Die Arbeider is sy Loon werd

Ons dank aan almal wat gereeld vir ons bid en saam met ons bid by Elohim Gesalfdes van God. Dankie ook aan elkeen wat dit vir ons geldelik moontlik maak om die Evangelie uit te dra, ons lopende kostes help delg, ons ondersteun met die urelange berading, ons ondersteun in die versoening tussen biologiese aangenome ouers en kinders, dankie ook aan predikers wat met of sonder ons toestemming ons werk verder die wêreld indra.

Let op die volgende:

“Pas op dat julle nie jul liefdadigheid voor die mense bewys om deur hulle gesien te word nie; anders het julle geen loon by julle Vader wat in die hemele is nie. Wanneer jy dan liefdadigheid bewys, moenie 'n trompet voor jou blaas soos die geveinsdes in die sinagoges en op die strate doen, dat hulle deur die mense geëer kan word nie. Voorwaar Ek sê vir julle, hulle het hul loon weg. Maar jy, as jy liefdadigheid bewys, laat jou linkerhand nie weet wat jou regterhand doen nie, sodat jou liefdadigheid in die verborgene kan wees; en jou Vader wat in die verborgene sien, Hy sal jou in die openbaar vergeld.” Matt 7:1-4

“Wee julle, skrifgeleerdes en Fariseërs, geveinsdes, want julle gee tiendes van kruisement en anys en koljander, en die swaarste van die wet laat julle ná: die reg en die barmhartigheid en die trou. Hierdie dinge behoort julle te doen sonder om die ander na te laat.” Matt 23:23

“En Jesus het reg voor die skatkis gaan sit en gekyk hoe die skare geld in die skatkis gooi. En baie rykes het veel ingegooi.

“En daar kom een arm weduwee en gooi twee geldstukkies in, dit is 'n oortjie.

“Toe roep Hy sy dissipels na Hom en sê vir hulle: Voorwaar Ek sê vir julle, hierdie arm weduwee het meer ingegooi as almal wat in die skatkis gegooi het.

“Want hulle het almal uit hulle oorvloed ingegooi; maar sy het uit haar gebrek ingegooi alles wat sy gehad het, haar hele lewensonderhoud.” Mark 12:41-44

“Gee, en aan julle sal gegee word. 'n Goeie maat wat ingedruk en geskud en oorlopend is, sal hulle in jul skoot gee, want met dieselfde maat waarmee julle meet, sal weer vir julle gemeet word.” Luk 6:38

“En as dáár 'n man van vrede is, sal julle vrede op hom rus; anders sal dit tot julle terugkeer.

“Bly dan in daardie selfde huis en eet en drink wat hulle het, want die arbeider is sy loon werd.”Luk 10:6-7

“Maar wee julle, Fariseërs, want julle gee tiendes van die kruisement en die wynruit en elke groentesoort, en julle verwaarloos die reg en die liefde tot God. Hierdie dinge behoort julle te doen sonder om die ander na te laat. Luk 11:42

“Op elke eerste dag van die week moet elkeen van julle self opsy sit en opspaar namate sy voorspoed is, sodat die insamelinge nie eers plaasvind as ek kom nie.

1 Kor 16:2

“En ons maak julle bekend, broeders, die genade van God wat aan die gemeentes van Macedónië geskenk is, dat onder baie beproewing deur verdrukking hulle oorvloedige blydskap by hulle diepe armoede oorvloedig was in hulle ryke milddadigheid.

“Want hulle was na vermoë – ek betuig dit – ja, bo vermoë gewillig. 2 Kor 8:1-3 (lees tot by strofe 7)

“Maar die godsaligheid saam met vergenoegdheid is 'n groot wins. Want ons het niks in die wêreld ingebring nie; dit is duidelik dat ons ook niks daaruit kan wegdra nie. aar as ons voedsel en klere het, moet ons daarmee vergenoeg wees.” 1 Tim 6:6-8

“Want hierdie Melgisédek was koning van Salem, priester van God, die Allerhoogste, wat vir Abraham tegemoetgegaan het by sy terugkeer toe hy die konings verslaan het, en hom geseën het; aan wie Abraham ook 'n tiende deel van alles gegee het – hy was in die eerste plek, volgens uitleg, koning van die geregtigheid en dan ook koning van Salem, dit is koning van vrede.” Hebr 7:1-2 –Wekroep

Herlewing breek in die Midde-Ooste uit

Die ganse Midde-Ooste beleef ‘n geestelike Herlewing. Dis waarvandaan die Evangelie 2000 jaar gelede begin het en feitlik doodgeloop het sodat dit vandag ‘n minderheidgodsdiens daar is. Meer as 30-miljoen siele is aan hulle TV’s vasgekluister om na geestelike programme oor Jesus Christus te luister.

            Mense is reg deur die Midde-Ooste in hulle huise vasgekeer weens die Korona virus. Miljoene mense regoor die Midde-Ooste en Noord-Afrika- dring aan op 'n geestelike en praktiese reddingsboei.

Hulle vind dit in hul wonings op "lewende televisie." In die streek waar Christenskap begin het, beleef ‘n Christelike TV uitsaaier, SAT-7 (sat7usa.org) ‘n ongekende oplewing in kykergetalle. Sosiale media is ook aan die brand.

"Daar is op die oomblik 'n ontploffing van geestelike honger oor die Midde-Ooste en Noord-Afrika soos wat mense soek na hulp en antwoorde,” sê dr Rex Rogers, President van SAT-7 VSA.

SAT-7 gaan voort om 24/7 uit te saai oor Christene wat as  "lewende sendbriewe" met mense praat waar hulle ook al hulself in die lewe bevind.

"Miljoene mense in lande soos Iran, Irak en Turkye dring daarop aan in hul eie tale die Blye Boodskap van redding te sien en te hoor. Hulle wil dringend weet wat dit behels om ‘n volgeling van Jesus Christus te wees ten tye van ‘n krisis,” het Rogers gesê.

In die Korona brandpunt Turkye, waar 99% van die bevolking nie Christene is nie, is daar meer kykers wat die SAT-7 TÜRK kanaal daagliks die afgelope paar weke kyk as enige dag in die vorige vyf jaar sedert uitsendings begin het.

In Iran, nog 'n virus brandpunt, het kykers se oproepe en boodskappe aan die “Live, Farsi-taal Signai” program, getoon die Evangelie gaan na miljoene huishoudings. Kyker getalle het sewevoudig toegeneem soos wat hulle inskakel vir gerusstelling en praktiese raad.

Iran beleef ‘n magtige Herlewing en die grootste kerk in die wêreld sonder ‘n gebou was by die dag aan.

            Regoor die Midde-Ooste en Noord-Afrika, het SAT-7 kinders via Facebook gehoor dat kykergetalle met meer as 500% gestyg het weens kinders se strooming van video’s... kinders wat aanmoediging en hoop op grond van Bybelgedeeltes soek.

            Die totale, inperking het mense met in hul huise toegesluit, maar hulle harte is oop harte vir Jahweh," sê Rogers.

"Inperking en sosiale isolasie stop nie ons unieke satelliet- en aanlyn Christen-programme om miljoene volwassenes en kinders te bereik waar hulle woon nie."

'n Totaal van 30 miljoen kykers skakel in op SAT-7se opbouende Christelike programme vir oplossings op hul geestelike, emosionele, fisiese en sosiale probleme. Programme word aangebied deur Christelike aanbieders wat kykers ook nooi om self aan die programme deel te neem.

"Wanneer mense hoop, dan vind hulle die krag om voort te gaan," sê die Libanees gebore SAT-7 uitvoerende hoof Rita El-Mounayer. Sy is van die Ministeriële  hoofkwartier in Ciprus.  "Ons uitsendings en sosiale media kanale is nou meer nodig as ooit tevore."

Die Ministerie sê 160 000 mense het na die program  "God, Vrees, en die Korona," gekyk. Dit is een van SAT-7se geestesgesondheid programme, aangebied deur kerkleier en psigiater Dr. Maher Samuel.

'n Aanlyn video — met die gewilde aanbieder van die bediening “Familie van Jesus se kinders” – het meer as 425 000 mense bereik en is 2 700 keer gedeel. Intussen het die bediening se SAT-7 Akademie – 'n sosiale ontwikkeling en opvoedkundige kanaal – sy gehoor op sosiale media verdubbel.

Dis wonderlike nuus. Hou aan om vir ‘n Herlewing in Suid-Afrika e bid. – Wekroep
         
Inlas : Rita El-Mounayer.

 

Covid-19 in ‘n strafgerig van God

“Maar wat die vreesagtiges aangaan en die ongelowiges en gruwelikes en moordenaars en hoereerders en towenaars en afgodedienaars en al die leuenaars hulle deel is in die poel wat brand met vuur en swawel: dit is die tweede dood.” Openb 21:8

            Irvin Baxter, Eindtyd kenner, sê daar vind tans 50 miljoen aborsies per jaar oor die wêreld heen plaas. Hy voeg by: Die Bybel verwag dat alle bruide maagde sal wees, maar in die VSA is net 5% van alle bruide maagde. In die VSA leef 7.5 miljoen paartjies ongetroud saam.

            Sedert aborsies in 1973 gewettig is, is 2.35 biljoen onskuldige babas in die VSA gedood.

            Binne die gemeentelikde opset gaan dit eens so erg.

            Paulus dring sterk by die Romeine op ‘n geestelike ingesteldheid aan waarin hulle hulself moet dood reken vir die sonde: “So moet julle ook reken dat julle wel vir die sonde dood is, maar lewend is vir God in Christus Jesus, onse HERE. Laat die sonde dan in julle sterflike liggaam nie heers dat julle aan sy begeerlikhede gehoorsaam sou wees nie.” Rom 6: 11-12

Hulle word vermaan om deur die Gees die werke van die liggaam dood te maak sodat hulle nie na die vlees sal wandel nie, maar na die Gees Rom 8:1, 13. Hierby voeg hy ook die feit dat hulle nie aan die wêreld gelykvormig moet word nie, maar verander moet word deur die vernuwing van hulle gemoed. Rom 12:1-2

Die Korinthiërs word erg verkwalik omdat hulle nie geesvervulde lewens lei nie: “En ek, broeders, kon met julle nie spreek soos met geestelike mense nie, maar soos met vleeslike, soos met klein kinders in Christus. Ek het julle met melk gevoed, nie met vaste spys nie, want julle was nog nie daartoe in staat nie… omdat julle nog vleeslik is; want aangesien daar onder julle jaloersheid en twis en tweedrag is, is julle nie vleeslik nie en wandel julle nie na die mens nie?” 1 Kor 3:1-3

            Die Galásiërs word oor hulle dwase optrede verwyt omdat hulle teruggeval het nadat hulle ‘n goeie begin gemaak het: “Is julle so onverstandig? Nadat julle met die Gees begin het, eindig julle nou met die vlees?” Gal 3:3

        Die Efésiërs word daaraan herinner dat hulle die oue mens, m.a.w. die vlees, moet aflê en hulle met die nuwe mens beklee. Paulus sê vir hulle “dat julle, wat die vorige lewenswandel betref, die oue mens moet aflê wat deur die begeerlikhede van die verleiding ten gronde gaan… en julle met die nuwe mens moet beklee wat na God geskape is in ware geregtigheid en heiligheid.” Ef 4:22-24

        By die Kolossense word die beginsels van aflê en beklee ook ingeskerp. Hulle moet hulle lede wat op die aarde is, doodmaak, naamlik toorn, woede, vuil taal en leuens, en hulle volkome met die nuwe mens beklee. Kol 3:5-10

            Wat gebeur as die leer van heiligmaking nie verkondig word nie? Dan vind daar geen geestelike groei na volwassenheid in die gemeente plaas nie. Lidmate bly kinders in die geloof, wat soos die golwe van die see geslinger en heer en weer gedryf word deur elke wind van lering. Ef 4:14. Hulle sal nie vanself uit hierdie toestand kom, sonder ‘n oorgawe om die eie-ek, of oue mens, te kruisig en met die Gees van God vervul te word nie. Vir sulke lidmate moet jy maar aanhou om bekering te preek, omdat die meeste van hulle ná ‘n tyd nie eers meer geloofsekerheid het nie.

