nie, net deur die skaduwee. Watter hond se skaduwee het jou al ooit gebyt? Volhard, die antwoord is straks veel nader as wat jy dink.

            Opleiding gaan gepaard met die soet en die suur. Wanneer wie ook al hoe in daardie kamp teenoor jou reageer, bly kalm en sê: “Dankie Jesus, u berei my voor vir my taak. Dankie vir al die mense wat U in die proses gebruik. Sommige weet nie eers hulle is werktuie in U hand nie.”

“Vertrou op die HERE met jou hele hart en steun nie op jou eie insig nie.

“Ken Hom in al jou weë, dan sal Hy jou paaie gelykmaak.” Spr 3:5-6

Pastoor Nick Nilson van die bekende Lakewood Kerk in Amerka met sy 52 000 lidmate, was eens op ‘n tyd ‘n beroeps sokkerspeler. Hy had pas ‘n nuwe kontrak geteken, toe sy kuitspier skeur... sy eerste besering ooit.

            Na ‘n operasie sit hy eendag langs die veld en herstel toe hy die drang beleef om die Evangelie te verkondig. Hy het dadelik die miljoene van die sokker verruil vir die prediking van die Evangelie.

Hy sê as dit nie vir die ernstige besering was nie, sou hy nie die stem van die HERE gehoor het nie.

Pastor Nick Nilson - Lawood-Capture 


            Sy verhaal laat mens ook aan die volgende verhaal dink:

            Die  enigste oorlewende van ‘n skeepsramp het op ‘n klein en verlate eiland uitgespoel.      Hy het ernstig gebid dat die HERE hom moet red en elke dag het hy die horison dopgehou vir ‘n moontlike verbygaande skip, maar daar was niks.

            Uitgeput het hy uiteindelik vir hom ‘n hut gebou. Kos was skaars. Hy het stadigaan bymekaar gemaak wat hy kon. Wie weet hoe lank hy daar sou moes bly.

            Een dag toe hy weer na kos gaan soek het, het hy by sy terugkeer gesien dat sy hut aan die brand is. Hy kon die brand nie blus nie. Alles wat hy bymekaar het, is vernietig. Nodeloos om te sê die man was moedeloos. “God, hoe kon U dit aan my doen,” het hy geskreeu.

            Ure later het die dreunende motore van ‘n skip hom wakker gemaak. Die bemanning het hom kom red.

            “Hoe het julle geweet ek was hier,” wou hy van die bemanning weet.

            “O’ ons het jou rooksein gesien,” het hulle geantwoord.

            Dis maklik om mismoedig te word. Maar (uiters belangrik) as Christen is ons veronderstel om altyd bo die omstandighede te lewe en nooit onder die omstandighede nie. Ons moet God so goed leer ken dat ons sal besef dat wat ook al gebeur, God het ‘n plan daarmee, al word mens soos Josef ook onder in ‘n put gegooi.

            God is aan die werk in ons lewens, selfs te midde van pyn en lyding. Onthou, volgende keer wanneer jou hut tot op die grond afbrand, dan is dit dalk bloot ‘n rooksein wat roep na God se Genade en antwoord. Kyk uit, Jesus is straks op pad.

            Vir al die negatiewe dinge wat in ons lewens gebeur, het God ‘n positiewe antwoord. Dan besef os nooit was enigiets ooit negatief nie.

·       Wanneer jy sê iets is onmoontlik, dan sê God: Alle dinge is moontlik. Luk 18:27

·       Wanner jy moeg is, bied God jou rus aan. Matt 11:28-30

·       Wanneer jy meen niemand het jou lief nie, sê God Hy is beslis lief vir jou. Joh. 3:16

·       Wanneer jy meen jy kan nie meer voortgaan nie, dan sê God Sy Genade is vir jou genoeg. 11 Kor 12:9

·       Wanneer jy meen jy weet nie meer herwaarts of derwaarts nie, dan sê Hy, hy sal vir jou die rigting aandui. Spr 3:5-6

