God soek ‘n Man (en ‘n Vrou), wat ‘n baksteen wil neem...

 

“En jy, mensekind, neem vir jou 'n baksteen en sit dit voor jou neer, en teken daarop 'n stad, naamlik (jou dorp, stad, voorstad); maak dan 'n beleëring daarteen en bou forte daarteen en gooi 'n wal daarteen op en stel laers daarteen op en lê stormramme daarteen aan rondom.” Eseg 4:1-3

            Sedert die skepping van die mens het die Almagtige God deur die eeue bewys gelewer van watter waarde Hy heg aan ‘n enkele persoon, EEN MAN, op hierdie aarde.

            Aan EEN man, Adam, word die mag gegee om al die diere van die aarde te noem soos hy wil. Die invloed van die val van dieselfde Adam word vandag nog oor die ganse aarde deur die ganse mensdom gevoel.

            EEN man, Noag, word verkies om die ark te bou, om sodoende ‘n spruit vir die menslike geslag aan die lewe te hou.

            EEN man, Abraham, word geroep uit Ur van die Galdeërs om die vader  van  alle gelowiges te word en die vader van die geslag waaruit Jesus Christus gebore sou word.

            EEN man, die hakkelende Moses, word geroep om die hele volk Israel, uit Egipte uit te lei en vir veertig jaar deur die woestyn te neem. Hy tree op as skakel tussen God en die volk.

            “En ek het onder hulle ‘n man gesoek wat ‘n muur kan bou en voor My aangesig in die bres kan staan vir die land, sodat Ek dit nie verwoes nie, maar Ek het niemand gevind nie.” – Eseg. 22-30

            Toe God die volk wou verdelg, tree Moses  –  EEN MAN  –  op as voorbidder dat die  volk gespaar sou word.

            Na hom volg weer  EEN  man, Josua, en dan elkeen van die Rigters op hul beurt, die profete  Nehemia, Daniël  en andere  wat  as  EENLINGE opgetree het tussen God en die volk, en wat het hulle nie alles uitgerig nie!

            Die Nuwe Testament begin met die optrede van Johannes die doper, as voorloper van Christus.

            Toe was daar Jesus Christus, die grootste leraar, prediker, profeet en hervormer wat die wêreld ooit geken het, en dit bo en behalwe Sy liefdevolle Middelaars- en Versoeningswerk.

            Na Jesus volg die apostels waaronder Petrus a toe weer Paulus  –  EEN man na die ander.

            En verder deur die geskiedenis van die Kerk het God van tyd tot tyd die EEN man gebruik om Sy doel te bereik. Daar was manne soos Luther, Calvyn,   Wesley, Murray, Moody, Hudson Taylor, Billy Graham, George Fuller,   Torrey,   Finney, John Lake  en andere wat as EENLINGE opgetree het en uitgeblink het in die werk van God en wonderlike getuienisse vir Hom op aarde geskep het.

            Maar, wat van die behoefte in hierdie tyd waarin ons, ons bevind? Ons het nou, soos seker nog nooit tevore nie, die hulp en beskerming van die Allerhoogste aan al kante nodig.

            Wat van jou, jy wat nou hier lees? Al gewonder waarom jy juis hierdie boodskap nou moet lees?  Is dit blote toeval dat jy hierdie artikel lees? God soek ‘n man! (toevallig – toe val die lig)

            En Hy soek ook ‘n VROU. Vroue het ook groot rolle in die bou van die Christelike Kerk vertolk. Gemeentes is in hulle huise gestig. Meer as 180 vroue het leidende rolle in die Bybel vertolk, meer as 30 van hulle in die Nuwe Testament.

            Dit is nodig dat manne en vroue VANDAG na die stem van die Here luister en sonder verdere versuim na vore tree en aanmeld vir diens –  heldediens – waardeur hierdie volk gered en vrygekoop sal word!

            Gelowiges is besig om in toenemende maat by die geledere van verskeie  gebedsforums en verootmoedigingsbyeenkomste in te skakel. Hulle reageer op die stem van EEN, die Heilige Gees.

            Hulle het Sy stem gehoor. Hulle het reageer. Hulle is nou voorbidders vir die volk. Hulle tree in vir die volk, vir ons kinders, vir ons toekoms, vir die bou van die Koninkryk van God en die uitbreiding daarvan.

            God soek manne en vroue wat ‘n bres vir Hom kan slaan, ‘n bres vir die Volk kan slaan. Manne en vroue met durf en daad, wat soos Koning Dawid sal sê: “Met my God spring ek oor ‘n muur.”

            Sal God so ‘n man, so ‘n vrou, ook in jou vind? Sal jy gehoorsaam wees aan Sy roepstem?

            Nee, dis nie die werk van die predikante (herders) nie. Herder kry nie lammers nie, net skape. Herders se taak is om die skape so goed te voed (op te lei) dat hulle selfs twee-, drie- en vierlinge aanbring!

            Moenie dink aan hoe ver jy tekort skiet nie. Abraham het ‘n voorspoedige en vol lewe gelei toe die Here hom die opdrag gegee het dat hy moes oppak en trek, en dit boonop deur die woestyn, die vreemde in.

            Waar hy en sy mense gewoon het, het dit baie goed met hulle gegaan. En toe die opdrag om met alles – vroue, kinders, babas, diere, groot en klein, deur die woestyn te trek sonder dat hy geweet het waarheen.

            Abraham het gladnie geweet waarheen by moes trek nie, maar hy het  geweet saam met Wie hy trek!

            Jy sal nie in jou eie krag optree nie. God sal jou  toerus met krag. Hy het dit met almal voor jou gedoen en Hy gaan dit weer met almal van ons doen.

            “Nie deur krag of geweld nie, maar deur My Gees, sê die Here van die leërskare.” –  Mal. 4:6

            God soek ‘n MAN en ‘n VROU wat die muur van gebed sal bou  “wat gedurig die hele dag en die hele nag nie sal swyg nie… en Hom nie met rus sal laat nie, tot Hy Jerusalem (Sy gemeente)  bevestig en maak tot ‘n lofoffer op die aarde.” – Jes. 62:6,7, “want die Here – Sy oë deurloop die aarde(hoekom?) om diegene kragtig te steun wie se hart onverdeeld op Hom gerig is...” – 2 Kron. 16:9

            God soek na ‘n Man, ‘n Vrou.  Is jy bereid om aan te meld?

            “En jy, mensekind, neem vir jou 'n baksteen en sit dit voor jou neer, en teken daarop 'n stad, naamlik (jou dorp, stad of voorstad se naam).

            Neem ‘n groterige Bybel, maak dit oop by Eseg 4:1. Trek die baksteen oor met kleefplastiek en sit dit op die Bybel, op ‘n strategiese plek waar jy elke dag daarin moet vaskyk, soos bv in jou studeerkamer.

            Enige tyd van die dag of die nag en sovele kere soos wat jy gelei word, bid jy vir jou dorp, jou stad of jou voorstad.

            Geestelik in jou gebed bou jy skanse daarteen op om jou dorp of voorstad te beskerm. Geen onheil moet jou dorp of sy inwoners kan binnedring nie. Bou ook geestelike laers, kampe en stormramme... net soos wat jy gelei word.

            Dit gaan oor die beskerming van jou dorp en sy mense. Jou hele gesin kan deelneem.

            Ons bevind ons in ‘n geestelike oorlog. Op ‘n sekere dorp in Suid-Afrika word dit met groot welslae uitgevoer, presies soos in Sag  4:6 “Nie deur krag of deur geweld nie, maar deur my Gees, sê die HERE van die leërskare.”

            Tydens ‘n beleëring was dit altyd vir die vyand ‘n uitdaging om die stad se water af te sny of te vergiftig.