Paulus was om hierdie selfde rede baie ongelukkig met die Herbreërs: “Want hoewel julle vanweë die tyd leraars behoort te wees, het julle weer nodig dat ‘n mens aan julle die eerste beginsels van die woorde van God moet leer, en julle het weer behoefte aan melk en nie aan vaste spys nie. Want elkeen wat melk gebruik, is onervare in die woord van geregtigheid, omdat hy ‘n kind is. Maar vaste spys is vir volwassenes, vir die wat geestesvermoëns besit deur die gewoonte geoefen, om goed van kwaad te onderskei.” Heb 5:12

            Gemeentelede wat nie heilig leef nie, is vol van die wêreld, die sonde en die eie-ek. Hulle het nie geestesvermoëns om goed van kwaad te onderskei nie – ook nie op ‘n leerstellige terrein nie. Hulle is dus maklike slagoffers vir allerlei geestelike dwalinge, insluitende die charismatiese ervaringsteologie met sy toenemende aantal buite-Bybelse ervarings en manifestasies.

            Owerspel vier hoogty. Pornografie is erg, selfs in ons skole. Die lys van gruwels en sondes is lank en skokkend. Sou God nie met die mensdom in die gerig wou tree oor al die onheil nie...veral wanneer Sy kinders so ernstig voor Sy aangesig pleit om ingryping!

            Covid-19 is ‘n Goddelike ingryping, maar daar is steeds tyd gegun om jou van dwaalweë tot die HERE te bekeer. – Wekroep

·       Goeie nuus wat ons op die nipper bereik het:

Gemiddelde uitgawes van die middelklas is 15% laer;

Sterk afname in die herlaai van ATM masjiene omdat mense baie minder kontant trek;

Dr vertel in radio-onderhoud dat gesinstyd met kinders baie positief is;

Nog ‘n Dr sê omdat die mense feitlik geen gemorskos eet nie, het besoeke aan dokters ook sterk afgeneem;

Motoriste het dusver 46% minder aan brandstof spandeer;

Verkope van groente het met 45% gestyg.

'n Woordbeeld van die Huwelik

“Waar twee of drie in my Naam vergader (byeen is), daar is Ek in hul midde.” Matt 18:20

            Wat beteken dit? Is dit so eenvoudig soos wat dit geskryf staan? In die stadium wat dit genoem was, was daar nog nie eintlik ‘n NT nie en mense had nog op die OT vertrou... toe ‘n man bv. meer as een vrou had.

            Iemand soos teoloog, skrywer en digter, Alfred Bronswijk, skryf die volgende hieroor (vry vertaal uit die Nederlands):



Waar twee of drie in U naam

geloof deel,

hoop koester,

liefde skenk,

mekaar die hand gee,

mekaar die swak een dra,

mekaar lewenskrag gee,

dáár is U in hulle midde

as bron van lewe.

Met maar twee of drie durf U aan

een nuwe begin te maak,

een die ander die weg te wys,

die toekoms  te open

hulle deel brood,

ook lewende water,

so ook die wyn.

Só verander U ‘n eenling

in een volk wat saamloop.

Gee dat ek met die twee of drie

my op die weg durf te begeef,

my van harte wil deel maak,

ek as Geroepe weet

uit honger na reg en rede,

uit dors nar egte vrede,

om waarheid te doen en te spreek.

Wil so tasbaar aanwesig wees

as die bron van lewe.



In die huwelik is man en vrou ingebind. Hulle moet te alle tye besef hulle is in Jahweh se naam verenig, juis daarom is Jesus heeltyd in hulle midde.

            “Voorwaar Ek sê vir julle, alles wat julle op die aarde bind, sal in die Hemel gebonde wees...” Matt 18:18. Gelowiges word tog in die eg ingebind.

            Matt 18:19 is verdere beklemtoning van die Huwelik? “Weer sê Ek vir julle: “As twee van julle saamstem op die aarde oor enige saak wat hulle mag vra, dit sal hulle ten deel val van my Vader wat in die hemele is.”

            Huwelike is in die Hemel gebonde.

            Ja, die betrokke Skrif sal ook op ander plekke waarde hê, maar dit het sterk betrekking op die huwelik.

Die egskeidingsyfer is skokkend en hoe stop mens dit? Die Barna-groep in die VSA, se navorsing wys dat Paartjies wat saam bid, skei nie. Baie van ons mansmense kan nie eers ‘n tafelgebed doen nie. Die vroue moet bid. Die mans weet nie hulle is die hoë priester van die gesin en moet leiding gee nie. Hulle kan nie want hulle het geen opleiding nie.

Om vir ‘n vrou te sê dat jy vir haar lief is, is ‘n liefdesverklaring (getuienis, uitspraak, beëdigde verklaring, getuienis wat onder eed gelewer is.) Dis soos om ‘n belofte te maak. Dis bindend.

God se ideale situasie is dat die man die hoof van sy huis moet wees – nie om baas te speel nie, maar om verantwoordelikheid vir sy huis te neem... juis omdat God die man verantwoordelik hou vir sy gesin – maar meer nog, hy moet die priester van die huis wees, God se verteenwoordiger in die huisgesin. God hou die man verantwoordelik vir die geestelike welsyn van die vrou en die kinders.

            Mans verlaat hul ouerhuise om hul vroue aan te kleef en lief te hê. “Daarom sal die man sy vader en moeder verlaat en sy vrou aankleef. En hulle sal (let op) een vlees wees.” Gen 2:24

            ‘n Man is die hoof van die vrou. “Maar ek wil hê dat julle moet weet dat Christus die hoof is van elke man, en die man die hoof van die vrou, en God die hoof van Christus.” 1 Kor 11:3. God hou elke man verantwoordelik oor hoe die man sy vrou hanteer.

            Mans moet hulle vroue liefhê. “Manne, julle moet jul eie vroue liefhê, soos Christus ook die gemeente liefgehad en Homself daarvoor oorgegee het.” Efes 5:25. ‘n Man moet sy vrou dus so liefhê dat hy bereid moet wees om homself te offer vir haar.

            Liefde gee die deurslag. Liefde is en bly die grootste Gebod. Met ware getroue liefde vermag mens enigiets, verskuif jy berge.

            Mans moet hul vroue eer. “Net so moet julle, manne, verstandig met hulle saamlewe en aan die vroulike geslag, as die swakkere, eer bewys, omdat julle ook mede-erfgename van die genade van die lewe is – sodat (let op) julle gebede nie verhinder mag word nie.” 1 Pet 3:7

            As ‘n man nie verstandig met sy vrou saamlewe nie en aan sy vrou as die swakkere een, eer bewys nie, word die man (let op) se gebede verhinder.

            Baie is altyd gou om strofes aan te haal dat die HERE ‘n mens se gebede beantwoord en dat mens kan vra net wat jy wil, maar hulle laat na om te besef dat die beloftes ook voorwaardes bevat.

            In 1 Pet 3:7 sê die HERE bv. (let op) Dat ‘n man se gebed verhoor sal word as hy verstandig met sy vrou saamlewe, as hy aan haar as die swakkere eer bewys.

            Mans moet beheer oor die huishouding neem. “'n Opsiener dan moet onberispelik wees, die man van een vrou, nugter, ingetoë, fatsoenlik, gasvry, bekwaam om te onderrig;

            “geen drinker, geen vegter, geen vuilgewinsoeker nie, maar vriendelik; geen strydlustige, geen geldgierige nie;

            “een wat sy eie huis goed regeer en sy kinders met alle waardigheid in onderdanigheid hou.” 1 Tim 3:2-4

            Let weer op: ‘n Man moet sy kinders in alle waardigheid... in onderdanigheid hou.” Nie met ‘n gevloek en ‘n geskel en dreigemente nie, maar in alle waardigheid.

            Waardigheid kweek liefde en eerbied. Enige ander manier is vernietigend.

            En strofes 12-13: “Die diakens moet manne van een vrou wees en hulle kinders en eie huis goed regeer.

“Want diegene wat goed gedien het, verkry vir hulle 'n eervolle plek en veel vrymoedigheid in die geloof in Christus Jesus.”

            Net so die vroue ook. “Net so moet die vroue waardig wees, geen kwaadsprekers nie, nugter, betroubaar in alles.” 1 Tim 3:11.

            Die vroue is ook die man se helper en die man mag dus sekere take aan die vroue delegeer. Onthou altyd, die man en die vrou is een vlees. Sodra hulle gemeenskap gehad het, is hulle een vlees. Matt 19:5-6

Ons is voorstanders daarvan dat pleks van geslagsvoorligting, daar gesinsvoorligting op skool moet wees, en op grond van die volgende:

“'n Opsiener (die hoof van die huis, die hoof van enigiets in die lewe) dan moet onberispelik wees, die man van een vrou, nugter, ingetoë, fatsoenlik, gasvry, bekwaam om te onderrig;

“geen drinker, geen vegter, geen vuilgewinsoeker nie, maar vriendelik; geen strydlustige, geen geldgierige nie;

“een wat sy eie huis goed regeer en sy kinders met alle waardigheid in onderdanigheid hou.

“Maar as iemand nie weet om sy eie huis te regeer nie, hoe sal hy vir die gemeente van God sorg dra?

“Hy moet nie 'n nuweling wees nie, sodat hy nie verwaand word en in dieselfde oordeel as die duiwel val nie.

“Maar hy moet ook goeie getuienis hê van die buitestanders, sodat hy nie in veragting en in die strik van die duiwel val nie.” 1 Tim 3:1-7

            Mans tree in die huwelik sonder dat hulle die vaagste benul het waaroor dit gaan.

            Omdat die man die hoof van die huis is, is hy ook verantwoordelik vir alle besluite wat geneem word. Dit beteken nie dat vroue geen seggenskap het nie, maar dat hulle optree onder die sekuriteit van die man se gesag. Daar moet orde en dissipline wees, asook ‘n begroting.

            Dit is interessant om te sien dat mans hulle vroue moet liefhê. Dit is ‘n opofferende liefde. “Wees aan niemand iets skuldig nie, behalwe om mekaar lief te hê; want hy wat 'n ander liefhet, het die (Koninklike) wet vervul.” Rom 13:8

            “Want dít: Jy mag nie egbreek nie, jy mag nie doodslaan nie, jy mag nie steel nie, jy mag geen valse getuienis gee nie, jy mag nie begeer nie, en watter ander gebod ook al, word in hierdie woord saamgevat: Jy moet jou naaste liefhê soos jouself.” Rom 13:9

            As jy jouself liefhet, respek het vir jouself, vir jouself omgee voor God en die mens, dan sal jy nie egbreek, doodslaan en dergelike dinge doen nie nie.

