Jy moet ‘n passie hê vir Jesus Christus se onvoltooide werk op aarde!

Waarom moet ek en jy (hoegenaamd) bid?

Dit word van ons verwag om te bid vir ‘n Magtige Geestelike Herlewing! - 2 Pet 3:9

AS God  Almagtig is en enigiets kan doen volgens Sy wil, het Hy dan nog enigiets nodig van enigeen van Sy skepsels?

          Hy wat die heelal geskep het deur enkele woorde te spreek, en steeds alles in stand hou sonder dat Hy die mens benodig, waarom sou Hy ons nou nodig hê vir enigiets wat Hy teweeg wil bring?

          As Hy ons nie nodig gehad het om die heelal te skep nie, waarom het Hy gebed ingestel? Wanneer het Hy dan van ons “afhanklik” geword? Waarom kan Hy niks doen in die sfeer van menslike verlossing, behalwe deur menslike samewerking en dit deur gebed en geloof nie?

          Hoe het God Homself dan so in ‘n hoek toegeverf? As God in totaliteit selfgenoegsaam is – wanneer Hy deur bloot ‘n woord te spreek enige moontlike en onmoontlike ding tot stand kan laat kom – waarom gaan Hy dan nie voort, sonder die hulp van enigiemand se intelligensie of wil, en tree arbitrêr op en spreek net die woord nie?

          Is God dan “hulpeloos” sonder die mens. Die misterie van gebed as instelling word opgeklaar in Eseg. 22: 30-31.

          In ‘n tyd van nasionale geloofsversaking, het God gesê: “En Ek het onder hulle ‘n man gesoek wat ‘n muur kan bou en voor My aangesig in die bres kan staan vir die land, sodat Ek dit nie verwoes nie; maar Ek het niemand gevind nie.

          “Daarom het Ek my toorn oor hulle uitgegiet; deur die vuur van My grimmigheid het Ek hulle verteer; hulle wandel het Ek op hulle hoof laat neerkom, spreek die HERE, HERE.”

          Hier sien mens duidelik dat God na rede soek om ‘n verdiende loon uit te oefen. Hyself verlang daarna om die volk te spaar, maar vreemd genoeg is Hy “magteloos” sonder menslike ingryping, sonder ‘n bemiddelaar.

          As niemand in die bres wil tree nie, kan Hy nie Sy oordele, Sy toorn, terughou nie.

          Maar waarom moet Hy van ons gebed “afhanklik” wees om die volk te verdedig teen Sy eie toorn? God is tog Almagtig en verhewe, soewerein in die heelal?

          Hy is tog die uiteindelik Regter, die Jurie, die Uitvoerende Mag, die Een wat gesag toepas.  Of is Hy dalk nie?

          As Hy verlang om nie sy volk te oordeel nie, as Hy graag genade wil betoon, hoekom gebruik Hy nie Sy Almag en soewereiniteit nie, ten spyte selfs van wat ons mag bid of nie bid nie?

          Anders gestel: God se Wil is soewerein in alle dinge. As Hy wil dat siele gered word, dat Herlewing moet uitbreek, dat Sy afgedwaalde volk na Hom moet terugkeer, hoekom gaan Hy nie net arbitrêr oor ons koppe en voer Sy Wil uit nie?

          Waarom het Hy ‘n stelsel daar geplaas wat hom “afhanklik” maak van ons? Is dit nie ‘n verstommende misterie nie?

          God pleit by ons om te bid. Hy wil niks doen in die sfeer van menslike verlossing, sonder ons gebed en intersessie nie.

          Hy pleit nie net dat ons tussenbeide moet tree met gebed nie, Hy dring daarop aan, smeek ons eintlik.

          In Matt. 7:7 dring Hy daarop aan dat ons moet klop en nogmaals klop, en voeg dan by: Vir elkeen wat klop sal oopgemaak word.

          Dan verduidelik hy self: Die man en sy vrou en kinders slaap reeds, die deure is gegrendel –  toe die vriend opdaag en aanklop en vra vir drie brode.

          Maar die man wil nie opstaan en sy vriend help nie. Dan sê Jesus: Alhoewel hy nie sal opstaan en help omdat dit sy vriend is wat aanklop nie, staan hy uiteindelik tog op en help vanweë die vriend se aanhoudende irriterende geklop.

          Met ander woorde, as mens ophou klop, word daar nie oopgemaak nie. Soms moet mens nogal lank klop, maar die belofte staan vas: As jy aanhou klop dan sal daar vir jou oopgemaak word!

          En verder: As jy aanhou soek, sal jy beslis vind.

          Dit is duidelik dat God niks doen, en niks gebeur, as ons nie bid nie.

          God is die God van die oes, nogtans dring Hy in Matt. 9:38 daarop aan dat ons moet bid dat Hy arbeiders in die veld moet stuur.

          Die oes is syne en die arbeiders is tog ook syne. Hoekom sou Hy “hulpeloos” toekyk terwyl Hy wag dat ons bid dat Hy arbeiders in die oes moet instuur? Hoekom stuur hy arbeiders uitsluitlik uit in antwoord op ons gebed?

          Die fundamentele belangrikheid van hierdie instelling van gebed in God se Raadsplan, word verder beklemtoon daardeur dat God homself onomwonde verbind om te antwoord!

          God se belofte om te antwoord is byna soos ‘n blanko tjek wat reeds Sy handtekening dra. Dis ‘n verbysterende gedagte, maar ‘n werklikheid. Dis of God Sy septer aan ons oorhandig het en by ons pleit om dit te gebruik.

          Die volgende voorbeelde ruim alle twyfel uit die weg:


·        En wat julle ook al in My naam mag vra, dit sal Ek doen, sodat die Vader in die Seun verheerlik kan word. As julle iets in My naam vra, sal Ek dit doen. –  Joh. 14: 13-14.

·        As julle in My bly en My woorde in julle, sal julle vra net wat julle wil hê, en julle sal dit verkry. – Joh. 15:7.

·        En in daardie dag (nà die Hemelvaart) sal julle My niks vra nie. Voorwaar, voorwaar, Ek sê vir julle, alles wat julle die Vader sal vra IN MY NAAM, sal Hy julle gee. Tot nou toe het julle niks in My Naam gevra nie. Bid, en julle sal ontvang (hoekom?) sodat julle blydskap volkome kan wees! – Joh. 16:23-24.



Daar is geen voorwaardes wat God bind of verhoed om die gebed van ‘n getroue kind van Hom te beantwoord nie. God self hoef aan geen voorwaardes te voldoen nie, maar, ons bid hopeloos te min!

Die voorwaarde: As julle in My bly en My woorde in julle, is moontlik en binne bereik van elke Wedergeborene wat dit erns met God bedoel.

As dit nie moontlik was om hierdie voorwaarde na te kom nie, dan sou dit sekerlik ‘n risiko aan die kant van God wees om sulke verreikende beloftes te maak – en so iets is tog onmoontlik, God sal nie ‘n fout maak nie.

As God dus nie kan fouteer nie, dan is die totale verantwoordelikheid  vir gebedloosheid of oneffektiewe gebed, ons sin.

Van God se kant af is dit dus ‘n eervolle optrede. Van God se kant af is dit ‘n waterdigte aangeleentheid. Sy deel is reeds gedoen. Sy belofte is om altyd te antwoord ingevolge Sy Wil. Daar is dus ook geen fynskrif nie.

Die getroue kind van God sal nooit iets vra buite die Vader se Wil nie.

God wou in ‘n stadium iemand hê om in die bres te staan vir die volk. Dit is dus Sy Wil dat ons tot Hom bid om herlewing en restourasie van die volk.

As ons sekere middele daarvoor benodig, dan sal Hy dit ook gee. Dieselfde geld in die geval van siele inwin vir Sy Koninkryk.

Ook geld dit ons blydskap want dit is Sy Wil dat ons blydskap volkome sal wees!

God se aanbod aan ons is ‘n bona fide aanbod, ‘n aanbod ter goeder trou. Dit is ‘n uitnodiging aan die Wedergeborenes om in volle vennootskap saam met Hom te lewe. Nie dat ons namens Hom besluite sou neem nie, maar meer in die sin van medewerker. 1 Kor 3:9

Die verantwoordelikheid en die uitvoer van God se raadsbesluite, plaas Hy op die skouers van Sy volgelinge.

En Ek sê ook vir jou: Jy is Petrus, en op hierdie rots sal Ek my gemeente bou, en die poorte van die doderyk sal dit nie oorweldig nie. En Ek sal jou die sleutels van die Koninkryk van die Hemele gee; en wat jy (My gemeente) ook op die aarde mag bind, sal in die Hemel gebonde wees, en wat jy (My gemeente) ook op die aarde mag ontbind, sal in die Hemel ontbonde wees. – Matt. 16: 18-19.

Die belofte word aan die Liggaam in die algemeen herhaal in Matt. 18:18:  “Voorwaar Ek sê vir julle, alles wat julle op die aarde bind, sal in die Hemel gebonde wees, en alles wat julle op die aarde ontbind, sal in die Hemel ontbonde wees.

“Kyk, ek gee aan julle mag om op slange en skerpioene te trap, en oor al die krag van die vyand; en niks sal julle ooit skade doen nie.” – Luk. 10:19.

“Vrede vir julle! Soos die Vader My gestuur het, stuur Ek julle ook. As julle die mense hulle sondes vergewe, dan word dit hulle vergewe; as julle die mense hulle sondes hou, dan is dit gehou.” Joh. 20:21.

Wat betref Joh. 20: 21-23 is dit duidelik dat ons as God se verteenwoordigers op aarde aangestel is. Soos wat die Vader Hom gestuur het, stuur Hy ons ook.

Hy sou ook nie die opdrag gegee het as Hy ons ook nie die krag voorsien het om die taak uit te voer nie.

Die vraag is: Waarom het God verkies om binne die raamwerk van gebed te opereer? Waarom het hy die volle verantwoordelikheid vir die uitvoer en administrasie van Sy  Goddelike regering op aarde, op die skouers van die wedergeborenes geplaas?

Waarom sal Hy hom nie inmeng in aardse aangeleenthede nie, behalwe om op te tree in medewerking met Sy Liggaam?

God het uit en uit van Sy magte aan Sy Liggaam gedelegeer om die werk wat Jesus Christus begin het, te voltooi. Hoe anders kon dit moontlik word om die Evangelie na elke uithoek van die wêreld te neem?

“Voorwaar, voorwaar Ek sê vir julle, wie in My glo —  die werke wat Ek doen, sal hy ook doen; en hy sal groter(meer) werke doen as dit, omdat Ek na my Vader gaan.” Joh. 14:12
Deel van die Opdrag is:  “En leer hulle”. Hoe sou dit moontlik wees om die nuwe siele wat inkom in die Koninkryk te leer, as dit nie die plig van die Wedergeborenes, God se Medewerkers, is nie?

God had iets oneindig groot in gedagte toe Hy die stelsel van gebed ingestel het. God se ewigheidsdoel met die heelal en Sy volk was om ‘n Ewigheidsmaat vir Christus op aarde te skep —  ons, die Bruid.

Hierdie feit is deel van die openbaarmaking van die misterie in die Boek Efesiërs wat die klimaks in Hoofstuk 5 bereik.

Hierdie hoofstuk verklaar die Goddelike openbarende parallel tussen God se menslike en Goddelike huweliksprogramme.

Strofe 32 klaar die misterie op wanneer Paulus onomwonde verklaar dat die huweliksmaats  in die huweliksprogram, Christus en die Bruid (ons die Wedergeborenes) is.

