Ons is by ‘n geeste oorlog betrokke

Daar staan dit: “Ons is saam met Yeshua opgewek en saam laat sit in die Hemele in Christus Jesus (hoekom?) sodat Hy in die eeue wat kom, kan betoon die uitnemende rykdom van Sy genade in goedertierenheid oor ons in Christus Jesus.” Efes 2:6-7

            En weer: “As julle dan saam met Christus opgewek is, soek die dinge daarbo waar Christus is en aan die regterhand van God sit.

            En nes mens wonder of jy reg gelees het: “Bedink die dinge wat daarbo is, nie wat op die aarde is nie (hoekom?).

Want julle het gesterwe, en julle lewe is saam met Christus verborge in God.” Kol 2:1-3

            Ons weet ons as Gelowiges is tydelik op aarde want ons burgerskap is in die Hemel. Fil 3:20. Boonop is ons as Pelgrims op reis na die Nuwe Jerusalem.

            Ons bid ook: “Soos in die Hemel, so ook op die aarde.”  Wat beteken dit alles?

            Ons is siel, gees en liggaam. As ons liggaam op aarde is, waar sou ons siel dan wees... in die geesteswêteld? Waar? In die Hemel? Al hoe meer Gelowiges getuig oor hul besoeke an die Hemel. Hulle bid vanuit die Hemelse plekke na die aarde, getuig hulle.

            Let op, as enigiemand wat baie jare gelede  Hemel toe is, skielik aarde toe sou kom, dan sal dit vir so iemand voel asof hy gistermiddag hier weg is. Tyd bestaan nie in die Ewigheid nie. Gelowiges het die Ewige Lewe bekom toe hulle Wedergebore is. Ons het dus die tydelike en die Ewige Lewe. Ons stap een of ander tyd net oor van die een na die ander.

Wanneer ons bid, dan is dit ‘n geestelike aksie en dis veel dieper geestelik wanneer mens in ‘n Hemelse taal bid. Afgesonder biddende in hul Hemelse tale, is ontelbare Gelowiges al weggeruk na die Hemel of het hulle Godelike gesigte en profesie ervaar. Dan beleef mens Geloof is ‘n werklikheid van die dinge wat ons voor hoop, ‘n Godelike getuienis van die dinge wat ons nie sien nie.

            Jesus sê: “Daar kom ‘n tyd, en dit is nou, dat die ware aanbidders die Vader in Gees en waarheid sal aanbid”, Joh 4:23. Daar is nie meer tyd vir draaie gooi nie.  En as jy nog nie in die Gees gebid het nie, kyk uit daarvoor.

Die fokus val op Gees: “Nie deur krag of geweld nie, maar deur my Gees, sê die HERE van die leërskare in Sag. 4:6. En: “God is Gees; en die wat Hom aanbid, moet in gees en waarheid aanbid.” Joh 4:24

Reg oor SA skakel Christene by gebedsgroepe in.  Ons glo daar is ‘n Goddelike ingryping in wording, ‘n kragtige geestelike herlewing is aan die kom, nie net in SA nie, maar reg oor die wêreld.

            Ons beweeg in ‘n erg gebroke wêreld. Ons is nie hier vir wat nou aangaan nie en nog minder is ons hier vir wat kom. Ons is egter hier omdat Jesus gebroke harte heel en dis ons taak om die siele in te  bring.

            Ons gees moet in beheer wees van ons lewens. Ons probleem is dat ons gedagtes ons grootste vyand is en ons gedagtes beheer ons lewens. Paulus sê: “Word verander in julle gemoed.

            En daarby die opdrag:  Word VERNUWE in julle GEMOED (DENKE)! Rom. 12:2. Hierdie vernuwing is dringend noodsaaklik en is ons sleutel tot ‘n oorvloedige geseënde toekoms.

            As jy vernuwe is in jou denke sal jou gees jou lei en nie jou liggaam, jou denke, nie. Dan soek jy die dinge wat daarbo is waar Christus is. Dan bedink jy die dinge wat daarbo is, nie wat op die aarde is nie. So reinig en salf jy ook jou siel... en groei jy geestelik.

            Ons is Wedergebore. Ons is nuut geskep. Belangrikste is dat ons gees is. In ons gees kan ons beweeg waar nodig. Covid19 het ons almal getoets. Baie was oorkom deur vrees. Dit was onnodig want ons het geen gees van vrees nie. “Want God het ons nie 'n gees van vreesagtigheid gegee nie, maar van krag en liefde en selfbeheersing.” 2 Tim 1:7

            Ons volgende toets is dalk nader as wat ons dink. Ps 91:10-12. Ook die bloed van Jesus beskerm ons. Openb  12:11

            Dis van kardinale belang dat ons die stem van die HERE hoor en Hy praat met ons in ons gees... selfs in ons slaap. Jy hoef nie Hemel toe te gaan nie. Die Heilige Gees woon in ons.

