Kersfees gaan oor my en jou

Kersfees en die feestelike vieringe rondom dit, gaan nie oor ‘n datum nie, maar oor die rede daarvoor.

            Die hoofrede vir Kersfees is egter nie oor Christus nie, maar oor my en jou.

            Jesus is gebore om te sterwe sodat ek en jy gered kon word, dat ons met God Jaweh versoen kon word. Elke huisgesin, elke gemeente, elke gemeenskap moet jubel oor ons vryheid in Christus.

            As Gelowiges dit kan snap, dat Kersfees gaan oor ons as Wedergeborenes, dink net met watter verbysterende blydskap sal ons dan Kersfees vier.

Almal sal nou heel anders na Kersfees kyk. Almal wat Gelowig is sal besef dit gaan nie oor ‘n verhaal van ‘n baba nie, maar oor die verhaal van elke Gelowige... daarin dat ons Wedergebore is. Ons vier dus ons Wedergeboorte.

Jesus kan nie verjaar nie, Hy is Ewigheid.

            Vergeet van die sogenaamde kersvader... daar is geen plek vir so iemand in die Kerstyd nie.

Dis ons wat vir mekaar geskenke gee om ons te herinner aan wat Kersfees aan ons gegee het, ons Wedergeboorte. Dis ‘n fees oor ons. Ons vier fees, nie omdat Jesus gebore is nie, maar omdat Hy Weer kom. Ons smag met reikhalsende verlange na sy Wederkoms.

            Met ons Wedergeboorte het ons die Ewige Lewe ontvang. Ons liggame kan sterf, maar ons kan nooit.

            Op pad na Bethlehem ry die swanger Maria op ‘n donkie, ‘n paar dae lank deur ruwe terrein. Die enigste plek om te kon kraam was in ‘n stal en die enigste wiegie was ‘n krip. Jesus het op die nederigste manier moontlik hier aangekom.

            Dan word die nuus van Jesus se koms bekendgemaak... en aan wie heel eerste?

            Die vuil herders in die veld. Hulle was so onwelriekend dat hulle nie eers in die tempel toegelaat is nie. Hulle slaap in die veld by rokende vure tussen skape en skaapmis.

            Hulle was as die laagste mense van daardie tyd beskou, alhoewel hulle skape voorsien het vir offerande, het mense hul afstand van hulle gehou.

            By die krip was hulle welkom, want ‘n Engel en ‘n Hemelse Fanfare het hulle die goeie nuus in die veld gebring en gaan roep. Luk 2.

Hulle was genooi. Hulle was ook die eerste mense om aan Jesus geskenke te bring.

            Let ook op dat toe Jesus sy eerste dissipels roep, het Hy ook onwelriekende vistermanne aangestel het. Diegene, herders en vissermanne, wat seker die minste aansien had, is gebruik om voor te loop.

            Dit was dus nie vernaamheid of stand in die lewe  wat die fondament van die Evangelie gelê het nie, maar die Woord.

            Ons bring vandag steeds geskenke aan Jesus in die vorm van siele. Ons wil vir Hom siele inbring om die Getal vol te maak.

            Dink net hoeveel miljoene mense het miljoene spandeer om gereed te maak vir die herdenking van Christus se geboorte.

            As Gelowiges is ons skape. Die predikante is die herders. Herders kan nie lam nie, maar skape moet selfs tot vierlinge kan lam.

            Hoeveel word spandeer om gereed te maak vir Sy Wederkoms? Ons hoef niks te spandeer nie, sorg net dat die oes inkom.

Had Sirië maar vandag ‘n Genl. Naaman

Naaman was die grootste Veggeneraal van sy tyd. Niemand kon ‘n ‘n oorlog teen Sirië wen met Naaman in die voorste linie nie. Die man was dapper, onverskrokke... tot op ‘n dag.
            As ons vandag na Sirië kyk dan is dit duidelik daar was geen Naaman nie. Die land is in chaos met byna elke gebou, skool, hospitaal, kliniek, vernietig. Al die reëls en wette van oorlog is verbreek.
In ‘n stadium was 12 lugmagte daar in die jongste oorlog betrokke. Miljoene inwoners het na Europa en elders gevlug. Derduisende het op die vlug verdrink. Miljoene het gesterf, of in die oorlog, of aan die hand van ISIS.
Naaman sal Sirië vandag nie herken nie.



Die Krag van ‘n eenvoudige Prisonier se Getuienis

IN 2 Konings 5:1-27 vind ons die verhaal van Naaman. Naaman was ‘n groot en vername man, ‘n generaal in die Siriese leër. Hy het Sirië in die een oorwinning na die ander teen vyandelike magte gelei. Hy was:

·       geëer deur sy meester,
·       geseën deur die Vader, en
·       beskou as ‘n man vol dapperheid

`           Een ding het egter teen hom getel. Hy was melaats en melaatsheid is:

·       ‘n soort sonde,
·       dit is vuil, afstootlik, grusaam,
·       dit skei mense en ly tot skeiding tussen gelowiges en die Vader, en
·       dit veroorsaak ‘n skeiding in die gemeenskap.

Daar is baie mense vandag wat as “goed” bestempel word, terwyl hulle eintlik nog sondaars is. Hulle is:

·       getroue kerkgangers,
·       betaal hul tiendes getrou,
·       doen baie vir die minderbevoorregtes,
·       hulle is goed, maar nie goed genoeg nie, en
·       hulle is vol geregtigheid, maar kort God se geregtigheid.

Die meisietjie wat gevange geneem was, het persoonlike berading gedoen. Sy:

·       kon gesê het “ek kan niks doen nie. Ek is ‘n gevangene”,
·       kon gesê het  “ek wens ek kan vir Jesus werk”,
·       kon gewonder het waarom sy nie ‘n roeping van die Vader ontvang het nie,
·       kon gesê het dat sy in verkeerde geselskap is,
·       kon gemeen het dat sy die verkeerde werk het,
·       kon gemeen het dat sy ‘n mislukking is weens haar omstandighede, en
·       nogtans het sy teenoor haar vyande getuig.

En dan vra mens jouself af: waar beweeg ek en wat doen ek in die omstandighede waarin ek myself bevind, want:

·       Is ons bereid om vir ‘n vyand te bid,
·       vir ‘n vyand die hande op te lê,
·       gehoorsaam te wees aan Jesus se opdrag om die Evangelie uit te dra,
·       te getuig in die omstandighede waarin ons, ons daagliks bevind, en
·       te getuig ten spyte van kerkverband en kultuurgrense?

Die meisietjie het haar taak getrou volvoer, Sy het:

·       veroorsaak dat ‘n hoofstuk in ‘n Bybelboek geskryf is,
·       sy het geweier om ontmoedig te word deur haar omstandighede,
·       sy het haar plig gedoen, alhoewel niemand toegekyk het nie,
·       sy het geweier om haarself te bejammer,
·       sy het geglo haar getuienis of taak sou beloon word,
·       sy het nie besef haar getuienis sou die ore van ‘n koning bereik nie,
·       sy het bewys dat ‘n mens se getuienis resultate oplewer, en
·       sy het geglo en ook gesien dat die Vader se Woord nie leeg terugkeer nie.

Naaman was die enigste melaatse wat in die land genees is:

·       maar, dit was nie die Vader se skuld dat ander nie ook vertel was nie,
·       die Vader se Wil was en is vandag nog, dat elke Gelowige die meisietjie se voorbeeld sal navolg,
·       ander het dus nie hul lig laat skyn nie,
·       sommige het toegelaat dat omstandighede hul geestelike lewe oorheers,
·       baie meer mense kon genees gewees het, as meer Gelowiges getuig het oor die Vader se wonderwerkende krag, en
·       vir sommiges was gesê dat siekte seëninge is.

