Moet nooit moed opgee nie! NOOIT nie!!

https://www.youtube.com/watch?v=qDbToBxhZUo&app=desktop

Skep moed — Ons het dieselfde God!

Een van die grootste matesis-wonderwerke in die wêreld vind ons by Moses en die Israeliete in die woestyn.

            Ons beleef  die verskil tussen vlees en gees, tussen geloof en ongeloof.

   Sowat 3,5 miljoen mense moes 40 jaar lank in ‘n woestyn versorg word.  Volgens ‘n militêre strateeg sou Moses, as hy nie in die geloof gewandel het nie,  moes sorg vir:



·      1 500 ton voedsel per dag

·      Twee goedere treine van 1,6km in lengte sou die kos moes aanry

·      4 000 ton brandhout per dag sou nodig wees om kos te kook

·      Verskeie  goedere treine van 8km in lengte sou die hout moes aanry

·      Hulle sou 20 miljoen liter water benodig het want daar was geen mere of riviere in die woestyn nie

·      ‘n Trein met tenkwaens van 18.8km in lengte sou die water moes aanry

·      As hulle dubbel-gelid deur die Rooi See sou beweeg, sou die tou 1 280km lank gewees het.

·      Die tog deur die Rooi See sou 35 dae en nagte geduur het

·      Daar moes dus ‘n breë opening van sowat 4.8km gewees het sodat die Israeliete 5 000 in gelid in een nag kon deur beweeg

·      Elke keer wat hulle gekamp het, het die kamp ‘n area van 1 200 vk  km beslaan, ‘n area van 48km in die lengte en 40km wyd – so groot soos die Groter Bloemfontein?



Hierdie lysie sou vir elke dag oor ‘n tydperk van 40 jaar moes gegeld het.

Dink jy Moses het aan al hierdie dinge gedink voordat hy vertrek het? Sekerlik nie.

Hulle het ook geen materiaal gehad om nuwe sandale en klere van te maak nie.  Hulle sandale en klere het 40 jaar lank gehou.

Die groter wonderwerk is dat die kinders se sandale saam met hulle voete groter geword het.

Moses het God absoluut geglo. Hy het geweet God sal na al hierdie dinge omsien.

            Die verskil tussen om in die vlees en in die gees te wandel, is enorm en onvergelykbaar, soos toe die vissies en broodjies aan 5 000 man en hulle vroue en kinders uitgedeel was.  Dit verbyster mens se verstand, maar om die dinge van God te verstaan skakel mens juis jou verstand af.

            Ons het presies dieselfde God vandag as wat die Israeliete destyds gehad het.  God het nie verander nie en sal nooit verander nie.

            Ons probleme lyk vir ons soms so oneindig groot, maar dink dan daaraan wat God kan doen!

            Skep moed, ons het dieselfde God.

            Ons moenie God by ons planne en strategieë inskakel nie.  Kom ons skakel by Sy plan in want dan onderneem Hy in alles. Vertrou op die bystand van sy Heilige Engele.

            Die pad vorentoe is een van geloof, waarheid en gees! – Sjibbolet

https://www.youtube.com/watch?v=qDbToBxhZUo

Die doop

Die Doop is ‘n begrafnis

Die  Almagtige God Jaweh het aan Sy volk  Israel en Juda, ‘n skeibrief gegee weens die volk se owerspel. Jes 3:7-8.

            Ingevolge die reël, moet die vrou na ‘n egskeiding wag totdat die man sterf, voordat sy weer in die huwelik mag tree, anders pleeg sy egbreek.

            So sterwe God in sy Seun Yeshua toe aan die kruis sodat ons as vrou weer met God in die huwelik mag tree.

            Dit word genoem die Wedergeboorte. Ons praat ook van die Soendood, omdat ons deur Jesus as Saligmaker aan te neem, te glo en Hom te dien, met God versoen raak.

            As Wedergeborenes staan ons bekend as die Bruid wat op die Tweede Koms van die Bruidegom wag... en dis nie meer lank nie.

            As Bruid gebruik ons die brood en die wyn: Soos wat die brood en die wyn, simbolies is aan Jesus se liggaam en bloed, so is die doop simbolies aan Jesus se begrafnis en opstanding, daarom ‘n watergraf.

            Die besnydenis staan vas, maar vroue is ook nou ingesluit. Let op:

            “Nie hy is 'n Jood wat dit in die openbaar is nie, en nie dít is besnydenis wat dit in die openbaar in die vlees is nie;

maar hy is 'n Jood wat dit in die verborgene is, en besnydenis is dié van die hart, in die gees, nie na die letter nie. Sy lof is nie uit mense nie, maar uit God.” Rom 2:28-30 – Dit is die Wedergeboorte.

            Die seuns in die volk is destyds besny om deel van die Verbondsvolk te wees. Nou word mans en vroue en kinders (vanaf hul verstandelike ouderdom) na die hart besny... maar nie met hande nie.

Die Doop is ‘n begrafnis: “Want in Hom woon al die volheid van die Godheid liggaamlik; en julle het die volheid in Hom wat die Hoof is van alle owerheid en mag; in wie julle ook besny is met 'n besnydenis wat nie met hande verrig word nie, deur die liggaam van die sondige vlees af te lê in die besnydenis van Christus, omdat julle saam met Hom begrawe is in die doop, waarin julle ook saam opgewek is deur die geloof in die werking van God wat Hom uit die dode opgewek het.”  Kol 2:9-14

            En Rom 6:4-9: Ons is dus saam met Hom begrawe deur die doop in die dood, sodat net soos Christus uit die dode opgewek is deur die heerlikheid van die Vader, ons ook so in 'n nuwe lewe kan wandel.

            “Want as ons met Hom saamgegroei het deur die gelykvormigheid aan sy dood, sal ons dit tog ook wees deur dié aan sy opstanding; aangesien ons dit weet dat ons oue mens saam gekruisig is, sodat die liggaam van die sonde tot niet gemaak sou word en ons nie meer die sonde sou dien nie.

            “Want hy wat gesterf het, is geregverdig van die sonde.

            “As ons dan saam met Christus gesterf het, glo ons dat ons ook saam met Hom sal lewe, omdat ons weet dat Christus, nadat Hy opgewek is uit die dode, nie meer sterf nie. Die dood heers oor Hom nie meer nie.

            Jaweh se genade en liefde is so groot, dit sluit ander volkere ook in.

            Die yd loop snel uit, Oral word mense nou gered, selfs kinders. Wat opval is dat nuwe bekeerdes sommer dadelik gedoop wil word... sommer in dieselfde diens. – Sjibbolet



‘n Nuwe bekeerling word sommer in ‘n rivier gedoop. Baie mense doop deesdae in die Oranjerivier



In Israel word in die Jordaanrivier gedoop.

Ons moet Gee om te kan Ontvang

‘n Reisiger is op ‘n tog deur die woestyn. Hy had ‘n paar waterbottels by hom. Die water raak op en hy besef hy gaan sterf. Dan sien hy ‘n ou waterpomp. Hy strompel daarheen en begin pomp, maar dis staal op staal en niks gebeur nie.

 
            Toe sien hy ‘n ou bakpoeier blikkie onder aan die pomp hang. Hy maak dit oop en binne is ‘n kennisgewing met potlood op ‘n stuk bruin papier geskryf.

Dit lees: “Hier is meer as genoeg water onder die grond. Glo net en volg die aanwysings en jy sal water in oorvloed hê. Langs die pomp onder die wit klip is ‘n houer met water in die sand. Moet dit nie drink nie.

