Moenie die tak afsaag waarop jy sit nie...

Moenie die tak afsaag waarop jy sit nie. Diegene wat die Skrifte nie ken nie raak verbouereerd omdat hulle gebede nie beantwoord word nie, dan begin hulle links en regs fout vind en blameer. Murmurering het nog nooit, ook nie in die Bybel se tyd, enige antwoorde opgelewer nie.
            Dan saag hulle die tak af waarop hulle sit  en volgende is hulle uit die gemeente, selfgeregverdig in eie waan.
            Nou kan jy sien wat word bedoel met kennis en dat die Woord ‘n lamp is. Sonder kennis en sonder ‘n lamp ly mense ontsettend gebrek.
            Nou verstaan jy ook: “En daar is siter en harp, tamboeryn en fluit en wyn by hulle maaltyd; maar op die dade van die HERE gee hulle geen ag nie, en die werk van sy hande sien hulle nie. Daarom gaan my volk in ballingskap weens gebrek aan kennis, en hulle aansienlikes word hongerlyers en hulle menigte versmag van dors.” Jes. 5:12-13
            Los die saag en die murmurering, en sing lofliedere, want geseënd is jy in die naam van Jesus Christus! O ja, jy is beslis geseënd. Let op die volgende:
            Moenie bid vir seëninge nie (hoekom nie), want God het “ons geseën met alle geestelike seëninge in die hemele in Christus,” Efes. 1:4 Ons triomf berus op Lofprysinge want ons is reeds geseën.
            Moenie God soebat om iets vir ons te gee of te doen nie, want “Hy wat selfs sy eie Seun nie gespaar het nie, maar Hom vir ons almal oorgegee het, hoe sal Hy nie saam met Hom ons ook alles genadiglik skenk nie? Rom. 8:32. Weer berus ons triomf op Lofprysinge want Hy skenk ons alles genadiglik.
            Moenie bid vir dit wat tot die lewe en Godsaligheid lei nie, want “Immers, sy goddelike krag het ons alles geskenk wat tot die lewe en godsvrug dien, deur die kennis van Hom wat ons geroep het deur sy heerlikheid en deug,  waardeur Hy ons die grootste en kosbare beloftes geskenk het, (hoekom?) sodat julle daardeur deelgenote kan word van die goddelike natuur, (wann3eer?) nadat julle die verdorwenheid ontvlug het wat deur begeerlikheid in die wêreld is. 2 Pet. 1:3-4.
In hierdie drama van Geloof is daar twee betrokkenes: God, die Algoede Gewer en jy, die bloed-gewaste ontvanger. God, die Algoede Gewer het reeds “alles aan ons geskenk wat tot die lewe en godsvrug dien.” En weer berus ons triomf in Lofprysinge vir alles wat ons reeds as geskenk ontvang het.
            Moenie hoop en bid vir opbrengs en toename nie, want “Die volke sal U loof, o God, die volke almal saam sal U loof. Die aarde het sy opbrings gelewer; God, onse God, sal ons seën.” Ps. 67:5-7. Nogmaals berus ons triomf op Lofprysinge en dan kom die opbrengs en die toename.
            Moenie bid en neul vir genesing nie en dalk daardeur voorgee dat daar iets skort in God se voorsiening vir ons genesing nie, want “Hy het self ons sondes in sy liggaam op die kruishout gedra het, sodat ons die sondes kan afsterwe en vir die geregtigheid lewe; deur wie se wonde julle genees is.” 2 Pet. 2:24. Ons triomf berus weer op Lofprysinge want ons is reeds genees.
            Moenie die doping in die Heilige Gees benader asof dit iets is wat mens van God moet afsmeek nie, want “Petrus sê vir hulle: Bekeer julle, en laat elkeen van julle gedoop word in die Naam van Jesus Christus tot vergewing van sondes, en julle sal die gawe van die Heilige Gees ontvang. Hand. 2:38. En weer, Lofprysinge is ons triomf vir die gawe van die Heilige Gees. Ontvang net die Heilige Gees in jou lewe.
            “Alles behoort aan ons.” 1 Kor. 3:21. Lofprysinge is ons triomf vir alles wat ons nodig het want alles behoort aan ons.
            Verkeer jy in benoudheid, in ellende? Dan stel Paulus en Silas vir ons die voorbeeld: Lofliere... en die kettings val af en die deure gaan maak oop.
            Ons glo SA is op die rand van ‘n grootse Herlewing... laat die lofliedere weerklink. -- Sjibbolet

Die HERE wil JOU huisgesin ook red...

