Die krag van God is stem-geaktiveerd

“En omdat ons (elke Gelowige) dieselfde Gees van die geloof het – soos geskrywe is: Ek het geglo, daarom het ek gespreek – glo ons ook, daarom spreek ons ook.” 2 Kor 4:13
            Twee duisend jaar gelede, voordat die mens tegnologie ontdek het wat deur ‘n mens se stem geaktiveer kan word, het mense al God se krag geaktiveer deur hul stem. Dit was moontlik omdat hulle die Gees van Geloof gehad het,
Die dissipels genees talle siekes en krankes,  deur God se krag net met hul stemme te aktiveer. Wat help dit jy sê jy het geloof en sê nooit iets nie?
Wanneer ons enigiets aanspreek in die naam van Jesus Christus, aktiveer ons die krag van God.
Onthou jy die eerste bandopname masjien wat op jou stem gereageer het? Die verkoopsman het dit so in die winkel verduidelik, die handleiding het dit beklemtoon... en jy het dit geglo en begin praat en toe werk dit.
As jy die krag van God in aksie wil sien, glo die handleiding (Die Bybel) en spreek. As jy twyfel in die Handleiding sal jy nie die krag van God kan aktiveer nie, sal jy dus niks kan ontvang nie. Jak 1:6-7
Om te bid is om ons geloof deur ons stem uit te spreek.
Daar is Christene wat slegte of negatiewe dinge sê en dan gebeur dit ook. Jy het die verkeerde kragbron aangespreek.
In Joshua word vertel dat Joshua en Kaleb nie vriende was oor negatiewe dinge nie, maar weens hulle opregtheid en juis daarop kon God hulle help om talle hindernisse, selfs die reuse, te bowe te kom.
Geloofsbeginsels is een ding, maar wat ons nodig het is ‘n Gees van Geloof. Smith Wigglesworth was ‘n gewone loodgieter, maar hy had die Gees van Geloof en onder sy prediking het 19 mense uit die dood opgestaan.
Hy het gelag oor die onmoontlike. Oor ‘n negatiewe situasie spreek mens soms negatief. Wigglesworth het geglo om liewer daarvoor te lag en so die situasie in jou guns om te keer.
Dawid het ‘n Gees van Geloof gehad toe hy net 17 jaar oud was.
Daar is Christene wat Bybeleksamens met lof deurkom, maar hulle het nie die Gees van Geloof nie want hulle is nie waarlik Wedergebore nie.        
Daar is volgens die jongste sensus 34-miljoen Christene in die SA. As hulle die Gees van Geloof had, sou hulle bid en spreek en die krag van God in werking kon stel.
“Laat dit vir julle wees volgens julle geloof.” Matt 9:29 – Sjibbolet
                                 

Waak dan...

1 Thes 5 is van toepassing by die ontnugterende werklikheid dat daar tans oorlog in 67 lande van die wêreld woed. Altesame 719 weermagte, kwasi militêre, en terroriste groepe neem hieraan deel. Miljoene mense sterf onskuldig. Miljoene ander vlug oor die
wêreld heen na moontlike veiligfe. Honderde duisende sterf op die vlugtogte. Christene word in 50 lande van die wêreld wreed vervolg.
Vredesonderhandelinge is op ‘n paar plekke onsuksesvol aan die gang. Altesame 29 mense, meeste vroue en kinders, is reeds oor die
wêreld heen ontvoer. Jerusalem verkeer in ‘n ernstige krisis.

“Maar oor die tye en geleenthede, broeders, het julle nie nodig dat aan julle geskryf word nie; want julle weet self baie goed dat die dag van die Here kom net soos 'n dief in die nag.

Want wanneer hulle sê: Vrede en veiligheid – dan oorval 'n skielike verderf hulle soos die barensnood 'n swanger vrou, en hulle sal sekerlik nie ontvlug nie.

Maar julle, broeders, is nie in duisternis, dat die dag julle soos 'n dief sou oorval nie.

Julle is almal kinders van die lig en kinders van die dag; ons is nie van die nag of die duisternis nie.

Laat ons dan nie slaap soos die ander nie, maar laat ons waak en nugter wees.

Want die wat slaap, slaap in die nag; en die wat dronk word, is in die nag dronk.

5:8 Maar laat ons wat van die dag is, nugter wees, met die borswapen van geloof en liefde aan, en as helm die hoop op die saligheid.

Want God het ons nie bestem tot toorn nie, maar om die saligheid te verkry deur onse Here Jesus Christus wat vir ons gesterf het, sodat ons, of ons waak en of ons slaap, saam met Hom kan lewe.

Daarom, bemoedig mekaar en bou die een die ander op, soos julle ook doen. Maar ons vra julle, broeders, erken die wat onder julle arbei en julle voorgangers in die Here is en julle vermaan; en bewys hulle in liefde die hoogste agting ter wille van hulle werk. Hou vrede onder mekaar.

En ons versoek julle, broeders, vermaan die onordelikes, bemoedig die kleinmoediges, ondersteun die swakkes, wees lankmoedig teenoor almal. Sorg dat niemand 'n ander kwaad vir kwaad vergeld nie; maar jaag altyd ná wat goed is, teenoor mekaar sowel as teenoor almal.