Die pomp se wasser is uitgedroog in die woestynson. Gooi die water in die pomp af sodat die leer wasser kan uitswel en die suigkrag kan inskop en begin dan pomp.

            Wanneer jy klaar is, maak die bottel weer vol en bêre dit weer onder die sand vir die volgende reisiger.

Waarskuwing: Jy sal in versoeking wees om die bottel onder die sand uit te drink. Moenie.  Jy sal nie ver kom nie dan sterf jy in elk geval van die dors. Volg die aanwysings, maak al jou waterhouers vol en drink soveel jy wil. Daar is genoeg water om sommer jouself te was ook.

Bêre weer die bottel vol water onder die sand. So sal jy genoeg water hê en so ook die volgende reisiger wat verby kom.

Onderteken deur Desert Pete.”

            Dit is hoe die lewe werk. Daar is genoeg vir jou solank jy aan die volgende persoon ook dink. Eers moet jy gee, dan sal jy ontvang. As jy lewende water van Jesus ontvang het, sorg dat die volgende ongelowige ook van daardie water kry.

            Dink nou mooi, wat sou jy of ek gedoen het as ons by die pomp sou kom. Weet jy wat ‘n dodelike dors is. Skrywer het in die Kalahari so dors geword dat ek ysblokkies uit die lug sien val het. Wanneer ek dit wou vang was daar niks. Ek het kort daarna op water afgekom en gedrink asof ek nooit genoeg sou kon kry nie.

            Sou ek in daardie toestand, ooit die briefie klaar kon lees? Van die water in die bottel onder sand mog mens nie drink nie, anders sou dit te min wees om die pomp te laat werk.

            Jy moet geloof hê en glo.  Jy moet ten eerste die pomp voorberei om te kan pomp. Die wasser moet ten alle koste kans kry om uit te swel anders is daar geen suigkrag nie.

            Die water wat jy onder die sand uitgehaal het, durf jy nie drink nie. Jy moet eers van jouself gee, dan is jy waardig om te kan ontvang.

            As jy die water wel gedrink het, sou diegene wat na jou kom, gladnie water kon kry nie... maar jyself sou ook die uiterste prys moes betaal het.

            Al vra dit wat van ons, asseblief, dink ook aan ander. Jyself is gered en op pad na die Nuwe Jerusalem, maar jy durf nie alleen daar aankom nie. Wat van jou huisgesin, vriende, die boemelaar, die tronkvoël.

            ‘n Man wat tot lewenslank sonder die opsie van parool gevonnis is, het getuig: “Ek moes in die tronk beland om Jesus te vind. Tot my dood toe moet ek hier sit, maar ek is vryer as wat ek ooit in my lewe was.”

            Hoe vorder jy op die Geloofspad vandag? Leef jy net vir jouself, of sien jy die groter prentjie, die oesveld, en pak jy die woestynpad om by siele uit te kom?

            Beleef jy die verfrissende water in die woestyn?  Jakob se dienskneg het vir Ragel by ‘n put ontdek. Jesus het die vrou by die put ontmoet.

            Lees die Woord. Dit is vol aanwysings van diegene wat voor ons die pad geloop het. Jesus het hulle almal water gegee wat soos fonteine by hulle ontspring het. Gaan drink van daardie lewegewende water.

            Hulle wat voor ons by die lewende water was, het net soos ons ook daaglikse probleme beleef... maar hulle het vir ons aanwysings nagelaat. Bestudeer die Woord. Dis noodsaaklik om dit te ken en te beleef.

            Mens moet gee voordat jy kan ontvang. Hulle wat voor ons was, het groot klem om hierdie lewensfeit gelê.

            Jesus sê in Joh 14:19 “... omdat Ek leef sal julle ook leef.”

            Die Kingston Trio het die verhaal in ‘n lied verewig:
  https://www.youtube.com/watch?v=08kEFELCb3I

Ons moet mooi luister...

“… en die skape luister na sy stem; en hy roep sy eie skape by hulle naam en lei hulle uit. En wanneer hy sy eie skape uitgebring het, loop hy voor hulle uit; en die skape volg hom, omdat hulle sy stem ken. Hulle sal 'n vreemde nooit volg nie, maar van hom wegvlug, omdat hulle die stem van die vreemdes nie ken nie.” Joh 10:3-5

            Luister weer: “My skape luister na my stem, en Ek ken hulle, en hulle volg My. En Ek gee hulle die Ewige Lewe, en hulle sal nooit verlore gaan tot in ewigheid nie, en niemand sal hulle uit my hand ruk nie. My vader wat hulle aan My gegee het, is groter as almal; en niemand kan hulle uit die hand van my Vader ruk nie. Ek en die Vader is een.” Joh 10:27-30

            Ons is Jesus se skape, waarom luister ons sommer na enige stem? Ons moet seker maak. Ons luister uitsluitlik na ons Herder se stem, na geen ander stem nie. Moenie die ander stemme skuld gee as jy nie reg geluister het nie. “Vlug weg” as jy ander stemme hoor.

            Gewone aardse skade reageer nie eers op die stem van ‘n vreemdeling nie. – Sjibbolet       


https://www.youtube.com/watch?v=e45dVgWgV64
Preview YouTube video Do sheep only obey their Master's voice?

Ons glo met ons gees!

Glo jy, of glo jy...

Die ou tannie kom na vore vir gebed. Net voordat ons bid, merk ons haar handjies is in mekaar gestrengel en die gesiggie is vertrek net ekstra plooie.

            Ons vra: “Tannie, wat doen jy nou.”

            Sy antwoord: “Ek glo.”

            Ons: “Nee tannie, jy glo nie, jy konsentreer. Ontspan liewer en ons sal jou las dra en vir jou glo.”

            Sy is daardie oomblik genees.

            Met ons verstand konsentreer ons, met ons gees glo ons.

            Veral in die tyd waarin ons leef, is dit noodsaaklik vir Christene om geestelik gefokus te bly.  Iemand wat sy oë van die pad afhaal, kan verdwaal of die pad byster raak.

            Aan die einde van hierdie pad moet ook jy kan sê:  “Ek het die goeie stryd gestry; ek het die wedloop voleindig; (let wel) ek het die geloof behou. 11 Tim. 4:7

            Iemand wat aan ‘n wedloop deelneem is in meer as een opsig geestelik gefokus:



•          Hy weier om te twyfel

•          Hy weier dat enigiets sy aandag aftrek

•          Hy is en bly gedetermineerd

•          Hy weier om enige kompromieë aan te gaan

•          Hy is en bly gedissiplineerd

•          Hy wil ten alle koste wen



            Onthou, mens wen nie die silwer-medalje nie, die waarheid is dat jy die goue-medalje verloor het!

            Laat jy dan ook elke las aflê en die sonde wat jy so maklik omring, en met volharding loop, die wedloop wat voor jou lê. Heb. 12:1

            Die wedloop is nie meer so lank nie. Jy is reeds in die pylvak. (Let op) Jesus wag by die wenstreep. Trek die volle wapenrusting aan en staan vas. Efes. 6:13-14

            “Vergeet die dinge wat agter is. Strek jou uit na wat voor is en jaag na die doel om die prys te kry. Onthou, dit is ‘n hoë roeping van God in Christus Jesus. Fil. 3:14

            Jy het ook ander pryse in die lewe nagejaag, soos jou suksesvolle loopbaan, jou vrou, man, kinders, huis, motor, plaas, sakeonderneming. Jy het daarna gejaag totdat jy dit verkry het, of, jy is in sommige opsigte nog besig om dit na te jaag. Daar is mos geen plaasvervanger vir sukses nie.