En weer ‘n keer: “Want die hele (Koninklike Wet - Jak 2:8) word vervul in een woord, naamlik: Jy moet jou naaste liefhê soos jouself.” Gal 5:14

            (let op) Het jy jouself lief? Hoeveel het jy jouself lief, ‘n bietjie of met jou hele hart? Kyk na die waarskuwing: “Maar as julle mekaar byt en opeet, pas op dat julle nie die een deur die ander verteer word nie.” Gal. 5:15

            Liefde is en bly die Groot Gebod. Wandel in die ware liefde en daar sal nooit probleme wees nie. Die liefde, is ‘n Koninklike Wet: “As julle ewenwel die Koninklike Wet volbring volgens die Skrif: Jy moet jou naaste liefhê soos jouself – dan doen julle goed.” Jak 2:8

            As ons nie onsself lief het nie, kan ons nie ons naaste liefhê nie, nie mekaar liefhê nie, dan doen ons nie goed nie. Naaste aan ons is sekerlik ons huismense.

Dat ‘n man sy vrou moet liefhê, is ‘n opdrag, ‘n Koninklike opdrag. Om daarin te kan slaag om so lief te wees, moet ‘n man sekerlik sy vrou wil liefhê.

            As alle mans hierdie opdrag ter harte wil neem, dan sal dit alle struikelende huwelike oornag salf en regruk.

            Onthou ook, die vrou is uit die man se ribbebeen gemaak, nie uit sy mond, of sy vuiste of sy voete nie, ook nie uit sy strydlustige gees nie. Uit sy ribbebeen beteken na aan sy, sy... koesterend, liefkosend, beskermend.

            “So behoort die mans hulle eie vroue lief te hê soos hul eie liggame. Wie sy eie vrou liefhet, het homself lief; want niemand het ooit sy eie vlees gehaat nie, maar hy voed en koester dit, net soos die HERE die gemeente.” Efes 5:28-29

            Let weer op: Wie sy vrou liefhet, het homself lief!

            ‘n Man sonder ‘n vrou is nie volledig nie. Wanneer hy in die huwelik tree word hy eers volkome man. Is hulle ‘n eenheid? Nee. Hulle kan nooit ‘n eenheid wees nie want elkeen het sy eie karakter en persoonlikheid. Eenheid beteken noodwendig eendersheid. So ‘n eendersheid huwelik sou ook maar eentonig gewees het.

            Maar hulle kan eendragtig wees, vir seker. Die eendragtigheid word ook gesien in die kinders wat hulle in die lewe bring.

            Die vrou moet haar onderwerp aan die gesag van die man. “Vroue, wees aan julle eie mans onderdanig, soos aan die HERE. (respekteer julle mans)

“Want die man is die hoof van die vrou, soos Christus ook Hoof is van die gemeente; en Hy is die Verlosser van die liggaam.

“Maar soos die gemeente aan Christus onderdanig is, so moet die vroue dit ook in alles aan hul eie mans wees.” Efes 5:22-24

Die egskeidingsyfer is Suid-Afrika is skrikwekkend hoog. Daar moet ‘n rede voor wees. Berading dui telkens op liefdeloosheid, soos wat sogenaamde Christene se liefde teenoor God ook verflou het.

Almal wat hieraan skuldig is, staan skuldig voor God! “Vreeslik is dit om te val in die hande van die lewende God.” Heb 10:31

            “Daarom, rig die slap hande en die verlamde knieë weer op; en maak reguit paaie vir julle voete, sodat wat kreupel is, nie uit lit raak nie, maar liewer gesond gemaak word.

            “Jaag die vrede na met almal, en die heiligmaking waarsonder niemand die HERE sal sien nie; en pas op dat niemand in die genade van God veragter nie; dat geen wortel van bitterheid opskiet en onrus verwek en baie hierdeur besoedel word nie.” Heb 12:12-15 – Wekroep

Vol van die Heilige Gees

Die jongste fokuspunt is: Hoe bly mens vol van die Heilige Gees... met genoeg of meer as genoeg olie in jou lamp?

Al 10 maagde kom uit die kerk uit want al tien is maagde. Maar dan, wanneer hulle hul lampe gereed maak (“trimming their lamps”), dan is daar fout. Die vlam in hul lampe is die Woord (U woord is 'n lamp vir my voet en 'n lig vir my pad. Ps 119:105), terwyl die olie die Heilige Gees verteenwoordig.

        Let op: VOL van die Heilige Gees: Hand 6:3; Hand 7:55; Hand 11:24 en Luk 4:1. M.a.w. iemand kan dalk ook nie NIE vol van die HG wees nie.. dus minder as VOL. Sien ook Hand 6:5: “Stéfanus, 'n man vol van geloof en van die Heilige Gees.” Vyf maagde had nie genoeg olie nie.

Hoe is dit moontlik dat die ganse aardbol ingeperk is? Die HERE moet ‘n besondere rede daarvoor hê. Wees stil en weet dat hy God is.

Daar is geen permanensie op die aarde nie. Ons tyd op aarde is in elk geval bloot ‘n tyd van gereedmaak vir die Ewige Lewe.

Wat ons nou nodig het in hierdie afsondering, is “Eendragtigheid.” Dragtig is swanger. EENdragtig…almal dra saam aan die swangerskap. Rom 15:6; Hand 1:14; Hand 2:1; Hand 2:46; Hand 4:24; Hand 5:12; Hand 8:6; Rom 15:6

        M.a.w., as Gelowiges nie EENdragtig byeen is nie, gebeur daar niks of nie veel nie. Die teenoorgestelde van eendrag, is tweedrag. Eendrag is altyd mag, terwyl tweedrag juis op magteloosheid dui.

        Dis vanselfsprekend dat wanneer mens vol is van die Heilige Gee, dan staan jy ook in eendrag saam.

        Jy lewe ‘n mooi skoon lewe en boonop so naby aan die HERE as moontlik. Maar soms is ons onskuldig en soms skuldig, maar ons grootste vyand is en bly ons gedagtes.

        Gedagtes wat negatief is, wat twyfel, wat ons oor mense en dinge laat dink wat niks met ons te doen het nie. Verkeerde gedagtes kan mens soms vir ure besig hou.

Wanneer ons Wedergebore word, gebeur daar iets groots en besonders in ons lewens. Ons gees word onmiddellik getransformeer na ‘n nuwe Lewe... die Ewige Lewe.

        “Hoor die Woord van die HERE!  Want die HERE het ‘n regsaak  met die inwoners van die land, omdat daar geen trou en geen liefde en geen kennis van God in die land is nie.” Hosea: 4:1.

        As iemand in Christus is, is hy ‘n Nuwe Skepsel;  die ou dinge het verbygegaan, kyk, dit het alles nuut geword.  2 Kor. 5:17.

        En daarby die opdrag:  Word VERNUWE in julle GEMOED (DENKE)! Rom. 12:2. Hierdie vernuwing is dringend noodsaaklik en is ons sleutel tot ‘n oorvloedige geseënde geesvervulde toekoms.

        Dit is van kardinale belang dat ons die Woord moet ken. Die Woord is ons swaard waarmee ons terugslaan wanner negatiewe gedagtes ons wil oorval. Toe die satan dit met Jesus na sy lang vas probeer het, was Jesus gereed om met die Woord terug te slaan.

        Hoe wandel mens in die Gees? Deur die Woord te ken. Negatiewe gedagtes kan jou uitroei. Dit bring niks voor nie behalwe verderf. jy wen niks daarby nie.

        “Maar daar kom 'n uur, en dit is nou, wanneer die ware aanbidders die Vader in gees en waarheid sal aanbid; want die Vader soek ook mense wat Hom só aanbid.

        “God is Gees; en die wat Hom aanbid, moet in gees en waarheid aanbid.” Joh 4L23-24

        Om in die Gees te wandel is ‘n lewensstyl. Jy vertrou selfs vir ‘n parkeerplek in die stad. Dis hoe mens moet lewe. Jy is Wedergebore, jy het reeds die Ewige Lewe beërwe.  Jou burgerskap is in die Hemel. Fil 3:20. Jy maak ook nie vir jouself skatte bymekaar op die aarde nie, maar in die Hemel. Matt 6:19-21

        Ons lewens moet totaal oorgegee wees aan Gees en Waarheid. Verkeerde gedagtes rysmier ons geestelike lewens en lei tot ‘n verlies aan olie.

        Jy triomfeer egter wanneer jy die negatiewe met die positiewe Woord vervang. Mense sê so maklik: “Ek is bevrees”, of “Ek is bang...” Jy is nie veronderstel om ooit te vrees of bang te wees nie. 2 Tim 1:7

          Dat ons gedagtes die slagveld is en dan ons dit moet vernuwe, is ‘n Bybelse opdrag. Maar hoe, word ‘n mens vernuwe in jou gemoed, in jou denke? Dis iets wat ons moet doen...word vernuwe...

          Wedergeboorte en bekering vind saam plaas, en daarna voortgesette bekering. So word jy vernuwe – deur jou te reinig en op te bou deur middel van die Woord, Die Bybel – wat ‘n lamp is vir jou voet! Mediteer op die Woord, maak dit deel van jou hele menswees.

          En so doen mens dit. Bely onder meer gereeld die volgende strofes (voeg jou naam in by die vraagtekens):

          Een ding weet ek  (??) vergeet die dinge wat agter is en strek my uit na wat voor is, en jaag na die doel om die prys te verkry van die hoë roeping van God in Christus Jesus!  Fil. 3:14.

          Ek (??) is tot alles in staat deur Christus wat my die krag gee.  Fil. 4:13.

          Immers, Sy Goddelike krag het my (??)  alles geskenk wat tot die lewe en Godsvrug dien, deur die kennis  van Hom wat my geroep het deur Sy heerlikheid en deug, waardeur Hy my die grootste en kosbaarste beloftes geskenk het, sodat ek daardeur ‘n deelgenoot  kan word van die Goddelike natuur, nadat ek die verdorwenheid ontvlug het wat deur begeerlikheid in die wêreld is.  2Pet. 1:3-4.

          Vir my (??) is die Koninkryk van God geregtigheid, vrede en blydskap in die Heilige Gees.  Rom. 14:17.

          Ek (??) bid tot die Vader in Jesus se naam en ek ontvang sodat my blydskap volkome kan wees.  Joh. 16:23-24.

          Ek (??) weier om te twyfel, want dan kan ek nie eers iets van die Here ontvang as ek twyfel nie.  Jak. 1:7.

          Geseënd is die God en Vader van onse Here Jesus Christus wat na Sy grote barmhartigheid aan my (??) die wedergeboorte geskenk het tot ‘n lewende hoop (hoop soos in “future fact” en nie “I wish” nie) deur die opstanding van Jesus Christus uit die dode, sodat ek ‘n onverganklike en onverwelklike erfenis kan verkry, wat in die Hemele bewaar is vir my, wat in die krag van God bewaar word deur die geloof tot die saligheid wat gereed is om geopenbaar te word in die laaste tyd.  Pet. 1:3-5.

           As ek (??) my sondes bely, is Hy getrou en regverdig om my die sondes te vergewe en my van alle ongeregtigheid te reinig. Joh. 1:9.

          Geseënd is die God en Vader van onse Here Jesus Christus, die Vader van ontferminge en die God van alle vertroosting, wat vir my (??) troos in al my verdrukking, sodat ek diegene wat in allerhande verdrukking is, kan troos deur die vertroosting waarmee ekself deur God getroos word. 2 Kor. 3-4.

          Ek (??) het my vyande lief; ek seën diegene wat my vervloek, ek doen goed aan diegene wat my haat, en ek bid vir diegene wat my beledig en vervolg.  Matt. 5:44.

