Tegniese probleme met die blogs

Goeie more aan alle lesers en intekenaars

Ek wil julle net in kennis stel dat al 3 blogs, Tabernakel Bedieninge, Gebedversoeke en Gebede sowel as Verhoog Jesus 'n tegniese probleem op het waaraan ons werk, tot dus vêr sonder enige sukses, wees asb geduldig ons werk aan die probleem, elke keer net as ons dink ons kry iets reg, is iets anders weer verkeerd!

Ek het ook al die Intekenaars en volgers verloor en weet nie meer wie ingeteken het en wie nie, ek sal waardeer as elke persoon wat ingeteken het, of wat die blog volg my kan kontak deur e.pos belindapaar@gmail.com en my kan verwittig van enige probleme wat jul met die blog ondervind asb.

Ek het alreeds klagtes ontvang van mense wat sê dat hulle nie verwittig word deur e.pos wanneer ek iets nuuts op die blog sit nie. Die ander probleem wat ondervind word deur mense is dat hulle kommentaar lewer en die kommentaar wys nie op die blog nie, ek wil ook net sê dat ek ook nie meer die e.pos ontvang wat sê iemand het komentaar gelewer nie.

Laastens, mense wat my per e.pos kontak met probleme, se e.pos gaan nou in my "Spam box", en ek is eerlik as ek nie die persoon ken nie is ek soms te bang om die e.pos oop te maak. Soos ek verstaan van die tegniese mense wat my help, het Google veranderinge gebring in Google self en die blogs is daardeur beinvloed. Wees asb geduldig ons werk aan die probleem en glo dat die Here vir ons wysheid en insig sal gee aangaande die probleem om dit op te los, ek glo hierdie is net 'n aanval dat die Evangelie nie verkondig kan word nie, maar God is grooter as enige tegniese probleem, ons sal oorwin in Jesus Naam.

Baie dankie aan al die getroue ondersteuners en lesers van die blogs, ek glo dat mense nog die blog besoek en kan besoek alhoewel die syfer op die 'Total views" nie meer vermeerder nie, ons glo dat daar 'n probleem met die "Total views gadget" is en dat dit nie is omdat mense nie die blog kan bereik nie. Wees geseend in Jesus en bid ook asb vir my bediening dat die Heilige Gees my altyd uit die pad sal neem en Hyself deur my sal skryf, en bid asb dat ons hierdie probleem spoedig sal kan oplos.

Groete en Jesus liefde
Belinda

Het jy ook ‘n Doring in die vlees…

In 2 Kor 12:1-10 sê Paulus dat hy ‘n “doring in die vlees” het.
            Die doel van hierdie boodskap is om aan te toon dat Paulus se “doring in die vlees” nie ‘n siekte was nie.
            As ons met die verskoning kon wegkom dat siekte ‘n doring in vlees is en dus die Vader se Wil is, dan beteken dit noodwendig dat ons almal kort voor lank siek sal wees en dat diegene wat reeds siektes en liggaamlike gebrek het, nie genees kan word nie.
            As die “doring in die vlees” ‘n siekte was, dan sal daar gedurigdeur by alle gelowiges twyfel bestaan het oor waarom hulle siek is en of hulle genees kan word.
            En weet jy wat, as Paulus se doring in die vlees wel ‘n siekte was, dan verhinder dit in elk geval nie dat ons genees kan word nie. Paulus het dan self vir die siekes hande opgelê en hulle het genees.
            Ons lees egter nêrens in Die Bybel dat Jesus Christus of enige van sy dissipels, ‘n sieke of gebreklike weggewys het nie. Daar is ook nooit vir iemand gesê dat hulle nie kan genees nie omdat hulle siekte kwansuis ‘n doring in die vlees sou wees nie.
            Christus het almal genees wat na Hom toe gekom het.
            Boonop het Christus, in Sy Testament wat hy aan ons nagelaat het, skriftelik bevestig dat Hy ons sal genees.
            Kom met ‘n opregte hart na die Vader en jy sal beslis genesing ontvang.
            Let vir eers op: Paulus het nie gesê dat hy ‘n doring in ”sy” vlees het nie. Hy het gesê: ek het ‘n doring in “die” vlees.
            Maar, waarom het die Vader besluit dat Paulus van tyd tot tyd geteister sou word deur ‘n doring in die vlees?
            Onthou, hy was ‘n bevoorregte kind van God, seker meer bevoorreg as die meeste, want:

·        Hy was weggeruk in die Paradys
·        Hy het dinge gehoor wat ‘n mens nie mag uitspreek nie
·        Die Vader het die gawe van die Heilige Gees aan hom toevertrou
·        Hy was die geleerdste man van sy dag
·        Hy het 14 sendbriewe geskrywe
·        Hy het meer in tale gepraat as enigiemand anders
·        Ons kan hom as ‘n soort “super” Christen beskryf
·        Hy het die siekes op verskillende maniere genees
·        Hy was die man met al die antwoorde
·        Hy was bo verdienste deur God begenadig
·        Hy het ‘n besondere maat van wysheid en kennis in die Godsaak openbaar
·        Hy het dinge in die geestelike beleef wat niemand anders beleef het nie
·        Hy het homself op elke moontlike terrein van ander mense onderskei.