            Maar in die wedloop om die groot prys van die Ewige Lewe het jy by tye nie gestelik gefokus gebly nie. Daar is vergifnis, genade, bely en vergeet wat agter is. Byt die stang (die Woord en die Lewe) met mening vas en bly gefokus.

            Dalk is daar nog ander pryse wat jy nastreef. Gaan voort daarmee. Al weet jy die Wederkoms van Christus gaan more plaasvind, plant vandag nog ‘n boom. As dit geldelike uitkoms is wat jy nastreef, volhard, bly gefokus in jou gees.

            Hou aan om te klop en daar sal vir jou oopgemaak word. As jy ophou klop maak niemand oop nie. Bly gefokus, gedetermineerd, weier om te twyfel, bly gedissiplineerd, hardloop om te wen.

            Wandel volgens dieselfde reël as in dit wat jy reeds bereik het, maar sorg ook, dat jy eensgesind met ander wandel, want jy hardloop beslis nie alleen nie. Fil. 3:16

            Elke dag is jy nader aan die manifestering van die einddoel. Die probleme en moeilikhede wat jy ondervind is maar deel van die hindernis-wedloop.

            In Christus leef ons BO die omstandighede, jy gaan bo-oor die hekkies. Jy leef nie ONDER die omstandighede en val oor die hekkies nie.

            Al jou antwoorde is dalk nader as wat jy besef. Volharding bring oorwinning mee.

            Waak, staan (vas) in die geloof, wees manlik, wees sterk. 1 Kor. 16:13.  Ja, staan jou man, want jy staan nie alleen nie.  Jy is tot alles in staat deur Christus wat jou die krag daartoe gee. Jy het mag ontvang oor al die krag van die vyand. Luk. 10:19.

            Jy word uitgedaag om anders te wees, om ‘n Goddelike spesie te wees, geskape na die Beeld van God, wat nie opgee nie, om aan te hou totdat die deurbraak daar is. Maar onthou, dit is net gefokusde mense wat sien hoe hul drome werklikhede word.

            God is magtig om jou op te bou en jou ‘n erfdeel te gee onder al die heiliges.  Onthou, as God se kind is jy heilig en Hy bou jou op, maak jou sterk. Die voeding daarvoor is in Sy Woord en in jou gemeenskap met Hom.

            Hou die oë gevestig op Jesus Christus want Hy, en niemand anders nie, is jou Leidsman en die voleinder van jou geloof. Hierdie is vir Hom ‘n vreugde en omdat dit al lank gelede vir Hom voorgehou was, het Hy die kruis verdra. Heb. 12:2. Jou oorwinning is reeds bewerk.

            Behou die geloof. Almal het ‘n mate van geestelike geloof ontvang, maar dit baat jou niks as jy daardie geloof nie vrystel nie, nie in aksie stel nie, nie beoefen nie, want dit is hoe dit toeneem in gestalte. So word die kleine mosterdsaadjie ‘n reuse boom.

            Bly in gemeenskap met die Heilige Gees. Op daardie wyse kan jy die hart van God leer ken, wat Sy wil in jou lewe is. Behou ook die geestelike gemeenskap met die Heiliges. Bewaar die eensgesindheid, bemoedig mekaar, dra mekaar, bid vir mekaar. As die Liggaam, die gemeente of ‘n gemeentelid, aangeval word, staan saam, bid hulle deur tot in oorwinning.

“As een lid ly, ly die hele Liggaam.” 1 Kor 12:16. Of jy dit nou wio weet of nie, ‘n seer in die gemeente raak jou intensief. More kan dit jy wees wat gedra moet word.

            “Welgeluksalig is die volk wie se God die HERE is. Ps. 144:15, en welgeluksalig is hy wat die God van Jakob het as sy hulp, wie se hoop is op die HERE sy God. Ps. 146:5 – Sjibbolet

Nederigheid.,...

Vermy dié dodelike magspel

Ek en jy is in ‘n stormsee in ‘n dodelike spel van mag teen mag vasgevang. Het jy al hulpeloos alleen op die oop see rond gedobber, magteloos deur ‘n stroom meegesleur. Dis ‘n magspel... ‘n dodelike magspel.

            Die lewenssee kan net so verraderlik soos die natuurlike see wees. Vrede, eerlikheid, opregtheid, ware liefde, is skaars. Leuens, hoogmoed, huigelary en geveinsdheid is van die lewe se seestrome wat die Gelowige wil lamlê.

            ‘n Huigelaar, doen hom voor as iemand anders, meesal beter as wat hy is, hy is ‘n veinsaard, skynheilig, huigelaar.

            Geveinsdheid: Iemand wat voorgee dat hulle vroom is. Skynheilig.   (Matt 23:28):

            Leuens (Joh 8:44): Iemand het ‘n gees van leuenagtigheid. Opsetlike onwaarheid; valsheid. van leuens aanmekaargesit wees, uit gewoonte baie leuens vertel; 'n leuen het maar 'n kort been, 'n onwaarheid word gou ontdek; 'n leuen om beswil, 'n leuen met 'n goeie doel; 'n leuen in nood is so goed soos 'n stukkie brood, 'n leuen om jouself of ander uit die moeilikheid te help, is nie verkeerd nie, word geglo; al loop die leuen nog so snel, die waarheid agterhaal hom wel, die waarheid kom altyd uit. leuenpropaganda.

            Die leuen is aan die orde van die dag. Die waarheid het die leuen geword en die leuen die waarheid.

            Weet dit maar: Al gaan die leuen twee keer om die aarde, die waarheid agterhaal hom keer op keer.

Gelowiges word deurentyd voorgestel as ’n leërmag, nogtans is ons Leidsman die Prins van Vrede. 

Die doel van hierdie leërmag is om vrede te bewerk en die soldate is mans en vroue, Gelowiges, met ’n geaardheid en ‘n passie vir vrede, vir waardes, vir opregtheid, onvoorwaardelike liefde.
          In hierdie oorlog van Liefde lê mense hulle lewens af vir Christus en word hulle “nuwe skepsels”.
         Die gees van ’n werklike oorlog is presies die teenoorgestelde. Daar is geen liefde nie, net haat en die totale vernietiging van menselewens. Sulke leërmagte het ’n voorhoede en ’n agterhoede.
            God se leërmag het ook ’n agterhoede en ’n voorhoede: “Want julle sal nie baie haastig weggaan en nie soos vlugtelinge vertrek nie; want die HERE trek voor julle uit, en die God van Israel is julle agterhoede.” Jes. 52:12.
            Gelowiges se leërmag moet geestelik militant en gedissiplineerd wees, gedurigdeur oorlog maak, welwetende dat die oorwinning is reeds in hul hand  want die HERE is sy voorhoede sowel as sy agterhoede. Dit is God se Wil dat siele gered word.
            Om oorlog te maak vir die Waarheid is Waarheid —  Waarheid sonder foute en sonder leemtes. Die foutlose reinheid van die Waarheid is altyd in oorlog gewikkel teen die duisternis se kettery en valsheid.

Wanneer mens die Waarheid praat, hoef jy nooit te onthou wat jy gesê het nie. Wanneer jy lieg het jy probleem om die verdraaide feite te onthou.

Wat is hoogmoed?