          In al hierdie dinge is ek (??) meer as ‘n oorwinnaar deur Hom wat my liefgehad het.  Want ek is versekerd dat geen dood of  lewe of Engele of owerhede of magte of teenwoordige of toekomende dinge of hoogte of diepte of enige ander skepsel my sal kan skei van die liefde van God wat daar in Jesus Christus, my Here is nie.  Rom. 8:37-39.

          In Hom lewe ek (??) , beweeg ek, is ek.  Hand. 17:28.

          As ek (??) vir hierdie berg (probleme) sê: Hef jou op en werp jou in die see — en nie in my hart twyfel nie, maar glo dat wat ek sê sal gebeur – sal ek verkry net wat ek sê.  Mark. 11:23.

          As ek (??) op die Here wag, kry ek nuwe krag;  ek vaar op met vleuels soos die arende;  ek hardloop en word nie moeg nie, ek wandel en word nie mat nie.  Jes. 40:31.

          Ek (??) werp my sorg op die Here, en Hy sal my onderhou;  Hy sal nooit die regverdige laat wankel nie.  Ps. 55:23.

          Ek (??) het die Here gesoek, en Hy het my geantwoord en uit al my vrees gered.  Ps. 34:5.

          Wanneer ek (??) bid, vergeef ek as ek iets teen iemand het.  Mark. 11:25.

          “Vrede laat Ek vir jou (??) na, My vrede gee Ek aan jou.  Laat jou hart nie ontsteld word en bang wees nie.” Joh. 14:27.

          Die dinge wat by die mens onmoontlik is, is by God moontlik.  Luk. 18:27.

          Gee opnuut in die binneste van my ‘n vaste gees.  Ps. 51:12.

          Ek (??) gaan na Hom toe wanneer ek vermoeid en belas is, en Hy sal vir my rus gee.  Matt. 11:28.

          Ek (??) vertrou op die Here met my hele hart en steun nie op my eie insig nie.

          Hy het gekom dat ek (??) lewe en oorvloed kan hê.  Spr. 3:5;  Joh. 10:10.

          Ek (??) bely my misdade teenoor ander en bid vir ander, sodat ek gesond kan word.  Die vurige gebed van die regverdige het groot krag.  Jak. 5:16. (Dit verwys na misdade wat jy aan ander mense gepleeg het, dan bely jy dit by hulle en sê jy is jammer dat jy dit aan hulle gedoen het).

          As God vir my (??) is, wie kan teen my wees.  Rom. 8:31.

          Die Koninkryk van God is binne-in my (??) Luk. 17:21.

          God het my (??) nie ‘n gees van vreesagtigheid gegee nie, maar van krag en liefde en selfbeheersing.  2 Tim. 1:7.

          God sal my (??) lei deur Sy raad en my daarna in heerlikheid opneem.  Ps. 73:24.

        Om vernuwe te word in ‘n mens se gemoed, jou denke, gedagtes, beteken om kragtig te word in die HERE en in die krag van Sy sterkte. Efes 6:10-20 Verkeerde gedagtes kan vir ons ‘n ontsettende struikelblok wees.

          God is vir my (??) ‘n toevlug en sterkte; as hulp in benoudhede is Hy in hoë mate beproef.  Ps. 46:2.

          Ek (??) gee ag op die Woord en sal die goeie vind, en omdat ek op die Here vertrou, is ek gelukkig.  Spr. 16:20.

          En aan Hom wat mag het om te doen ver bo alles wat ek (??) bid of dink, volgens die krag wat in my werk.  Efes. 3:20.

          Ek (??) bid en vir my sal gegee word, ek soek en ek sal vind, ek klop en vir my sal oopgemaak word.  Matt. 7:7.

          Wees maar net stil tot God, my siel, want van Hom is my (??) se verwagting.  Ps. 62:6.

          Ek (??) is sterk en vol moed, nie bevrees of verskrik nie, want die Here my God is met my, oral waar ek heengaan.  Jos. 1:9.

          En ten slotte:  Ek (??) dink nie aan die vorige dinge nie, en slaan geen ag op wat vroeër gebeur het nie.  Kyk, God gaan iets nuuts maak; nou sal dit uitspruit, sal ek dit nie merk nie?  Kyk, God maak ‘n pad in die woestyn, riviere in die wildernis.  Jes. 43: 19-19. – Wekroep

Om Middernag was daar ‘n geroep!

Baie van ons mense sug: Ai, as ons net kan terugkeer na die tyd voor die pes toegeslaan het. Ander vra: Wanneer sal alles weer normaal wees?

            Feit is, ons durf nie terugkeer na die tyd voor die pes toegeslaan het nie. Daardie tyd was nie normaal nie. Dis fataal om weer daar uit te kom.

            Daardie was ‘n tyd van swakheid, ‘n tyd van kerkloosheid, mense met ‘n gedaante van Godsaligheid... ‘n Tyd van geestelike owerspel.

‘n Nuwe seisoen breek nou aan. Herlewing begin. Daar was Woordgemeentes en Geesgemeentes. Die Herlewing bring ‘n pragtige ewewig tussen Woord en Gees.

Ons gaan God in aksie sien soos 50 en meer jare gelede, net veel groter as dit. Die werklikheid word deel van ons almal: Ons is op pad na die Nuwe Jerusalem.

Vir nou egter moet ons stil wees sodat ons God se stem kan hoor. Dis nie nou tyd vir veroordelende boodskappe nie. Die wêreld is afgesluit. Die kerke ook. Sluit sommer sosiale media ook af. Dit kan maklik nou die tyd van die gesprek tussen die 10 maagde wees. Dink.

“En middernag was daar 'n geroep: Daar kom die bruidegom; gaan uit hom tegemoet!

“Toe staan al daardie maagde op en maak hulle lampe gereed.

“En die wat dwaas was, sê aan die verstandiges: Gee vir ons van julle olie, want ons lampe gaan uit.

“Maar die verstandiges antwoord en sê: Miskien sal daar nie genoeg wees vir ons en vir julle nie. Maar gaan liewer na die verkopers en koop vir julleself.

“En onderwyl hulle gaan om te koop, het die Bruidegom gekom. En die wat gereed was, het saam met Hom ingegaan na die bruilof, en die deur is gesluit.” Matt 25:5-10

Daar is vele tekens die wêreld oor dat ons in die Eindtyd is.

Is die Korona (daardie ligstraal om die maan op ‘n donker nag) die geroep? Dan is Jesus nog nie hier nie. Eers is daar die gesprek tussen die vyf wyse en die vyf dwase maagde.

Al 10 kom uit die kerk uit want al tien is maagde. Maar dan, wanneer hulle hul lampe gereed maak (“trimming their lamps”), dan is daar fout. Die vlam in hul lampe is die Woord (U woord is 'n lamp vir my voet en 'n lig vir my pad. Ps 119:105), terwyl die olie die Heilige Gees verteenwoordig.

Let op: VOL van die Heilige Gees Hand 6:3; Hand 7:55; Hand 11:24 en Luk 4:1.

M.a.w. iemand kan dalk ook nie NIE vol van die HG wees nie.. dus minder as VOL

Sien ook Hand 6:5: “Stéfanus, 'n man vol van geloof en van die Heilige Gees.” Vyf maagde had nie genoeg olie nie.

Hoe is dit moontlik dat die ganse aardbol ingeperk is? Die HERE moet ‘n besondere ede daarvoor hê. Wees stil en weet dat hy God is.

Daar is geen permanensie op die aarde nie. Ons tyd op aarde is in elk geval bloot ‘n tyf van gereedmaak vir die Ewige Lewe.

Wat ons nou nodig het in hierdie afsondering, is “Eendragtigheid.” Dragtig is swanger. EENdragtig…almal dra saam aan die swangerskap. Rom 15:6; Hand 1:14; Hand 2:1; Hand 2:46; Hand 4:24; Hand 5:12; Hand 8:6; Rom 15:6

M.a.w., as Gelowige nie EENdragtig byeen is nie, gebeur daar niks of nie veel nie. Die teenoorgestelde van eendrag, is tweedrag. Eendrag is altyd mag, terwyl tweedrag juis op magteloosheid dui.

Raak stil. Berei julle self voor in afwagting op Jesus se Koms op die wolke. Die dag en die uur weet ons nie, maar Hy kom beslis om sy Bruid te kom haal. – Wekroep

https://www.youtube.com/watch?v=ui8FVlY-j1o

Die graf is leeg maar die kerke ook...

Die graf is leeg, maar die kerke is ook leeg. Die feit dat ‘n pes die hele aarde lamlê, is volgens Jesus een van die Eindtyd tekens kort voor Sy terugkeer.

            Die feit dat die graf oor die Paastyd leeg is, begryp ons, maar waarom is die kerke ook leeg. Skielik is almal uit hul kerklike gemaksone ontruk. Waarom?

            Want ons, Ek en jy, hoort nie daar nie, ons hoort in die oesveld. Ons moet die Getal vir die Messias se Koms volmaak.

            Dat ons soms onderlinge byeenkomste het, is goed en reg, maar die Messias is op pad en ons moet onsself gereed kry en met mag en mening in liefde uitreik na diegene wat nie gereed is nie.

            As die eerste Christene net vasgenael gebly het in hul kerke in Jerusalem en Israel, sou die Evangelie ons ander nooit bereik het nie.

            Let op “En wie is daar van julle wat 'n dienskneg het wat ploeg of vee oppas, en as hy inkom van die veld vir hom sal sê: Kom dadelik hier aan tafel?

            “Sal hy nie eerder vir hom sê nie: Maak vir my die aandete klaar en omgord jou en bedien my totdat ek geëet en gedrink het; en daarna kan jy eet en drink?

            “Bedank hy daardie dienskneg, omdat hy gedoen het wat hom beveel is? Ek glo nie.

            “So ook julle, wanneer julle alles gedoen het wat julle beveel is, sê dan: (let op) Ons is onverdienstelike diensknegte, want ons het gedoen wat ons verplig was om te doen.” Luk 17:7-10

            Al kom jy moeg van die werk af, sê Jesus dat jy eers vir Hom moet bedien voordat jy jouself kan bedien. Ons is opdrag gegee om die Evangelie aan almal te bring. “Want ons is medewerkers van God; die akker van God, die gebou van God is julle.” 1 Kor 3:9

            “Wanneer julle alles gedoen het wat julle beveel is, sê dan: Ons is onverdienstelike diensknegte, want ons het gedoen wat ons verplig was om te doen.” Luk 17:10

            Dit is absoluut noodsaaklik dat ‘n ieder en ‘n elk die volgende lees: Matt 25:31tot 25:46.

            Onder meer staan daar dat Jesus ons voor die Regterstoel sal toespreek en sal sê: “Want Ek het honger gehad, en julle het My te ete gegee; Ek het dors gehad, en julle het My te drinke gegee; Ek was 'n vreemdeling, en julle het My herberg gegee; Ek was naak, en julle het My geklee; Ek was siek, en julle het My besoek; in die gevangenis was Ek, en julle het na My gekom.

“Dan sal die regverdiges Hom antwoord en sê: HERE, wanneer het ons U honger gesien en gevoed; of dors, en te drinke gegee?

“En wanneer het ons U 'n vreemdeling gesien, en herberg gegee; of naak, en geklee?

“En wanneer het ons U siek gesien of in die gevangenis, en na U gekom?