·       Wanneer jy sê jy kan dit nie doen nie, dan sê God jy kan wel. Phil  4:13

·       Jy sê dis nie die moeite werd nie, maar God sê dit is. Rom  8:28

·       Jy meen jy kan nie kop bo water hou nie, maar God sê Hy sal in al jou nood voorsien. Phil  4:19

·       Jy is vol van vrees, maar God sê Hy het jou nie ‘n gees van vrees gegee nie. 11 Tim 1:7

·       Jy sê jy het nie geloof nie, maar God sê Hy het aan ons elkeen ‘n mate van geloof gegee. Rom 12:3

·       Wanneer jy meen jy is nie skerp genoeg nie, sê God Hy het aan jou wysheid gegee. 1 Kor 1:30

·       Wanneer jy meen dat jy eensaam is, sê God Hy sal jou nooit verlaat nie. Heb 13:5



Soms moet ‘n mens se hut (dalk ‘n afgod in jou lewe) afbrand, sodat jy weer die genade van God kan smaak. Bestudeer gerus Romeine agt. – Wekroep 

Kom Huis toe...

Sommige mense beleef ‘n misverstand oor wat berou is. Berou is nie perfeksie nie, maar ‘n verandering van rigting.

Ons gaan praat oor die gelykenis van die Verlore Seun. Jesus vertel ‘n storie wat perfek illustreer wat dit beteken vir ‘n individu om berouvol te wees. In Luk 15:11-12 sê Jesus “Hy het ook gesê: 'n Man het twee seuns gehad. En die jongste van hulle het vir sy vader gesê: Vader, gee my die deel van die eiendom wat my toekom. En hy het die goed tussen hulle verdeel.”

            Die Vader het die seun sy sin gegee en kort voor lank het die seun alles vermors. Toe hy tot besinning kom besef hy sy vader se slawe het genoeg kos en hier is hy besig om te sterf van honger.

            Hy neem ‘n besluit, hy had berou. Berou is ‘n verandering van gedagte, ‘n verandering van hart wat veroorsaak dat ‘n persoon omdraai en ‘n nuwe rigting inslaan.

In strofe 16-19, sê hy “Ek sal opstaan en na my vader gaan, en ek sal vir hom sê: Vader, ek het gesondig teen die Hemel en voor u, en ek is nie meer werd om u seun genoem te word nie; maak my soos een van u huurlinge.”

Berou is meer as ‘n verandering van houding, van gedagte, van hart; dit lei ‘n persoon in dit wat hy glo, om, om te draai, of terug te keer en ‘n nuwe rigting in te slaan.

Ons het almal van God die Vader af weggedraai, en van die Hemel, ons tuiste. Die Bybel sê in Jes 53:6 “Ons almal het gedwaal soos skape, ons het elkeen sy eie pad geloop; maar die HERE het die ongeregtigheid van ons almal op Hom laat neerkom.”

            Die storie gaan verder in strofes 20-24 “En hy het opgestaan en na sy vader gegaan.” Een aand het ek hierdie storie aan ‘n man vertel wat dit nog nooit gehoor het nie, en hy het net geweet dat wanneer die seun terugkeer, die vader sou sê “Seun, kyk wat het jy gedoen. Jy het al my rykdom vermors, alles wat in my lewe bymekaar gemaak het. Wees een van my slawe.”

Maar, let op na die reaksie van die vader “En toe hy nog ver was, het sy vader hom gesien en innig jammer vir hom gevoel (liefde het vanuit die Vader se hart gestraal vir sy seun) en gehardloop en hom omhels en hartlik gesoen.

“En die seun sê vir hom: Vader, ek het gesondig teen die Hemel en voor u en ek is nie meer werd om u seun genoem te word nie.

“Maar die vader sê vir sy diensknegte: Bring die beste kleed en trek hom dit aan, en gee 'n ring vir sy hand en skoene vir sy voete. En bring die vetgemaakte kalf en slag dit, en laat ons eet en vrolik wees. Want hierdie seun van my was dood en het weer lewendig geword; en hy was verlore en is gevind. En hulle het begin vrolik word.” Hulle het ‘n fees gehou.