Dis ‘n abnormale gevoel van eiewaarde, trotsheid, verwaandheid, opgeblasenheid. hoogmoed kom voor die val, 'n hoogmoedige mens word verneder. hoogedwaan, hovaardig, verwaand.

Die Bybel is die enigste Waarheid op aarde en dit word van Gelowiges verwag om die Waarheid uit te leef en die leuen te beveg, en, as die Christendom dit nie so doen nie, dan bevraagteken hy sy eie Waarheid!

Niemand kan die natuurwet, swaartekrag, verbreek nie. Net so is dit ook die wet van die natuur dat heiligheid en sonde teenoor mekaar staan.

Die Waarheid en die leuen, net soos die Lig en die duisternis, het geen gemeenskap met mekaar nie.

Moenie in dieselfde juk trek saam met ongelowiges nie, want watter deelgenootskap het die geregtigheid met die ongeregtigheid, en watter gemeenskap het die lig met die duisternis?

“En watter ooreenstemming het Christus met Bélial, of watter aandeel het die gelowige met die ongelowige?

“Of watter ooreenkoms het die tempel van God met die afgode? Want julle is die tempel van die lewende God, soos God gespreek het: Ek sal in hulle woon en onder hulle wandel, en Ek sal hulle God wees, en hulle sal vir My 'n volk wees.” 2 Kor. 6:14-15.

Oor die wêreld heen het ’n nuwe wending ontstaan:  Christus moet weg want Hy gee aanstoot in die parlemente en byeenkomssale van die wêreld. Die duisternis maak beswaar teen die noem van sy Naam.

“Wie is die leuenaar, behalwe hy wat ontken dat Jesus die Christus is? Dit is die Antichris wat die Vader en die Seun loën.” 1 Joh. 2:22.

Die gees van die Antichris is reeds in ons midde. Die leuen word geglo en die Waarheid word verdraai.

Kyk wat sê die HERE vir Jeremia: “Ek het jou onder my volk as toetser gestel, as vesting, dat jy hulle weg kan ken en toets.

“Hulle is almal die oproerigste van die oproeriges wat omgaan met kwaadsprekery; koper en yster is hulle; hulle handel almal verderflik.

“Die blaasbalk blaas hard; wat uit die vuur gereed kom, is lood; tevergeefs hou hulle aan met smelt, maar die slegtes word nie afgeskei nie.

“Hulle word genoem: Verworpe silwer; want die HERE het hulle verwerp.

“Die woord wat van die HERE tot Jeremia gekom het: “So sê die HERE van die leërskare, die God van Israel: Maak julle weë en julle handelinge goed, dat Ek julle kan laat woon in hierdie plek.

“Vertrou nie op bedrieglike woorde nie – wat sê: Die HERE se tempel, die HERE se tempel, die HERE se tempel is dit!

“Maar as julle jul weë en julle handelinge waarlik goed maak, as julle waarlik reg doen onder mekaar;

“vreemdeling, wees en weduwee nie verdruk nie en geen onskuldige bloed in hierdie plek vergiet nie en agter ander gode nie aan loop tot julle eie skade nie, dan sal Ek julle laat woon in hierdie plek, in die land wat Ek aan julle vaders gegee het, van eeu tot eeu.

“Kyk, julle vertrou op bedrieglike woorde wat nie baat nie. Jer. 6:27-30; 7:1-8.

As bedrieglike woorde, die leuen, hoogmoed, huigelary en geveisdheid binne die Christendom voorkom, is daar ‘n baie groot fout: “Kinders, dit is die laaste uur; en soos julle gehoor het dat die Antichris kom, bestaan daar ook nou baie antichriste, waaruit ons weet dat dit die laaste uur is.

Die verkeerde elemente laat huwelike en gemeentes skeur.

“Hulle het van ons uitgegaan, maar hulle was nie van ons nie; want as hulle van ons was, sou hulle by ons gebly het; maar dit moes aan die lig kom dat hulle nie almal van ons is nie. 1 Joh. 2:18-19.

Van Gelowiges word nederigheid vereis: Beskeie wees. Nederigheid het niks met verkleinering te doen nie. Om jouself te verkleineer is ‘n sonde.

“Want die HERE is verhewe; nogtans sien Hy die nederige aan, en die hoogmoedige ken Hy uit die verte.” Ps 138:6

“Dit is beter om nederig van gees te wees saam met die ootmoediges as om buit te verdeel met die trotsaards.” Spr 16:19

“Die loon van nederigheid is die vrees van die HERE, is rykdom en eer en die lewe.” Spr 22:4

“Want so sê die Hoë en Verhewene wat in die Ewigheid woon, Heilig is sy Naam: Ek woon in die hoogte en in die heilige plek en (en waar nog?) by die verbryselde en nederige van gees, (hoekom) om te laat herlewe die gees van die nederiges en te laat herlewe die hart van die verbryseldes.” Jes 57:15 – Sjibbolet 

Jou getuienis kan die verskil maak!

Die Groot omgee....

In Mississippi het ‘n hengelaar een aand donker onder ‘n hoë padbrug visgevang. Hy was nie bewus van die vrou bo-op die brug wat gereed gemaak het om na haar dood te spring nie.

            Sy het met ‘n erge geplof ‘n entjie van hom af in die rivier beland. Sonder om te dink het hy in die rivier gespring om haar te red.

            Eers toe hy in die water is, onthou hy dat hy nie kon swem nie. Elke keer wat sy kop die water gebreek het, het hy luid om hulp geroep.

            Die betrokke vrou het na hom toe geswem en sy lewe gered... natuurlik haar eie lewe ook.

            Dis bitter laat, ‘n magdom mense verdrink in die lewenssee.  Jy en ek is vissers en sal moet inspring en siele inwin so wat ons kan.

            As jy geen opleiding het oor hoe om te werk te gaan nie, spring in want jy is  nie alleen nie. Jesus het die opdrag gegee, so Hy en die  Heilige Gees is by jou om te help. Jou getuienis is soms al genoeg.

            “Verkondig die Woord; hou aan tydig en ontydig; weerlê, bestraf, vermaan in alle lankmoedigheid en lering.” 2 Tim 4:2

http://www.bing.com/videos/search?q=neem+my+lewe+heer+-+youtube&view=detail&mid=C2479EFD798AC7665AF3C2479EFD798AC7665AF3&FORM=VIRE

Dis die Laaste Uur…

Die gesig sal nog duur tot op die vasgestelde tyd; maar dit spoed voort na die einde en sal nie teleurstel nie. As dit dalk vertoef, wag daarvoor, want alte seker sal dit kom en nie versuim nie. – Hab. 2:3



Die  Huis van Judah en Jerusalem is die Eindtyd barometer. Alles word in die stryd gewerp om soveel Joodse siele moontlik in te bring voordat Jesus kom.

            Die Amerikaanse Joodse Evangelis Sid Roth, het ‘n boek saamgestel met die getuienisse van tien vooraanstaande geredde Jode.

            In Amerika is reeds een miljoen Joodse huishoudings met die boek bereik.

Sid Roth, is besig met die tweede miljoen nadat hulle reeds meer as 600 000 Jode in Rusland bereik het. Hulle is ook druk besig in Israel. Dit word gratis by die huise afgelewer. Die HERE voorsien die astronomiese koste.

Oral oor die wêreld blaas die Jode die ramshorings met mening en meer gereeld.

 



Voordat die ramshorings geblaas word, bid hulle die volgende:

“Vanuit my smalle plek, vanuit my dieptes en beperkings, roep ek na U en U antwoord vanuit U uitgestrekte woonplek.”