            Vergeet van emosies in jou gebedslewe, bid die Woord. Bid wat God sê.

            Wanneer jy kos koop, koop ekstra om die armes mee te help.  Daar is sprake van ‘n nuwe virus uit Sjina wat meer dodelik sal wees en binne enkele maande verwag word. Gelowiges sal soos een mens in die Geloof en gebed moet opstaan en vasstaan. Covid19 het in die geheim opereer, geen oorlogskepe, vegvliegtuie of vliegdekskepe nie. Alles het stil en geheimsinnig gebeur en die hele aardbol is tot stilstand geruk.

God en die mens se vryheid word ondermyn op pad na ‘n wêreldregering. Sjina word gebruik, maar die werklike vyand is: “Want ons (let op)worstelstryd (stryd om die lewe) is nie teen vlees en bloed nie, maar teen (let op na die gedugte oorlogmasjien waarteen ons te staan kom) die owerhede, teen die magte, teen die wêreldheersers van die duisternis van hierdie eeu, teen die bose geeste in die lug.” Efes 6:12

            Bid vir Gelowiges in Sjina. Daar is geen keer aan die Herlewing nie, nogtans word Gelowiges erg vervolg. Kry ons perspektiewe reg. Ons sit nie hier eenkant en roep om hulp na die Hemel nie. Nee, ons sit in Hemelse plekke saam met Jesus. Sit daar en veg van daar af sodat wat in die Hemel is ook op aarde sal vergestalt. Moenie net bid “HERE help” nie. Ons is in ‘n oorlog en ons moet veg. Bind en ontbind, gebruik Skrif, die Woord is ons swaard. Dank God vir Goddelike ingryping en laat die mure soos destyds in Jerigo, ook in Sjina intuimel. Vernietig die planne van ‘n nuwe virus in die naam van Jesus Christus.

            Hou op praat oor die onheil. Jy propageer dit en maak dit erger. Moenie aan besprekings deelneem nie. Beveg die onheil vanuit die Hemel. Dis in elk geval waar ons burgerskap is Fil 3:20

Ons as Gelowiges het die hef in die hand. Wat ons op die aarde bind is in die Hemel gebonde. “Toe sê Hy vir hulle: Ek het die Satan soos 'n bliksem uit die Hemel sien val. Kyk, Ek gee aan julle die mag om op slange en skerpioene te trap, en oor al die krag van die vyand; en niks sal julle ooit skade doen nie.” Luk 10:18-19

            Bid dat Reg en geregtigheid sal heers. Een taktiek van die vyand is om die wêreld onregeerbaar te maak. In Amerika sê die ongeregtigdes gaan voort met aborsies. Sestig miljoen baba moorde is nie genoeg nie. Dat babas selfs na geboorte doodgemaak word, is skrikwekkend. Diegene wat staan vir reg en geregtigheid, vir orde, sê: “Nee, stop die moord en doodslag want ons het ‘n vloek oor onsself gebring.”  Hulle vra God om legioene Engele te stuur om die onheil te vernietig.

Stop dit in Amerika en ook in Suid-Afrika.

            Ons durf nie niks doen nie. Die HERE sê ons is in ‘n “stryd” gewikkel. Dit beteken oorlog. Ja, dar kom ‘n fisiese oorlog (Eseg 38/39) teen Israel, maar die wêreldoorlog is ‘n geestelike een, een wat ek en jy moet beveg. Dit is reeds aan Die gang, nogtans het ons in Jesus mag daaroor.

            Destyds het ‘n bose gees in Farao ingevaar en alle babas moes doodgemaak nie. Met Jesus het die bose gees in Herodus ingevaar en dieselfde gedoen. Nou is daardie bose gees oor die wêreld heen besig om babas uit te moor, ook in SA.

            “As Ek die Hemel toesluit, dat daar geen reën is nie, of as Ek die sprinkaan beveel om die land af te eet, of as Ek pes onder my volk stuur, en my volk, oor wie my Naam uitgeroep is, hulle verootmoedig en bid en my aangesig soek en hulle bekeer van hul verkeerde weë, dan sal Ék uit die Hemel hoor en hulle sonde vergewe en hulle land genees.” 2 Kron 7:13-14

            Dit beteken die HERE kon Covid19 gestuur het. Miljoene  bid en smeek “HERE stop die virus, asseblief.” Maar die HERE sê: “Nee, soek eers my aangesig en bekeer julle.” Eers dan kom die vergifnis en die glorie.