Daar is kere wat mens in ernstige situasies beland, soos Paul en Silas. Die twee sit teen middernag in die tronk geboei, flenters geslaan, naak en bebloed. Dit lyk of alles verlore is.
            Dan begin die twee die HERE aanbid en lofliedere sing...
            “En omtrent middernag het Paulus en Silas gebid en lofliedere tot eer van God gesing; en die gevangenes het na hulle geluister.
            “En skielik kom daar 'n groot aardbewing, sodat die fondamente van die gevangenis geskud het. En onmiddellik het al die deure oopgegaan en die boeie van almal het losgeraak.
            “En die tronkbewaarder het wakker geword; en toe hy sien dat die deure van die gevangenis oop was, het hy 'n swaard getrek en wou homself om die lewe bring, in die mening dat die gevangenes ontvlug het.
            “Maar Paulus het met 'n groot stem geroep en gesê: Moenie jouself kwaad aandoen nie, want ons is almal hier.
            “En toe hy lig gevra het, spring hy na binne en val bewende voor Paulus en Silas neer.
            “En hy het hulle na buite gebring en gesê: Menere, wat moet ek doen om gered te word?
            “Toe sê hulle: Glo in die Here Jesus Christus en jy sal gered word, jy en jou huisgesin.
            “En hulle het aan hom die woord van die Here verkondig en aan almal wat in sy huis was.
“En in dieselfde uur van die nag het hy hulle geneem en hulle wonde gewas, en hy is onmiddellik gedoop, hy en al sy mense.
            “Toe bring hy hulle in sy huis en sit hulle 'n maaltyd voor; en hy het hom verheug met sy hele huisgesin dat hy tot geloof in God gekom het.” Han 16:25-35
            Dit is ‘n wonderlike les: Wanneer jy vasgekeer is in benoudheid, begin lofliedere aan die HERE sing....
            Let op waar het hierdie verhaal begin: “En Paulus het 'n gesig in die nag gesien – daar staan 'n Macedóniër wat hom smeek en sê: Kom oor na Macedónië en help ons!”
Paulus reageer dadelik: “En toe hy die gesig gesien het, het ons dadelik probeer om na Macedónië te gaan, omdat ons versekerd was dat die Here ons geroep het om die Evangelie aan hulle te verkondig.” Han 16:9-10
Paulus-hulle was ver van Macedonië toe die dringende versoek in die naggesig kom dat hulle deerheen moes reis.  Die manne is op see en reis na Troas en na Samothráce, en die volgende dag na Neápolis, en daarvandaan na Filíppi, wat die eerste stad is van daardie deel van Macedónië, 'n kolonie.
            Feitlik almal van ons bid vir die redding van ons huisgesin. Dinge gebeur soms te stadig na ons sin, maar ons moet aanhou. Die HERE hoor beslis ons roepe na Hom vir die redding van huisgesinne. Moet nooit daaroor twyfel nie want die HERE het belowe hy red jou hele gesin.
            Lees die hele Handelinge 16 en let op tot watter uiterstes God bereid is om te gaan om ‘n huisgesin te red. Al kos dit jou wat, hou aan met vertrou.
            Dis ‘n drama en bynase trauma wat afspeel voordat hulle in die tronk beland, terwyl hulle in die tronk is en die aarskudding en wat daarna gevolg het. Dit was erg, baie erg.
            Maar waarheen was die Heilige Gees eintlik op pad? Hoekom die oproep in die naggesig? Die HERE wou die tronkbewaarder en sy gesin red.
Die tronkbewaarder: “Menere, wat moet ek doen om gered te word?
            “Toe sê hulle: Glo in die Here Jesus Christus en jy sal gered word, jy en jou huisgesin.”
            En toe gebeur die volgende: “En hulle het aan hom die Woord van die Here verkondig en aan almal wat in sy huis was.
“En in dieselfde uur van die nag het die tronkbewaarder hulle geneem en hulle wonde gewas, en hy is onmiddellik gedoop, hy en al sy mense.”
            Paulus se oproep in die naggesig eindig hier... die Woord aan die gesin, die redding van die gesin en hulle is almal gedoop.
En toe die groot fees: “Toe bring hy hulle in sy huis en sit hulle 'n maaltyd voor; en hy het hom verheug met sy hele huisgesin dat hy tot geloof in God gekom het.”
            Mens kan sien dat Paulus en Silas spesifiek geroep was na die huis van die tronkbewaarder, maar hulle het nie gevra wat hulle in Macedonië moes gaan doen nie. Hulle het gemeen hulle is versekerd dat hulle die Evangelie daar moes gaan verkondig.
            Dis ‘n groot land en hulle vra nie waar hulle die Evangelie moet verkondig nie. En dan word hulle langs ‘n bynase doodsweg gely na die tronkbewaarder se huis.
            Na die taak by die tronkbewaarder se huis voltooi was, het hulle die land verlaat en verder gereis deur Amfípolis en Apollónië na Thessaloníka.
            Luister na Petrus by ‘n ander geleentheid: “Bekeer julle, en laat elkeen van julle gedoop word in die Naam van Jesus Christus tot vergewing van sondes, en julle sal die gawe van die Heilige Gees ontvang.”
            En nou: “Want die belofte kom julle toe en julle kinders en almal wat daar ver is, die wat die Here onse God na Hom sal roep.” Han 2:38-39
            En nog: “...jou bestryder sal Ék bestry en jou kinders sal Ek verlos.” Jes 49:25.
            So, wanneer jy vir jou gesin bid, doen dit ook met lofliedere omdat jy weet die HERE het belowe Hy red jou hele gesin.
Bid deurentyd vir die te wagte magtige Herlewing in SA – Sjibbolet

Moet jou nie teen 'n kwaadwillige mens verset nie

'n Groep toeriste sit eendag in die Yellowstone Park in Wyoming, Amerika en wag vir 'n dier, wat die skrik van die bosse genoem word, die grysbeer, om te verskyn, vertel Dale Carnegie in sy boek How to Stop Worrying and Start Living.
'n Hoop afvalkos, uit die hotel se kombuis, is naby neergesit, om die beer te lok. Nie lank nie of hy kom massief uit die donker bos te voorskyn.

