Seen mekaar en hoekom?

Die gebed wat ons eintlk elke dag behoort te bid (1 Kron 4:9-10) en moet beoefen deur ook mekaar te seën.

Jabes het die God van Israel aangeroep met die woorde: “Stort U seën oor my uit, vergroot my grondgebied, neem my onder U beskerming en weerhou onheil van my sodat geen smart my tref nie.” God het laat gebeur wat hy gevra het.

            Hy vra basies vier dinge van die HERE:

“Stort U seën oor my uit” – Jabes vra dat die HERE hom sommer in oorvloed al seën. Sy seën oor hom sal uitstort.

Let egter op: Jabes wil geseën wees sodat hy ook vir ander kan seën. Dit was die gebruik daardie tyd. Jy vra iemand se seën sodat jy ook ander kan seën.  Dit behoort ook ons gereelde gebruik te wes.

Wanneer laas, of het jy al ooit, jou vrou en kinders geseën? Deur ander te seën, sëen ons Yaweh.

            Natuurlik kan ons na die HERE toe gaan met ons behoeftes en begeertes, maar hier is ‘n verskuiwing van fokus.

As ons saam met Jabes uitroep “HERE, seën my, seën my ryklik!” dan moet dit nie oor ons gaan nie, maar oor God se Koninkryk – dat ons vir ander tot seën kan wees en sodat hy, JAWEH, meer eer kan ontvang.

Dan maak dit sin dat Jabes vra dat die HERE sy grondgebied sal vergroot. Dit gaan nie hier oor ‘n groter plaas sodat hy meer kan produseer nie.

Groter grondgebied beteken meer mense wat sy pad kruis. Hy vra dat die HERE sy beperkings sal wegvat sodat hy vir nog meer en meer mense tot seën kan wees!

            Dit moet ook ons grootste wens wees. Dat die HERE ons invloedsfeer sal vergroot en alles wat in ons pad staan sal wegvat, sodat ons, ons volle potensiaal as sy getuies kan bereik en vir soveel as moontlik mense Sy seën kan uitdeel.

            Jabes vra dan vervolgens dat die HERE sy Hand oor hom sal hou. Dit kan tog nie anders nie dat Jabes wanneer hy vra dat die HERE sy beperkings sal wegvat en sy grense sal verbreed dat hy nodig het dat die HERE by hom sal wees en hom sal beskerm.

            Dit is waarvoor hy hier vra: dat die HERE hom, daar waar hy tot seën vir meer mense wil wees, sal beskerm.

            Regdeur die Bybel kry ons voorbeelde van hoe die HERE se hand oor ons is deur Sy krag, bv. “Vlieg ek na die ooste, of gaan woon ek in die verre weste, ook daar lei U hand my, hou U regterhand my vas.” Ps 139:8-10

            “Hand” in Hebreeus beteken ook om beskerm te word soos deur ‘n rivier se oewer... soos die oewer altyd daar is, maak nie saak waar die rivier vloei nie, so is die HERE altyd daar!

            “Laastens vra Jabes dan spesifiek dat die HERE die onheil van hom af sal weerhou. Jabes wil nie pyn veroorsaak nie, wil nie smart beleef nie. Dit gaan hier oor die geloofwaardigheid van sy getuienis.

            Ons weet al te goed wat gebeur in ons eie binneste as iemand een ding sê, maar sy dade sy woorde verraai, selfs binne die kerk.

Ons selfsug en soeke na eie eer beskadig verhoudings.

Jabes wil verhoed dat dit gebeur. Hy wil nie dat sy naam, of sy sonde of enige iets sy getuienis diskwalifiseer nie. Daar waar hy tot seën vir meer mense wil wees wil hy nie dat enigiets wat hy doen sy impak vir God se Koninkryk verongeluk nie.

Paulus stel ‘n skitterende voobeeld: “Ek hardloop dan ook soos een wat nie van sy doel onseker is nie; ek slaan soos ‘n bokser wat nie in die lug slaan nie. Maar ek oefen my liggaam en bring dit onder beheer, sodat ek nie ander tot die stryd oproep en self nie kwalifiseer nie.” 1 Kor 9:26-27

            Die HERE roep ons, gebroke en sondige mense, om sy Liggaam te wees en die volheid van Hom aan die wêreld bekend te maak . Efes 1:23. As ons maar net dit kan WEES en ophou voorgee en probeer om godsdienstiger as die volgende ou te wees… dan kan ons woorde EN dade van God se liefde en genade verkondig – ten spyte van ons foute!

            Natuurlik verhoor die HERE Jabes se gebed. Die HERE belowe tog dat Hy dit sal doen en Hy is en bly ‘n Waarmaker van sy Woord. Maar weereens is Jabes se gebed nie ‘n gelukspreuk om die HERE se seën uit Hom uit te dwing nie.

            Joh 15:7 en 16 sê ook dat die HERE vir ons sal gee wat ons Hom vra, maar dit is opvallend om te sien wanneer dit is wat Hy dit vir ons sal gee.  As die HERE se woorde in my bly en ek in Hom bly gaan my lysie van goed wat ek wil hê in elk geval baie anders lyk.  Dat ek dan juis vir dinge gaan vra wat my gaan help om ‘n groter impak te maak vir die HERE, vir sy Koninkryk, wat my gaan help om beter vrugte te kan dra en nie vir dinge wat net oor my en my behoeftes gaan nie.

            Dit is wat Jabes ons leer.  Nie ‘n formule om God te dwing om ons te seën nie, maar ‘n ingesteldheid, ‘n begeerte, ‘n opregtheid van die hart, om ‘n instrument in God se hand te wees. Dat ware seën van die HERE juis daarin lê om deur die HERE gebruik te word, vir Sy doeleindes!

            Ons moet mekaar ook gereeld seën en nooit vergeet om ons kinders te seën nie.

Jy en jou kinders

Matt 19:14

n Man had `n pragtige koringland. `n Vernietigende haelstorm het die koring net voor oestyd verwoes. Die man en sy seuntjie het ná die haelstorm na die land gaan kyk.

            Die seuntjie het doodstil gestaan en gewag vir sy pa se reaksie. Die pa begin saggies sing: “Ewige Rots geklief vir my, laat my skuiling in U kry…”

Jare later, toe die seun ‘n volwasse man was, het hy gesê: “Dit was die grootste preek wat ek ooit in my lewe gehoor het.”

Dit was die geloofkeerpunt in die seun se lewe. Die man het `n land vol koring verloor, maar hy het sy kind gewin!

Hoe anders was dit met die seuntjie wie se pa die Sondagoggend in die gemakstoel sy Sondagkoerant sit en lees. “Toe, toe,” sê hy vir die seuntjie. “Sit nou neer jou strokiesprente. Maak reg. Jy gaan laat wees vir Sondagskool.” Die seuntjie kyk verleë na sy pa. “Kom Pa nie saam kerk toe nie?” “Nee,” brom die pa, “ek gaan nie kerk toe nie, maar ek wil hê jy moet gaan. Toe, maak nou reg.”

“Het Pa Sondagskool toe gegaan toe Pa so groot soos ek was?” vra die outjie weer.” “Natuurlik het ek gegaan. Elke Sondag. Toe, toe, maak gou.”

Traag staan die seuntjie op en sê: “Dan sal dit my tog nie help nie. Ek sal nes Pa word.”

Ouers wat die basiese Christelike handelinge, soos kerk toe gaan, Bybellees, bid, offergawes gee, sorgeloos hanteer, leer hulle kinders die HERE se dinge is nietig en onbelangrik en dat die HERE ook min­derwaardig is.

Hierdie kinders kan nie vir HERE eerbied hê nie. Dit kan gebeur dat kinders wie se ouers toegewyd geleef het, afvallig raak. Maar daardie kinders weet altyd: my ouers was reg; hulle het iets kosbaars besit.

Dikwels is dít die herinneringe wat kinders weer na die HERE laat terugkeer.

            Die belangrikste invloed op kinders is die ouers se gedrag. Tweedens belangrik: voorbidding vir die kinders. Dán kom die plant van die Woord, in `n goed voorbereide hart, aan die beurt.

            Ons weet van kinders wat op 5-jarige ouderdom gered en Jesus getrou gedien het en steeds dien. Hulle gee al Tiendes vandat hulle gered is. Hulle het selfs spaar rekeninge en maandeliks verdeel hulle hul sakgeld onder Tiendes, spaar, nodige aankope en snoeperye.

            Daardie kinders is vandag volwassenes wat steeds die pad getrou stap en dis so mooi om te sien hoe hulle kinders in hul ouers se voetspore volg.

            Kinders verdien meer aandag.

Dink mooi voor jy weer kla....

 Is dit wel met jou siel?

Horatio G. Spafford (1828-1888) was ‘n suksesvolle regsman en ryk sakeman in Chicago. Hy had ‘n aantreklike vrou en vyf kinders. Die seuntjie is vroeg weg na siekte. Hy en sy vrou was Wedergebore en getroue Skrifstudente. Hulle het die bekende Dwight L Moody se bediening ondersteun.



Spafford was ‘n sterk eiendomsmagnaat wat al sy beleggings in ‘n reuse brand verloor het. Sy sakebelange het deur die HERE se goedheid en guns egter weer begin floreer.

Hier onder is maar een van sy talle geboue wat letterlik tot op die grond afgebrand het.

 Op Nov 21, 1873, het die Franse passasierskip “Ville du Havre”, die Atlantiese osean vanaf Amerika na Europe oorgesteek. Daar was 313 passasiers aanoord. Onder hulle was mev Anna Spafford en die gesin se vier dogtertjies. Die kinders is kort voor die reis Wedergebore.

Mnr Spafford sou saam reis, maar dringende sakebelange het hom tuis gehou. Hy sou ‘n paar dae later met ‘n ander skip na Engeland reis. Die Spaffords sou vakansie in Engeland hou en dienste van hul vriend Eerw DL Moody bywoon.