Met “smalle plek”word bedoel, my plek van moeilikheid, pyn, frustrasie, verwyte, hartseer. Hulle weet die einde spoed nader, ook vir hul oorlogeteisterde land Israel.

Met die ramshoring roep hulle na God om weg te kom van hul aardsgebonde materialistiese werklikheid.

Hulle blaas vanuit hulle harte na die reinste heilige plek, die Hemel, vir ‘n stortvloed van seëninge.

            Talle Eindtydtekens is bekend wat op die tyd van die Wegraping dui, maar die Herlewing onder die Jode, is seker die grootste en belangrikste teken.

Die skille is besig om van die Jode se oë af te val en hulle neem in hulle honderde, selfs duisende, Jesus aan as Messias en Verlosser. Hier kom ‘n uitstorting van die Heilige Gees soos wat die wêreld nog nooit aanskou het nie. Jesus is op pad.

Roth sê die tyd loop uit, ons moet onverwyld doen wat ons kan om siele in te win.

            Roth verduidelik ons is in die tydvak wat die Bybel na verwys as “…die tye van die nasies vervul is.” Luk 21:24 en Rom 11:25

            En dan die belofte in Rom 11: 26-27 “… en so sal die hele Israel gered word, soos geskrywe is: Die Verlosser sal uit Sion kom en sal die goddelooshede van Jakob (Israel) afwend; en dit is van my kant die verbond met hulle as Ek hulle sondes wegneem.”

            Dit beteken nie dat die tyd vir die ander volkere verstryk het nie, maar bloot dat die fokus nou op die Jode sal val. Tog dui dit aan dat ons skielik baie nader na die einde beweeg.

            In en om Jerusalem is daar reeds 281 Messiaanse gemeentes. Oor die res van die wêreld is daar meer as 450 gemeentes, selfs in Suid-Afrika.

            Die vervulde profetiese lyn loop soos volg:

·       Die Jode word weer ‘n volk. Jes 11:11-12 en dit het in die 20e eeu in vervulling gegaan en duur voort;

·       Die Staat Israel word gevestig. Jes 66:7-8 & Eseg 37:21-22. Gaan op 14 Mei 1948 in vervulling;

·       Die Jode neem weer Jerusalem in. Sag 8:4-8. Is op 7 Junie 1967 vervul;

·       Israel word weer ‘n land van melk en heuning. Eseg 36:34-35. Vervul in 20e eeu en duur voort;

·       Die Hebreeuse taal sal herleef. Sef 3:9. Vervul in 19e & 20e eeu;

·       Die nasies van die wêreld neem saam standpunt in teen Israel oor Jerusalem. Sag 12:1-31. Dit gaan huidiglik in vervulling in die VN en op die grense van Israel.

·       Die Arabiese nasies wil Israel vernietig. Sag 12:6. Dit is tans aan die gang met die opbou van ‘n geallieerde mag bestaande uit weermagte van 57 Arabiese lande.

·       Israel sal sekureiteit en voorspoed geniet. Eseg 38:11;

·       ‘n Russiese geallieerde mag bestaande meesal uit Arabiese state gaan Israel binneval. Eseg 38:1-17; Hierdie aanslag sal bonatuurlik deur God self verslaan word. Eseg 38:18-23 & 39:1-8… Na verwagting sal dit plaasvind sodra die vredesverdrag wat dalk binnekort tussen Israel en die Palestyne onderteken word, in duie stort. Dan word Jesus verwag.


In1973 moes skrywer Nuwe Testamente Israel binne smokkel aan Jode en Joodse soldate tydens die Yom Kippoer Oorlog. Daar was ook die ernstige waarskuwing dat as mens betrap sou word, jy dadelik gedeporteer sou word.

Vandag word die Evangelie deur Jode in Israel verkondig. Sid Roth had bv. ‘n diens in Jerusalem wat deur 550 Jode bygewoon was. Altesame 525 Jode is in daardie diens Wedergebore.

Feit is dat daar min tyd oor is vir mense om gered te word, veral nou dat die soeklig te meer op die Jode val.

https://www.youtube.com/watch?v=dUqm_N8muT0&list=RDp5jX2G1hHtY&index=3

Luister hoe tien duisende Arabiere, die half-broer van die Jood, die HERE loof:

https://www.youtube.com/watch?v=0Aa1tmkTG8k&list=RDp5jX2G1hHtY&index=14

Vermy die dodelike magspel

Ek en jy is in ‘n stormsee in ‘n dodelike spel van mag teen mag vasgevang. Het jy al hulpeloos alleen op die oop see rond gedobber, magteloos deur ‘n stroom meegesleur. Dis ‘n magspel... ‘n dodelike magspel.

Die lewenssee kan net so verraderlik soos die natuurlike see wees. Vrede, eerlikheid, opregtheid, ware liefde, is skaars. Leuens, hoogmoed, huigelary en geveinsdheid is van die lewe se seestrome wat die Gelowige wil lamlê.

            ‘n Huigelaar, doen hom voor as iemand anders, meesal beter as wat hy is, hy is ‘n veinsaard, skynheilig, huigelaar.

            Geveinsdheid: Iemand wat voorgee dat vroom is. Skynheilig.

            Leuens: Iemand het ‘n gees van leuenagtigheid. Opsetlike onwaarheid; valsheid. van leuens aanmekaargesit wees, uit gewoonte baie leuens vertel; 'n leuen het maar 'n kort been, 'n onwaarheid word gou ontdek; 'n leuen om beswil, 'n leuen met 'n goeie doel; 'n leuen in nood is so goed soos 'n stukkie brood, 'n leuen om jouself of ander uit die moeilikheid te help, is nie verkeerd nie; al loop die leuen nog so snel, die waarheid agterhaal hom wel, die waarheid kom altyd uit. leuenpropaganda.

            Die leuen is aan die orde van die dag. Die waarheid het die leuen geword en die leuen die waarheid.

            Al gaan die leuen twee keer om die aarde, die waarheid agterhaal hom keer op keer.

Gelowiges word deurentyd voorgestel as ’n leërmag, nogtans is ons Leidsman die Prins van Vrede. 

Die doel van hierdie leërmag is om vrede te bewerk en die soldate is mans en vroue met ’n geaardheid en ‘n passie vir vrede, vir waardes, vir opregtheid, onvoorwaardelike liefde.
          In hierdie oorlog van Liefde lê mense hulle lewens af vir Christus en word hulle “nuwe skepsels”.
         Die gees van ’n werklike oorlog is presies die teenoorgestelde. Daar is geen liefde nie, net haat en die totale vernietiging van menselewens. Sulke leërmagte het ’n voorhoede en ’n agterhoede.
            God se leërmag het ook ’n agterhoede en ’n voorhoede: “Want julle sal nie baie haastig weggaan en nie soos vlugtelinge vertrek nie; want die HERE trek voor julle uit, en die God van Israel is julle agterhoede.” Jes. 52:12.
            Gelowiges se leërmag moet geestelik militant en gedissiplineerd wees, gedurigdeur oorlog maak, welwetende dat die oorwinning is reeds in sy hand  want die HERE is sy voorhoede sowel as sy agterhoede. Dit is God se Wil dat siele gered word.
            Om oorlog te maak vir die Waarheid is Waarheid —  Waarheid sonder foute en sonder leemtes. Die foutlose reinheid van die Waarheid is altyd in oorlog gewikkel teen die duisternis se kettery en valsheid.