Hoekom? Want die Bruid (die Liggaam van Christus) in sy hoedanigheid as Bruid van Christus, as huweliksmaat, sal die hoogste amp in die heelal beklee, naas die Godheid self.

As Bruid van die Ewige Seun, sal sy saam met Hom universele soewereiniteit deel!

“Weet julle nie dat die Heiliges die wêreld sal oordeel nie. Weet julle nie dat ons Engele sal oordeel nie?” – 1 Kor. 6: 2a-3a.

“As ons verdra, sal ons saam met Hom regeer.” 2 Tim. 2:12.

“En aan hom wat oorwin en My werke tot die einde toe bewaar, sal Ek mag oor die nasies gee.” Openb. 2:26.

“Aan hom wat oorwin, sal Ek gee om saam met My te sit op My troon, soos Ek ook oorwin het en saam met My Vader op Sy troon gaan sit het.” Openb. 3:21.

“Toe sing hulle ‘n nuwe lied en sê: U is waardig om die boek te neem en sy seëls oop te maak, want U is geslag en het ons vir God met U bloed gekoop, uit elke stam en taal en volk en nasie, en het ons konings en priesters vir onse God gemaak, en ons sal as konings op die aarde heers.” – Openb. 5: 9-10.

Omdat die Wedergeborenes Christus se Geliefde en Bruid is, moet sy onderrig word, geleer word, en voorberei word vir haar Koninklike rol.

Deur Sy gesag aan die Bruid te delegeer om Sy administrasie en besluite op aarde uit te oefen moet die Bruid  leef  soos een wat gereed is om in die huwelik te tree.

Die Bruid moet toenemend in die binnekamer in gebed verkeer wat betref God se Raadsbesluite en die uitoefening daarvan. Ons kan dit ook in-diens opleiding noem.

Sy moet die kuns van geestelike oorlog aanleer en begryp, oor hoe om die onheilsmagte te verslaan in voorbereiding vir haar huwelik met die Lam van God en haar troonbestyging.

Om haar in staat te stel om die tegniek van oorwinning aan te leer, het God die stelsel van gebed ingestel.

Let op hoe word haar sfeer van aksie beklemtoon: “Wat jy ook al bind op die aarde sal in die Hemel gebonde wees,” “wat jy ook al ontbind op die aarde sal in die Hemel ontbonde wees.”

En, “As twee van julle saamstem op die aarde oor enige saak wat hulle mag vra,  dit sal hulle ten deel val  van My Vader wat in die Hemel is.” Matt: 18:19.

Hierdie delegering en verantwoordelikheid betreffende gesag en administrasie wat aardse aangeleenthede aanbetref,  beslaan die hoogste eer, en verhoog die Bruid tot die hoogste rangorde onder alle lewende wesens.

Geen Engel of Aartsengel sal ooit hierdie hoë rangorde beklee nie, want nie Engele nie, maar alleen Wedergeborenes is in die beeld van God geskape en kwalifiseer om die Bruid te wees en die Bruidegom se troon te deel.

Hierdie raadsplan van God is nie as ‘n losse gedagte agterna ingestel nie, maar kom nog voor die grondlegging van die aarde af, aldus Efes. 1: 4.  “Hy het die Wedergeborenes uitverkies voor die grondlegging van die wêreld om heilig en sonder gebrek voor Hom in liefde te wees.”

En dit is waarom ons in hierdie tyd dringende verootmoediging bepleit, sodat Sy volk na Hom kan terugkeer (hoekom?) “sodat hulle sonder gebrek voor Hom in Liefde kan wees.”

Ja, sodat hulle Hom in Gees en in Waarheid kan Dien.

Dit was God se oorspronklike doel met die skepping van die heelal. En Sy gebedsprogram is die metode om die Bruid voor te berei vir haar toekomstige rol as Koningin.

Dit is waarom God nooit oor die kop van Sy Liggaam gaan nie. Hy sal nie dinge uit ons hande neem nie. Hy handhaaf die heilige protokolle. Ons het ‘n kardinale rol om te vervul.

Deur  Haar rol hier op aarde te vervul, kan Sy haar volle status bereik as mederegeerder van die heelal. God kan Haar nie verlos voordat Sy nie haar verantwoordelikheid aanvaar en ‘n sukses van haar taak maak nie.

2 Pet 3:9 lees: “Die HERE vertraag nie die belofte (van Sy Wederkoms) soos sommige dit vertraging ag nie, maar Hy is lankmoedig oor ons en wil nie hê dat sommige moet vergaan nie, maar dat almal tot bekering moet kom.”

Hoe lank ons dus nog op hierdie aarde gaan wees voordat ons oor die konings en priesters van hierdie wêreld gaan regeer, hang alles af van ons eie prestasie.

Feit is, Hy kom nie voordat Sy Bruid nie sonder vlek of rimpel is nie. Efes. 5: 27.

God sal dus niks doen, anders as in antwoord op gebed nie. Die Wedergeborenes moet in gebed en intersessie intree vir God se volk, vir herlewing, vir restourasie.

Die grootste wat enige Wedergeborene vir God en vir die mens kan doen, is om te bid!

Natuurlik kan ons meer doen as net bid nadat ons gebid het, maar ons kan niks doen alvorens ons nie gebid het nie. En ons bid te min.

Deur gebed slaan ons die uitklophou. Deur dienswilligheid versamel ons die resultate. Hoe meer gebed daar is, hoe ‘n beter plek sal die wêreld wees waarin ons woon, en hoe magtiger sal ons teen die onheil staande kan bly.

Ons het en maak tyd vir alles, behalwe om te bid. Maar hopelik, nou dat ons almal besef wie ons werklik is en watter belangrike rol ons op aarde moet vervul en watter groter rol ons in die Hiernamaals gaan vervul,  hopelik sal ons nou tyd maak om met God te versoen en ons voor te berei vir die komende Huwelik.

Van nou af aan, laat die volgende strofe ons slagspreuk of ons wagwoord wees: “Of julle dan eet of drink of enigiets doen, doen alles tot verheerliking van God!” – 1 Kor. 10: 31.

En wat leer Die Bybel, hoe bid ek om seker te maak dat my gebede beantwoord word?

          Baie mense bid nie meer nie. Hulle sê dit help nie want hulle gebede word tog nie beantwoord nie.

          Wat ons hier gaan doen is nie om te kyk wat ons nie moet doen nie, maar wat ons wel moet doen, om seker te maak dat ons antwoorde op ons gebede kry.

          Voordat jy nog begin bid, sê die HERE: “En wanneer julle staan en bid, vergeef as julle iets teen iemand het, sodat julle Vader wat in die hemele is, ook julle jul oortredinge mag vergewe.

“Maar as julle nie vergewe nie, sal julle Vader wat in die hemele is, ook julle oortredinge nie vergewe nie.” Mark 11:25-26

          Ten eerste moet ons besluit presies wat ons van die Vader verlang. Hoekom?

          Want Jak. 3:6-8 sê: “Maar hy moet in die geloof bid, sonder om te twyfel: want hy wat twyfel, is soos ‘n golf van die see wat deur die wind gedrywe en voortgesweep word … want dié mens, moenie dink dat hy iets van die Vader sal ontvang nie.”

Met ander woorde, dis ‘n uitgemaakte saak, so iemand wat twyfel, sal niks van die Here ontvang nie.

          Jakobus sê verder dat so iemand dubbelhartig is en boonop onbestendig is in al sy weë.

          Dis soos iemand wat ‘n trollie op en af in ‘n hipermark stoot en nie kan besluit wat om te koop nie, net omdat hy of sy nie vooraf besluit het wat hulle nodig het nie.

          As twyfel jou probleem is, bely dit en weier om te twyfel.

          Ons moet aanvaar dat daar twee magte op die aarde aanwesig is: God se mag en die satan se mag. Die twee staan teenoor mekaar. Twyfel kan nooit van die Hemel af kom nie.

          Die amptelike opdrag is in Jak. 4:7: “Onderwerp julle dan aan God: weerstaan die duiwel, en hy sal van julle wegvlug!”

          Om te twyfel is dus sonde. Dis ook selfvernietigend.

          Ten tweede moet ons die Vader vra vir dit wat ons nodig het. Onthou, Hy voorsien dit wat ons nodig het, en nie dit wat ons wil hê nie!

          Matt. 7:7-8 lees: “Bid, en vir julle sal gegee word: soek en julle sal vind: klop, en vir julle sal oopgemaak word. Want, elkeen wat bid, ontvang: en hy wat soek, sal vind, en vir hom wat klop sal oopgemaak word.”

          En verder (Matt. 6:8) “… julle Vader weet wat julle nodig het nog voordat julle vra.”

          Hoeveel mense het nie al hierdie strofe aangehaal en gesê maar hulle hoef nie te bid nie want die Vader weet reeds wat hulle nodig het.

          Maar, waarom moet ons dan nogtans vra?

          Dis eenvoudig. Wanneer jy agterkom dat jou kind se skoene vervang moet word en jy vervang dit voordat hyself agtergekom het dit is flenters, dan het daardie kind geen waardering vir die nuwe skoene nie.

          Kom die kind egter self agter dat sy skoene vervang moet word en hy vra mooi dat sy ouers vir hom nuwes moet koop, dan sal hy nie net waardering openbaar nie, maar  hy sal ook mooi na die skoene omsien.

          Ten derde moet ons glo dat ons wel ontvang.

          “Want voorwaar, ek sê vir julle dat elkeen wat vir hierdie berg (probleem) sê: hef jou op en werp jou in die see – en nie in sy hart twyfel nie, maar glo wat hy sê sal gebeur – hy sal verkry net wat hy sê.

          “Daarom sê Ek vir julle: alles wat julle in die gebed vra, glo dat julle dit sal ontvang (glo dat julle dit reeds ontvang het), en julle sal dit verkry.” Mark. 11:23-24.

          Vierdens moet ons Skriftuurplase lees wat beloftes vir ons gebed bevestig.  Fil. 4: 8.

          Asook Jos. 1: 8; “Hierdie wetboek mag nie uit jou mond wyk nie, maar bepeins dit dag en nag, sodat jy nougeset kan handel volgens alles wat daarin geskrywe staan: want dan sal jy in jou weë voorspoedig wees, en dan sal jy met goeie gevolg handel.”

          Die opdrag is dat ons die Woord van Here deeglik sal ken, sodat ons nougeset kan wandel – natuurlik ook wat betref wat rondom ons aangaan sodat ons presies kan weet waarvoor om te bid of in die bres daarvoor in te tree.

          Christus het nooit ‘n wapen saam met Hom rondgedra nie. Hy het deurentyd die Woord as swaard gebruik, bv toe die duiwel Hom drie keer versoek het.

          Die volk gaan ten gronde weens ‘n gebrek aan kennis. Kyk net wat leer mens nie al net uit hierdie geskrif nie.

          Joh. 15:7  lees: “As julle in My bly en My woorde (kennis) in julle, sal julle vra net wat julle wil hê, en julle sal dit verkry.”

          Ons het geen verskoning daarvoor as ons nie die Woord ken nie.

          Vyfdens moet ons aan God lofprysinge gee. Fil. 4: 6 lees: “Wees oor niks besorg nie, maar laat julle begeertes (oor die dinge wat julle werklik benodig) in alles deur gebed en versoeke met danksegging by God bekend word.”

          Ps. 149 sê lofprysinge is soos ‘n tweesnydende swaard: Aan die een kant maak ons God se naam groot, terwyl ons aan die anderkant  “wraak uitoefen oor die heidene, strafgerigte onder die volke; om hulle konings met kettings te bind en hulle edeles met ysterboeie, om ‘n vonnis wat (reeds) opgeskrywe is, aan hulle te voltrek. ‘n Eer is dit vir al Sy gunsgenote. Hallelujah!”