Die wildbewaarder, maj. Mertindale, vertel vir die mense, die grysbeer is enige dier in die Westelike halfrond se moses, behalwe miskien die buffel en Kadiakbeer. Die dier vrees niemand en niks.
Die mannetjies word tot 318kg swaar en die wyfies sowat 180kg. Hulle hardloop met gemak 70km per uur.
Terwyl die toeriste so kyk, kom nog 'n dier uit die bos uit en begin saam met die grysbeer die lekker afvalkos vreet. Die grysbeer sou geen ander dier naby sy ete duld nie, maar nou laat hy hierdie een sy gang gaan. Dit is die stinkmuishond.
Die beer kon hom met een hou van sy geweldige voorpoot plat gevee het, maar die beer het al geleer: Lol met hom, en jy stink vir dae aaneen...
Die les wat ons hieruit leer: “Julle moet julle nie teen 'n kwaadwillige mens verset nie.” Matt 5:39
Daar is viervoetige muishonde, én daar is tweevoetige muishonde, sê Carnegie. Hy haal goeie raad aan uit 'n verslag van die Polisiekantoor in Milwaukee: “As selfsugtige mense probeer voordeel trek uit jou, skrap hulle van jou lys, maar moenie hulle probeer terug kry nie. Jy sal net seerder kry as hulle."
Dit is onverstandig om enige mens te probeer terug betaal, want dan gee ons hulle mag oor ons: mag oor ons slaap, ons eetlus, ons bloeddruk, ons gesondheid, ons welsyn, ons geluk.
Ons vyande sal opspring van vreugde as hulle kon weet hoe hulle ons kwel, kwes, ons laat ly, ons immobiliseer. Ons haat en wraakgedagtes maak hulle nie seer nie, maar dit omskep ons eie dae en nagte in donkerte... veroorsaak ‘n binding in ons gees.
            Jesus se woorde: "Julle moet julle vyand liefhê," dui die pad aan na gesondheid en geluk.
Toe Jesus vir Petrus gesê het: "Jy moet 70x7 keer vergewe," was Hy besig om ons te vertel hoe om gesondheidskwale te vermy. Hy het ook raad gegee hoe om ons voorkoms te verbeter. 'n Mens se gesig kan verrimpel en verhard raak deur haat en mismaak word deur wrok.
Niks kan gelaatskoonheid bewerk soos vergewensgesindheid, teerheid en liefde nie! Laat ons onsself so liefhê dat ons nie sal toelaat dat ander, met hulle slegte gesindheid, ons lewe bederf nie.
            “My kom die wraak toe en die vergelding, op die tyd as hulle voet sal wankel; want die dag van hulle ondergang is naby, en wat oor hulle beskik is, kom gou.” Deut 32:35
“Want die HERE sal aan sy volk reg verskaf, en Hy sal medelyde hê met sy knegte as Hy sien dat hulle vashouplek weg is en dit met almal sonder uitsondering gedaan is.” Deut 32:36
            “Moenie julle wreek nie, geliefdes, maar gee plek vir die toorn; want daar is geskrywe: Aan My kom die wraak toe, Ek sal vergeld, spreek die Here.  As jou vyand dan honger het, gee hom iets om te eet; as hy dors het, gee hom iets om te drink, want sodoende sal jy op sy hoof vurige kole ophoop. Laat jou nie deur die kwaad oorwin nie, maar oorwin die kwaad deur die goeie.” Rom 12:19-21
            “En die Koning sal antwoord en vir hulle sê: Voorwaar Ek sê vir julle, vir sover julle dit gedoen het aan een van die geringstes van hierdie broeders van My, het julle dit aan My gedoen.” Mar 25:40
            Ongelukkig is haat en ergerlikheid sterker as onsself. Ons vlees neig na haat,  of 'n wrok, want die vlees is sterker as verstandige denke. Ons moet in die Gees lewe sodat ons die krag en heil van God kan ervaar. – Sjibbolet


·    

Hou net aan met klop...

Jy bid vir die redding van jou gesin, vir die redding van sekere familielede en selfs vir die redding van sekere vriende.
            ‘n Vriend vertel: So het my ouma ook haar lysie gehad en vroegdag elke dag op haar aangesig voor God op ‘n matjie in haar slaapkamer gaan lê en getrou gebid.
            Sy het nie daar opgestaan voordat sy nie’n salwing van die Heilige Gees beleef het nie.
            My naam was ook op die lysie, maar ek sou dit eers heelwat later ontdek.
            Ek was onder die invloed van baie drank en dwelms. Dit het erger geword toe ek alles in die lewe verloor het, letterlik alles.
            Een middag strompel ek na die kafee op die hoek om sigarette te koop. Op pad daarheen hoor ek duidelik ‘n stem langs my wat uitdruklik se: “As ‘n wingerstok nie vrug dra nie, word hy uitgekap en verbrand.” Net dit.
            Ek was soos gewoonlik onder die invloed van drank en dwelms, maar daardie stem en die waarskuwing sal ek nooit kan vergeet nie.
            Ek het voort gestrompel en die sigarette gaan koop, en diep bekommerd huis toe gestrompel. Die huis is teen ‘n verlies verkoop.
            Dan is alles mos verby, het ek gedink.
            Terug by die huis raak ek deur die dag nie verder aan drank of dwelms nie. Ek het op die stoep gaan staan en ‘n sigaret gerook. Toe ek die stompie in die tuin wou skiet, het dit nie geval nie, dit het het net aanhou deur die lug trek. Dit was vreemd en ek was bang.
            Ek het die hele middag en aand in my studeerkamer deurgebring, dinkende hopende op ‘n plan... ‘n plan vir wat ook al.
            Uiteindelik besluit ek op selfmoord en beplan. Dit sou dodelik wees en gou en sonder ‘n vuurwapen.
            Toe ek die studeerkamer wou verlaat om te gaan selfmoord pleeg, staan daar ‘n reuse Engel die hele deur vol en ek besef instinktief: Hier kom geen mens verby nie. Ek is vasgekeer.
            Ek het begin huil. Die frustrasie was erg. Nes ek om die deur loer, is die Engel steeds daar. Ek is verboureerd.
            Ek blaai deur ‘n ou koerant en daar in ‘n klein advertensietjie staan: “As jy geestelike hulp of gebed verlang, skakel 012....”  Ek skakel. ‘n Vrou antwoord. Ek vertel ek wil selfmoord pleeg, maar hier is ‘n Engel in my pad.
            Die vrou het net begin bid en bind en bestraf en vrygespreek. Ek was verstom want ek het nog nooit so iets beleef nie. Ek het nie geweet wat om te antwoord nie... net die foon neergesit toe sy sê ek moenie huiwer om weer te bel nie.
            Ek stap na die deur en die Engel was weg. Toe na my slaapkamer waar ek die Bybel optel en begin lees van die blinde man van Jerigo.
            Daar was altyd ‘n Bybel in die huis, maar dit het eerder stof vergaar. Die blindeman roep: “HERE, HERE, Seun van Dawid, wees my barmhartig.”  Sekeres het hom stilgemaak want Jesus was op pad na ‘n afspraak. Toe skreeu hy harder...
            Ek sak op my knieë en van nie weet wat om te sê nie, begin ek: “HERE, HERE, Seun van Dawid, wees my barmhartig.”
            ‘n Donker duisternis het oor my neergesak en baie vrae. Ek onthou een  wat gese het: “Is jy van jou sinne beroof, hoe sal jy ooit van drank en dwelms ontslae kan raak?”
            Toe skreeu ek so hard ek kon... en dit was erg: “HERE, HERE Seun van Dawid, wees my barmhartig.”
            En “nou HERE vra U ook aan my, wat kan U vir my doen... en ek antwoord: HERE, dat ek kan sien.” Ineens was daar lig en toe stort ek my hart in trane uit en staan laatnag daar op... Wedergebore.
            Waarom weet ek nie, maar ek het die volgende dag ‘n brief aan my ouma gepos en my getuienis vir haar gegee. Sy is die vorige dag in die hospitaal opgeneem, maar dit wis ek nie. ‘n Verpleegsuster vertel, sy het my brief aan my ouma voorgelees. Haar enigste reaksie was in blydskap en tevredenheid: “Nou is hulle almal in.”
            Sy is kort daarna Huis toe.
            Onthou... wanneere jy bid praat jy met die lewende almagtige en liefdevolle God en Hy sal jou gebede beslis antwoord. Hou net onwrikbaar aan met klop, want, Jesus het gesê: As jy aanhou klop sal daar vir jou oopgemaak word. – Sjibbolet