Wees altyddeur bly.

Bid sonder ophou.

Wees in alles dankbaar, want dit is die wil van God in Christus Jesus oor julle.

Blus die Gees nie uit nie.

Verag die profesieë nie.

Beproef alle dinge; behou die goeie.

Onthou julle van elke vorm van kwaad.

En mag Hy, die God van die vrede, julle volkome heilig maak, en mag julle gees en siel en liggaam geheel en al onberispelik bewaar word by die Wederkoms van onse Here Jesus Christus!

Hy wat julle roep, is getrou; Hy sal dit ook doen.

Broeders, bid vir ons.

Groet die broeders almal met 'n heilige kus.

Ek besweer julle by die Here dat hierdie brief aan al die Heilige broeders voorgelees word.

Die genade van onse Here Jesus Christus sy met julle! Amen.” 1 Thes 5:1-28

Skinder besmet jou

Jy durf nie loop en skinder nie...

As mense maar soveel wil bid soos wat hulle skinder, sal dit soos in die Hemel, ook op die aarde wees.
         Gelowiges, of dan, diegene wat getuig dat hulle Gelowiges is, dop telkens die toets... deur te praat, pleks van te bid.
          “Vriendelike woorde is soos 'n heuningkoek: soet vir die siel en 'n genesing vir die gebeente.” Spr 16:24
“Die vrug van die Gees is liefde, blydskap, vrede, lankmoedigheid, vriendelikheid, goedheid, getrouheid, sagmoedigheid, selfbeheersing.” Gal 5:22
Is hierdie vrugte by jou aanwesig? Gaan bid jy soms saam met jou predikant en of sy vrou om hulle te versterk en te bemoedig?
Daar is Gelowiges aan ons bekend wat nooit na ‘n skinderstorie sou luister nie, nie eers oor iemand in die familie nie... al was dit ook die waarheid. Hulle maak sulke storievertellers dadelik stil en vermaan hulle om vir die lydende te gaan bid.
Om verkeerd op te tree is ‘n gruwelike sonde. "Jy mag nie loop en skinder nie, jy mag nie jou medemens se lewe in gevaar stel nie. Ek is die Here." Lev 19:16
"Iemand wat loop en skinder, lap geheime uit; 'n betroubare mens bewaar 'n geheim." Spr 11:13.
"Iemand wat die waarheid verdraai, veroorsaak twis, iemand wat skinder, bring verwydering tussen vriende." Spr 16:28
"Iemand wat loop en skinder, lap geheime uit; bly weg van iemand wat baie praat." Spr 20:19
As iemand vir jou sê: “Het jy gehoor....” Dan moet jy dadelik op jou hoede wees en daardie een vermaan.
Stories het die gemene manier om langer te word en al hoe meer verdraaid. Soms is die probleem lankal opgelos, dan skinder dit nog steeds. Geen geskinder kan ‘n probleem oplos nie, maar eendragtige gebed wel.
Kyk weer, beskik jy hieroor: “Die vrug van die Gees is liefde, blydskap, vrede, lankmoedigheid, vriendelikheid, goedheid, getrouheid, sagmoedigheid, selfbeheersing.”
Aan watter van vrugte het jy behoefte? Maak dan werk daarvan eerdat jy self in die beskuldigdebank staan.
Een besmette appeltjie maak die hele sak (gemeenskap) vrot. Jy as Gelowige moet jou gemeente en gemeenskap se belange op die hart dra. As een lid ly, ly almal.
Om te skinder en jou gesag te beswadder, beteken jy is besmet en jy besmet die gemeente en dit terwyl jy gewaarsku word: “Raak my gesalfdes nie aan en doen my profete geen kwaad nie. Ps 105:15
“Bely mekaar julle misdade en bid vir mekaar, sodat julle gesond kan word. Die vurige gebed van 'n regverdige het groot krag.” Jak 5:16
Mens bely jou sondes by die HERE, maar as jy teenoor iemand gesondig het, soos deur te skinder, bely dit teenoor die slagoffer en bid vir mekaar. Hoekom? Sodat julle gesond kan word.... een van die redes hoekom mens nie haastig die hande moet oplê nie. 1 Tim 5:22
As mens dit nie doen nie, sny jy jou toevoer na die Hemel af. Dan kwyn jy.
Die strofe lees: Die gebed van die regverdige het groot krag. Vraag is, is jy regverdig?
Feit is dat ons gereed moet wees vir die Wederkoms, sonder vlek en sonder rimpel. Is ons? Ons moet permanent gereed bly want ons kan ook vroeër gehaal word.
Wat moet jy maak wanneer iemand struikel, en selfs val: “Broeders, as iemand ewenwel deur een of ander misdaad oorval word, moet julle wat geestelik is, so een reghelp met die gees van sagmoedigheid (en let op), terwyl jy op jouself let, dat jy ook nie versoek word nie.
“Dra mekaar se laste en vervul so die wet van Christus.” Gal 6:1-2
En nou die groot vraag: Wat is die wet van Christus? “As julle ewenwel die Koninklike Wet volbring volgens die Skrif: Jy moet jou naaste liefhê soos jouself – dan doen julle goed.” Jak 2:8
Dawid spreek die situasie aan in Ps 12 “Help tog, Here, want daar is geen vrome meer nie, daar is geen betroubare mens meer oor nie. Die mense bedrieg mekaar; hulle mislei mekaar met vleitaal. Die Here sal al die vleitaal uitroei en die grootpratery van die mense wat sê: In ons tong lê ons krag. Ons lippe help ons. Ons buig vir niemand nie.