Kom ons vra nou onsself af: as ons met al hierdie wonderlike dinge toevertrou was, as ons alles gedoen en beleef het wat hy deurgemaak het, selfs ‘n groot deel van Die Bybel geskryf het, sou God nie dalk vir ons ook '‘ doring in die vlees moes gegee het om ons nederig te hou nie – sodat ons, net soos Paulus, ons ook nie van tyd tot tyd sou verhef nie?
Met ander woorde, Paulus had nie ‘n doring in die vlees vanweë die negatiewe nie, maar juis vanweë die positiewe.
Maar, Paulus het beslis ‘n doring in die vlees gehad, daarvan kom ons nie weg nie.
Wat was die “doring” dan waarna Paulus verwys het?
Paulus antwoord self die vraag, tesame met die rede vir die doring. In die 7e strofe sê hy:
“En dat ek my oor die voortreflikheid van die openbaringe nie sou verhef nie, is my ‘n doring in die vlees gegee (en wat was die during?) – ‘n engel van die Satan.”
Wat het hierdie engel van die Satan aan Paulus gedoen?
Paulus sê: om my met die vuis te slaan, dat ek my nie sou verhef nie.
Goed, nou weet ons dat hierdie engel Paulus soms met die vuis moes slaan. Dit was vir hom ‘n doring in die vlees.
Hy het egter goed geweet waarom hy van tyd tot tyd deur die betrokke engel met die vuis bygedam is – sodat hy hom nie sou verhef nie, en nederig sou bly.
Nog iets. Die woorde “met die vuis geslaan” is nie ‘n heeltemal korrekte vertaling van die Engelse woord “buffet” nie. “Buffet” beteken eintlik stormram, soos wanneer twee ramme mekaar bestorm.
Ons lees egter nêrens dat Paulus  deur siekte gestormram of ge-“buffett” is nie.
As Die Bybel dit dan nie so stel nie, waarom sou mense voortgaan om te sê dat dit ‘n siekte was?
Kom ons bekyk die doring-kwessie van nader.
In Num 33:55 lees ons: “Maar as julle die bewoners van die land, nie voor julle oë uitdrywe nie, sal die van hulle wat julle laat oorbly, “soos dorings in julle oë wees, en soos angels in julle sye, en hulle sal julle beveg in die land waarin julle woon.”
Weer sien ons dat dorings en in hierdie geval ook “angels” beslis nie ‘n siekte is nie.
In hierdie geval was die dorings en die angels niks anders nie as die Kanaäniete wat die Israeliete in hul eie land sou stormram, sou beveg.
Met ander woord, die dorings en die angels was mense. En Paulus praat ook  van ‘n persoon wat hom telkens die skade aanrig.
Let op: Paulus sê: hieroor het ek die Vader drie maal gebid dat hy  (die persoon) van my sou wyk.
In Paulus se geval moes die gevaar bestaan het dat Paulus homself sou kon verhef, daarom dat die Vader  telkens, net wanneer dit sou gebeur, Paulus eers weer terug aarde toe gebring het.
Die Vader antwoord Paulus dan toe ook: My genade is vir jou genoeg.
Met ander woorde, solank Paulus hom nie verhef het nie, was daar geen gevaar dat hy gestormram sou word nie.
Weet jy hoe groot is God se Genade? Dit is soos die vissie wat in die magtige Oranjerivier geswem het en vir die Oranje gesê het: vandag drink ek jou leeg. En die Oranje het geantwoord en gesê: drink maar, my water is vir jou genoeg.
Paulus het inderdaad die gawe van genesing gehad want:

·        Hy preek en merk – met normale gesonde oë – dat die verlamde in die stoel geloof openbaar
·        Hy kon net na siekes kyk, dan het hulle genees
·        Siekes kon sy sakdoek op hulle lê dan het hulle genees

Waarom sou daar steeds gelowiges wees wat aanhou om dinge te beweer wat nie in Die Bybel staan nie?
As almal net bietjie moeite wil doen om hul Bybels deeglik te bestudeer, dan sal persepsies nooit bestaan nie.
Die Bybel sê hoegenaamd nie dat Paulus ‘n siekte gehad het nie, waarom sou ander dit dan sê.
Ons kan onsself nog ‘n interessante vraag afvra:
Veronderstel weer ‘n keer dat Paulus se doring in die vlees wel ‘n siekte was, hoe sou dit ooit moontlik vir hom gewees het om soveel reise te kon onderneem en in so ‘n besondere groot mate die werk van God kon gedoen het?
As dit ‘n siekte was, dan het Paulus  werklikwaar met siekte en al meer vir die Godsaak gedoen as enigeen van ons.
As dit ‘n siekte was, waarom verheerlik jy dan nie ook die Vader met siekte en al nie?
Waarom probeer jy om jou siekte te genees, selfs dokters en spesialiste te gaan spreek? Waarom aanvaar jy dan nie jou siekte nie?
Waarom kla jy gedurig oor jou siekte? Paulus het nooit oor ‘n siekte wat hy sou hê gekla nie.
Dit bring ons by Gal 4:13 … “Maar julle weet dat ek ten gevolge van krankheid van die vlees, die eerste keer die Evangelie aan julle verkondig het … en julle het my beproewing in die vlees nie verag of verfoei nie, maar julle het my ontvang as ‘n Engel van God, as Christus Jesus … Wat was dan julle saligprysing? Want ek getuig van julle dat as dit moontlik was, julle jul oë uitgegrawe en vir my sou gegee het.”
Nou is daar diegene wat beweer dat Paulus ‘n oogsiekte gehad het. Wanneer ons egter die Skrif ondersoek, dan kom ons weer ‘n keer by die regte antwoorde uit.
‘n Logiese vraag is egter, as God vir Paulus, toe hy nog Saulus was, met blindheid geslaan het en hom daarna weer genees het, waarom sou die Vader hom ‘n oogsiekte laat oorhou het?
Maar, uit die Grieks vertaal is die woord “astheneia” nie krankheid nie, maar swakheid, van die vlees.
Die direkte vertaling uit Grieks na Engels lui … “and ye know that on account of weakness of the flesh, I preached …”
In die volgende strofe lees die Afrikaans: “Julle het my beproewing in my vlees nie verag of verfoei nie.”
In Engels lees dit: “And my temptation, which was in my flesh.”
Die direkte Grieks lees egter: “and the trial of you in the flesh of me…”
Die Nederlandse vertaling is ook korrek: “En gij weet, dat ik door zwakheid des vleesches het Evangelie eerstmaal verkondigd heb; en mijne verzoeking, die in mijn vleesch geschiedde, hebt gij niet veracht nocg verfoeid.”
Die sterkste wat ons hieruit kan haal, is dat Paulus aan die begin die eerste keer aan die Galasiërs die Evangelie gebring het, ‘n

·        swakheid in die vlees gehad het
·        dat die swakheid ‘n versoeking was, en
·        dat die swakheid dalk iets met sy oë te doen gehad het.