            ‘n Man het een keer tydens berading gesê: “Ek sien wat Jesus sê. As ek net na die Hemelse Vader terugkeer vir genade, en sê ‘Vader ek het teen U gesondig en ek is nie werd om U seun te wees nie,’ dan sal Hy my ontvang.”

“Ons Hemelse Vader sal ‘n herehuis hê en Hy sal jou nie ‘n slaaf maak nie. Hy sal jou tot jou volle seunskap herstel. God wag. “

Het jy weggedraai? Waarom draai jy nie dadelik terug na God, jou Vader, toe nie, en na die Hemel, jou huis... Inderdaad moet jy omdraai en reguit paaie vir jou voete maak want die Wegraping van die Gelowiges is baie naby. – Wekroep

Gered uit Genade deur die Geloof

“Want uit genade is julle gered (hoe?), deur die geloof, en dit nie uit julleself nie: dit is die gawe van God; nie uit die werke nie, sodat niemand mag roem nie.”

Baie mense dink foutiewelik die saligheid kom net deur genade – dat vir ons om die saligheid te ontvang, is alles net in die hande van die HERE.

Ander weer meen die saligheid is alleen aan geloof te wyte – en dus ons verantwoordelikheid. Hierdie strofe sê ons word nie net deur genade nie, en ook nie net deur geloof nie; eerder  dat ons gered is uit genade deur die geloof. Dis ‘n samevoeging van die twee.

Genade is God se onverdiende guns. Jy ontvang vryelik dit wat jy nie verdien nie. Mens kan nie God se genade verdien nie. Dis totaal onafhanklik van ons optrede. Geloof egter, is ‘n positiewe reaksie op dit wat God reeds gedoen het.

Geloof probeer nie God beweeg om iets te doen of aan jou iets te gee nie; geloof ontvang bloot dit wat God aanbied.

Ons word gered uit genade deur die geloof. Ons verduidelik graag soos volg: Wat sal jy doen as ek voor jou staan, my motorsleutels na jou toe uithou en sê “Hier, dis ‘n geskenk aan jou.“

As jy wys is sal jy jou hand uitsteek en die sleutels neem en baie dankie sê. Genade is ek wat die sleutels vir jou aanbied – geloof is jy wat die sleutels neem. Dit is hoe die saligheid plaasvind. “Uit genade is jy gered deur geloof...”

God het deur Jesus die saligheid vryelik aan elke persoon aangebied. Tit 2:11. Die geskenk  word verleen deur  “genade”. Dit beteken dat dit nie gebaseer is op hoe heilig jy leef nie, of jy kerk toe gaan, jou Bybel lees of ander “goeie” dinge doen nie.

Die saligheid word ons aangebied deur God se onverdiende guns. Christelikheid gaan oor alles wat Jesus vir ons gedoen het (verlede tyd) en nie wat ons in die hede doen nie. Rom 5:8 gee aan ons die definisie van genade: “God bewys sy liefde tot ons daarin dat Christus vir ons gesterf het toe ons nog sondaars was.”

Die geskenk was gegee toe ons niks gehad het om vir God aan te bied nie, toe ons op ons laagste vlak was – sondaars. Laat my ‘n vraag vra: Hoeveel het jy gebid en na God gesoek voordat jy Wedergebore is? Hoeveel keer het jy jou Bybel gelees en kerk toe gegaan? Die meeste van ons het nie reg gelewe voordat ons gered is nie, en min van ons was dit werd om dit te kon ontvang.

Maar God was nogtans lief vir ons en het aan ons die grootste geskenk ooit, Jesus Christus, gegee, nie omdat ons lieflik is nie, maar omdat Hy liefde is. 1 Joh 4:8. Genade groot!

