‘n Gelowige moeder van drie skryf: “Ek droom iemand gee my ‘n wit koevert met ‘n dokument in. Ek lees dit nie en steur my nie verder daaraan nie. Ek word wakker en duidelik sê ‘n stem: ‘Was jou gesig.’
“Dit kon ek glad nie begryp nie, maar gaan was toe maar my gesig. Ek sou dit mos in elk geval gedoen het. Ek verstaan nie wat aangaan nie, maar dalk kan oom help?”
Die vorige dag het die moeder vertel: "Alhoewel sy voltyds in die Bediening is, sukkel sy met stroomop gedagtes... Sy glo nie sy is goed genoeg vir die werk van die HERE nie. Sy is ook onbemind en ‘n swak ma, dat sy verdien om sleg behandel te word.” Julle ken daai gedagtes.
En die oom skryf terug: “Die HERE sê in Matt 6:17 ‘Maar jy, as jy vas, salf jou hoof en was jou gesig.’
Hoekom? ‘sodat jy nie die mense laat sien dat jy vas nie, maar jou Vader wat in die verborgene is; en jou Vader wat in die verborgene sien, sal jou in die openbaar vergeld.’ Matt 6:18
M.a.w. moenie beswaard en met ‘n lang gesig jou innerlike verraai nie. Moenie ‘n smartvraat wees nie. Jy het nie mense se simpatie nodig nie. Laat niemand ooit agterkom jy het probleme nie.
‘Doen wat die Engelse uitdrukking sê: Face the music, en glimlag. Jou gesig verraai jou en as iemand iets agterkom, vertel mens, en dit moet mens nooit doen nie. As jy dit eers begin doen, vertel jy vir die volgende en die volgende en so versuur jy jouself en jou hele dag. Dan gryp depresie jou wanneer jy besef, dat na alles, het jy niks bereik nie.
Nee, was jou gesig!
Natuurlik mag jy iemand vra om saam met jou in gebed te staan oor ‘n saak... soos in ‘bid vir mekaar en dra mekaar se laste.’ Gal 6:2 en Jqk 5:16. Wag geduldig totdat die HERE jou wys wie jy moet vra.
Niemand, nie of jy of enigiemand, praat met die HERE endie HERE weet nie daarvan nie. Luister wat sê Hy: “Jou Vader wat in die verborgene is; en in die verborgene sien, sal jou in die openbaar vergeld.”
‘As jou gesig jou verraai en jy begin rond vertel, maak een appeltjie die hele sak vrot.’
Toe begryp die moeder haar droom: Die wit koevert met die briefie in, is deur ‘n Engel afgelewer. Dit het gelees: “Was jou gesig.” – Wekroep