Die vierdie dag op die reis, teen sowat 2vm was daar ‘n ontsettende skeepsramp toe die Ville du Harve en die Skotse skip Loch Earn gebots het. Anna het met haar vier dogtertjies na die dek gehaas en saam met Annie, Margaret- Lee, Bessie en Tanetta gekniel en gebid.

            Anna het gevra dat die HERE hulle almal moet bewaar as dit Sy wil was, so nie moet die HERE hulle almal voorberei op die waterdood wat op hulle sou wag.

Die Ville du Harve het 12min later onder die see verdwyn. Altesame 226 passasiers, ook die vier dogtertjies, het gesterf. ‘n Matroos op ‘n klein bootjie het die volgende oggend daar verby gevaar en Anna op ‘n wrakstuk  sien ronddobber. Sy het geleef en die matroos het haar in sy bootjie gehelp. Nege dae later het ‘n groot skip hulle aan boord geneem na Cardiff in Wallis.

  Anna het ‘n telegram aan haar man gestuur: “Gered, alleen, wat sal ek doen?” Spafford het later die telegram laat raam en op sy lessenaar laat staan.

            Dit blyk dat Spafford wel verneem het van die skeepsramp, maar dat hy eers nege dae later met ‘n telegram van sy vrou af, besef het sy leef nog.

            ‘n Ander oorlewende van die ramp, Pastoor Weiss, het vertel  Anna het later gesê: “God het my vier dogters gegee. Nou is hule van my af weggeneem. Eendag sal ek verstaan waarom.”

Spafford het dadelik met ‘n volgende skip na sy vrou vertrek. Op die vierdie dag het die kaptein hom laat roep en meegedeel dat hulle nou op die plek is waar sy vier dogtertjies saam met die skip ondergegaan het.

Spafford is terug na sy kajuit en het die lied: “Dit is wel met my siel,” geskryf. Hoe Horatio dit reggekry het, is verbysterend. Inderdaad: “Die vrede van God, wat alle verstand te bowe gaan, sal julle harte en julle sinne bewaar in Christus Jesus.” Fil 4:7

Toe Eerw Moody die nuus kry het hy ‘n diens wat hy gehou het verlaat en onmiddellik na Liverpool gehaas. Toe hy aan die Spaffords vra hoe dit gaan, het hulle geantwoord: “Dit is wel, die wil van God geskied.”

            Na die seuntjie en vier dogtertjies had Anna nog drie kinders gebaar. Een van hulle is op vierjarige ouderdom na longontsteking ook Huistoe.

            Die Spaffords het in Augustus 1881 na Jerusalem verhuis. Horatio is kort daarna ook Huis toe. Sy graf is in Jerusalem.

            Anna is in 1923 met Horatio en hul kinders verenig.

            Kyk hoe baie mense moes sterf sodat ons die pragtige lied “Dit is wel met my siel” kon sing. Vraag is: Is dit wel met jou siel? Sou jy hierdie pad kon loop en kon sê: “Dit is wel met my siel?”

            Dink mooi voordat jy weer oor nietighede kla. Nietighede het al lewens, huishoudings en gemeentes vernietig. Sing eerder Horatio se oorwinningslied…

Lees ook Fil 3:7-11

Werk jou Eie Heil uit....

...met vrees en bewing!

Wedergeboorte en bekering vind saam plaas. Daarna, totdat Jesus kom, vind voortgesette bekering plaas, ook genoem Heiligmaking.

            Paulus is in die tronk en skryf aan die Gelowiges in Fillippi: “Daarom, my geliefdes, soos julle altyd gehoorsaam gewees het (nie in my teenwoordigheid alleen nie) maar baie meer nou in my afwesigheid, (let op) werk julle eie heil uit met vrees en bewing; want dit is God wat in julle werk om te wil sowel as om te werk na Sy welbehae.” Fil 2:12-13

            Ons is almal in ‘n stadium dood in sonde. Dan begin die Heilige Gees in ons werk en dit lei tot ons Wedergeboorte. Daarmee saam tot ons bekering. Ons doen sekere verkeerde dinge net nie meer nie. Mense wat ons ken kom ook dadelik die verskil agter.

            Jy het nou ook ‘n wil in Jesus Christus, om reg te doen. Jy wil niks meer verkeerd doen nie.

            Daardie wil is in die Heilige Gees opgesluit wat nou woning in jou kom maak het.

            Kyk wat sê Paulus nog aan die Fillippense: “…omdat ek juis hierop vertrou, dat Hy wat 'n goeie werk in julle begin het, (let op) dit sal voleindig tot op die dag van Jesus Christus.” Fil. 1:6

            Dit is dus die Heilige Gees wat nou op jou pad vorentoe steeds met jou sal praat oor dit wat nog verkeerd kan wees in jou lewe, of om jou geestelike groei te bevordfer. En jy as gehoorsame kind van God, luister en doen dit wat die HERE behaag.

            Nuwejaarsbesluite is futiel. So sal jy nooit die Ewige Lewe bereik nie.

            Na die Wedergeboorte is jy kind van God en as Sy kind, moet jy gehoorsaam bly. So is ons dan ook gehoorsaam aan Hom wanneer Hy sê: “Hy wat glo en hom laat doop, sal gered word; maar hy wat nie glo nie, sal veroordeel word.” Mark 16:16

            Dis ek en jy wat die pad moet stap. Ons het die Heilige Gees en Jesus en die Engele en mekaar om ons by te staan en leiding te gee.

            “Werk met vrees en bewing aan julle verlossing(strofe 12)... Dis is immers(let op) God wat in julle werksaam is (hoekom?) sodat julle (eerstens) gewillig is en (tweedens) optree, soos Hy dit goedvind. (strofe 13).

Skielik het jy ook geloof om gehoorsaam te WIL wees. “Julle is inderdaad uit genade gered, deur geloof. Hierdie redding kom nie uit julleself nie; dit is  ʼn gawe van God.” Efes 2:8

            Kyk weer na “Werk met vrees en bewing aan julle verlossing (Heil).” Dis ‘n opdrag… net soos die opdrag in Rom 12:2 “Word vernuwe in julle gemoed!” Maar hoe, word ‘n mens vernuwe in jou gemoed? Hoe verander jy van inbors? Eenvoudig – deur jou te reinig en op te bou deur middel van die Woord, Die Bybel – wat ‘n lamp is vir jou voet! Mediteer op die Woord, maak dit deel van jou hele menswees. En so doen mens dit… kyk in ons Vrydag uitgawe.

            Daar is nog opdragte wat ek en jy moet nakom. “Bly in My, soos Ek in julle. Net soos die loot geen vrug kan dra van homself as dit nie in die wynstok bly nie, so julle ook nie as julle in My nie bly nie.” Joh 15:4

            Moenie so maklik na beraders to hardloop en hulle kosbare tyd mors nie. Ek en jy het verantwoordelikhede om na te kom. Doen dit.

               Onthou: Geloof word sigbaar in ʼn daad van gehoorsaamheid. In 1Pet 1:2 staan: “ Soos God die Vader dit vooraf bestem het, het Hy julle uitverkies en deur die Gees afgesonder om aan Hom gehoorsaam te wees.”

            Ons het elkeen ʼn persoonlike verantwoordelikheid:  Ons moet met ywer werk om soos Christus te word. Dit is die pad van Heiligmaking onder leiding van die Heilige Gees.

            Werk jou Heil uit in vrees (eerbied aan God) en bewing (al gaan dit soms ook moeilik). – Wekroep 

Werk jou eie Heil uit....Fil 2:12-13

Ons Denke – moet Vernuwe!

Wanneer ons Wedergebore word, gebeur daar iets groots en besonders in ons lewens. Ons gees word onmiddellik getransformeer na ‘n nuwe Lewe... die Ewige Lewe.

            “Hoor die Woord van die HERE!  Want die HERE het ‘n regsaak  met die inwoners van die land, omdat daar geen trou en geen liefde en geen kennis van God in die land is nie.” Hosea: 4:1.

            As iemand in Christus is, is hy ‘n Nuwe Skepsel;  die ou dinge het verbygegaan, kyk, dit het alles nuut geword.  2 Kor. 5:17.

            En daarby die opdrag:  Word VERNUWE in julle GEMOED (DENKE)! Rom. 12:2. Hierdie vernuwing is dringend noodsaaklik en is ons sleutel tot ‘n oorvloedige geseënde toekoms.

            Dit is van kardinale belang dat ons die Woord moet ken. Die Woord is ons swaard waarmee ons terugslaan wanner negatiewe gedagtes ons wil oorval. Toe die satan dit met Jesus na sy lang vas probeer het, was Jesus gereed om met die Woord terug te slaan.

            Hoe wandel mens is die Gees. Deur die Woord te ken. Negatiewe gedagtes kan jou uitroei. Dit bring niks voor nie behalwe verderf. Jy wen niks daarby nie.

            Jy triomfeer egter wanneer jy die negatiewe met die positiewe Woord vervang. Mense sê so maklik: “Ek is bevrees”, of “Ek is bang...” Jy is nie veronderstel om ooit te vrees of bang te wees nie. As kind van God leef jy BO die omstandighede en nooit onder die omstandighede nie.

          Maar hoe, word ‘n mens vernuwe in jou gemoed, in jou denke? Dis iets wat ons moet doen...word vernuwe... dis jou verantwoordelikheid.

          Wedergeboorte en bekering vind saam plaas, en daarna voortgesette bekering. So word jy vernuwe – deur jou te reinig en op te bou deur middel van die Woord, Die Bybel – wat ‘n lamp is vir jou voet! Mediteer op die Woord, maak dit deel van jou hele menswees.

          En so doen mens dit. Bely onder meer gereeld die volgende strofe en plaas jou eie naam tussen die hakkies:

          Een ding weet ek  (?) ek vergeet die dinge wat agter is en strek my uit na wat voor is, en jaag na die doel om die prys te verkry van die hoë roeping van God in Christus Jesus!  Fil. 3:14.