Wanneer mens die Waarheid praat, hoef jy nooit te onthou wat jy gesê het nie. Wanneer jy lieg het jy probleem om die verdraaide feite te onthou.

Wat is hoogmoed?

Dis ‘n abnormale gevoel van eiewaarde, trotsheid, verwaandheid, opgeblasenheid. hoogmoed kom voor die val, 'n hoogmoedige mens word verneder. hoogedwaan, hovaardig, verwaand.

Die Bybel is die enigste Waarheid op aarde en dit word van Gelowiges verwag om die Waarheid uit te leef en die leuen te beveg, en, as die Christendom dit nie so doen nie, dan bevraagteken hy sy eie Waarheid!

Niemand kan die natuurwet, swaartekrag, verbreek nie. Net so is dit ook die wet van die natuur dat heiligheid en sonde teenoor mekaar staan. Die Waarheid en die leuen, net soos die Lig en die duisternis, het geen gemeenskap met mekaar nie.

Moenie in dieselfde juk trek saam met ongelowiges nie, want watter deelgenootskap het die geregtigheid met die ongeregtigheid, en watter gemeenskap het die lig met die duisternis?

“En watter ooreenstemming het Christus met Bélial, of watter aandeel het die gelowige met die ongelowige?

“Of watter ooreenkoms het die tempel van God met die afgode? Want julle is die tempel van die lewende God, soos God gespreek het: Ek sal in hulle woon en onder hulle wandel, en Ek sal hulle God wees, en hulle sal vir My 'n volk wees.” 2 Kor. 6:14-15.

Oor die wêreld heen het ’n nuwe wending ontstaan:  Christus moet weg want Hy gee aanstoot in die parlemente en byeenkomssale van die wêreld. Die duisternis maak beswaar teen die noem van sy Naam.

“Wie is die leuenaar, behalwe hy wat ontken dat Jesus die Christus is? Dit is die Antichris wat die Vader en die Seun loën.” 1 Joh. 2:22.

Die gees van die Antichris is reeds in ons midde. Die leuen word geglo en die Waarheid word verdraai.
Kyk wat sê die HERE vir Jeremia: “Ek het jou onder my volk as toetser gestel, as vesting, dat jy hulle weg kan ken en toets.

“Hulle is almal die oproerigste van die oproeriges wat omgaan met kwaadsprekery; koper en yster is hulle; hulle handel almal verderflik.

“Die blaasbalk blaas hard; wat uit die vuur gereed kom, is lood; tevergeefs hou hulle aan met smelt, maar die slegtes word nie afgeskei nie.

“Hulle word genoem: Verworpe silwer; want die HERE het hulle verwerp.

“Die woord wat van die HERE tot Jeremia gekom het: “So sê die HERE van die leërskare, die God van Israel: Maak julle weë en julle handelinge goed, dat Ek julle kan laat woon in hierdie plek.

“Vertrou nie op bedrieglike woorde nie – wat sê: Die HERE se tempel, die HERE se tempel, die HERE se tempel is dit!

“Maar as julle jul weë en julle handelinge waarlik goed maak, as julle waarlik reg doen onder mekaar; “vreemdeling, wees en weduwee nie verdruk nie en geen onskuldige bloed in hierdie plek vergiet nie en agter ander gode nie aan loop tot julle eie skade nie, dan sal Ek julle laat woon in hierdie plek, in die land wat Ek aan julle vaders gegee het, van eeu tot eeu.

“Kyk, julle vertrou op bedrieglike woorde wat nie baat nie. Jer. 6:27-30; 7:1-8.

As bedrieglike woorde, die leuen, hoogmoed, huigelary en geveisdheid binne die Christendom voorkom, is daar ‘n baie groot fout: “Kinders, dit is die laaste uur; en soos julle gehoor het dat die Antichris kom, bestaan daar ook nou baie antichriste, waaruit ons weet dat dit die laaste uur is.

Hierdie verkeerde elemente laat huwelike en gemeentes skeur.

“Hulle het van ons uitgegaan, maar hulle was nie van ons nie; want as hulle van ons was, sou hulle by ons gebly het; maar dit moes aan die lig kom dat hulle nie almal van ons is nie. 1 Joh. 2:18-19.

Hy is lankmoedig, maar Hy kom beslis

Die storie is al vertel,maar ons herhaal dit om daarop te wys, dat die Koms van Jesus – wat nou volgens al die Eindtyd tekens baie naby is – nie onverwags sal wees om enige mens uit te vang of onverhoeds te betrap nie,
Luister: “Die HERE vertraag nie die belofte (van sy Wederkoms) soos sommige dit vertraging ag nie, maar Hy is lankmoedig oor ons en wil nie hê dat sommige moet vergaan nie, maar dat almal tot bekering moet kom.

“Maar die dag van die HERE sal kom soos 'n dief in die nag,..” 2 Pet 3:9-10.

As ons geweet het wanneer Hy kom, sou meeste tot op die laaste nippertjie gewag het... dis moes hoe ons is. Nou weet ons nie wanneer Hy kom nie sodat ons te alle tye in afwagting kan leef  en sodoende binne Sy wil sal wandel..

Die enigste oorlewende van ‘n skeepsramp het met enkele besittings op ‘n onbewoonde eiland uitgespoel. Hy het ernstig gebid dat God iemand moes stuur om hom te red. Elke dag het hy die horison gefynkam hopende op hulp. Daar was niks en dan het hy weer koorsagtig en vurig tot die HERE gebid op redding.

            Uitgeput het hy na ‘n paar dae opgegee en begin om vir hom ‘n hut as skuiling te bou. Daar was genoeg opdrifsels, boomtakke en blare om die hut te kon bou.

            Een middag laat nadat hy weer vir kos op die eiland gesoek het, kom hy by sy hut aan wat in vlamme staan en tot op die grond afbrand. Hy het nog erger gevoel. Vir hom was alles verlore. Hy was stomgeslaan. Hartseer en kwaad het hy tot God geroep: “HERE, hoe kon U so iets aan my doen?”

            Vroeg die volgende oggend word hy gewek deur ‘n mishoring van ‘n groot skip wat al nader na die eiland beweeg het. Nadat hy gered is wou hy weet: “Hoe het julle geweet ek is hier?”

            Sy redders het geantwoord: “Ons het gistermiddag laat jou rooksein op die horison gesien en besluit om hierlangs te vaar.”
            Dit is so maklik om mismoedig te word wanneer dinge verkeerd loop, maar mens moet nooit hoop verloor nie. God is aan die werk in ons lewens, selfs te midde van ons pyn en lyding. Hou moed, hou aan, beur steeds vorentoe. Jesus is vir seker op pad.

            Onthou, volgende keer as dit vir jou lyk jou hut brand af tot op die grond, dan is dit dalk ook net jou rooksein wat roep na die Genade van God!

“En as Ek gegaan en vir julle plek berei het, kom Ek weer en sal julle na My toe neem, sodat julle ook kan wees waar Ek is.”  – Sjibbolet 

Luister: https://www.youtube.com/watch?v=zS6VxuyN448

Vinniger as 'n oogknik

Skielik!

Die woord “skielik” kom nege keer voor in die Nuwe Testament en agt keer het dit betrekking op die snel en bonatuurlike ingryping van die HERE.


Mark. 13:36 – “dat hy nie miskien skielik kom en julle aan die slaap vind nie.”

