Hoekom woon jy waar jy woon?

As jy nie weet hoekom jy woon waar jy woon nie, begin die Evangelie in jou straat verkondig en jy sal gou uitvind. Die persoon langs jou in die vliegtuig, die bus... dit bly dieselfde... jy het ‘n boodskap vir hulle.

            In Londen, naby St. Paul’s, is ‘n straat met die naam Godliman Street, vertel die bekende dr. F. B. Meyer. Die ligging van die straat, naby so `n groot, bekende kerk, kon dalk die rede vir die naam gewees het.

Of, daar het dalk ‘n besonder toegewyde persoon gewoon, want die naam is van die Engelse woord, “godly” man, afgelei.

Hoe voel die mense, veral die mans, wat in daardie straat woon? Kan dit dalk `n verleentheid wees as mens vir `n ander moet sê?

Ek kom uit in Sionstraat in die Paarl. Pas die mense wat daar gewoon het of nou woon, se lewensgedrag by die straat se naam?

Voel jy dalk jy sal ontuis voel in so ‘n straat? Ons moet onthou, in die Hemelstad, is ook strate. Of hulle name het, weet ons nie.

Die strate is van goud...

 

Nêrens sal mens foto’s van die Hemel kry mie, maar hierdie nagtoneel in ‘n Switserse straat,

herinner mens aan wat op ons wag.

Voel jy dalk onseker oor jou plek in so `n Hemelstad se strate? “Die stad het nie die son en die maan nodig om dit te verlig nie, want die heerlikheid van God verlig dit, en die Lam is sy lamp.

Die nasies sal in die stad se lig lewe. Niks onreins en niemand wat iets losbandigs en vals doen, sal ooit daarin kom nie, maar net dié wie se name in die Boek van die Lewe, die Boek van die Lam geskrywe staan.” Opeb 21:22-27.

“En die fondamente van die muur van die stad was versierd met allerhande edelgesteentes. Die eerste fondament was jaspis, die tweede

saffier, die derde chalcedoon, die vierde smarag; die vyfde sardóniks, die sesde sardius, die sewende chrisoliet, die agtste beril, die negende

topaas, die tiende chrísopraas, die elfde hiasínt, die twaalfde ametís.” Openb 21:19-20

 

Ons moet baie seker maak, dat ons, ons toegangsreg tot die Hemel verkry het, deurdat ons Wedergebore is. Dat ons in Jesus Christus, as ons Verlosser, vertrou het. Van alle dinge op aarde is dit die belangrikste voorsorgmaatreël vir ons.

Iemand vra: Hoe is die Hemel? Skrywer antwoord: Maak ‘n lys van die dinge wat daar nie sal wees nie, al neem jy ‘n paar maande aan so ‘n lys: Gee voertuie, geen selfone of kompers, gen toue om in te wag nie, gee dokumente nie, geen tyd nie... en gaan maar voort.

“Stuur U lig en U waarheid dat dié my kan lei en my bring na U heilige berg, na U woning!” Ps 43:3.

What a great 2018 would look like for me

Adam Rosenfeld, writes: Do you know why you live where you live? Can you point to one motivating reason? If you can get there, you can set yourself up for a great coming year.

            Not too long ago, my wife and I were faced with the challenge of renewing our rent contract. We didn’t want to pick up the family and move. But our landlord raised the rent by over 20%. That’s a lot.

            Facing this choice, we looked at our options. And it occurred to me – if I want to make an informed decision, I need to know the reason why we live where we live. I didn’t need a list of reasons, I needed one main reason. Because if we know the main reason, then we can be clear about where we want to place ourselves as a family.

            Usually, when something happens for more than one reason, it happens for no reason. What I mean by this, is that we need to be able to drill down to one main reason why we live where we live – one driving motivation. Otherwise, there isn’t a strong enough argument for us to stay living where we are.

            This wasn’t a hard, or long, process. It just meant to list the reasons why we live where we live, to brainstorm. And then to cross off the lesser important reasons one by one – the reasons that aren’t particularly bound to our location.

            Is it because of our children’s schools? Our proximity to downtown? Our community?

            After crossing off a number of reasons, we got to the main one. The reason we live where we live is to be close to the ministry center where my wife serves. She runs an effort that facilitates worship for young Hebrew and Arabic speakers in Israel.