Die enigste logiese afleiding hiervan, is dat Paulus dalk deur sy oë in die versoeking gekom het. Dalk was hy té krities gesien in die lig van die Jodedom destyds en sy vermoeiende taak om hulle vanuit die Jodedom na die Christendom te bekeer.
Dit is tog so dat mens met jou oë, ook met jou tong, in die vlees en ook in die Gees kan lewe.
Baie van ons leef nog met ons oë in die vlees. Ons sien gedurig die negatiewe raak en pik gereeld daarop en kritiseer meesal tot nadeel van onsself, die Christendom en die uitbreiding van God se Koninkryk.
  “Daarom, rig die slap hande en die verlamde knieë weer op;  en maak reguit paaie vir julle voete, sodat wat kreupel is, nie uit lit raak nie, maar liewer gesond gemaak word.
“Jaag die vrede na met almal, en die heiligmaking waarsonder niemand die Here sal sien nie; en pas op dat niemand in die genade van God veragter nie; dat geen wortel van bitterheid opskiet en onrus verwek en baie hierdeur besoedel word nie.” Hebr 12”12-15 – Sjibbolet

Die LETTER en die GEES

Halloween kry ‘n groterwordende vastrapppek in die Suid-Afrikaanse samelewing. Daar is diegene wat die hou van Halloween verdedig. Ander staan dit teen om geestelike Bybelse redes. Die geskrif hierby gaan nie oor wat Halloween en dergelike is nie, maar oor die rede waarom almal nie begrip vir die gevaar daarvan het nie.

Die LETTER en die GEES

Die Natuurlike mens neem die dinge van die Gees nie aan nie
1 Kor. 2:14
Maar die natuurlike mens neem die dinge van die Gees nie aan nie; want dit is vir hom dwaasheid, en hy kan nie verstaan nie (hoekom nie?) omdat dit  geestelik beoordeel word!

En strofes 12 en 13:
Ons (die geestelike mens) het ewenwel nie die gees van die wêreld ontvang nie maar die Gees wat uit God is (hoekom?) sodat ons kan weet wat God ons uit genade geskenk het.

13:
Daarvan spreek ons ook, nie met  woorde  wat  die  menslike  wysheid  leer  nie maar dié  wat die Heilige Gees leer (hoekom?) sodat ons geestelike dinge met geestelike  vergelyk !

2 Kor 3:6 “…die letter maak dood, maar die gees maak lewend.

1 Kor. 3 se subtitel, lees: Die vleeslike gesindheid ‘n oorsaak van verdeelheid .
In strofe een sê Paulus aan sekere Christene dan ook:…ek kon nie met julle spreek soos met geestelike mense nie, maar soos met vleeslike, soos met klein kinders in Christus.
Ek het julle met melk gevoed, nie met vaste spyse nie (hoekom nie?) want julle was nog nie daartoe instaat nie (en wat meer is…) julle is nou nog nie daartoe instaat nie (hoekom nie?) omdat julle nog vleeslik is….. !!!

Hier het ons dus ‘n geval van wedergeborenes wat nog nie geleer het om in die Gees te wandel nie.

2 Kor. 10 vers 12:
Want ons waag dit nie om ons te reken of te vergelyk (met wie?) met sommige van die wat hulself aanbeveel nie. Maar omdat hulle hul met hulleself meet en met hulself vergelyk, is hulle onverstandig.

Vergelyk ook 1Kor. 15: 44 - 46.
En 1Kor. 14 strofe 37 …”As iemand meen dat hy ‘n profeet is of ‘n geestelike mens, moet hy erken dat wat ek aan julle skrywe, ‘n bevel van die Here is.  (Dit is dus duidelik dat alleen iemand wat ‘n profeet is, of dan geestelik is, sal die brief kan verstaan).

1 Pet. 2:5 …. En laat julle ook soos lewende stene  opbou, tot  (‘n wat?) ‘n geestelike huis (volk), ‘n heilige priesterdom (hoekom?) om geestelike offers te bring wat aan God welgevallig is deur Jesus Christus.

Spreuke 18:21
Dood en Lewe  is in die mag van die tong ; en elkeen wat die graag gebruik sal die vrug daarvan eet.

Met ander woorde:  Of ons spreek Dood, of ons spreek Lewe.

Die gees is Lewe! Die Letter is Dood.

God is positief, ons durf nie negatief wees nie. Ons Lewe  Bo omstandighede en nie onder omstandighede nie.

En verder  –
Die Here sê hy is geen aannemer van die persoon nie. Dus, ons is almal gelyk voor Hom.  Daarom, dit wat die Here vir ander gedoen het of doen, doen Hy ook vir ons. Dis tog ongetwyfel so.
Daarom, as Hy vir Kores dit gedoen het, dan doen hy dit my en jou ook!

Lees nou Jes. 44 : 2 tot 8 en
Eis dit in die naam van Jesus Christus op vir jouself!
Glo dit. Neem dit aan. Sê vir Hom baie dankie daarvoor.
Hy is ‘n “jaloerse God”. Hy wil altyd al die eer hê.

Nietzsche is Dood...