God bied aan ons sy genade vir saligheid. Dit is totaal onafhanklik van ons prestasies en goedheid. Titus 2:11 lees “Want die reddende genade van God het aan alle mense verskyn.” God se genade is aan elke persoon beskikbaar op presies dieselfde manier.

“Die HERE vertraag nie die belofte  (van sy Wederkoms) soos sommige dit vertraging ag nie, maar Hy is lankmoedig oor ons en wil nie hê dat sommige moet vergaan nie, maar dat almal tot bekering moet kom.” 2 Pet 3:9 God se wens is dat alle mense tot belydenis kom en gered word. Hy wil nie dat enigiemand sou vergaan nie en nogtans vergaan mense daagliks.

Dit wys daarop dat God se wil nie outomaties werk nie. God dwing nie die saligheid op enigiemand af nie en nogtans bied Hy dit vryelik aan elkeen. Die geskenk word nie deur elkeen geniet nie want nie elkeen aanvaar dit nie. Die saligheid is ‘n vrye geskenk wat God vryelik deur genade aan ons bied, maar dit moet deur geloof ontvang word.

            “Want uit genade is julle gered, deur die geloof, en dit nie uit julleself nie: dit is die gawe van God; nie uit die werke nie, sodat niemand mag roem nie.” Efes 2:8-9 Die saligheid is nie uit jouself nie.

Dis nie iets waarvoor jy kan werk of dit verdien nie, dis ‘n geskenk van God af. As jy dit kon verdien, kon jy daaroor gespog het – maar al die glorie gaan aan Jesus wat ‘n volmaakte werk gedoen het, sodat ons dit nie kon doen nie. Die waarheid is dat jy nooit genoeg sou kon doen om enigiets van God te verdien of Hom tevrede te stel nie.

“Maar aan hom wat werk, word die loon nie na guns toegereken nie, maar na verdienste” Rom 4:4

“En as dit deur genade is, dan is dit nie meer uit die werke nie; anders is die genade geen genade meer nie.  En as dit uit die werke is, dan is dit nie meer genade nie; anders is die werk geen werk meer nie.” Rom 11:6

            Jy word of deur genade gered, of jy probeer dit deur werke te verdien – wat nooit werk nie. Kom ons stel voor dat jy  onbeperkte  skuld het, ‘n skuld so groot dat jy dit nie kan betaal nie. Genade is ek wat aan jou ‘n debietkaart gee met onbeperkte fondse sodat jy jou skuld kan betaal en te koop wat jy ook al nodig het – alles teen my koste bereken.

Jy het nie vir my gewerk nie en jy het niks gedoen om dit te kon verdien nie. Dit sou die hele gedagte agter my geskenk verpletter. Per definisie is ‘n geskenk iets wat vryelik en vrywillig gegee word sonder om betaling daarvoor te verwag.

Dit word gegee om guns aan iemand te bewys, ‘n handeling van gee, iets wat die ontvanger verkry sonder enige besondere aksie deur die ontvanger of dat dit verdien is.

Die oomblik dat mens vir ’n geskenk moet werk, dan is dit nie meer ’n geskenk nie. Sodra mens vir genade begin werk dan is dit nie meer genade nie. Dit is soos om jou debietkaart te neem en in plaas daarvan om jou onbeperkte skuld te vereffen, vind jy ‘n betrekking om die onbeperkte skuld te kan terugbetaal – ten spyte daarvan dat jy dit nooit sal regkry nie. Dit is baie dom.

Tog is dit wat meeste Christene doen. Ons is gered deur God se groot genade, onverdiend, vryelik geskenk, onverdiende guns, deur geloof. Al wat ons moet doen is om te ontvang.

Na alles: Sonder die Wedergeboorte sal jy Nooit die Ewige Lewe sien nie. Jesus wag vir jou. – Wekroep

Wat is jou vertraging?

In Lukas 8 lees ons van hoe Jesus die storm op die See van Galilea stil. Wanneer Hy anderkant aan wal stap, ontmoet hy ‘n man wat nakend tussen die grafte woon en deurtrek is van demone.