“Maar die Here sê: Die swakkes word mishandel en die armes kla. Daarom gryp Ek nou in en gee uitkoms aan dié wat daarna smag. Daar is niks vals in wat die Here sê nie. Sy woorde is soos silwer wat oor en oor in 'n oond gesuiwer is. U, Here, hou oor ons wag. U sal ons vir altyd teen sulke mense beskerm, selfs al pronk goddeloses nog rond en al heers die gemeenheid nog tussen die mense."
Pleks van skinder moet ons so na aan mekaar wees dat self die wind nie tussen ons kan deurkom nie. Job 41:7. As ons so na aanmekaar in eendragtigheid staan, loop ons as gemeente ‘n bende storm en wen ons elke veldslag... en ook die geestelike oorlog.
Ons wekroep moet wees: Eendrag... want tweedrag is ‘n huis wat teen homself verdeeld is en hy gaan vir seker val. Matt 12:25
Woorde kan stig, maar dit kan ook vernietig. Woorde van ongeregtigheid, het menige familie geskeur, vriendskappe verbreek en selfs mense se dood beteken. Vandaar die spreekwoord: Tel jou woorde!
Mense wat skinder gaan ook verder. Dit was erg in Jeremia se tyd en is vandag steeds so erg.
Jeremia sê in Jer 9:1-10 “Ag, was my hoof maar water en my oog 'n fontein van trane! Dan sou ek dag en nag beween die wat verslaan is van die dogter van my volk.
“Ag, het ek in die woestyn maar 'n herberg (gastehuis) vir reisigers gehad! Dan sou ek my volk verlaat en van hulle af wegtrek; want hulle is almal owerspelers, 'n hoop ontroue mense.
“En hulle span hulle tong, soos hulle boog, met leuens, en nie volgens waarheid is hulle magtig in die land nie; want van boosheid tot boosheid gaan hulle voort, maar My ken hulle nie, spreek die HERE.
“Pas op, elkeen vir sy vriend, en vertrou op geen broer nie; want elke broer is net 'n onderkruiper, en elke vriend gaan om met kwaadsprekery.
“En hulle bedrieg elkeen sy vriend en praat nie die waarheid nie; hulle het hul tong geleer om leuens te praat, hulle maak hul moeg met verdraaiery.
“Jou woning is in die midde van bedrog; deur bedrog weier hulle om My te ken, spreek die HERE.
“Daarom, so sê die HERE van die leërskare: Kyk, Ek smelt hulle en toets hulle; want hoe sou Ek anders handel vanweë die dogter van my volk?
“Hulle tong is 'n moordpyl; dit spreek bedrog; met die mond spreek hulle van vrede met hul naaste, maar in hul binneste beraam hulle listige planne.
“Sou Ek hieroor aan hulle geen besoeking doen nie? spreek die HERE. Of sou my siel hom nie wreek op 'n nasie soos hierdie een nie?
“Ek sal geween en geklaag aanhef oor die berge en 'n klaaglied oor die weivelde van die woestyn; want hulle is verwoes, sodat niemand daar deurtrek nie, en 'n mens hoor geen geluid van vee nie; die voëls van die hemel sowel as die diere – hulle het gevlug, weggetrek.”
Het jy al vir die HERE gesê: "Here, ek is innig lief vir U"? Of vir mede Gelowige?
Met woorde en ‘n berouvolle hart, kan enigiets reg gemaak word. Moet jy nie dalk by iemand gaan vergifnis vra nie? Of iemand dalk gaan vergewe nie? Doen dit vandag nog. Kry die rimpels en die vlekke uit jou bruilofskleed. Gaan staan voor hulle, al moet jy 1 000km ry. Bely, maak reg want jy verkeer in uiterste gevaar.
Die HERE het aan die mens die vernuf en wysheid gegee om talle musiekinstrumente te maak om die HERE mee te verheerlik. Vandag word die meeste instrumente vir ‘n verkeerde doel aangewend.
So het die HERE aan ons ‘n tong en woordeskat gegee om Sy lof en eer te besing. Sien, as jy hierin onskuldig is, dan kan jy antwoorde op jou gebede verwag. Jesus sal na jou luister want jou saak is reg voor Hom.
Dis ook hoekom jy die doop in die Heilige Gees kan beleef om ‘n geheime Hemelse taal van die HERE te ontvang om Hom in ‘n Hemelse taal te eer en te aanbid. Dis hoe mens in die Gees aanbid.
“Maar daar kom 'n uur, en dit is nou, wanneer die ware aanbidders die Vader in gees en waarheid sal aanbid (hoekom?); want die Vader soek ook mense wat Hom só aanbid.
“God is Gees; en die wat Hom aanbid, moet in gees en waarheid aanbid.” Joh 4:23-24
Dit kan mens net doen wanneer jou lewe waarheid is. – Sjibbolet

Die Wind is altyd in ons Guns

 

"Die wind waai waar hy wil. Jy hoor sy geluid, maar jy weet nie waar hy vandaan kom en waar hy heen gaan nie. So gebeur dit met elkeen wat uit die Gees gebore is." Joh 3:8

           Dr. John Henry Jowett, ‘n prediker van Engeland wat ook lank in Amerika gepreek het,  het een oggend in sy studeerkamer, vir sy preek, die betekenis van Jesus se woorde aan Nikodemus in Joh 3:8 bepeins: "Die wind waai waar hy wil. Jy hoor sy geluid, maar jy weet nie waar hy vandaan kom en waar hy heen gaan nie. So gebeur dit met elkeen wat uit die Gees gebore is."