          Ek (?) is tot alles in staat deur Christus wat my die krag gee.  Fil. 4:13.

          Immers, Sy Goddelike krag het my (?)  alles geskenk wat tot die lewe en Godsvrug dien, deur die kennis  van Hom wat my geroep het deur Sy heerlikheid en deug, waardeur Hy my die grootste en kosbaarste beloftes geskenk het, sodat ek daardeur ‘n deelgenoot  kan word van die Goddelike natuur, nadat ek die verdorwenheid ontvlug het wat deur begeerlikheid in die wêreld is.  2Pet. 1:3-4.

          Vir my (?) is die Koninkryk van God geregtigheid, vrede en blydskap in die Heilige Gees.  Rom. 14:17.

          Ek (?) bid tot die Vader in Jesus se naam en ek ontvang sodat my blydskap volkome kan wees.  Joh. 16:23-24.

          Ek (?) weier om te twyfel, want dan kan ek nie eers iets van die Here ontvang as ek twyfel nie.  Jak. 1:7.

          Geseënd is die God en Vader van onse Here Jesus Christus wat na Sy grote barmhartigheid aan my (?) die Wedergeboorte geskenk het tot ‘n lewende hoop (hoop soos in “future fact” en nie “I wish” nie) deur die opstanding van Jesus Christus uit die dode, sodat ek ‘n onverganklike en onverwelklike erfenis kan verkry, wat in die Hemele bewaar is vir my, wat in die krag van God bewaar word deur die geloof tot die saligheid wat gereed is om geopenbaar te word in die laaste tyd.  Pet. 1:3-5.

           As ek (?) my sondes bely, is Hy getrou en regverdig om my die sondes te vergewe en my van alle ongeregtigheid te reinig. Joh. 1:9.

          Geseënd is die God en Vader van onse Here Jesus Christus, die Vader van ontferminge en die God van alle vertroosting, wat vir my (?) troos in al my verdrukking, sodat ek diegene wat in allerhande verdrukking is, kan troos deur die vertroosting waarmee ekself deur God getroos word. 2 Kor. 3-4.

          Ek (?) het my vyande lief; ek seën diegene wat my vervloek, ek doen goed aan diegene wat my haat, en ek bid vir diegene wat my beledig en vervolg.  Matt. 5:44.

          In al hierdie dinge is ek (?) meer as ‘n oorwinnaar deur Hom wat my liefgehad het.  Want ek is versekerd dat geen dood of  lewe of Engele of owerhede of magte of teenwoordige of toekomende dinge of hoogte of diepte of enige ander skepsel my sal kan skei van die liefde van God wat daar in Jesus Christus, my Here is nie.  Rom. 8:37-39.

          In Hom lewe ek (?) , beweeg ek, is ek.  Hand. 17:28.

          As ek (?) vir hierdie berg (probleme) sê: Hef jou op en werp jou in die see — en nie in my hart twyfel nie, maar glo dat wat ek sê sal gebeur – sal ek verkry net wat ek sê.  Mark. 11:23.

          As ek (?) op die Here wag, kry ek nuwe krag;  ek vaar op met vleuels soos die arende;  ek hardloop en word nie moeg nie, ek wandel en word nie mat nie.  Jes. 40:31.

          Ek (?) werp my sorg op die Here, en Hy sal my onderhou;  Hy sal nooit die regverdige laat wankel nie.  Ps. 55:23.

          Ek (?) het die Here gesoek, en Hy het my geantwoord en uit al my vrees gered.  Ps. 34:5.

          Wanneer ek (?) bid, vergeef ek as ek iets teen iemand het.  Mark. 11:25.

          “Vrede laat Ek vir jou (?) na, My vrede gee Ek aan jou.  Laat jou hart nie ontsteld word en bang wees nie.” Joh. 14:27.

          Die dinge wat by die mens onmoontlik is, is by God moontlik.  Luk. 18:27.

          Gee opnuut in die binneste van my ‘n vaste gees.  Ps. 51:12.

          Ek (?) gaan na Hom toe wanneer ek vermoeid en belas is, en Hy sal vir my rus gee.  Matt. 11:28.

          Ek (?) vertrou op die Here met my hele hart en steun nie op my eie insig nie.

         Hy het gekom dat ek (?) lewe en oorvloed kan hê.  Spr. 3:5;  Joh. 10:10.

          Ek (?) bely my misdade teenoor ander en bid vir ander, sodat ek gesond kan word.  Die vurige gebed van die regverdige het groot krag.  Jak. 5:16.

          As God vir my (?) is, wie kan teen my wees.  Rom. 8:31.

          Die Koninkryk van God is binne-in my (?) Luk. 17:21.

          God het my (?) nie ‘n gees van vreesagtigheid gegee nie, maar van krag en liefde en selfbeheersing.  2 Tim. 1:7.

          God sal my (?) lei deur Sy raad en my daarna in heerlikheid opneem.  Ps. 73:24.

          Ek (?) neem die volle wapenrusting van God op, sodat ek weerstand kan bied in die dag van onheil, nadat ek alles volbring het, staande kan bly.  Efes. 6:10-20.

Om vernuwe te word in ‘n mens se gemoed, jou denke, gedagtes, beteken om kragtig te word in die HERE en in die krag van Sy sterkte. Efes 6:10-20 Verkeerde gedagtes kan vir ons ‘n ontsettende struikelblok wees.

            Paulus sê ons moet die (let op) volle, wapenrusting van God aantrek (hoekom?) sodat julle staande kan bly teen die liste van die duiwel.

            “Want ons worstelstryd is nie teen vlees en bloed nie, maar teen die owerhede, teen die magte, teen die wêreldheersers van die duisternis van hierdie eeu, teen die bose geeste in die lug.”

En waar tref hier booshede ons die meeste en diepste... juis in ons gedagtegang!

            “Daarom, neem die volle wapenrusting van God op (hoekom?), sodat julle weerstand kan bied in die dag van onheil en, nadat julle alles volbring het, staande kan bly.

            “Staan dan vas, julle lendene met die Waarheid omgord, met die borswapen van die geregtigheid aan (die Waarheid, wat jy alleen in die Woord sal vind, omgord jou met die Waarheid. Hoe sterker jy groei in geregtigheid, hoe meer beskut raak jy in Jesus hoede. Later is jy onbereikbaar deur die bose. Jy weier om na skinderstories te luister. Jyself skinder ook nie. Jy staan rotsvas op oorwinningsgrond)

“en as skoene aan julle voete die bereidheid vir die Evangelie van vrede. (so vertrap jy die vyand onder jou voete en stap jy met die Evangelie sonder skaamte, onverskrokke en bring oral vrede. Jy sê soos ‘n Dawid: Met my God spring ek oor ‘n muur.)

“Behalwe dit alles neem die skild van die geloof op waarmee julle al die vurige pyle van die Bose sal kan uitblus (onthou,‘n skild beskerm jou net van voor, jy beweeg dus altyd vorentoe. Alle pyle vanaf die vyand kan jou geen skade berokken nie, jy kan net jouself skade berokken deur verkeerde reaksies op aanvalle teen jou).

“En neem aan die helm van verlossing en die swaard van die Gees – dit is die Woord van God (die Woord is ‘n tweesnydende swaard, die Woord is lewendig. Enigiemand kan gesterwe het, maar sy testament is en bly lewendig. So bly die Woord van die HERE lewendig, oral waar jy dit saai, bring dit resultate, vir seker, al saai jy dit in jou eie lewe).

“terwyl julle met alle gebed en smeking by elke geleentheid bid in die Gees, en juis daartoe waak met alle volharding en smeking vir al die Heiliges (Maak die saak vir jouself uit oor die betekenis van “bid in die Gees”. Jy sal by die antwoord uitkom dat dit ‘n Hemelse taal bedoel wat die Heilige Gees vryelik aan jou skenk. Baie belangrik is die feit dat jy en ek vir die Kerk van Jesus Christus, vir al die Heiliges, moet bid want so hou ons die ganse kerk in stand – “Maar daar kom 'n uur, en dit is nou, wanneer die ware aanbidders die Vader in gees en waarheid sal aanbid; want die Vader soek ook mense wat Hom só aanbid.

“God is Gees; en die wat Hom aanbid, moet in gees en waarheid aanbid.” Joh 4:23-24).

“en vir my (Paulus vra dat vir hom ook gebid moet word, so bid ons dan vir al die leiers, die pilare van die Kerk... hoekom) sodat 'n Woord my (hulle) gegee mag word as ek my (hulle hul) mond oopmaak om met vrymoedigheid die verborgenheid van die Evangelie bekend te maak,

“waarvoor ek (hulle) 'n gesant is in kettings, (toegewyd, afgesonder om hul roeping waardig te wees) sodat ek daarin vrymoediglik mag spreek soos ek moet spreek.

Die wapenrusting van God is nie ‘n fisiese wapenrusting nie, maar ‘n geestelike wapenrusting.

          God is vir my (?) ‘n toevlug en sterkte; as hulp in benoudhede is Hy in hoë mate beproef.  Ps. 46:2.

          Ek (?) gee ag op die Woord en sal die goeie vind, en omdat ek op die Here vertrou, is ek gelukkig.  Spr. 16:20.

          En aan Hom wat mag het om te doen ver bo alles wat ek (?) bid of dink, volgens die krag wat in my werk.  Efes. 3:20.

          Ek (?) bid en vir my sal gegee word, ek soek en ek sal vind, ek klop en vir my sal oopgemaak word.  Matt. 7:7.

          Wees maar net stil tot God, my siel, want van Hom is my (?) se verwagting.  Ps. 62:6.

          Ek (?) is sterk en vol moed, nie bevrees of verskrik nie, want die Here my God is met my, oral waar ek heengaan.  Jos. 1:9.