            We feel it’s a valuable work, and it’s the reason we live where we live. There are also many people who support her in this. My wife’s work is making a change in the world, and that guides us as to where we put our home and our family.

            Why do you live where you live?

            I’ve found there are usually three main reasons for this, all motivated by a different kind of relationship:

Trade

Is it because of your job? Is that why you live where you live? Because of your paycheck? If so, this may be considered as extrinsic value. Your income is the driving factor for where you place your home. It could be a business, or some other income-related partnership. But if you live where you live because of income, then the motivating relationship is what I call “Trade”.

Partnership

Do you live where you live because of something other than income? Maybe it’s because of a change you want to see in the world. This is what my wife is doing. And the family supports her in this. Her work with young Hebrew and Arabic speakers is making a change in the world around us. So it isn’t a pursuit of extrinsic value, but intrinsic value. I call this “Partnership”.

Gift-giving

Do you have a gift to give to the world? (Hint: you do.) Y’know, that thing that you would do even if no one would pay you for it? Even if no one would listen or care? I believe that we all have some kind of art to give to the world. Maybe you live in an environment that helps you give art – maybe you have a access to a studio, or some local community of artists or musicians. In this case, you live where you live so you can give. This is not the pursuit of extrinsic or intrinsic value, it’s the process of giving away value. I call this “Gift-giving”. This is a very special place to be in. But I rarely see people with families who can live like this. I, personally, try to have some Gift-giving in my life no matter where I’m living. But, ever since 1999, when I was a single guy skateboarding in the streets of New York City, it has not been the main reason of where I should live.

            Extrinsic value, intrinsic value, and the giving of value are all valid reasons to live where you live. None is necessarily more important than the other. The important thing is to know the reason, and to be in agreement with your spouse regarding that reason. However, in my life, I’ve observed that Partnership (intrinsic value) tends to be the strongest of all these relationships.


Honor Your Positioning, or Make a Plan to Change It

“Usually, when something happens for more than one reason, it happens for no reason.”

You live where you live for one main reason. I challenge you to drill down to the one core reason why. Then examine what kind of relationship it is: Trade, Partnership, or Gift-giving.

            Either that reason sits well with you, or it doesn’t. If it does, embrace it. Keep looking for ways to strengthen your local relationships, your positioning. If it doesn’t, make a plan to change where you live. It might not happen all at once, but at least you can take action steps, week by week. (“This week I’ll look up apartment listings in another city, next week I’ll drive down there,” etc.)

            As I look towards 2018, I want to honor my positioning as best possible. As a result, I’ve decided to do increase my own involvement with the nearby ministry my wife serves in.

            Let’s plan for 2018 by looking for ways to greater embrace our positioning. To advance in the relationships that we’re pursuing.

            Do you know the reason – the one reason – why you live where you live? Looking for more clarity on the matter?

            Michael Hyatt, one of my mentors, has a new upcoming webinar to help you get clarity and plan your coming year. It’s called “Navigate Your Way to Success in 2018: 5 Blunders That Can Shipwreck Your Goals (And How to Avoid Them)”.

            The webinar is free, but you’ll want to sign up quickly to reserve your seat.

This article originally appeared on AdamLeeRosenfeld.com

God se beplanning laat ons sprakeloos

Die man het alles verloor... vrou, kind, huis, geld,net mooi alles. Al wat oorgebly het was selfdood.

            Op pad verskyn ‘n reuse Engel voor hom. Hy besef hy is vasgekeer. Om die daad van selfdood uit te voer moet hy by die Engel verbykom en dis ‘n saak van onmoontlikheid.

            Dan die telefoonoproep, die gesprek gevolg deur die gesprek met God. Die Wedergeboorte.

            God se vooruitbeplanning laat ons sprakeloos, dog in verwondering, soos gebeure in ons eie lewens of soos met die verhaal van Josef.

Die arme Josef is deur sy broers verkoop, hy moes jare lank onskuldig in 'n tronk deurbring - alles omdat God 'n groot taak vir hom gehad het. Aan die einde besef Josef dat al sy swaarkry deel van God se plan met sy lewe was.