          Sesdens bid ons altyd in die naam van Jesus Christus. Joh. 16: 23 lees” “En in daardie dag sal julle my niks vra nie. Voorwaar, voorwaar, ek sê vir julle, alles wat julle die Vader sal vra in My naam, sal Hy julle gee.

          2 Kron. 7:14 is ‘n realiteit:  “As My Volk oor wie my Naam uitgeroep is, hulle verootmoedig en bid en My aangesig soek, en hulle bekeer van hulle verkeerde weë, dan sal Ek (beslis) uit die Hemel hoor en hulle vergewe en hulle land genees.”

          Waarom toets ons nie God aan sy Woord nie?

          Inderdaad is gebed ‘n nasie-skuddende, geskiedenis-makende, wêreld-verskuiwende saak.  Nie dat gebed as sodanig magtig is nie, maar onse God is!

          Alles is reeds probeer vir sogenaamde vryheid en reg, behalwe deurdringende, aanhoudende gebed.

          Begin vandag nog ‘n gebedswaak in jou eie huis.  Dit is die antwoord, die enigste antwoord! Al is julle net twee wat begin, maak daardie begin.
          “Daarom, rig die slap hande en die verlamde knieë weer op;
“en maak reguit paaie vir julle voete, sodat wat kreupel is, nie uit lit raak nie, maar liewer gesond gemaak word.
“Jaag die vrede na met almal, en die heiligmaking waarsonder niemand die Here sal sien nie;
“en pas op dat niemand in die genade van God veragter nie; dat geen wortel van bitterheid opskiet en onrus verwek en baie hierdeur besoedel word nie.” Heb. 12:12-15  —  Sjibbolet

’n Brief van Bemoediging Aan: Alle Koningskinders!

’n Brief van Bemoediging

Aan:   Alle Koningskinders!

Gegroet,

In die naam van Hom wat mag het om te DOEN ... ver bo alles (!) wat ons BID of DINK
 ... volgens – die Krag wat in ons werk ! Efes. 3:20.




Lees nou Heb. 11: 1-33.

Dit is die Bybel se “Galery van Geloofshelde”. Die mooiste is dat ons deel is daarvan!

Keer terug na verse 32 en 33:

“En wat sal ek nog meer sê (oor al hierdie geloofs-dinamika)? Want die tyd sal my ontbreek
as ek (ook) van Gideon, Barak en Simeon en Jefta, Dawid en Samuel en die profete sou verhaal ... ”

Let nou op na vers 34: “... wat deur die geloof:

·                koningkryke oorweldig het !
·                geregtigheid uitgeoefen het !
·                beloftes verkry het !
·                bekke van leeus toegestop het !
·                die krag van vuur uitgeblus het !
·                die skerpte van die swaard ontvlug het !
·                krag uit swakheid ontvang het !
·                dapper gewees het in die oorlog !
·                leërs van vreemdes op die vlug gedryf het !”
Kyk weer na die tweede laaste reël:

DAPPER gewees het in die oorlog !

DAPPER beteken: Vasberade, onverskrokke. Dit beteken ook: onwankelbaar en onbuigsaam,
 beginselvas, dus, ook iemand wat geen kompromie aangaan nie.

Het ons geloof? Natuurlik het ons geloof? Ons het dit by die Wedergeboorte ontvang. Maar, Lewe
ons deur die geloof ... ?

Om te sê ons sal probeer om deur die geloof te lewe beteken jy lewe nog onder die omstandighede
 in plaas van bo die omstandighede.

Om deur die geloof te kan lewe moet ons beslis en onverskrokke wees, moet ons gedetermineerd
wees, moet ons dapper wees, moet ons weier om kompromieë aan te gaan, moet ons rus (vind) in
die HERE. Of ons vertrou God absoluut, of, anders lewe ons in twyfel, ons probeer maar ...

Jak. 1:6-7 .... hy wat twyfel moenie dink dat hy iets van die Here sal ontvang nie!

             Dus… ons moet weier om te twyfel.

“We are GOD’s mighty men (and women) of valor.” Ons is die Vader se magtige manne (en vroue)
vol dapperheid, onverskrokkenheid. Ons weier om te twyfel. Ons staan soos rotse, onwankelbaar.

Onthou, ons is eiendom van die Vader. Vat iemand aan ons, vat hy aan die Vader, want, die Vader sê:
Vir sovele as wat julle dit aan die geringste van My doen, doen julle dit aan My.

Dit is ook hoekom ons nie wraak moet uitoefen nie. GOD sê: My kom die wraak toe. Hy sal vergeld.
Ons moet net besef dat as iemand ons leed aandoen, speel hy of sy met vuur, want hulle het die
Vader se eiendom aangetas. En daar staan ook geskrywe: Dit is vreeslik om te val in die hande van
die Lewende GOD!

Ons vrees niks, want GOD het ons nie ’n gees van vreesagtigheid gegee nie, maar ’n gees van Krag
en van Liefde en van Selfbeheersing. Dit is wat ons ontvang het en dit is wat ons elke dag moet bely.

Let weer op wat staan reg aan die begin geskrywe ... volgens die KRAG wat IN ons is.

Daar is geloofskrag in ons om ook die dinge te kan doen wat Jesus Christus en ons voorsate deur die
geloof gedoen het ... volgens ... dui daarop dat ons daardie geloofskrag moet uitbou, soos ’n
gewigopteller sy krag ook uitbou. Hoe groter sy krag, hoe groter die gewig wat hy kan baasraak.

Ons moet dus deur Sy Woord en deur praktiese toepassing daarvan, ons geloofskrag uitbou. Kyk
 hoe waar is die volgende:

 GREAT people, are ordinary people, with

 extraordinary amounts of determination!

Om nederig te wees is die Vader se Wil. Om jouself te verkleineer, is nie nederigheid nie en is
sonde. In die oë van die Vader is ons uiters belangrik. Ons is Sy VOLK. Ons is Sy eiendom. Ons is
Sy Erfgename. Ons is Sy medewerkers. Ons het die geloof van ’n mosterdsaadjie – ons (moet)
groei tot reuse Geloofsbome ! Dit bekom ons deur die groei in sy Woord en wat ons uit die Woord
leer, in die praktyk toe te pas.

Bely dit, glo dit, want dit is die Waarheid, en nie die twyfel en onwaarhede wat die satan ons mense
mee teister nie.

Onthou, wanneer mens naby die deurbraak is, sal die druk altyd toeneem. Teenspoed lyk maar soos
teenspoed. Hoe harder die stryd hoe groter die oorwinning, want in Christus Jesus IS ons meer as
Oorwinnaars !!!

Probleme wat oor die wêreld aan die kom is, moet maar kom. Ons is Gereed daarvoor !!!

Oorwinningsgroete in die naam van die Koning van alle konings!

Sjibbolet Bedieninge

NS: Lees ook Psalm 149 en let veral op wat gebeur vanaf Vers 6: Lofverheffinge is ’n
tweesnydende swaard.

Aan die een kant verbly ons die hart van die Vader, aan die ander kant vernietig ons die
vyand, wie en wat hy ook al mag wees !

Verruil jou tydelike lewe vir die Ewige Lewe

Die Wedergeboorte is die enigste manier om die Ewige Lewe te verkry en uiteindelik die Hemel te sien. Jesus sê in Joh 10:1 “Voorwaar, voorwaar Ek sê vir julle, wie nie by die deur (Jesus Christus) in die skaapstal ingaan nie, maar van ‘n ander kant af inklim, hy is ‘n dief en ‘n rower”.
            Joh 3:16 lees: “Want so lief het God die wêreld gehad, dat Hy sy eniggebore Seun gegee het, sodat elkeen wat in Hom glo, nie verlore mag gaan nie, maar die ewige lewe kan hê.” Dis God se wens dat ons met Hom versoen sal word.

            Daar is diegene wat sê hulle sal nie verlore gaan nie want hulle lewe mooi lewens. Rom 3:23 sê duidelik: “Want almal het gesondig en dit ontbreek hulle aan die heerlikheid van God.”
            In die Ou Testament het God aan Sy volk ‘n skeibrief gegee weens hulle geestelike owerspel teen God. Jer. 3:8. Ingevolge die Wet mag die vrou (ons) nie weer trou voordat die man (God) nie gesterwe het nie. Dan kom God in die vorm van Jesus Christus en sterf aan die kruis van Golgota.
            Dit is so dat elkeen van ons wat Jesus as Saligmaker aanneem, weer met God versoen word, maar is dit al?
            Rom 3:24  “...en hulle word deur Sy genade sonder verdienste geregverdig (hoe) deur die verlossing wat in Christus Jesus is.”

            Wanneer ons Christus as Saligmaker aanneem, word ons gered en terselfdertyd geregverdig.
            1 Kor 6:9-11 - “Of weet julle nie dat die onregverdiges die koninkryk van God nie sal beërwe nie? Moenie dwaal nie! Geen hoereerders of afgodedienaars of egbrekers of wellustelinge of sodomiete of diewe of gierigaards of dronkaards of kwaadsprekers of rowers sal die Koninkryk van God beërwe nie. En dit was sommige van julle; maar julle het jul laat afwas, maar julle is geheilig, maar julle is geregverdig in die Naam van die Here Jesus en deur die Gees van onse God.”
            En hierna is jy ‘n Christen. Watse Christen? As 32 miljoen Suid-Afrikaners op hul sensusvorms invul dat hulle Christene is, dan vra mens onmiddellik: En as dit so is, waar is hulle, wat doen hulle?

            Die Evangelie het ‘n veel groter boodskap as dit. Jesus sê in Joh 17:3  “En dit is die Ewige Lewe, dat hulle U ken, die enige waaragtige God, en Jesus Christus wat U gestuur het.”
            Wat is die Ewige Lewe? “Dat hulle U ken.”
            Dit beteken die Ewige Lewe begin nie wanneer ons sterwe nie, maar dit begin by die oomblik van die Wedergeboorte – sodat ons God kan leer ken.
            Die woord “ken” word reg deur die Bybel gebruik om die mees intieme, persoonlike verhouding te beskryf. Die werklike doel van saligheid is nie net om uiteindelik vir ewig   dete lewe nie.
            Die ware doel van saligheid is om ‘n intieme persoonlike verhouding met die HERE God te hê vanaf die oomblik van die Wedergeboorte. “Die woorde wat Ek tot julle spreek, is gees en is lewe.” Joh 6:63

            Die Wedergeboorte is die Ewige Lewe. Jy het die Ewige Lewe omdat jy Wedergebore is. Jy stap nou ‘n heel ander pad, ‘n nuwe pad na die Nuwe Jerusalem.
            Min ongereddes stel vandag in die redding van hul siele belang. Die rede is die groot swaarkry. Hulle wil nie nou weet van ‘n Ewige Lewe na die dood nie.

            Hulle aandag word deur die nou in beslag geneem. Daar is mense wat honger moet gaan slaap, huwelike is op die rotse, kinders is rebels, drank vernietig gesinne, twis en tweedrag heers onder die armlastiges. Owerspel vier hoogty. Dinge is benard.
Die Ewige Lewe begin by die Wedergeboorte, wanneer Jesus van jou hart en gees besit kom neem. Dan word jy ‘n nuwe skepsel in Christus Jesus, dan begin ‘n nuwe lewe, ‘n Ewige Lewe saam met Christus.