Niegeestelike metodes is gebruik om genesing te bewerkstellig. Die koning van Sirië:

·       het ‘n amptelike brief aan die koning van Israel gestuur,
·       hy wou God aan tradisie vasbind,
·       hy het geld gestuur om Naaman se genesing te koop,
·       hy het boonop die verkeerde man gestuur,
·       hy het nie geweet dat die Geestelike dinge deur die Gees bewerkstellig word nie,
·       Sy hart was nie reg teenoor God nie (Hand 8:21), en
·       hy was in ‘n dal van bitterheid en in die bande van ongeregtigheid. Hand 8:23

Naaman wou met alle mag sy genesing bekom:

·       hy het gedink Elisa sal sy hande op sy kop lê en hom genees,
·       hy het gedink hy kon vir sy genesing betaal,
·       hy wou sy genesing deur geregtigheid verdien, en
·       hy het gemeen sy naam en stand in die lewe verdien ‘n spesiale diens.

Naaman was baie teleurgesteld en word toe krities. Hy:

·       openbaar ‘n kritiese gees,
·       dat hy nie die aangename man is wat so baie mense gedink het hy is nie,
·       hy het gemeen dat hy mishandel was, dat daar teen hom gediskrimineer is,
·       hy het heel waarskynlik ook gemeen Elisa se optrede het hom van kosbare werkstyd beroof, en
·       Naaman was gewoond daaraan om voorkeur te geniet want sy tyd was kosbaar.

Naaman sou heel waarskynlik voor sy tyd gesterf het, as hy nie betyds geleer het:

·       dat God nie altyd op die grondslag van tradisie werk nie,
·       dat God bereid was om Hom op ‘n besondere manier te genees, en
·       dat hy eers sy hart met God moes regkry.

Naaman het eers sy genesing gekry:

·       toe hy besef dit baat nie om op sy eie werke en geregtigheid te steun nie,
·       toe hy besef dat hy op God moet vertrou en nie op sy eie goeie naam nie,
·       toe hy besef dat dit God se krag was wat die werk moes doen en dat hy niks in eie krag kan vermag nie,
·       toe hy besef dat God hom nie om sy goeie werke, reputasie, goeie naam of roem nie, en
·       toe hy besef dat kinderlike geloof hom sou deurdra.

Wanneer ons kyk na die maniere waarop mense in Bybelse tye genees is, dan vind ons:

·       dat 90% sonder handoplegging genees is,
·       dat 95% sonder aanwending van olie genees is,
·       dat hulle sonder lang gebede genees is, en in die meeste gevalle onmiddellik,
·       dat tradisie en rituele verbreek is,
·       dat genesing gekom het op maniere wat die mense dit hoegenaamd nie verwag het nie, en
·       die Gees van God was nooit deur ‘n besondere metode of patroon gebind nie.

Soms moet meer as een gawe in werking tree om genesing te bewerkstellig:

·       ‘n bediener van die Woord het soms die gawe van wysheid nodig om die gawe van kennis te kan toepas,
·       die gawe van geloof moet eers in werking wees voordat die gawe van gesondmaking in werking kan tree,
·       Petrus had die gawe van onderskeiding in die geval van die towenaar Simon, wat genesing verlang het,
·       in Naaman se geval het Elisa die woord of gawe van onderskeiding en wysheid openbaar, en
·       Naaman kon ook net genees word as hy gehoorsaam was.

Elisa was gehoorsaam aan die Stem van God. Hy het geweet:

·       Dat as Naaman ses keer in die rivier sou doop, hy nie sou genees nie. Dit moes sewe keer gedoen word,
·       Dat as Naaman sewe keer in ‘n ander rivier homself gaan doop het, hy ook nie sou genees nie,
·       God se Wil is nie die van die mens nie. Die mens wik, maar inderdaad, God beskik,
·       volle gehoorsaamheid was al wat Naaman kon genees, en
·       Naaman se trots moes eers in nederigheid omskep word voordat hy genees kon word.

God kyk in die mens se hart. God het geweet:

·       Dat hy wat God is, nie die eer sou kry as Elisa sy hande op Naaman gelê het nie,
·       Baie mense sal sou ewe maklik na ‘n toordokter as na ‘n bedienaar van die Woord gaan,
·       Naaman moes op die genade van God, en nie die genade van die mens vertrou nie,
·       God sal nooit die eer wat Hom toekom met ‘n ander deel nie,
·       Naaman wou genees word soos dit met ander mense gebeur, en
·       dit kos meestal meer as net die vra om gebedsgenesing om genesing te verkry, en
·       God is alwys.

Mense wat Naaman se optrede openbaar, beweeg op die vleeslike in plaas van die geestelike vlak:

·       met die verstand probeer hulle Goddelike genesing en God se wonder-werkende krag uitwerk,
·       hulle sou redeneer dat as water kan red en genees, dan kan ek dit in my eie kerk laat doen,
·       hulle wil hulself leer hoe om die dinge van God te gebruik,
·       hulle wil hul eie kerk se norme en rituele handhaaf, eerder as die van die Vader,
·       hulle beweer hulle moet in olie, handoplegging, ens., glo,
·       hulle moet agter genesingsdienste of ‘n genesingsdoekie aangaan, en
·       hulle meen hulle moet hul eie pad  deurwerk op en eie meriete staatmaak.

Hoe sal ons dan weet wat die Vader se wil vir ons is?
Wel, dis eintlik maklik. Vertrou op die Vader vir die antwoord en kort voor lank sal mens weet dat jy weet!
Soos ‘n skip wat ‘n hawe in ‘n donker nag moet binnevaar, so sal al die liggies aankom en mens sal weet dat jy weet dat jy in Sy wil is.
Ons eie denke moet ons uit die pad uitkry, ons sake met die Vader en met ons naaste in orde kry en die Vader vertrou. Hy is en bly ‘n waarmaker van Sy Woord.

Naaman het sy volmaakte genesing ontvang toe hy ontdek dat:

·       hy eers soos ‘n kind moet word,
·       dat hy gehoorsaam moet wees en wel in die betrokke rivier nie meer en nie minder nie as sewe keer homself moes doop,
·       toe hy insien dat hy nie genesing kon koop nie, hy kon dit nie verdien nie, nie daarvoor werk nie, hy kon dit ook nie op meriete bekom nie,
·       toe hy insien dat hy hulpeloos voor God staan,
·       toe hy soos ‘n kind die eenvoudige dinge begin glo en aanvaar,
·       toe hy insien dat God  sy medewerkers gebruik om aan ander opdragte te gee, en
·       dat mens nie God se weë met die verstand beredeneer nie.

Mense wat genesing vir hul gees en liggaam verlang, moet besef dat:

·       God is almagtig en baie groter as ‘n genesingsdiens,
·       God se hande baie verder ryk as die van ‘n prediker,
·       God kan duisend mense net so maklik soos een mens genees, en
·       Mense moenie wag om elkeen afsonderlik voor gebid te word nie.

Die Lampaansteker

Die Diamantstad Kimberley had sy eerste elektriese straatligte in 1882 en was die eerste stad in Afrika met elektriese straatligte. In daardie stadium had London steeds gaslampies vir straatligte.