God is in staat om selfs rampspoedige gebeurtenisse om te keer en by sy plan in te skakel. Josef besef dit heel goed, en daarom veroordeel hy nie sy broers nie. Hy verseker sy broers dat hy hulle nie kwalik neem dat hulle hom so swaar laat kry het nie. Hy weet God het hom voor hulle uitgestuur om lewens te red. Gen. 45:5

Dit is nie hulle wat hom na Egipte laat kom het nie, maar God, omdat Hy wou verseker dat sy volk aan die lewe sou bly. Hulle was maar net die instrumente waardeur God se meesterplan in werking gestel is.

            Maar terwyl Josef onder in die put was, toe sy broers hom aan die vreemde handelaars verkoop het en tydens die lang jare in die Egiptiese tronk, moes hy sekerlik gewonder het waarom die HERE hom so swaar laat kry.

God gebruik meermale probleme in die lewens van sy kinders om sy Goddelike plan vir hulle te laat ontplooi. Soos Josef verstaan jy miskien nie nou waarom sekere dinge met jou gebeur nie, maar jy mag maar op God bly vertrou.

Ons is nie geroep om te verstaan nie, maar om te vertrou.

Al hierdie dinge wat jy nie kan begryp nie, is deel van Sy plan met jou lewe. Dit is die manier waarop Hy op die oomblik besig is om vooruit te beplan sodat ander mense eendag sy ingryping in jou lewe sal kan sien.

Daardie mense wat jou nou afkraak en seermaak, kan deur God as instrumente in sy hand gebruik word. Onthou: God maak nooit foute nie - Hy laat elke liewe dingetjie wat met jou gebeur aan die einde saamwerk tot jou beswil.

Kersfees… of die Wederkoms?

Dis byna Kersfees. Oral oor die aarde heen maak mense in hul miljoene gereed om die geboorte van Jesus Christus te herdenk... maar waar maak Gelowiges gereed vir Jesus se volgende koms?
            Jesus het belowe... soos wat Hy vertrek het, kom Hy weer. Al die tekens is daar dat Sy Tweede Koms naby is, maar wie leef in afwagting daarvan?
“Dan sal die Koninkryk van die Hemele wees soos die tien maagde wat hulle lampe geneem en uitgegaan het om die Bruidegom te ontmoet.
            “En middernag was daar ‘n geroep:  Daar kom die Bruidegom; gaan uit, Hom tegemoet.” – Matt. 25:1-6.
            Die aandag word op Sy Wederkoms gevestig, nie as Verlosser nie, maar as Bruidegom :  “Daar kom die Bruidegom!”
            Hy kom nie as Regter nie, ook nie as Krygsman van Armageddon nie, maar as Bruidegom.
            Christus kom as Juwelier na sy Juwele (Mal:3:17), om sy Oes in te haal (Matt. 13:30, as die Koopman vir sy Pêrels (Matt. 13:45), as Edelman vir sy Onderdane (Luk. 19:12), as die Herder van sy Skape (1 Pet. 5:4).
            Ja, natuurlik kom Hy as die Bevelvoerder vir die Slag van Armageddon, maar eers, kom hy as Bruidegom!
            Wees gewaarsku!  Hy kom vir seker.  Die tyd is reeds bepaal.  Die skedules is reeds gedruk.  Die Groot Dag is aan God bekend.
            Daar is egter ‘n verrassingselement: Die Bruid weet nie wanneer haar Bruidegom haar kom haal nie, juis daarom moet sy deurentyd gereed wees.
            Niks kan Sy koms verhoed nie.  Die besluit oor sy Wederkoms is onomkeerbaar.  Hy het dit belowe in sy Woord en Hy bly ‘n waarmaker van Sy beloftes.
            Geen verdraaiing van sy Woord kan die Wederkoms vertraag, stop of verander nie.  Valse profete kan maar profeteer soos hulle wil, Hy kom inderdaad!
            Christus se Wederkoms is so seker as die integriteit van die Almagtige God!

            Vraag is:  Is jy gereed?