            Jesus het die man vrygemaak en die man het die wonderwerk wyd gaan verkondig. Jesus het toe ook verskeie ander wonderwerke verrig.

Die storm op die see was om Jesus te verhoed om al daardie mense te kon vrymaak, genees en uit die dood uit op te wek.

In Dan 10:12-13 word Engel op pad na Daniël vir 21 dae vertraag en ‘n ander Engel daardie een moes kom help om vry te kom. Daar is ten minste nog 18 plekke in die Bybel oor vertragings.

Weet een ding: Die vyand bring vertragings oor ons pad om ons te verhinder om sy saak skade te berokken.  Soms sal nuwe deure vir jou oopgaan, ‘n nuwe werk, ‘n groter bediening. Die vyand weet dit en probeer keer. Vrees niks, tree op met die gesag waaroor jy in Jesus se Naam beskik.

Wanneer iets gebeur om jou te vertraag, dan is dit omdat God iets met jou beplan.

Lisa Osteen Comes is ‘n hulpprediker by die bekende Lakewood Kerk in Houston, Texas, die grootste kerk in Amerika. Haar pa was die bekende John Osteen. Vandag is haar broer Joel Osteen die hoofprediker.

Lisa is gebore met ‘n probleem gelykstaande aan verstandelike vertraagdheid. Sy sou basies niks vir haarself kon doen nie, maar deur die jare het haar toestand deur gebed en bemoediging so verbeter dat sy later die gemeente se posstukke kon hanteer het.

Eendag was daar ’n pypbom in ‘n pakkie. Toe sy die pakkie niksvermoedend oopmaak het sy haar een been in die ontploffing verloor. Na ‘n lang pad van herstel, het sy gesê: ”Die bom was in die pakkie, nou is ek die bom.”

Sy het haar teologiese graad aan Oral Roberts Universiteit behaal en begin preek. Sy preek steeds, ook oor Televisie wêreldwyd. Sy en haar man, Kevin, en hul drie kinders, Catherine, Caroline, and Christopher, woon in Houston.     

            Die HERE het Lisa geroep as prediker, soos wat Hy al die vroue in die Bybel geroep het, elkeen vir ‘n spesifieke doel, selfs as predikers. Die vyand het dit probeer keer met verstandelike vertraagdheid. Toe dit nie slaag nie, wou hy haar met ‘n bom doodmaak.

            ‘n Bomkenner het gesê dat as sy die pakkie dwars op haar skoot gehad het, het sy beslis gesterf.

Met die vertragingsaksie in plek, was Lisa soos ‘n voëltjie in ‘n hokkie vasgekeer. Toe die hokkie oopgaan, het sy geblom.

Wat hou jou terug in jou lewe? Vind uit en tree op. Ons is elkeen op die aarde geplaas met ‘n spesifieke doel. Weet jy wat joune is... raak dan ontslae van die struikelblokke. Ons durf nie lewens lei van water-oor-Gods-akker nie. Die oes is groot en die arbeiders te min. – Wekroep

Massa doopdiens ‘n rekord vir Thailandse Herlewing –

516 nuwe Huiskerke gestig

Op 6 Oktober 2019 is 630 nuwe Gelowiges tydens ‘n enkele diens in Thailand gedoop. Die doopseremonie is deel van ‘n kerkplanting na 13 432 Wedergeboortes. Daar was dusver altesame 5 204 Gelowiges gedoop en 516 nuwe Huisgemeentes gestig.

Dit vestig opnuut die aandag op Huiskerke.

Die wêreldbekende Evangelis, Billy Graham het tydens ‘n groot diens in 1965 gesê: “Multitudes of Christians within the church are moving toward the point where they may reject the institution that we call the church. They are beginning to turn to more simplified forms of worship. They are hungry for a personal and vital experience with Jesus Christ. They want a heartwarming personal faith. Unless the church quickly recovers its authoritative Biblical message, we may witness the spectacle of millions of Christians going outside the institutional church to find spiritual food.”