            Deur dit alles, en as gevolg van die nuwe tydvak wat ons inbeweeg, moet Gelowiges meer intiem met Jesus en die Heilige Gees wandel... wetende die HERE sal ingryp want ook Hy is teen die gebruik van krag en geweld. – Wekroep

‘Wat het jy gedoen met die lewe wat my Meester jou gegee het?’

Jim Woodford het geen belangstelling in God gehad voordat hy God se wonderbaarlike krag in ons moderne wêreld ervaar het nie. Hy was ‘n goeie man, maar sy prioriteite was verkeerdom, aldus CBN News.

Hy het lewensondersteuning gekry toe hy 'n groot wekroep ontvang het. 'Al die dinge wat ek gedink het, net 'n gekke, ou legende was, was toe al die ‘n  werklikheid. Dit is 'n dimensie wat bestaan. Iets wat verder is as alles wat ek ooit kon dink, het met my gebeur,”sê Jim.

Jim was 'n ambisieuse, selfgemaakte man en had die bynaam "Diamond Jim." Hy was daarop ingestel om 'n lewe van weelde vir sy gesin te bied. En hy het. Volgens sy vrou, Lorraine, was daar niks te groot wat probleme betref nie. Jim kon dit regmaak. Jim was onder meer ‘n ruiter en perdeteler - afrigter. ‘n Ryk en vooruitstrewende man.

Inlas: Lorraine en Jim Woodford

Jim sê: "Ek het gedink dat dit my manier was om vir Lorraine te wys hoe lief ek vir haar was en vir ons gesin omgee. Ek wou in alles in my vermoë  voorsien."

Maar Lorraine, 'n toegewyde Christen, het vir iets meer gebid. Sy het spesifiek gebid, “God verander asseblief sy hart. Laat hom Jesus Christus leer ken en bring 'n verandering in hom en gryp in, in hierdie materialisme van Jim. '

Oor die jare het die geld en materialisme Jim begin verteer, toe het hy wegbeweeg het van sy familie. Jim vertel: 'Ek sou wakker word in die middel van die nag en ek sou vir myself sê:' Is dit al wat daar is?''

Op 61-jarige ouderdom is Jim gediagnoseer met die Guillian-Barre-sindroom, 'n seldsame, ongeneeslike siekte wat erge chroniese pyn veroorsaak het. Soos Jim verduidelik, was dit ‘n "onophoudelike, elektriese stroompyn in elke deel van my liggaam, gepaard met ‘n verlammende onvermoë om te beweeg." Die volgende vyf jaar vertrou Jim op medisyne wat voorgeskryf word om die pyn te hanteer.

Lorraine sê: 'Hy het net 'n baie nors  persoon geword. Die pyn het hom verteer. '

Jim sê: 'Nooit een keer nie, en dit  spreek van arrogansie, het ek na binne myself gereik of na die hemelruim opgekyk en gesê:' God, as U bestaan, help my nie.' Nie ek nie, nie Diamond Jim nie. '

In April 2014 het Lorraine 'n desperate gebed vir Jim gebid: 'Ek het gesê:' God, ek het geen verandering gesien nie. Miskien moet U hom net breek en hom weer heelmaak. '

“Wees egter versigtig waarvoor jy bid.”

Later die maand, nadat hy meer as vier keer sy dosering ingeneem het, het Jim 'n stuk grond besoek wat hy van plan was om te verkoop. Hy sê terwyl hy in sy vragmotor gesit het, het hy 'n groeiende brandgevoel in sy bene beleef.

Hy sê: 'En meteens besef ek dat ek nie kan asemhaal nie. En dit was asof die vragmotor se kajuit vol water was. Toe ek op die punt staan ​​om my laaste asem te haal, het van êrens in my binneste wat ek nie eens geweet het bestaan ​​nie ... het ek uitgeroep: 'God! Vergewe my! Vergewe my!'"

Toe Jim nie huis toe kom nie, het Lorraine die polisie gebel. Hy is sonder reaksie in sy vragmotor gevind en is na die hospitaal gehaas. Lorraine het vriende en familie saamgeroep om te bid.

Sy onthou: 'Die dokter het uitgekom en gesê: 'Jou man het ernstige breinskade. Daar is geen breinaktiwiteit  nie. Ons het hom op volle  lewensondersteuning, want sy organe het almal afgesluit. Daar is geen manier om hom terug te bring nie.'

Lorraine gaan voort: "Ek het om verskoning gevra ... omdat ek gebid het, wat ek gebid het, maar ek het nie geweet dat dit so sou uitdraai nie."