            Gal 1:4 lees: Jesus, wat Homself gegee het vir ons sondes (Hoekom?), sodat Hy ons kan uitred uit die teenwoordige bose wêreld, volgens die wil van onse God en Vader.
            Ja, dit is die wil van God die Vader dat mense uitgered moet word, uitgered uit hierdie bose wêreld van swaarkry en ellende. ‘n Nuwe Lewe wag.
            God wil aan almal terugbring na ‘n intieme persoonlike verhouding met Hom. Jesus wil aan almal kwaliteit en oorvloed van lewe gee, ‘n lewe soos wat hulle nooit geken het nie.
            Kyk wat Jesus sê: “Die dief (satan) kom net om te steel en te slag en te verwoes. Ek het gekom, dat hulle lewe en oorvloed kan hê.” Joh 10:10.
            Christus het nie net vir ons sondes gesterf nie. As jy reeds Wedergebore is maar ‘n stagnante lewe lei, dan ken jy nog nie vir God nie, dan het jy nie ‘n persoonlike intieme lewe saam met Hom nie.

            “Wie die Here aanhang, is een gees met Hom.” 1 Kor 6:16-17. Om een gees met Hom te wees beteken ‘n intieme persoonlike verhouding.
            Die HERE wil ‘n persoonlike verhouding met jou hê. Dit moet die belangrikste verhouding in jou lewe wees. Hy sê: “Kyk, Ek staan by die deur en Ek klop. As iemand my stem hoor en die deur oopmaak, sal Ek ingaan na hom toe en saam met hom maaltyd hou, en hy met My.” Openb 3:20.
            Ja, Hy klop, Hy wag dat jy oopmaak want Hy wil saam met jou kom maaltyd hou. Hy verlang ‘n intieme persoonlike verhouding met jou.
            “En dit is die getuienis: dat God ons die ewige lewe gegee het, en dié lewe is in sy Seun. Hy wat die Seun het, het die lewe; wie die Seun van God nie het nie, het nie die lewe nie.” 1 Joh 5:11-12
            Hoe word ons gered? “Want uit genade is julle gered (hoe?), deur die geloof, en dit nie uit julleself nie: dit is die gawe van God; nie uit die werke nie, sodat niemand mag roem nie.” Efes 2:8-9
            Die Ewige Lewe bekom mens sonder verdienste. Dis ‘n geskenk... “want so lief het God die wêreld gehad...”

            God het deur Jesus die saligheid vryelik aan elke persoon aangebied. Titus 2:11. Die geskenk  word verleen deur  “genade”. Dit beteken dat dit nie gebaseer is op hoe heilig jy leef nie, of jy kerk toe gaan, jou Bybel lees of ander “goeie” dinge doen nie. Die saligheid word ons aangebied deur God se onverdiende guns.
            Rom 5:8 “God bewys sy liefde tot ons daarin dat Christus vir ons gesterf het toe ons nog sondaars was.” Die saligheid is ‘n vrye geskenk wat God vryelik deur genade aan ons bied, maar dit moet deur geloof ontvang word. Al wat ons moet doen is om dit aan te neem. “Want uit genade is julle gered, deur die geloof, en dit nie uit julleself nie: dit is die gawe van God; nie uit die werke nie, sodat niemand mag roem nie.” Efes 2:8-9
            Al die roem, eer en lof kom God toe, daarom dat die saligheid nie kom vanuit werke nie, sodat niemand kan roem nie. Net God kan roem.

            Wie kan gered word? “Want die reddende genade van God het aan alle mense verskyn.” Titus 2:11
            Rom 3:21-23 lees “Maar nou is die geregtigheid van God geopenbaar sonder die wet, terwyl die wet en die profete daarvan getuig, die geregtigheid naamlik van God deur die geloof in Jesus Christus vir almal en oor almal wat glo, want daar is een onderskeid nie; want almal het gesondig en dit ontbreek hulle aan die heerlikheid van God.”
            ‘n Boer saai saad en eersdaags oes hy dit dalk 100 maal terug. Die Woord van God, die Bybel is die saad wat ons in ons Gees moet saai.
            In ons persoonlike en intieme verhouding met Hom, bestudeer ons Sy Woord en so saai ons die Woord in ons gees waar dit ontkiem en vermenigvuldig. So leer ek God se natuur en karakter ken. Ons mediteer op die Woord, ons maak dit ons eie. Hy hou maaltyd met ons en ons met Hom.
            “Daarom, as iemand in Christus is, is hy ‘n nuwe skepsel; die ou dinge het verbygegaan, kyk, dit het alles nuut geword.” 2 Kor 5:17
            Noudat jy in Christus is, is jy ‘n nuwe skepsel, soos in nuut geskep, alles gaan nou nuut word. Hoe? Soos wat jy en Hy saam maaltyd hou, soos wat jy Sy Woord in jou hart saai waar dit ontkiem en alles nuut word.
            Jy sal in stadiums groei totdat jy ‘n volwasse nuwe skepsel, ware Christen is, presies soos: “Want vanself bring die aarde vrug voort, eers ‘n halm, dan ‘n aar, dan die volle koring in die aar.” Markus 4:28
            En die ou dinge is weg. Dit het verbygegaan, sê die HERE.
            En wat het nuut geword? Alle dinge het nuut geword.
            Die mieliepit in die grond verdwyn en in sy plek staan ‘n geheel nuwe mielieplant, pragtig groen, vol blare en mieliekoppe. Alles het nuut geword.
            Jy is ‘n nuwe skepsel omdat jou gees daardie deel is  wat met die wedergeboorte verander. Dit is eintlik die lewegewende deel. Jak 2:26 lees: “Want soos die liggaam sonder gees dood is, so is ook die geloof sonder die werke dood.”
            Let op: “En julle het Hy lewend gemaak, wat dood was deur die misdade en die sondes.”Efes 2:1
            Jou gees het nou die Ewige lewe. Wanneer jou liggaam sterwe, gaan dit na die graf en vergaan, maar jy, in gees, gaan na die teenwoordigheid van God.
            Soos Paulus vir die Tessalonisense bid, bid ons ook vir jou: “En mag Hy, die God van die vrede, julle volkome heilig maak, en mag julle gees en siel en liggaam geheel en al onberispelik bewaar word by die wederkoms van onse Here Jesus Christus!”1 Thes 5:23.
Bid asseblief om ‘n dringende Herlewing in Suid-Afrika. – Sjibbolet     

Egskeidings ruk SA aan flarde

·     

DIE huwelik en die gesinslewe is die pilare van ‘n volk.  Verkrummel hierdie pilare, kom ‘n volk tot ‘n val.
            Egskeidings het Suid-Afrika reeds aan flarde geruk.  Twee uit elke drie huwelike einding in die skeihof.
            Egskeidingsyfer vir tweede huwelike is 60% is. Na tien jaar het 37% van tweede huwelike reeds geëindig teenoor 30% van eerste huwelike. Dus, wanneer een of beide van die partye voorheen getroud was, skei mense meer en gouer.
            Baie soek na oplossings om ‘n einde te maak aan die geskeidings want hoe kan iemand in die huwelik trou aan mekaar beloof “totdat die dood ons skei,”  en dan hulle woord verbreek?
            Hulle belowe nie net trou aanmekaar nie, maar ook teenoor God, want elke huwelik bestaan uit drie persone:  Die man, die vrou en God self.
            Die huwelike is ‘n ewige verbond.  Geen mens durf dit verbeek nie.  Nogtans is egskeidings ‘n alledaagse gebeurtenis.
            Die Bybel leer dat die volk ten gronde gaan weens ‘n gebrek aan kennis.  Inderdaad!
            Ten eerste besef die huwelikspare nie waaroor die huwelik werklik gaan nie, dat hulle nie net wedergeborenes moet wees nie, maar dat die Bybel ‘n lamp vir hulle voet is.  Sonder ‘n lamp struikel ‘n mens en val.
            In Gen. 2:23-24 sê God dat die man sy ouerhuis sal verlaat en sy vrou sal aankleef  “en hulle sal een vlees wees.”
            Die man is die hoof van sy vrou. 1 Kor. 11:3-4. Christus is die hoof van die man en die man is die hoof oor die vrou.
            Mans moet hulle vroue liefhê. Efes. 5:25.
            Hulle moet hulle vroue eer. 1 Pet. 3:7.
            Hulle moet beheer oor die gesinslewe uitvoer. 1 Tim. 3,12.
            Mans is die hoof van die gesinslewe.  Hulle moet volle verantwoordelikheid vir hulle gesinne neem, ook wat die besluitneming betref.
            Dit beteken nie dat vroue geen seggenskap in die huwelik het nie, maar eerder dat hulle onder die sekuriteit van die man se gesag beskerm word.
            Dit is interessant om daarop te let dat mans beveel word om hulle vroue lief te hê.
            Dit is ‘n opofferende liefde wat vergelyk word met Christus se liefde vir die Kerk.  Omdat dit ‘n opdrag is, moet dit vir die man moontlik wees om sy vrou te wil liehê.
            As alle mans hierdie opdrag van God ter harte neem dan sal dit so ‘n rewolusie ontketen dat dit die einde van egskeidings sal beteken.
            En die vrou dan, watter rol moet sy vertolk?
            As ‘n man effektief sy rol as hoof van die gesinslewe moet vertolk, dat is dit noodsaaklik dat die vrou moet weet wat haar rol in die gesinslewe is.
            ‘n Man sonder ‘n vrou is nie ‘n waardige man nie.  Hy word eers ‘n volwaardige man die dag wanneer hy in die huwelik tree.  Hulle eenheid word bevestig deurdat hulle kinders voortbring.
            Vroue moet hulle aan hulle mans se gesag onderwerp. Efes. 5:22-24. As Eva haar aan Adam se gesag onderwerp het, sou hulle nie in die moeilikheid beland het nie.
            Wanneer mens na die struktuur van die Liggaam van Christus kyk, dan is dit goed om te besef dat die huwelik basies ‘n miniatuur patroon van God se orde is.
            Ons sien dat die Hemal ons tuiste is (Joh. 14:2) en dat God ons Vader is (Matt. 6:6).
            Jesus is ons “ouer” broer (Heb. 2:12) en ons word deur die Wedergeboorte in die Familie van God in gebore )Jon. 3:3).  Verder sien ons dat die gesinslewe die patroon van God openbaar. Efes. 3:14,15.
            Die skokkende werklikheid wat deur min van ons erken word, is dat die ganse wêreld nie antwoorde op een van sy grootste probleme het nie —  die inmekaar storting van die gesinslewe, met die kinders as die lydende party nie. .
            Dit is nie toevallig nie.  Dit is ‘n skepping van die satan self want ook hy weet dat die gesinslewe die werklike hart van enige volk is.
            Dit is dus noodsaaklik dat die kerk hierdie ontsettende aanslag moet aanspreek en moet toesien dat die gesinne gesonde lering kry, want uiteindelik sal nie net die gesinslewe tot niet gaan nie, maar ook die Kerk.
            Wat is die rol van vaders?
            Abraham is ons groot voorbeeld in Gen. 18:17-19.  God het geen geheim daarvan gemaak waarom Hy Abraham verkies het nie.  Die Bybel sê dit was omdat Abraham bereid was om sy kinders die weë van God te leer.  Genesis 18 leer dat gesinslewe die basis van elke groot volk vorm.
            Vaders moet aan die gesin die Woord van God leer.  Deut. 4:9-10.
            Die Woord van God  moet die basis vorm van bespreking en leefwyse. Deut. 6:6-9.
            Onthou, daar was geen Sondagskool in die vroeë Kerk nie.  Ongelukkig is dit vandag so dat ouers die rol van Christen-opvoeding aan die dagskole en Sondagskole oorgelaat word. Mens durf nie jou verantwoordelikhede op ander afskuif nie.
            Die Woord van die Here word nie langer by die huise – soos dit hoort – by die huisaltaar gelees en bespreek nie.  Daar vind geen lering by die huis plaas nie.
Vaders faal jammerlik in hulle rol as hoë priester van hulle gesinslewens.  Die gesin bid nie meer saam nie.
            Ons moet die Woord van God in ons harte “weglê” en in die harte van ons kinders. Deut. 11:18-21.
            Dawid wat aan Salomo lering gee, is ‘n voorbeeld van ‘n vader se verpligting. Spreuke 4:1-4.
            Die Nuwe Testament herbeklemtoon die beginsels van die Ou Testament. Efes. 6:4.
            Die vroeë Kerk  het godsdienbeoefening tuis gehad. Hand. 2:46; 5:42.
            Die Bybel leer duidelik dat dit die verantwoordelikheid en plig van vaders is om as geestelike leiers in hul huishoudings op te tree.
            Vandag is dit dit nie so nie.  As daar dalk nog iets geesteliks in ‘n huis is, dan is dit moeders wat daardie rol probeer vertolk.  Die mans versaak hulle opdrag, verantwoorde-likheid en verpligtinge.
            Dit is nie te laat nie.  Ons kan ons huwelike red.  Skakel saans die TV af.  Vat boeke, lees bespreek, onderrig.  Besef jou werklike rol as vader in die huis.
Wees ‘n man,  bely teenoor God, jou kinders en jou vrou dat jy hulle geestelike heil versaak het.  Hulle sal jou eer as held.  Studeer saam, bid saam.  Jou gesin se geestelike heil is belangriker as die kos en klere wat jy huis toe bring.
Christen-boekwinkels het talryke boeke en handleidings.  Skool jouself in die Woord van God.
Dit is God se wil dat jy die hoë priester in jou huis moet wees.
God se volgorde is:  Hyself, dan die Engele, dan die man, dan die vrou, die kinders, die diereryk,  die groente- en vrugteryk en dan die mineraleryk.
‘n Laer orde mag nie oor ‘n hoër orde heers nie, nogtans is daar die gevaar van rebellie. Ex. 4:24-25.  Hier was Moses se lewe in gevaar juis omdat sy vrou nie wou hê dat hulle seun besny word nie.  Dit was rebellie teen haar man en teen God.
Solank as wat die vrou haar onderwerp aan haar man is sy onder die beskerming van sy gesag.
Kyk in 1 Tim. 2:9 na vroue se kleredrag.  Vroue moet ‘n aanwins wees en weet wanneer om te praat.  1 Tim. 3:11.
Die ideale vrou is betroubaar (Spr 31:11), skeppend (13-14), let op haar tong (26),  gee om vir haar gesin (27) en sy ontvang eerbied van haar gesin (28,29).
As moeder baar sy kinders en gee aan hulle leiding (1 Tim. 5:14),  sy bring die kinders na Jesus (Mark. 10:13-16),  dra ‘n sterk geloof oor (11 Tim. 1:5;  3:15).
Let daarop dat  die leiding wat sy gee, is deur haar man se gesag aan haar gedelegeer.
En die kinders?
Hulle moet hulle ouers eer (Deut. 5:16  en Efes. 6:2), hulle moet gehoorsaam wees (Efes. 6:1),  hulle moet die Here dien terwyl hulle jonk is (Pred. 12:1) en die jongmanne moet sober en verantwoordelik wees (Tit. 2:6-8).
Mans, hê julle vroue lief. Sy is nie uit ‘n been in kop gemaak sodat haar moet domineer nie, ook nie uit ‘n been in jou voet sodat sy jou slaaf moet wees nie, maar juis uit jou ribbebeen, naby jou hart, sodat haar lief sal hê en bemin, met deernis behandel. - Sjibbolet