·         As jy weet van iemand wat ‘n Bybel  opreg benodig en kan gebruik besoek www.thesower.org.za  As iemand geestelike hulp of gebed verlang, skryf aan: belindapaar@gmail.com  Nog Beraders is landwyd beskikbaar.

            “En Ek sê vir julle: Elkeen wat My sal bely voor die mense, hom sal die Seun van die mens ook bely voor die Engele van God.” Luk 12:8 Stuur jou getuienis aan Tabernakel Bedieninge by belindapaar@gmail.com  Sien ook:  http://verhoogjesus.blogspot.co.za/2016/04/what-this-lifting-jesus-higher-is-all.html

Dink weer... voordat jy verkeerd doen

"...  want U alleen ken die hart van "AL" die mensekinders"  1 Kon 8:39
            "Die HERE kyk van die Hemel af; Hy sien "AL" die mensekinders.
Uit sy woonplek aanskou Hy "AL" die bewoners van die aarde, Hy wat die hart van hulle almal formeer, wat let op "AL" hul werke.
Kyk, die oog van die HERE is op die wat Hom vrees, op die wat op sy goedertierenheid wag." Ps 33:13-15,18
            "... HY KEN die geheime van die hart." Ps 44:22
            "Waar sou ek heengaan van u Gees en waarheen vlug van u aangesig? Klim ek op na die Hemel, U is daar; en maak ek die doderyk my bed, kyk, U is daar!" Ps 139:7-8
            "Op "ELKE" plek is die oë van die HERE, en hulle beskou opmerksaam die slegtes en die goeies." Spr 15:3
            "Want Hý sien tot by die eindes van die aarde; "ALLES" wat onder die Hemel is, aanskou Hy." Job 28:24
            "Want MY oë is op "AL" hulle weë, dit is nie voor my aangesig bedek nie, en hulle ongeregtigheid is nie voor my oë verborge nie." Jer 16:17
            "Sou iemand hom in skuilplekke kan wegsteek dat Ek hom nie sien nie? spreek die HERE. Vervul Ek nie die hemel en die aarde nie? spreek die HERE." Jer 23:24
           "En hulle het gebid en gesê: U, Here, wat die harte van "ALMAL" ken, wys uit hierdie twee die een aan wat U uitverkies het." Hend 1:24
            "...want as ons hart ons veroordeel, God is meer as ons hart, en Hy weet "ALLES" 1 Joh 3:20
            "En daar is "GEEN" skepsel onsigbaar voor Hom nie, maar "ALLES" is oop en bloot voor die oë van Hom met wie ons te doen het." Hebr 4:13
            "Want daar is nog geen woord op my tong nie — of U, HERE, U ken dit geheel en al." Ps 139:4

Oorwinningsgroete. – Sjibbolet


As jy weet van iemand wat ‘n Bybel  opreg benodig en kan gebruik besoek www.thesower.org.za
As iemand geestelike hulp of gebed verlang, skryf aan: belindapaar@gmail.com
Nog Beraders is landwyd beskikbaar.
Bid asseblief deurentyd vir ‘n magtige geestelike Herlewing in SA.
“En Ek sê vir julle: Elkeen wat My sal bely voor die mense, hom sal die Seun van die mens ook bely
voor die Engele van God.” Luk 12:8 Stuur asseblief jou getuienis aan Tabernakel Bedieninge by
belindapaar@gmail.com  Sien ook:
http://verhoogjesus.blogspot.co.za/2016/04/what-this-lifting-jesus-higher-is-all.html

Bright flash of light marks incredible moment life begins when sperm meets egg

By Sarah Knapton,  Science Editor
26 April 2016 • The UK Telehraph

Human life begins in bright flash of light as a sperm meets an egg, scientists have shown for the first time, after capturing the astonishing ‘fireworks’ on film.