Daar was iets anders wat Lorraine nie geweet het nie. Sedert die aanval het Jim 'n heel ander werklikheid beleef.

Jim verduidelik: 'Ek kyk na regs en daar is 'n ongelooflike blik op pragtige blomme en weivelde. En ek het my visie na links gedraai en dit - daardie mooi groen gras het van groen na bruin na verskroeid na swart gegaan en in 'n skeur weggesak.

Inlas: Jim, na sy volkome herstel.

‘Ek het die afskuwelikste wese aanskou wat iemand homself ooit kon indink. En ek val na agter al hoe dieper weg. Die voorkoms van haat in sy oë, vir my en die hele mensdom. Maar op hierdie punt draai ek na die lig en steek  hierdie keer albei hande op en roep: 'God, help my. Help my!'"

Dan, sê Jim, het drie Engele gekom en hom deur die Hemel geneem. Hy sê: 'Ek het besef dat ek na niemand anders kyk nie, as na Jesus Christus, die Seun van God. En Hy het met daardie violet oë na my gekyk, en al wat ek gehoor het, was: 'James, wat het jy gedoen met die lewe wat my Meester jou gegee het?'

Ek het geen antwoord gehad nie ... Maar toe ek in Sy oë kyk, en hy vir my glimlag, het ek geweet Hy ken my. Ek het sulke intense liefde en vergifnis vir my gesien, vir my wat niks verdien het nie. En dit was die oomblik ... ek was vir altyd Syne. Wat ook al van my sou word, ek was syne. Ek het Hom liefgehad en Hy het my liefgehad.’

Jim sê hy wou bly, maar Jesus had ander planne vir hom. Jim sê Jesus het vir hom gesê: 'Gaan terug en vertel jou broers en susters van die wonders wat ons jou getoon het.'

Skielik sit ek in 'n koue  hospitaalkamer op 'n muurtjie en skreeu uit my longe. Die verpleegkundiges het geweldig geskrik!’

Lorraine onthou, ''n Verpleegster het uitgekom en gesê: 'Mev. Woodford, kan jy saam met my kom,’ en ek het gedink:' Jim is weg. ''

Jim sê: 'Ek is net oorstelp dat ek Lorraine weer sien. Ek het gesê: 'Lorraine, ek het Jesus gesien, en Jesus het perde.' ”

Lorraine verduidelik: "Hoe meer ek met hom kon praat en weet dat hy gesond was, ek het geweet dat God hom herstel het."

Lorraine het besef dat God ook op haar gebed geantwoord het om 'Jim te breek om hom weer heel te maak'.
Sy sê: 'Jim was nou gefokus op Jesus en was ‘n veel meer aangename mens. Jim is gesond en heeltemal vry van alle pyn.  Hy leef nou sy begeerte en opdrag uit om aan alle mense van Jesus se reddende krag te vertel.

“Mens moet die deur van jou hart oopmaak om Jesus binne te laat. Die deur van my hart is nou oop,” sê Jim.

Die vraag: ‘Wat het jy gedoen met die lewe wat my Meester jou gegee het?’ Moet elkeen wat hier lees, maar vir hom of haarself beantwoord. – Wekroep

Wat sou Jesus van jou sê?

As Jesus jou sien aankom, hoe sou hy jou aan ander voorstel?

In Joh 1:47 sien Jesus Natánael na Hom toe kom en sê van hom: “Hier is waarlik 'n Israeliet in wie daar geen bedrog is nie.”

En as dit ek of jy was wat aangestap gekom het, wat sou Jesus van ons gesê het?

As jy ongered is sou Jesus straks gesê Hy weet nie wie hier aankom nie, maar Hy is baie lief vir jou en Hy verlang dat jy deel van Sy kudde moet word.

En as jy wel deel van Sy kudde is, wat sou hy van jou sê….Sou Hy straks sê: “Dit is my seun/my dogter, in wie Ek ‘n welbehae het?

En as jy vir Jesus moet sê wie jy is?

·       Ek is GOD se kind want, ek is wedergebore, nie uit verganklike saad nie, maar uit onverganklike, (hoe?) deur die Lewende Woord van God wat tot in Ewigheid bly. 1 Pet. 1:23;

·       Ek is ‘n nuwe skepping, omdat ek nou in Christus is. 11 Kor. 5:17;

·       Ek is verlos van die mag van die duisternis en ek is oorgebring na die Koninkryk van die Seun  van Sy Liefde. Kol.1:13;

·       Ek is losgekoop deur Christus van die vloek van die Wet. Gal.3:13;

·       Ek is deur GOD uitverkies nog voor die grondlegging van die wêreld. (fes. 1:4;