Die hoofrede vir egskeidings en die gees van losbandigheid en liberalisme

Waarom die hoë egskeidingsyfer onder veral Blankes in Suid-Afrika? Vanwaar die gees van liberalisme asook die gees van gesinskonflik en huwelikstweedrag tesame met die  boelie van ander kinders en onderwysers in die skole?

Die hoofrede is buite huwelikse geslagsverkeer en verkragting van die eg, losse sedes.

’n Vrou se gees word deur dié van ’n man beset. Buite huwelikse geslagsverkeer beteken ’n vrou word deur die gees van verskeie mans beset.
Daardie geeste heers oor haar, tesame met die gees van die man aan wie sy uiteindelik haar trou beloof en bekendmaak. So ’n huwelik sal kwalik standhou.

Vir die vroue om vry te kom van die geeste van ander mans en hulle oorheersing, moet daardie mans die Wedergeboorte deelagtig word sodat Christus se gees almal genees.
Mans moet hulle gees in die naam van Jesus Christus terugroep vanuit die vroue met wie hulle verkeer het.

Met die gawe van genesing kan boosgeworde geeste in die Naam (gesag) van Jesus Christus uit die gees van ontroue en ongetroude vroue wat owerspel gepleeg het, gedryf word.
Die bose se saad groei wanneer die band van getrouheid tussen pare verbreek word deur die man wat die maagdelikheid wat hy geneem het of deur die jongvrou wat dit gegee het, geminag word.
Sonder die beheer oor bose geeste wat Hy aan Sy dissipels met Sy Gees gee is herstel en genesing onmoontlik.

Die man as veroweraar van die liefde van ’n vrou, sal met meer as een vrou ’n risiko loop om sy gees deur ’n onvervulde vrou se ontrou te laat besoedel. Sy gesonde jaloesie word afguns op haar of haar nuwe veroweraar.

Vroue word bevry van die geestelike oorheersing van die mans met wie hulle gemeenskap gehad het, deur sonde-aflegging en ’n selibate lewe daarna, of deur toe te laat dat daardie geeste uit hulle gedryf word.

Die gemeenskaplike gees of volksetos moet bewaar word soos God in Maleagi 2:15 aan die mans sê:  Neem julle dan in ag ter wille van julle gees – en wees nie ontrou aan die vrou van jou jeug nie. Sien ook strófe 16.

Tydens die Anglo Boere-oorlog is duisende Boervroue deur Britse soldate asook deur inboorlinge verkrag.  Ander vroue het weens die afwesigheid van hulle mans goedsmoeds die eg gebreek. Dit was ook die geval in die twee Wêreldoorloë.
So het hierdie mense se gees vaardig geraak in die gees van die vroue en is die volksetos van hulle nageslag versteur.

Maar in ons tyd is geslagsverkeer buite die eg die norm.

God voorsien altyd...

1 Kon 17:8-16: "Die meel in die kruik sal nie opraak nie, en die olie in die kan sal nie minder word nie, totdat die Here laat reën het" (vs. 14).

Anna Elizabeth Retief (Ouma Hamman), die derde van agt kinders, is op 4 Julie 1874 op Graaff-Reinet  gebore. Sy het onderwyseres geword en haar studies voltooi deur by  maanlig en kerslig te studeer. Soms het sy selfs vuurhoutjies getrek om by dié lig te studeer. Sy was vooruitstrewend en het baie goed op skool sowel as die kollege presteer. Mej. Helen Murray, ‘n suster van dr. Andrew Murray, was destyds hoof van die seminarie.

Dit was in hierdie tyd dat sy die Wedergeboorte deelagtig geword het. Die HERE het die Heilsleër en die South African General Mission, waarvan Dr. Murray ‘n stigterslid was, gebruik om haar tot die Lig te bring.

Anna, beter bekend as Ouma Hamman, is reeds 'n paar dekades gelede op hoë ouderdom oorlede. Sy was 'n merkwaardige vrou van gebed. Tydens die Boereoorlog was sy in 'n konsentrasiekamp, wat bestaan het uit ontruimde huise in Barberton. Haar suster met haar twee kinders was saam met Ouma Hamman in die huis. Weens die hitte van daardie streek het die suster siek geword. Die goedige kampkommandant het besluit om haar na Graaff-Reinet, na haar ouerhuis, toe te stuur.

Sy moes net vir haar eie padkos sorg. Ouma Hamman en sy het besluit dit gaan die beste uitwerk as sy 'n groot baksel beskuit kan saamneem. Met versigtige sorgsaamheid het hulle die bestanddele vir die beskuit bymekaar gekry. Die vet wat hulle nodig gehad het, was egter onbekombaar – van botter nie eens te praat nie! Hulle het, soos altyd, hulle toevlug tot die Here geneem. Maar om vet vir 'n baksel beskuit, in die oorlog, in die konsentrasiekamp, te bekom, was 'n moeilike een. Ouma Hamman vertel dit so:

"Drie dae voor ons sou vertrek, en die laaste dag waarop ek nog kon bak, staan ek voor die kombuisvenster wat op die straat uitkyk met die skottel meel voor my op 'n tafeltjie. Ek bid met 'n swaar hart: 'My Vader, het U my dan hierdie keer vergeet?' Op daardie oomblik kom muilwaens met die troepe se kosvoorraad met groot geraas verbygejaag. 'n Harde klop hamer op die voordeur. Ek gaan maak haastig oop. Voor die deur staan 'n hygende soldaat met 'n yslike blik vet in sy hande. 'Dit het van die wa afgeval. Wil jy dit hê?' Sonder om vir 'n antwoord te wag, rol hy die blik in die gang in en laat vat agter die wa aan.

Jesus self het gesê: “Alle dinge is moontlik vir die een wat glo" (Mar 9:23). "Gee jou kommer oor aan die Here. Hy sal vir jou sorg. Hy sal gelowiges nie teleurstel nie" (Ps 55:23)

The Coming REVIVAL

"So when they had come together, they asked him, 'Lord, will you at this time restore the kingdom to Israel?' He said to them,'It is not for you to know times or seasons that the Father has fixed by his own authority. But you will receive power when the Holy Spirit has come upon you, and you will be my witnesses in Jerusalem and in all Judea and Samaria, and to the end of the earth.' And when he had said these things, as they were looking on, he was lifted up, and a cloud took him out of their sight."

The Coming REVIVAL

This book that I'm currently writing will be addressing some of the spiritual and practical changes that will be coming to the structure and expression of the church. Trust me, it will shock our nation severely. Those who hold on to a structure or a ministry instead of Jesus himself will not be willing to go where God is leading.

I call this the ancient and emerging church. Ancient because it's rooted in scripture; emerging because the biblical structure has been largely forsaken. What will this ancient and emerging church look like? Here's just a small peek into a grand shift in the structure of the church:

Services will become more like prayer meetings.

One of the greatest indictments on the church today is that prayer is not the driving force. Today, people tend to choose churches based on the appeal of the teaching and the worship instead of the fervency of prayer. If the church was a house of teaching, or a house of worship, that would make sense, but it's not. The church is a house of prayer for all nations. Every person in the church will function as a burning intercessor and the services will be marked by this unified groan of fiery prayer.

Personal need will give way to personal mission.

Today, churches are often more like organic, socially driven hospitals. People tend to use the church as a way to meet their personal needs instead of serving it as a minister of God. This is going to change. Of course, there will still be personal ministry and true needs will be addressed.

However, instead of the church functioning as a hospital, it will once again function as a mission-driven military. The mission will take precedence. The saints will be equipped for service, not for personal survival. In this ancient and emerging model, their will be MASH units that will take very good care of the wounded with the primary purpose of getting the soldier back into battle. Apostles will again lead with governmental authority and pastors will be seen as the main leader less and less as they focus more on shepherding and less on primary leadership.

Teaching will be minimized while instruction is emphasized.