          En ten slotte:  Ek (?) dink nie aan die vorige dinge nie, en slaan geen ag op wat vroeër gebeur het nie.  Kyk, God gaan iets nuuts maak; nou sal dit uitspruit, sal ek dit nie merk nie?  Kyk, God maak ‘n pad in die woestyn, riviere in die wildernis.  Jes. 43: 19-19. – Wekroep

Spreek LEWE oor Suid-Afrika in 2019

“Dood en lewe is in die mag van die tong; en elkeen wat dit graag gebruik, sal die vrug daarvan eet.” Spr. 18:21. Gelowiges het die mag en die gesag in Christus om ‘n magtige omwenteling in SA te weeg te bring. Spreek in elke sektor van die samelewing LEWE, en waardaar dood is, sal dit met LEWE vervang word. Om te murmureer is om dood te spreek.

            Spreek jy Lewe, of spreek jy dood?

            Lewe jy onder die omstandighede, of bo, die omstandighede?

            “Uit dieselfde mond kom seën en vervloeking. Dit, my broeders, behoort nie so te wees nie.

“‘n Fontein laat tog nie uit dieselfde oog vars en bitter water opborrel nie?

“‘n Vyeboom, my broeders, kan tog nie olywe voortbring, of ‘n wingerdstok vye nie? So kan geen fontein brak en vars water voortbring nie.” Jak. 3:10-12.

As ons verklaar dat ons Gelowiges is, dan lewe ons bo die omstandighede, dan spreek ons seën, selfs in die mees benarde situasie, en nie verdoemenis nie.

“Nie wat in die mond ingaan, maak die mens onrein nie; maar wat uit die mond uitgaan, dit maak die mens onrein.” Matt. 15:11.

“Die goeie mens bring uit die goeie skat van sy hart goeie dinge te voorskyn, en die slegte mens bring uit die slegte skat slegte dinge te voorskyn.” Matt. 12:35

Soms trap ons in die slagyster en ons vergeet dat as Gelowiges, het ons ‘n “goeie skat in ons hart” en dan praat ons negatiewe, ydele dinge.

“Maar Ek sê vir julle dat van elke ydele woord wat die mense praat, daarvan moet hulle rekenskap gee in die oordeelsdag.

“Want uit jou woorde sal jy geregverdig word, en uit jou woorde sal jy veroordeel word.” Matt. 12:36-37.

Ydele woorde, is woorde van hopeloosheid, wanhoop,  skyn, bog, nietighede, waardeloos, vrugteloos, nutteloos. Dis ook wanneer mense grootpraat, wanneer hulle bluf, verwaand is, roemsugtig, ook wanneer mens die naam van die HERE verkeerdelik gebruik.

Dood en Lewe, is in die mag van die tong.

As mens elke dag van jou lewe aanhou verdoemend praat van ander, elke dag praat oor die euwel van misdaad en die negatiewe beklemtoon, spreek jy ydele woorde, spreek jy wanhoop, spreek jy dood.

Om gedurig die duisternis aan te val, is om dood te spreek, alles verder te vernietig. Moenie die duisternis aanval nie, steek eerder ‘n lamp op, spreek Lewe!

Gelowiges besef dit nie almal nie, maar inderdaad is hulle in beheer van die situasie, en hulle kan die situasie omkeer deur Lewe te spreek.

Kyk hoe pragtig is die volgende: “Die mond van die regverdige is ‘n fontein van lewe, maar die mond van die goddelose verberg geweld.” Spr. 10:11.

“Die wyse lê kennis weg, maar die mond van die dwaas is ‘n ondergang wat naby is.” Spr. 10:14.

Let op wat gebeur wanneer mens inderdaad die Bybel bestudeer, wanneer mens navorsing oor ‘n onderwerp soos bv. die tong doen: Jy was jouself skoon, jy reinig jouself. Strofe na strofe is soos helende waters wat oor jou gees en siel spoel. 

Sonder kennis van die Skrif, gaan selfs ‘n hele volk ten gronde.

“Wie sy mond bewaak, bewaar sy lewe; wie sy lippe wyd oopmaak, vir hom is daar ondergang.” Spr. 13:3.

Lees weer:  “Dood en lewe is in die mag van die tong; en elkeen wat dit graag gebruik, sal die vrug daarvan eet.” Spr. 18:21.

Spreek mens dus dood, gaan jy beslis die vrugte daarvan eet. Spreek mens Lewe sal jy vir seker die vrug daarvan eet.

Ons het dit reeds genoem, maar ons herhaal: Ja, dit gebeur dat ons soms in die slagysters trap.

“Want ons almal struikel dikwels. As iemand in woorde nie struikel nie, is hy ‘n volmaakte man, in staat om ook die hele liggaam in toom te hou.

“Kyk, ons sit stange in die perde se bekke, sodat hulle ons gehoorsaam kan wees, en ons stuur hulle hele liggaam daarmee.

“Kyk, ook die skepe, alhoewel hulle so groot is en deur hewige winde voort gedryf word, word gestuur deur ‘n baie klein roer net waarheen die stuurman wil.

“Net so is die tong ook ‘n klein lid en beroem hom op groot dinge – kyk hoe ‘n groot hoop hout steek ‘n klein vuurhoutjie aan die brand.

“Die tong is ook ‘n vuur, die wêreld van ongeregtigheid. Net so ‘n plek neem die tong onder ons lede in; dit besmet die hele liggaam en steek die hele lewensloop aan die brand en word uit die hel aangesteek.

“Want elke soort natuur van wilde diere en voëls en kruipende sowel as seediere word getem en is getem deur die menslike natuur.

“Maar die tong kan geen mens tem nie; dit is ‘n onbedwingbare kwaad, vol dodelike gif.

“Daarmee loof ons God en die Vader, en daarmee vervloek ons die mense wat na die gelykenis van God gemaak is.

“Uit dieselfde mond kom seën en vervloeking. Dit, my broeders, behoort nie so te wees nie.” Jak. 3:2-10

Dit is so dat ons stange in die perde se bekke sit sodat ons beheer oor hulle kan hê om hulle te stuur waar ons wil.

Gebruik dan die Woord as die stang in ons monde sodat die Heilige Gees ons kan stuur waar Hy wil.

Gebruik die Woord as die roer in ons lewens sodat ons nie rigtingloos, doelloos, op die see van die lewe ronddobber nie.

Die woorde wat ons spreek: Bied dit aan ons en ander rondom ons Lewe, of dood? Bied ons woorde hoop, of wanhoop?

Dis baie duidelik dat ons verantwoordelik is vir dit wat ons spreek!

Spreek ons dan verantwoordelike of onverantwoordelike dinge?

Wanneer ons ander gereeld aanval en beledig, selfs al is dit met rede, dan spreek ons dood. Dan gee ons krediet aan die euwels.

Wanneer ons dood spreek, word ons gebede ook nie beantwoord nie. Iemand sê, maar hulle spreek dood oor siekte... as jy liewer Lewe oor die sieke spreek, tree die dood vir die euwel vanself uit.

“En wanneer julle staan en bid, vergeef as julle iets teen iemand het, sodat julle Vader wat in die hemele is, ook julle jul oortredinge mag vergewe.

“Maar as julle nie vergewe nie, sal julle Vader wat in die hemele is, ook julle oortredinge nie vergewe nie.” Markus 11:25-26

Dit is hoe dit is: Sonder vergifnis word ons gebede nie beantwoord nie.

Met vergifnis en wanneer ons Lewe spreek, kan ons die ganse situasie in bv. Suid-Afrika, maar ook in ons eie lewens, omkeer.

In Rigters 6:1 sê God aan Gideon: Maar, toe die kinders van Israel gedoen het wat verkeerd was in die oë van die Here, het die HERE die kinders van Israel oorgegee in die hand van die Midianiete – sewe jaar lank!

            Sewe jaar lank! Dis mos nie nodig om langer vrae te vra nie. Ons eie situasie moet vir ons mos nou meer duidelik wees as ooit te vore.

            Dit lei geen twyfel nie dat die Skrif verwag dat die Christen hom moet onderwerp aan die Owerheid wat oor hom aangestel is.

            So, loof die HERE, bid vir die owerheid, spreek Lewe oor hom, dien die HERE. Spreek Lewe! Alles is nog lank nie verlore nie. Dit lyk maar net so.

            Die prentjie word verder ingekleur wanneer God ons verbied om te vergeld. God sê dat Hy ‘n jaloerse God is en dat die wraak Hom (alleen) toekom.

            Met ander woorde, terwyl ons wraak wil neem met allerlei verset en optredes, staan God terug, want ons probeer doen wat God sê Sy eksklusiewe reg is. Die Christen moet sy verstand afskakel sodat hy kan hoor wat die Gees van God aan hom wil sê.

            Wanneer die HERE sê dat Sy Liggaam vir die regering moet bid, dan is dit ‘n opdrag wat eenvoudig uitgevoer moet(!) word, al lyk dit ook hoe moeilik. As daar nie vrede in die land is nie, dan is dit waarskynlik omdat die Gelowiges nie vir die regering bid nie. Neem die bewind in die land oor... sonder slag of stoot. Spreek Goddelike Lewe in die Parlement in.

          Spreek kewe ir letterlik alles, van jou huis, skool, gemeenskap, munisipaliteit  tot in die parlement.

         Die HERE is in beheer van die koning. In Spreuke 21:1 lees ons: “Die koning (staatspresident) se hart is in die hand van die HERE soos waterstrome; Hy lei dit waarheen Hy wil.”

·       Die nuwe vertaling lees: “Die HERE kan ‘n koning se gedagtes net so maklik beheer soos water in ‘n leivoor en dit stuur in die rigting wat Hy wil!” Skitterend!

So, kom maar gerus jou plig en opdrag na en bid vir die Owerhede. Hulle dink maar hulle is in beheer. Die waarheid is dat die Christendom in beheer van die wêreld is, en dit onder Leierskap van die Almagtige GOD.