·       Ek is verlos deur Jesus se bloed. Efes. 1:7;

·       Ek is ‘n geroepe Heilige. Rom. 1:7;

·       Ek deel in Sy erfenis. Kol. 1:12;

·       Ek is triomfantelik. Openb. 21:7;

·       Ek is dood vir die sonde. Rom. 6:2;

·       Ek is ‘n uitverkorene. Kol. 3:12;

·       Ek is bevestig tot die einde toe. 1 Kor. 1:8;

·       Ek is deur die Waarheid vrygemaak. Joh. 8: 31-33;

·       Ek is besny met ‘n besnydenis wat nie met die hande verrig is nie. Kol. 2:11; Det: 10:16; Filp. 3:3; Rom: 2:28-29;

·       Ek is met Christus gekruisig. Gal. 2:20;

·       Ek is gered deur die bloed van Jesus. 1:14;

·       Ek lewe saam met Christus. Efes. 2:5;

·       Ek is saam met Jesus opgewek. Rom. 2:12;

·       Ek is ‘n getroue navolger van Jesus Christus. Efes. 5:1;

·       Ek is die Lig van die wêreld. Matt. 1:14;

·       Ek is die sout van die aarde. Mat. 5:13;

·       Ek het ‘n heilige roeping. 2 Tim. 1:9;

·       Ek is meer as ‘n oorwinnaar. Rom. 8:37;

·       Ek is gewortel en opgebou in Hom en bestig in die geloof. Kol. 2:7;

·       Ek weet al my behoeftes is vervul. Phil. 4:19;

·       Ek het lewe en oorvloed. Joh. 10:10;

·       Ek is tot alles in staat deur Christus wat my die krag gee. Fil. 4:13;

·       Ek jaag na die doel om die prys te verkry. Fil. 3:14.

As jy dit nie kan sê nie… dan moet jy jou afspraak met Jersus nakom. – Wekroep

Dit het begin reën

“En julle, kinders van Sion, juig en wees bly in die HERE julle God, want Hy gee julle die leraar tot geregtigheid en laat op julle neerdaal die reën, die vroeë reëns en die laat reëns, soos voorheen.” Joël 2:23

            ‘n Geestelike vloed is op pad. Die HERE Yaweh het dit belowe. Hy het ook belowe: “En daarna sal Ek my Gees uitgiet op alle vlees, en julle seuns en julle dogters sal profeteer, julle ou mense drome droom, julle jongelinge gesigte sien.

            “En ook op die diensknegte en op die diensmaagde sal Ek in dié dae my Gees uitgiet.” Joël 2:28-29

            Ons het die deur jare al baie preke hieroor gehoor en soms gewonder hoe sal dit gebeur?

            “Hy wat in My glo, soos die Skrif sê: strome van lewende water sal uit sy binneste vloei.” Joh 7:38

            Hou dop: Die enigste vereiste vir alles in die Nuwe Testament is “Glo.” Vir jou genesing ook… Glo.

            Jy glo elke dag vele dinge, maar wanneer God belowe, dan is jy nie so seker van jou saak nie. Intussen is God die enigte een wat werklik geglo kan word.

            Ons het landwyd gebid vir reën en die afgelope tweke veral stroom al wat rivier en stroompie is in die damme. Die ondergrondse watertafel word aangevul. Die eerste sneeu het begin val. Ons het gebid omdat ons geglo het God kan uitkoms bring. (En hoeveel van ons sê dankie?)

            Die Eindtyd-vloed sal in strome vanuit die Gelowiges vloei en siele tot redding bring. Dit sal vergesel word van tekens en wonderwerke.

            Ons moet die werklikheid besef: Jesus is op pad en dis ons verantwoordelikheid om die siele in te bring. Dit begin deur almal as verlore sondaars lief te hê met die liefde van Jesus en die gebed van intersessie te bid, vurig te bid. “Die vurige gebed van 'n regverdige het groot krag.”Jak 5:16

            Ons het nie opgegee om vir reën vir die Kaap te bid nie, so gee ons ook nie op om verlore siele in die Koninkryk in te bid nie.

            “Bid tot die HERE om (geestelike) reën in die tyd van die laat reëns; die HERE maak die weerligte, en Hy sal aan hulle 'n stortreën gee, plante op die veld aan iedereen.” Sag 10:1

            “Gelowiges moet buite hul kerkbande saamkom as Gelowiges en saam bid, intree vir die verlore siele en ons sal ‘n geestelike vloed belewe, ‘n vloed wat in Eseg 37 belowe word.           