            Graham is verlede jaar op 99-jarige ouderdom na die Hemel. Sy profesie het reeds waar gekom… huiskerke het reg oor die wêreld, ook in Suid-Afrika, soos blombeddings ontstaan. Hier is selfs groot getalle Sjinese huiskerke in Suid-Afrika.

            In Julie 2014 dra NETWERK24 ‘n berig: Huisgemeentes floreer wêreldwyd. Ene George Lewis se brief hierop lees: “’n oorweldigende suiwering waar God in gees en waarheid aanbid word, is besig om plaas te vind. Huisgemeentes is besig om wêreldwyd te floreer – weg van formalistiese rituele waar die mense se eer pleks van God se eer gesoek word.

Te lank is die Woord van God gemanipuleer om magsbasisse vir mense en regerings te skep. Die enigste ware leermeester is die Heilige Gees en sy handboek is die onvervalste Woord van God. En dit is vir almal, op enige plek, toeganklik.”

            Brief aan Filemon: “Die gemeente wat in jou huis is." Fil strofe 2. Hierdie brief het vir ons bewaar gebly uit die private korrespondensie van Paulus. Dis 'n persoonlike brief wat die lieflike verhouding van Paulus teenoor Filemon verbeeld.

            “Die gemeente in jou huis.” Dit beteken dat Filemon 'n Christen was en dat sy huis 'n Christelike huis was. Die Christelike lewe in sy huis was sodanig dat daar na 'n gemeente in sy huis verwys was. Sy hele huis en moontlike besoekers was volgelinge van Christus lede van hierdie huisgemeente. Huiskerke of -gemeentes was die norm in die Bybel se tye.

            Die hoof van die gesin is pa, maar as hoof van die gemeente is hy God se Hoë Priester. Die HERE hou hom verantwoordelik vir elke lid van die gesin. Die huiskerk moet God lief hê met hul hele hart, gees en siel en hul naaste soos hulself.

Die huiskerk aanbid in Gees en in Waarheid en gemeentes kruis bestuif mekaar. Huiskerke gebruik gereeld Nagmaal… “Want so (Let op) dikwels as julle hierdie brood eet en hierdie beker drink, verkondig julle die dood van die Messias totdat Hy kom. “ 1 Kor 11:26

            So is daar ook vroue wat die leiding neem: “Die gemeentes van Asië groet julle. Aquila en Priscílla saam met die gemeente wat in hulle huis is, laat vir julle baie groete weet in die HERE.” 1 Kor 11:26. Dan is daar: “Groet die broeders in Laodicéa en Nimfas en die gemeente wat in sy huis is.” Kol 4:15. Ook die gemeente in die huis van Lidia. Hand 16:40

            En wanneer hulle saamkom is daar hande in die lug lofsange en aanbidding.“Hoe staan die saak dan, broeders? Wanneer julle saamkom, dan het (Let op) elkeen, van julle 'n psalm of 'n lering of 'n taal of 'n openbaring of 'n uitlegging (getuienisse) – laat alles tot stigting geskied.” 1Kor 14:26

            Almal wat musiekinstrumente kan bespeel, speel en die huisgemeente sing te heerlik saam. Soms word ‘n ander huisgemeente oorgenooi waar daar dan ook Koinonia gehou word… saam geëet word… ‘n ware Christusfees.

            Besluitneming berus op konsensus… almal stem saam oor ‘n saak. Daar word nooit gestem nie. Die wagwoord is eensgesindheid. Die klem al op verlore siele.

            Die huiskerk beweging groei die vinnigste in Sjina boonop te midde van wrede vervolging. Hoeveel huiskerke daar is, is moeilik om te bepaal weens die erge vervolging, maar dit word bereken op 120 miljoen huisgemeentes. Die groei egter wêreldwyd.

            Die Internet  speel ‘n belangrike rol in kruisbestuiwing, die aflaai van boodskappe en veral musiek.