            Luister wat sê Psalm 149 oor “Lofgesang en Oorlogswaard”:

Halleluja! Sing tot eer van die Here ‘n nuwe lied,

Sy lof in die vergadering van die gunsgenote!

Laat Israel hom verheug in sy Maker;

Laat die kinders van Sion juig oor hul Koning!

Laat hulle Sy naam loof in koordans,

Hom psalm sing met tamboeryn en siter.

Want die Here het ‘n welbehae in Sy volk;

Hy versier die ootmoediges met heil.

Laat die gunsgenote juig in heerlikheid;

Laat hulle jubel op hul bedde.

Lofverheffinge van God is in hulle keel,

en ‘n tweesnydende swaard in hulle hand;

Hoekom?

Om (sodoende) wraak te oefen onder die heidene,

strafgerigte onder die volke;

om hulle konings met kettings te bind

en hulle edeles met ysterboeie;

om ‘n vonnis wat opgeskrywe is,

aan hulle te voltrek.

‘n Eer is dit vir Sy gunsgenote!

Halleluja!

Dat die HERE op soek is na voorbidders maar hulle selde vind, word weerspieël in die pyn van Sy uitroep deur Jesaja:

            “Hy het gesien dat daar niemand was nie en Hom verbaas dat niemand tussenby tree nie,”

            En sy teleurgestelde protes deur Esegiël:

            “Ek het onder hulle ‘n man gesoek wat ‘n muur kan bou en voor My aangesig in die bres kan staan vir die land…  maar Ek het niemand gevind nie.” —  Wekroep

 

Foto’s is ter illustrasie: Beide is in die Midde-Ooste genmeem. Toe alles tot niet niet was  spreek sekere mense LEWE.

Hy kom weer!

Wat met Jesus se eerste koms gebeur het gaan basies weer by die Wegraping gebeur.

Jesus was gebore in die tyd van die Roomse Keiser Augustus… die eerste Romeise heerser wat in sy tyd as god aanbid was. Dis hy wat die volkstelling gehou het en nommerkodes aan almal toegeken het om groter geldelike beheer te hê.

By die Wegraping gaan soortgelyke gebeure plaasvind. Die ontstaan van die Europese Unie word allerweë as die verrese Romeinse Ryk beskou. Die Unie erken nie die bestaan van God YAWEH nie en sy president sal aanstonds die valse God wees.

Jesus se Geboortefees is nie iets van die verlede nie. Dit is ‘n profetiese gebeurtenis wat in die bynase afsienbare toekoms herhaal gaan word. Die begin en die einde.

Terloops, Herodus was in daardie tyd Herodus die Grootte in Jerusalem.

Reg oor die wêreld  word Jesus in toenemende maat verban. Op plekke mag mens nie eers Sy naam in ‘n toespraak of gebed noem nie. Herdenkings van Sy geboorte is op baie plekke verban en selfs vernietig.

Joel, die Bergrede en Openbaring vertel vir ons van tekens in die lug en in die kosmos wat Christus se Koms sal voorafgaan. Met Christus se geboorte was daar tekens in lug en in die kosmos wat die Geboorte voorafgegaan het. Die Jode was in hulle eie land, maar onder die beheer van ‘n Roomse Keiser.

Vandag is miljoene (vlugtelinge) nie in hul eie lande nie en die wat is staan onder vreemde gesag.

Augustus het die troon bereik deur misleading… die Roomse general, Pompeii het die Jode mislei en in die Allerheiligste van die Tempel binne gegaan.

Wat met Pompeii in Rome gebeur het, sal weer gebeur. Al hierdie dinge wat in Europa en die Midde Ooste gebeur is alles dinge wat besig is om die toneel te skep soos vervat in profesie. Die nuwe tempel wat in aanbou is, sal deur die antichris beset word en hy sal as god aanbid word.


































Voor die Europese Parlement is drie standbeelde van’n vrou wat op ‘n dier ry en ook op die Euro muntstuk. Openb 17,18

Die Wegraping gaan plaasvind en diegene wat agterbly sal hulle hoop op hierdie vrou en hierdie halfgod plaas, maar uiteindelik tevergeefs.

            Dusver dui alles daarop dat die antichrist uit Europa sal kom. Die Europe Unie wil sy vlerke versprei na ‘n eenwêreld regering soos deur die Nuwe Wêreld Orde (NWO) beplan word. Daar is reeds 25 wêreldorganisasies soos bv Gesondheid, Landbou, Toerisme, Handel, ens. ‘n Eenwêreldgeldstelsel is straks volgende.

Pres Donald Trump sê, hy is daarteen. Die Republikeine en die Demokrate was reeds so mislei deur Bush, Clinton en veral Obama dat hulle ook ‘n eenwêreld regering begin aanvaar het. Trump staan alleen wanneer hy sê Amerika sal nie deel daarvan wees nie. Amerika staan saam met Israel. Evangeliese Gelowiges skaar hulle by Trump.

            Trump het tydens die verkiesingsveldtog al gesê hy is nie ‘n politikus nie en stel ook nie daarin belang nie. Hy is ‘n sakeman en sal die land soos ‘n sakeman bestuur. Trump is egter Wedergebore en al sy raadsgewers is Wedergeborenes. Daar word ook daagliks in die Withuis gebid.

            Trump is die res een voor: Amerika het ‘n groot militëre basis  binne Israel. Eergister is ook begin met die bou van Amerika se nuwe militêre basis in die buitenste ruim. Dis ‘n eerste.

            Soos met Jesus se geboorte sal daar by die Wegraping ook vele valse profete wees. Die Groot Afval en misleiding is reeds in volle swang. ‘n Onlangse peiling in Amerika toon die Amerikaners stel meer belang in geld as in geloof… “Want die mense sal liefhebbers van hulleself wees, geldgieriges, grootpraters, trotsaards, lasteraars, ongehoorsaam aan hulle ouers, ondankbaar, onheilig, sonder natuurlike liefde, onversoenlik, kwaadsprekers, bandeloos, wreed, sonder liefde vir die goeie, verraaiers, roekeloos, verwaand, meer liefhebbers van genot as liefhebbers van God; mense wat 'n gedaante van godsaligheid het, maar die krag daarvan verloën het. Keer jou ook van hierdie mense af.” 2 Tim 2-5

            Lees ook YAWEH se briewe aan die 7 gemeentes in Openb 2 en 3 en sien die toestande in die kerke vandag.

    Soos met Jesus se eerste koms gaan toestande net veel erger wees by die Wegraping. Die wêreld het intussen baie, baie groter geword. Almal het wêreldwyd ‘n ID-nommer, ID-kaarte en op talle plekke word kodes met sensors onder mense se velle ingeplant. Op ander plekke word vingerafdrukke gebruik en by ander weer skanderings van jou oë. Sensusopnames is ‘n aanvaarde praktyk.

    Tydens die Wegraping sal groot getalle intussen Wedergebore Jode, ook net verdwyn. Jode aanvaar vandag in toenemende maat Jesus as die Messias en hul Verlosser. Daar is reeds 274 Messiaanse gemeentes in Israel http://app.kehilanews.com/directory

    Ons gedenk ook Jesus se geboorte, omdat ons, ek en jy, die werk wat Hy op aarde begin het moet voortsit en voltooi. Dis ‘n opdrag.

    Dink net hoe eentonig die Nuwe Testament sou wees sonder Jesus se wonderwerke… wonderwerke wat vandag nog steeds plaasvind. Jesus noem ons sy medewerkers. 1 Kor 3:9; 2Kor 6:1.

            Gelowiges en Jesus is vir Ewig onafskeidbaar. Jesus is op die oomblik nie hier nie, maar ons beleef Hom en sy werke steeds elke dag. Sommige betwis sy geboortedag. Los dit, fokus eeder op die rede vir Sy geboorte.

    Ja, gedenk Sy geboorte, maar los die kersvaders en kersbome. Dit het niks met Sy geboorte te doen nie. Gee geskenke, gebruik nagmaal om ons te herinner aan die grootste Geskenk wat die mens op hierdie aarde ooit ontvang het, ‘n Verlosser, YESHUA.

    Wees altyddeur ook gereed, Hy kom ons haal en Hy het nog nooit en sal nooit sy Woord verbreek nie. – Wekroep

·        Ons kantore sluit vandag tot 14de Januarie 2019. Rykste seëninge en ‘n Geesvervulde 2019 word almal toegebid.

Jesus Christus sê: ‘Ek noem julle vriende’

“Ek noem julle nie meer ondergeskiktes nie … nee,Ek noem julle vriende … “  Joh. 15:15.

Die HERE praat met ‘n mens op vele maniere. Een daarvan is deur menslike vriendskap.

GOD bring mense bymekaar, laat word hulle vriende, op so ‘n wyse, dat die vriendskap kragtig werk om ons te red van die verwarring en ellende waarin ons onsself van tyd tot tyd bevind en ons te bou tot rotspilare in Sy Koninkryk, ook onder ons volk.

            Aristoteles wat 300 voor Christus gelewe het, word nie eintlik as ‘n Christen-filosoof beskou nie, maar sy drie elemente oor vriendskap straal die mooi gesindheid van Christus uit.

            Eerstens het hy gesê, vriende is mense wie se geselskap ons geniet. Een van die dinge wat ‘n ware vriendskap tot gevolg het  is om mekaar te laat glimlag wanneer hulle van mekaar hoor of mekaar besoek bring.

            Die ervaring tussen ware getroue vriende is altyd vrolik. Hulle kan die verskrikking van die lewe vir mekaar verander in geleenthede van soveel opregte erns, maar ook uitbundige vrolikheid.

            Die Prediker sê in die Boek van die Wyse: “’n Getroue vriend is ‘n sterk vesting. Hy wat so ‘n vriend gevind het, het ‘n skat gevind.”