In 1882 het die Duitse Filosoof Friedrich Nietzsche ‘n verklaring te midde van luide applous gemaak: "God is dood".
Hy het namens baie intellektuele gepraat wat geglo het dat die vooruitgang van die wetenskap 'n afname in godsdienstige geloof tot gevolg sal hê – met die Christendom primêr aan die verloorkant.
Selfs so laat as 1957 skryf Julian Huxley: "Operationally, God is beginning to resemble not a ruler but the last fading smile of a cosmic Cheshire cat."
Tog, hier is ons vandag deel van die grootste beweging wat die aarde ooit beleef het. Die Christendom is lewend en gesond in die lewens en
harte van miljoene Gelowiges. Al die tekens is daar dat die Christendom na nog 'n duisend jaar steeds besig sal wees om nuwe wortels te skiet, verlore
terreine terug te wen en te groei.
            Al die tekens is egter ook daar dat daar nie meer ‘n duisend jaar oor is nie. Ons is inteendeel in die laaste uur.
Op die oomblik is daar oorloë in 67 lande van die wêreld. Altesame 728 terroriste en para militêre groepe is betrokke. Christene word wreed vervolg in 50 lande van die wêreld. Die wreedste moorde denkbaar word gepleeg. Kinders ly die ergste. Altesame 29 miljoen mense, meesal vroue en kinders, is as seksslawe verkoop. Aardbewings, sinkgate, vloede, terreur, kom nou daagliks voor.
Ons het al baie dinge deur die eeue oorwin. Ons het selfs die dood oorwin, deurdat ons met Christus versoen is en die Ewige Lewe het.
Steeds is daar mense wat God misken.

Description: cid:image001.jpg@01D22ED3.F3693060


Nietzsche wat as kranksinnige gesterf het

Nietzsche, ‘n verderflike filosoof het in ‘n geestelike duisternis gesterf. Hy was heeltemal buite sy eie verstand. Sy ma moes hom in sy laaste jare versorg.
Op ‘n grafsteen in Oostenryk staan vandag: God is Dood – Nietzsche.
Onder dit het ‘n onbekende persoon gaan skryf: Nietzsche is Dood – God.
  En jy, lewe jy? – Sjibbolet

Japanese Lugdiens – Vlug 123

Japanese Lugdiens Vlug 123 was op 12 Augustus 1985 ‘n geskeduleerde vlug vanaf Tokio op pad na Osaka Internasionaal.
            Die Boeing 747SR was 12 minute in die lug toe ‘n ontploffing aan boord, die vliegtuig onbeheerbaar deur die lug laat sweef en rol het en 32 minute later op Berg Takamagahara 100km van Tokio af laat neerstort het.



Sewe jaar voor die ongeluk het die vliegtuig so skerp geland dat sy stert op ‘n aanloopbaan beskadig is. Die herstelwerk was swak uitgevoer. Daardie gedeelte van die stert het op hierdie vlug afgeruk en die vliegtuig onbeheerbaar gemaak. Die totale hidroliese beheerstelsel van die vliegtuig was ook buite werking.
Die ontploffing het ook die lugdruk binne die vliegtuig buite werking gestel.
Altesame 15 bemanningslede en 505 passasiers is dood, die grootste lugramp ooit. Vier passasiers in die stertgedeelte het die ramp oorleef omdat die stert by impak afgeruk en een kant toe gegooi is.
Terwyl die loods tot op die einde probeer het om die vliegtuig te beheer het die vliegtuig 32min later in vlamme neergestort.
            Een van die passasiers wat omgekom het, het in daardie laaste angswekkende oomblikke ‘n briefie aan sy vrou en drie kinders geskryf.
            Die 52-jarige Hirotsugu Kawaguche moes haastig en gou skryf want die vallende vliegtuig het heen en weer deur die lug gerol.
            Die briefie was aan sy vrou en sy seun Tsuyoshi (21) en sy twee dogters Chiyoko (17) en Mariko (24) gerig.
            Die briefie het gelees:

"EK WIL NIE WEER VLIEG NIE!”

“Wees goed vir mekaar, werk hard en help julle moeder.
Ek is baie hartseer, maar ek is seker en gaan dit nie maak nie.
Vyf minute is reeds verby.
Ek wil nie weer vlieg nie.
Om te dink dat ons ete gisteraand was ons laaste.
Daar was rook in die vliegtuig vanweë die ontploffing en ons het dadelik begin daal.
Tsuyoshi, pa reken op jou.
Moeder... om te dink dat so iets sou gebeur.
Dit is net te erg. Totsiens.
Dit is nou 6:30
Die vliegtuig rol heen en weer en vinnig.
Ek is dankbaar vir my ware gelukkige lewe. Ek het dit geniet tot nou toe.
ASSEBLIEF HERE JESUS, HELP MY