            In die dae voor elektriese straatligte, moes die gas- of paraffienlampe, met sononder een vir een, deur 'n lampaansteker aangesteek word, en die volgende oggend, weer gedoof word.
            Die Sunday School Times vertel van so 'n lampaansteker, 'n onverskillige jongman, wat een aand, op sy rondte om die lampe aan te steek, by die Heilsleër se opelugdiens verbyloop, die Evangelie hoor en tot bekering kom.
Sy geestelike lig is daardie aand deur Jesus aangesteek. Een van sy vriende, 'n ware drinkebroer, spot later met hom, omdat hy nou so godsdienstig geword het, dat hy nie meer met die 'manne' wil uitgaan en jolyt hou nie.
            "Jy weet wat my werk is," sê Jesus se nuwe volgeling vir sy vorige maat. "Soggens voor sonop, begin ek straatop gaan om lampe dood te maak. Dan lê die straat, soos ek vorder, donker agter my. Dit is hoe my lewe eers was, 'n donker verlede. Kyk ek vorentoe, sien ek 'n lang ry skynende ligte voor my. Dit is hoe my toekoms nou lyk, na ek Jesus in my lewe laat inkom het."
"Dis goed en wel," antwoord die vorige maat, "maar dis nie lank nie of jy maak die laaste lamp ook dood en dan is dit ook maar weer donker. Waar is jy dan met jou danige Jesus?"
"Dis waar," antwoord die lampwerker, "maar dan kom die son op en ek het nie meer lampe nodig om vir my lig te maak nie. Jesus is nou die lig in my lewe en na my laaste dag, op aarde, gaan ek na Hom toe in Sy ewige Hemel."
            Die Nuwe Testament beklemtoon hierdie bemoedigende waarheid. "Die volk wat in duisternis woon, het 'n groot lig gesien... vir hulle het die lig opgegaan." Matt 4:13-16.
"Vroeër was julle die ene duisternis, maar nou in die HERE is julle lig. Leef dan as mense van die lig. Uit die lig kom alles voort wat goed en reg en waar is." Efes 5:8
Dit is elke geredde mens se verwagting van die ewige Hemel: "Die stad het nie die son en maan nodig om hom te verlig nie, want die heerlikheid van God het hom verlig en die Lam is sy lamp." Openb 21:23
Op 'n dag doof elkeen van ons se lewenslig. Vir elkeen in wie se lewe die Here Jesus as Verlosser ingekom het, kom die son van Ewige Lig dan op.
            Intussen is daar ‘n getal om vol te maak. Is jy die Lampaansteker vir Jesus in jou lewensstraat?

Die verbryselde kan herlewe

Jesus heel die gebroke harte

In mev. (Lettie) Charles Cowman se dagboek, Springs in the Valley, vertel sy hoe die beroemde Noorweegse violis van die middel van die 19e eeu, Ole Bull, op sy toer deur Europa, laat een aand by die klein, houthutjie van 'n kluisenaar aanland.


 


Die ou man nooi hom in en gee hom kos. Na die ete gaan hulle voor die kaggel sit en die kluisenaar probeer op sy gehawende ou viool vir sy gas musiek maak. Dit was krassende musiek.
“Mag ék op jou viool speel?” vra Ole Bull.
“Jy kan probeer,” antwoord die ou kluisenaar, “maar dit het my jare geneem om soos nou te kon speel.”
Ole Bull het die strykstok sag oor die snare gestreel. Skielik was die ou kluisenaar se hut met lieflike musiek gevul. Verstom staar die ou man Ole Bull aan en begin huil soos 'n kind.
“Ek het nie geweet dit kan so wees nie... Ek het nie geweet dit kan so wees nie,” snik die ou kluisenaar oor en oor.
Mev. Cowman maak die opmerking: “Ons is soos mishandelde instrumente, selfs met gebreekte snare en gebuigde brug. Tog, as ons net die hand van Jesus in ons lewens wil inneem, dan sal hy ons heelmaak om die mooiste musiek selfs vir Engele voort te bring.”
Let op: “Want so sê die Hoë en Verhewene wat in die Ewigheid woon, Heilig is sy Naam: Ek woon in die hoogte en in die heilige plek (en waar nog?) en by die verbryselde en nederige van gees (hoekom?), om te laat herlewe die gees van die nederiges en te laat herlewe die hart van die verbryseldes.” Jes 57:15

Is jy ‘n stukkende horlosie…

Is jy ‘n stukkende horlosie… ‘n horlosie wat gaan staan het? Ander Gelowiges beweeg saam met die tyd van die Bybel. Hulle werk soos goed geoliede horlosies.
            Jy is ook ‘n horlosie, lyk ook nes een, maar jy is stukkend.
            “Maar die dag en die uur (van die dag en die uur van die Wederkoms) weet niemand nie, ook die Engele van die hemele nie,  maar net my Vader alleen. En net soos die dae van Noag was,  so sal ook die koms van die Seun van die mens wees.” Nogtans is daar ‘n spesifieke tyd aan gekoppel.
            Tyd is die mees belangrikste faktor in ons lewens en dis besig om uit te loop soos die sand in ‘n uurglas.
            Deesdae hoor mens byna daagliks: “Die tyd vlieg.” “Ek het nie tyd nie.” “As ek maar net kon maak.”
            Aan menige ding in hierdie lewe kan ons iets doen deur dit reg te maak of met ‘n nuwe te vervang, maar aan tyd wat meedoënloos verby tik kan ons niks doen nie. Wanneer jy hier klaar gelees het is sowat 2 tot 3 min vir altyd verby. Jy kan dit nooit weer terugkry nie. Wat jy wel kan bekom is die Ewige Lewe waar tyd nie meer sal bestaan nie.
            Sommige wens hulle kan die HERE vra om die tyd te laat stilstaan want hulle het agtergeraak en hulle wil graag inhaal.
            Die HERE werk op tyd en alles wat hy geskep het werk met en op tyd. Dink maar aan die maan en die son en die totale sterrehemel, die seisoene, ens. So is Jesus se Koms na die aarde, ‘n gebeurtenis wat uit en uit gaan plaasvind, maar niemand weet die dag of die uur nie. Daar is egter ‘n spesifieke tyd aan verbonde.
            Nie een van ons kan sonder tyd lewe nie, daarom dra ons almal horlosies, het ons horlosies in ons voertuie en in ons huise en kantore. Tyd is vir ons belangrik.
            Tyd help ons om baie dinge te bepaal soos om afsprake betyds na te kom.
            In die gang van die lewe is ons elkeen ook ‘n horlosie. Ons pols is ‘n horlosie. Elke sel in ons liggame bestaan uit ‘n magnetiese veld. Ons moet die regte kossoorte inneem om ons hele bestaan gesond en glad te laat verloop.
            Sommige se geestelike horlosies het gaan staan en hulle bring nie hulle kant vir God en Volk nie. Wat hulle help om hulle toestand te regverdig is dat hulle darem soos ‘n horlosie lyk en erger: ‘n Stukkende horlosie is darem twee keer in elke 24 uur op tyd.
            Reg oor die wêreld is kundiges wat die geestelike horlosie ken en dophou en almal is dit eens, dis 3min voor middernag.
            Tyd is nou aan niemand se kant nie. Ons leef in die laaste uur.
            “Daarom, rig die slap hande en die verlamde knieë weer op; en maak reguit paaie vir julle voete, sodat wat kreupel is, nie uit lit raak nie, maar liewer gesond gemaak word.
“Jaag die vrede na met almal, en die heiligmaking waarsonder niemand die Here sal sien nie; en pas op dat niemand in die genade van God veragter nie; dat geen wortel van bitterheid opskiet en onrus verwek en baie hierdeur besoedel word nie.” Hebr 12:12-15