            Begin die HERE loof in sang en in taal en elke musiek instrument wat jy jou hande op kan lê, want die reën het reeds begin val.  Van oral in die wêreld en in SA kom die berigte van redding en wonderwerke in, weliswaar op klein skaal, maar dis die begin van die strome van seën van bowe. – Sjibbolet

Luister na die woorde:  https://www.youtube.com/watch?v=CCoq4BY42OQ

Hoekom woon jy waar jy woon?

As jy nie weet hoekom jy woon waar jy woon nie, begin die Evangelie in jou straat verkondig en jy sal gou uitvind. Die persoon langs jou in die vliegtuig, die bus... dit bly dieselfde... jy het ‘n boodskap vir hulle.

            In Londen, naby St. Paul’s, is ‘n straat met die naam Godliman Street, vertel die bekende dr. F. B. Meyer. Die ligging van die straat, naby so `n groot, bekende kerk, kon dalk die rede vir die naam gewees het.

Of, daar het dalk ‘n besonder toegewyde persoon gewoon, want die naam is van die Engelse woord, “godly” man, afgelei.

Hoe voel die mense, veral die mans, wat in daardie straat woon? Kan dit dalk `n verleentheid wees as mens vir `n ander moet sê?

Ek kom uit in Sionstraat in die Paarl. Pas die mense wat daar gewoon het of nou woon, se lewensgedrag by die straat se naam?

Voel jy dalk jy sal ontuis voel in so ‘n straat? Ons moet onthou, in die Hemelstad, is ook strate. Of hulle name het, weet ons nie.

Die strate is van goud...

 

Nêrens sal mens foto’s van die Hemel kry mie, maar hierdie nagtoneel in ‘n Switserse straat,

herinner mens aan wat op ons wag.

Voel jy dalk onseker oor jou plek in so `n Hemelstad se strate? “Die stad het nie die son en die maan nodig om dit te verlig nie, want die heerlikheid van God verlig dit, en die Lam is sy lamp.

Die nasies sal in die stad se lig lewe. Niks onreins en niemand wat iets losbandigs en vals doen, sal ooit daarin kom nie, maar net dié wie se name in die Boek van die Lewe, die Boek van die Lam geskrywe staan.” Opeb 21:22-27.

“En die fondamente van die muur van die stad was versierd met allerhande edelgesteentes. Die eerste fondament was jaspis, die tweede

saffier, die derde chalcedoon, die vierde smarag; die vyfde sardóniks, die sesde sardius, die sewende chrisoliet, die agtste beril, die negende

topaas, die tiende chrísopraas, die elfde hiasínt, die twaalfde ametís.” Openb 21:19-20

 

Ons moet baie seker maak, dat ons, ons toegangsreg tot die Hemel verkry het, deurdat ons Wedergebore is. Dat ons in Jesus Christus, as ons Verlosser, vertrou het. Van alle dinge op aarde is dit die belangrikste voorsorgmaatreël vir ons.

Iemand vra: Hoe is die Hemel? Skrywer antwoord: Maak ‘n lys van die dinge wat daar nie sal wees nie, al neem jy ‘n paar maande aan so ‘n lys: Gee voertuie, geen selfone of kompers, gen toue om in te wag nie, gee dokumente nie, geen tyd nie... en gaan maar voort.

“Stuur U lig en U waarheid dat dié my kan lei en my bring na U heilige berg, na U woning!” Ps 43:3.

What a great 2018 would look like for me

Adam Rosenfeld, writes: Do you know why you live where you live? Can you point to one motivating reason? If you can get there, you can set yourself up for a great coming year.

            Not too long ago, my wife and I were faced with the challenge of renewing our rent contract. We didn’t want to pick up the family and move. But our landlord raised the rent by over 20%. That’s a lot.

            Facing this choice, we looked at our options. And it occurred to me – if I want to make an informed decision, I need to know the reason why we live where we live. I didn’t need a list of reasons, I needed one main reason. Because if we know the main reason, then we can be clear about where we want to place ourselves as a family.

            Usually, when something happens for more than one reason, it happens for no reason. What I mean by this, is that we need to be able to drill down to one main reason why we live where we live – one driving motivation. Otherwise, there isn’t a strong enough argument for us to stay living where we are.

            This wasn’t a hard, or long, process. It just meant to list the reasons why we live where we live, to brainstorm. And then to cross off the lesser important reasons one by one – the reasons that aren’t particularly bound to our location.

            Is it because of our children’s schools? Our proximity to downtown? Our community?

            After crossing off a number of reasons, we got to the main one. The reason we live where we live is to be close to the ministry center where my wife serves. She runs an effort that facilitates worship for young Hebrew and Arabic speakers in Israel.

            We feel it’s a valuable work, and it’s the reason we live where we live. There are also many people who support her in this. My wife’s work is making a change in the world, and that guides us as to where we put our home and our family.