            Lede is ook ywerig besig om die Evangelie op verskillende wyses te versprei, naastediens te verrig, Bybels te versprei, klere en skoene en kos.

            Pa’s sal vorentoe ‘n al hoe belangriker rol in hul gesinslewe moet inneem. – Wekroep

Preview YouTube video FJCCA Baptism Video - Oct 6, 2019

https://www.youtube.com/watch?v=xBzke9wnaHM&feature=youtu.be

Die sterre kan niks voorspel nie

Daar is mense wat op allerlei wyse graag inligting oor hulle toekoms wil hê. Hulle besoek sogenaamde waarsêers, sangomas, fortuinvertellers, lees karate en mis nooit die Sterre Voorspel nie.

“Daar mag niemand by jou gevind word wat sy seun of sy dogter deur die vuur laat deurgaan – wat met waarsêery, goëlery of met verklaring van voortekens of towery omgaan nie, of wat met besweringe omgaan, of wat 'n gees van 'n afgestorwene vra of 'n gees wat waarsê, of wat die dooies raadpleeg nie.     

“Want elkeen wat hierdie dinge doen, is vir die HERE 'n gruwel; en om hierdie gruwels ontwil verdryf die HERE jou God hulle voor jou uit.

            (Belangrik) “Opreg moet jy wees met die HERE jou God. (Altyd!)

“Want hierdie nasies wat jy uit hulle besitting verdrywe, luister na goëlaars en waarsêers; maar wat jou aangaan, die HERE jou God het jou nie so iets toegelaat nie.”  Deut 18:10-14

“Ook het Josía die dodebesweerders en die waarsêers en die huisgode en die drekgode en al die verfoeisels wat in die land van Juda en in Jerusalem te sien was, uitgeroei, om die woorde van die wet te bevestig wat geskrywe is in die boek wat die priester Hilkía in die huis van die HERE gekry het.” 2 Kon 23:24

Die Bybel praat hard en duidelik hieroor en veroordeel sulke gedrag.

Maar die HERE se voorspelling vir ons toekoms, staan vas in vergelyking  met enige waansin wat die Sterre sou voorspel.

“Want Ék weet watter gedagtes Ek aangaande julle koester, spreek die HERE, gedagtes van vrede en nie van onheil nie, (hoekom?) om julle 'n hoopvolle toekoms te gee.” Jer 29:11

Pleks van die sterre voorpel,. Kyk na God, die een wat die sterre en die ganse uitspansel gemaak het, se belpftes. Doen jou eie navorsing en maak aantekening, dit sal jou baie lank besig hou, maar ten minste sal jy weet dat jy weet, God is ‘n waarmker van sy Woord.

Daar is 7959 beloftes in sy Woord. As jy een belofte per dag neem dan sal dit jou sowat 22 jaar neem om al die beloftes te gebruik. God verbind Hom tot die beloftes wat Hy maak.

“As ons ontrou is, Hy bly getrou; Hy kan Homself nie verloën nie.  God SAL Sy beloftes nakom. “ 1 Tim 2:13

“Want hoeveel beloftes van God daar ook mag wees, in Hom is hulle ja en in Hom amen, tot heerlikheid van God deur ons.” 2 Kor 1:20

Daarom is dit belangrik dat jy God op Sy Woord sal neem.  “God is geen man dat Hy sou lieg nie; of ‘n mensekind dat dit Hom sou berou nie. Sou Hy iets sê en dit nie doen nie, of spreek en dit nie waar maak nie?” Num 22:19

 Ons elkeen kom soms in situasies dat ons nie verstaan waarom dinge gebeur nie. Soms vra ons: Hoekom laat God dit toe? Nou -  dink vanuit God se oogpunt – Hy is Almagtig en Alwetend en Alomteenwoordig en daarom is Hy in beheer van elke situasie. God is die een wat verstaan wat aan die gang is en waarheen Hy met jou oppad is.

Die HERE is lief vir jou en Hy het beslis ‘n plan met jou lewe.
Soek en jy sal beslis vind. – Wekroep