            Hy kon die betekenis van Jesus se woorde oor die wind nie heeltemal begryp nie. Hy besluit om 'n ent te gaan stap, die wind oor hom te voel waai en sy hart vir dieper begrip oop te maak. Dit was 'n helder lenteoggend, skoon en koel.
            Hy stap langs die see af en verlustig hom aan die branders. Op 'n afstand sien hy skepe in die hawe lê. Hy sien ook naby die breekwater 'n ou matroos sit; mes in die hand, pyp in die mond, besig om 'n tou te las. "As enige iemand die wind kan verklaar, sal hierdie ou seeman dit kan doen," het Howett gedink.
            Hy gaan sit langs die ou man en vra vriendelik: "Kan jy vir my die wind verklaar?" Die ou seeman trek aan sy pyp, kyk uit oor die golwende Noordsee, rig sy oë op die bollende seile van die skepe in die hawe. "Nee," antwoord hy. "Ek kan nie die wind verklaar nie, maar ek kan 'n seil span."
            Dr. Howett het sy antwoord gekry!
            Die werking van die Heilige Gees in ons en selfs deur ons, is vir ons onbegryplik, maar ons kan ons hart oopstel en die Gees gehoorsaam. Die Heilige Gees is in ons guns.
            Ons moet ons seile span vir die wind van die Hemel. Hoe span ons, ons seile?
            Ons moet eendragtig wees, oopgestel en gehoorsaam. Ook moet ons biddend wees en eendragtig in die gebed. “Die vurige gebed van die regverdige het groot krag.” Jak.5:16
            Ons moet in afwagting of dan verwagting leef, die wind van die Hemel verwag. As ons waarlik in afwagting leef vir die Heilige Gees en die Wederkoms, dan lewe ons in Hoop soos in toekomsfeit, en nie soos “ek wens” nie.  Matt 21:22; Luk 24:49.
            Ware afwagting vereis geloof. Kom ons bid in afwagting van die Hemelse Wind vir die grootste Herlewing wat Suid-Afrika of die wêreld nog ooit beleef het. Hand 2:38. – Sjibbolet

Die Onvrugbares...

 

In Luk 13:1-9 word vertel van ‘n man wat ‘n vyeboom had wat hy van alle plekke, in sy wingerd geplant het. Hy het vrugte daaraan gesoek en niks gevind nie. Toe sê hy: “Kap hom uit...”
         Ons lewe in die laaste uur en tyd loop snel uit. Oral praat Gelowiges van hoe snel die tyd verloop. Skaars was dit Maandag of dis weer Maandag.

         Die gelykenis oor die onvrugbare vyeboom, vervat vier gedagtes:


1.  Die beste versorging
2.  Die groot verwagting
3.  Die bittere teleurstelling
4.  Die regverdige oordeel

          ‘n Predikant vertel: Die middag voordat ek Wedergebore is, stap ek na die winkel op die hoek om sigarette te koop. Op pad hoor ek duidelik die stem aan my regterkant: “As ‘n wingerdstok nie vrug dra nie word hy uitgekap en in die vuur gegooi.” Ek het geweet dis die HERE wat praat, maar ek het gemaak of ek dit nie gehoor het nie.

Die beste versorging:
Die vyeboom was in ‘n wingerd geplant. Dit het dus op die beste plek gestaan. Die omgewerkte, vrugbare en skoon wingerdterrein, met die beste versorging het die boom veilig en beskut in die wingerd gestaan.
           Ek en jy, is ook in die vrugbaarste grond geplant. Ons word ook deur die herder in die gemeente goed versorg.
          Op godsdienstige gebied kan ons dit nie beter verlang nie. Boonop het ons elkeen ‘n Bybel, die Woord van die HERE om ons te lei, te dra en geestelik te bekragtig.
          Die boodskappe van die HERE het gereeld tot ons gekom, die vermanings, die roepstemme. Strome van lewende water het na ons gevloei. Ons was veilig in die wingerd, die gemeente, geskut. Ons is nie aan onsself oorgelaat nie, ons is versorg.
          As mens soveel moeite gedoen het met ‘n boom, ‘n Gelowige, dan verwag mens dat hy vrug sal dra.