            Net een vraag: “... en as jy op daardie vliegtuig was? – Sjibbolet

Hindernisse is Leerskole

God praat op velerlei wyses met ons, ook deur drome en gesigte, aldus Hand. 2:17. As jy ‘n droom van God ontvang het dan moet jy en jou droom, net soos in Josef se geval, onafskeidbaar van mekaar word (Gen. 37:19). Josef het hom so in sy drome ingeleef dat sy broers hom die “Dromer” genoem het.
            Jou hindernisse is nie jou uiteindelike eindpunt nie. Josef het ook in ‘n paar hindernisse verstrik geraak, soos die put in die wildernis, Potifar se huis en in Farao se tronk – elke hindernis was eintlik ‘n tree verder op sy roete na die paleis toe.
            Die hindernisse is bloot leerskole. God het hom geseën te midde van hierdie moeilike omstandighede. Dalk is jy nog vasgeval by ‘n hindernis op die roete na jou paleis toe! Moenie by die hindernisse vashaak nie. Behou jou visie en jou momentum om op die regte tyd verder te beweeg.
Moenie dat iemand of omstandighede jou van stryk af laat bring nie.  Josef het hom nie deur Potifar se vrou van stryk laat bring nie. Dit het hom tydelik sy vryheid gekos en hy het 'n paar jaar swaargekry, maar hy het deurgedruk en uiteindelik 'n heerser in Egipte geword.
Die tronk van hindernisse is 'n plek waar jy gevorm word.  Daar was verskeie eksterne invloede op Josef, maar hy het aan die droom vasgehou en toegelaat dat die Gees van God hom van binne verander.
            As jy jou oë op die einddoel hou, sal jy weldra aanskuif na die volgende leerskool om uiteindelik paleis toe te gaan. Josef het nie sy tronkstraf aanvaar nie.  Hy lê die skinker se droom uit, en vra dadelik vir hom om hom te help om uit te kom.
Ons is geneig om ‘n hindernis-mentaliteit te ontwikkel. Ons begin kla teenoor almal van die probleem wat ons het. Dit maak ons negatief en veroorsaak ‘n binding in ons gees.
Vertrou op die Almag van God. Niemand kan van Graad 1 af na Graad 12 toe spring nie. Mens moet eers die een eksamen na die ander slaag. Sien ‘n hindernis as eksamentyd.
Raak ontslae van jou tronk-mentaliteit, van gedagtes en gewoontes wat jou bind. Is die verlede altyd vir jou beter as die hede? Is daar swak verhoudings in jou lewe? Emosionele seer?  God wil iets daaraan doen. Wat doen jy daaraan?
Onthou, daar is meer glas in die voorruit as in die truspieëltjie!
            Indien jy ander help met hulle drome, sal God jou help met joune. Josef het die bakker en die skinker se drome uitgelê. Daarna het hy vir Farao ook drome uitgelê en van goeie raad bedien. Hy het ingeskakel by Farao se droom en God het in hierdie inskakeling Josef se eie droom bewaarheid.
            Jy kan vinniger vorder as jou perspektiewe reg is. Binne ‘n kort tydsbestek kan jy van die tronk na die paleis beweeg (Gen. 41:14). Josef se bevryding het snel geskied. Wanneer jy gereed is, kan jy 'n spoedige verandering in jou lewe verwag – 'n verborgenheid wat ons nie verstaan nie:  Ons leer om te wag op die Here, en dit neem soms lank, maar wanneer Hy begin beweeg, kan ons haas byhou!
            God posisioneer jou dalk ook vir toegang tot invloedryke mense in sleutelposisies wat rykdom en bronne tot jou beskikking kan stel, of dalk groot blydskap, dalk ‘n nuwe lewe.
            Die Here sê klop, en vir jou sal (beslis) oopgemaak word. Oor die klop sê die Here, alhoewel die man nie vir sy vriend wou oopmaak en aan hom brode gee nie, het hy nogtans later opgestaan en dit gedoen weens die man se aanhoudende irriterende geklop.
            As hy moedeloos geraak het en ophou klop het, dan het niks gebeur het nie. Hou aan, God is en bly ‘n Waarmaker van sy Woord.
            Mens het al my iemand aangeklop, gemeen hulle is straks uit en dan het jy geloop. Het jy maar aanhou klop, want hulle was agter in die tuin en kon jou nie hoor nie.
            Die HERE belowe, kyk: “Want elkeen wat bid, ontvang; en hy wat soek, vind; en vir hom wat klop, sal oopgemaak word.” Luk 11:10. Nie miskien nie, maar sal oopgemaak word. Hierdie proses kan een uur duur, of een dag, maar ook etlike jare. Hou net aan.
            Ons het die belofte van die Wederkoms. Moenie opgee nie. Bly leef in volle verwagting want so seker as jy hier lees, so seker gaan dit wel gebeur. – Sjibbolet

Waar is Suid-Afrikaners se Geloof?

“Selfs in Israel het Ek nie so ‘n groot geloof gevind nie.” (En in Suid-Afrika?)

            Dit is wat Jesus Christus in Matt. 8:5-13 aan die offisier van Herodus Antipas gesê het. Kon Hy of enigiemand anders dit al van jou, van ons, geloof gesê het?

            Jesus kom in Kapérnaum en die Hoofman oor ‘n Honderd smeek hom: “My kneg lê verlam en hy ly hewige pyne.”

            Jesus aê vir hom:  “Ek sal kom en hom gesond maak.”

            Maar die Hoofman antwoord:  HERE, ek is dit nie werd dat U onder my dak inkom nie, maar spreek  net ‘n woord, en my kneg sal gesond word!”

            En dan motiveer hy sy stelling: Want ek is ook ‘n man onder gesag en ek het soldate onder my. En vir hierdie een sê ek: Gaan! En hy gaan; en vir die ander een: Kom! En hy kom; en vir my dienskneg: Doen dit! En hy doen dit.”

            Toe Jesus dit hoor, het Hy hom verwonder en aan sy volgelinge gesê: “Selfs in Israel het ek so ‘n groot geloof nie gevind nie!” (Mens mag weer vra: En in Suid-Afrika?)

            Aan alle wedergeborenes is ‘n “mate van geloof” gegee.  Dis vir ons om ons geloof uit te bou soos wat ons geestelik tot wasdom groei. God vra dit van ons.

            Maar wanneer ons geloof nie in aksie is nie, dan sê Jesus verder: “Maar Ek sê vir julle dat baie sal kom van die ooste en weste en saam met Abraham en Isak en Jakob sal aansit in die Koninkryk van die hemele. Maar die kinders van die Koninkryk sal uitgedryf word in die buitenste duisternis. Daar sal geween wees en ‘n gekners van tande.”

            Die offisier was ‘n heiden wat nietemin eerbied gehad het vir die Christen Godsdiens. Jesus moes dalk vir homself afgevra het: Moet Ek sy kneg genees? Dit was ongehoord dat ‘n Joodse leraar by die huis van ‘n heiden ingaan.

            Jesus se optrede en wat Hy daarna sê is dat nie afkoms van Abraham nie, maar geloof, toegang gee tot die Koninkryk van die Hemele. Hy genees dus die kneg.

            Eerbied en ware geloof is ook die antwoord op die probleme van vandag.

            Heb. 11 vanaf strofe 17:

·       Deur die geloof het Abraham, toe hy op die proef gestel is, Isak geoffer.

·       Deur die geloof het Isak vir Jakob en Esau geseën met die oog op die toekoms.

·       Deur die geloof het Jakob op sy sterfbed albei die seuns van Josef geseën.

·       Deur die geloof is Moses na sy geboorte deur sy ouers drie maande lank weggesteek.

·       Deur die geloof het Moses toe hy grootgeword het, geweier om die seun van farao se dogter genoem te word.

·       Deur die geloof het Moses Egipte verlaat.

·       Deur die geloof  het Moses die pasga gehou.