Wees soos ‘n Revolusionêr

Die profeet Sagaria profeteer oor die toekoms (Sag. 4:6) “Nie deur krag of geweld nie, maar deur My Gees, sê die Here van die leërskare.”
            Die klem val op ‘n nuwe revolusie. Christus was seker in ons taal die grootste revolusionêr van alle tye.  Kyk net wat het Hy nie alles gedoen en bereik nie.
            Nechayev, ‘n Marxis wat in die tronk dood is na die sluipmoord op Tsaar Alexander 11, het gesê:
            “Die revolusionêr is ‘n toegewyde persoon. Hy stel nie sy eie belange voorop nie, ook nie sy eie gevoelens nie, nog minder het hy belang by eiendom, selfs sy naam is nie vir hom belangrik nie. Vir die revolusionêr is alles saamgevat in die enkele eksklusiewe gedagte – die een-passie revolusie!”
            Maar hierdie toegewydheid was nie oorspronklik Kommunisties nie. Dit was Jesus Christus wat gesê het:
            “As enigeen ‘n begeerte het om My dissipel te wees, laat hy homself verloën (homself alles ontsê, van homself en sy eie belange vergeet), sy kruis opneem en My volg (word gelyk aan My voorbeeld wat ek stel in lewe, daad en dood).
            Joshua 5: 15-15 is ‘n weerspieëling van wat tydens die Yom Kippoer Oorlog in Israel in 1973 gebeur het.
            “En terwyl Joshua by Jerigo was, slaan hy sy oë op en kyk, en daar staan ‘n man teenoor hom met ‘n ontblote swaard in sy hand; en Joshua het na hom gegaan en hom gevra: Behoort u by ons of  by ons vyande?
            “En hy sê:  Nee, maar Ek is die leërowerste van die HERE; Ek het nou gekom. (Ek het pas gearriveer).”
            Die Hoof van die Leër van die HERE!
            Die gedagte verruk ‘n mens se sinne. Dis byna te groot vir die mens om te begryp.
            Die harde feite is dat ons in hierdie stadium onsself in ‘n geestelike oorlog bevind.
            Die tweede wat hieraan gelykstaan is dat Jesus Christus die Hoof van ons Leërmag is. Aan Hom is “alle mag gegee in die Hemel en op Aarde.” Matt. 28:18.
            En hier is die mees verstommende aspek van die geestelike lewe wanneer Jesus in Lukas 10:19 sê:
            “Ek gee julle die mag om op slange en skerpioene (die okkultisme, towery, heksery en magte van die duisternis) te trap, en oor al die mag van die vyand, en niks sal julle ooit skade doen nie.”
            Eers is die mag aan Hom gegee, en toe gee Hy dit aan ons. Ek wat maak ons daarmee?
            Ons sukkel met ons perspektiewe omdat ons nie in en deur die Gees van God wandel nie.
            Saam met die Hoof van die Leërmag is etlike legioene Engele.
            Hulle was daar toe die Rooi See oopgekloof is, hulle het die mure van Jerigo  omgegooi, hulle was ook saam met Josafat toe die vyand skielik homself vernietig het, en met Jonathan toe hy die Filistyne bestorm het, saam met Dawid toe hy Goliat  verslaan het, saam met Daniël in die Leeukuil  en helaas, ook telkemale saam met  ons eie volk (in die verlede).
            Die sonde van ons tyd is wanpersepsies omdat ons toelaat dat ander invloede uitwerkings op ons het, in plaas daarvan om te bly in dit wat ons geleer was – die Waarheid en nogmaals die Waarheid soos vervat in die Bybel. Ons lewe onder die omstandighede in plaas van bo die omstandighede.
            God se Engele is oral. Hulle het nie visums en paspoorte nodig nie. Dit is ook hulle wat in Angola ons troepe keer op keer uit benoudhede gered het. Die getroue gebede aan die tuisfront, was nodig.
            Kom ons bid saam vir ‘n magtige Herlewing in SA en weet dat legioene Engele saam met ons beweeg want vir elke siel wat inkom, is daar ‘n Engelefees in die Hemel.
Onthou: "Al loop hy en huil terwyl hy die saaisak dra, hy kom juigend terug terwyl hy sy gerwe dra." Ps 126:6  – Sjibbolet

Veilig in Jesus hoede

By Spitak in Armenië was daar op 7 Desember 1988 ‘n aardskudding van 6.8 op die Richterskaal wat 25 000 lewens geëis het.
            Altesame 113 lande het aller vorme van hulp aangebied. ‘n Russiese vliegtuig met 78 reddingswerkers aan boord het nooit arriveer nie. Die vliegtuig tesame met ‘n Joego-Slawiese transportvliegtuig het in twee verskillende ongelukke neergestort, met geen oorlewendes nie.
Die boek, A Father's Love, vertel die storie van die vernietigende aardskudding, maar die eintlike verhaal gaan oor 'n pa, wat van sy seuntjie se geboorte af, hom beloof het: "Dit maak nie saak wat gebeur nie. Ek sal altyd daar wees as jy my nodig kry."
Pas na die verskriklike aardskudding jaag die pa na sy seun se skool toe. Die gebou het platgeval. Nêrens 'n teken van lewe nie. Gedagtig aan sy belofte aan sy seuntjie, weifel die pa nie 'n oomblik nie. Hy begin dadelik in die puin grawe.
Terwyl ander toekyk en hardop, hulpeloos huil oor hulle kinders wat ook in die puin toegeval lê, hou die pa aan met grawe. Ander ouers het moed opgegee, maar hierdie pa hou aan grawe. Een na die ander klippe verwyder hy.
Een na die ander steen word weggeneem. Hy moet weet of sy seun lewe of dood is. Ure tik verby – ses, twaalf, agtien ure – steeds grawe die pa. Agt-en-dertig uur na die aardbewing, vertel die boek, hoor hy 'n sagte stem. "Armand!" roep hy.
'n Kinderstem antwoord: "Pa! Dis ek. Ek het vir die ander kinders gesê Pa sal my nie alleen los nie. Pa sal my kom uithaal en vir hulle ook." Kort daarna help die pa sy seun tesame met 12 verskrikte, honger, dorstige kinders uit die bouval uit.
Hulle behoud was 'n holte wat veroorsaak is, deurdat twee mure teen mekaar geval het.
Die dorpsmense, en veral die ouers van die kinders wat behoue uit die puin gehaal is, het Armand se pa vereer vir sy dapper daad. Sy verduideliking was: "Ek het my seun beloof: wat ook al met hom gebeur, ek sal daar wees om hom te help."
“Laat ons styf vashou aan die hoop wat ons bely, want God is getrou: Hy doen wat Hy beloof het." Hebr 10:23
Kyk wat beloof die HERE vir my en vir jou:

“Nou sal ek onbesorg gaan lê en dadelik aan die slaap raak, want, HERE, U alleen laat my veilig woon.” Ps 4:9

“U beskerm my soos die appel van U oog. U steek my weg in die skaduwee van U vleuels vir die goddeloses.” Ps 17:8

“Deur U magtige teenwoordigheid beskerm U my teen die sameswering van mense.” Ps 31:21

“Die Engel van die Here slaan sy laer op rondom die wat Hom dien en red hulle.” Ps 34:8

“Hy sal sy Engele opdrag gee om jou te beskerm waar jy ook al gaan. Op hulle hande sal hulle jou dra...” Ps 91:11 Lees sommer die hele Psalm 91 oor bewaring en beskerming.