An explosion of tiny sparks erupts from the egg at the exact moment of conception.

Scientists had seen the phenomenon occur in other animals but it is the first time is has been also shown to happen in humans.

“To see the zinc radiate out in a burst from each human egg was breathtaking.”

Professor Teresa Woodruff, Northwestern University

Not only is it an incredible spectacle, highlighting the very moment that a new life begins, the size of the flash can be used to determine the quality of the fertilised egg.

Researchers from Northwestern University, in Chicago, noticed that some of the eggs burn brighter than others, showing that they are more likely to produce a healthy baby.

The discovery could help fertility doctors pick the best fertilised eggs to transfer during in vitro fertilisation (IVF).

“It was remarkable,” said Professor Teresa Woodruff, one of the study’s two senior authors and an expert in ovarian biology at Northwestern.

“We discovered the zinc spark just five years ago in the mouse, and to see the zinc radiate out in a burst from each human egg was breathtaking.

“This means if you can look at the zinc spark at the time of fertilization, you will know immediately which eggs are the good ones to transfer in in vitro fertilization.

“It’s a way of sorting egg quality in a way we’ve never been able to assess before. “All of biology starts at the time of fertilization, yet we know next to nothing about the events that occur in the human.”

Currently around 50 per cent of fertilised eggs do not develop properly and experts believe that faulty genetic code could be responsible.

Some clinics take videos of the egg developing to try pick up problems early, while others check for genetic mutations, but that is an invasive procedure which can damage the tiny egg. Often it is just down to a clinician decided which eggs look the healthiest.

But the new findings could give and extra indication that an egg is flourishing. A video of nine human eggs coming into contact with sperm enzyme showed two flashed much brighter than the rest.

“This is an important discovery because it may give us a non-invasive and easily visible way to assess the health of an egg and eventually an embryo before implantation,” said co-author Dr Eve Feinberg, who took care of the patients who provided eggs for the basic science study and collaborated with the research team.

“There are no tools currently available that tell us if it’s a good quality egg. Often we don’t know whether the egg or embryo is truly viable until we see if a pregnancy ensues.

“That’s the reason this is so transformative. If we have the ability up front to see what is a good egg and what’s not, it will help us know which embryo to transfer, avoid a lot of heartache and achieve pregnancy much more quickly.”

The bright flash occurs because when sperm enters an egg it leads to a surge of calcium which triggers the release of zinc from the egg. As the zinc shoots out, it binds to small molecules which emit a fluorescence which can be picked up by camera microscopes.

Over the last six years this team has shown that zinc controls the decision to grow and change into a completely new genetic organism.

In the experiment, scientists use sperm enzyme rather than actual sperm to show what happens at the moment of conception.

“These fluorescence microscopy studies establish that the zinc spark occurs in human egg biology, and that can be observed outside of the cell,” said Professor Tom O’Halloran, a co-senior author.

In a companion paper published in Scientific Reports on March 18, a zinc spark is shown at the precise time a sperm enters a mouse egg.

This discovery was made by Nan Zhang, a postdoctoral fellow at Northwestern.  Little is known about the events that occur at the time of fertilization, because it is difficult to capture the precise time of sperm entry.
Attachments area

https://mail.google.com/mail/u/0/?ui=2&ik=c2ede99c08&view=att&th=1548588eb2638915&attid=0.1&disp=safe&zw

As jy weet van iemand wat ‘n Bybel  opreg benodig en kan gebruik besoek www.thesower.org.za  
As iemand geestelike hulp of gebed verlang, skryf aan: belindapaar@gmail.com  
Nog Beraders is landwyd beskikbaar.
Bid asseblief deurentyd vir ‘n magtige geestelike Herlewing in SA.
“En Ek sê vir julle: Elkeen wat My sal bely voor die mense, hom sal die Seun van die mens ook bely
voor die Engele van God.” Luk 12:8 Stuur asseblief jou getuienis aan Tabernakel Bedieninge by
belindapaar@gmail.com  Sien ook:
http://verhoogjesus.blogspot.co.za/2016/04/what-this-lifting-jesus-higher-is-all.html

God stel standaarde...