Die groot Verwagting:
Die strofe in Lukas sê Hy (Jesus) het gekom en vrugte daaraan gesoek want dit is vanselfsprekend dat so ‘n goed versorgde boom vrugte sou dra.
          Wat vind Jesus as Hy vandag na jou sou kom? Aan die vyeboom het die eienaar vye verwag. In  my en jou lewe kom die Here vrugte van die Heilige Gees soek... “Die vrug van die Gees is liefde, blydskap, vrede, lankmoedigheid, vriendelikheid, goedheid, getrouheid, sagmoedigheid, selfbeheersing.” Gal 5:22
          Is hierdie vrugte by my en jou aanwesig? Begin met ‘n selfondersoek sodat die HERE tog vrugte by jou sal vind.

Die bittere Teleurstelling:
Die eienaar van die vyeboom het vrugte daaraan gesoek, maar niks gevind nie. Die teleurstelling was so groot dat die eienaar opdrag gegee het: “Kap hom uit!”
          Dit was reeds die derde jaar. Hoeveel jaar sit jy al in die gemeente sonder liefde, blydskap, vrede, lankmoedigheid, vriendelikheid, goedheid, getrouheid, sagmoedigheid en selfbeheersing? Het jy al een siel vir die Koninkryk ingewin?
          Ons lewe in ‘n tyd kort vir die Wederkoms. Watter vrugte vind Jesus by jou en my?” Sal Hy ook in ons teleurgesteld wees? Hoe lank staan ons nie al in die wingerd nie en ons stel elke jaar teleur.
          By sommige soek Hy al die afgelope 5 jaar, 10 jaar, 20 jaar en selfs langer na vrugte en steeds is daar niks.
          Was al Sy liefdesarbeid en troue Vadersorg dan verniet? Hinder dit ons nie wanneer gesing word: Moet ek gaan met leë hande, moet ek so my HEER ontmoet, nie?
          Daar staan geskrywe: “Elke boom wat geen goeie vrugte dra nie, word uitgekap en in die vuur gegooi.”

Die Regverdige Oordeel:
“Kap hom uit,” het die eienaar beveel. “Waarvoor maak hy die grond nog meer onvrugbaar. Wat kan ek meer vir hom gedoen het?”
          Beteken ons iets vir die HERE hier op aarde? Bou ons aan die Koninkryk? Lewe ons tot Sy welbehae, of tot Sy teleurstelling?
          Onthou wat Jesus gesê het: “Ek is die wynstok en julle die lote. Wie in My bly en Ek in hom, hy dra baie vrugte, want sonder my kan julle niks doen nie.”
          Wanneer jy op reis gaan, maak jy nie klaar daarvoor nie? Ons moet binnekort op reis gaan. Is jy gereed? – Sjibbolet

Ons is maar net dienaars...

“Wat is Apollos dan? Wat is Paulus? Hulle is maar net dienaars deur wie julle tot geloof gekom het, en elkeen doen die werk soos die Here dit vir hom gegee het.” 1 Kor 3:1-9 (5)

 
Harry Moorehouse, die beroemde en kragtige Engelse prediker, was nog ’n jongman toe hy gedurende die Engelse en Amerikaanse herlewings van meer as ’n eeu gelede, in een van die Engelse stede ’n diensreeks gehou het, vertel Alliance Weekly.

Op ander plekke was daar tydens sy dienste ’n gees van herlewing, gepaardgaande met groot seën vir die mense wat die dienste bygewoon het. In die stad waar hy nou met sy dienste besig was, was dit egter anders. ’n Hardheid het die dienste gekenmerk en dit het vir hom gevoel hy preek teen ’n koue muur vas. Hy het ure op sy knieë deurgebring soos hy by die Here gepleit het vir die deurbreek van die werking van die Heilige Gees en soos hy selfondersoek gedoen het of daar dalk in sy eie lewe iets was wat die Heilige Gees bedroef.

Een middag loop hy in een van die stad se strate af en sien ’n plakkaat teen ’n muur wat sy dienste bekendmaak: Harry Moorehouse, the most famous of all British preachers! Dadelik sê hy vir homself. “Daarom is daar nie herlewing nie!”

Hy het dadelik  gevra dat die komitee wat die dienste reël, moet vergader. Hy het vir hulle gesê: “Brethern, now I know why there is no revival. See how you have advertised me as the greatest of this and the greatest of that! No wonder the Holy Spirit cannot worK! He is grieved and quenched because you haven’t magnified the Lord Jesus Christ. He is the wonderful One. I’m just a poor, simple, humble servant, preaching the glorious Gospel, and saying, ‘Behold the Lamb of God that taketh away the sins of the world.’”

Ongelukkig word in die beriggie nie gesê wat die gevolg van sy gesprek met die komitee was nie, of daar toe herlewing in die stad gekom het en of die harde, koue atmosfeer voortgeduur het, omdat daar ‘n ander probleem was nie.

Die feit dat hierdie vertelling by herhaling oorvertel is, laat mens dink dat Harry Moorehouse reg was in sy vermoede en dat die Here, na die roem van die prediker na die regte plek toe afgebring is, Homself deur die prediking van sy jong dienskneg in daardie kerk en stad openbaar het. Dit was ook die houding van Johannes die Doper toe die volk so ’n grotigheid van hom gemaak het: “Die hele landstreek van Judea en al die inwoners van Jerusalem het na hom toe gestroom. Hulle het hulle sondes bely en is deur hom in die Jordaanrivier gedoop...Hy het gepreek en gesê: ‘Die Een wat ná my kom, is my meerdere.