            Hierdie betrokke dorp in SA het nie water nie, en as daar soms water is, is dit ondrinkbaar. Gelowiges het tien teks by boorgate opgesit waar dorpenaars gratis water kan kry. Daar word ook weekliks 36 000 liter water deur hulle aangery.

            As iemand sou sê die baksteen is dwaasheid, onthou net, dis ‘n Goddelike opdrag, so ook dat God jou soek om in die bres te staan vir jou dorp, jou stad, jou voorstad. 1 Kor 1:18;20;21;23;25;27

            Die nag is op ons, siele moet gered word, soos verdwaalde skape na die kraal aangekeer word.

            Gehoorsaam jou roeping. – Sjibbolet

Daar is een Heilfontein...

‘n Koningsdogter getuig gisteraand sy beland in ‘n droom in die hospitaal. Alles, letterlik alles soos gordyne, alle bedde, vloere, gange, oral is bloed en nogmaals bloed. Die verpleegpersoneel is bedrywig en bloed besmeerd, maar hulle is almal gelukkig en glimlag. Die bloed was baie, baie erg. En sy vra: Waar kom al die bloed vandaan?

‘n Koningseun antwoord: Dit kom vanaf Golgota. Daar is ‘n fontein van bloed, meer as genoeg vir wat voorlê. Hier kom ‘n ontsettende groot Herlewing tesame met wonderwerke soos ons nog nooit aanskou het nie. Die verpleegpersoneel (vroedvroue), is vol blydskap.

Luister:  https://www.youtube.com/watch?v=PasK3ZFAOPE

There is a fountain filled with blood
Drawn from Immanuel's veins;
And sinners, plunged beneath that flood,
Lose all their guilty stains:
Lose all their guilty stains,
Lose all their guilty stains;
And sinners, plunged beneath that flood,
Lose all their guilty stains.

“Toe sê Hy vir sy dissipels (vir my en vir jou): Die oes is wel groot, maar die arbeiders min. Bid dan die Here van die oes, dat Hy arbeiders in sy oes mag uitstuur.” Matt 9:37-38 – Sjibbolet

Vrede in Vredehoek

Die Kaapse buurt se naam is Vredehoek, maar in die praghuis van die 90-jarige Duitser was geen vrede nie.

Hy bly in die kelderverdieping van sy huis. Hy slyp halfedelgesteentes, die mooiste werk ooit. Sy seun woon bo in die huis. Hy verkoop sy pa se stene. Pa en seun lewe egter al baie jare lank in haat jeens mekaar. Die kelderverdieping lyk soos iets uit die Middeleeue.

‘n Gehoorsame gelowige vrou, een van ons getroue lesers,  het ‘n tyd gelede met die pa en seun kennis gemaak. Dit was moeilik,

die Duitser obsternaat, erg doof met ‘n verterende haat jeens sy seun en God.

Sy vertel: God het deur my briewe en liefdestakies hom bedien en die Woord laat lewend word, onbaatsugtg, onvoorwaardelik.

Die pa en seun het lewe van mekaar gesteel. Die seun en sy vrou het geen kinders nie en hy is die enigste seun. Die ouman het homself as 'n dooie boom gesien.

Die Here het my in 'n visie gewys hoe die ouman die trappe opklim Hemel toe en hoe Jesus hom inwag.

Onlangs beland die ouman in die hopsitaal. Toe ek by die hospitaal kom, vra hy hoe ek daar uitgekom het, want hy het gewag vir my! Jesus het ons gestuur.

Hierdie man was 'n geslypte seun van God, want hy sê in sy eie woorde, 'all my life I tried to live by what is right and what is wrong' en tog kon hy nie die liefde na sy seun deurgee nie. Hy het so hard probeer om perfek te wees –  en perfeksionisme nagestreef in alles.

Sy seun, is ‘n patetiese figuurtjie, geboeë en gebreek deur die verloop van die lewe. Sy pa is geskei van sy ma toe hy jonk was.

En tog word die 90-jarige ouman getrek deur God se genade sodat hy op sy sterfbed die Waarheid sien en sy hart getransformeer word deur drie woorde: 'I forgive you!

Die woorde ontbreek my om dit te beskryf: Hoe die transformasie sigbaar in trane oor hulle gemanifesteer het in daardie wonderlike oomblik van vergifnis en genade.

Dit was Glorieryk!

En hy is steeds nie dood nie! Dit is asof die Here nou 'n tyd gegee het waarin hulle verlore tyd moet opvang in 'n splinternuwe verhouding!

Loof die Here!!

• En die Grootste van alles, is…

  Die Liefde!


Niks onder die volke van die wêreld sal regkom sonder liefde nie. Ons is haastig om onsself  as Christene te verklaar, maar ons dade teenoor mekaar getuig nie daarvan nie.

          Liefde kan oral in die huishoudings en elke sektor van die samelewing alle probleme oplos.

          Plaas ons die fokus in die Skrif op die liefde, dan sien ons duidelik waar ons grootste probleem lê.

•        God is liefde (1 Joh. 4:16)

•        Sy liefde kan in ons volmaak word. 1 Joh. 2:5

•        Hy is net so lief vir ons as wat Hy vir sy eie Seun is. Joh. 3:3,5

•        Ons kan in Sy liefde bly. Joh. 15:10

•        Sonder liefde ken jy nie God nie. 1 Joph. 4-8

•        God weet wanneer jy nie die liefde het nie. Joh. 5:42

•        Ons kan in liefde met God wandel. 1 Joh. 4:16

•        Jy moet die Here jou God liefhê uit jou hele hart, jou hele siel, jou hele verstand en met al jou krag. Mark. 12:30 & Matt. 22:37)

•        Jy mag nie jou eerste liefde verlaat nie. Openb. 2:4-5

•        Ons het Hom lief omdat Hy ons eerste liefgehad het. 1 Joh. 4:19

•        Hy wat God liefhet, het sy broer ook lief. 1 Joh. 4:21

•        Ons mag nie vader of moeder bo God liefhê nie. Matt. 10:36-38

•        Mans moet hulle vroue liefhê, so lief soos God Sy gemeente het. Efes.

         5:25

•        Elke man moet sy eie vrou liefhê net soos homself. Efes. 5:33

•        Wandel in die liefde. Efes.  5:2

•        ‘n Nuwe verbond gee ek julle, om mekaar lief te hê. Joh. 13:34; 15-17

•        ‘n Verrassing wag op hulle wat God liefhet. 1 Kor. 2:9

•        Ons moet selfs ons vyande liefhê. Matt. 5:44

•        Liefde en haat gaan nie saam nie. 1 Joh. 2:9-10

•        Die wêreld sal weet dat ons Sy dissipels is, as ons mekaar liefhet. Joh.

         13:35

•        Sonder liefde is jy ‘n klinkende simbaal. 1 Kor. 13:1-3

•        Liefde beteken ons onderhou Sy gebooie. 1 Joh. 5:2

•        Die grootste demonstrasie van die liefde, vind ons in Joh. 15:12-13 & 1

          Joh. 3:16

•        Ons moet mekaar liefhê soos  wat God ons liefhet. 1 Joh. 4:11

•        Ons moet ons naaste liefhê. Matt. 19:19

•        Daar is geen vrees in liefde nie. 1 Joh. 4:17-19

•        Ons moet heilig en sonder gebrek vir Hom wees.  Efes. 1:4

•        Jaag na die liefde. 1 Tim. 6:11

•        Ons moet die liefde van Christus ken. Efes. 3:16-20

•        Ons moet ons naaste liefhê soos onsself. Matt. 19:19

•        Daar is geen vrees in liefde nie. 1 Joh. 4:17-19

•        Ons moet heilig en sonder gebrek vir Hom wees.  Efes. 1:4

•        Jaag na die liefde. 1 Tim. 6:11

•        Ons moet die liefde van Christus ken. Efes. 3:16-20

•        Ons mag nie die wêreld liefhê nie. 1 Joh. 2:15

•        ‘n Analise van die liefde vind ons in 1 Kor. 13:1-13

•        Niks kan ons van Sy liefde skei nie. Rom. 8:35:39

•        Die heilige Gees bring Sy liefde in ons harte. Rom. 5:5

•        Die liefde is nie ‘n gawe nie, maar ‘n vrug. Gal. 5:22

•        Die liefde bedek oortredings. Spreuke 17:9

Dit is duidelik dat die liefde, (agapé – Goddelike liefde) die oplossing vir al die probleme van die wêreld en die mensdom is.  Dit is ook die Groot Gebod wat Christus kort voor Sy vertrek aan ons nagelaat het.