God stel standaarde vas vir die Christelike lewe. Hy wyk nooit daarvan af nie. Daar is ook nooit grys areas nie.
            “Welgeluksalig is die opregtes van weg, wat in die wet van die HERE wandel. Welgeluksalig is die wat sy getuienisse bewaar, Hom van ganser harte soek; ook geen ongeregtigheid doen nie, maar in sy weë wandel. U het U bevele gegee om dit trou te onderhou.” Ps 119:1-3
            Hoe groter die openbaring van die Liefde van God hoe groter is die verwydering tussen lig en duisternis. Ware Liefde waarsku en beskerm mense van verkeerde handelinge, verwarring en verkeerde besluite.
            “Uit U bevele kry ek verstand; daarom haat ek elke leuenpad.  U woord is 'n lamp vir my voet en 'n lig vir my pad. Ek het gesweer, en dit gehou, om u regverdige verordeninge te onderhou. Ek is baie diep neergedruk; HERE, maak my lewend na u woord!” Ps 119:104-107
            “Julle is die lig van die wêreld. 'n Stad wat bo-op 'n berg lê, kan nie weggesteek word nie; en 'n mens steek ook nie 'n lamp op en sit dit onder die maatemmer nie, maar op die staander, en dit skyn vir almal wat in die huis is. Laat julle lig só skyn voor die mense, dat hulle julle goeie werke kan sien en julle Vader wat in die hemele is, verheerlik.” Matt 5:14-16
            Daar is gelowiges wat terugdeins van die Lig ter wille van posisies en wêreldse aanvaarding, ‘n optrede wat dodelik is en skokkend. Daar is Christene en selfs kerkleiers wat nie weet wat Liefde werklik is nie. Nogtans sal die volle Waarheid gepredik moet word. Mense moet tot inkeer kom en gereed maak vir die Basuin.
            “En dit bid ek dat julle liefde nog meer en meer oorvloedig mag word in kennis en alle ervaring, om die dinge waar dit op aankom, te onderskei, sodat julle rein en vir niemand 'n aanstoot mag wees nie, tot op die dag van Christus, vervul met die vrug van geregtigheid wat daar is deur Jesus Christus tot heerlikheid en lof van God.” Fil 1:9-11
            Te veel Christene kies wysbegeerte (filosofie), kies menslike wysheid pleks van Goddelike Bybelse wysheid.
            “Terwyl hulle voorgee dat hulle wys is, het hulle dwaas geword  en die heerlikheid van die onverganklike God verander in die gelykvormigheid van die beeld van 'n verganklike mens en van voëls en viervoetige en kruipende diere.” Rom 1:22-23
            Reg oor die wêreld moet mens deesdae uiters versigtig wees om nie iets te sê of jouself op ‘n manier uit te druk, wat aanstoot kan gee nie. So mag mens op baie plekke nie meer Jesus se naam in die openbaar gebruik nie want dit gee aanstoot. Ander beweer dit maak inbreuk op hul mensregte.  
            Deur stil te bly, weg te skram, weens ‘n gebrek aan Heilige Gees geïnspireerde woorde en antwoorde, het reeds tot gevolg dat die wêreldwye sataniese veldtog ‘n byna onkeerbare momentum bereik het.
            “En wanneer hulle jul sal bring voor die sinagoges en die owerhede en die gesaghebbers, moet julle jul nie kwel oor hoe of waarmee julle jul sal verdedig, of wat julle sal sê nie; want die Heilige Gees sal julle in dieselfde uur leer wat julle moet sê.” Luk 12:11-12
            “En julle sal deur almal gehaat word ter wille van my Naam. Maar wie volhard tot die einde toe, hy sal gered word.” Matt 10:22
            Die aantal lande waar Christene gruwelik vervolg word, het nou gestyg na 50.
            Sjina beleef ‘n ontsettende groot en omvangryke Herlewing, maar die Christene word tot en met vervolg. In Amerika word mense vervolg op ‘n grondslag waar dierbare Christene hul reputasies verloor en ander finansieel bedreig en vernietig word.
           “U, o koning, het 'n bevel gegee dat elke mens wat die geluid van horing, fluit, siter, luit, harp en doedelsak en van allerhande musiekinstrumente hoor, moet neerval en die goue beeld aanbid; en dat hy wat nie neerval en aanbid nie, binne-in die brandende vuuroond gegooi moet word.
            “Daar is Joodse manne wat u oor die bestuur van die provinsie Babel aangestel het, Sadrag, Mesag en Abednego; hierdie manne het hulle, o koning, aan u nie gesteur nie; hulle dien u gode nie en die goue beeld wat u opgerig het, aanbid hulle nie.
            “Toe het Nebukadnesar, toornig en woedend, bevel gegee om Sadrag, Mesag en Abednego te laat kom. Daarop is die manne voor die koning gebring.
            “En Nebukadnesar het gespreek en vir hulle gesê: Is dit met opset, Sadrag, Mesag en Abednégo, dat julle my gode nie dien nie en die goue beeld wat ek opgerig het, nie aanbid nie?” Dan 3:10-14
            Die HERE sal my en jou ook uit ‘n vuuroond red. Gelowiges wil nie vandag  standpunt inneem nie want hulle vrees konflik. Hou hulle maar dop op die sosiale media.
            Christene mag nie stilbly nie. As ons Christus voor die mens bely, bely Hy ons voor die Vader.” Matt 10:32
            Loof die HERE vir komende Herlewing.
            Oorwinningsgroete. – Sjibbolet


As jy weet van iemand wat ‘n Bybel  opreg benodig en kan gebruik besoek www.thesower.org.za  
As iemand geestelike hulp of gebed verlang, skryf aan: belindapaar@gmail.com  
Nog Beraders is landwyd beskikbaar.
Bid asseblief deurentyd vir ‘n magtige geestelike Herlewing in SA.
“En Ek sê vir julle: Elkeen wat My sal bely voor die mense, hom sal die Seun van die mens ook bely
voor die Engele van God.” Luk 12:8

Stuur asseblief jou getuienis aan Tabernakel Bedieninge by
belindapaar@gmail.com  Sien ook:

http://verhoogjesus.blogspot.co.za/2016/04/what-this-lifting-jesus-higher-is-all.html

Christus leef IN jou...

“Ek is met Christus gekruisig, en ék leef nie meer nie, maar Christus leef in my. En wat ek nou in die vlees lewe, leef ek deur die geloof in die Seun van God wat my liefgehad het en Homself vir my oorgegee het.” Gal 2:20

Dit is wat by jou Wedergeboorte plaasgevind het:
·        Jy is saam met Christus gekruisig

·        Jy leef dus nie m eer nie,

·        Jy het nou die Ewige Lewe, en

·        Christus leef nou IN jou.