·       Deur die geloof het hulle die Rooi See deurgegaan.

·       Deur die geloof het die mure van Jerigo geval.

·       Deur die geloof het Ragab die hoer nie saam met die ongehoorsames omgekom nie.

En dan strofe 32:  “En wat sal ek nog meer sê (oor al hierdie geloofs-dinamika)?

Want die tyd sal my ontbreek as ek (ook) van Gideon, Barak en Simeon en Jefta, Dawid en Samuel en die profete sou vertel ......”

            Let nou op na strofe 33: “... wat deur die geloof:

·       koninkryke oorweldig het!

·       geregtigheid uitgeoefen het!

·       beloftes verkry het!

·       bekke van leeus toegestop het!

·       die krag van vuur uitgeblus het!

·       die skerpte van die swaard ontvlug het!

·       krag uit swakheid ontvang het!

·       dapper gewees het in die oorlog!

·       leërs van vreemdes op die vlug gedryf het!”

Kyk weer na die tweede laaste reël:  DAPPER gewees het in die oorlog!  DAPPER beteken:  Vasberade, onverskrokke. Dit beteken ook: onwankelbaar en onbuigsaam, beginselvas, dus, ook iemand wat geen kompromie aangaan nie.

            Het ons geloof?  Natuurlik het ons geloof?  Ons het dit by die wedergeboorte ontvang. Maar,  Lewe ons deur die geloof....... ?

            Om te sê ons sal probeer om deur die geloof te lewe is so goed as om vir die satan te sê mens is nie toegewyd nie. Jy het nog nie in Christus gesterwe nie.  By die eerste hekkie slaan jy neer.

            Om deur die geloof te kan lewe moet ons beslis en betrokke wees, moet ons determineerd wees, moet ons dapper wees, moet ons weier om kompromieë aan te gaan, moet ons rus (vind) in die HERE.

            As jy kan glo dat Jan van Riebeeck en sy geselskap in drie skepe op 6 April 1652 aan die Kaap de Goeie Hoop geland het, dan kan jy die Bybel ook glo. Jy was nie in Bybelse tye by gewees het en nog minder was jy in 1652 in die Kaap.

Of ons vertrou God absoluut, of, anders lewe ons in twyfel, ons probeer maar.....

            Jak. 1:6-7 .... hy wat twyfel moenie dink dat hy iets van die Here sal ontvang nie!

           Dus… ons moet weier om te twyfel.

"Ons is God se magtige manne (en vroue) vol dapperheid, onverskrokkendheid. Ons weier om te twyfel. Ons staan soos rotse, onwankelbaar. Onthou, ons is GOD se eiendom. Vat iemand aan ons vat hy aan GOD, want, GOD sê: Vir sovele as wat julle dit aan die geringste van My doen, doen julle dit aan My.

            Dit is ook hoekom ons nie wraak moet uitoefen nie. GOD sê:  Hom kom die wraak toe. Hy sal vergeld. Ons moet net besef dat as iemand ons leed aandoen, speel hy of sy met vuur, want hulle het GOD se eiendom aangetas. En daar staan ook geskrywe: Dit is vreeslik om te val in die hande van die Lewende GOD!

            Ons vrees niks, want God het ons nie 'n gees van vreesagtigheid gegee nie, maar ‘n gees van Krag, en van Liefde en van Selfbeheersing. Dit is wat ons ontvang het en dit is wat ons elke dag moet bely.

            Let weer op wat staan reg aan die begin geskrywe ... volgens die KRAG wat IN ons is.

            Daar is geloofskrag in ons om ook die dinge te kan doen wat ons voorsate deur die geloof gedoen het..  volgens ...  dui daarop dat ons daardie geloofskrag moet uitbou, soos 'n gewigopteller sy krag ook uitbou. Hoe groter sy krag, hoe groter die gewig wat hy kan baasraak. 

            Ons moet dus deur Sy Woord en deur praktiese toepassing daarvan, ons geloofskrag uitbou. Kyk hoe waar is die volgende:

            Om nederig te wees is God se Wil. Om jouself te verkleineer, is nie nederigheid nie en is sonde. In die oë van God is ons baie belangrik. Ons is Sy VOLK. Ons is Sy eiendom. Ons is Sy Erfgename. Ons is Sy medewerkers. Ons het die geloof van 'n mosterdsaadjie  –  ons (moet) groei tot 'n reuse Geloofsboom !

            Bely dit,  glo dit, want dit is die Waarheid, en nie die twyfel en onwaarhede wat die satan ons mense mee teister nie.

            Onthou, wanneer mens naby die deurbraak is, sal die druk altyd toeneem. Teenspoed lyk maar soos teenspoed. Hoe harder die stryd hoe groter die oorwinning, want in Christus Jesus IS ons meer as Oorwinnaars !!!

            Probleme wat oor die wêreld aan die kom is, moet maar kom. Ons is Gereed daarvoor!

            God se Koninkryk is op aarde gevestig om ‘n verskil te maak sodat reg en geregtigheid sal geskied.  Ja, ons sal tot die heidene genees, want Hy het gesê ons sal doen wat Hy gedoen het, behalwe dat ons baie meer sal doen as wat Hy gedoen het.

            Waarom verkleineer ons onsself?  Waarom tree ons nie op met eerbied teenoor Hom en met Sy gesag nie? Waarom wil ons altyd soos smartvrate op die negatiewe teer, onder die omstandighede woon in plaas van bo die omstandighede?

            Iemand het gesê:  “We are majoring on minors.  We should be majoring on majors. We should make our own majors!”

            Komaan!  “Rig die slap hande en die verlamde knieë weer op, en maak reguit paaie vir julle voete, sodat wat kreupel is, nie uit lit raak nie, maar liewer gesond gemaak word.”  Heb. 12:12.

            Dan sal die HERE ook kan sê:  Ek het nie in die wêreld so ‘n geloof gesien soos in Suid-Afrika nie!