Menslike liefde (fileo) is ontoereikend, daarom faal dit telkens. Die skeihowe sit elke week vol, reg oor die land. Menslike liefde (fileo) en seksuele liefde (eros) faal.

Die meeste redes vir die egskeiding word aangevoer as: Die huwelik het onherstelbaar verbrokkel. Al die huwelike wat verniel word en die arme onskuldige kinders wat daaronder ly, kan genees en herstel wanneer Goddelike liefde in ons huise en lewens toegelaat word.

Dit is waar Petrus ook die fout begaan het.  Drie keer vra die HERE hom:  Het jy My lief en elke keer sê hy ja, maar Petrus het van menslike liefde gepraat terwyl Jesus van Goddelike liefde gepraat het.

Daarna verraai Petrus die HERE drie keer, maar sy diepe berou het tot vergifnis gelei en later beskou God hom as ‘n rots in die Koninkryk.

Ons dag en tyd vra ook om diepe berou.  Moenie oor die volgende persoon bekommer nie, begin die saak in jou eie lewe en huis regstel.  Dit is waar die herlewing sal begin, by jou en jou huisgesin!

Ons wil altyd hê die HERE moet ons gebede beantwoord, vir ons deure oopmaak, komaan, begin deur eers jou eie huis se deur vir Jesus en sy Liefde oop te maak! –  Sjibbolet

Wag op die HERE vir Krag

Let op want dit is jou ook bedoel: "Deur Christus het ook julle deel geword van die volk van God toe julle die waarheid wat aan julle verkondig is, die evangelie van julle verlossing, gehoor en tot geloof gekom het. In Christus het die Heilige Gees wat deur God belowe is julle as die eiendom van God beseël. " Eff 1:1-4 (vs. 13).

            Charles G. Finney se naam word gedurig met die Herlewing van meer as 'n eeu gelede verbind. Hy was 'n regsgeleerde, maar na sy oorgawe aan die Here het die Here hom op buitengewone wyse met die Heilige Gees vervul.

Charles G Finney

Sy prediking was daarna vol krag en baie mense het tot bekering gekom. In die Elim Evangel beskryf hy sy ervaring met hierdie woorde wat herinner as die uitstorting van die Heilige Gees op die eerste dissipels op Pinksterdag:

"As I turned and want to take a seat by the fire, I received the mighty Baptism of the Holy Spirit. The Holy Spirit descened upon me in a manner that seemed to go through me, body and soul. I could feel the impressions like a wave of electricity going through and through me. Indeed, it seemd to come in waves and waves of liquid love; for I could not express it in any other way. I wept aloud with joy and love; and I do no know, but I should say I literally bellowed the unuttterable gushings of my heart."

             Sy kragtige verkondiging van die vangelie en die Herlewing wat gevolg het oral waar hy gepreek het, het 'n stempel geplaas op die egtheid van hierdie ervaring.

DL Moody

Die prediker, D. L. Moody, het 'n soortgelyke kragtige ervaring van die vervulling met die Heilige Gees gehad. Ander werkers van die Here, wat net so bruikbaar en geseënd in die Here se diens was, het weer nie so 'n dramatiese ervaring gehad nie.

FB Meyer

Die prediker en skrywer, F. B. Meyer, wat ewe kragdadig deur die Here gebruik is en wat nou nog sy baie boeke gebruik en seën, skryf in The Overcomer soos volg oor sy ervaring van die volheid van die Heilige Gees:

"I left the prayer meeting and crept out into the lane, away from town. As I walked I said, 'O my God, if there is a man who needs the power of the Holy Ghost to rest upon him it is I; but I do not know how to receive Him. I am too tired, too worn, too nervously down, to agonize.' In my heart a voice said: 'As you took forgiveness from the hand of the dying Christ, take the Holy Ghost form the hand of the living Christ.'

”I turned to Christ and said, 'Lord, I breath into me a breathe in this whiff of warm night air, so I breathe into every part of me Thy blessed Spirit.'"

Hy gaan voort om te getuig dat hy nie gevoel het die Here se hand word op hom gelê, of 'n vuurvlam val op hom, of dat hy 'n gedruis uit die Hemel gehoor het nie, maar deur geloof, sonder emosie, sondere opgewondenheid, het hy vir die eerste keer, en daarna keer op keer, die volheid van die Heilige Gees vir hom in sy hart toegeëien. Sy vrugbare arbeid daarna het ook in sy geval die egtheid van sy vervulling met die Heilige Gees bekragtig.

            Paulus skryf aan die Efesiërs: "Ek bid dat Hy deur sy Gees uit die rykdom van sy heerlikheid aan julle die krag sal gee om innerlik sterk te word, dat Christus deur die geloof in julle harte sal woon en dat julle in die liefde gewortel en gegrondves sal wees" (Ef.3:16). "...laat die Gees julle vervul..." (Ef.5:18).

Ons kan nie in eie krag die geringste werk in die Here se Koninkryk met vrug en seën verrig, sonder die krag van die Heilige Gees in ons hart nie. Vra Hom vrymoedig vir die volheid van sy Heilige Gees.

Laat Jesus jou ook met die Heilige Gees vervul want die oes is groot en die arbeiders min. – Sjibbolet

HERE wil U nie asseblief die lewe weer vir ons nuut maak nie!

Wil U nie weer die lewe vir ons nuut maak sodat U volk hulle vreugde in U kan vind nie? (Ps. 85:7)
            Bid dan tot die herskeppende Gees van God: Ons bely dat ware herlewing slegs van U kan kom; Dat ons dit nie uit eie krag kan bewerkstellig nie.

            U Woord roep ons om tot U te bid vir nuwe lewe, daarom bid ons saam met Moses: “Toon aan ons U heerlikheid o Here!”

            En saam met Habakuk pleit ons: “Here, ek het gehoor wat van U vertel is en ek is vervul met ontsag vir wat U gedoen het.”

            Doen dit tog ook in ons tyd, laat U dade ook in ons tyd ervaar word, ontferm U selfs in U toorn.” (Hab. 3:2)

            Lewende Heiland, U wat vir ons intree by die Vader, ons verootmoedig onsself voor U, ons soek U aangesig, ons verlaat ons verkeerde weë.

            Lei ons tot ware sondebesef en reiniging deur U bloed.
            Laat ons nie verflou in gebed totdat U op U tyd en wyse antwoord nie.
            Bring in U kerk ‘n Godgegewe Herlewing – en begin met my, o Here.
            Gee aan U Woord onstuitbare krag.
            Giet U Heilige Gees op leraars en gemeentes, ons mense.
            Gee opregte berou oor sonde en reinig ons deur U heiligheid.
            Verenig U kinders, verdryf alle wêreldsgesindheid, en, Here, lei ons tot geestelike volwassenheid.
            Bring ‘n nuwe gehoorsaamheid, geloof en liefde, vervul ons opnuut met blydskap in die Here God JAWEH.
            U het in Elia se tyd met vuur geantwoord – Doen dit asseblief weer, o Here van die Leerskare.
            Maak U kinders vlammende getuies tot aan die verste uithoeke van die aarde en  bespoedig dié dag wanneer elke knie sal buig en elke tog sal bely: Christus is die HERE.
            HERE, ons bid dit tot eer en verheerliking van U naam en U Koninkryk!
            In die naam van Jesus Christus,
Amen.