Teaching is mostly for personal edification while instruction is mostly for corporate assignments. Today, most churches focus on teaching principles of scripture, providing truths that will help Believers navigate through their lives and giving nuggets of biblical info. While there will still be important Bible teaching, apostolic instruction will emerge as a necessary new ministry.

There is enough Bible teaching online, on CDs, in books and on video to turn every one of us into personal spiritual giants. We need to take it upon ourselves to grow. What is lacking, however, is apostolic leaders, military commanders who give instruction and assignments to a ready army. Teaching is personal growth-based while instruction is a call to corporate action for the sake of mission fulfillment.

An example of apostolic instruction is this: The apostolic leader gives a corporate assignment for everybody in the church to fast for a week and then show up together to prayer walk through the city streets. It's a corporate call to action versus biblical study. It's mission focused versus personal growth focused. Personal growth will be largely our responsibility between services so we can be ready to respond to the corporate instruction where we will receive our assignments.

We will gather together most days of the week.

The 24/7 church will again emerge as the church drives culture instead of reacting to culture. Cares of life will lose their power as we simplify our lives and put corporate prayer and mission ahead of most everything else.

This may be the most challenging change for Christians. Today, Sundays are the days to set aside for corporate worship while we give precedence to our 'normal lives.' In The Coming Church, the very reason we live will be to pray on fire together every day, receive apostolic assignments and then move out into our lives as kingdom ambassadors. It wouldn't be surprising if a tithe of our time is what became the standard.

Two to three hours a day, whether it's in the morning, afternoon or evening, or even in the late night hours, will be given by every believer to praying on site together with others, ministering and giving ourselves to intercession-fueled kingdom ministry. Of course, much of what we have been giving ourselves to will have to be eliminated so we have the time necessary to devote.

Worship will be supernaturally driven.

There is a new sound coming to worship, and it's not simply a new style. There is a supernatural, otherworldly groan of intercessory worship that will explode out of the entire body as a new breed of trembling worship leaders lead the way into the shock and awe of the glory of God. We will no longer simply sit in a pew or stand with a raised hand while a familiar worship song is sung.

The prophetic, groaning sounds of Holy Spirit facilitated worship will make it normal to shake and fall to our faces as we cry Holy! The natural, logical sing-a-longs will be no more. We will have a hard time standing as God's Shekinah and Kabod glory resides in his church. Worship teams will practice less and pray in the Spirit with tears in their eyes more.

Of course, this is an extremely limited glance into the many, many changes that are coming. I wanted to share this to provoke you to preparation. There is much that you and I enjoy in the church, or that is comfortable to us, that we will have to let go. Again, the coming church will be troubling and shocking, but it will result in the power and life that we have been crying out for.

God is about to answer that cry

I strongly recommend that you read my book 20 Elements of Revival. That book reveals much of the shift that we must embrace right now. If you truly take in all that it has to say, you'll never participate in the church the same way again.

John Burton has been developing and leading ministries for over 20 years and is a sought out teacher, prophetic messenger and revivalist. John has authored nine books, has appeared on Christian television and radio and directed one of the primary internships at the International House of Prayer (IHOP) in Kansas City.

Additionally, he planted two churches, has initiated two city prayer movements and is currently directing a prayer and revival focused ministry school in Detroit called theLab University. John's mandate is to call the church in the nations to repentance from casual Christianity and to burn in a manner worthy of the King of kings. He is equipping people to confront the enemies of God (established religion, Jezebel, etc.) that hinder an extreme, sold-out level of true worship.

For the original article, visit johnburton.net

Lord Hear Our Cry!
This Year's National Day of Prayer on Thursday,
could be Largest Yet: Focus is on 1 Kings 8:28

"Yet give attention to Your servant's prayer and his plea for mercy, Lord my God. Hear the cry and
the prayer that Your servant is praying in Your presence this day." -1 Kings 8:28 – Gospel Herald

The 64th annual National Day of Prayer is expected to have its largest number of participants in over 60 years on Thursday, May 7 in what organizers are calling an "unprecedented opportunity to see the Lord's healing and renewing power made manifest."
"We are anticipating the largest day of prayer from coast to coast with more than 43,000 prayer gatherings," John Bornschein, vice chairman of the National Day of Prayer Task Force and an executive member of the National Prayer Committee, told The Christian Post.

"This coming year marks the 64th anniversary of this important day and we fully expect that the president will sign a proclamation as well as all 50 state governors. Already nearly 40 proclamations have been received and counting."

According to the National Day of Prayer website, the theme of this year's event will be "Lord, Hear Our Cry" and is accompanied by the Bible verse 1 Kings 8:28, which reads "Hear the cry and the prayer that your servant is praying in your presence this day."

The website notes that the theme was chosen specifically to emphasize the "need for individuals, corporately and individually, to place their faith in the unfailing character of their Creator, who is sovereign over all governments, authorities, and men."

Though it has its roots in Christian heritage, the National Day of Prayer is meant to be an expression of American freedom of religion, where people of different religions dedicate the day to pray for our nation.

The National Day of Prayer, although unofficially observed since 1775, was signed into law as an official day of observance by Harry S. Truman in 1952. Since then, dozens of United States Presidents have signed proclamations in support of the date, calling upon Americans of all religions to pray for the benefit of the nation.

·       We need thousands more prayer meetings in South Africa trusting the Lord fort he mightiest Revival ever. — ends  

Keer terug na jou eerste Liefde – ’n vermaning

Mag die God van die vrede, wat die groot Herder van die skape, naamlik onse Here Jesus Christus, deur die bloed van die ewige Testament uit
die dode teruggebring het,  julle volmaak in elke goeie werk, om Sy wil  te doen, deur in julle te werk, wat welbehaaglik is voor Hom deur Jesus
Christus aan wie die heerlikheid toekom tot in alle ewigheid! Heb. 13:20-21.

Hierdie is twee kragtige strofes oor ons lewe van gehoorsaamheid aan God. Dit noem ook die resultate as ons God sou toelaat om in ons lewens te werk.
Vergelyk dit met die situasie in jou eie huishouding: Vir jou kinders bedoel jy vrede en geluk en dit mag hulle dan ook heeltemal tereg, ryklik smaak, solank hulle aan hulle pa en ma gehoorsaam is.
Ouers wil graag hulle kinders vervolmaak in elke goeie werk solank hulle die ouers se wil uitvoer. Ouers wil hulle eie talente, kennis, karakters en persoonlikhede vir hulle kinders beskikbaar stel om die kinders ten beste toe te rus vir die lewe wat nog voor hulle ooplê.
As kinders maar net wil luister en gehoorsaam wil wees, kan hulle hulself baie probleme, foute, ellende, verdriet, teleurstelling en ‘n gesukkel in die lewe spaar.
Dit is ook in ‘n nog sterker graad die verhouding tussen wedergeborenes en die Vader. Hy wil ons vervolmaak in elke goeie werk om Sy wil te doen “deur in ons te werk” – as ons Hom net wil toelaat om in ons te werk!
Dit is beskikbaar aan elke wedergeborene deur die “God van Vrede!”
Alles was nie altyd wel tussen ons en God nie. Kol. 1:21 sê: “Ook julle wat vroeër vervreemd was en vyandig gesind deur die bose werke,” het Hy nou versoen.”
Ons was van nature ongehoorsaam en kinders van die toorn, aldus Efes. 2:2-3.
God het egter deur sy Seun, Jesus Christus vir ons vrede en redding bewerk, volgens Efes. 2:14-16. Deur die wedergeboorte verkry ons nou die Ewige Lewe in Jesus Christus.
            Jy is nou ‘n “nuwe skepsel!” 2 Kor. 5:17 “Daarom, as iemand in Christus is, is hy ‘n nuwe skepsel; die ou dinge het verbygegaan, kyk, dit het alles nuut geword.”
            Wie het dit gedoen? Strofes 18-19 “En dit alles is uit God wat ons met Homself versoen het deur Jesus Christus en ons die bediening van die versoening gegee het, naamlik dat God in Christus die wêreld met Homself versoen het deur hulle hul misdade nie toe te reken nie en die woord van die versoening aan ons toe te vertrou.”
Watse soort mense is ons nou? Strofe 20 “Ons tree dan op as gesante om Christus wil, asof God deur ons vermaan. Ons bid julle om Christus wil: Laat julle met God versoen.”
Onder die Ou Testamentiese bedeling moes gelowiges telkens hulle sondes op ‘n dier afbid, die dier dan slag en op ‘n altaar verbrand. Soos wat die bloed in die vuur verbrand het, is jou sondes tot niet gemaak – tot die volgende keer.
In die nuwe bedeling word Jesus Christus die Offerlam. Wat ons nou doen is om ons sondes te bely en dan gebeur die volgende: 1 Joh. 1:9           “As ons, ons sondes bely, Hy is getrou en regverdig om ons die sondes te vergewe en ons (boonop) van alle ongeregtigheid te reinig.”
Slaan egter ook ag op die vermaning in 2 Kor. 6:1 “En as medewerkers vermaan ons julle ook dat julle die genade van God nie tevergeefs mag ontvang nie.”
Let daarop dat God ons eers Sy gesante, maar nou ook Sy medewerkers noem. Ek en jy vertolk dus ‘n baie belangrike rol op hierdie aarde.
Toe jy verlief was en getrou het, was julle vir mekaar alles wat mooi en goed was. Later in die getroude lewe het die liefde in baie gevalle verflou.
Toe ons wedergebore is, het ons ook niks ontsien om God te behaag nie, maar intussen het ons liefde verflou. Dit het ook ongehoorsaamheid in die hand gewerk.
Hieroor sê die HERE in Openb. 2:4-5 “Maar Ek het dit teen jou dat jy jou eerste liefde verlaat het. Onthou dan waarvandaan jy uitgeval het, en bekeer jou en doen die eerste werke. Anders kom Ek gou na jou toe en sal jou kandelaar van sy plek verwyder as jy jou nie bekeer nie.”
            En in strofe 7: “Wie ‘n oor het, laat hom hoor wat die Gees aan die gemeentes sê. Aan hom wat oorwin, sal Ek gee om te eet van die boom van die lewe wat binne in die paradys van God is.”
            As jy wedergebore is ontvang jy soveel seëninge dat jy daardeur ook ‘n groter verantwoordelikheid teenoor God het:
            Efes. 1-14 “Geseënd is die God en Vader van onse Here Jesus Christus wat ons geseën het met alle geestelike seëninge in die hemele in Christus,
“soos Hy ons in Hom uitverkies het voor die grondlegging van die wêreld om heilig en sonder gebrek voor Hom in liefde te wees,
“deurdat Hy ons voorbeskik het om ons as sy kinders vir Homself aan te neem deur Jesus Christus, na die welbehae van sy wil,
“tot lof van die heerlikheid van sy genade waarmee Hy ons begenadig het in die Geliefde.
“In Hom het ons die verlossing deur sy bloed, die vergifnis van die misdade na die rykdom van sy genade,
“wat Hy oorvloedig aan ons bewys het in alle wysheid en verstand,
“deurdat Hy aan ons die verborgenheid van sy wil bekend gemaak het na sy welbehae wat Hy in Homself voorgeneem het,
“om die volheid van die tye te reël, met die doel om alle dinge wat in die hemele sowel as wat op die aarde is, onder een hoof in Christus te verenig
“in Hom in wie ons ook ‘n erfdeel ontvang het nadat ons vantevore daartoe verordineer is ooreenkomstig die voorneme van Hom wat alles werk volgens die raad van sy wil,
“sodat ons kan wees tot lof van sy heerlikheid, ons wat reeds tevore op Christus gehoop het,
“in wie julle ook, nadat julle die woord van die waarheid, die evangelie van julle redding, gehoor het, in wie julle, nadat julle ook geglo het, verseël is met die Heilige Gees van die belofte,
“wat die onderpand is van ons erfdeel om sy eiendom te verlos tot lof van sy heerlikheid.”
            As jy hierdie artikel gelees het, dan het die Heilige Gees dit oor jou pad gebring – dan is die vermaning – om terug te keer na jou Eerste Liefde – ook vir jou!