            Why do you live where you live?

            I’ve found there are usually three main reasons for this, all motivated by a different kind of relationship:

Trade

Is it because of your job? Is that why you live where you live? Because of your paycheck? If so, this may be considered as extrinsic value. Your income is the driving factor for where you place your home. It could be a business, or some other income-related partnership. But if you live where you live because of income, then the motivating relationship is what I call “Trade”.

Partnership

Do you live where you live because of something other than income? Maybe it’s because of a change you want to see in the world. This is what my wife is doing. And the family supports her in this. Her work with young Hebrew and Arabic speakers is making a change in the world around us. So it isn’t a pursuit of extrinsic value, but intrinsic value. I call this “Partnership”.

Gift-giving

Do you have a gift to give to the world? (Hint: you do.) Y’know, that thing that you would do even if no one would pay you for it? Even if no one would listen or care? I believe that we all have some kind of art to give to the world. Maybe you live in an environment that helps you give art – maybe you have a access to a studio, or some local community of artists or musicians. In this case, you live where you live so you can give. This is not the pursuit of extrinsic or intrinsic value, it’s the process of giving away value. I call this “Gift-giving”. This is a very special place to be in. But I rarely see people with families who can live like this. I, personally, try to have some Gift-giving in my life no matter where I’m living. But, ever since 1999, when I was a single guy skateboarding in the streets of New York City, it has not been the main reason of where I should live.

            Extrinsic value, intrinsic value, and the giving of value are all valid reasons to live where you live. None is necessarily more important than the other. The important thing is to know the reason, and to be in agreement with your spouse regarding that reason. However, in my life, I’ve observed that Partnership (intrinsic value) tends to be the strongest of all these relationships.


Honor Your Positioning, or Make a Plan to Change It

“Usually, when something happens for more than one reason, it happens for no reason.”

You live where you live for one main reason. I challenge you to drill down to the one core reason why. Then examine what kind of relationship it is: Trade, Partnership, or Gift-giving.

            Either that reason sits well with you, or it doesn’t. If it does, embrace it. Keep looking for ways to strengthen your local relationships, your positioning. If it doesn’t, make a plan to change where you live. It might not happen all at once, but at least you can take action steps, week by week. (“This week I’ll look up apartment listings in another city, next week I’ll drive down there,” etc.)

            As I look towards 2018, I want to honor my positioning as best possible. As a result, I’ve decided to do increase my own involvement with the nearby ministry my wife serves in.

            Let’s plan for 2018 by looking for ways to greater embrace our positioning. To advance in the relationships that we’re pursuing.

            Do you know the reason – the one reason – why you live where you live? Looking for more clarity on the matter?

            Michael Hyatt, one of my mentors, has a new upcoming webinar to help you get clarity and plan your coming year. It’s called “Navigate Your Way to Success in 2018: 5 Blunders That Can Shipwreck Your Goals (And How to Avoid Them)”.

            The webinar is free, but you’ll want to sign up quickly to reserve your seat.

This article originally appeared on AdamLeeRosenfeld.com

Die Genadekoets...

         
Uit Wilhelm Busch se Licht vom Unerschöpften Lichte  vloei die volgende storie:

Die prediker, Pastor Henhöfer wat in die 18e eeu opgetree het, het op 'n keer die poskoets as voorbeeld gebruik om God se geduld met ons te illustreer.