Ruk hulle selfs uit die vuur

“En aan sommige wat twyfel, moet julle barmhartigheid bewys; maar ander moet julle met vrees red deur hulle uit die vuur te ruk... Judas 1:22-23

‘n Huis het gebrand. Onder die geloei van die brandweerwaens en polisiesirnes en die skreeue en roepe van die groeiende skare, verskyn die gesiggie van 'n klein meisietjie in 'n boonste venster.
So verskriklik woes brand die vuur, dat selfs nie 'n brandweerman waag dit in die vlamme nie.
Skielik storm 'n man uit die skare, verby die brandweermanne en die veiligheidslyn. In die hardloop trek hy sy baadjie uit en gooi dit oor sy kop.

Sonder om te weifel, hardloop hy die verstikkende rook en vlamme binne. Hy gryp die kleintjie, beskerm haar met sy baadjie, arms en hande, nael deur die gang, by die trappe af en by die deur uit, in die wagtende arms van die brandweermanne in.

Na etlike weke, kom die inwoners van die dorp, in die plaaslike hofsaal bymekaar. Voor, naby die regter, sit die ligtekop meisietjie.

“Almal ken die omstandighede van hierdie kind se ouers se dood. Hulle was arm. Geen voorsorg is vir haar gemaak nie. Wie is bereid om haar as kind aan te neem?”

Dadelik vra van die mense, om haar te mag aanneem. Welgestelde ouers wat net een kind het, kinderlose egpare, ook ander mense met goeie huise, bied aan om haar 'n ouerhuis te gee.

Toe staan 'n man, met verbande om sy arms, hande en kop, agter in die saal op. “Ek het my lewe gewaag om haar te red. My letsels is die bewyse van my omgee vir haar. Mag ek haar kry om haar as my eie kindjie groot te maak?”

“Is daar enige beswaar teen John Brown se eis op haar? Ons ken hom. Ons weet hy is in staat om haar goed groot te maak, te laat leer en lief te hê,” stel die regter die saak.
‘n Doodse stilte begroet sy woorde. Een na die ander trek die ander mense hul versoeke om haar aan te neem terug. Sy word gegee in die sorg van die man, wat bereid was om te sterf, om haar uit die vuur te ruk en red."

            Paulus grond ons posisie voor Christus op Sy liefde vir ons: “Ek bid dat God deur Sy Gees uit die rykdom van Sy heerlikheid aan julle die krag sal gee om innerlik sterk te word, dat Christus deur die geloof in julle harte sal woon en julle…(sal) begryp hoe wyd en ver en hoog en diep die liefde van Chrstistus strek… en mag julle vervul word met die volheid van God." (Efes 3:18-20.

            Daar is verlore mense wet gered moet word, selfs uit die vuur. Dis nie ‘n geval van of ons bereid is om dit te doen nie, dis ons roeping om te dit te doen en die Koninkryk te bou. Doen dit. – Sjibbolet      

Net ‘n Foto

’n Meisietjie het elke dag skool toe en terug geloop, omdat hulle huis nie ver van die skool af was nie. Een dag het die wind opgekom en donderweer, met blitse en dreuning, het opgesteek.

Die ma het gedink haqar kind sou bang wees om in so ’n storm huis toe te loop en ry toe met die motor om haar te gaan haal. Die meisietjie kom toe al aangestap, ewe vrymoedig en sonder vrees. Elke keer as dit blits, staan sy ’n oomblik stil, kyk op, probeer net nog mooier lyk en glimlag. Blits na blits beantwoord sy met ’n glimlag. Die ma hou by haar stil, draai die ruit af en vra: “Wat doen jy, Kindjie? Hoekom gaan jy elke keer staan wanneer die weerlig slaan?” Die kind antwoord vrolik. “Ek probeer mooi lyk, want God neem foto’s van my.”

Bewus van God se teenwoordigheid kan ons in ons lewenstorms ook glimlag en vir God in ons omstandighede probeer mooi lyk.

Met die dissipels, en meesal seker met ons ook, het dit anders gegaan: Markus 4:37-40 En ’n groot stormwind het opgekom, en die golwe het in die skuit geslaan, sodat dit al vol wou word. Maar Hy was agter op die skuit aan die slaap op die kussing. En hulle het Hom wakker gemaak en vir Hom gesê: Meester, gee U nie om dat ons vergaan nie?

En Hy het opgestaan en die wind bestraf en vir die see gesê: Swyg, wees stil! En die wind het gaan lê, en daar het ’n groot stilte gekom.

Toe sê Hy vir hulle: Waarom is julle so bang? Hoe het julle dan geen geloof nie?

Komaaan, vertrou die HERE altyd en in alle omstandighede.

Wie volop Saai sal (vir seker) volop Maai

Hieroor is daar geen twyfel nie. 2 Kor. 8 en 9 leer dat aan elke Christen die rentmeesterskap van geld toevertrou is. Iemand mag miljoene bymekaarmaak en steeds ‘n mislukking wees – selfs die Ewigheid misloop.
            Die rykste mens is hy wat ander rondom hom die meeste verryk. As jou geld in jou sak nog nie aan God behoort nie, het jy nog nie ‘n volle oorgawe aan die HERE gemaak nie.
            Die lewenswet oor rykdom en oorvloed, is soos die wet op swaartekrag – niemand kan dit verander nie want dit is deur God self ingestel. Wie volop saai sal volop maai en wie spaarsamig saai sal spaarsamig maai.  Om te kan ontvang moet jy gee!
            Daar is mense wat wel hulle tiende gee en met die res maak wat hulle wil.  Ook dit is ‘n probleem want alles wat jy besit behoort aan God en hoe jy dit spandeer raak Hom want Hy het jou as rentmeester aangestel oor alles wat jy besit.
            Wat sê die Skrif: Hoe moet ‘n Christen se geld en besittings tot eer van God aanwend?

•          Gee, is ‘n Geestelike Genadegawe 2 Kor 8:6-7. Om geld tot God se werk by te dra, is nie ‘n handelstransaksie nie. Ons is nie in ‘n sake vennootskap met God nie.
            Om te kan gee is ‘n verpligting en vorm deel van ons geestelike aanbidding. God sê Hy het ‘n blymoedige gewer lief. 2 Kor 9:7
Die klem val op die blymoedig. Dit moet vir ons blydskap wees om vir God te kan gee want ons help om die Koninkryk te bou.
            Dink daaraan: Wanneer hulle jou lyk hier begrawe is jy in die Hiernamaals. Gaan lees maar in Openbaring wat ‘n wonderwêreld dit nie gaan wees nie, boonop met sy nuwe hoofstad Jerusalem.
            Dis hoekom jy hier op aarde is: Om vir God te lewe, om jou voor te berei vir die wonder van die Hiernamaals, vir die Ewige Lewe, om intussen te help om daardie wonder Koninkryk te bou.
            Ja, in die oë van God is ons baie belangrik. Ons is Sy Volk. Ons is Sy eiendom. Ons is Sy Erfgename. Ons is Sy medewerkers.
            Goedhartigheid en goud is nodig vir die onderhoud van die Godsaak. ‘n Goeie kwaliteit goedhartigheid sal altyd ‘n goeie kwaliteit goud voortbring. Dit beteken nie dat waar daar baie goud is, daar baie goedhartigheid is nie, want daar kan  baie goud wees en geen goedhartigheid nie.
            Gee is egter ‘n geestelike genadegawe. As jy dit op hierdie wyse beoefen sal daar nooit enige gebrek in die Koninkryk van God wees nie en ook nie in jou huis en in jou lewe nie.