“Vir slegte tyding is die regverdige nie bevrees. Hy is gerus. Hy vertrou die HEREe.” Ps 112:7

Die HERE sal  jou beskerm teen alle gevaar,  jou lewe sal Hy beskerm. Hy sal jou beskerm waar jy ook al gaan, nou en vir altyd.” Ps 121:7

“Wees nie bevrees nie, want Ek is met jou; kyk nie angstig rond nie, want Ek is jou God. Ek versterk jou, ook help Ek jou, ook ondersteun Ek jou met my reddende regterhand.” Jes 41:10

“Elke wapen wat teen jou gesmee word, sal niks uitrig nie; en elke tong wat teen jou opstaan in die gereg, sal jy weerlê. Dit is die erfdeel van die knegte van die HERE en hulle geregtigheid wat uit My is, spreek die HERE.” Jes 54:17

“Ek is met jou om jou te verlos en om jou te red, spreek die HERE.” Jer 15:20

“En Ek sal jou red uit die hand van die goddelose mense en jou verlos uit die vuis van die tiranne.” Jer 15:21

God ry deur die Hemel om jou te kom help, in Sy majesteit ry Hy op die wolke. Die ewige God is n skuilplek. Sy arms is altyd onder jou.” Deut 33:26-27.

Dit is wonderlik om te besef wat die HERE vir ons doen, maar ons is verplig om hierdie goeie nuus ook met die verlorenes te deel. Bid en getuig sonder ophou. – Sjibbolet

Wat verlore is moet ten alle koste gevind word

·  
Vind ook jouself...



In Lukas 15 word drie verhale vertel: Die een oor die herder (Jesus) wat 100 skape gehad het. Toe een daarvan wegraak het hy die 99 gelos en daardie verlore skaap gaan soek.
            In die tweede storie verloor ‘n vrou (die Bruid) een van haar 10 pennings. Sy steek ‘n lamp (openbaring) op, en vee die huis om die verlore muntstuk te soek.
            In die derde verhaal is die bekende Verlore Seun wat ook verlore was, maar uiteindelik keer hy self huis toe.
            Ons het dus ‘n verlore skaap, ‘n verlore penning en ‘n verlore seun. Die drie verhale begin by 100, dan 10 en dan een plus een.
            In die eerste verhaal vind die HERE die skaap en kyk wat gebeur dan:
            “En as hy dit kry, sit hy dit met blydskap op sy skouers. (Die skaap was afgedwaal, moeg, honger, dors, verwese en dit word teruggedra)
            “En as hy by die huis kom, roep hy sy vriende en bure bymekaar en sê vir hulle: Wees saam met my bly, want ek het my skaap gekry wat verlore was.
            “Ek sê vir julle dat daar net so blydskap sal wees in die Hemel oor een sondaar wat hom bekeer, meer as oor nege en negentig regverdiges wat die bekering nie nodig het nie.” Luk 15:5-7
            Die tweede storie van die verlore penning gaan oor geld. Binne die gemeente moet daar wys met die geld gewerk word. Kyk wat gebeur hier:
            “Of watter vrou (Die Bruid, die Liggaam) wat tien pennings het, as sy een penning verloor, steek nie 'n lamp op en vee die huis uit en soek sorgvuldig totdat sy dit kry nie?
            “En as sy dit kry, roep sy haar vriendinne en buurvroue bymekaar en sê: Wees saam met my bly, want ek het die penning gekry wat ek verloor het (binne die huis).
            “So, sê Ek vir julle, is daar blydskap voor die Engele van God oor een sondaar wat hom bekeer.” Luk 15:8-10
            Die verhaal dui dus op geld en verwys ook na verlore sondaars.
            Geld kan baie probleme skep. Daar is niks mee verkeerd om R10 miljoen in die bank te hê nie, maar as die R10 miljoen jou het, wag groot probleme op jou.
            Die verlore skaap en die verlore penning word gevind en daar is groot blydskap in die Hemel. Die verlore skaap en penning is dus geheilig en daarom is die ander 90 skape en die ander pennings ook geheilig.
            In die geval van die laaste verhaal, fokus almal gewoonlik net altyd op een seun, maar die verhaal begin vertel van twee seuns… die een is so belangrik soos die ander.
            Die een seun het sy eie koers ingeslaan, sy fout byna te laat agtergekom en teruggekeer. Ook in dié verhaal word groot fees gevier met die terugkeer van die eens verlore seun.
            Maar let op hoe gaan die ander seun homself te buite oor die manier waarop sy verlore broer terug verwelkom word. Dis om van ween.
            En dit gebeur vandag nog wanneer ‘n eens verlore broer of suster terugkeer na die gemeente. Daar is ‘n groep vol blydskap oor sy terugkeer, maar daar is die ander wat glad nie gelukkig is met die manier waarop die verlorene terug verwelkom word nie.
            Daar word in die terug gevallene se foute vasgekyk, pleks van sy verlossing en oorwinning!
            Oor die verlore seun sê die Vader: “Want hierdie seun van my was dood en het weer lewendig geword; en hy was verlore en is gevind. En hulle het begin vrolik word.” Luk 15:24. Daar was ook vrolike musiek en beurtsange.
            Terwyl dit alles gebeur het, was die ander seun in die veld. Met sy tuiskoms vra hy aan die diensknegte wat is gaande en hulle vertel hom sy broer het teruggekom.
            “En hy het kwaad geword en wou nie binnegaan nie. Sy vader gaan toe uit en smeek hom.
            “Maar hy antwoord en sê vir sy vader: Kyk, ek dien u so baie jare en ek het nooit u gebod oortree nie, en vir my het u nooit 'n bokkie gegee, sodat ek saam met my vriende vrolik kon wees nie.
            “Maar toe hierdie seun van u kom, wat u goed met hoere deurgebring het, het u vir hom die vetgemaakte kalf geslag.
            “Toe sê hy vir hom: Kind, jy is altyd by my, en al wat myne is, is joue.
            “Ons moet tog vrolik en bly wees, want hierdie broer van jou was dood en het weer lewendig geword, en hy was verlore en is gevind.” Luk 15:28-32
            Die lede wat in die gemeente tuisgebly het, moet oplet wat met die verlore broer/suster gebeur het: Want God het hom of haar vergewe. “So ver as die ooste verwyderd is van die weste, so ver verwyder Hy ons oortredinge van ons.” Ps 103:12
            Noord en suid is sowat 19 200 km van mekaar af, maar die afstand tussen oos en wes, is onmeetbaar. Die een wat terugkom is bloedgewas, sy sondes vergewe, van elke ongeregtigheid gereinig. 1 Joh 1:9
            Ons wat tuisgebly het durf nooit na die verlore broer of suster se verlede te verwys nie. Nooit nie!
            Die liefde is ‘n Koninklike Wet. “As julle ewenwel die koninklike wet volbring volgens die Skrif: Jy moet jou naaste liefhê soos jouself – dan doen julle goed.” Jak 2:8.
Die skrif verwys telkemale daarna dat ons ander moet liefhê soos onsself.
Is dit moontlik om onsself lief te hê?
            Hierdie kan as ‘n meetinstrument beskou word: Hoe lief ek myself het, bepaal hoe lief ek ander het.
            Dit bepaal ook my geestelike stand in Christus.
Liv 19:18 “Jy mag nie wraakgierig of haatdraend teenoor die kinders van jou volk wees nie, maar jy moet jou naaste liefhê soos jouself. Ek is die HERE.
            Liv 19:34 “Die vreemdeling wat by julle vertoef, moet vir julle wees soos 'n kind van die land wat onder julle is. En jy moet hom liefhê soos jouself...”
            Matt 19:19 “Eer jou vader en moeder; en: Jy moet jou naaste liefhê soos jouself.”
            Matt 22:39 “En die tweede wat hiermee gelykstaan: Jy moet jou naaste liefhê soos jouself.”
           Wat ons ook hieruit leer is dat dit belangrik vir ons is om te weet in watter mate ons onsself lief het.
           Jy moet jouself liefhê. Ontlok hierdie woorde ‘n negatiewe reaksie by jou? Klink dit nie selfsugtig en egoïsties nie?
           Om jouself lief te hê beteken nie om selfgesentreerd te wees nie. Dit beteken om respek vir jouself te hê, om jouself te beskerm, vir jouself om te gee.
           Kyk weer na Liv 19:18: “Jy mag nie wraakgierig of haatdraend teenoor die kinders van jou volk wees nie, maar jy moet jou naaste liefhê soos jouself. Ek is die HERE.” Moet dus nooit ‘n wrok teenoor iemand hê nie, maar “hê jou naaste lief soos jouself.”
            Die drie verhale gaan oor niks mag verlore gaan nie.
            Die broer wat tuis gebly het, was meer verlore as sy broer wat die voetpad van die wêreld ingeslaan het.
            Sorg dat jy jouself lief het, dan sal jy ander asook vir God liefhê... met jou hele hart... – Sjibbolet