“En die Koning sal antwoord en vir hulle sê: Voorwaar Ek sê vir julle, vir sover julle dit gedoen het aan een van die geringstes van hierdie broeders van My, het julle dit aan My gedoen.” Matt 25:45-50

Die predikante is die herders, die leraars wat die skape, vir my en jou, moet leer en voed sodat ons juis die uitreikingswerk kan doen. Herders kry nie lammers nie, skape kry lammers.

“Daarom, rig die slap hande en die verlamde knieë weer op; en maak reguit paaie vir julle voete (hoekom?), sodat wat kreupel is, nie uit lit raak nie, maar liewer gesond gemaak word.

“Jaag die vrede na met almal, en die heiligmaking waarsonder niemand die HERE sal sien nie; en pas op dat niemand in die genade van God veragter nie; dat geen wortel van bitterheid opskiet en onrus verwek en baie hierdeur besoedel word nie.” Hebr 12:15. – Wekroep

Skaakmat...

Jare gelede, in die beroemde Louvre Museum in Parys was daar ‘n skildery met die titel "Skaakmat". Dit het die satan uitgebeeld wat smalend oor sy skaak -opponent uittroon, omdat hy sy opponent se siel gewen het omdat hy die spel gewen het.

Die opponent word uitgebeeld as 'n jong man, sy kop gebuig in vernedering –  hy's verslaan en verslae. Sy gesig is vertrek van pyn – en die satan grynslag oorwinnend. Daar's 'n paar stukkies oor op die skaakbord en die woord "Skaakmat" dui aan die spel is verby want die koning is vasgekeer en kan nie meer gered word nie.

            Die skildery is geskilder deur Friedrich Moritz August Retzch. Dit is vandag in privaat handee nadat dit in 1999 deur Christie’s op ‘n veiling verkoop is.

            ‘n Skaakkampioen stap eendag deur die Louvre en stop by die sataniese skaakspel. Doodstil staan hy ‘n ruk en bekyk die prent, toe hy skielik uitroep: "Dit is 'n leuen, dit is 'n leuen!" Ander mense in die galery het kom kyk wat aangaan. “Wat is die leuen?” vra hulle.

            Die Kurator van die museum daag op. "Meneer, is hier 'n probleem, kan ek help?"

            Die man kyk die kurator in die oë en sê: "Ek is die Franse skaakkampioen, ek sê vir jou dit is 'n leuen!" Die kurator was nog steeds verward - wat is 'n leuen? Die man wys na die skaakbord en sê: "Die skilder sal die skildery moet verander, of hy sal die titel moet verander. Kyk, die spel is nie oor nie. Dit is 'n leuen, dit is nie skaakmat nie, die koning het nog 'n skuif!"

·        ‘n Klein seuntjie met 2 vissies en 5 broodjies en duisende mense wat gevoed moet word. Dit lyk soos skaakmat, maar dit is 'n leuen, want die Koning het nog 'n skuif, en hulle tel 12 mandjies kos na die tyd op.

·       'n Man met die naam Daniël word gegooi in 'n kuil vol honger leeus. Dit lyk soos skaakmat, maar dit is 'n leuen, want die Koning het nog 'n skuif oor!

·       Jesus kom by die graf van Lasarus. Hy's al vier dae dood. Die graf ruik al. Dit lyk soos skaakmat, maar dit is 'n leuen want die Koning het nog 'n skuif oor!

·       Die vrou by die put, moet deur mans met klippe dood gegooi word. Dit lyk soos skaakmat, maar dit is 'n leuen want die Koning het nog 'n skuif oor. "Gaan en moenie langer sondig nie!"

·       Die moordenaars saam met Jesus aan die kruis. Dit lyk soos skaakmat, maar dit is 'n leuen, want die Koning het nog 'n skuif oor. “Vandag sal jy saam met my in die paradys wees”.

·       Op die Paasfees word die Lam geslag. Die mense skreeu veroordelend - "Kruisig Hom, kruisig Hom”. Hulle spot Hom en slaan Hom. Hulle spoeg hom en kap Hom met spykers vas aan 'n kruis. Jesus skreeu met 'n hortende asemteug en gebarste lippe dit uit:  “Eloi, Eloi lama sabagtani - my God, my God waarom het U my verlaat". Eenkant staan mense en sê: “Ja, ander kon Hy red, maar Homself kan Hy nie red nie”. Dit is verby, skaakmat, gaan maar huis toe...  satan leun smalend oor die skouer van die mens, alles is verby, maar dan kom Opstanding Sondag en ek en jy weet. Dit het gelyk soos skaakmat, maar dit was 'n leuen, want die Koning had nog 'n skuif oor!

·       Ons land is in 'n gemors. Moorde vind oral plaas. Vroue en kinders word wreed vermoor en verkrag.  Mense verloor hul werk, huise, huwelike, lewens, selfrespek, morele waardes, harte en verstand... Jou lewe is 'n gemors. Jy soek, jy klop, jy roep... Jy huil, jy raak kwaad... Jy voel leeg. Jy voel verlore. Jy soek jou voetspore, maar vind verdwaalde paaie. satan staan en lag. Dis verby. Sluk daai pil, trek die sneller, gee daai tree oor die rand... Vrees is aan die orde van die dag. Vrees bepaal jou kom en jou gaan. Vrees vir jou plaas, vir jou vee. Vrees vir jou lewe, vrees vir jou medemens, vrees vir jouself, vrees vir jou gedagtes, vrees vir jou omstandighede, vrees vir môre, vrees vir die herinnering van gister, vrees vir die omstandighede van vandag.

·       Christene bel en vertel hoe hulle vrees vir die Koronavirus... VREES... Maar luister, die spel is nie oor nie!

·       Op alle terreine lyk dit soos ‘n skaakmat situasie... Maar die Koning, ons Koning, het nog 'n skuif oor!

Sien met rykhalse daarna uit. – Wekroep

Liefdes Pasga aan 800 000 ingeperkte Jode

Wanneer jou boot deur reuse golwe rondgeslinger word, maak seker jy verloor nie die anker nie. Dis hoe die Jode redeneer te midde van die Koronavirus se aanslae en die Jode het besluit: Hulle staan op en sal ten alles koste die Pasga vier.

            Dis byna soos om opnuut deur die Rooi See te gaan. Dis baie hartseer... Israel se 800 000 seniors is onder kwarantyn vir hul eie veiligheid. Geen besoekers nie. Geen sosiale lewe nie. En absoluut geen kontak met kleinkinders nie.

‘n Seder-tafel

Dit sal die eensaamste Pasga ooit wees.

Net een of twee ou mense, alleen vir die Seder. Die Seder is ‘n spesiale maaltyd wat die aand voor die Pasga geniet word.

Om die Pasga te vier is vir die Jode absoluut noodsaaklik, maar dit is vanjaar 'n nasionale tragedie. Daar kan nie vanjaar enige openbare Seders wees nie. En senior burgers, wat die kwesbaarste is vir die Korona, is die hoof slagoffers.

            Colel Chabad is ‘n vrywillige Joodse leër wat vanjaar pakkies met kos en drinkgoed aan 800 000 ingeperkte seniors in Israel gaan voorsien sodat hulle almal die Pasga sal kan vier, alhoewel agter geslote deure. Die pakkies bevat kos en drinkgoed vir sewe dae. Alles wat nodig sal wees om die Seder en Pasgas presies korrek te vier, is ingesluit.

            Om die 800 000 pakkies voor te berei is reeds ‘n ontsettende groot taak, maar dan moet dit by Joodse wonings afgelewer word. Die Heilige Engele sal moet help.

            Colel Schabad sê: “Dit is 'n ongekende logistieke en finansiële uitdaging. Maar daar is geen keuse nie. Ons moet dit doen.”

            As jy nie geldelik kan help nie, bid dan dat hierdie enorme uitdaging geslaagd sal wees.

            Dit is nie normale tye nie. Dit is nie die normale Pasga nie.

            Op die Seder sê die Jode:  "Laat almal wat behoeftig is, kom en eet ". Maar hierdie jaar sal die 800 000 seniors in hulle huise toegesluit wees. Dra hulle in julle gebede, asseblief. – Wekroep

Kambro-liefde

Hoe het ander voor ons, deur sulke krisis tye gekom?

Frans Venter is op 27 November 1916 gebore.
Sy ouers, Herman en Nellie,  het in die Britstown-omgewing geboer.
Met die uitbreek van die Groot Griep van 1918 was hy nog nie twee jaar oud nie.
Die Spaanse griep het sy pa en sy ma ondergekry en albei was destyds vir ‘n dag of twee bewusteloos in die bed weens die ontsettende koors en suurstofnood.
Sy ma het eerste haar bewussyn herwin en vir klein Frans op die grond langs die bed gekry waar hy weens honger en dors gesuig het aan die tosseltjies van sy ouers se beddeken.

Die Venters het die Groot Griep oorwin en Frans se ouers het herstel. Aangesien klein Frans altyd gelukkig en lewenslustig gebly het, selfs in die droogste en moeilikste tye, het sy ma hom haar “kambrokind” genoem.
Die kambro is ’n tingerige Karoo-plantjie waarvan die groenbruin blaartjie altyd vars lyk, selfs in die droogste, moeilikste tye.

Frans het grootgeword en was op pad Hoërskool toe, toe die Groot Droogte uitbreek. Hy het sy skoolloopbaan onderbreek en saam met sy ouers ‘n swerwersbestaan begin voer op soek na weiding vir hulle kleinvee-trop wat elke dag gekrimp het weens massiewe vrektes.  Uiteindelik het hulle staanplek gekry in die Kalahari, nadat hulle nie die grens na Suidwes-Afrika kon oorsteek nie.

Die Venters het oorleef danksy die ontferming van familie en medemense. Nogtans het hulle byna alles verloor wat hulle voor die droogte gehad het.

Frans het in 1934 aan die Hoërskool Hopetown gematrikuleer as een van die top-matrikulante van die destydse Unie van Suid-Afrika. Hy het op Stellenbosch gaan verder studeer en sou uiteindelik bekend word as die skrywer en Hertzogprys wenner, FA Venter,
met boeke soos Swart Pelgrim,
Gelofteland,
Bedoelde Land,
Geknelde land
Offerland,
Werfjoernaal,
Die middag voel na warm as,
Man van Ciréne
Kambro kind,
Die ou man en die duif,
Die keer toe ek my naam vergeet het,
en die Koning se Wingerd.

Sy boek, Kambrokind vertel juis die verhaal van sy grootwordjare in die moeilike tye van die Groot Griep, die Groot Droogte en die Groot Depressie.

Daar is vandag, tydens Suid-Afrika se 21 dae van inperking weens die korona-virus pandemie, vir ons lesse te leer uit die lewe van die kambrokind, Frans Venter.

Die eerste is juis in die voorbeeld van die nederige kambro-plantjie wat vars en lewenslustig bly ten spyte van die felste droogte. Moenie dat die situasie jou oorweldig nie.  Fokus nie op die situasie nie, fokus op God.  As jy sukkel daarmee, lees bybel.  Dit help om my rustig te maak.  Ek maak net eenvoudig die Bybel oop en lees.  Hoofstukke en hoofstukke daarvan.  Dit maak my rustig.  Dit gee my HOOP.