•          Gee is ‘n bewys van Liefde. 2 Kor 8.8. Liefde sal altyd gee; gee sonder berekening van koste; gee sonder oorweging van die offer. Die Liefde van God is bewys deur die gawe van God aan ons (Joh. 3:16).

            God het nog altyd liefgehad. Daardie Liefde het in dié gawe ‘n brandpunt gevind. As ons God liefhet, sal ons, ons geld aan God gee vir die werk van God op aarde.
            As ons die Liefde nie het nie, het ons ‘n luidende simbaal geword. Jesus vra drie keer aan Petrus: Het jy My Lief? Petrus verstaan elke keer fileo (menslike liefde) en antwoord elke keer ja. Maar Jesus het bedoel agapé (Goddelike Liefde).
            Ja, ons moet God en mekaar met Goddelike Liefde liefhê. Goddelike Liefde faal nooit. Toe Jesus Christus die aarde verlaat het, het Hy vir ons die Nuwe Gebod, die Gebod van Goddelike Liefde nagelaat. Dit is ‘n gawe, ‘n gawe wat ‘n geskenk is, wat ons in ontvangs moet neem soos wat ons, ons redding as geskenk in ontvangs geneem het.
            Goddelike liefde gee en gee onvoorwaardelik. Menslike liefde huiwer, twyfel, vrees, is vol komplekse, is nooit eg nie en faal keer op keer!

•          Die besieling van Gee. 2 Kor 8: 9. Jesus Christus was ryk aan voorregte en krag. Hy het ‘n woning by die Vader prysgegee vir ‘n stal, ‘n sondelose Hemel vir ‘n sondebevlekte aarde, ‘n onoortreflike heerlikheid in majesteit vir ‘n skandvolle dood, ‘n troon vir ‘n kruis. Fil. 2:5-11. Maar daarmee het hy die wêreld verryk en aan almal geleentheid gebied om die Nuwe Jerusalem te bereik.

Dis die besieling waarmee ons moet gee – ons geld moet gee, ons besittings moet aanbied, ‘n helpende hand moet uitsteek, altyd gasvry moet wees.

•          Hoe om te gee:
a)        Ruimskoots 2 Kor 8:1-3. ‘n Armoedige beursie maar ‘n vrygewige hart. Lukas 6:38 is die Bybel se beskouing van vrygewigheid.
b)        Vrywilliglik 2 Kor 8:3). Die klem val op vrywillig in 1 Kron. 29:6-17).  Geen dwang behalwe die van Liefde nie.
c)         Proporsioneel 2 Kor 8:11-15.  Volgens wat iemand besit, en nie in vergelyking met iemand anders gee nie, maar namate God hom reeds geseën het.  1 Kor. 16:1,2.
d)        Oorvloediglik  2 Kor 9:6.  Die Jood het sewe-dertigstes van sy hele inkomste vir die tempeldiens gegee; dit was onder die Wet. Behoort ons dan te waag om minder te gee onder die Genade? Is jy besig om God te beroof volgens Mal. 3:8-10? As jy God beroof, beroof jy ook jouself en jou gesin want wie volop saai sal (beslis) volop maai!
e)        Blymoediglik 2 Kor 9:7. Geen gekla of bittere afskeid van jou geld nie, dan kan jy dit maar net sowel los. Met so ‘n gesindheid sal jy beslis geen seën ontvang nie. Gee blymoediglik, met ‘n glimlag, gee omdat jy graag wil gee, omdat jy God waarlik liefhet.

•          Voordele van Gee 2 Kor 9:12:
a)        God se behoeftiges word gehelp (vs 12)
b)        Ontwikkel die Genadegawe van danksegging (vs 12)
c)         God verheerlik deur hierdie gawes (vs 13)
d)        Die gemeenskap van Liefde en gebed word ontwikkel (vs 14).

•          Ewige verryking 2 Kor 9:8,11). Oorvloedige rykdom in alle goeie werke, te alle tye, deur algenoegsame genade, kristalliseer uit op die verryking van die lewe vir ander. Dit is Hemel op aarde.

Spr 11:25: “Die siel wat seën, word versadig; en hy wat laaf, word self ook gelaaf”. Om te kan ontvang moet ons gee. Om bymekaar te maak, moet ons steeds meer gee. Om geestelik in oorwinning te leef, moet ons die geestelike heil van ander soek. Deur ander te laaf, laaf ons onsself.
Dit is God se manier van doen en vorm ‘n skrille kontras met die menslike vlak van dinge doen. God sê: Met die maat waarmee jy gee, sal jy gemeet word! – Sjibbolet

 

·    The King Is Coming…
Fulfillment of the Dead Sea Prophecy
Has Begun

Another discovery coming out of Israel is fulfilling Bible prophecy before our very eyes! Nearly 10 times saltier than the ocean, nothing can survive in the Dead Sea's hyper-saline environment—or so scientists have previously thought. But now, according to new findings, scientific research has proven the existence of life at the bottom of the dead sea, and due to a unique set of circumstances, signs of life have begun appearing on its very shores, precisely as it was foretold in the book of Zechariah:

"On that day living water will flow out from Jerusalem, half to the Dead Sea and the other half to the Mediterranean Sea. This will happen for the summer as well as the winter" (Zech. 14:8).

Excerpt From Breaking News Israel:
A young woman on a nature hike was shocked recently when she discovered freshwater ponds with fish on the shores of the Dead Sea. Samantha Siegel, a Jewish woman living in Jerusalem, often takes trips to the desert and the ancient body of water. On a recent visit, she encountered an incongruous sight with powerful implications: a prophecy appearing before her eyes that seemed to contradict the laws of nature.

Israeli PM Netanyahu Reaches Out to Arab Citizens with a "Message of Peace"
"Israel is strong because of our diversity..."

[United With Israel] Prime Minister Netanyahu addressed the Arab citizens of Israel with a message of peace and encouragement.
He noted that Arabs already hold high positions in Israel including in its parliament, hospitals and businesses.

Netanyahu said his vision is that young Arab boys and girls will grow up knowing they can achieve anything in Israel as valued and equal citizens in Israel's democracy.

Reageer, neem Sy hand...

Met die genesing van die verlamde man by die Poel van Bethesda (Joh 5:1-15) het Jesus geweet dat die man reeds 38 jaar plat op sy rug lê, heeltemal hulpeloos om enigiets vir homself of ander te doen, al het hy ook probeer.
          In die geval van die vrou met ‘n gees van krankheid (Luk 13:10-13) het Jesus geweet dat haar liggaam vir 18 jaar so inmekaar getrek was. Sy het min van ons pragtige wêreld kon aanskou. Sy was weens krankheid op die grond neergepen en kon net die stowwerige pad, haar vuil sandale en gekneusde voete aanskou.
          En die man met die dorre hand (Luk 6:6-10). Jesus het hom geken van Sy dae as skrynwerker. So ‘n hand het niks beteken nie. Selfvertroue was ‘ byna groter gebrek.
          Hierdie drie mense moes by die punt van sonder hoop gewees het. Net ‘n wonderwerk kon hulle red, hulle genees, hulle heelmaak. En toe kom Jesus verby.
          Sukkel jy ook so. Straks wil jy ook graag letterlik op jou voete kom. Hoe lank lewe jy nie al van frustrasie en wanhoop nie, wanneer vriende jou verlaat het. Jy vra, maar daar is geen hulp of antwoorde nie.
          Die grootste wonder op aarde is dat Jesus jou liefhet en jou wil aanraak en genees. Kyk, Hy steek Sy hand na jou toe uit.
          As Gelowiges bevind ons, onsself in God se Sabbatsrus. Neem Sy hand, beweeg in Sy rus in.
          As die drie genoemdes nie positief gereageer nie, nie Jesus se hand geneem het nie, het die wonderwerke nie plaasgevind nie. Jesus weet van jou en jouprobleme...
          Ontspan, rus en neem Sy hand en ontvang jou wonderwerk. – Sjibbolet

Bly gefokus...