Sò, moet ‘n man sy vrou liefhê

God se ideale situasie is dat die man die hoof van sy huis moet wees, maar meer nog, hy moet die priester van die huis wees, God se verteenwoordiger in die huisgesin. God hou die man verantwoordelik vir die geestelike welsyn van die vrou en die kinders.
            Mans verlaat hul ouerhuise om hul vroue aan te kleef en lief te hê. “Daarom sal die man sy vader en moeder verlaat en sy vrou aankleef. En hulle sal een vlees wees.” Gen 2:24
            ‘n Man is die hoof van die vrou. “Maar ek wil hê dat julle moet weet dat Christus die hoof is van elke man, en die man die hoof van die vrou, en God die hoof van Christus.” 1 Kor 11:3
            Mans moet hulle vroue liefhê. “Manne, julle moet jul eie vroue liefhê, soos Christus ook die gemeente liefgehad en Homself daarvoor oorgegee het.” Efes 5:25. ‘n Man moet sy vrou dus so liefhê dat hy bereid moet wees om homself te offer vir haar.
            Liefde gee die deurslag. Liefde is en bly die grootste Gebod. Met ware getroue liefde vermag mens enigiets, verskuif jy berge.
            Mans moet hul vroue eer. “Net so moet julle, manne, verstandig met hulle saamlewe en aan die vroulike geslag, as die swakkere, eer bewys, omdat julle ook mede-erfgename van die genade van die lewe is – sodat julle gebede nie verhinder mag word nie.” 1 Pet 3:7
            Let op: As ‘n man nie verstandig met sy vrou saamlewe nie en aan sy vrou as die swakkere een, eer bewys nie, word die man se gebede verhinder.
            Baie is altyd gou om strofes aan te haal dat die HERE ‘n mens se gebede beantwoord en dat mens kan vra net wat jy wil, maar hulle laat na om te besef dat die beloftes ook voorwaardes bevat.
            In 1 Pet 3:7 sê die HERE bv. Dat ‘n man se gebed verhoor sal word as hy verstandig met sy vrou saamlewe, as hy aan haar as die swakkere eer bewys.
            Mans moet beheer oor die huishouding neem. “'n Opsiener dan moet onberispelik wees, die man van een vrou, nugter, ingetoë, fatsoenlik, gasvry, bekwaam om te onderrig;
            “geen drinker, geen vegter, geen vuilgewinsoeker nie, maar vriendelik; geen strydlustige, geen geldgierige nie;
            “een wat sy eie huis goed regeer en sy kinders met alle waardigheid in onderdanigheid hou.” 1 Tim 3:2-4
            Let weer op: ‘n Man moet sy kinders in alle waardigheid... in onderdanigheid hou.” Nie met ‘n gevloek en ‘n geskel en dreigemente nie, maar in alle waardigheid.
            Waardigheid kweek liefde en eerbied. Enige ander manier is vernietigend.
            En strofes 12-13: “Die diakens moet manne van een vrou wees en hulle kinders en eie huis goed regeer.
“Want diegene wat goed gedien het, verkry vir hulle 'n eervolle plek en veel vrymoedigheid in die geloof in Christus Jesus.”
Net so die vroue ook. “Net so moet die vroue waardig wees, geen kwaadspreeksters nie, nugter, betroubaar in alles.” 1 Tim 3:11.
Die vroue is ook die man se helper en die man mag dus sekere take aan die vroue delegeer. Onthou altyd, die man en die vrou is een vlees. Sodra hulle gemeenskap gehad het, is hulle een vlees. Matt 19:5-6
Ons is voorstanders daarvan dat pleks van geslagsvoorligting, daar gesinsvoorligting op skool moet wees, en op grond van die volgende:
“'n Opsiener (die hoof van die huis, die hoof van enigiets in die lewe) dan moet onberispelik wees, die man van een vrou, nugter, ingetoë, fatsoenlik, gasvry, bekwaam om te onderrig;
“geen drinker, geen vegter, geen vuilgewinsoeker nie, maar vriendelik; geen strydlustige, geen geldgierige nie;
“een wat sy eie huis goed regeer en sy kinders met alle waardigheid in onderdanigheid hou.
“Maar as iemand nie weet om sy eie huis te regeer nie, hoe sal hy vir die gemeente van God sorg dra?
“Hy moet nie 'n nuweling wees nie, sodat hy nie verwaand word en in dieselfde oordeel as die duiwel val nie.
“Maar hy moet ook goeie getuienis hê van die buitestanders, sodat hy nie in veragting en in die strik van die duiwel val nie.” 1 Tim 3:1-7
Mans tree in die huwelik sonder dat hulle die vaagste benul het waaroor dit gaan.
Omdat die man die hoof van die huis is, is hy ook verantwoordelik vir alle besluite wat geneem word. Dit beteken nie dat vroue geen seggenskap het nie, maar dat hulle optree onder die sekuriteit van die man se gesag.
Dit is interessant om te sien dat mans hulle vroue moet liefhê. Dit is ‘n opofferende liefde.
“Wees aan niemand iets skuldig nie, behalwe om mekaar lief te hê; want hy wat 'n ander liefhet, het die (Koninklike) wet vervul.” Rom 13:8
“Want dít: Jy mag nie egbreek nie, jy mag nie doodslaan nie, jy mag nie steel nie, jy mag geen valse getuienis gee nie, jy mag nie begeer nie, en watter ander gebod ook al, word in hierdie woord saamgevat: Jy moet jou naaste liefhê soos jouself.” Rom 13:9
As jy jouself liefhet, respek het vir jouself, vir jouself omgee voor God en die mens, dan sal jy nie egbreek, doodslaan en dergelike dinge doen nie nie.
En weer ‘n keer: “Want die hele (Koninklike - Jak 2:8) Wet word vervul in een woord, naamlik: Jy moet jou naaste liefhê soos jouself.” Gal 5:14
Het jy jouself lief? Hoeveel het jy jouself lief, ‘n bietjie of met jou hele hart? Kyk na die waarskuwing: “Maar as julle mekaar byt en opeet, pas op dat julle nie die een deur die ander verteer word nie.” Gal. 5:15
Liefde is en bly die Groot Gebod. Wandel in die ware liefde en daar sal nooit probleme wees nie. Die liefde, is ‘n Koninklike Wet: “As julle ewenwel die Koninklike wet volbring volgens die Skrif: Jy moet jou naaste liefhê soos jouself – dan doen julle goed.” Jak 2:8
As ons nie onsself lief het nie, kan ons nie ons naaste liefhê nie, nie mekaar liefhê nie, dan doen ons nie goed nie. Naaste aan ons is sekerlik ons huismense.
Dat ‘n man sy vrou moet liefhê, is ‘n opdrag, ‘n Koninklike opdrag. Om daarin te kan slaag om so lief te wees, moet ‘n man sekerlik sy vrou wil liefhê.
As alle mans hierdie opdrag ter harte wil neem, dan sal dit alle struikelende huwelike oornag salf en regruk.
Onthou ook, die vrou is uit die man se ribbebeen gemaak, nie uit sy mond, of sy vuiste of sy voete nie, ook nie uit sy strydlustige gees nie. Uit sy ribbebeen beteken na aan sy, sy... koesterend, liefkosend, beskermend.
“So behoort die mans hulle eie vroue lief te hê soos hul eie liggame. Wie sy eie vrou liefhet, het homself lief;
“want niemand het ooit sy eie vlees gehaat nie, maar hy voed en koester dit, net soos die Here die gemeente.” Efes 5:28-29
Let weer op: Wie sy vrou liefhet, het homself lief!
‘n Man sonder ‘n vrou is nie volledig nie. Wanneer hy in die huwelik tree word hy eers volkome man.
Is hulle ‘n eenheid? Nee. Hulle kan nooit ‘n eenheid wees nie want elkeen het sy eie karakter en persoonlikheid. Eenheid beteken noodwendig eendersheid. So ‘n eendersheid huwelik sou ook maar eentonig gewees het.
Maar hulle kan eendragtig wees, vir seker. Die eendragtigheid word ook gesien in die kinders wat hulle in die lewe bring.
Die vrou moet haar onderwerp aan die gesag van die man. “Vroue, wees aan julle eie mans onderdanig, soos aan die Here.
“Want die man is die hoof van die vrou, soos Christus ook Hoof is van die gemeente; en Hy is die Verlosser van die liggaam.
“Maar soos die gemeente aan Christus onderdanig is, so moet die vroue dit ook in alles aan hul eie mans wees.” Efes 5:22-24
Die egskeidingsyfer is Suid-Afrika is skrikwekkend hoog. Daar moet ‘n rede voor wees. Beradings dui telkens op liefdeloosheid, soos wat sogenaamde Christene se liefde teenoor God ook verflou het.
Almal wat hieraan skuldig is, staan skuldig voor God! “Vreeslik is dit om te val in die hande van die lewende God.” Heb 10:31
“Daarom, rig die slap hande en die verlamde knieë weer op; en maak reguit paaie vir julle voete, sodat wat kreupel is, nie uit lit raak nie, maar liewer gesond gemaak word.
“Jaag die vrede na met almal, en die heiligmaking waarsonder niemand die Here sal sien nie; en pas op dat niemand in die genade van God veragter nie; dat geen wortel van bitterheid opskiet en onrus verwek en baie hierdeur besoedel word nie.” Heb 12:12-15 – Sjibbolet