Al hierdie dinge het gebeur omdat Jesus jou liefgehad het en Homself vir jou oorgegee het.
            Natuurlik is jy nog op die aarde en jy is nou gees en vlees. Die gedeelte wat jy in die vlees lewe, leef jy egter deur die geloof in Jesus.
            Die Wedergeboorte beteken dieselfde as herskepping en dit beteken dat die geaardheid van die gevalle mens herskep word. Daarom sê die Skrif jy is nou ‘n nuwe skepsel geskep deur die liefde en genade van God.
            Die Bybel stel verlossing voor as die vrykoop-hernuwing van ‘n mens, gegrond op ‘n herstelde verhouding met God deur Christus wat in daardie mens lewe. Hierdie vrykoop bring voort ‘n radikale en algehele transformasie in die gees van die mens waardeur hy ‘n nuwe mens word, wat in heiligheid en kennis van die waarheid vernuwe word na die beeld van God. Efes. 4:24; Kol. 3:10
Hierdie is ‘n nuwe mensras wat nie meer langer gelyk is aan hierdie wêreld nie. Rom. 12:2; Efes. 4:22; Kol. 3:9. Herskepping is die geboorte waardeur hierdie werk – die voortbringing van ‘n nuwe skepping- aanvang neem.
Jesus het jou in die eerste plek geskep. Kyk hoe beskryf Dawid dit:
“U het my gevorm, my aanmekaargeweef in die skoot van my moeder. Ek wil U loof, want U het my op 'n wonderbaarlike wyse geskep. Wat U gedoen het,
vervul my met verwondering. Dit weet ek seker: geen been van my was vir U verborge toe ek gevorm is waar niemand dit kon sien nie, toe ek aanmekaar geweef is diep in die moederskoot. U het my al gesien, toe ek nog ongebore was,
al my lewensdae was in U boek opgeskrywe nog voordat ek gebore is.” - Ps 139:12-16
            By die Wedergeboorter is Hy weer daar om jou te herskep.
Die sondige natuur (Satan se geaardheid) – wat wetteloos, goddeloos en selfgesentreerd is (Rom. 3:9-18; 8:7) en wat die mensdom beheers sedert Adam se ongehoorsaamheid – word deur die herskepping vervang met ‘n nuwe mens wat vertroue en liefde het, wat berou het vir rebelsheid en ongeloof van die verlede, en voortaan onderworpe is aan die wet van God.
Herskepping verlig harte wat blind is om geestelike realiteite in te sien 1 Kor. 2:14-15; 2 Kor. 4:6. Herskepping bevry en bemagtig die vasgevange eie wil tot vrye gehoorsaamheid aan God. Rom. 6:14; Fil. 2:13.
Die gebruik van die woord Wedergeboorte om hierdie verandering te beskryf beklemtoon twee feite.
Die eerste feit om in ag te neem rakende die Wedergeboorte is die beslistheid daarvan. Die herskepte mens het vir ewig opgehou om te wees wat hy was.  Sy ou lewe is verby en ‘n nuwe lewe het begin. Hy is ‘n nuwe skepping in Christus. Hy is begrawe met Christus, buite die bereik van veroordeling, en is ook met Christus opgewek uit die dood tot ‘n nuwe lewe van regverdigheid. Rom. 6:3-11; Kol. 3:9-11.
            Die tweede feit rakende die Wedergeboorte is dat dit alleenlik deur God gegenereer is. Babatjies genereer nie of werk nie mee aan hulle eie verwekking of geboorte nie. Net so is daar geen manier wat diegene wat dood is in oortredinge en sonde, die verwekkingsdaad van God kan aanhits of inisieer wat betref die voortbring van Sy Seun in hulle nie. Efes. 2:1-10.
Geestelike lewendmaking is ‘n vrye, en vir die mens, ‘n misterieuse werking van Goddelike krag Joh. 3:8. Dit kan nie verklaar word in terme van die ontwikkeling van bestaande menslike hulpmiddels, of die kombinasie daarvan met dit wat tot God se beskikking is, nie.
Die Wedergeboorte word ook nie veroorsaak of in werking gestel deur enige menslike pogings (Joh 1:12-13) of enige menslike verdienste nie. Titus 3:3-7. Wanneer God Sy saad in ‘n gelowige plaas, is dit ‘n hele volledige saad; daar is niks meer wat by daardie saad bygevoeg kan word nie.
Dus, wanneer die gelowige gedoop (geplaas) is in Christus (1 Kor. 12:13) en die Wedergeboorte vind plaas, het daardie gelowige Christus volledig in hom en haar, want daar is niks meer van Christus wat aan hom of haar gegee kan word nie, net soos ‘n pasgebore baba nie weet wat alles met hom gebeur het nie.
Dit beteken dat daar nog baie is wat die nuutgebore gelowige moet leer. Die een aan wie die lering van die nuwe gelowige toevertrou is, is die Heilige Gees. Oombliklik met die Wedergeboorte van die nuwe gelowige, het die Heilige Gees gekom en blyplek gevind in sy siel/verstand.
Met die laaste sensus het 32 miljoen Suid-Afrikaners verklaar dat hulle Christene is. Mens durf vra: Sou hulle Wedergebore wees?
Werk, want die TYD loop haas uit. Bid ook voortdurend vir ‘n magtige Herlewing in SA. – Sjibbolet

As jy weet van iemand wat ‘n Bybel  opreg benodig en kan gebruik besoek www.thesower.org.za    
As iemand geestelike hulp of gebed verlang, skryf aan: belindapaar@gmail.com    
Nog Beraders is landwyd beskikbaar.
Bid asseblief deurentyd vir ‘n magtige geestelike Herlewing in SA.
“En Ek sê vir julle: Elkeen wat My sal bely voor die mense, hom sal die Seun van die mens ook bely
voor die Engele van God.” Luk 12:8 Stuur asseblief jou getuienis aan Tabernakel Bedieninge by
belindapaar@gmail.com  Sien ook:
http://verhoogjesus.blogspot.co.za/2016/04/what-this-lifting-jesus-higher-is-all.html

Wat gebeur wanneer ‘n Gelowige sondig?