Destyds was daar nog nie treine nie, maar een keer elke week loop 'n poskoets tussen dorpe. Die poskoets staan dan, soos almal op die dorp dit weet, op die poskoets se halte en wag vir passasiers om op te klim. Daar is 'n klompie van die mense wat betyds kon opklim.
Die koets behoort eintlik nou te ry, maar die drywer dink by homself: "Miskien is daar iemand wat opgehou is." Dus neem hy sy tyd. Ewe rustig haal hy die komberse van die perde af. En werklik, daar kom nog iemand aangehardloop en klim in.
Nou gaan die drywer ewe rustig op die bok van die koets sit – en daar kom nog iemand aan gehaas en maak dit net. Nog talm die drywer 'n bietjie.
Eindelik neem hy dan die beuel en speel sy poskoets deuntjie klaar. Dan vertrek hy. Skaars is die poskoets by die stadpoort uit of twee passasiers kom uitasem by die poskoets halte aan.
Hulle het in die dorp met inkopies besig geraak... Daar staan hulle nou. Die koets is weg. Hulle is te laat!
Dan maak Pastor Henhöfer sy toepassing: "So is dit ook met die Genadekoets van ons Heiland! Hy wag ook lank op jou. Hy talm ook jou uur uit, solank Hy kan. Maar jy kan ook die tyd verpas!"
            Ons het in die Bybel die verhaal van 'n man wat byna te laat was, maar is wonderlik deur Jesus ingewag, of dalk ingehaal, en hy kon betyds inkom.
Die een misdadiger aan die kruis. Op die laaste tippie kom hy in. Maar die ander een verpas dié groot geleentheid.
"Toe hulle by die plek kom wat kopbeen genoem word, het hulle Hom daar saam met die misdadigers gekruisig, die een aan Sy regter- en die een aan Sy linkerkant. Toe sê Jesus: 'Vader vergeef hulle, want hulle weet nie wat hulle doen nie!'
Een van die misdadigers wat daar gehang het, het Hom belaster...'Is jy nie die Christus nie? Red jouself en ons ook!'
Maar die ander een sê... 'Jesus dink aan my wanneer U in U koninkryk kom.' Jesus antwoord hom: 'Ek verseker jou; vandag sal jy saam met My in die Paradys wees.'" Sy bitterste dag, word sy soetste dag!
            Moenie die Heilige Gees se werking in jou hart weerstaan en talm nie. Roep die HERE jou nou deur die dringende werking van Sy Gees in jou hart?
   “Daarom, rig die slap hande en die verlamde knieë weer op; en maak reguit paaie vir julle voete, sodat wat kreupel is, nie uit lit raak nie, maar liewer gesond gemaak word.
“Jaag die vrede na met almal, en die heiligmaking waarsonder niemand die Here sal sien nie; en pas op dat niemand in die genade van God veragter nie; dat geen wortel van bitterheid opskiet en onrus verwek en baie hierdeur besoedel word nie. “ Heb 12:12-15
  "Vandag as julle Sy stem hoor, moet julle nie hardkoppig wees nie..." Heb 3:15 Wanneer die Basuin blaas, gaan dit te laat wees... vir altyd!

Jy is begenadig...

In 1829 is George Wilson in Pennsilvanië deur ’n VSA regsbank tot die dood veroordeel omdat hy ’n poskoets beroof en in die proses ‘n moord gepleeg het.
            Pres. Andrew Jackson het hom begenadig, maar hy het die vryspraak verwerp. Wilson het daarop gestaan dat dit nie ’n vryspraak is, tensy hy dit aanvaar nie, en hy weier dit. So ’n insident het nog nooit voorgekom nie en die president het die Hooggeregshof saamgeroep om hieroor uitsluitsel te gee.
            Hoofregter John Marshall het soos volg besluit: “’n Begenadiging is ‘n stuk papier, die waarde wat bepaal word deur die ontvangs daarva1n deur die persoon wat dit impliseer. Mens kan skaars verwag dat iemand wat ter dood veroordeel is en dit ontvang sulke begenadiging weier. Maar as dit geweier word, dan is dit geen begenadiging nie. George wilson moet gehang word.” George Wilson is toe ook gehang, want tot die einde toe het hy geweier om die vryspraak te aanvaar.
            Soos Hoofregter John Marshall opgemerk het, is dit moeilik om te glo dat ’n veroordeelde persoon sy vryspraak sal verwerp en daardeur kies om te sterf. Waar dit die doodsvonnis van ons aardse lewe betref, sal dit alleen by hoë uitsondering, indien ooit weer, van die hand gewys word.
Wat die ewige doodsvonnis van ons siel betref, is dit ’n bedroewende, algemene verskynsel. Christus het aan die kruis gesterf en so ons doodsvonnis op Homself geneem en daarom spreek God ons vry van die straf van die Ewige Dood.
Hierdie vryspraak is ook net geldig as dit aangeneem word. “Maar aan almal wat Hom aangeneem het, dié wat in Hom glo, het Hy die reg gegee om kinders van God te word” (Joh. 1: 12).
As Christus se vryspraak nie aangeneem word nie, het dit nie geldige waarde vir ons nie. ’n Mens gaan verlore, nie omdat hy kies om verlore te gaan nie, maar omdat hy nie gekies het om gered te word nie, deurdat hy nie op die roeping en die uitnodiging na Christus toe gereageer het nie.
            “God het nie sy Seun na hierdie wêreld toe gestuur om die wêreld te veroordeel nie, maar sodat die wêreld deur Hom gered kan word. Wie in Hom glo, word nie veroordeel nie; wie nie glo nie, is reeds veroordeel omdat hy nie in die engiste Seun van God glo nie.” Joh 3:17-18
            Gebruik hierdie as ‘n traktaat en versprei dit so ver moontlik. Bid dan ook hiermee saam vir ‘n grootse Herlewing. – Sjibbolet