Jesus se waarborg staan vir ewig!

Jou Waarborg

Rom 8:31-34: "Hy het Sy eie Seun nie gespaar nie, maar Hom oorgelewer om ons almal te red" (vs.32).

Wanneer ons iets nuut koop dan vra ons daarna of ons word vanselfsprekende verseker van ‘n waarborg op die produk. Maar ons weet uit dure ondervinding die goed breek mos altyd net na die waarborg verstryk het. Jesus se waarborg staan vas, as jy gered is, is jy gered.

En as jy na jou redding sondig, lees die waarborg: “ As ons, ons sondes bely, Hy is getrou en regverdig om ons die sondes te vergewe en ons van alle ongeregtigheid te reinig.” 1 Joh 1:9

Die waarborg lees verder: “My kinders, ek skryf hierdie dinge aan julle, dat julle nie moet sondig nie; en as iemand gesondig het, ons het 'n Voorspraak by die Vader, Jesus Christus, die Regverdige.” 1 Joh 2:1

En verder: “En Hy is 'n versoening vir ons sondes, en nie alleen vir ons s'n nie, maar ook vir dié van die hele wêreld.” 1 Joh 2:2

God sien die dieper betekenis, die oneindige volheid van alles wat die bloed van Sy liewe Seun beteken, ten volle raak. Hy ken die volle betekenis van Sy Seun se uitroep: Dit is volbring! Hy sien die groot koopkrag van daardie bloed, wat die Hemele vir sondaars ontsluit.

Wat sê Hy van die volkomenheid van die verlossing? Van die gehoorsaamheid tot die dood toe, van Sy geliefde Seun? Niemand kan God se welbehae in Jesus se offerdood begryp of beskryf nie, maar God se opdrag om dit aan die wêreld te verkondig, bevestig dat ons met vrede en volle veiligheid daarop kan rus. Ons het God se Woord, wat die krag van Jesus se soenoffer vir ons sonde oor en oor aan ons bevestig. Jesus se offerdood aan die kruis red die sondaar wat in Hom vertrou volkome tot in Ewigheid.

Bitter baie mense het nog nie hierdie waarborg nie en ander het afgedwaal. Soek asseblief die aangesig van die HERE in hierdie tyd vir ‘n magtige Herlewing in Suid-Afrika. Dit is ons roeping. – Sjibbolet

Second Coming of Christ Imminent,

Says Former Congresswoman
Michelle Bachmann says Christ's return is imminent.
Michelle Bachmann says Christ's return is imminent. (Charisma News File)


Michelle Bachmann has never been shy about her faith or lacked the boldness to confront the difficult issues. The former congresswoman didn't hold back on Jan Markell's Understanding the Times radio broadcast this week, Charisma News reports.

For starters, she warned that God is going to bring judgment on America thanks to President Obama's foreign policy. She called Obama ignorant of Islamic scripture and Islamic history and accused him of intentionally lying to the American people.

"He constantly talks about perverting Islam, but we have literally centuries and centuries of theory and practice of the Quran and the Hadith, which are traditions, the works of Islamic jurisprudence, that say one complete, consistent truth and that's that they want to have a nuclear weapon," she said.

"There is no fatwa out there," she added. "This is a lie, in my opinion, that the president is perpetrating. But that's what we've seen—a doctrine of deception. From the time Barack Obama has come in, I have witnessed firsthand a doctrine of deception."

Bachmann then turned to a more hopeful thought: the return of the Lord Jesus Christ.

"The good news that I want to transition to is that, remember the prophets said in the Old Testament, they longed to look into the days that we live in, they long to be a part of these days. That's why these are not fearful times, these are the most exciting days in history," Bachmann said.

"Every single day we can talk about God's time clock and the fact that Jesus Christ's return is imminent. We have very little time, in my opinion, left before the second return of Christ. That's good news. Maranatha, come Lord Jesus. So do we despair? The despairing is that we see that our world is not going the way of salvation and the way of blessing, the world is embracing degeneracy."