Die grootste Geloofstoets... bly aan boord

Gelowiges sterf in die jongste tyd op die mees wreedaardigste wyses. Wie The Passion of the Christ gesien het, sal besef hoe afgryslik Jesus Christus se sterwe was.
            Die apostels had dit ook nie maklik nie. Dit is egter nie so belangrik hoe die apostels gesterf het nie. Wat belangrik is, is die feit dat hulle almal gewillig was om vir hulle geloof te sterf.
            Dit is ook wat in Noord-Afrika en die Midde-Ooste gebeur... Gelowiges, selfs kindertjies, is bereid om vir hulle geloof te sterf. Hulle word met swaarde onthoof en doodgeskiet.
            Die enigste twee apostels wie se dood in die Bybel aangeteken is, is Jakobus in Hand 12:2. Koning Herodes het Jakobus “met die swaard omgebring.” Hy is waarskynlik onthoof.
            Die ander was Judas Iskariot. Daar is verskeie weergawes van Judas se dood, maar die volgende is die mees aanvaarbare. Na Jesus se verhoor gebeur die volgende: “Daarna het Judas, sy verraaier, toe hy sien dat Hy veroordeel was, berou gekry en die dertig silwerstukke teruggebring na die owerpriesters en die ouderlinge en gesê: Ek het gesondig deur onskuldige bloed te verraai. Maar hulle sê: Wat gaan dit ons aan? Jy kan toesien!
            “En hy het die silwerstukke in die tempel neergegooi en weggeloop en homself gaan ophang.
            “En die owerpriesters het die silwerstukke geneem en gesê: Dit is nie geoorloof om dit in die skatkis te stort nie, omdat dit bloedgeld is.
            “En nadat hulle saam raad gehou het, het hulle die stuk grond van die pottebakker daarmee gekoop as 'n begraafplaas vir vreemdelinge. Daarom is dié stuk grond genoem Bloedgrond, tot vandag toe.
            “Toe is vervul wat gespreek is deur Jeremia, die profeet, toe hy gesê het: En hulle het die dertig silwerstukke geneem, die prys van die gewaardeerde wat hulle gewaardeer het vanweë die kinders van Israel; en hulle het dit gegee vir die grond van die pottebakker, soos die Here my beveel het.” Matt 27:3-10
            Hoe die ander dood is, kom deur oorlewering. Die algemeenste aanvaarde kerkoorlewering oor die dood van ‘n apostel, is dat Petrus onderstebo aan ‘n  kruis in Rome gesterf het in vervulling van Jesus se profesie (Joh 21:18).
            Matteus, was ’n belastinggaarder wat ’n Evangelis geword het. Hy was ’n martelaar in Etiopië en is uiteindelik met die swaard gedood.
            Lukas, was ’n Griekssprekende mediese dokter en is in Griekeland gehang juis omdat hy so dikwels vir die verlorenes gepreek het.
            Petrus, is onderstebo gekruisig. Volgens tradisie het hy dit só versoek aangesien hy homself onwaardig beskou het om op dieselfde manier as sy Meester te sterf.
            Markus, was die stigter van die kerk in Alexandrië in Egipte. Hy het toe ook daar gesterf nadat hy met perde deur die strate gesleep is.

Johannes, is in olie gekook, maar het wonderbaarlik aan die dood ontkom. Hy het in vrede gesterf op die eiland Patmos, waar hy die Openbaring-boek geskryf het.
            Jakobus die Regverdige: Hy het geweier om sy geloof te ontken, is by die Tempelmuur afgegooi, het oorleef en is met ’n knuppel doodgeslaan.
            Paulus het gedurende sy leeftyd gevangenisskap, afranselings en skipbreuk deurgemaak. Hy is gemartel en toe deur Keiser Nero van Rome in 67 n.C. onthoof.
            Andreas, is in Griekeland gekruisig. Nadat hy gegesel is, is sy liggaam aan ’n kruis vasgemaak. Hy het vir sy martelaars bly preek totdat hy na twee dae gesterf het.
            Jakobus die Grote, was bekend as Seun van die Donder. Hy het Spanje evangeliseer en is die Beskermheilige van Spanje. Hy is deur Herodus Agrippa onthoof.
            Bartolomeus, het ook as Nataniël bekend gestaan en was ’n sendeling in Asië (waar Turkye vandag is). Hy is in Armenië gemartel en tot die dood toe gegesel.
            Thomas, is ook bekend as die Ongelowige Thomas. Hy is met ’n spies op een van sy sendingreise na Indië doodgesteek. Hy het daar ’n kerk gevestig.
            Mattias, is in die plek van Judas Iskariot gekies. Hy het onder die kannibale gewerk en die verslae oor sy dood wissel van steniging en kruisiging tot onthoofding.
            Oor al hierdie gebeure en toekomstige gebeure sê die Skrif: “En julle sal hoor van oorloë en gerugte van oorloë. Pas op, moenie verskrik word nie, want alles moet plaasvind, maar dit is nog nie die einde nie.
            “Want die een nasie sal teen die ander opstaan en die een koninkryk teen die ander; en daar sal hongersnode wees en pessiektes en aardbewings op verskillende plekke.
            “Maar al hierdie dinge is 'n begin van die smarte.
            “Dan sal hulle jul aan verdrukking oorgee en julle doodmaak; en julle sal deur al die nasies gehaat word ter wille van my Naam.
            “En dan sal baie tot struikel gebring word en mekaar verraai en mekaar haat.
            “En baie valse profete sal opstaan en baie mense mislei.
            “En omdat die ongeregtigheid vermeerder word, sal die liefde van die meeste verkoel.
            “Maar wie volhard tot die einde toe, hy sal gered word.” Matt 24:6-13 – Sjibbolet
Gelowiges – bly lojaal, selfs te midde van hierdie heersende storm...

