Die Roos van Saron
Daar is soms twis oor presies wanneer Christus gebore sou gewees het, maar wat maak dit saak, solank ons dit gedenk. En ten minste word dit wêreldwyd gedenk, ten spyte van antichristelike aanslae.
Ons moet net nie die fout maak om ‘n Kersfees daarvan te maak nie, maar wel ‘n Christus-fees!
Die baba wat bykans 2 000 jaar gelede in ‘n stal in Bethlehem gebore is, was geen gewone baba nie. Hy was die onverganklike God! Wonderwerke was deel van sy lewensbestaan. Sy dood en opstanding was die grootste wonder ooit. Sy geboorte, sy sterwe, en Opstanding, Sy Hemelvaart en sy Weerkoms hou alles verband. Ons durf nie die een sonder die ander een gedenk nie.Die Roos van Saron - https://www.youtube.com/watch?v=gsebGl3_yMs
Hy oorwin Sy vyande deur liefde. Hy was die voete van die man wat Hy weet gaan Hom verraai. Hy eet saam met die skelm belastinggaarder. Hy oornag by die skelm tollenaar. Hy vereer ‘n sondige vrou wat deur die owerspel verwerp is.
Ken ons Hom? Hoekom volg ons dan nie in Sy voetspore nie.
Hy is die Alpha en die Omega. Sy geboorte het hoop aan ‘n verlore wêreld gebring. Sy dood het Lewe gebring; Sy opstanding die bewys van die Ewige Lewe.
Sy Wederkoms – wat beslis gaan plaasvind en dalk gouer as wat meeste verwag – gaan reg en geregtigheid laat geskied en die onreg verdelg.
Nee, Hy was, en is beslis geen gewone man nie. Hy is die Seun van die Lewende God! Ken jy hom? Dis Hy wat die gebroke harte heel:
Want so sê die Hoë en Verhewene wat in Ewigheid woon – Heilig is Sy naam: Ek woon in die hoogte en in die heilige plek, maar Ek woon ook by die verbryselde en nederige van gees. – (waarom?) Om te laat herlewe die gees van die nederiges en te laat herlewe die hart van die verbryseldes. – Jes. 57:15.
Ja, Hy wil ook jou gees laat herlewe en jou gebroke hart heel.
Sy geboorte het ‘n koning laat steier. Dit het die wyse manne inspireer om oor ‘n ver afstand te reis. Dit het ongewone verskynsels in die Hemele veroorsaak, en die Skrifgeleerdes omgekrap.
Hy het die nederiges geseën en groot blydskap aan hulle besorg. Hy het gedoen wat Hy gesê het: “Geen mens kan my lewe van my wegneem nie. Ek lê dit vryelik af.” En so was dit. Niemand kon Hom doodmaak nie en niemand het Hom doodgemaak nie. Hy het self sy lewe afgelê, soveel so dat toe die Hoofman oor ‘n Honderd dit sien gebeur, het hy hom boeglam geskrik en gesê:
“Waarlik, dit is die Seun van God!”
Die baba wat in die krip gebore is en op die kruis gesterf het, was beslis geen gewone man nie.
Vir die medici is Hy die Groot Geneesheer.
Vir die botaniër die Roos van Saron.
Vir die astroloog, die Helder Morester.
Vir die juwelier, die Pêrel met die Groot Prys.
Vir die geoloog, die Rots van die Eeue.
Vir die opvoedkundige, die Lig van verstandelike ontwikkeling.
Vir die vistermanne, die Visser van Mense,
Vir die seeman, die Kompas van die Lewe.
Vir die Bakker, die Brood van die Lewe.
Vir die dorstige, die Water van Lewe.
Vir die eensame, die Getroue Vriend.
Vir die wat gebroke van hart is, die Heler van die Gebroke Harte.
Hy oorwin Sy vyande deur liefde. Hy was die voete van die man wat Hy weet gaan Hom verraai. Hy eet saam met die skelm belastinggaarder. Hy oornag by die skelm tollenaar. Hy vereer ‘n sondige vrou wat deur die owerspel verwerp is.
Ken ons Hom? Hoekom volg ons dan nie in Sy voetspore nie.
Hy is die Alpha en die Omega. Sy geboorte het hoop aan ‘n verlore wêreld gebring. Sy dood het Lewe gebring; Sy opstanding die bewys van die Ewige Lewe.
Sy Wederkoms – wat beslis gaan plaasvind en dalk gouer as wat meeste verwag – gaan reg en geregtigheid laat geskied en die onreg verdelg.
Nee, Hy was, en is beslis geen gewone man nie. Hy is die Seun van die Lewende God! Ken jy hom? Dis Hy wat die gebroke harte heel:
Want so sê die Hoë en Verhewene wat in Ewigheid woon – Heilig is Sy naam: Ek woon in die hoogte en in die heilige plek, maar Ek woon ook by die verbryselde en nederige van gees. – (waarom?) Om te laat herlewe die gees van die nederiges en te laat herlewe die hart van die verbryseldes. – Jes. 57:15.
Ja, Hy wil ook jou gees laat herlewe en jou gebroke hart heel. – Wekroep
Preview YouTube video Jesus, Rose of Sharon