En die Tweede wat hieraan Gelykstaan

·       Wat is ware liefde?
       “God is liefde” 1 Joh 4:16   Daar is drie liefdes in die Bybel: Eros (seksuele liefde), Fileo (menslike liefde) en Agapé (Goddelike liefde). In die gesprek tussen Jesus en Petrus
       het Petrus drie keer na menslike liefde verwys, terwyl Jesus na Goddelike liefde verwys het.
·       God het hierdie feit bewys:
       “Want so lief (Agapé) het God die wêreld gehad, dat Hy sy eniggebore Seun gegee het sodat elkeen wat in Hom glo, nie verlore mag gaan nie, maar die Ewige Lewe kan hê.” Joh 3:16
·       Is dit moontlik dat die liefde (Agapé) van God in Sy kinders volmaak kan word?
        Ja, “Elkeen wat sy Woord bewaar, in hom het die liefde (Agapé) van God waarlik volmaak geword,” 1 Joh 2:5
·       Is daar enige verskil in die liefde wat God vir Sy kinders het en vir diegene wat wedergebore is? Joh 3:3,5
       Nee, “Ek in hulle en U in My, sodat hulle volkome man kan wees, en dat die wêreld kan weet dat U my gestuur het en hulle lief gehad het soos U my lief gehad het.” Joh 17:23
·       Kan mens in die liefde van die Here bly?
Ja, “As julle my gebooie bewaar, sal julle in my liefde bly, net soos Ek die gebooie van my Vader bewaar en in sy liefde bly.” Joh 15:10
·       Is dit moontlik om ‘n liefdelose geaardheid te hê en God nog te ken?
       Nee, “Geliefdes, laat ons mekaar liefhê; want die liefde is uit God, en elkeen wat liefhet, is uit God gebore en ken God.” 1 Joh 4:8.
·       Weet God of jy ware liefde het?
     Ja, “Maar Ek ken julle, dat julle die liefde van God in julle nie het nie.” Joh 5”42
·       Kan ‘n ware gelowige sonder twyfel bewys dat hy of sy in God bly en Hy in hulle?
       Ja, “En ons het die liefde wat God tot ons het, leer ken en geglo. God is liefde; en hy wat in die liefde bly, bly in God, en God in hom.” 1 Joh  4:16
·       In watter mate word van ons verlang om God lief te hê?
       In vier dimensies: “...en jy moet die Here jou God liefhê uit jou hele hart  en uit jou hele siel en uit jou hele verstand en uit jou hele krag. Dit is die eerste gebod.” Mark 12:30 Asook: “En Jesus antwoord hom: Jy moet die Here jou God liefhê met jou hele hart en met jou hele siel en met jou hele verstand.” Matt 22:37
·       Kan mens voortgaan om God te behaag wanneer jou liefde verminder?”
       “Maar Ek het teen jou dat jy jou eerste liefde verlaat het. Onthou  dan waarvandaan jy uitgeval het, en bekeer jou en doen die eerste werke. Anders kom Ek gou na jou toe en sal jou kandelaar van sy plek verwyder as jy jou nie bekeer nie.” Openb 2:4-5
·       Waarom het wedergeborenes God lief?
       “Hierin is die liefde van God tot ons geopenbaar, dat God sy eniggebore Seun in die wêreld gestuur het, sodat ons deur Hom kan lewe. Hierin is die liefde: nie dat ons God liefgehad het nie, maar dat Hy ons liefgehad het en sy Seun gestuur het as ‘n versoening vir ons sondes.” 1 Joh 4:9-10.
·       Wat is Sy Gebod?
        “... 4:2 Hieraan ken julle die Gees van God: elke gees wat bely dat Jesus Christus in die vlees gekom het, is uit God.” 1 Joh 4:2
·       Behoort ‘n mens se liefde vir familie groter te wees as jou liefde vir God?
       Nee, “Wie vader of moeder bo My liefhet, is My nie waardig nie; en wie  seun of dogter bo My liefhet, is My nie waardig nie.” Matt 10:37
·       Moet die mans en die vroue aanhou om mekaar lief te hê?
       Ja, “In alle geval moet elkeen van julle (sonder uitsondering) ook afsonderlik sy eie vrou liefhê net soos homself, en die vrou moet die man eerbiedig.” Efes 3:33
·       Behoort die liefde ‘n permanente instelling in ons lewens te wees?
        Ja, “wandel in liefde, soos Christus ons ook liefgehad het en Hom vir ons oorgegee het as ‘n gawe en offer aan God tot ‘n lieflike geur.” Efes 5:2      
·       Wat is die HERE se nuwe Gebod?
      “‘n Nuwe gebod gee Ek julle, dat julle mekaar moet liefhê; soos Ek julle liefgehad het, moet julle ook mekaar liefhê.” Joh 13:34. Dit gebied Ek julle, dat julle mekaar moet liefhê.” Joh 15:17
·       Hoe sal “almal” weet dat ons Jesus se dissipels is?
“Hieraan sal almal weet dat julle my dissipels is, as julle liefde onder mekaar het.” Joh 13:35
·       Wat het God voorberei vir hulle wat Hom liefhet?
     “Wat die oog nie gesien en die oor nie gehoor en in die hart van ‘n mens nie opgekom het nie, wat God berei het vir die wat Hom liefhet.” 1 Kor 2:9
·       Behoort ‘n mens se liefde beperk te wees tot diegene wat dit beantwoord?
       Nee, “Maar Ek sê vir julle: Julle moet jul vyande liefhê; seën die wat vir julle vervloek, doen goed aan die wat vir julle haat, en bid vir die wat julle beledig en julle vervolg; sodat julle kinders kan word van julle Vader wat in die hemele is; want Hy laat sy son opgaan oor slegtes en goeies, en Hy laat reën op regverdiges en onregverdiges.  “Want as julle liefhet die wat vir julle liefhet, watter loon het julle?
      Doen die tollenaars nie ook dieselfde nie? “En as julle net jul broeders groet, wat besonders doen julle dan? Doen die tollenaars nie ook so nie? “Wees julle dan volmaak soos julle Vader in die hemele volmaak is.” Matt 5:44-47
·       Is die liefde en die haat verenigbaar?
       “Wie sy broeder liefhet, bly in die lig, en in hom is geen oorsaak van struikeling nie. Maar hy wat sy broeder haat, is in die duisternis en wandel in die duisternis en weet nie waarheen hy gaan nie, omdat die duisternis sy oë verblind het.” 1 Joh 2:10-11
·       Het jy die liefde?
        “Al sou ek die tale van mense en engele spreek, en ek het nie die liefde nie, dan het ek ‘n klinkende metaal of ‘n luidende simbaal geword. En al sou ek die gawe van profesie hê en al die geheimenisse weet en al die kennis, en al sou ek al die geloof hê, sodat ek berge kon versit, en ek het nie die liefde nie, dan sou ek niks wees nie. En al sou ek al my goed uitdeel, en al sou ek my liggaam oorgee om verbrand te word, en ek het nie die liefde nie, dan sou dit my niks baat nie.” 1 Kor 13:1-4
·       Hoe weet ander ons het God  lief?
     “Hieraan weet ons dat ons die kinders van God liefhet: wanneer ons God liefhet en sy gebooie bewaar. Want dit is die liefde tot God, dat ons Sy gebooie bewaar; en sy gebooie is nie swaar nie. Want alles wat uit God gebore is, oorwin die wêreld; en dit is die oorwinning wat die wêreld oorwin het, naamlik ons geloof. Wie anders is dit wat die wêreld
     oorwin as hy wat glo dat Jesus die Seun van God is?” 1 Joh 5:2-5
·       Moet alle gelowiges soos God handel?
     “Geliefdes, as God ons so liefgehad het, behoort ons ook mekaar lief te  hê.” 1 Joh 4:11
·       Waarom het ons God lief?
     “Ons het Hom lief, omdat Hy ons eerste liefgehad het.” 1 Joh 4:19
·       In watter mate moet ons, ons naaste liefhê?
     “Jy moet jou naaste liefhê soos jouself.” Matt 19:19
·       Hoe verdryf mens vrees?
     “En ons het die liefde wat God tot ons het, leer ken en geglo. God is liefde; en hy wat in die liefde bly, bly in God, en God in hom. Hierin het die liefde by ons volmaak geword, dat ons vrymoedigheid kan hê in die oordeelsdag; want soos Hy is, is ons ook in hierdie wêreld. Daar is geen vrees in die liefde nie; maar die volmaakte liefde dryf die vrees      buite, want die vrees sluit straf in, en hy wat vrees, het nie volmaak geword in die liefde nie.” 1 Joh 4:16-17
·       Ons moet onberispelik in die liefde wees.
     “... om heilig en sonder gebrek voor Hom in liefde te wees.” Efes 1:4
      “Maar jy, man van God, vlug van hierdie dinge weg, en jaag ná die geregtigheid, godsaligheid, geloof, liefde, lydsaamheid, sagmoedigheid.  Stry die goeie stryd van die geloof, gryp na die ewige lewe, waartoe jy ook geroep is en die goeie belydenis voor baie getuies afgelê het.” 1 Tim 6:11-12
·       Hoe kan ek vervul word met al die volheid van God?
     “... dat Hy aan julle mag gee na die rykdom van sy heerlikheid om met krag versterk te word deur sy Gees in die innerlike mens, sodat Christus deur die geloof in julle harte kan woon, julle wat in die liefde gewortel en gegrond is, en julle in staat kan wees om saam met al die heiliges ten volle te begryp wat die breedte en lengte en diepte en hoogte is, en die liefde van Christus te ken wat die kennis oortref, sodat julle vervul kan  word tot al die volheid van God. En aan Hom wat mag het om te doen ver bo alles wat ons bid of dink, volgens die krag wat in ons werk. Efes  3:16-20
·       Kan mens die wêreld liefhê terwyl jy God liefhet”
     Nee, “Wie sal ons skei van die liefde van Christus verdrukking of  benoudheid of vervolging of honger of naaktheid of gevaar of swaard? Soos geskrywe is: Om U ontwil word ons die hele dag gedood, ons is gereken as slagskape. Maar in al hierdie dinge is ons meer as  oorwinnaars deur Hom wat ons liefgehad het. Want ek is versekerd dat  geen dood of lewe of engele of owerhede of magte of teenwoordige of  toekomende dinge of hoogte of diepte of enige ander skepsel ons sal kan skei van die liefde van God wat daar in Christus Jesus, onse Here, is nie.” Rom 8:35-39 en “Moenie die wêreld liefhê of die dinge wat in die wêreld is nie. As iemand die wêreld liefhet, dan is die liefde van die Vader nie in hom nie.” 1 Joh 2:15
·       Hoe ontvang ons God se liefde?
       “... maar ons roem ook in die verdrukkinge, omdat ons weet dat die verdrukking lydsaamheid werk, en die lydsaamheid beproefdheid en die beproefdheid hoop; en die hoop beskaam nie (hoekom nie?), omdat die liefde van God in ons harte uitgestort is (hoe?)deur die Heilige Gees wat aan ons gegee is. Rom 5:3-5
·       Kan die grootheid van liefde bepaal word?
     “Al sou ek die tale van mense en engele spreek, en ek het nie die liefde nie, dan het ek ‘n klinkende metaal of ‘n luidende simbaal geword. En al sou ek die gawe van profesie hê en al die geheimenisse weet en al die kennis, en al sou ek al die geloof hê, sodat ek berge kon versit, en ek het ie die liefde nie, dan sou ek niks wees nie. En al sou ek al my goed  uitdeel, en al sou ek my liggaam oorgee om verbrand te word, en ek het nie die liefde nie, dan sou dit my niks baat nie. “Die liefde is lankmoedig en vriendelik; die liefde is nie jaloers nie; die liefde praat nie groot nie, is nie opgeblase nie, handel nie onwelvoeglik nie, soek nie sy eie belang nie, word nie verbitterd nie, reken die kwaad nie toe nie, is nie bly oor die ongeregtigheid nie, maar is bly saam met die waarheid. Dit bedek alles, glo alles, hoop alles, verdra alles. Die liefde vergaan nimmermeer; maar profesieë – hulle sal tot niet gaan; of tale – hulle sal ophou; of kennis – dit sal tot niet gaan. Want ons ken ten dele en ons profeteer ten dele.