Verkry die Gees van Wysheid en Openbaring

Ons is tot alles in staat deur Christus wat ons die krag gee. Fil. 4:13.
            God wil dieselfde krag waarmee Hy Christus opgewek het, vaardig sien in sy kinders.
            Efes. 1:15-23 “Daarom – vandat ek gehoor het van die geloof in die Here Jesus wat onder julle is en die liefde tot al die heiliges –
“hou ek ook nie op om vir julle te dank as ek aan julle in my gebede dink nie,
“dat die God van onse Here Jesus Christus, die Vader van die heerlikheid, aan julle die Gees van wysheid en openbaring in kennis van Hom mag gee,
“verligte oë van julle verstand, sodat julle kan weet wat die hoop van Sy roeping en wat die rykdom van die heerlikheid van Sy erfdeel onder die heiliges is;
“en wat die uitnemende grootheid van Sy krag is vir ons wat glo, na die werking van die krag van Sy sterkte. (watter krag?)
“wat Hy gewerk het in Christus toe Hy Hom uit die dode opgewek het en Hom laat sit het aan sy regterhand in die Hemele,
“bo alle owerheid en mag en krag en heerskappy en elke naam wat genoem word, nie alleen in hierdie wêreld nie, maar ook in die toekomstige.
“En Hy het alle dinge onder sy voete onderwerp en Hom as Hoof bo alle dinge aan die gemeente gegee,
“wat sy liggaam is, die volheid van Hom wat alles in almal vervul.
Kyk weer:

·       Hy is Hoof bo alle dinge in die gemeente
·       Die gemeente is sy Liggaam
·       Die gemeente is die volheid van Hom
·       ‘n Volheid wat alles in almal vervul.

Ons het genade en ons het vrede, maar dit moet deurentyd vermeerder word, en ons vermeerder dit deur die kennis van God en Jesus.  2 Pet. 1:2.
Hierdie kennis wat ons opdoen, beklemtoon ook die volgende in 1 Pet. 1:3-8.
“Immers, sy Goddelike krag het ons alles geskenk wat tot die lewe en godsvrug dien (Hoe?), deur die kennis van Hom wat ons geroep het deur sy heerlikheid en deug,
“waardeur Hy ons die grootste en kosbare beloftes geskenk het (hoekom?), sodat julle daardeur deelgenote kan word van die goddelike natuur, nadat julle die verdorwenheid ontvlug het wat deur begeerlikheid in die wêreld is.
“En juis daarom ook moet julle met aanwending van alle ywer by julle geloof voeg die deug, en by die deug die kennis,
“en by die kennis die selfbeheersing, en by die selfbeheersing die lydsaamheid, en by die lydsaamheid die godsvrug,
“en by die godsvrug die broederliefde, en by die broederliefde die naasteliefde (Hoekom?).
“Want as hierdie dinge by julle aanwesig is en toeneem, dan laat dit     julle nie ledig of onvrugbaar tot die kennis van onse Here Jesus Christus nie”
Inderdaad —  “Geseënd is die God en Vader van onse Here Jesus
Christus wat na sy grote barmhartigheid ons die wedergeboorte geskenk het
tot 'n lewende hoop deur die opstanding van Jesus Christus uit die dode,
“sodat ons 'n onverganklike en onbesmette en onverwelklike erfenis kan verkry, wat in die Hemele bewaar is vir ons
“wat in die krag van God bewaar word deur die geloof tot die saligheid wat gereed is om geopenbaar te word in die laaste tyd.” 1 Pet. 1-5.
Dis duidelik dat ons, en niemand anders nie, ons kennis van die Skrifte moet verbreed.  Jesus Christus beklemtoon dit verder in Markus 12:24 wanneer Hy sê:  “Is dit nie daarom dat julle dwaal dat julle die Skrifte en ook die krag van God nie ken nie?”
Ken ons die krag van God?  As ons dit sou ken, dan sou ons ook soos Paulus en baie ander sê: “Want ek skaam my nie oor die evangelie van Christus nie, want dit is 'n krag van God tot redding vir elkeen wat glo, eerste vir die Jood en ook vir die Griek.” Rom. 1:16.
1 Kor. 1:18 sê dat die Woord van die Kruis is dwaasheid vir diegene wat verlore gaan, maar vir my en jou wat gered word, is die Woord, die krag van God. – Sjibbolet

Trek die Volle Wapenrusting aan...

“Geliefdes, glo nie elke gees nie, maar stel die geeste op die proef of hulle uit God is, want baie valse profete het in die wêreld uitgegaan.” 1 Joh 4:1
            In hierdie tyd waarin ons leef, is dit ‘n dringende noodsaaklikheid om oor die gawe van onderskeiding te beskik. Nie alle geestelike aktiwiteite kom vanaf die Heilige Gees nie. Soms is dit moeilik om die oorsprong te bepaal, maar nie wanneer jy die gawe van onderskeiding het nie.
Gelowiges en hulle kinders beleef ‘n totale aanslag.                    
Soos wat enige gawe ontwikkel, ontwikkel die gawe van onderskeiding ook in diepte van waarneming, kennis en openbaring. Soos wat die boosheid op die aarde toeneem, is dit nodig om hoër vlakke van onderskeiding te reik.
Daar is verskillende gawes: “Maar aan elkeen word die openbaring van die Gees gegee met die oog op wat nuttig is.
“Want aan die een word deur die Gees...
·       'n woord van wysheid gegee,
·       en aan die ander 'n woord van kennis vanweë dieselfde Gees;
·       aan 'n ander weer geloof deur dieselfde Gees,
·       en aan 'n ander genadegawes van gesondmaking deur dieselfde Gees;
·       aan 'n ander werkinge van kragte,
·       aan 'n ander profesie,
·       aan 'n ander onderskeiding van die geeste,
·       aan 'n ander allerhande tale,
·       aan 'n ander uitleg van tale.” 1 Kor 12:7-10