WND EXCLUSIVE
Reports from Israel reveal startling rerun
of history
'Kaduri Revival is exploding like never before'


Rabbi Yitzhak Kaduri, the Rabbi who found the Messiah

The Fig Tree is bearing Fruit
They call it the “Kaduri Revival” and reports over recent months have confirmed the teachings of one of Israel’s most venerated rabbi
are leading Jews time and again to accept Jesus Christ as the Messiah, WorldNetDaily reports.
Baptist preacher and radio host Carl Gallups says the situation facing Messianic Jews right now in Israel is “reminiscent of what we read about in the New Testament – in the early days of the church.”

There, he said, Jews accepting a Christian faith were persecuted. And today, they “are facing the same hardships and persecution the early church faced,” he said.

“Gallups is the author of “Final Warning: Understanding the Trumpet Days of Revelation,” which cracked the top 100 bestseller list on Amazon as a growing number of political leaders and media commentators are openly speaking about the end times.

But Gallups believes one of the least-reported aspects of this discussion is the rise of Messianic Judaism in Israel.

One of the key figures in this movement is Messianic Jewish Rabbi Zev Porat of Messiah of Israel ministries. Porat won another convert over Passover when a Jew named Yechezke proclaimed his belief in “Yeshua,” or Jesus. Yechezke stated, “This is my first real Passover. Now I know that Yeshua is the Passover Lamb.”

Porat explained, “Yechezke’s salvation on the Feast of Passover is yet another confirmation that we are closer than ever to the return of our Lord and Savior Yeshua the Messiah.”

The key resource Porat and other Messianic Jews are using in their evangelism is Gallups’ book, “The Rabbi Who Found Messiah: The Story of Yitzhak Kaduri and His Prophecies of the Endtime.”

It’s about Israel’s most venerated spiritual leader, Rabbi Yitzhak Kaduri, who died in 2006 at the age of 108, leaving behind a message for his followers declaring that the name of the Messiah was Yehoshua – the formal name for Yeshua, or Jesus, in Greek.

Gallups says this shocking revelation was covered up by the media – and if he didn’t tell the story, no one else would.

“I wrote the book because I knew this story had to be told,” Gallups said. “It appeared that the mainstream media in the U.S., as well as in Israel, was not going to report upon the well-known fact that the most venerated rabbi in Israel’s modern history had left a note behind saying that Jesus was the real Messiah. Besides leaving the note, he had also left a double handful of his Yeshiva students who are now professing Jesus as Messiah and Lord and revealing that Kaduri showed them these things in his private teachings.”

He continued, “I suppose all of this was simply too much for the largely secular media to admit. I knew I would take a lot of flak for reporting the story and exposing what the naysayers had thought they had quashed. But, I felt powerful leading of the Lord that it had to be done – the Kaduri account had to be revealed to the world. Now, to see what is happening, particularly in Israel – it is absolutely overwhelming at times.”

Gallups also believes the increasing acceptance of Jesus Christ in Israel is part of the same end times phenomenon he discusses in his blockbuster, “Final Warning.”

“I talk to Zev Porat quite frequently,” Gallups revealed. “He assures me that he believes the ‘Kaduri revival,’ as he calls it, is not going to stop any time soon. Zev claims that as more Jews are saved and professing that Jesus is Messiah, they are also sharing their revelations and newfound faith with their family and friends.”

He continued, “But there are many people who continually attack Zev and his ministry – even threaten him. This is to be expected, I suppose. Satan’s time is short, and I believe the ‘Kaduri revival’ is a part of the unfolding of the final days nearing the Lord’s return.”

Porat himself claims, “The Kaduri revival is exploding like never before. We give all the glory to the Lion of tribe of Judah – Yeshua the Messiah.”

Porat has taken his message throughout Israel, even to Muslim communities that are hostile to outsiders. However, the bigger obstacle Porat and other Messianic Jews face is resistance from the faction whose members believe accepting Yeshua as the Jewish Messiah constitutes a betrayal of Jewish identity.

For that reason, Gallups says, the last teaching of Rabbi Kaduri is critical because it shows that Jesus is not an enemy to Jewish tradition and identity, but its fulfillment.

“The beauty of the Rabbi Kaduri story is that it opens the door for Jews to begin to carefully compare the Tanach with the New Testament documentation of the fulfillment of the Tanach’s messianic prophecies in Jesus – Yeshua,” Gallups explained. “Once they see with their own eyes that Kaduri named Yeshua as Messiah, they are much more likely to have a look at the New Testament documents.

“The note Kaduri left after his death only confirmed what several of Kaduri’s own students already knew and now openly attest – Kaduri knew and taught that Yeshua is the authentic and biblical Messiah.”

Gallups notes the example of Yechezke is typical of how the Kaduri revival is taking place in Israel.

Yechezke was “full of questions” but “like so many other orthodox Jews, simply did not know the Old Testament in its context and particularly those passages that had specific connectivity to the prophecies and revelations of the coming Messiah.”

By approaching Scripture through a Jewish context, Gallups believes, many Jews can learn their Messiah has already arrived.

“Most Jews are absolutely astonished to find out that the New Testament was written entirely by Jewish writers and written specifically to the early church that was entirely Jewish in makeup for the first couple of decades,” Gallups said. “They are further surprised to learn Jewish Pharisees and priests of New Testament days also proclaimed Jesus as Messiah and followed Him as dedicated believers. When they finally have the opportunity, they had largely been denied their entire lives, to compare the clear messianic prophecies of the Tanach with the New Testament fulfilments in Jesus Christ – they are usually quite overwhelmed.”

And the discovery of the Messiah Yeshua by the Jewish people, Gallups believes, is yet another sign that believers should recognize the end is coming soon.

“These are prophetic times in which we are living,” he said. “This revival is a supernatural phenomenon.”

Porat’s use of the book’s information has been to deliver the salvation message to Muslims, to Orthodox Jews at the Western Wall, in the streets of Jerusalem, Tel Aviv, and other places. He has taken the gospel abroad and continually looks for opportunities to minister the gospel of Jesus the Messiah to Muslims.

The findings about Kaduri remain highly controversial in Israel, with Kaduri’s own family claiming the late rabbi’s note was a forgery and others in Jewish circles dismissing him entirely. Gallups establishes the case for Kaduri’s legitimacy and the identification of Yeshua as the Jewish Messiah in the book “The Rabbi Who Found Messiah” and the DVD of the same title.

Israel's President Reaffirms the Nation's
Commitment to Defend Christians
"There is a great threat to the Christian communities in the Middle East. Yet there is an
embarrassed silence about Christians being crucified, beheaded, stoned and shot in
country after country." - Latin Patriarch of Jerusalem Fouad Twal

ISRAEL — Israeli President Reuven Rivlin met with Christian leaders, including Patriarch Theophilos III, in the Old City of Jerusalem, BCN reports.

The meeting was organized to mark the Easter holiday, and was the first held by a sitting Israeli President at the site in 30 years.

Rivlin used the opportunity to reaffirm his commitment to defend and promote equality and religious freedom: "For me, attacks on your holy places is as damaging as those onto our holy places, and it shouldn't happen," he stated.

"The State of Israel is committed to protecting the freedom of each and every one of the different religions—we will not allow abuse because of religion, and if such harm does occur, law enforcement will take care of it immediately."

Greek Patriarch Theophilos III welcomed the President, saying "We are grateful for your visit during this season when the Christian community is celebrating the festival of Pascha (Easter)."

"The close relationship between Passover (Pesach) and Easter (Pascha) is an important reminder to us all, of the deep bonds that unite the children of Abraham. Jews, Christians, and Muslims have lived here side by side for centuries, always seeking mutual understanding, for the mutual well-being in our region," he said. – ends