Volheid van die Heilige Gees

Geskryf deur Manie Colyn.

Ef. 1:1-14: "Deur Christus het ook julle deel geword van die volk van God toe julle die waarheid wat aan julle verkondig is, die evangelie van julle verlossing, gehoor en tot geloof gekom het. In Christus het die Heilige Gees wat deur God belowe is julle as die eiendom van God beseël" (vs. 13).

Charles G. Finney se naam word gedurig met die herlewing van meer as 'n eeu gelede verbind. Hy was 'n regsgeleerde, maar na sy oorgawe aan die Here het die Here hom op buitengewone wyse met die Heilige Gees vervul. Sy prediking was daarna vol krag en baie mense het tot bekering gekom.

In die Elim Evangel beskryf hy sy ervaring met hierdie woorde wat herinner as die uitstorting van die Heilige Gees op die eerste dissipels op Pinksterdag: "As I turned and want to take a seat by the fire, I received the mighty Baptism of the Holy Spirit. The Holy Spirit descened upon me in a manner that seemed to go through me, body and soul. I could feel the impressions like a wave of electricity going through and through me. Indeed, it seemd to come in waves and waves of liquid love; for I could not express it in any other way. I wept aloud with joy and love; and I do no know, but I should say I literally bellowed the unuttterable gushings of my heart."

Sy kragtige verkondiging van die evangelie en die herlewings wat gevolg het oral waar hy gepreek het, het 'n stempel geplaas op die egtheid van hierdie ervaring. Die prediker, D. L. Moody, het 'n soortgelyke kragtige ervaring van die vervulling met die Heilige Gees gehad. Ander werkers van die Here, wat net so bruikbaar en geseën in die Here se diens was, het weer nie so 'n dramatiese ervaring gehad nie.

Die prediker en skrywer, F. B. Meyer, wat net so kragdadig deur die Here gebruik is en wat nou nog sy baie boeke gebruik en seën, skryf in The Overcomer soos volg oor sy ervaring van die volheid van die Heilige Gees:

"I left the prayer meeting and crept out into the lane, away from town. As I walked I said, 'O my God, if there is a man who needs the power of the Holy Ghost to rest upon him it is I; but I do not know how to receive Him. I am too tired, too worn, too nervously down, to agonize.'

In my heart a voice said: 'As you took forgiveness from the hand of the dying Christ, take the Holy Ghost form the hand of the living Christ.' I turned to Christ and said, 'Lord, I breath into me a breathe in this whiff of warm night air, so I breathe into every part of me Thy blessed Spirit.'"

Hy gaan voort om te getuig dat hy nie gevoel het die Here se hand word op hom gelê, of 'n vuurvlam val op hom, of dat hy 'n gedruis uit die Hemel gehoor het nie, maar deur geloof, sonder emosie, sonder opgewondenheid, het hy vir die eerste keer, en daarna keer op keer, die volheid van die Heilige Gees vir hom in sy hart toegeëien. Sy vrugbare arbeid daarna het ook in sy geval die egtheid van sy vervulling met die Heilige Gees bekragtig.

Paulus skryf aan die Efesiërs: "Ek bid dat Hy deur sy Gees uit die rykdom van sy heerlikheid aan julle die krag sal gee om innerlik sterk te word, dat Christus deur die geloof in julle harte sal woon en dat julle in die liefde gewortel en gegrondves sal wees" (Ef.3:16). "...laat die Gees julle vervul..." (Ef.5:18). Ons kan nie in eie krag die geringste werk in die Here se koninkryk met vrug en seën verrig, sonder die krag van die Heilige Gees in ons hart nie. Vra Hom vrymoedig vir die volheid van sy Heilige Gees.

GEBED: Here, vandag vra ek U vir die vervulling van u Heilige Gees en ek ontvang dit. – Manie Colyn

‘n Nodige Beproewing

Heb. 12:4-12: "Wanneer ons getug word, lyk die tug op daardie oomblik nie na iets om oor bly te wees nie..." (vs. 11).