In Handelinge 27 ontvou ‘n drama in fynste besonderhede. Alles geskied in die donker nag sonder maan en sterre in ‘n verwoede storm op see. Kanse op oorlewing bestaan feitlik nie.
 

Hand 27 beskryf in sy geskrewe drama dit wat al die Eindtyd temas uitbeeld:
Die bemanning is uitgeput, verlate, moedeloos en skuldig aan pligsversuim. Hulle het alle hoop opgegee.
In Paulus sien ons toegewydheid en ‘n getroue nagwaak aan diens. Paulus sien hoe hierdie byna skandelike toneel voor hom afspeel, en hy keer net betyds.
Die Christendom bevind hom vandag op ‘n soortgelyke lewens stormsee. Gelowiges is uitgeput, voel verlate, is moedeloos en jou waarlik skuldig aan pligsversuim. Hulle poog om dieselfde te doen as die bemanning op die boot by Paulus... Hulle plaas hulle hoop op die Wegraping, so asof die Wegraping hulle moet uitred, pleks van die storm self die stryd aan te sê... deur lojaal te bly aan ons Skeepskaptein.
            So wou die bemanning ook die boot verlaat. Vrees het hulle oorval. Die boot het in daardie stadium net weggedryf in die storm. Hulle had geen beheer daaroor nie.
            Lees maar eers self Hand 27. Hulle gee heeltemal moed op. “En omdat die son en ook die sterre baie dae lank nie geskyn het nie, en 'n hewige storm ons gedruk het, is eindelik alle hoop om gered te word, ons ontneem.” Hand 27:20
           Hoe lyk ons stormsee? “Waarom woel die nasies en bedink die volke nietige dinge?
            “Die konings van die aarde staan gereed, en die vorste hou saam raad teen die HERE en teen sy Gesalfde en sê: Laat ons hulle bande stukkend ruk en hulle toue van ons afwerp!...
Welgeluksalig is almal wat by Hom skuil!” (aan boord bly) Ps 2
            Honderde duisende Christene vlug voor die Islamitiese Staat en sy tentakels. Dis ‘n bittere stryd om oorlewing. Sommige moet deur woestyne vlug. Vroue en kinders word verkrag en as seksslawe verkoop.
            Die VN se statistiek toon dat daar verlede jaar 800 000 mense op die wêreldmarkte verhandel is, sommige meisies selfs vir ‘n pakkie sigarette. Jong seuntjie se geslagsdele word uitgeslag en hulle word in ‘n verblindende woestyn son gelaat om dood te bloei. Agtjarige meisies word deur bendes verkrag, aldus die nuusmedia. Gelowiges word in die openbaar onthoof en ander in die agterkop doodgeskiet.
            Dit is alles deel van die ontsettend stormagtigheid waarin die wêreld hom bevind.
            Die jongste statistiek toon dat daar oorlog in 65 lande woed en dat 650 militêre guerrillas en separatiste groepe daaraan deelneem.
            Ter plaatse duur die verkragting en moorde tesame met ander misdaad soos gewapende roof, voort.
            Vrees versprei soos ‘n pessiekte vanuit die hel en oorweldig die mensdom. Die enigste teenmiddel vir vrees is nie hoop op die wegraping nie, maar op die Liefde van God!
            God sê ons moet by Hom skuil. Om te skuil is om diep weg te kruip, dieper in ons bloedverbond en gehegtheid aan Hom.
            Ons het ‘n oplossing. Ons is geroep tot ‘n hoër roeping in Christus Jesus: “En ons het die liefde wat God tot ons het, leer ken en geglo. God is liefde; en hy wat in die liefde bly, bly in God, en God in hom.
            “Hierin het die liefde by ons volmaak geword, dat ons vrymoedigheid kan hê in die oordeelsdag; want soos Hy is, is ons ook in hierdie wêreld.
            “Daar is geen vrees in die liefde nie; maar die volmaakte liefde dryf die vrees buite, want die vrees sluit straf in, en hy wat vrees, het nie volmaak geword in die liefde nie.
            “Ons het Hom lief, omdat Hy ons eerste liefgehad het.
            “As iemand sê: Ek het God lief – en sy broeder haat, is hy 'n leuenaar; want wie sy broeder wat hy gesien het, nie liefhet nie, hoe kan hy God liefhê wat hy nie gesien het nie?
            “En hierdie gebod het ons van Hom dat hy wat God liefhet, ook sy broeder moet liefhê.” 1 Joh 16:21
            Die Wederkoms vind nie plaas omdat ons in vrees en bewing leef nie, maar omdat ons Jesus Christus liefhet en met ons hele hart reikhalsend uitsien na sy Koms.
            Ons dink aan die ongeredde en die lou Gelowiges en ons bid sonder ophou: Here Jesus Christus help, red uit, asseblief!
            Dit gaan nie vir ons as ware Gelowiges om oorlewing nie. Ons het die Ewige Lewe. Ons het dit reeds ontvang by die Wedergeboorte. Ons beleef reeds die Ewige Lewe.
            Ons soek nie na ‘n veilige passaat uit hierdie storm nie. Ons bly lojaal aan ons Skeepskaptein en aan die bemanning.
            Onthou, Hy kom om Sy Bruid te kom haal... sonder vlek of rimpel. – Sjibbolet