Die tweede is dat die wêreld en die lewe sal voortgaan ten spyte van die krisis, maar dat totaal nuwe maniere van doen begin posvat omdat die gemaksones van ons bestaan vir lank genoeg versteur was om nuwe maniere van doen te begin gebruik.  Ek sit hier in die Strand en kyk uit oor die see.  Nog nooit het ek hier uitgekyk en geen mens (in die dag of in die nag) gesien nie.  Geen mens en geen motor.  Vandag het hier robbe in die water kom baljaar.  Dis asof die natuur juig, want die natuurlewe kan weer funksioneer sonder dat daar mense naby is.
Die derde is dat herstel en gewoonlik geweldige groei altyd volg na elke skynbaar vernietigende krisis. Dit het gebeur na die Groot Griep van 1918, die Groot Depressie van 1932 en die Groot Wêreldoorloë. Ons kan verwag dat dit na die korona-krisis ook sal gebeur, ons moet net uithou. Hoop net ons neem die lesse wat ons hieruit leer met ons saam die toekoms in.
Die laaste is dat ontferming oor ons medemens noodsaaklik is, dikwels nie net wille van ons medemens nie maar ook ter wille van onsself. Welwillendheid keer altyd terug na die wie dit uitdeel. Daar is soveel “mekaar” tekste in die Woord.
Julle moet mekaar liefhê.
Julle moet na mekaar omsien.
Julle moet mekaar aanmoedig.
Julle moet mekaar vermaan.
Julle moet mekaar verdra.
Julle moet mekaar vergewe.
Julle moet mekaar groet.
Julle moet vir mekaar bid.
Die mens is nie volledig mens, sonder sy / haar medemens nie.
Ons gaan dus hierdie krisis oorkom en ons gaan sterker anderkant uitkom. Ons is nie verniet kambrokinders van hierdie bedoelde land nie.

Herlewing

Bykans 74 000 neem Jesus aan as Verlosser en HERE in Pakistan

“Maar almal wat Hom aangeneem het, aan hulle het Hy mag gegee om kinders van God te

word, aan hulle wat in sy Naam glo.” Joh 1:12

Na skatting het 80 000 mense die diens bygewoon

Te midde van berigte van groot getalle mense wat reg oor die wêreld gered word, berig GOG TV van 73 929 mense wat in Pakistan gered is.  Die Koronavirus ruk alles tot stilstand en selfs kerkdeure moet toe, maar die Gees van God beweeg weer oor die waters soos van ouds.

Volgens Wikipedia, het Pakistan het die tweede grootste aantal van Moslems in die wêreld. Hulle bestaan uit meer as 95 persent van die bevolking.

'n Christelike kruistog het in Maart 2020 in Pakistan plaasgevind. Meer as 80 000 mense is geskat het die gebedfees bygewoon het.

Getuies van die geleentheid het gesê dat gietende reën vir vier dae voor die dag van die kruistog geval het. Die wolke het egter geskei en die reën het 'n uur en 'n half gestop voordat die kruistog begin het. " En wonderbaarlik, het die reën nooit teruggekom vir die hele res van die gebeurtenis nie. Verder het Pakistanis wat in die kruistog bygewoon het, God se genesende krag en wonderwerke aanskou!

Pastoor Craig Walker die Evangelie aan die meestal ongelowige Pakistani’s verkondig.

"Pakistan behoort aan Jesus!" het Pastoor Craig verklaar.

Hy het ook met hulle die werklikheid van die teenwoordigheid van Jesus gedeel, "Jesus loop vanaand deur daardie skare."

"En God het geweet dat jy hierdie nag hier sou wees. Hy het 'n plan vir jou, "het Pastoor Craig bygevoeg. Hy het voortgegaan: “Jesus  het hy uit die graf opgestasan. Hy lewe vanaand! "

Toe het Pastoor Craig dadelik die gehoor uitgedaag om Jesus in hulle harte en lewens te aanvaar. Die aanwesiges het in massa reageer en  73 929 het Jesus as hulle HERE en Saligmaker. Duisende was gered in net een dag.

 Sommige van die nuwe Geestelikes is selfs na die verhoog geroep om te getuig van die wonderwerke wat hulle ervaar het.

Een vrou het 'n wonderbaarlike genesende getuienis gedeel. "Een jaar tevore, was my maag heeltemal verbrand met vuur. As gevolg daarvan was ek is nie in staat om selfs sit van erge pyn nie. Maar tydens hierdie gebedsbyeenkoms, toe Pastoor Craig gebid het en ek my hande op my maag gelê het, was die pyn weg in Jesus se naam,"het sy gesê.

‘n Vrou wat 12 jaar lank nie swanger kon word nie, het later getuig dat sy na gebed swanger geword het.

Nog 'n bejaarde vrou het ook 'n kragtige getuig dat sy volkome van doofheid genees is. Hierdie is maar etlike van honderde wonderwerke.

God is so goed! Hy is steeds dieselfde God gister, vandag en vir Ewig. Heb 13:8

Dis alles tevergeefs

Terwyl ons gewone mense, sukkel om voorraad te kry in hierdie krisistyd, koop die rykes kaste vol kos en toiletpapier en vlug na hul uithoeke van die wêreld... na versteekte plekke in die berge of ondergrondse bunkers.

            Die elite vlieg met private stralers na bunkers regoor die wêreld. Ander vlug in hul seiljagte na privaat eilande, of met spesiale voertuie die berge in.

Voorbeeld van ‘n bunker in aanbou. Agorist/Activist Post March 13, 2020

            Hulle rykdom stel hulle in staat om meer as genoeg voorraad saam te neem, asook hul eie mediese dokters en ander personeel sou hulle straks tog besmet word. 

            Ons noem toiletpapier weens berigte waar mense in winkels vuisslaan om toiletpapier te bekom.

            Die rykes laat hulle toets voordat hulle vlug. Waar gewone mense in ellelange toue moet wag op toetsing, koop die rykes hul pad ook na snel oplossings.

            Diegene wat nie hul eie stralers het nie, huur privaat maatskappye se stralers en betaal veel hoër reisgeld om weg te kom.

            Baie is van groepe wat bejaarde passasiers insluit, of dié met gesondheid toestande wat hulle besonder bekommerd maak oor blootstelling aan skares op lugrederye se vlugte.

            Die elite word toegelaat om te vlieg terwyl die gewone mense soos ek en jy, vertel word ons mag nie vlieg nie. Die elite word toegelaat om uit reeds besmette lande te vlug.

            Hulle is gereed om bv. te vlug voordat die verwagte asteroïde teen die aarde gaan bots in 2029. Intussen word ‘n moontlike kernoorlog verwag.

Ontsnappingsplanne met vakansiehuise  in afgeleë plekke, en private vliegtuie gereed om te vertrek op 'n oomblik se kennisgewing, sommige van die rykste individue in die VSA koop groot hoeveelhede grond wat vir selfoorlewing gebruik kan word.

Volgens die Guardian: Telecom grootbaas John Malone besit 'n totaal van 2 200 000 hektaar, met massiewe bedrae belê in Wyoming en Colorado. CNN stigter Ted Turner besit 2 000 000 hektaar wat grond in Montana, Nebraska, New Mexico en Noord-Dakota insluit. AEG grootbaas Philip Anschutz besit 434 000 hektaar in Wyoming. Amazon uitvoerende hoof, Jeff Bezos besit 400 000 hektaar grond in Texas. En sport magnaat Stan Kroenke besit 225 162 hektaar grond in Montana. Om maar enkeles te noem.

Sulke wegsteekplekke bestaan ook in Suid-Afrika. Hierdie tipe voorbereiding strek wêreldwyd tot in Australië en Nieu-Seeland waar massiewe hoeveelhede landbougrond gekoop word. Omdat geld en edelmetale feitlik nutteloos sou wees na aanleiding van 'n groot ramp, sal ‘n self-volhoubare gebied en die gereedskap wat daarmee kom, beslis ‘n uitkoms bied.

            Om voorbereid te wees vir noodgevalle is nie paniek, dit is wys. Om te wag totdat daar 'n werklike noodgeval is voordat jy voorberei is nie 'n goeie idee. Die Regering sal jou nie veilig hou nie.

            Om van die rykes te praat is maklik, maar ons gewone mense het net mekaar om op te steun, of so sou mens in die praktyk redeneer.

            Dis alles tevergeefs, behalwe om by Jesus te skuil. Intussen is Gelowiges by verre veiliger as die rykes. Lees maar Ps 91. In plaas van vlug, word ons gehaal vir die grootste Bruilof wat enige mens nog ooit aanskou het.

            Skuil eerder  in die Rots, Jesus Christus.

Na die Bruilof keer ons terug a ‘n ongeskonde nuwe Aarde en ‘n Nuwe Jerusalem.

            Huidiglik is die aarde in rep en roer. Vrees het ‘n groter gevaar as die virus geword. Te midde van die vrees en chaos,

gebeur iets. Luister mooi...:

            “Kyk, Ek staan by die deur en Ek klop. As iemand my stem hoor en die deur oopmaak, sal Ek ingaan na hom toe en saam met hom maaltyd hou, en hy met My.

“Aan hom wat oorwin, sal Ek gee om saam met My te sit op my troon, soos Ek ook oorwin het en saam met my Vader op sy troon gaan sit het.

“Wie 'n oor het, laat hom hoor wat die Gees aan die gemeentes sê.” Openb 3:20-22

Kom, Jesus wag...  – Wekroep

Vervang vrees met Geloof

Vervang vrees met geloof en stap ongeskonde deur hierdie slagveld van virusse en misdaad, ellende en ondergang. Daar is gevalle waar die vrees ‘n groter gevaar is as die werklike gevare. Wêreldwyd is daar baie paniek. Plaaslik is dit erger weens bedreigings op vele fronte.

            Al die gevare waarvoor gevrees word, is weens die onbekende, maar geloof in die HERE God Jahweh neem ons juis na die bekende. Sy liefde en genade, die bloed van Jesus,. die Heilige Engele se beskerming.

            Dan bid ons in die geloof, sonder om te twyfel. Jak 1:6-8. Dan sing en speel ons in ons huise en motors Goddelike musiek... Dan bid ons vir mekaar. Ons staan op vir Jesus. Ons bemoedig mekaar soos wat Ouma Hamman se getuienis ons bemoedig.

Anna Elizabeth Retief (Ouma Hamman), die derde van agt kinders, is op 4 Julie 1874 op Graaff-Reinet  gebore.

            Sy het onderwyseres geword en haar studies voltooi deur by  maanlig en kerslig te studeer. Soms het sy selfs vuurhoutjies getrek om by dié lig te studeer. Sy was vooruitstrewend en het baie goed op skool sowel as die kollege presteer. Mej. Helen Murray, ‘n suster van dr. Andrew Murray, was destyds hoof van die seminarie.

            Dit was in hierdie tyd dat sy die Wedergeboorte deelagtig geword het. Die HERE het die Heilsleër en die South African General Mission, waarvan Dr. Murray ‘n stigterslid was, gebruik om haar tot die Lig te bring.

            Beaufort-Wes was haar eerste standplaas as onderwyseres. Hier het sy by die Pienaar-gesin loseer waar sy geestelik verryk geraak het. Sy was toe 20 jaar oud.

            Sy is daarna na Standerton. Nog later het sy ‘n pos op Biesiesvlei naby Lichtenburg aanvaar. Daar is sy met kol. J.L. Hamman getroud.

Inlas: Ouma Hamman – Op vlug deur die oorlog met twee babas

            Kort na die geboorte van hul eerste kind, het die Anglo-Boereoorlog uitgebreek.

            Op pad na die klein konsentrasiekamp op Barberton was Anna, haar suster Margaret en Anna se klein Esther verplig om op Nelspruit by vreemde mense oor te bly. Daar is die tweede baba op die vlug gebore.

            Anna en die twee babas, asook Margaret was verplig om na tien dae in aller haas vanaf Nelspruit met die laaste trein te vertrek daar die vyand op hulle spoor was.