     “Maar as die volmaakte gekom het, dan sal wat ten dele is, tot niet gaan.  Toe ek ‘n kind was, het ek gepraat soos ‘n kind, gedink soos ‘n kind,  geredeneer soos ‘n kind; maar nou dat ek ‘n man is, het ek die dinge van ‘n kind afgelê. Want nou sien ons deur ‘n spieël in ‘n raaisel, maar  eendag van aangesig tot aangesig. Nou ken ek ten dele, maar eendag sal  ek ten volle ken, net soos ek ten volle geken is. En nou bly geloof, hoop,  liefde – hierdie 3; maar die grootste hiervan is die liefde.” 1 Kor 13:1-13
·       Is die liefde ‘n gawe of ‘n vrug?
     “Maar die vrug van die Gees is liefde, blydskap, vrede, lankmoedigheid,  vriendelikheid, goedheid, getrouheid, sagmoedigheid, selfbeheersing.” Gal 5:22

“Maar Ek het dit teen jou dat jy jou eerste liefde verlaat het. Onthou dan waarvandaan jy uitgeval het, en bekeer jou en doen die eerste werke. (en as jy dit nie doen nie?)

“Anders kom Ek gou na jou toe en sal jou kandelaar van sy plek verwyder as jy jou nie bekeer nie.” Openb. 2:4-5 – Sjibbolet  

Hoe word ek 'n waardige aanbidder?

Ons moet die Goddelike natuur deelagtig word ‘n Ware Aanbidder, Vol van die Heilige Gees en Eendragtig!

Dit word vereis dat die ware aanbidders God in gees en in waarheid moet aanbid, want...
            “Daar kom 'n uur, en dit is NOU, wanneer die ware aanbidders die Vader in gees en waarheid sal aanbid (hoekom?); want die Vader soek ook mense wat Hom só aanbid.
            “God is Gees; en die wat Hom aanbid, moet in gees en waarheid aanbid.” Joh 4:23-24
            Daar is dus bidders asook ware bidders. Van die ware aanbidders word verwag om die Vader in gees en in waarheid te aanbid.

            Let nou op die volgende: “Jesus het VOL van die Heilige Gees teruggekeer van die Jordaan af...” Luk 4:1
            En: “Maar Stéfanus was VOL van die Heilige Gees en het die oë na die Hemel gehou en die heerlikheid van God gesien en Jesus wat staan aan die regterhand van God.”
Hand 7:55
            Toe Barnabas in Antiochië aankom, was hy VOL van die Heilige Gees. Hand. 11:24.
            Daar is dus ook kere dat ons nie vol is van die Heilige Gees nie.

            Ons kyk ook na: “Hulle almal het EENDRAGTIG volhard in gebed en smeking...” Hand 1:14
            En: “En toe die dag van die Pinksterfees aangebreek het, was hulle almal EENDRAGTIG bymekaar.” Hand 2:1
            Asook: “En dag vir dag het hulle EENDRAGTIG volhard...” Hand 2:46
            Verder: “En toe hulle dit hoor, het hulle EENDRAGTIG die stem tot God verhef...”Hand 4:24
            “En deur die hande van die apostels het daar baie tekens en wonders onder die volk plaasgevind; en hulle was almal EENDRAGTIG saam...” Hand 5:12
            “En die skare het EENDRAGTIG ag gegee...” Hand 8:6
            “En mag die God van lydsaamheid en bemoediging aan julle gee om eensgesind onder mekaar te wees ooreenkomstig die wil van Christus Jesus (hoekom?), sodat julle die God en Vader van onse Here Jesus Christus eendragtiglik uit een mond kan verheerlik.” Rom 15:6
            Dit is dus duidelik dat ons eendragtig in alles moet wees, maar ons is soms nie eendragtig is nie, en soms is ons selfs in tweedrag.
            Dink bietjie... dragtig... eendragtig. ‘n Skaapooi word dragtig, ‘n swangerskap, behalwe, in hierdie Goddelike geestelike swangerskap, dra ons almal die swangerskap soos een... eendragtig!

            Die gemeente, hoe groot of hoe klein ook al moet noodwendig aan sekere vereistes voldoen: Hulle moet 1. Ware aanbidders wees, 2. Vol van die Heilige Gees en 3. Eendragtig.
            Wanneer hierdie drie aksies bymekaar is, dan is Herlewing voor die deur.
            “Daar kom 'n uur, en dit is nou...”

            Altesame 25% van die Bybel bestaan uit profesieë, terwyl sowat 90% van alle profesieë op die Eindtyd dui. Reg deur die Bybel gaan profesieë in vervulling. Vandag nog gaan hulle in vervulling en talle sal nog in vervulling gaan tot selfs nadat die Wederkoms van Christus plaasgevind het.
            Nou begeer die HERE ware aanbidders, vol van die Heilige Gees en Eendragtig bymekaar.

            Wanneer ware aanbidders bid, dan het die geskiedenis bewys is gebed ‘n nasie-skuddende, geskiedenis-makende, wêreld-verskuiwende saak.
            Vol van die Heilige Gees en Eendragtigheid het ‘n wonderwerkende spontaniteit en oorgawe tot gevolg soos in Efes 5:19-21
            “Spreek onder mekaar met psalms en lofsange en geestelike (in Hemelse tale) liedere; en sing en psalmsing in julle hart tot eer van die Here, terwyl julle God die Vader altyd vir alles dank in die Naam van onse Here Jesus Christus, en aan mekaar onderdanig is in die vrees van God.”

            Die geesvervulde vroue sal  wees soos beskryf in Efes 5:22-24
Die geesvervulde mans sal wees soos vervat in Efes 5:25-33.
Geesvervulde diensknegte kan op vertrou word. Efes 6:5-8
Die geesvervulde, eendragtige, ware aanbidders sal die volgende karaktertrekke openbaar:

·       Hulle gemeentelike lewe sal geken word aan ‘n revolusionêre aanbidding;

·       Hul huislike lewe sal op Goddelike geestelike ordelike pilare gebou wees;

·       Hul sakelewe sal geken word aan eerlikheid, opregtheid en redelikheid, en

·       Hul openbare lewens sal gekenmerk word aan Goddelike liefde, deernis, ‘n hulpende hand, omgee.


So word bewaarheid: Soos in die Hemel, so ook op die aarde.

Wanneer daar nie ware aanbidders is nie, nie lewens vol van die Heilige Gees nie, en daar nie eendragtigheid is nie, dan kan dit om die volgende redes wees:

·       ‘n Gebrek aan liefde. 1 Kor 13:1-3

·       Onvergewensgesindheid. Mar 11:25-26

·       ‘n Ondankbare gees. 2 Tim 3:2

·       Bitterheid, toorn. Efes 4:31

·       Rebelsheid. 1 Sam 15:1-35

·       Ongeloof. 1 Jak 6-7

·       Plus vele ander klein jakkalsies wat die wingerd verniel.


Soek ons oplossings, soek ons antwoorde, en groei en vooruitgang en wonderwerke en ryke seëninge, goedheid en guns elke dag? Dan het die tyd NOU aangebreek om in Gees en in Waarheid te aanbid soos Ware Aanbidders, vol van die Heilige Gees en Eendragtig.

In die Heerlikheid, die Glorie, van God sal ons die bonatuurlike beleef. Jesus bid: “Ek het hulle (vir my en jou) die heerlikheid (die Glorie) gegee wat U aan my gegee het (waarom?), sodat hulle een kan wees… net soos Ons een is.” Joh 17:22
Wat ‘n verstommende, byna revolusionêre, verklaring!
Die, HERE, God van die Hemel, die grote en gedugte God, gee sy glorie aan sy seun Jesus Christus en Christus gee dit op Sy beurt –  daardie Goddelike Glorie van die Almagtige God –  aan my en jou. Ontvang dit. Beleef dit!
Ons is geskep om in God se Glorie te leef!
“Ek in hulle (in my en jou) en U in my (hoekom?) sodat hulle volkome een kan wees (hoekom?) sodat die wêreld kan weet dat U my gestuur het, en… hulle liefgehad het soos wat U my lief het.” Joh 17:23
God het ons geskep om in Sy teenwoordigheid te wandel (hoekom?) sodat ons Sy hart kan verstaan en sy Goddelike wonderwerkende krag kan beleef, sy Glorie te kan beleef (hoekom?) om ons lewens te transformeer.
“Immers, Sy goddelike krag het ons (hoeveel?) alles, geskenk wat tot die lewe en godsvrug dien, (hoe?) deur die kennis van Hom wat ons geroep het (hoe?) deur Sy heerlikheid (Glorie) en deug,
“waardeur Hy ons die grootste en kosbare beloftes geskenk het (hoekom?) sodat  julle  daardeur deelgenote kan word van die goddelike natuur (wanneer?) wanneer julle die verdorwenheid ontvlug het wat deur begeerlikheid in die wêreld is.
“En juis daarom ook moet julle met aanwending van alle ywer by julle geloof voeg die deug, en by die deug die kennis, en by die kennis die selfbeheersing, en by die selfbeheersing die lydsaamheid, en by die lydsaamheid die godsvrug, en by die godsvrug die broederliefde, en by die broederliefde die naasteliefde.
“Want as hierdie dinge by julle aanwesig is en toeneem, dan laat dit julle nie ledig of onvrugbaar tot die kennis van onse Here Jesus Christus nie; want hy by wie hierdie dinge nie aanwesig is nie, is blind en kortsigtig, en het die reiniging van sy vorige sondes vergeet.
“Daarom, broeders, moet julle jul des te meer beywer om julle roeping en verkiesing vas te maak; want as julle dit doen, sal julle nooit struikel nie.
“Want so sal ryklik aan julle verleen word die ingang in die ewige Koninkryk van onse Here en Saligmaker, Jesus Christus.” 2 Pet 1:3-11

Ons moet deel word van die Goddelike natuur. Ons en ons lewens is dus baie nou verweef met die Vader, met Jesus, en die Heilige Gees. Dit is so nou verweef dat ons nooit geskei kan word nie.
Ons as Gelowiges verkeer in die mees belangrikste plek in hierdie ganse wêreld. Ons lewens is so dig verweef met Jesus dat selfs die wind nie tussen ons kan deurkom nie. Job 41:7
Eerbiedig hierdie voorreg en wees jaloers daarop en beskerm dit altyddeur. Gaan hierdie Pinkster voluit vir die Volle, Eendragtige Geestelike lewe. – Sjibbolet