Ek is nie eers werd om te buk en sy skoene los te maak nie...Hy sal julle met die Heilige Gees doop’” (Mark.1:5-7). Wanneer ons, in ons diens vir die Here, van onsself af wegdraai na Jesus  toe en Hom verhoog, gebruik die Heilige Gees ons werk vir Hom tot eer van God.

So bid een van ons lesers

Ek is ‘n Koningskind!
Ek is meer as Oorwinnaar deur Christus wat my krag gee
Ek is die kop en nie die stert
Ek is tot alles in staat weens Sy krag
Ek sit saam met Jesus in Hemelse plekke
Ek regeer saam met Hom oor die vyand en sy werke
Satan ek weerstaan jou, jou werke en jou planne;
Ek bind jou en maak jou kragteloos in Jesus’ naam
Jy’t genoeg gesteel en geslag
Jou tyd is op
Die bloed van Jesus is teen jou
Ek eis duisendvoudig terug, al’s wat jy van my gesteel het
Ek eis ‘n siel vir elke sent wat jy van my beroof het
God sal jou straf met ‘n straf wat reeds oorjou uitgespreek is!
Ek neem my gesag in Christus op
Hy leef in my en ek deur Hom
Met Jesus loop ek ‘n bende storm
Met Hom spring ek oor ‘n Muur
In Jesus’ naam
Amen

Die Finale Vredesverdrag – Die sleutel tot God se profetiese Tyd

 

Die verwagte ondertekening van die Midde Oosterse Vredesverdrag tussen Israel en die Palestyne – en as verlengstuk daarvan ook met die Arabiese wêreld – sal ‘n betekenisvolle gebeurtenis op God se profetiese kalender wees.
            Daar is druk vanaf Frankryk, Amerika en die VN dat Israel en die Palestyne so ‘n vredesverdrag sluit.
            Op Vrydag 3 Junie vanjaar het Frankryk ‘n vergadering gehou wat deur 30 ministers van Buitelandse Sake van hul onderskeie lande bygewoon is. Israel die Palestyne is nie genooi nie.
            Israel is basies omsingel met ‘n opbou van oorlogskepe in die Mediterreense en Rooi See. Vegvliegtuie, vliegdekskepe, aanvalshelikopters en tenks is voortdurend by oorlog op Israel se grense betrokke. Die oorlog in Sirië kry net nie einde nie.
            Rusland minag Amerika en is nou die hoofrolspeler in die Midde Ooste. Rusland en Turkye het pas saamgesweer om die Koerde te verslaan sodat daar niks van hul planne kan kom om ‘n onafhanklike staat te stig nie.
            Intussen is die verwagting dat ‘n vredesverdrag teen 16 November vanjaar tussen Israel en die Palestyne onderteken kan word. Sommige analiste vrees dat so ‘n ooreenkoms die begin van die einde kan beteken omdat dit op die twee partye afgedwing word en dat wat ook al besluit word, nie die ware besluite van Israel en die Palestyne sal wees nie.
            Die verwagting is dat die VN eenvoudig ‘n Resolusie sal uitvaardig om dit af te dwing.
            Die kernaspek van so ‘n vredesverdrag is en bly Jerusalem. Israel het onlangs nog gesê hy sal nooit Jerusalem of die Golan Hoogtes afgee nie. Israel is bereid om ‘n twee-staat model in beginsel te aanvaar te aanvaar, maar hy weier om Jerusalem te herverdeel of om Israel se soewereiniteit oor Jerusalem af te staan.
            Die Palestyne eis dat Jerusalem die hoofstad van die nuwe Palestynse staat moet wees.
            Die Palestyne en ander eis ook dat Israel alle grondgebied teruggee wat hy sedert die 1967 oorlog beset het. Dit sluit Oos-Jerusalem en die Golan Hoogtes in.
            Uit ‘n Bybelse oogpunt beskou word ‘n finale vredesverdrag voorspel soos vervat in Dan 9:27. Die prins wat sal kom, die AntiChris sal die vredesverdrag bevestig. Dit sal deur baie, ook Israel onderteken word.
            Dit sal heel waarskynlik die implementering van die Arabiese Vredesplan wees en deur meer as 22 lande onderteken word.
            Die profeet Daniël sê hierdie Verdrag sal vir sewe jaar geld. Daar is nog gewysigde sienings, maar feit is dat Israel uiteindelik teken, vrywillig of onder dwang. Die Verdrag is tydelik en dan volg die ergste en dodelikste tyd wat die aarde nog ooit beleef het.
            Jesus sê: “Want dan sal daar groot verdrukking wees soos daar van die begin van die wêreld af tot nou toe nie gewees het en ook nooit sal wees nie.” Matt 24:21
            Ons weet nie in hierdie stadium hoe die Vredesverdrag gaan lyk nie, maar die druk is daar van alle kante dat dit wel saamgestel en onderteken moet word. Al wat die Gelowiges kan doen is om die situasie te monitor omdat dit elkeen van ons sal raak.
            Israel sal dalk op sekere dinge toegee solank die Derde Tempel herbou word 11 Thess 2:4. Die Arabiese Moslem wêreld gaan hier beslis ‘n groot rol speel want hulle eis dat die Tempelberg aan hulle behoort.
            Dit is waar Ps 83 ook ‘n rol speel. En die dreigemente is die afgelope maande keer op keer herhaal: Israel moet van die landkaart af verdwyn.
            As alles teen Israel werk, sal Israel die “Simson Opsie” uitoefen, al loop dit uit op ‘n derde wêreldoorlog.
            Die Amerikaanse president Barak Obama is daarop uit om sy termyn af te sluit met ‘n “suksesvolle” vrede in die Midde-Ooste. Hoekom? Niemand weet nie maar dit word gemeen hy is straks op pad na die VN vir ‘n leiersrol daar.
            Hoof Rabbi David Lau het heel onlangs gesê die Moskee van Omar kan bly staan want daar is genoeg plek op die Tempelberg vir twee tempels.
            Veronderstel dat die partye nie vrede het oor die inhoud van die Verdrag nie en dit word nie geteken nie, wat dan? Dit sal sekerlik op grootskaalse oorlog uitloop.
            Dis straks waarna Eseg 38 verwys?
            Hoe dit ook al sy, gesien in die lig van die reeds bestaande tekens van die tye, is ons reeds in die laaste uur. – Sjibbolet