Luk. 2:13 – “En skielik was daar saam met die Engel ‘n menigte van die Hemelse leërskare wat God prys en sê:”

Luk. 21:34 – “Maar pas op vir julleself, dat julle harte nie miskien beswaar word deur swelgery en dronkenskap en sorge van die lewe nie, en dié dag julle nie skielik oorval nie.”

Hand. 2:2 – “En daar kom skielik uit die Hemel ‘n geluid soos van ‘n geweldige rukwind, en dit het die hele huis gevul waar hulle gesit het.”

Hand. 16:26 – “En skielik kom daar ‘n groot aardskudding, sodat die fondamente van die gevangenis geskud het. En onmiddellik het al die deure oopgegaan en die boeie van almal het losgeraak.”



Iets van hierdie genoemde eienskappe sal gepaard gaan met die skielike verskyning van Jesus op die wolke vir Sy Heilige Bruid. Die HERE werk soms stadig en geleidelik, maar in hierdie geval, gaan dit skielik wees, vinniger as ‘n blits, vinniger as ‘n oogknik!

            Wees gereed. Verwag Hom met ‘n tintelende opgewondenheid. Kyk op... dis nie meer lank nie.

Ons Denke is soms ‘n Slagveld...

Sonder 0ns Swaard bereik ons Niks

Wanneer ons Wedergebore word, gebeur daar iets groots en besonders in ons lewens. Ons gees word onmiddellik getransformeer na ‘n nuwe Lewe... die Ewige Lewe.

            “Hoor die Woord van die HERE!  Want die HERE het ‘n regsaak  met die inwoners van die land, omdat daar geen trou en geen liefde en geen kennis van God in die land is nie.” Hosea: 4:1.

            As iemand in Christus is, is hy ‘n Nuwe Skepsel;  die ou dinge het verbygegaan, kyk, dit het alles nuut geword.  2 Kor. 5:17.

            En daarby die opdrag:  Word VERNUWE in julle GEMOED (DENKE)! Rom. 12:2. Hierdie vernuwing is dringend noodsaaklik en is ons sleutel tot ‘n oorvloedige geseënde toekoms.

            Dit is van kardinale belang dat ons die Woord moet ken. Die Woord is ons Swaard waarmee ons terugslaan wanner negatiewe gedagtes ons wil oorval. Toe die satan dit met Jesus na sy lang vas probeer het, was Jesus gereed om met die Woord terug te slaan.

            Toe hy dit met Andrew Wommack probeer het, het Wommack sy swaar getrek... hoekom? Want hy kon. Die nuus van Wommack se seun se skielike dood sou menige Christen teen die grond vasdruk. Wommack het sy swaar getrek en sy seun het opgestaan uit die dood.

            Hoe wandel mens is die Gees. Deur die Woord te ken. Negatiewe gedagtes kan jou uitroei. Dit bring niks voort nie behalwe verderf. Jy wen niks daarby nie.

            Jy triomfeer egter wanneer jy die negatiewe met die positiewe Woord vervang. Mense sê so maklik: “Ek is bevrees”, of “Ek is bang...” Jy is nie veronderstel om ooit te vrees of bang te wees nie.

            As so iets jou oorkom, pluk jou swaard uit: “Want God het ons nie 'n gees van vreesagtigheid gegee nie, maar van krag en liefde en selfbeheersing.” 2 Tim 1:7

          Maar hoe, word ‘n mens vernuwe in jou gemoed, in jou denke? Dis iets wat ons moet doen... word vernuwe...

          Wedergeboorte en bekering vind saam plaas, en daarna voortgesette bekering. So word jy vernuwe – deur jou te reinig en op te bou deur middel van die Woord, die Bybel – wat ‘n lamp is vir jou voet! Mediteer op die Woord, maak dit deel van jou hele menswees.

          Mens bou vir jou ‘n Swaard met die Woord. En so doen mens dit. Bely onder meer gereeld die volgende strofes (en daar is talryke meer boublokke beskikbaar):

          “Een ding weet ek  (Jou naam) ek vergeet die dinge wat agter is en strek my uit na wat voor is, en jaag na die doel om die prys te verkry van die hoë roeping van God in Christus Jesus!”  Fil. 3:14.

          “Ek (Jou naam) is tot alles in staat deur Christus wat my die krag gee.”  Fil. 4:13.

          “Immers, Sy Goddelike krag het my (Jou naam)  alles geskenk wat tot die lewe en Godsvrug dien, deur die kennis  van Hom wat my geroep het deur Sy heerlikheid en deug, waardeur Hy my die grootste en kosbaarste beloftes geskenk het, sodat ek daardeur ‘n deelgenoot  kan word van die Goddelike natuur, nadat ek die verdorwenheid ontvlug het wat deur begeerlikheid in die wêreld is.”  2 Pet. 1:3-4.

          “Vir my (Jou naam) is die Koninkryk van God geregtigheid, vrede en blydskap in die Heilige Gees.”  Rom. 14:17.

          “Ek (Jou naam) bid tot die Vader in Jesus se naam en ek ontvang sodat my blydskap volkome kan wees.”  Joh. 16:23-24.

          “Ek (Jou naam) weier om te twyfel, want dan kan ek nie eers iets van die Here ontvang as ek twyfel nie.”  Jak. 1:7.

          “Geseënd is die God en Vader van onse Here Jesus Christus wat na Sy grote barmhartigheid aan my (Jou naam) die wedergeboorte geskenk het tot ‘n lewende hoop (hoop soos in toekomsfeit. en nie “ek wens nie) deur die opstanding van Jesus Christus uit die dode, sodat ek ‘n onverganklike en onverwelklike erfenis kan verkry, wat in die Hemele bewaar is vir my, wat in die krag van God bewaar word deur die geloof tot die saligheid wat gereed is om geopenbaar te word in die laaste tyd.  Pet. 1:3-5.”

           “As ek (Jou naam) my sondes bely, is Hy getrou en regverdig om my die sondes te vergewe en my van alle ongeregtigheid te reinig.” Joh. 1:9.

          “Geseënd is die God en Vader van onse Here Jesus Christus, die Vader van ontferminge en die God van alle vertroosting, wat vir my (Jou naam) troos in al my verdrukking, sodat ek diegene wat in allerhande verdrukking is, kan troos deur die vertroosting waarmee ekself deur God getroos word.” 2 Kor. 3-4.

          “Ek (Jou naam) het my vyande lief; ek seën diegene wat my vervloek, ek doen goed aan diegene wat my haat, en ek bid vir diegene wat my beledig en vervolg.”  Matt. 5:44.

          “In al hierdie dinge is ek (Jou naam) meer as ‘n oorwinnaar deur Hom wat my liefgehad het.  Want ek is versekerd dat geen dood of  lewe of Engele of owerhede of magte of teenwoordige of toekomende dinge of hoogte of diepte of enige ander skepsel my sal kan skei van die liefde van God wat daar in Jesus Christus, my Here is nie.” Rom. 8:37-39.

          “In Hom lewe ek (Jou naam) , beweeg ek, is ek.” Hand. 17:28.

          “As ek (Jou naam) vir hierdie berg (probleme) sê: Hef jou op en werp jou in die see — en nie in my hart twyfel nie, maar glo dat wat ek sê sal gebeur – sal ek verkry net wat ek sê.” Mark. 11:23.

          “As ek (Jou naam) op die HERE wag, kry ek nuwe krag;  ek vaar op met vleuels soos die arende;  ek hardloop en word nie moeg nie, ek wandel en word nie mat nie.” Jes. 40:31.