            Die trein was so stampvol van passasiers, dat daar geen plek vir bagasie was nie. Sonder ‘n pennie geld en met net die klere wat hulle aangehad het, tesame met ‘n klein handsakkie, het hulle op Barberton aangekom.

            Anna se man, wat toe as posmeester diens gedoen het, het lank reeds nie meer salaris ontvang nie en is toe ook gevang.

            Anna vertel later dat haar enigste uitkoms was om haar op die Engelse kommandant, ‘n ouerige man, te beroep. Nadat hy na haar verhaal geluister het, het hy haar 2 pond van sy eie geld gegee. Hy het hulle ook na ‘n netjiese klein huisie geneem want die vroue het daar in huisies en nie in tente tuisgegaan nie.

            Tot haar vreugde was daar dikwels vroegoggend ‘n mandjie met vars melk, eiers, groente, ens. voor die deur. Dit was bo en behalwe die karige voorsiening van die kommissariaat.

            Die mandjie in die oggende was deur vriendelike Engelse kommandant gestuur, alhoewel hy nooit self die huis besoek het nie.

            Anna vertel dat die HERE in daardie dae baie naby aan hulle was en op wonderbaarlike wyse in antwoord op gebed, in al hul behoeftes voorsien het.

            Na drie maande het sy weens die verskriklike hitte op Barberton, baie na haar ouerhuis op Graaff-Reinet verlang.

            Sy het met die kommandant gaan praat en hy het verlof gegee dat sy en die babas kosteloos deur die twee republieke Transvaal en Vrystaat, mag reis, maar op eie risiko.

            Die land was in ‘n toestand van gorrilla-oorlogvoering, treinspore is gedurig opgebreek en hulle sou langs die pad verskeie kere lank moes wag op die herstel van die spoorlyn.

            Met so ‘n toestand het sy besluit om eerder op die HERE te gaan wag vir duidelike leiding. Alhoewel sy kosteloos kon reis, sou sy tog geld ook moes hê, en sy besluit toe dat as die HERE op wonderbaarlike wyse die geld voorsien, dan sou dit as teken aanvaar dat sy die reis kon onderneem.

            En weer ‘n keer, in antwoord op gebed, verkry sy op bonatuurlike wyse 13 pond. Sy het volkome vrede in haar gemoed gehad om die lang reis aan te pak.

            Die grootste prioriteit was padkos. ‘n Groot baksel boerbeskuit sou die probleem oplos. Weer vertrou sy die HERE op uitkoms. Toe kry sy meel, maar die vet het ontbreek.

            Drie dae voordat die trein sou vertrek, staan sy met die skottel meel voor haar deur die venster en tuur.

            Beswaard bid sy toe: “HERE, het U my dan vergeet; ek kan dit nie verstaan nie.”

            Die volgende oomblik het die militêre muilwaens vol proviand en met groot geraas verbygesnel.

            Daar was ineens ‘n harde geklop aan die voordeur. “En daar staan ‘n Engelse soldaat met die grootste blik vet wat ek nog gesien het,” vertel sy later.

            Die blik was so groot en swaar dat die soldaat dit op die grond moes neersit. Hygende na sy asem sê hy toe: “Mevrou, hierdie blik vet het van die militêre muilwaens afgeval. Wil u dit nie hê nie?”

            Sonder om nog op ‘n antwoord te wag, het hy die blik vet die gang afgerol, omgedraai en laat spaander om die waens weer van agteraf in te haal.

            Anna het verbysterd bly staan. Die teenwoordigheid van die HERE was tasbaar.

            Wat die wonder nog groter gemaak het, was die feit dat die deur van die huis nie direk op die straat uitgegaan het nie, maar in ‘n tuin met ‘n hekkie laer af, terwyl die huise oorkant die straat se hekke by hul voordeure was.

            Wat sou die Engelse soldaat beweeg het om die ompad te neem as dit nie die Gees van God was wat hom gedring het nie?

            Op die laaste oomblik is Anna se verlof om die reis te onderneem gekanselleer. Toe die kommandant dit hoor, stel hy ‘n seereis voor vanaf Lourenco Marques na Port Elizabeth.

            ‘n Seereis! Waar sou die passaat vandaan kom? “Maar my Vader het Sy Wil aan my bekendgemaak,” se Anna later.

            Sy het  soos Abraham van destyds uitgetrek … sonder om te weet waarheen, maar soos Abraham het sy goed geweet saam met Wie!  Sy het dus volkome rus en vrede in haar gemoed gehad.

Sy het ook geweet van ‘n paar van haar eie mense wat oor die grens gegaan het en in tente in Lourenco Marques tuisgegaan het.

Met haar en die babas se aankoms daar het die ou bekendes haar gasvry ontvang.

Dieselfde middag het die kampkommandant op sy gewone rondte ook by haar tent besoek gebring. Nadat hy na haar verhaal geluister het, het hy vertrek.

‘n Ruk later was hy terug met die boodskap dat mnr Trotsenburg, die hoof van Poswese in Transvaal., in ‘n hotel onder in die dorp was en dat hy haar graag wou spreek.

Na ‘n paar vrae was Trotsenburg bereid om ‘n deel van haar man se agterstallige salaris aan haar uit te betaal. Hy het haar ‘n tjek vir 37 pond oorhandig. Dit was genoeg om die kostes tot in Graaff-Reinet te dek.

Weer was sy verbysterd, want dit was die laaste oord vanwaar sy enige hulp verwag het. “Dit het gevoel of ek in lug loop terug na die kamp.”

Veertien dae later het hulle aan boord gegaan en na ‘n voorspoedige reis uiteindelik by haar eie mense op Graaff-Reinet aangeland. Hieroor sê sy: “Al die eer aan God!”

En voeg dan by: Can you wonder, can you wonder, can you wonder why it is I love Him so? When I think of all His done for me unworthy one! Can you wonder why it is I love Him so?

Dit was die einste Anna – later bekend as die biddende Ouma Hamman – wat geruime tyd na die oorlog aan dr. Andrew Murray geskryf het:

“Watter raad het u vir my om my en my vyf  klein kindertjies, waarvan die oudste maar 9 jaar is, so vroeg moontlik vir die HERE te wen?”

Murray het geantwoord: “Ek sien dat u ‘n bekommerde moeder is. Soek vir u nog ‘n bekommerde moeder en bid saam.” Sy het dit gedoen en dit het aanleiding gegee tot die Moeder Gebedsbond wat landwyd gegroei het.

Vandag is ons land weer ‘n keer vol bekommerde moeders en daarom word ‘n beroep op alle moeders gedoen om weereens by ‘n Moeder Gebedsbond in te skakel, of begin een as daar nie een in jou omgewing is nie, en begin bid vir ‘n Herlewing. Bid soos jy nog nooit in jou lewe gebid het nie. Soos wat die HERE Ouma Hamman gedra het, sal hy ons ook dra. Glo net. “Moenie vrees nie, klein kuddetjie, want julle Vader het 'n welbehae daarin gehad om aan julle die koninkryk te gee.” Luk 12:32

Indien jy weet van iemand wat ‘n Bybel  opreg benodig en kan gebruik, besoek www.thesower.org.za

As iemand geestelike hulp of gebed verlang, skryf aan: belindapaar@gmail.com

Bid asseblief deurentyd vir ‘n magtige geestelike Herlewing in SA – Wekroep

Herlewing in Suid-Afrika

Oral in Suid-Afrika is gebedsgroepe besig om toe te neem in getalle met ernstig voorbidding vir Herlewing.

Hierdie skrywe van ds. FJ Liebenberg, oor die Herlewing wat in 1858 begin het, word opnuut versprei om die gebedsgroepe aan te moedig om voort te gaan met hul Herlewingsroepe na die Almagtige God, veral nou dat ons ook die vas en gebed steun van Finale Opdrag uit Amerika en wêreldwyd het.

Bid soos nog nooit tevore. Bemoedig mekaar.!

Ons, ek en jy, hou die sleutel tot die Herlewing in Suid-Afrika

“Want Ek sal water giet op die dorsland en strome op die droë grond; Ek sal My Gees op jou nageslag giet en My seën op jou nakomelinge.” – Jes 44:3

Menige Suid-Afrikaner is beswaard oor die toestand waarin ons, ons bevind. Maar let op, ons het die mag en die gesag om die situasie om te keer.
Soos daar tye van verkwikking in die enkeling se lewe kom wanneer hy na lange wag daarom gebid het omdat daar ‘n droogte in sy siel was, net so kom daar tye van kragtige Herlewing in die lewe van die Gelowiges na tye van verslapping en nadat die kinders van die HERE Sy aangesig aanhoudend gesoek het en gewillig was om die prys van selfopoffering te betaal.

So het daar in die jare vanaf 1859 ‘n baie kragtige werking van God se Gees in SA plaasgevind, wat die gevolg was van lang, maar ernstige gebedsvoorbereiding deur menige kind van God wat bekommerd gevoel het oor die lae geestelike toestand van sovele in die Kerk van Christus, omdat die Gees van God as’t ware direk tot die kinders van die HERE begin spreek het oor hul sondige toestand.

            Maar ook was die roering in Suid-Afrika tot ‘n mate die gevolg van berigte oor groot Herlewings in Amerika en Brittanje in die jare 1857-1858.

            Die kenmerke van hierdie opwekking was dat mense sommer direk vanuit die Hemel deur God se Gees tot oortuiging van sonde gekom het. Die Gees het so kragtig gewerk  dat mense nie hulself kon verhelp om selfs in die openbaar tot God om genade te roep nie!

            In ander gevalle het verlorenes gesmeek: Help my, wat moet ek doen om gered te word?

            Liefde vir verloregaande siele was nog ‘n kenmerk van hierdie opwekking.

            Die herlewing het vinnig opgevlam en uitgebrei en dit het nie lank geduur nie, of die Gees van God het ook in Engeland, Ierland, Wallis en Skotland begin werk.

            Hierdie heerlike nuus het SA begin bereik en die kinders van die Here  het verlang na ‘n dergelike en nodige Herlewing.

            In die Kerkbode van Augustus 1859 kom ‘n oproep tot gebed onder leiding van di. Faure, Morgan en Cameron namens die Zuid-Afrikaansche Evangeliese Bond aan Evangelie-dienaars van alle kerkgenootskappe.

            Onder meer staan daar: Dat ‘n Herlewing in die Godsdiens nodig en ernstig te begeer is, is ‘n feit wat niemand in twyfel sal trek nie, wat enigsins bekend is met die geestelike toestand van die kerke in hierdie hele kolonie. Dat sodanige opwekking teweeg gebring kan word alleen deur ‘n oorvloedige uitstorting van die Heilige Gees en dat die Gawe van die Heilige Gees beloof is in antwoord op gebed, is waarhede wat duidelik in die Skrif geleer word.

            Daar word besluit: Dat ‘n reeks preke gelewer word op agtereenvolgende Sondae oor die Goddelike persoonlikheid, die ampte en die werk van die Heilige Gees, dog, meer besonderhede van die groot behoefte wat daar teenswoordig bestaan aan die ernstige gebed in die binnekamer en in die openbaar om ‘n algemene uitstorting van die Gees op die siele van individuele Christene, op die gemeentes waar hulle aanbid, en op die belydende Kerk van Christus.

            Die redakteur van Die Kerkbode het ses artikels geskryf oor gebed, ‘n verwerking van biskop J.C. Ryle oor die onderwerp. Ook is geskryf oor die uitstorting van die Heilige Gees.