Watter van hierdie gawes het jy of strewe jy na?
Op aarde beleef ons ‘n fisiese wêreld, maar ook ‘n geesteswêreld. Ons ken die fisiese wêreld, maar meeste van ons is onbekend met die geestelike.
“Eindelik, my broeders, word kragtig in die Here en in die krag van sy sterkte.
“Trek die volle wapenrusting van God aan, sodat julle staande kan bly teen die liste van die duiwel.
(Let op) “Want ons worstelstryd is nie teen vlees en bloed nie, maar teen die owerhede, teen die magte, teen die wêreldheersers van die duisternis van hierdie eeu, teen die bose geeste in die lug.” Efes 6:10-12
Dit kan mens alleen op geestelike vlak aandurf. Later kan jy sien in die geesteswêreld, neem jy persepsies waar in die Heilige Gees, beide goed asook onheil afkomstig van demoniese engele. Mens verkry in die groei- en ontwikkelingsproses totale insig in die bonatuurlike geesteswêreld.
Jy lê nie iemand haastig die ander op nie sodat jy rein kan by bly en nie straks gemeenskap het met die sondes van die sieke nie. 1 Tim 5:22
Jy beweeg en leef in die Gees. “Maar daar kom 'n uur (wanneer?), en dit is nou, wanneer die ware aanbidders die Vader in gees en waarheid sal aanbid; (hoekom?) want die Vader soek ook mense wat Hom só aanbid.”
Net om seker te maak ons het reg gehoor, herhaal Johannes: “God is Gees; en die wat Hom aanbid, moet in gees en waarheid aanbid.” Joh 4:23-24
Die gawe van onderskeiding van geeste is die Godgegewe vermoë om die geeste wat sit agter verskillende manifestasies of aktiwiteite, te kan identifiseer. So kan mens ook die persoon of toestand identifiseer.
‘n Man vertel in ‘n diens hy ly aan geweldige rugprobleme gepaard met erge pyn. Hy vertel vier mense het al vir hom gebid. Elke keer was alles binne ‘n oomblik normaal en geen pyn nie en binne 24 uur later was alles van vooraf net soos dit was.
Die gawe van onderskeiding wys die fout lê by sy vrou, sy is die medium waardeur die bose gees werk. Sy was onbewus hiervan. Die vrou vertel hoe haar ma altyd die toordokter op die buurplaas laat kom het wanneer daar siekte in die huis was. Die toordokter het hulle dan gesond gemaak.
Daardie gees van die toordokter is uit die vrou gedryf en onmiddellik was haar man vir altyd volkome genees.
Wyle oom Moses van Rooyen van Kakamas het gereeld kom kyk hoe dit met weduwee Hester Brand en haar kinders gaan. Hulle het weerskante van die watervoor gewoon. Een oggend vra Hester vir oom Moses of dit sy baadjie is wat agter haar kombuisdeur hang. Hy het nee gesê.
In daardie stadium is goed oral in huis deur ‘n onsigbare hand rondgeskuif en verplaas, genoeg om enige mens met doodsvrees te vul.
Oom Moses had die gawe van onderskeiding van geeste. Hy het die eienaar van die baadjie binne minute uitgewys en die saak opgelos.
Daar is hope sulke gevalle om aan te haal.
Vir mense wat nie die gawe het, mag dinge obskuur klink, maar vir die een wat die gawe het, is dit ‘n normale lewensgang soos enige van sy ander talente.
Met die gawe van onderskeiding kan mens ‘n diens hou en jy sal skielik weet van mense en hul probleme en dadelik werk daarvan maak.
Hoe lank is jy al ‘n Gelowige? “Want hoewel julle vanweë die tyd leraars behoort te wees, het julle weer nodig dat 'n mens julle die eerste beginsels van die woorde van God moet leer, en julle het weer behoefte aan melk en nie aan vaste spys nie.
“Want elkeen wat melk gebruik, is onervare in die woord van geregtigheid, omdat hy 'n kind is.
“Maar vaste spys is vir volwassenes, vir die wat (let op) geestesvermoëns besit deur die gewoonte geoefen, om goed van kwaad te onderskei.” Hebr 5:12-14
Iemand met die gees van onderskeie begin ook later Engele sien beleef. Kyk maar wat gebeur het in Luk 22:43; Joh 20:11-13; Hand 27:23-24
Paulus onderskei ‘n gees van geloof in ‘n verlamde man. Hand 14:8-10. Paulus het dit nie met elke verlamde gedoen nie, maar in hierdie geval kon hy die gees van geloof onderskei.
Soms, nie altyd nie, is liggaamlike gebreke vanweë bose geeste. Iemand met die onderskeiding van geeste sal dit weet. Jesus het tydens Sy bediening dit hoevele kere beleef. Luk 13:11-13
Iemand moet nooit probeer voorgee of selfs lieg vir iemand wat die gawe van onderskeiding het nie.
‘n Man vra vir gebed vir sy verbrokkelde huwelik, maar die gees van onderskeiding wys hom op die botteltjie muti (toorgoed) wat hy in sy sak het. Toe vir hom gesê word die HERE weet van die muti, toe sê hy maar as die gebed nie sou help nie dan wou hy die muti gebruik. Helaas, God laat Hom nie afdreig of bespot nie.
‘n Hoteleienaar reis byna 1 000km om vir sy rug te laat bid. Ons besoek hom nikswetend. Hy vertel sy storie. Verwese staan hy daar. Die gees van onderskeiding sê vir hom: “Jesus wil jou genees, maar Hy kan nie. Jy verkoop drank onwettig en jy sit gereeld onwaardig by die nagmaaltafel aan. Toe loop sy trane onbedaarlik.
Die gawe van onderskeiding het niks met suspisie te doen nie. Dit wat jy beleef, is nie vir goedkoop praatjies nie. Die Heilige Gees gee jou die gawe om te bou en te genees. Wanneer jy ingryp in ‘n situasie, vra die HERE om wysheid en bly nederig.
Saam met Petrus sê ons vir jou ook: “Mag genade en vrede vir julle vermeerder word deur die kennis van God en Jesus, onse Here!” 2 Pet 1:2 – Sjibbolet