Dit is waar Ps 83 ook ‘n rol speel. En die dreigemente is die afgelope maande keer op keer herhaal: Israel moet van die landkaart af verdwyn.
            As alles teen Israel werk, sal Israel die “Simson Opsie” uitoefen, al loop dit uit op ‘n derde wêreldoorlog.
  Die Amerikaanse president Barak Obama is daarop uit om sy termyn af te sluit met ‘n “suksesvolle” vrede in die Midde-Ooste. Hoekom? Niemand weet nie maar dit word gemeen is straks op pad na die VN vir ‘n leiersrol daar.

Selfveroordeling bind jou gees

Hou op om jouself te veroordeel

“Daarom, as iemand in Christus is, is hy 'n nuwe skepsel; die ou dinge het verbygegaan, kyk, dit het alles nuut geword.” 2 Kor 5:17
            Menige Gelowige sal vandag getuig dat toe hulle Jesus Christus as persoonlike Saligmaker aangeneem het, toe hulle Wedergebore is, het ‘n algehele transformasie in hul lewens plaasgevind.
            Daar is verandering te bespeur aan ons uiterlike, aan ons emosie, maar ons gees is totaal getransformeer.
            Wanneer iemand Weergebore word, dan word hulle gees regverdig en waarlik heilig. Die Bybel praat eintlik van twee tipes geregtigheid. Daar is die geregtigheid wat mens toon deur jou eie optredes, en mens moet daardie tipe regverdigheid behou in verhoudings met ander mense.
            As jy nie reg lewe nie en nie reg doen nie, mag jou werkgewer jou dalk afbetaal, of jou vrou kan jou skei; so ‘n mens het jou eie geregtigheid nodig.
God neem jou egter nie aan op grond van jou uiterlike geregtigheid nie. God gee letterlik aan jou Sy geregtigheid. “En julle met die nuwe mens moet beklee wat na God geskape is in ware geregtigheid en heiligheid.” Efes 4:24
            In 2 Kor 5:21 lees ons dat God die Vader die Seun geskep het om sonde vir ons te word sodat ons die geregtigheid van God in Hom  kan word. Daar is dus ‘n geregtigheid ver bo ons uiterlike geregtigheid en is gebaseer op wat God vir ons gedoen het.
            Ons het letterlik die geregtigheid van God ontvang deur geloof in Christus. Ons is geskep in geregtigheid en ware heiligheid. Ons groei nie daarin nie, ons is reeds geregverdig. ‘n Eenvoudige definisie is ons reeds in die korrekte verhouding teenoor God staan. God is tevrede met ons gesetel in Christus, niks anders nie.
            Ons gees is waar die verandering plaasgevind het. Ons is reeds geskep in geregtigheid en ware heiligheid en is dus nuwe skepsels. Efes 2:10 lees: “Want ons is sy maaksel, geskape in Christus Jesus tot goeie werke wat God voorberei het, sodat ons daarin kan wandel.”
            In ons gees is ons perfek en voltooid. Daar is geen sonde of tekortkominge nie. Efes 1:13 lees: “...nadat julle ook geglo het, verseël is met die Heilige Gees van die belofte.
            Sommige mag dink, wel, toe ek die eerste keer geglo het, toe het ek geglo dat ek geheel en al vergewe was en gereinig en alles was goed, maar sedertdien het ek gesondig, ek het God weer gefaal.
            As jy gefaal het, het jy gefaal in jou verstandelike en emosionele deel, maar jou gees het nie gesondig nie. Jou gees is geseël soos wat ‘n vrou konfyt in ‘n fles plaas, paraffien of kerswas oorgooi om dit lugdig te maak om alle onsuiwerhede uit te hou en draai dit dan styf toe. God het jou verseël en sonde kan nie jou gees binnedring nie. Jy het ‘n nuwe identiteit.
            Die wêreld waarin ons, ons bevind is een van veroordeling. Iemand moet altyd die skuld kry. In Christus werk dit nie som nie. Moenie jouself veroordeel oor ‘n fout wat gemaak het nie. Die HERE veroordeel jou nie, waarom doen jy dit?
            Vir jou om ‘n verhouding met God te hê, moet jy met Hom verkeer en Hom aanbid, juis gebaseer op wie jy is in jou gees en nie jou vlees nie. Dit is in werklikheid die groot transformasie in die Christelike lewe, dat ‘n persoon se identiteit moet verander.
            Ons moet aan God verwant wees, nie gebaseer net op wat ons in die fisiese  doen nie, ook nie met wat in ons gedagtes aangaan nie, maar juis met wie jy in jou gees is op grond van wat Hy vir jou gedoen het.
Dit is ‘n voltooide werk, en iets wat nooit verander nie, nooit fluktueer nie. Jy is geskape in geregtigheid en ware heiligmaking. Dit is die geestelike deel van jou. Jy moet gemeenskap met God hê in gees en in waarheid. Jy moet vasstaan in hierdie identiteit van wie jy in Christus is.
            In die Gees leef ons verby die vlees, domineer ons die vlees, vernietig ons die vlees. Let op wat sê Jesus: “Maar daar kom 'n uur wanneer?), en dit is nou, wanneer die ware aanbidders die Vader in gees en waarheid sal aanbid (hoekom?); want die Vader soek ook mense wat Hom só aanbid.
“God is Gees; en die wat Hom aanbid, moet in gees en waarheid aanbid.” Joh 4:23-24
Paulus verduidelik dat ons, ek en jy, is IN hierdie wêreld, maar ons is nie VAN hierdie wêreld nie. Hy sê ook, ons burgerskap is in die Hemel. Dis die laaste uur. Ons moet afskeid neem van hierdie wêreld, soos iemand wat binnekort ver op reis gaan.
Hy voeg by: “Want baie – van wie ek julle dit dikwels gesê het en nou ook onder trane sê – wandel as vyande van die kruis van Christus.
“Hulle einde is die verderf, hulle god is die buik en hulle eer is in hulle skande; hulle bedink aardse dinge.
“Want ons burgerskap is in die Hemele, van waar ons ook as Verlosser verwag die Here Jesus Christus, wat ons vernederde liggaam van gedaante sal verander (hoekom?), om gelykvormig te word aan sy verheerlikte liggaam volgens die werking waardeur Hy ook alles aan Homself kan onderwerp.” Fil 3:18-21
Kyk wat voeg Paulus by: “Daarom, my geliefde broeders, na wie ek ook verlang, my blydskap en kroon, staan so vas in die Here, geliefdes. Fil 4:1
Ons moet ook kan sê: “My blydskap en kroon staan vas in die HERE.”
Wees soos wyse maagde, wees gereed, verwag Jesus die Bruidegom.
Aanbid reeds in Gees en in Waarheid. – Sjibbolet