 

'n Publikasie het ‘n lasterlike berig oor 'n man geplaas. Hy het by ‘n regsgeleerde, regsadvies gaan inwin. Die advokaat het geduldig na die man se klagtes geluister en hom die volgende raad gegee. "Moet niks doen nie. Navorsing toon, die helfte van die mense wat die koerant koop, het die berig nie gesien nie. Die helfte van die mense wat die berig gesien het, het dit nie gelees nie. Die helfte van die mense wat dit gelees het, het dit nie verstaan nie. Die helfte van die mense wat die berig verstaan het, ken jou en glo dit nie. Die helfte van die mense wat die berig glo se menings is nie vir jou belangrik nie."

"Hulle rek hulle monde teen my oop…maar U het gesien dit is nie so nie…Tree tog vir my in my God." Ps 35: 21-23

Wat belangriker is as ander mense se menings oor my en jou, is wat 'n mens van jouself weet. Nog belangriker as ons eie mening oor onsself, is wat God van ons weet. "Die hart is bedriegliker as enigiets anders… wie kan hom verstaan? Ek, die Here deurgrond en toets hart en verstand." Jer 17:9,10.

Belangrikste is of ons omgee wat God van ons weet. Dit was Dawid se pleitgebed tot God, dat Hy aan hom (Dawid) sal bekendmaak wat Hy van Sy dienskneg weet en wat die Here van hom dink: "Deurgrond my, o God, deurgrond my hart, ondersoek my… kyk of ek nie op die verkeerde pad is nie…" Ps 139:23. Besorgdheid oor God se beoordeling van ons lewe, hou ons geestelike lewe gesond.

Om ons te steur aan wat ander mense oor ons te sê het, steel ons vreugde en vrede. Dit wek haat en nyd op. Hoe vinnger mens daarvan vergeet. Leef in vrede met almal en ook met jouself en sien uit na die Koms van die HERE. – Sjibbolet  

Die Gees van Elia in stryd met Die Gees van Isebel

Vaders word in hierdie tyd deur die Gees van Elia opgewek om terug te keer na hulle kinders. So lui hulle die Koms van Christus binne. Die Gees van Elia moet in die Kerk aanwesig wees, toegelaat word, verwelkom word.
            “En hy sal voor Hom uitgaan in die gees en die krag van Elía, om die harte van die vaders terug te bring tot die kinders...” Luk 1:17
            Maleagi het al profeteer: "Ek gaan vir julle die profeet Elia stuur voordat die dag van die Here kom, die groot, verskriklike dag. Elia sal vaders en kinders versoen...." Mal 4:5-6
            Die Gees van Elia sal die morele verval in en om die Kerk omkeer en die  Gees van Isebel en ook –Agab teenstaan. Die Kerk maak gereed vir die Wegraping... sonder vlek of rimpel.
            Reg oor die wêreld verbrokkel huwelike in toenemende maat die afgelope 50 jaar en in Suid-Afrika loop een uit elke drie huwelike op die rotse. Buite-egtelike kinders word in toenemende maat die afgelope 50 jaar gebore.
            Vaders ontken vaderskap. Die Gees van Isebel verwoes predikante, gemeentes, huwelike huisgesinne, laat selfs staatspresidente en konings tuimel. In Italië is 90% van alle mans en vroue ontrou. Dit het ‘n aanvaarde kultuur geword. Dié toestand kom reg oor die wêreld voor, ook erg in SA.
            God se oplossing vir die Eindtyd, is die herstel van vaderlose volke, die herstel van Sy vaderlose Kerk. Die Gees van Elia sorg vir vrymaking van die Gees van Isebel se onheile.
            Hier is ‘n nuwe ontwaking en ‘n vars bries van Herlewing vir die volke. Kinders het die liefde en aandag van ‘n vader broodnodig.
Op die Internet wêreldwyd, maar ook in SA is tienduisende aangenome kinders wat hul biologiese ouers soek. In kinderhuise sit hulpelose kinders met verlange langs die heiningdrade: Wanneer kom hulle mammas en pappas hulle haal?
Oplaas moet hulle in pyn aanvaar: Hulle is alleen.
Die HERE het ‘n reuse omgee vir kinders. Almal wat na kinders omsien, kan weet dat die HERE na hulle sal omsien. Matt 7:11
Die HERE berei vir Homself lof uit die mond van kinders en suigelinge. Matt 21:16
Die Gees van Isebel is veral bedrywig in kerklike gemeentes en veral in Amerika, maar ook in SA... en selfs in die kansels. Menige predikant wat nog staande is, kan daarvan getuig, terwyl ander lank reeds slagoffers daarvan is.
Oor Isebel, sê die HERE: “Maar Ek het enkele dinge teen jou; dat jy die vrou Isebel, wat haarself 'n profetes noem, toelaat om te leer en my diensknegte te verlei om te hoereer en afgodsoffers te eet.
“En Ek het haar tyd gegee om haar van haar hoerery te bekeer, en sy het haar nie bekeer nie.
“Kyk, Ek werp haar neer op 'n siekbed, en die wat met haar owerspel bedryf, in 'n groot verdrukking, as hulle hul nie van hul werke bekeer nie.
“En haar kinders sal Ek sekerlik doodmaak, en al die gemeentes sal weet dat dit Ek is wat niere en harte deursoek, en Ek sal aan elkeen van julle gee volgens sy werke.” Openb 2:20-23
Hierdie owerspel dui op geestelike sowel as vleeslike owerspel. Dit gebeur ook tussen onderwysers en skoliere en tussen die skoliere wat aan pornografie en dwelms, twee van Isebel se instrumente is, verslaaf is.
In Efes 5:11-12 is ‘n ernstige waarskuwing: “Hou nie gemeenskap met die onvrugbare werke van die duisternis nie, maar bestraf dit liewer. Want wat in die geheim deur hulle gedoen word, is skandelik selfs om te noem.”
Die Gees van Isebel takel mans, vroue en kindders. Sy vernietig so ver moontlik as wat sy gaan. Sy neem beheer van almal en alles.
Aanvaar dit: Daar is twee geestelike magte op die aarde aan die werk: Die Heilige Gees van God en die Satan dmv sy demone en die Gees van Isebel. In gemeentes word van “onderstrominge” gepraat.
Die wegraping is voor die deur. Ons gaan vrymaking van geestelike gevangenes beleef en baie wonderwerke. Maar die satan ruk in ‘n laaste poging om alles te verongeluk , die poorte van die hel oop.
“Want ons worstelstryd is nie teen vlees en bloed nie, maar teen die owerhede, teen die magte, teen die wêreldheersers van die duisternis van hierdie eeu, teen die bose geeste in die lug.” Efes 6:12
Isebel is ‘n owerheid, ‘n owerheid wat in beheer van gelowiges, gemeentes, predikante, kinders, ens wil kom. Tien duisende kinders is halfwees in SA weens egskeidings.
Die jongste syfer uit Amerika is dat daar 25 miljoen kinders sonder ‘n vader is. Ons beleef ‘n absolute Sodom en Gomorra.
In die jongste herlewings oorsee en ook plaaslik, is dit verstommend dat die meeste nuwe bekeerlinge juis jongmense en kinders is. Dit vind ook in SA plaas.