            Die dissipels kon sekerlik dieselfde van die HERE Jesus Christus sê: Of hy nou iets met hulle gedeel het, saam langs die See van Galilea gaan stap het, gelag het by ‘n eetmaal, wyn geskink het by ‘n bruilof, gehuil het by ‘n vriend se graf, selfs wanneer Hy hulle vermaan het – sy blote teenwoordigheid kon die gewone teleurstellings en die bitter van die lewe transformeer na ware lewenskrag, oomblikke van bruisende varsheid, nuwe insig, nuwe visie en ook nuwe insig oor die werklikheid van die Ewige Lewe.

            Soms wil mens net by daardie iemand besonders wees. Nie by enigiemand nie, daardie besonderse vriend wat jy weet wat nooit uitpraat nie omdat hy of sy lojaal aan jou is, graag wil luister wanneer jy praat. Al klink jou gepraat soms ook na die versinsels van verdwaalde gedagtes.

            So is GOD ook ons Vriend. Soms wil ons net alleen in ons binnekamer, in die woud, langs die strand, iewers, alleen met Hom wees. Daar is sake wat jy op Sy uitnodiging eenvoudig moet uitpraat.

            Tweedens het Asristoteles gesê: Vriende is mense wat mekaar help. Paulus beklemtoon  dit in ‘n brief aan die Korinthe:  In elke  moeilikheid  bemoedig Hy ons. Daarom kan ons ook ander  bemoedig  wat in allerlei  moeilikhede verkeer. Ons kan hulle  bemoedig met dieselfde  bemoediging waarmee GOD ons bemoedig. (2 Kor. 1-4)

            Soms gaan mens deur ‘n dal van doodskaduwee. Ons weet GOD is steeds by ons. Die volgende oomblik stuur Hy ‘n vriend om ons te help. Inderdaad is dit GOD wat help. Hy gebruik die vriend.

Alhoewel ons altyd baie dankbaar is vir die vriend, moet ons onthou dat onse GOD ‘n jaloerse GOD is en dat Hy AL die eer wil hê.

            Derdens het Aristoteles gesê: Vriende is mense met wie ons ‘n visie deel, soos ‘n Dawid en ‘n Jonathan, een van hart en siel. 1 Sam. 18:1-5

            Ons is nou omring deur moeilikhede en gevare. Nou stry ons saam vir dit wat die hoogste waarde het. Geen omstandigheid kan vriende se dunk van mekaar verander nie.

            Kyk weer na Joh. 15:15: “Ek  noem  julle  nie meer  ondergeskiktes nie, want ‘n ondergeskikte  weet nie  wat sy  heer doen nie. Nee, Ek  noem  julle vriende, omdat Ek  alles wat  Ek  van  my Vader  gehoor  het, met  julle  gedeel  het.”

            Vriende se lewens verskil in baie opsigte. Dit word respekteer. Maar ware vriende word saamgebind deur die visie van GOD se heerskappy, GOD se geregtigheid, GOD se vrede, GOD se Koninkryk, GOD se wil vir ons VOLK en ons toekoms, en geen omstandighede van tyd of afstand kan vriende skei van die gemeenskaplike visie wat ons in Christus Jesus deel nie!

            En wat sal die mense eendag van vriende sê? ‘n Prediker sê een keer tydens ‘n begrafnisdiens: Die oorledene was ‘n wonderlike vader, ‘n liefdevolle eggenoot, ‘n reuse bate vir die samelewing…

            Toe stamp die ma aan haar seun en sê: Gaan kyk vir my in die kis en maak seker dis jou pa van wie hy praat.

            Maar, oor ware vriende sal die mense praat soos vandag oor Dawid en Jonathan.

            Jesus noem ons ook Sy Volk, Sy eiendom, Erfgename. Sy medewerkers. Ons het die geloof van 'n mosterdsaadjie  –  ons (moet) groei tot 'n reuse Geloofsboom.

            Oor ons visie vir Sy Volk se herlewing en verlossing het ons Sy belofte in Jer 32: 27: Kyk, Ek is die HERE, die GOD van alle vlees;  sou enige ding vir My té wonderbaar wees?

            Die HERE behartig die regsaak van Sy volk; Hy ontferm hom oor sy dienaars. Ps. 135:14 ...maar dien die volk Hom ooit? —  Wekroep

https://www.youtube.com/watch?v=79mMYzocOkY
Preview YouTube video Wat n Vriend het ons in Jesus

Toewyding...

“’n Groot menigte het saam met Hom gegaan. Hy het omgedraai en vir hulle gesê... Luk 14:25.

Teen hierdie tyd het groot menigtes Jesus begin volg. Die groot menigte het Hom herhaaldelik en gereeld gevolg. Dis was dalk oor Sy wonderwerke of omdat Hy hulle gevoed het, ons weet nie die werklike rede nie, maar groot menigtes het hom beslis gevolg. Dit was in hierdie tyd wat Jesus omgedraai het en vasberade iets gesê het wat gemaak het dat baie mense Hom nie meer gevolg het nie.

“As iemand na My toe kom [d.i. met Hom die pad wil stap, Sy metgesel wil wees, Hom wil volg... dit was die vereiste] en hy haat nie sy vader en moeder en vrou en kinders en broers en susters, ja, selfs ook sy eie lewe nie, kan hy my dissipel nie wees nie.” Luk 14:26.

Wat kon die HERE hiermee bedoel het, wat sou ‘haat’ beteken? Dalk bedoel dit om minder lief te hê, so iets. Maar navorsing wys dit beteken inderdaad haat.

Jesus het die sterkste moontlike woord gebruik om die punt te beklemtoon. Hy het gesê, tensy jy jou vader, moeder, suster, broer, selfs jou eie lewe haat, kan jy nie Sy dissipel wees nie.

Hy het waarskynlik hier met ‘n paar beterweters te doen gehad, daarom dat Hy homself sterker uitgedruk het as in Matt 10:37 “Wie vader of moeder bo My liefhet, is My nie waardig nie; en wie seun of dogter bo My liefhet, is My nie waardig nie.”

Wat is die intiemste verhouding wat jy al ooit op aarde gehad het? Dis jou moeder, of vader, of jou ma, of vrou of kinders. Wat maak jy as jou vrou teen jou draai en jou skei, of jou moeder of vader sterf? Wie gaan dan by jou staan? Dit sal jou broers en susters wees. Jesus sê, tensy jy hulle haat kan jy nie Sy dissipel wees nie.

Wat sê Hy? Jesus praat oor die intiemste verhoudings wat ons ooit sal hê. Hy vra van ons ‘n toewyding, ‘n verbondenheid waarin Hy eerste moet wees. Hy wil nommer een in ons lewens wees. Hy vergelyk die verhouding tussen hom en ons met die intiemste wat ons  ooit op aarde sal ken.

“Haat” is ‘n metafoor, ‘n woord van vergelyking, en Jesus sê, “My verhouding met jou is so belangrik dat ek verlang dat dit bo aardse dinge moet wees.” Daar is een persoon wat jy meer liefhet as jou vrou, jou kinders, jou ouers, jou susters of broers. Weet jy wie dit is? Dit is nie God nie... dit is jyself?

Jy het jouself meer lief as iemand in jou intiemste verhouding. Waarom breek huwelike op? Hoekom skei mense? Omdat hulle hulself meer liefhet as hul huweliksmaat. “Jy tree nie op soos ek wil hê jy moet optree nie, so ek raak ontslae van jou.”

Jesus sê daar is een verhouding wat bo nommer een moet wees, bo jou eie selfsugtige lewe. Dis ware dissipelskap. Hy praat nie oor ‘n geen-koste dissipelskap nie. Hy vra dat ons Hom moet volg. Hy vra om nommer een in ons lewens te wees.

Is Hy No 1 in jou lewe? - Wekroep

Hy wou nie terugkom aarde toe nie

Die Hemel

Ons moenie treur oor hulle wat voor ons uitgaan nie. Ons moet eintlik jaloers wees dat dit nie ons beurt was nie.

            Ons moet straks ook ‘n ander woord vind vir begrafnis. Niemand wat weg is, is by hul eie begrafnisse nie. Kom ons maak dit ‘n fees. ‘n Wit kis, blommeprag, musiek, lof en aanbiddingsliedere, blydskap, ‘n dag om te onthou.

            Die Heilslëer se orkes staan altyd gereed langs die graf en sodra die kis begin sak, masjeer hulle tot buite die hekke van die begraafplaas terwyl hulle speel: “Sweeping through the gates of the New Jerusalem.”

M’Lisa Goff, die vrou van Pastoor Kevin Goff van Die Rots Gemeente in Arizona, VSA, vertel aan Daystar32…

Sy en haar man was voor in hulle motor, die drie seuns agter. By ‘n kruising het ‘n reuse vragmotor volgelaai met motors, deur die rooilig gery en teen hulle motor gebots.

Sy is na een hospitaal geneem en die seuns en hulle pa na ‘n ander hospitaal.

Die agtjarige Brandon is dadelik aan masjiene gekoppel om hom aan die lewe te hou.

M’Lisa sê sy kon nie by wees toe die masjiene afgeskakel is nie. Sy kon nie van haar seun afskeid neem nie. Sy is in ambulans na Brandon se begrafnis geneem. Sy moes lê in die kerk.

Sy het die HERE vertel hoe seer haar hart is dat sy nie eers by haar seun kon kom toe hy kunsmatig aan die lewe gehou was nie.

“In my huis kon ek nie die hoofslaapkamer op die boonste verdieping bereik nie. Ek moes nege maande in ‘n hospitaalbed in die sitkamer deurbring terwyl ek kort-kort hospitaal toe geneem is vir vir nog en nog operasies.” Sy kan nie onthou hoeveel operasies sy gehad het nie. Al die bene in haar gesig was gebreek, as ook nek- en rugwerwels.

Toe, in ‘n “droom” hoor sy ‘n geklop aan die agterdeur, sy maak oop en daar staan Brandon. “O Brandon my kind jy is terug.”