Oh Boundless Salvation

Oh Boundless Salvation

Words: William Booth, 1893.

Salvation Army Commissioner Theodore Kitching said that one morning he arrived at the house of the Founder of the Salvation Army Gen William Booth. Kitching found Gen Booth in his study completing the verses of this song. He wrote it to be sung at an evangelistic campaign being held at Exeter Hall in London. The crusade was called the “Boundless Salvation Campaign,” and this song was first sung November 14, 1893, during that campaign. Originally, the chorus “Heavenly Gales are Blowing” was sung between each of the verses. The words were first published in the Salvation Army magazine The War Cry on December 23, 1893. Booth announced this song the last time he appeared in public, at his 83rd birthday celebration in the Royal Albert Hall, London, May 9, 1912.

https://www.youtube.com/watch?v=O88Petqv7hU

O boundless salvation! deep ocean of love,

O fullness of mercy, Christ brought from above,

The whole world redeeming, so rich and so free,

Now flowing for all men, now flowing for all men,

Now flowing for all men, come, roll over me!

My sins they are many, their stains are so deep,

And bitter the tears of remorse that I weep;

But useless is weeping; thou great crimson sea,

Thy waters can cleanse me, thy waters can cleanse me,

Thy waters can cleanse me, come, roll over me!

My tempers are fitful, my passions are strong,

They bind my poor soul and they force me to wrong;

Beneath thy blest billows deliverance I see,

O come, mighty ocean, O come, mighty ocean,

O come, mighty ocean, and roll over me!

Now tossed with temptation, then haunted with fears,

My life has been joyless and useless for years;

I feel something better most surely would be

If once thy pure waters, if once thy pure waters,

If once thy pure waters would roll over me.

O ocean of mercy, oft longing I’ve stood

On the brink of thy wonderful, life giving flood!

Once more I have reachèd this soul cleansing sea,

I will not go back, I will not go back,

I will not go back till it rolls over me.

The tide is now flowing, I’m touching the wave,

I hear the loud call of the Mighty to Save;

My faith’s growing bolder, delivered I’ll be;

I plunge ’neath the waters, I plunge ’neath the waters,

I plunge ’neath the waters they roll over me.

And now, hallelujah! the rest of my days

Shall gladly be spent in promoting His praise

Who opened His bosom to pour out this sea

Of boundless salvation, of boundless salvation,

Of boundless salvation for you and for me.

---

Attachments area

Preview YouTube video O Boundless Salvation