DIE KARAKTER-EIENSKAPPE VAN DIE ISEBEL GEES SOOS BESKRYF DEUR DIE SKRYWER SANDY WARNER

ISEBEL IN DIE NUWE TESTAMENT
1) Isebel is in die kerk  (… aan die gemeente in Thiatire: …dat jy die vrou Isebel toelaat …)  Open 2:18 & 20
2) Isebel is ‘n vrou · (“vrou Isebel”)  Open 2:20
3) Isebel is in leierskap Isebel is ‘n leermeester  (“toelaat om te leer en My diensknegte te verlei”)  Open 2:20
4) Isebel het volgelinge  (“My diensknegte te verlei … almal wat hierdie leer nie het nie”)  Open 2:20, 24
5) Isebel is self aangestel Isebel... het groot ambisie  (“wat haarself ‘n profetes noem”)  Open 2:20
6) Isebel is mislei deur satan... Isebel mislei ander (“die wat die dieptes van die satan, soos hulle dit noem”) Open 2:24
7) Isebel het ‘n seksuele geskiedenis... Isebel koester wellus  (“en My diensknegte te verlei om te hoereer”) Open 2:20
8) Isebel ontvang ‘n kans om te bely (“En Ek het haar tyd gegee om haar van haar hoerery te bekeer, en sy het haar nie bekeer nie”)  Open 2:21
9) Isebel is nie leerbaar nie  (“… en sy het haar nie bekeer nie”) Open 2:21
10)Isebel se oes  (“Ek werp haar… in ‘n groot verdrukking … en haar kinders sal Ek sekerlik doodmaak”)  Open 2:22 & 23

Die naam van Isebel in die Nuwe Testament, beteken “kuis”. Hierdie
woord kom vanaf die Ou Testamentiese Hebreeuse woord Isebel ‘lyzebel ee-zeh’-bel’). Die betekenis van die Hebreeuse naam kom oorspronklik van 2 woorde: die eerste beteken “nie” en die tweede beteken “woning of
blyplek”. (Woordstudie aan die einde).
            Om dit geestelik te vertolk – die invloed van Isebel is die beste bekend in die oorsprong van haar naam: sy is nie ‘n kuise woonplek nie. Sy mag op die oog af voorkom as ‘n maagd, of kuis, maar dit is slegs ‘n voorkoms. Sy is ook nie ‘n woonplek nie, omdat dieselfde karaktereienskappe van Isebel, dit baie moeilik maak om saam met haar te lewe!
            Sy het ‘n toegewyde lewe van immoraliteit bedryf. Sy gebruik haar vroulikheid as ‘n wapen om haar sin baie subtiel of openlik te kry deur manipulasie. Uiterlik probeer sy mans aanlok en aantrek. Innerlik verag sy mans en soek hulle net met die doel om hulle te beheer vir haar eie agenda.
In die wêreld, sowel as in die kerk, veroorsaak Isebel se invloed chaos in huwelike, want dit is baie moeilik om saam met haar te lewe. Dikwels word dit gesien waar daar verskeie pogings tot huwelike is.
Isebel is uiters onafhanklik en kan nie in eenheid vloei met God se mense nie.
Die Woord sê, “Kyk, hoe goed en hoe lieflik is dit dat broers ook saamwoon!”1 (Psalm 133:1). Sy kom saam met gelowiges, nie om by hulle aan te sluit nie, maar om hulle te beheer. Uiterlik mag dit lyk of daar harmonie is tussen diegene saam met wie sy “woon”, maar dit is slegs omdat sy die magte van intimidasie, manipulasie en beheer gebruik om hulle te onderdruk.
Hierdie gees is baie ambisieus, dus bevorder sy haarself om te heers oor, te regeer, en oor te neem met haar eie agenda. Sy is selfverheerlikend en begeer dat ander “na haar opkyk” – m.a.w., haar aanbid. Sy bevorder en verhoog ook uiterlike voorkoms.
Haar tong is luidrugtig, maar kan ook verleidend en sjarmant sag wees – sy gebruik beide uiterstes. Sy is skerpsinnig, aanhoudend en/of misleidend. Haar bedrewe tong sal beskuldig, verkleineer, bekoor, verlei, dreig, opponeer, vereis, ens. Sy gebruik haar mond om oor te neem, outoriteit toe te eien, en om te leer – tog bly syself onleerbaar.
Die Isebel in die Nuwe Testament is baie misleidend, omdat haar Nuwe
Testamentiese naam “kuis” beteken. Tog, uit wat Openbaring van haar sê, is sy alles behalwe kuis. Hierdie woord “kuis” het sterk konneksies met Isebel binne Christelike kringe, en is baie misleidend binne die rangordes. Sy is bedrewe in kullery.
            “Want sulke mense is valse apostels, bedrieglike arbeiders wat hulleself verander in apostels van Christus. En geen wonder nie! Want die Satan self verander hom in 'n engel van die lig. Dit is dus niks besonders wanneer sy dienaars hulle ook voordoen as dienaars van geregtigheid nie. Maar hulle einde sal wees volgens hulle werke.” 2 Kor 11:13-15
            In hierdie laaste dae sal die mag van Isebel baie mislei, a.g.v. die mag agter haar. Soos die Here Sy ware dienaars verhoog, die profete en apostels, sal die vyand ook sy Isebel dienaars bekragtig. In die Ou Testament het Isebel vir Baal aanbid. In die Brown-Driver-Brigg’s Hebrew Lexicon (definisies),
beteken die woord Isebel “Baal verhoog” of “Baal is die man van” of “onkuis”.
In die boek Openbaring waar sy haarself ‘n profetes noem, is dit slegs logies dat sy ‘n bron van bonatuurlike krag moet hê om haar te rugsteun. Sy sal in staat wees om te profeteer met ‘n sekere graad van akkuraatheid (net soos die fortuinvertellers) en sy mag ook bonatuurlike tekens hê wat haar volg. Dit is belangrik om met wysheid te onderskei in die komende tye, sodat ons nie mislei word nie.
In die Ou Testament, het sy God se profete gehaat en probeer om hulle te vernietig. In die wêreld, is die gees van Isebel die mees algemeen in die vrouevryheidsbeweging, wat lesbianisme insluit. Een manier om God se profete letterlik te vernietig, is deur aborsie – om ‘n uitverkore geslag te aborteer.
In die kerk is die vervolging van God se ware dienaars meer subtiel, sodat dit nie ontdek moet word nie. Die tong is haar beste wapen. Of dit skerp of strelend is, dit word bekragtig en aangedryf deur dominansie, intimidering en manipulering.
Op ‘n geestelike vlak word God se skool van profete gekorrupteer en vernietig deur haar invloed, wanneer hulle mislei word deur plaasvervanger geeste. Behalwe die baie karaktertrekke genoem in hierdie studie, kan Isebel ook onderskei word deur na God se ware dienaars te kyk. Isebel is die
teenoorgestelde van die volgende:

GOD SE DIENAARS:
Hul monde, gedrag en motiewe is:
1. Liefdevol – goedhartig, vergewensgesind, geduldig, genadig en eg
2. Nederig – sagmoedig, vredevol, respekvol, eerbaar
3. Leerbaar – belydend, onderdanig, vormbaar, toegeeflik, samewerkend,
sagmoedig
4. Gulhartig – vrygewig, opofferend, dienend, onselfsugtig
5. Verenig – samewerkend, harmonieus, bedagsaam, afhanklik, vloei in
kameraadskap
6. Deursigtig van binne na buite en buite na binne – eg, heilig, eerlik,
blaamloos
7. Selfloos – verhoog die Here, nie hulself nie.

DIE GEES VAN AGAB
Direk onder die gees van Isebel, is die gees van Agab. Hulle werk saam om ‘n
kragtige alliansie te vorm. Agab in die Ou Testament, was ‘n koning bekend vir kompromie. Sy val was toe hy trou met die ambisieuse Isebel wat hom verlei het tot allerhande soorte boosheid.
Kon 21:25 25 ”Waarlik, daar was niemand soos Agab wat homself verkoop het om te doen wat verkeerd is in die oë van die HERE nie, omdat sy vrou Isébel hom verlei het.”
In plekke waar Isebel regeer, sal jy ‘n teenoorgestelde geestelike mag
waarneem wat haar in staat stel om in beheer te wees. Agab se geestelike mag of kompromie, bou vir Isebel, en stel haar geestelike invloed in staat om te domineer. Agab, in die Skrif, het toegegee aan Isebel se sjarme, wou
konfrontasie vermy, het passief geword, sy stem opgegee en sy outoriteit
gekompromeer. Agab was begaafd in strydvoering, en het op die oog af nie
swak karaktertrekke gehad nie. Maar toe daar ‘n alliansie met Isebel gevorm
is, het hy gebuig onder haar invloedryke sjarme.