Brandon: “Nee, ek kan net ‘n kort besoek aan mamma bring en dan moet ek teruggaan.”

M’Lisa: “Ek gee nie om nie, kom hier. Ek het hom opgetel en na die sitbank geneem. Ek het hom vertel van al die pyn en operasies en hoe ek hom mis en vir hom gesê ek wil nie meer hier wees nie.”

Brandon het geantwoord: “Mamma, nog net ‘n kort rukkie dan is jy by my in die Hemel.”

“Ek wou weet of hy gelukkig is? Daar het skielik ‘n gloed rondom sy gesig verskyn toe hy antwoord: “Mamma ek is so gelukkig.”

M’Ilsa: “Ek het nog noooit so ‘n glorieryke glimlag van hom beleef nie.”

“Hy kon nie eers verduidelik hoe wonderlik dit is nie. Ek het my kind nog nooit so gelukkig gesien nie. Ek eh het dadelik vrede gesmaak. Ek het besef hy sal nooit hier op aarde so gelukkig kan wees nie. Ek het hom afgegee. Hy was in die hande van Jesus en hy sal nooit na sy mamma terugkeer nie. Ek het besef dit gaan goed met hom en ek het hom die Hemel gegun.

“Toe die son opkom het hy vir my gesê: “Die son kom op ek sal moet teruggan.”

“Ek het hom na die agterdeur geneem en totsiens gesê en die oomblik toe ek die deur toemaak, was ek wakker.

“Ek het dadelik besef dit kon nie ‘m droom gewees het nie. Ek het hom fisies gesoen, my vingers deur sy hare getrek, hom vasgedruk. Ek is oortuig dit was nie ‘n droom nie.”

M’Lisa se hele verhaal is hier beskikbaar: http://www.daystar.com/ondemand/video/?video=5850384770001

            Ons gebruik die verhaal om diegene wie se kind of kinders vir hulle in die Hemel wag, te bemoedig.

Maak gereed vir 2019

Pak jou sak....

Ons maak elke jaar so. Pak op en kry ’n voorspromng op 2019. Maak vandag, ‘n dag in jou lewe vir nuwe dinge – Dinge van hoop en liefde en oorwinning in Jesus se Naam.

Jou verlede met sy teleurstellings, ontnugtering en hartseer moet ook nou plekmaak vir lente in jou lewe.

Sit al jou ou bagasie in ‘n sak, in ‘n groot sak, pak daai sak self, noem elke ding by sy naam wanneer jy dit insit, moenie iets vergeet nie en sit dit vandag, sommer nou, by Jesus se voete… En sê vir HOM,”Ek is nou klaar met my verlede, my hartseer, my tekortkominge, my foute, my teleurstellings…

Daar is meer glas in die voorruit as in die truspieëltjie.

Dankie HERE dat U vir my voorspoed beplan en ek vat dit, en ek dank U daarvoor. En as ek enige tyd weer terugkyk na my ou sak, herinner my asseblief dat ek klaar is daarmee.”

“En ek het ‘n nuwe Hemel en nuwe aarde gesien... die heilige stad, die Nuwe Jerusalem... en HY (YAWEH) sal by hulle (ons) woon... En God sal al die trane van hulle (ons) oë afvee, en daar sal geen dood meer wees nie; ook droefheid en geween en moeite sal daar nie meer wees nie.”

“Kyk, Ek maak alles nuut.”

“Aan die dorstige sal Ek gee uit die fontein van die water van die lewe, verniet. Hy sal oorwin, sal alles beërwe; en ek sal vir hom ‘n God wees, en hy sal vir My ‘n seun/dogter wees.”

En God wil vandag vir jou ‘n God wees en jy sal Sy kind wees. AMEN.

Maak vandag, die eerste dag van die res van jou lewe, pak daai sak en moenie weer terugkyk nie, ons weet almal wat het met Lot se vrou gebeur. Nie een van ons wil ‘n soutpilaar word nie. Ons is Koningskinders!

Lees Openb 21:1-7 en skep moed. Strek jou uit na wat voor is. Daag die toekoms uit met nuwe moed, nuwe visie, nuwe ywer, want, die toekoms, ja, die Ewigheid, behoort aan jou en my! Jy waag dit nooit weer om die HERE se hand te los nie. – Wekroep

Die ouderdom... ‘n relatiewe begrip

Iemand het gesê:  Mens is so oud soos jy voel.

            Iemand anders sê nou die dag hy betaal dat hy bars aan versekerings-premies want hy wil oor tien jaar op 50-jarige ouderdom aftree.  Vyftig is nie oud nie, maar in hierdie ou se besondere geval sal sy hart op 50 gaan staan as hy dan agterkom dat die Rand niks werd gaan wees nie.

            Verder gaan hy hom vrek verveel en derdens sal hy so nutteloos voel dat hy in wanhoop en depressie in ‘n dal van gal en sal verval.

            Ons ander werk maar deur totdat die ouderdom nie meer kan tik nie, of loop nie, al moet sommige van ons nou al masjiene gebruik om die gewrigte en spiere aan te help.

            Ander maniere om te weet jy word oud:


Alles pyn.  Wat nie pyn nie, werk nie.

Jy voel soos die oggend daarna, maar jy was nêrens nie.

Jy al wat pil moet drink vir die niere, kliere, spiere en allerlei nuwe giere.

Jy raak uitasem van kaartspeel.

Jy sluit aan by die gimnasium, maar jy gaan nooit nie.

Jou kinders begin vir jou middeljarig lyk.

Jy ken al die antwoorde, maar niemand vra jou nie.

Jou huis raak te groot en jou medisynekas te klein.

Jy het ‘n bril nodig om joune te soek.



Twak!  Die ding dat mense gedwing word om op 60 of 65 af te tree is krimineel.  Daar moet ‘n wet teen gemaak word. Hoe kan enige werkgewer dit waag om na alles wat hy in iemand ingesit het, eensklaps van al daardie vrug en skat van kennis ontslae te raak?

            Gister was jy nog goed. Vandag word ‘n mosie van wantroue in jou gestel en kry jy ‘n goue horlosie wat in elk geval gesteel word.

            Kersfees is hier. Kom ons vergeet van die ouderdom. Daar is nog lewe in jou.  Rig daai verlamde knieë op, of het jy vergeet, jy’s Kind van GOD?

‘n Pa vir Kersfees

Ek is papnat gesweet toe ek wakker skrik. Ek lê en bewe soos ’n riet in die wind. Ek steek my hand uit na my vrou. ’n Oomblik lank tas ek rond, maar sy is nie daar nie. Toe onthou ek … sy is weg … sy en die kinders. Sy kon nie meer my drinkery uitstaan nie, het sy gesê.

            My mond voel of dit vol watte is en my tong kleef aan my verhemelte vas. Die bed kraak toe ek roer en die geluid weerklink deur die leë huis. O vader, dit is eensaam! Ek was nog nooit in my lewe so eensaam nie.

            Jare lank drink ek al, maar ek het eers die afgelope jaar besef dat ek ’n drankprobleem het, dat ek verslaaf is aan drank. Ja, ek, die sosiale drinker wat gespog het dat ek enigeen onder die tafel kon drink, is eintlik ’n dronkaard … ’n alkoholis. Dit was ’n wrede ontnugtering vir my, en nou … en nou sit ek in ’n leë huis sonder kind of kraai.

            Ek onthou nog hoe my kinders gelyk het die aand toe hulle weg is. Die twee meisies met hul jassies wat al beter dae gesien het en die seuns met hul broeke wat al lankal te kort is. Ek was onder die invloed en alles het vir my sommer piekfyn gelyk. Die ergste van alles was toe my seun sy sakdoek uithaal om die spoegstraaltjie langs my mond af te vee. Ek wens ek was dood …

            Ek klim uit die bed en strompel kombuis toe. Ek is dors en lus vir ’n koppie koffie, maar daar is niks in die huis nie. Die kaste is leeg. Ek tap ’n glas water in. Die water spat oor die rand, so bewe my hande. Ek moet albei hande gebruik om die glas by my mond te kry. Ek het ’n gemors van my lewe gemaak … ek haat die drank!

            Ek het die afgelope twee dae nie gewerk nie. Ek tas in my benewelde brein rond vir die datum … dis die vyfde Desember.

            Die vyfde Desember? O Here! Wat van my kinders? Hulle het nie ’n kledingstuk in die huis nie. Ek moet by die werk kom.

            Ek het nie geld vir die bus nie en besluit om duim te ry tot by my werk. Maar niemand wil stop nie, en ek daag laat by die werk op. Gou verklee ek en stap na my werkplek. Toe roep my voorman my.

            “Pieterse! Brian Pieterse!” skreeu hy.

            “Ja meneer?”

            “Moenie vir my ‘ja meneer’ nie, man, waar is jou doktersertifikaat?”

            “Ek het nie een nie, meneer.”

            Meneer Paulse is ’n gawe ou, maar op hierdie oomblik is hy woedend.

            “Twee dae weg van die werk af, dan kom jy nog laat ook! Kyk hier.” Hy maak die register oop. “Elke maand was jy omtrent vier dae afwesig, elke keer op ’n Maandag. Ek het lus en dank jou af, maar ek gaan jou ’n kans gee om jouself reg te ruk. Jy mag maar jou geld gaan haal, dan kan jy weer volgende jaar terugkom.”

            “Volgende jaar? Maar, meneer …” Ek probeer verduidelik, maar hy wil niks hoor nie.

            Verslae verklee ek weer en gaan haal my geld by die kantoor. Dertig rand. ’n Miserabele dertig rand. Wat maak ’n mens met dertig rand? Ek voel die warm, souterige trane oor my wange vloei.

            Die hele oggend loop ek in die stad rond. Oral is daar uitverkopings en die mense loop in en uit by die winkels. Nog net twintig dae voor Kersfees! skreeu die advertensies.