'n Wyksouderling doen eendag by een van sy wyksmense huisbesoek. Net die vrou is tuis. Sy is hewig ontsteld. "Maar, Oom, is ek dan die grootste sondares in die wêreld? Is ek die slegste mens op aarde dat al hierdie bitter dinge so gelyk oor my moet kom? Het God my dan heeltemal vergeet?" Hy luister 'n rukkie nadenkend hoe sy haar beproewinge vir hom vertel.

"Nee, Suster," antwoord hy toe sy snikkend ophou met praat. "al die bitterheid is juis deur God toegelaat om oor jou te kom om jou nader aan Hom te bring.

Kyk, laat ek jou van my ryperd vertel. Ek het regtig 'n eersteklas dier. En hy kan so goed spring! As ek op my plaas van een kamp na 'n ander wil gaan, het ek nie nodig om nog na die hek toe te ry nie, hy spring sommer maklik met my oor die heining. Maar nou kan ek hom, as ek afsaal, nie in die kamp hou nie. Hy spring eenvoudig oor die heining, en as ek hom dan nodig het, is hy wie weet hoe ver in die veld. Maar nou het ek 'n plan gekry. Ek het 'n blok hout aan 'n dun ketting vasgemaak, en sodra ek afsaal dan gespe ek dit aan sy agterpoot vas. Dit is seker nie lekker vir hom nie, maar dit verhoed dat hy oor die heining spring. So gaan dit met ons arme sondaars ook. Ons is ook maar baie lief om oor die verbode mure en heinings te spring. En dan, as die Here ons nodig het, is ons ver  weg op die pad van sonde en kan Hy ons glad nie gebruik nie. Maar nou, in Sy tedere maar strenge liefde, sorg God dat ons almal die blok om die been kry. Dit is die swaar beproewings wat oor ons kom. Dit mag nie vir ons lekker wees nie; maar nou bly ons naby Hom, en is ons in Sy sorg en tot Sy beskikking as Hy ons nodig het."

Koning Dawid het baie beproewinge en tugtiginge gehad, maar hy het naby God gebly, en watter rykdom is daar nie vir ons in die vrug daarvan, die Psalms, nie. Sy seun, Salomo, het net seëninge ervaar, maar na hy 'n ruk lank goed geloop het en vir ons ook 'n ryk skat van Spreuke nagelaat het, het hy 'n afgodsdienaar gesterf, as gevolg van die verleidinge van sy menigte vroue. Paulus het die Here altyd geloof vir sy "doring in die vlees" (wat nie ‘n siekte was nie). "Daarom, sodat ek nie hoogmoedig sou wees nie, is daar vir my 'n doring in die vlees gegee...Drie maal het ek die Here gebid dat dit van my af weggeneem moet word. Sy antwoord was:'My genade is vir jou genoeg..." (2 Kor.12:7-9). Die Here weet die beste hoe om ons naby Hom en bruikbaar vir Hom, te hou.

As ‘n skaap of ‘n bok uit die trop spring en weghol, dan gaan haal die skaaphond hom. As die dier moedswillig weier om terug na die kudde te gaan, sal die skaaphond byt en so die dier terug na die kudde dwing.

GEBED: Here, vandag dank ek U vir my beperkinge.