Die Bybel leer in 1 Joh 1:8-9 “As ons sê dat ons geen sonde het nie, mislei ons onsself en die waarheid is nie in ons nie. As ons, ons sondes bely, Hy is getrou en regverdig om ons die sondes te vergewe en ons van alle ongeregtigheid te reinig.”
As Christene kan ons struikel en uiteindelik sondig. Wat ons verskillend maak  van die tydperk voor ons Wedergeboorte, is dat ons nou ‘n nuwe natuur het. Dit grief ons om te sondig. Ons wil nie sondig nie. Ons wil ‘n lewe van geregtigheid lewe, maar wat gebeur wanneer ons tog sondig? Moet ons nou weer gered word? Is dit wat die Bybel leer?
As dit so is dan het ons geen sekuriteit nie, en in sommige gevalle sou ons erger daaraan toe wees as die wêreld. Ten minste word die wêreld nie gefolter deur ‘n sonde gewete nie.
As gelowiges is sonde nie ons fokus van belangstelling nie. Heb 10:2 lees dat deur die offer van Jesus die gelowige  geen bewussyn meer van sondes moet hê nie. Met ander woorde, sonde moet nie die fokuspunt in ons lewens wees nie. God moet ons fokus wees.
Rom 4:2 lees “Want as Abraham uit die werke geregverdig[regverdig verklaar is] is, het hy iets om op te roem, maar nie teenoor God nie.” As die saligheid gebaseer was op meriete, die dinge wat ons doen, dan sou ons kon spog.
Ons sou kon sê, “HERE, ek waardeer werklik wat U aan die kruis gedoen het, maar onthou tog die dinge wat ek gedoen het!” God het die saligheid op so ‘n wyse ingestel dat daar spogtery of glorie vir die mens sou wees nie. Die enigste spogtery en glorie is die van Jesus Christus, aldus Rom 3:27. Die geskenk van die Ewige Lewe is inderdaad ‘n geskenk en kan nie verdien word nie. Rom 6:23
            Rom 4:2 sê dat as Abraham deur sy eie aksies geregverdig sou word. dan sou hy rede had om te kon spog, maar dit is nie wat gebeur het nie. Hoe sê die Skrif word iemand gered? Deur sy eie optrede, deur sy eie werke? Was dit oor dinge wat gedoen het of nie gedoen het nie, of is dit eenvoudig omdat hy geglo en vertrou het of God deur geloof?
Die Bybel sê in Rom 4:3 “Abraham het in God geglo, en dit is hom tot geregtigheid gereken.” Wat is my behoud en verhoed dat ek vergaan, al sou daar ook kere wees dat ek faal? Dit is dat Jesus al my sonde op die kruis gedra het deur my geloof in Hom (en nie my eie werke nie) is ek geregverdig (Regverdig gemaak voor God)
            Rom 4:6 lees “Soos Dawid ook die mens salig spreek aan wie God geregtigheid toereken sonder werke.” Dawid van die Ou Testament sê daar sal ‘n dag kom deur ‘n nuwe verbond wanneer God geregtigheid sal gee sonder dat die mens daarvoor gewerk het.
            Dan sê hy in strofe 7 “Welgeluksalig is hulle wie se ongeregtighede vergewe en wie se sondes bedek is.” Dit is die sleutel: “Welgeluksalig is die man aan wie die Here die sonde nie toereken nie.”
            Dit sê nie dat Hy dit dalk, of dalk wel nie toereken nie. Dit sê “Welgeluksalig is die man aan wie die Here die sonde nie toereken nie.” Dit is wat in die Grieks genoem word as ‘n uitdruklike negatief. Dit sê God sal nooit, nooit ooit, sonde op ons rekening plaas nie. Dit is die Goeie Nuus van die Nuwe Verbond!
            Heb 10:16 lees “ Want nadat Hy tevore gesê het: Dit is die verbond wat Ek met hulle sal sluit ná dié dae, spreek die Here verder: Ek sal my wette gee in hulle hart, en in hulle verstand sal Ek dit inskrywe.. en deel van die ooreenkoms is strofe 17 “en aan hulle sondes en hulle ongeregtighede sal Ek nooit meer dink nie.”
Wat laat jou standhou in geregtigheid en in die regte verhouding, al sou jy ook sondig en nie geleentheid kry om dit te bely nie? Jou geloof in Jesus Christus. Sy naam is Jesus en Hy red mense van hul sondes. Matt 1:21
            Verwag ‘n magtige Herlewing in SA. – Sjibbolet

As jy weet van iemand wat ‘n Bybel  opreg benodig en kan gebruik besoek www.thesower.org.za    
As iemand geestelike hulp of gebed verlang, skryf aan: belindapaar@gmail.com    
Nog Beraders is landwyd beskikbaar.
Bid asseblief deurentyd vir ‘n magtige geestelike Herlewing in SA.
“En Ek sê vir julle: Elkeen wat My sal bely voor die mense, hom sal die Seun van die mens ook bely
voor die Engele van God.” Luk 12:8 Stuur asseblief jou getuienis aan Tabernakel Bedieninge by
belindapaar@gmail.com  Sien ook:
http://verhoogjesus.blogspot.co.za/2016/04/what-this-lifting-jesus-higher-is-all.html