            Wat nou? vra ek my af, maar die antwoord ontwyk my. Ek gaan by ’n supermark in en koop ’n paar items vir die huis. Toe ek verby die kroeg stap, trek die reuk van wyn en bier my soos ’n magneet. Ek moet letterlik aan ’n paal vasklou.

            O Here help! pleit ek onwillekeurig. Ek moet huis toe, ek moet, ek moet, ek moet! Ek het lus vir ’n stywe dop. Dit vreet aan my soos ’n kanker, dit voel of ek gaan mal word … Toe is ek om die draai. Ek is natgesweet en bewerig van die honger.

Die huis is in donkerte gehul … en verlate. Ek besef nou eers wat die lig in die venster vir my beteken het. Dit het ek alles prys gegee … vir drank.

            Ek klim in die bed met ’n groot beker stomende koffie en ’n paar toebroodjies. Dit is koud en vir ’n lang tyd lê ek wakker. Net voordat ek aan die slaap raak onthou ek die noodgebed wat ek voor die kroeg gebid het. Wanneer laas het ek gebid? Ek kan nie eens onthou nie. Ek slaap rusteloos: ek droom van my kinders, grootoog van die honger.

           
Die volgende dag is ek vroeg wakker. Gister was ek heeldag sonder wyn. Dit is amper ’n wonderwerk. Ek staar na my hande. Hulle bewe nog steeds en ek voel koorsig. Vandag moet ek werk kry, enige werk.

            Oral waar ek gaan kry ek dieselfde antwoord. “Kom volgende jaar.” Die hele week lank soek ek, maar daar is niks. Saans loop ek ’n wye draai om die kroeg. Wanneer ek tuis kom, prewel ek ’n dankgebed omdat ek nog ’n dag van die drank weggebly het.

            Sondagoggend val ek weer vroeg in die pad. Ek is rusteloos en ek kan die verandering in my voel. Ek drentel in die middestad rond. In die verte hoor ek die kerkklok lui. My hart skreeu uit van verlange.

            Dan kom ek by ’n winkel waar ’n ouerige vrou besig is om die venster te versier. Ingedagte staan ek voor die venster en hou die vrou dop. Op haar naamkaartjie staan Francis Thorne. Sy glimlag vriendelik.

            Na ’n rukkie beduie sy vir my om in te kom. “Waarom lyk jy so treurig op so ’n lieflike dag?”

            “Ek voel ’n bietjie neerslagtig. Kan ek help?”

            “As jy wil, maar ek kan jou nie betaal nie.”

            “Dis orraait.”

            “Ek moet maar my eie vensters doen, ek kan nie iemand professioneel bekostig nie.”

            “Jy gaan goed aan,” sê ek.

            “Dink jy so?”

            “Ja, al wat jy nou makeer is ’n Kersvader om die kinders te lok.”

            “Kersvader? Dit klink na ’n goeie idee, maar wie?” Sy kyk na my.

            “H’m … ek moet werk soek.”

            “Werk jy dan nie?”

            Ek vertel haar die hele storie.

            “Jy sê jy het die hele week nog nie gedrink nie?”

            “Nie ’n druppel drank nie.”

            “Dan is jy mos nie ’n alkoholis nie. Meneer Pieterse, ek gaan ’n kans waag … ek bied jou die werk aan om Kersvader te wees. Jy begin Maandag.”

            Maandag douvoordag is ek voor die winkel. Ek kan nie wag om te begin werk nie. Die eienares gee vir my ’n Kersvaderpak met ’n baard en ’n masker.

            Die besigheid begin maar stadig, maar teen tienuur het ons ons hande vol. Ek hou die kinders besig in ’n groot speelkampie terwyl hul ouers inkopies doen. Ek vra die kinders wat hulle vir Kersfees wil hê, dan dra ek die inligting aan hul ouers oor wanneer hulle terugkom. Die geluid van die geld in die geldlaai klink soos musiek in ons ore. Ons plan werk.

            Die aand is ek doodmoeg, maar gelukkig. Francis sit agter die toonbank, haar skoene uitgeskop.

            “Meneer Pieterse, jy is vir my goud werd,” sê sy.

            Daardie aand slaap ek soos ’n klip.

            In die daaropvolgende dae is die speelkampie gedurig vol kinders. Die kinders laat my lag en somtyds laat hulle my huil oor die dinge wat hulle my vra. Ek is bly oor die masker.

            Een middag trek iemand my aan die baadjie.

            “Kersvader?”

            Ek skrik my byna boeglam toe ek die stem herken. Dis my dogtertjie, Janine. My oë is vol trane toe ek haar optel. Sy voel so tengerig.

            “Wat wil jy vir Kersfees hê, jong dame?”

            “Ek wil graag nuwe rokke hê vir my mammie en my sussie, en ook klere en skoene vir my broers,” sê sy.

“Wat van jou, wil jy niks hê nie?” wil ek weet.

            “Ja, ek wil my pappa hê!” Sy bars in trane uit. Gou is my vrou, Una, by. Una kyk reguit na my, maar sy herken my nie. Sy kyk verbaas na die Kersvader wat so skaamteloos saam met haar dogter huil.

            Die mense om die speelkampie word stil toe hulle die drama aanskou. Francis sien dit ook en maak haar eie afleidings.

            Toe die vrou en haar dogtertjie by die toonbank kom, vra sy die kind wat sy vir Kersvader gevra het. Sy knik haar kop bevestigend toe die dogtertjie klaar gepraat het. Una maak haar mond oop om iets te sê, maar Francis sit haar vinger voor haar lippe.

            “Ek glo nog in wonderwerke,” sê sy.

            Una skud haar kop, sy dink duidelik die ou vrou is van lotjie getik.

            Dis eenuur in die middag, drie dae voor Kersfees, toe ek die kind oor die straat sien loop. Die kind se ma is besig om by die winkelvenster in te loer. Toe sy omkyk, is die kind reeds in die straat. Sy skreeu histeries. Dit laat die kind skrik; sy weet duidelik nie wat om te doen nie.

            Sonder om te aarsel vlieg ek by die deur uit en halfpad oor die straat. Ek gryp die kind en druk haar teen my bors vas net toe die motor my tref.

            Wat daarna gebeur het, weet ek nie. Toe ek bykom, lê ek in die hospitaal. Daar is ’n vreemde man langs my bed.

            “Dankie Vader, jy’t bygekom!” sê hy en hou my hand styf vas. “Meneer, ek is jou baie dank verskuldig.”

            “Die kind …?”

            “Emma is veilig meneer, danksy jou vinnige optrede. Ek is meneer Jacobs, Emma se pa. Jy is ’n dapper man, meneer, jy verdien ’n medalje.”

            “Dis sommer niks, man, jy sou dieselfde gedoen het.”

            “Sou ek? Ek weet nie,” sê hy.

            Die volgende aand daag Francis saam met Emma en haar ouers daar op.

            “Hoe gaan dit daar by die winkel? Ek is jammer as ek jou enige ongerief veroorsaak het.”

            “Jammer, ongerief? Waarvan praat jy tog? Die winkel is nou so stampvol dat ek twee meisies moes aanstel. Dis alles aan jou te danke, jou heldedaad het my winkel beroemd gemaak.”

            “Ek is bly.”

            Ek wil myself ontslaan, maar die dokter wil niks daarvan hoor nie. Dit is die dag voor Kersfees en ek wil graag alleen wees, alleen met my gedagtes. Ek wonder wat maak my vrou en kinders nou, ek weet nie eens waar hulle tuisgaan nie. Ek byt op my onderlip in ’n poging om die trane te keer.

            Ek word eers die aand ontslaan. Dit kom vir my baie onreëlmatig voor, maar ek wil daar wegkom en vra nie nog vrae nie. Die versierings en die besoekers met presente vir hul geliefdes laat my treurig voel. Ek was darem ’n spot.

            “Ag Here, wees my vrou en kinders barmhartig. Here, gee my nog net een kans,” bid ek saggies.

            Buite die hospitaal wag ’n verrassing op my …

            Francis, Emma en haar ouers is daar met ’n kombi.

            “Dit is nie nodig nie, ek is darem nie gebreklik nie.”

            “Klim in, meneer Pieterse, moet nou nie nog redekawel nie! Dit is die minste wat ons vir jou doen.”

            Die rit word in stilte afgelê, elkeen besig met sy eie gedagtes. Suutjies kruip Emma se handjie in myne in … Die trane brand agter my ooglede. Dan hou ons voor die huis stil. Dit is donker en verlate. Ek staan daar voor die hekkie en wens dat hulle wil ry. Ek wil alleen wees.

            “Toe nou, meneer Pieterse, gaan in, ons wil eers sien jy’s binne voordat ons ry,” sê Francis.

            Stadig strompel ek na die deur toe. Ek wonder of daar nog koffie is. Ek kan nie meer onthou nie.

            Toe swaai die voordeur oop en die ligte word terselfdertyd aangeskakel. Daar is baie mense in die voorkamer. Sommige herken ek as mense wat daardie dag van die ongeluk in die winkel was. Daar is ook ’n groot Kersboom met liggies wat aan en af flikker en pakkies om die boom gepak. Die tafel is vol kruideniersware.

            Una en die kinders kom uit die kamer te voorskyn. Hulle is almal netjies uitgevat. Ek is spraakloos … Soos in ’n droom, hoor ek Francis sê: “Kersvader het vanjaar vroeg gekom.”

            Janine gryp my hand vas. “Ek het geweet Kersvader gaan jou terugbring! Ek het hom mos gevra.”

            Wat sê jy as daar ’n groot knop in jou keel is en die trane oor jou wange stroom?

·       Ons het hierdie getuienis op die Internet gevind. Dit het mens dadelik laat dink aan die aangenome kinders wat steeds na hul biologiese ouers soek en andersom, ook aan al die halfwees kinders uit geskeide huwelike. Bid vir hulle, asseblief. https://live.fundza.mobi/home/library/fiction-short-stories/n-pa-vir-kersfees/