            In Oktober van daardie jaar, verskyn ‘n brief, deur 14 van ons ouere en mees bekende predikante waarin hulle melding maak van die merkwaardige Geestelike opwekking in Amerika en elders, asook: Onder onmiskenbare tekens word die Heilige Gees daar oor duisende uitgestort. Die verbasendste omkerings het plaasgevind.

            Die brief sluit met die volgende oproep:

·       “Ons bid u, pleit op die beloftes van God, grond u geloof en u verwagting daarop. Ons wek u ernstig op om gelowig en vuriglik elke week een uur, dit sy saam met andere of in die binnekamer, God te bid dat Hy ook ons land genadiglik mag besoek en ons die seën van die uitstorting van die Heilige Gees mag gee, soos Hy dit op die oomblik besig is om uit te stort op ander dele van die aarde.”

            “Om ‘n verslag te gee van die hele verloop van die herlewing in SA, sal te lank neem. Ons berig derhalwe net oor ‘n paar gemeentes om ‘n beeld te gee van hoe die Heilige Gees gewerk het.

            “Die opwekking het net na ‘n Worcester-konferensie met groot krag op Montagu, waar daar toe nie ‘n predikant was nie, uitgebreek. Sonder om dit te besef, was hierdie gemeente reeds vir ‘n jaar lank deur die HERE vir die opwekking voorberei. Hier was gewoonlik net drie mense in ‘n biduur.

            “Januarie is ‘n biduur begin wat vroeg op ‘n Sondag plaasgevind het. Die Sondagdienste wat vroeër swak bygewoon was, het dadelik begin verbeter en die belangstelling in die Woord het begin toeneem.

            “Daar was ‘n groter lus om te bid en ‘n groter liefde na God se Woord. Mense het begin stroom na die bidure. Bidvertrekke het spoedig te klein begin word. Daar is toe besluit op afsonderlike bidure vir mans, vroue, seuns en meisies.

            “Bidure is later daaglikse gehou, soms meer as een keer per dag. Daar was ‘n kragtige werking van God se Gees in so baie harte. Mense het in hulle nood uitgeroep:


·       Wat moet ek doen om gered te word!

“Beraders het dae aaneen gewerk sonder rus. Bejaardes en jongmense, Wit sowel as Bruin, was aangeraak. Daar was haas geen huis op die dorp wat nie betrokke was nie. Bevooroordeeldes is self ook deur die Gees aangegryp. Die hele samelewing het verander, en is letterlik omgekeer.

“Worcester het dit ook belewe. Dit het in die Breërivier en Goudini begin en deurgedring na die dorp en ander wyke van die gemeente. Soms in die eensaamheid en soms in die openbare bidure het daar van die kragtigste werkinge van die Gees geskied. Oud en jonk het gedring gevoel om na die bidure te gaan.

            “Oor wat op die dorp gebeur het, vind ons ‘n beskrywing van in die Kerkbode van 31 Augustus 1905:

            “Op ‘n Sondagaand was ons weer bymekaar, sowat 60 van ons. Ek het ‘n vers laat sing, ‘n gedeelte uit die Skrif voorgelees, ‘n gebed gedoen, en daarna soos ons gewoonte was, geleentheid gegee aan wie ook al ‘n vers wou voorlees en wou voorgaan in gebed.

            “’n Bruinmeisie van 15 jaar het agter in die saal opgestaan en wou weet of sy ‘n vers kon opgee.

            “Na huiwering het ek op aandrang van die Gees van die HERE haar toegelaat om dit te doen. Dit was Gesang 39 vers 4.

            “Daarna het sy haar hart in ‘n roerende gebed uitgestort. Onder die gebed was dit asof daar ‘n geruis in die verte hoorbaar was wat al luider geword het en al hoe nader gekom het, totdat dit wou voorkom asof die hele saal beweeg word.

            “Met enkele uitsonderings het almal wat aanwesig was begin bid. Dit was  ‘n oorverdowende ‘geraas’.

            “In daardie tyd was ds Andrew Murray predikant op Worcester. Dieselfde Sondagaand het hy ‘n diens by ‘n gemeente in Engels waargeneem. Ouderling Jan Rabie het by ons saal verbygekom en die “lawaai” gehoor. Hy het dadelik vir ds Murray gaan roep.

”Ds Murray het na vore gestap en my laat verstaan dat ek van my knieë af moes opstaan. Hy vra toe wat gebeur het, en het daarna ‘n ent in die saal tussen die mense ingeloop en so hard hy kon gebied:  Mense bly stil!

            “Maar die gebede het eenvoudig aangehou. Weer het hy hardop geroep: Mense ek is julle predikant van God gestuur, bly tog stil!

“Dog, daar was niks aan te doen nie. Die mense het hom nie gehoor nie. Hulle het aangehou met bid en om genade en ontferming geroep. Ds Murray sê toe ek moet ‘n vers laat sing: Help die siel wat radeloos Skrei,  maar dit het ook nie gehelp nie, die biddery het net aangehou.

“Ds Murray sê toe God is ‘n God van orde en hier is alles wanorde, en daarmee het hy die saal verlaat.

“Van toe af is die bidure elke aand gehou. Die bidure het soms tot drie-uur in die more geduur en dan was sommige nog traag om die saal te verlaat. Al singende het hulle dan deur die strate geloop.

“Die saaltjie het gou te klein geword en ons moes na die skoolgebou verhuis. Ook dit het te klein geword toe die mense van buite die dorp begin instroom om die bidure by te woon.

“Die eerste aand in die groter gebou was ds Murray voorsitter. Nadat hy gelees, ‘n paar opmerking gemaak en gebid het, het hy geleentheid vir gebed gegee. Onder die gebed het die gedreun in die verte weer hoorbaar geword en spoedig was die hele vergadering aan die bid.

“Ds Murray het weer onder die mense ingeloop om “orde” te probeer handhaaf…

“’n Vreemdeling wat by die deur alles gadegeslaan het, het saggies na ds Murray gestap en aan hom gesê: Wees versigtig wat u doen; dit is die Gees van die HERE wat hier werk. Ek het so pas van Amerika af teruggekom en wat hier gebeur is presies wat ek daar met die Herlewing gesien het.

“In ‘n ander deel van die gemeente op die plaas Aan De Doorns, het die Here ook so wonderlik gewerk.

“Daar was drie persone wat deur God gebruik was: Mnr Jan Naudé, seun van mnr Dawid Naudé, die eienaar van die plaas, mej. Van Blerk, ‘n susterskind van mnr Dawid Naudé, en ou Saul Pieterse, ‘n Bruinman wat bekend gestaan het as Saul die Profeet. Hierdie mense het vir ‘n baie lang tyd ernstig om Herlewing gebid.

“Op ‘n sekere aand in hierdie tydperk het die Gees van die HERE sommer skielik op kragtige wyse onder die Bruinmense begin werk. Dit het so erg daaraan toegegaan dat mej. Van Blerk na buite gehardloop het om hulp te gaan soek.

“Sy moes hierna dorp toe weens haar fisiese afgematheid, maar na ‘n week was sy weer terug. Die Bruinmense het haar halfpad gaan ontmoet weens hulle dors na saligheid.

“Bidure was in die Naudé-woning elke maand volgens gewoonte gehou, maar toe begin die mense in die buurt die bidure toe te stroom en wat elders gebeur het, het ook hier gebeur. Die Gees het hom eenvoudig nie laat keer nie!

“Die biduurgangers was Wit- en Bruinmense. Daar was ‘n lieflike gees onder hulle. “Een aand het ds. Murray gekom en probeer om die mense tot “orde” te roep, maar net nadat hy gepraat en daar weer geleentheid vir gebed gegee was,  het die almal sommer oral in gebed en smeking om genade uitgebreek.

Ou Saul spring toe op en sê aan ds Murray en mnr Naudé: Gooi nou die damwal as julle kan, waarmee hy honend bedoel het: Julle wil mos die Gees keer, doen dit nou as julle kan.

“Op die plaas het feitlik almal tot bekering gekom. Berigte van die Herlewing het versprei sodat mense met waens en motors van ander gemeentes na die plaas gekom het om dit te beleef het. En daar het menigeen vir die eerste keer die Lig gevind.

“Dit word vertel dat mense soms net wanneer hulle aan die deurknop geraak het, so deur God se Gees oortuig geraak het van sonde, dat hulle platgeval en uitgeroep het:

•          God, wees my arme sondaar genadig!

“Die boerdery moes drie maande lank gestaak word vanweë die toeloop van mense wat gehelp moes word. Hier het wyle ds Rabie ook vir God gevind en besluit om na die Kweekskool te gaan.

“Dit was wonderlike tye hierdie. Vrugte was wonderlik en blywend. Ander plekke waar die HERE ook lieflik gewerk het was Wellington en Calvinia. Lidmate van albei gemeentes wat in daardie stadium ook nie predikante gehad het nie, het die Herlewing op  Montagu, besoek en so die Herlewingsvuur na hul onderskeie dorpe teruggeneem.

“Waarlik, wanneer die HERE werk dan gebruik Hy diegene wat gewillig is om Hom geheel en al te vertrou en te gehoorsaam.

“Oor die herlewing op Graaff-Reinet, skryf Die Wekker van 1 Mei 1861: Kan u glo dat die opwekking werklik hier is en dat God se Gees waarlik uitgestort word op Graaff-Reinet? Ook hier was die kreet:

•          Wat moet ek doen om gered te word!

“Die Sondagaand na die Nagmaal het die HERE wonderlik gewerk. Spotters is deur die HERE getref toe hulle bloot uit nuuskierigheid daar aangekom het.

“Die biduur het vanaf Sondagaand  tot Dinsdag 12nm geduur en boere het die middag eers na hul plase teruggekeer.”

            Dan skrywe ds. Liebenberg: Dis is genoeg om u te laat verlang dat God in Sy teerste liefde ook vir ons in hierdie dae opnuut sal ontmoet op ‘n ewe kragtige wyse. En, o, hoe nodig is dit nie! Maar dan sal daar ‘n steeds groter wordende aantal bidders moet opstaan wat bereid sal wees om aan die voorwaardes te voldoen naamlik: Hulle sal moet opoffer en tyd maak vir gebed.

Die antwoord is om by bestaande gebedsvure aan te meld of om nuwes, ja, sommer in jou huis, te begin… vandag nog. Ons het ‘n Herlewing nodig, meer as ooit te vore. Hierdie keer gaan dit in SA begin en soos ‘n kragtige veldbrand deur die wêreld woed! Dit is wat Suid-Afrika so broodnodig het:  Verootmoediging, ‘n regmaak met God, en Herlewing!

Wyle Louis Malherbe beskryf die huidige toestand soos volg: Ons rugbywedstryd. “Die skare het gekom om punte te sien, nie net skrums nie. Weet jy wat is die nadeel van ‘n skrum? Hulle sien nie eers die bal nie, hulle hoor net die geluide.

En dit is die nadeel van die kerk, hulle skrum net. Die spel werk nie van Maandag tot Vrydag in die agterlyn nie.

Ons kreun en ons steun vir die bal en die wêreld is besig om geleidelik die stadion te verlaat, want hierdie span het geen idee van die reëls nie.”

Let op, alles begin by gebed en gaan oor en oor, oor gebed.

Indien jy weet van iemand wat ‘n Bybel  opreg benodig en kan gebruik –besoek www.thesower.org.za

As iemand geestelike hulp of gebed verlang, skryf aan: belindapaar@gmail.com

Bid asseblief deurentyd vir ‘n magtige geestelike Herlewing in SA. – Wekroep