Die HERE kan die koning se gedagtes verander…

In Rigters 6:1 sê God aan Gideon: Maar, toe die kinders van Israel gedoen het wat verkeerd was in die oë van die Here, het die HERE die kinders van Israel oorgegee in die hand van die Midianiete – sewe jaar lank!
          Sewe jaar lank! Dis mos nie nodig om langer vrae te vra nie. Ons eie situasie moet vir ons mos nou meer duidelik wees as ooit te vore.
          Dit lei geen twyfel nie dat die Skrif verwag dat die Christen hom moet onderwerp aan die Owerheid wat oor hom aangestel is.
          So, loof die HERE, bid vir die owerheid, dien die HERE. Alles is nog lank nie verlore nie. Dit lyk maar net so.
          Die prentjie word verder ingekleur wanneer God ons verbied om te vergeld. God sê dat Hy ‘n jaloerse God is en dat die wraak Hom (alleen) toekom.
          Met ander woorde, terwyl ons wraak wil neem met allerlei verset en optredes, staan God terug, want ons probeer doen wat God sê Sy eksklusiewe reg is. Die Christen moet sy verstand afskakel sodat hy kan hoor wat die Gees van God aan hom wil sê.
          Wanneer die HERE sê dat Sy Liggaam vir die regering moet bid, dan is dit ‘n opdrag wat eenvoudig uitgevoer moet(!) word, al lyk dit ook hoe moeilik. As daar nie vrede in die land is nie, dan is dit heel waarskynlik omdat die Liggaam nie vir die regering bid nie.
          Daar is Christene wat die regering wil verkla by die Internasionale Menseregtekommissie, en by die VN en by ander internasionale liggame. Nie een van hierdie liggame is in beheer van die koning nie.
          Die HERE is in beheer van die koning. In Spreuke 21:1 lees ons: “Die koning (staatspresident) se hart is in die hand van die HERE soos waterstrome; Hy lei dit waarheen Hy wil.”

·       Die nuwe vertaling lees: “Die HERE kan ‘n koning se gedagtes net so maklik beheer soos water in ‘n leivoor en dit stuur in die rigting wat Hy wil!” Skitterend!
               Die HERE het ook die gedagtes van John Newton, ‘n slawehandelaar,
      in die middel van die oseaan te midde van ‘n ontsettende stormsee verander.
               Newton het die wedergeboorte deelagtig geword en sy skip vol slawe
      omgedraai en hulle in hul tuisland in Oos-Afrika gaan aflaai. Newton het
      later ‘n Presbiteriaanse predikant geword. Hy het teen die slawehandel begin
      preek en William Wilberforce beïnvloed om die slawehandel in Brittanje
     en die kolonies af te skaf.
               Newton het die lied “Amazing Grace” gekomponeer. Op sy sterfbed het hy gesê: “Ek is steeds in die land van die sterwendes, maar ek sal binnekort in die land van die lewendes wees.”
So, kom maar gerus jou plig en opdrag na en bid vir die Owerhede. Hulle dink maar hulle is in beheer. Die waarheid is dat die Christendom in beheer van die wêreld is, en dit onder Leierskap van die Almagtige GOD.
          Luister wat sê Psalm 149 oor “Lofgesang en Oorlogswaard”:
       
Halleluja! Sing tot eer van die Here ‘n nuwe lied,
Sy lof in die vergadering van die gunsgenote!
Laat Israel hom verheug in sy Maker;
Laat die kinders van Sion juig oor hul Koning!
Laat hulle Sy naam loof in koordans,
Hom psalm sing met tamboeryn en siter.
Want die Here het ‘n welbehae in Sy volk;
Hy versier die ootmoediges met heil.
Laat die gunsgenote juig in heerlikheid;
Laat hulle jubel op hul bedde.
Lofverheffinge van God is in hulle keel,
en ‘n tweesnydende swaard in hulle hand;
Hoekom?
Om (sodoende) wraak te oefen onder die heidene,
strafgerigte onder die volke;
om hulle konings met kettings te bind
en hulle edeles met ysterboeie;
Hoekom?
om ‘n vonnis wat opgeskrywe is,
aan hulle te voltrek.
‘n Eer is dit vir Sy gunsgenote!
Halleluja!

“Nie deur krag of deur geweld nie, maar deur my Gees, sê die HERE van die leërskare.” Sag. 4:6
Dat die HERE op soek is na voorbidders maar hulle selde vind, word weerspieël in die pyn van Sy uitroep deur Jesaja:
          Hy het gesien dat daar niemand was nie en Hom verbaas dat niemand tussenby tree nie,”
          En sy teleurgestelde protes deur Esegiël:
          Ek het onder hulle ‘n man gesoek wat ‘n muur kan bou en voor My aangesig in die bres kan staan vir die land…  maar Ek het niemand gevind nie.
Laat die Lofsange oor berg en dal aangerol kom!  — Sjibbolet