Ongeloof vs geloof

·      

Ongeloof sal jou laat skipbreuk ly, maar
Geloof stil die storm

Daar is twee skepe in ’n krisis op die stormsee. Op die een is net een man reg en die res verkeerd. Op die ander is net een man verkeerd en die res van die bemanning reg.

          Wie was dan nou reg en wie verkeerd? Vir die kinders van die HERE gaan dit nooit oor die meerderheidstem nie. Dit gaan elke keer oor die Heilige Gees.

          Op die een skip is een man, Jesus Christus, reg en die meerderheid op die skip verkeerd, almal vasgevang in ongeloof.

          Op die ander skip is een man, Jona, verkeerd, en die die meerderheid oortuig van die onheil op die skip.

          In die geloofslewe werk ons nie op die meerderheidstem nie.

          In die eerste plek gee Jesus Christus in Mark. 4:35 opdrag: “Laat ons oorvaar na die anderkant.”

          Die opdrag was binne almal se vermoë. Dis ‘n eenvoudige en bekende opdrag: “Laat ons oorvaar na die anderkant.”

          En toe is daar die geweldige stormwind wat die See van Galilea in brutale verraderlikheid omskep het.

          Jesus Christus het rustig gelê en slaap. Geen storm kon hom ontstel nie, nie eers die latere lewenstorm van die Lydingsweg en Golgota nie.

          Vrees pak die dissipels aan boord.

          Hulle het Jesus Christus teen daardie tyd baie goed geken. Ten minste een van hulle moes die res tot bedaring gebring het en gesê het: “Moenie vrees nie, Hy is met ons. Hy het gesê ons gaan oorkant toe en as Hy so iets sê dan word dit vervul. Wees kalm, ons sal wel oorkant aankom.”

          Maar daar was nie so iemand nie.

          Vreesbevange het hulle Jesus Christus wakker gemaak en vir Hom gesê: “Meester, gee U nie om dat ons vergaan nie?”

          Strofe 39: En Hy het opgestaan en die wind bestraf en vir die see gesê: “Swyg, wees stil!” en daar het ‘n groot stilte gekom.

          Net so eenvoudig soos die opdrag om oorkant toe te vaar, net so eenvoudig was die opdrag aan die storm: “Swyg, wees stil!”