          “Ek (Jou naam) werp my sorg op die HERE, en Hy sal my onderhou;  Hy sal nooit die regverdige laat wankel nie.”  Ps. 55:23.

          “Ek (Jou naam) het die Here gesoek, en Hy het my geantwoord en uit al my vrees gered.”  Ps. 34:5.

          “Wanneer ek (Jou naam) bid, vergeef ek as ek iets teen iemand het.”  Mark. 11:25.

          “Vrede laat Ek vir jou (Jou naam) na, My vrede gee Ek aan jou.  Laat jou hart nie ontsteld word en bang wees nie.” Joh. 14:27.

          “Die dinge wat by die mens onmoontlik is, is by God moontlik.” Luk. 18:27.

          “Gee opnuut in die binneste van my ‘n vaste gees.”  Ps. 51:12.

          “Ek (Jou naam) gaan na Hom toe wanneer ek vermoeid en belas is, en Hy sal vir my rus gee.” Matt. 11:28.

          “Ek (Jou naam) vertrou op die Here met my hele hart en steun nie op my eie insig nie. Hy het gekom dat ek (Jou naam) lewe en oorvloed kan hê.”  Spr. 3:5;  Joh. 10:10.

          “Ek (Jou naam) bely my misdade teenoor ander en bid vir ander, sodat ek gesond kan word.  Die vurige gebed van die regverdige het groot krag.” Jak. 5:16.

          “As God vir my (Jou naam) is, wie kan teen my wees.”  Rom. 8:31.

          “Die Koninkryk van God is binne-in my (Jou naam)” Luk. 17:21.

          “God het my (Jou naam) nie ‘n gees van vreesagtigheid gegee nie, maar van krag en liefde en selfbeheersing.” 2 Tim. 1:7.

          “God sal my (Jou naam) lei deur Sy raad en my daarna in heerlikheid opneem.” Ps. 73:24.

          “Ek (Jou naam) neem die volle wapenrusting van God op, sodat ek weerstand kan bied in die dag van onheil, nadat ek alles volbring het, staande kan bly.” Efes. 6:10-20.

            Om vernuwe te word in ‘n mens se gemoed, jou denke, gedagtes, beteken om kragtig te word in die HERE en in die krag van Sy sterkte. Efes 6:10-20

Verkeerde gedagtes kan vir ons ‘n ontsettende struikelblok wees. Dan gaan haal ons gewoonlik die spreekwoordelike bobbejaan agter die berg.

            Paulus sê ons moet die (let op) volle, wapenrusting van God aantrek (hoekom?) sodat julle staande kan bly teen die liste van die duiwel. Len jou Bybel.

            “Want ons worstelstryd is nie teen vlees en bloed nie, maar teen die owerhede, teen die magte, teen die wêreldheersers van die duisternis van hierdie eeu, teen die bose geeste in die lug.”

En waar tref hier booshede ons die meeste en diepste... juis in ons gedagtegang!

Komaan, bou vir jou ‘n eie Swaard en trek die volle wapenrusting aan!

            “Daarom, neem die volle wapenrusting van God op (hoekom?), sodat julle weerstand kan bied in die dag van onheil en, nadat julle alles volbring het, staande kan bly.

            “Staan dan vas, julle lendene met die Waarheid omgord, met die borswapen van die geregtigheid aan (die Waarheid, wat jy alleen in die Woord sal vind, omgord jou met die Waarheid. Hoe sterker jy groei in geregtigheid, hoe meer beskut raak jy in Jesus hoede. Later is jy onbereikbaar deur die bose. Jy weier om na skinderstories te luister. Jyself skinder ook nie. Jy staan rotsvas op oorwinningsgrond)

“en as skoene aan julle voete die bereidheid vir die Evangelie van vrede. (so vertrap jy die vyand onder jou voete en stap jy met die Evangelie sonder skaamte, onverskrokke en bring oral vrede. Jy sê soos ‘n Dawid: Met my God spring ek oor ‘n muur.)

“Behalwe dit alles neem die skild van die geloof op waarmee julle al die vurige pyle van die Bose sal kan uitblus (onthou,‘n skild beskerm jou net van voor, jy beweeg dus altyd vorentoe. Alle pyle vanaf die vyand kan jou geen skade berokken nie, jy kan net jouself skade berokken deur verkeerde reaksies op aanvalle teen jou).

“En neem aan die helm van verlossing en die swaard van die Gees – dit is die Woord van God (die Woord is ‘n tweesnydende swaard, die Woord is lewendig. Enigiemand kan gesterwe het, maar sy testament is en bly lewendig. So bly die Woord van die HERE lewendig, oral waar jy dit saai, bring dit resultate, vir seker, al saai jy dit in jou eie lewe).

“terwyl julle met alle gebed en smeking by elke geleentheid bid in die Gees, en juis daartoe waak met alle volharding en smeking vir al die Heiliges (Maak die saak vir jouself uit oor die betekenis van “bid in die Gees”. Jy sal by die antwoord uitkom dat dit ‘n Hemelse taal bedoel wat die Heilige Gees vryelik aan jou skenk. Baie belangrik is die feit dat jy en ek vir die Kerk van Jesus Christus, vir al die Heiliges, moet bid want so hou ons die ganse kerk in stand – “Maar daar kom 'n uur, en dit is nou, wanneer die ware aanbidders die Vader in gees en waarheid sal aanbid; want die Vader soek ook mense wat Hom só aanbid.

“God is Gees; en die wat Hom aanbid, moet in gees en waarheid aanbid.” Joh 4:23-24).

“...en vir my (Paulus vra dat vir hom ook gebid moet word, so bid ons dan vir al die leiers, al die gesinne  (hoekom?) sodat 'n Woord my (hulle) gegee mag word as ek my (hulle hul) mond oopmaak om met vrymoedigheid die verborgenheid van die Evangelie bekend te maak,

“waarvoor ek (hulle) 'n gesant is in kettings, (toegewyd, afgesonder om hul roeping waardig te wees) sodat ek daarin vrymoediglik mag spreek soos ek moet spreek.

Die wapenrusting van God is nie ‘n fisiese wapenrusting nie, maar ‘n geestelike wapenrusting. Ken jou Bybel... elke Woord is lewendig.

          “God is vir my (Jou naam) ‘n toevlug en sterkte; as hulp in benoudhede is Hy in hoë mate beproef.” Ps. 46:2.

          “Ek (Jou naam) gee ag op die Woord en sal die goeie vind, en omdat ek op die Here vertrou, is ek gelukkig.” Spr. 16:20.

          “En aan Hom wat mag het om te doen ver bo alles wat ek (Jou naam) bid of dink, volgens die krag wat in my werk.”  Efes. 3:20.

          “Ek (Jou naam) bid en vir my sal gegee word, ek soek en ek sal vind, ek klop en vir my sal oopgemaak word.”  Matt. 7:7.

          “Wees maar net stil tot God, my siel, want van Hom is my (Jou naam) se verwagting.”  Ps. 62:6.

          “Ek (Jou naam) is sterk en vol moed, nie bevrees of verskrik nie, want die Here my God is met my, oral waar ek heengaan.” Jos. 1:9.

          En ten slotte:  “Ek (Jou naam) dink nie aan die vorige dinge nie, en slaan geen ag op wat vroeër gebeur het nie.  Kyk, God gaan iets nuuts maak; nou sal dit uitspruit, sal ek dit nie merk nie?  Kyk, God maak ‘n pad in die woestyn, riviere in die wildernis.” Jes. 43: 19-19. – Sjibbolet