·       Vir Bybelstudie doeleindes kan Sandy Warner se volledige studiestuk kan afgelaai word by:

AGAB EN JESEBEL - Sandy Warner
www.kanaanministries.org/Downloads/Etienne/AGAB.pdf · PDF file

Wees bly!

"Joy is the Echo of God's Life Within Us." –  Dr. Rich Dorst, 

Pastor, Church of Joy, Palm Desert, CA

“Wees bly in die HERE en juig, o regverdiges! En jubel, alle opregtes van hart!” Ps 32:11

“O’ Regverdiges, wees bly in die HERE, en loof sy heilige gedenknaam!” Ps 97:12

“Wees nie bevrees nie, o aarde, juig en wees bly, want die HERE doen groot dinge!” Joël 2:21

“Salig is julle wanneer die mense julle haat, en wanneer hulle julle verstoot en beledig en jul
naam weggooi soos iets wat sleg is, ter wille van die Seun van die mens. Wees bly in daardie
dag en spring op, want kyk, julle loon is groot in die hemel, want hulle vaders het net so aan
die profete gedoen.” Luk 6:22:23

“Maak voorsiening in die behoeftes van die heiliges; streef na gasvryheid;  seën die wat julle
vervolg, seën en moenie vervloek nie; wees bly met die wat bly is, en ween met die wat ween;
wees eensgesind onder mekaar; moenie na hoë dinge streef nie, maar voeg julle by die
nederige; moenie eiewys wees nie; vergeld niemand kwaad vir kwaad nie; bedink wat goed is
voor alle mense; as dit moontlik is, sover as dit van julle afhang, leef in vrede met alle mense.”
Rom 12:13-18

“Verder, broeders, wees bly; word volmaak; laat julle vermaan; wees eensgesind; hou vrede,
en die God van liefde en vrede sal met julle wees.” 2 Kor 13:11

God se Meesterstuk!

DIE vraag word allerweë gevra: Wie het Christus doodgemaak, die Romeine of die Jode?

          Christus gee self die antwoord in Joh. 10:17-18:  “Daarom het die Vader my lief, omdat Ek my lewe aflê om dit weer op te neem.

          “Niemand neem dit van My af nie, maar Ek lê dit af uit Myself. Ek het mag om dit af te lê en Ek het mag om dit weer op te neem. Hierdie gebod het Ek van my Vader ontvang.”

          Niemand sou die voorreg hê om Christus dood te maak nie. Lukas 23:46 lees:  “En Jesus het met ‘n groot stem uitgeroep en gesê: “Vader, in U hande gee Ek my gees oor!  En toe Hy dit gesê het, blaas Hy sy laaste asem uit.”

          Mense het normaalweg 36 ure aan ‘n kruis gehang voordat hulle dood is.  Jesus het na ses ure besluit, Hy sterwe.
          So gaan 1 Kor. 15: 54-55 ook in vervulling: “Die dood is verslind in die oorwinning. Dood, waar is jou angel? Doderyk, waar is jou oorwinning?”
          Die Hoofman oor ‘n Honderd staan daardie oomblik voor Christus. Toe hy sien wat plaasvind bely hy: “Waarlik, hierdie man is regverdig!”
          Saam hiermee word die waarheid oor die Ewige Lewe bevestig. Hemel of hel, daar is beslis ‘n Ewige Lewe. Oor waar mens die Ewigheid gaan deurbring is jou eie keuse.
          Paulus weet waar hy die Ewigheid gaan deurbring en sê in Rom. 8:38-39  “Wat ek is versekerd dat geen dood of lewe of Engele of owerhede of magte of toekomstige dinge of hoogte of diepte of enige ander skepsel, my sal skei van die Liefde van God wat daar in Jesus Christus is nie!”
          As jy dit ook kan sê, loof ons die Here saam met jou.
          As jy dit nie kan sê nie, as jy nie daardie versekering het nie, dan moet jy dringend werk daarvan maak. Dit is jou lewe en jou toekoms.
          Die Here sê in Joh. 1:9: “As ons, ons sondes bely, Hy is getrou en regverdig, om ons nie net al ons sondes te vergewe nie, maar ons ook van alle ongeregtigheid te reinig.”
          En jy wat reeds hierdie kragtige versekering het, bid saam met ons vir magtige herlewing.
          As jy hierdie boodskap reeds tot by hierdie punt gelees het, dan moet jy besef dit is die Heilige Gees wat jou gedring het om tot hier te lees. Dan praat Hy met jou omdat hy jou lief het en dan verwag Hy reaksie van jou kant af!
          ‘n Meesterstuk, is ‘n besondere verhewe werk gewoonlik in die kunste uitgebeeld. Maar kyk weer na die drie kruise op Golgota. Hoevele reg oor die wêreld het dit nie al geskilder.
         So is Rembrandt van Rijn se skildery as ‘n meesterstuk beskryf. Daar het drie verskillende mense aan die drie kruise gehang: Die Verlosser van die wêreld, die sondaar op pad na die verdoemenis en die Wedergeborene op pad na die Paradys.
        Waar hang jy? Stap jy net verby? Hoe lank al? Die tyd loop nou vinnig uit!
        Waar hang jy... en jou familie, en jou vriende en jou kennisse?
         “Kom nou en laat ons die saak uitmaak, sê die HERE: al was julle sondes soos skarlaken, dit sal wit word soos sneeu; al was dit rooi soos purper, dit sal word soos wol.” Jes 1:18
        Die keuse is joune. – Sjibbolet

Gerigtigheid verhoog ‘n Volk

 

“Geregtigheid verhoog 'n volk.... maar die sonde is 'n skandvlek vir die nasies.” Spr 14:34

            Baie wonder wat met Suid-Afrika gebeur. Dis eenvoudig: Ons het ons vlak van geestelikheid degradeer en die Christendom omskep in keuses en verdraaide waarheid.

            Die situasie in SA het nie oornag verander nie,  dit het jare gelede verander toe dit vreemd geword het om heilig  te leef en dit ‘n oortreding geword het om op te staan vir die Waarheid en vir Reg en Geregtigheid, toe kerklike dogma die Bybel oorheers het.

            Die tekens van ‘n volk wat geval het, lyk soos volg:

            “Aanvaarding van perversie, verbanning van Heiligmaking, die totale verwatering van waardes en die kriminalisering van skeiding.

            Die kompas van ‘n volk is die Bybel. Die kompas word vernietig wanneer die Kruis van Golgota nie langer eerbiedig word nie.

            SA het ‘n magtige Geestelike Herlewing nodig. Ons is soos ‘n dowwe lamppit. Net verlede week her Rusland alle openbare evangelisasie verban.

            Dr Martin Luther King het gesê: “Ons lewens begin eindig die dag wanneer ons begin stil word oor dinge wat saak maak.”

            In die laaste sensus in SA het 34 miljoen Suid-Afrikaner op hulle vorms ingevul dat hulle Christene is, tog hoor of sien mens hulle nooit of hopeloos te min.

            Ons het ‘n Openb 3:19-20 oomblik nodig: “Almal wat Ek liefhet, bestraf en tugtig Ek. Wees dan ywerig en bekeer jou.

            “Kyk, Ek staan by die deur en Ek klop. As iemand my stem hoor en die deur oopmaak, sal Ek ingaan na hom toe en saam met hom maaltyd hou, en hy met My.”

      Bid en verwag ‘n magtige Herlewing. – Sjibbolet