          Ons sing: “As die lewenstorme woedend om jou slaan, en jy gans ontmoedig, vrees om te vergaan – tel jou seëninge een vir een, en jy sal verbaas wees oor wat GOD verleen.

          “As jy ooit gebuk gaan onder sorg en pyn, as die kruis te swaar word en jou krag te klein – tel jou seëninge, dan vlug twyfel heen, en jy sien GOD’s goedheid laat jou nooit alleen.

          “As jy let op ander met hul goud en eer, dink dan GOD beloof jou nog oneindig meer; tel jou seëninge, weet dat prag en praal, nooit die minste van die Hemel kan behaal.

          “Laat dan al die stryd, die kruis, die bange nood, jou tog nie ontmoedig, GOD’s trou is so groot; tel jou seëninge; Engele staan jou by, bied jou hulp en leiding na die ander sy.”

          Ons sing dit, ons glo dit, ons weet dit, maar telkens wanneer ‘n lewenstorm ons tref, pak die vrees ons.

          Dan sê Jesus Christus aan ons, soos wat Hy aan die dissipels gesê het: “Waarom is julle so bang? Het julle dan geen geloof nie.”

          Geloof is ‘n gawe wat jy by die Wedergeboorte ontvang het. Deur die Woord in jou hart te bêre en as lamp vir jou voet te gebruik, bou jy jou geloof uit soos ‘n gewigopteller sy spiere.

          “Daarom, rig die slap hande en die verlamde knieë weer op; en maak reguit paaie vir julle voete, sodat wat kreupel is, nie uit lit raak nie, maar liewer gesond gemaak word.” Heb. 12:12-13.
          Die ander skip op die stormsee, vertel sy eie verhaal.
          Jona, nogal ‘n profeet, was deur die Vader ‘n opdrag gegee was, maar besluit toe dat hy nie die Vader se opdrag uitvoer nie.

          Die optrede van die Vader tydens ons oomblikke van ons ongehoorsaamheid, is dan ook juis die hooftema van dié verhaal.
          Jona se verhaal is die verhaal van elke gelowige, want ook ons het ‘n soortgelyke opdrag as Jona ontvang: dat ons die Evangelie aan die ganse mensdom moet verkondig.
Ook ons moet “oorkant toe vaar.” Ons mense moet waarsku dat as hulle, hulle nie gaan bekeer en GOD dien nie,  GOD sy oordele oor hulle sal laat kom.
          Jona se opdrag was: “Maak jou klaar, gaan na die groot stad Ninevé, en spreek daarteen, want hulle boosheid het opgestyg voor My aangesig.”
          Daar is drie werkwoorde in die opdrag:

·        Maak jou klaar – dit beteken, ons kan nie onbepaald in die kerkbanke sit en na preke luister nie, al is die preke ook hoe interessant.
·        Gaan – dit beteken, daar is ‘n wêreld daarbuite waarheen ons moet gaan.
·        Spreek – wat beteken dat ons mondelinge getuies moet wees.

Die woord “maar” is seker die mees besonderse woord in die hele verhaal, Strofe 3 begin met “Maar Jona het hom klaargemaak om na Tarsus te gaan…

En verderaan verskyn die woord “maar” weer ‘n keer: Maar die Vader het ‘n sterk wind…
Wanneer ons na die 3e hoofstuk gaan, vind ons ‘n parallel wat betref Jona se latere gehoorsaamheid: Toe maak Jona hom klaar en gaan na Ninevé… en verder:  En die manne van Ninevé het geglo…
Met ander woorde, toe Jona “maar” gesê het, het die Vader ook sy eie “maar” gereed gehad. Toe Jona egter “ja” sê, was die Vader gereed met Sy eie “ja” en toe stroom die seëninge in.

Die derde strofe van hoofstuk 1 leer aan ons die eerste beginsel wat betref die werking van GOD se voorsienigheid in menslike ongehoorsaamheid.

Dit word uitgebeeld in die herhaling van die woord  “af”. Jona het “afgegaan” na Jafo en in ‘n skip geklim. Toe die storm opkom het hy na die onderste dele van die skip “afgeklim”.

Hy is daarna oorboord, afgegooi, in die see.

Om af te gaan, na benede te gaan, en selfs onder te gaan, is eenvoudig die onvermydelike pad wat almal loop wat van die Here GOD af wegvlug.

Hierdie afganery is ‘n reël waarvolgens GOD in gevalle van ongehoorsaamheid optree.

Nog ‘n reël oor die voorsienigheid van GOD vind ons op humoristiese wyse daarin dat Jona, toe hy by die skip kom, sy eie reisgeld moes betaal.

Maar hy het nooit by Tarsus uitgekom nie. Hy is lank voor daardie tyd oorboord afgegooi. Hy is nooit die ongebruikte deel van sy reiskaartjie terugbetaal nie.

Hier sien ons ‘n groot beginsel in werking. Dit is die volgende: Wanneer mens van GOD af wegvlug dan kom jy nooit uit waarheen jy vlug nie en jy betaal al jou rekenings self, soms ten duurste.

Maar wanneer mens GOD se weg volg, bereik jy elke keer jou bestemming en die Here GOD betaal die rekeninge.

Mens kan nie nalaat om op hierdie punt die Amerikaanse prediker Bob Mumford aan te haal nie. Hy het gese: “GOD puts you into a fix to fix you, but if you fix the fix before you’re fixed, He has to fix another fix to fix you!”

Jona is beslis ‘n illustrasie van Mumford se woorde.

Onthou jy die verhaal van Moses in die mandjie? As sy moeder aan hom vasgehou het, was hy ook vermoor.

Kort daarna word sy Moses se pleegmoeder, maar, nie voordat Farao se dogter Moses ontdek en aan sy sussie Miriam sê: “Ek sal jou loon betaal”.

Moses se moeder het gekry wat sy die graagste wou hê en GOD het boonop die loon, die koste, die rekening, om die kindjie Moses groot te maak, betaal!

Maar Jona was op pad weg van GOD af, buite GOD se Wil, en hy moes sy eie kostes betaal

As mens dus van GOD af wegbeweeg sal jy nooit jou bestemming bereik nie en jy gaan elke keer self die kostes moet betaal.

As die pad wat jy bewandel egter GOD se pad is, dan het jy boonop ‘n waarborg dat jy beslis jou bestemming sal bereik en GOD sal die kostes betaal.

Dit is die les wat GOD aan Jona begin leer het toe Jona aanboord van die skip gegaan het. GOD het op ‘n bonatuurlik wyse ingetree om dit wat Hy in die eerste plek gedoen wou gehad het, wel te laat plaasvind.

Laat ons almal maar die les hieruit leer: GOD sal Sy doelwitte bereik, selfs al is ons ongehoorsaam, of soos in die geval van die ander skip “ongelowig”.

Hy kan dit doen deur oordele oor ons te laat kom weens ons ongeloof  en ongehoorsaamheid, of Hy kan dit doen deur middel van seëninge weens ons geloof en gehoorsaamheid. Maar optree, gaan Hy optree.

Wanneer GOD praat moet ons luister. Selfs Saulus moes op ‘n traumatiese wyse sy les leer toe hy nie wou luister nie.

As GOD verlang dat ons ‘n besondere taak moet verrig, dan het ons nie ‘n keuse nie.

So is die opdrag aan al die kinders van GOD om die Koninkryk van GOD reg oor die wêreld te verkondig, siele in te bring, hulle te doop en hulle te onderrig in die Woord.

Totdat hierdie opdrag vervul is, sal diegene wat nie die opdrag  uitvoer nie, van probleem tot probleem lewe en ‘n onsekere bestaan voer.

Jy het geen professionele opleiding nodig om jou getuienis uit te dra nie, en jy mag nie weier om dit uit te dra nie.

Jesus sê self: As julle My voor die mense bely, dan sal Ek julle voor die Vader bely.

Bely ons dus nie Jesus Christus voor die mense nie, dan bely Hy ons nie voor die Vader nie, met die geval dat ons onsself beroof  van seëninge.

Dink weer aan die beeld van die gemeentes wat warm, lou en koud is en let op dat daar op ‘n manier voorsiening gemaak is vir die wat koud is, maar daar is geen voorsiening vir diegene wat lou is nie – diesulkes sal Hy uit Sy mond uitspuug!

         Besluit nou self: Gaan jy die opdrag van die HERE uitvoer, of gaan jy spreekwoordelik in ‘n groot vis se ingewande of in ‘n stormsee van die lewe beland? Die vraag is so eenvoudig soos die opdrag. —  Sjibbolet